|
انا اتعس انسانه فى الدنيا...............!!!!!!
انا مش عارفه ابداء منين بس اللى بيحصلى كتيييييييييييير بجد انا مخنوقه ومش عارفه اعمل ايه بس الحكايه وما فيها انى هتخطب يوم الخميس اللى بعد اللى جاى وغصب عنى يعنى خطوبه بالاكراه وهو قريبنا (ابن خاله ماما) وانا مش بايد جواز القرايب انا مخنوقه ومش عارفه اتصرف قولولى اعمل ايه حد يلحقنى فى اى حد ممكن يققولى عشان بجد انا خلاااااااااااااااص ومحدش قادر يسمعنى ولا يفهمنى من اهلى يعنى انا خلاص عيشه فى نار مش عارفه اعمل حاجه انا حاسه انى مشلوله وتفكيرى مشلول وقلبى قرب يوقف واهلى محسسنى انى عندى 28 سنه مش18 والله حرام بقى وعمالين يقولولى اللى نعرفه احسن من اللى مانعرفهوش واهو مننا وعلينا وعرفينه وهيحترمك ومش هيهينك مححسنى انى لو ارتبط بواحد غريب هيموتنى بجد انا على اخرى من الموضوع ده انا مش عارفه اعمل ايييييييييييييييييه وهل هنا هلاقى حد يفهمنى ويسمعنى ويساعدنى ولا زاى البيت لاحياه لمن تنادى:confused::confused::mad::mad: :mad::mad::mad::mad::(:(:(:( |
ممكن يكون عندك حق ..وليكى الحق انك تقولى مش بتحبى جواز الاقارب ...وفى بعض العائلات بتكون عندها البنات ماتخرجش بره عيلتنا
وانا اول الاجازه حضرت خطوبه واحده صحبتى نفس موقفك ..مع ان هما اغنيه ماشاء الله وعيلتهم محترمه ماشاء الله بس عندهم مبدا ان البنات ماتخرجش بره العيله وبعدين الموضوع خطوبه بس يبقى خلاص ..لانكم ممكن ماتتوفقوش فى فتره الخطوبه دى ...بس لو هو انسان محترم وكويس ماتحوليش تصطنعى المشاكل ...وماتخفيش وتقلقى نفسك وتقولى ان ده بقى مصيرى لان لسه فيه فتره خطوبه |
اظن انك لازم
تخلى حد من عائلتك يكون بيحبك وعاوز يساعدك يكلم والدك ووالدتك لإنك لواحدك مش هتعرفى تحلى الموضوع مثلاً عمك او عمتك او خالك يكون بيحبك وموافق على اللى انت بتقوليه يروح لوالدك ويقنعه ويقوله ان ده اصلاً لا يجوز الزواج بالغصب ده حرام ويقول له عما كان يفعله العرب الكافرين انهم كانوا يشاورون بناتهم فى الزواج كما حدث مع السيدة خديجة يبأه احنا المسلمين نغصب على ابائنا |
انا مش عارف مستعجلين ليه طيب
مانتى لسه هتخلصى تعليم ولسه بدرى العادات دى موحوده فى بيوت كتيرة اوى فى مصر ومش لاقيين ليها حل ربنا معاكى يا ديرو ويصبرك |
اقتباس:
بصى يا بسمله هو كويس ومحترم جدا واى بنت توافق عليه بس المشكله انى ضدد جواز القرايب وانى مش مرتحاله نفسيا وشكورا لمروك وتفاعلك معايا وربنا يستر |
اقتباس:
انا عيلتلى كلها اتخلوا عنى بما فيهم عمتى وبنتها اللى كانوا اكتر ناس بحبهم اتخلو ا عنى عشان خالت ماما زاعت فى العيله انى اتخطبت وهما لسه بيتكلموا ازاى يعنى ده يحصل ومعزمش حد وانا لسه اصلا مافيش حاجه حصلت لكن خلاص هيحصل قريب يارب ارحمنى :(:(:mad::mad: |
اقتباس:
يارب العادات ديه تتغير والمجتمع كمان يتغير بجد انا اتخنقت ربنا يسمع منك يارب |
بجد ربنا معاكى
المنتدى كله على فكره لازم يفكر معاكى فى المشكلة دى عيب علينا نسيب اخت لينا فى محنا زى دى |
معلش انا والله مش عارفه اقولك ايه
نصيبك هيصيبك بس هل انتى مرتبطة عاطفيا بحد تانى اصل لو انتى مش مرتبطة بحد يبقى فكرى شوية فى اللى متقملك ده تانى يمكن يطلع كويس بس المشكلة انه قريبك و كمان انتى صغيرة شوية و الله انا عايزة اطبطب عليكى دلوقتى اختك ايرث |
اقتباس:
بجد ربنا يخليك وانا عملت الموضوع ده عشان انا بعتبر المنتدى كله اخواتى واخوانى |
انا على فكره بفكر فى الموضوع ده وهسألك فيه ناس النهارده ان شاء الله متخصصين فى حل المشكلات
|
اقتباس:
بجد انا بعتبركوا كلكوا اخواتى وعلى فكره هو اكبر منى بتسع سنين يعنى من نسبالى كبير اوى ومن قريبنا يعنى حوسه وشكرا على تعاطفك معايا يا اختى يا ارث |
اقتباس:
بجد ربنا يخليك يارب ويجعله فى ميزان حسناتك بجد انا متشكره ليك جدااااااااااا ومش عارفه اقولك ايه ربنا يوفقك ويجازيك كل خير ان شاء الله |
تعاطف ايه بس ماتقوليش كده
دا احنا اخوات المشكلة انى مش عارفة اساعدك ازاى والله مش عارفة طيب بصى سيبينى اسالك كده ويارب اوصل لنتيجة |
بس يا ديرو انتى قولتى انه محترم واى بنت توافق عليه . يبقى كدا المشكله مش فى الشخص نفسه . المشكله فى جواز القرايب
هما مش هيجوزوكى دلوقتى دى خطوبه وممكن يستنوا بعد ما تخلصى تعليمك وحاولى تقعنيهم بكدا وبالنسبه لجواز القرايب لو فكرتى فيه ممكن تلاقيه احسن بكتير لانك هتتجوزى شاب موثوق منه ومحترم وانتى ممكن تكونى فاكره ان كدا وحش وزعلانه جدا ورافضه الطريقة دى بس ممكن تكونى الى رفضاه دا احسن بكتير وهاسيبك مع ايه من القران الكريم تفكرى فيها {}وعسى أن تكرهوا شيئاً وهو خيرٌ لكم وعسى أن تحبّوا شيئاً وهو شرٌّ لكم{} وحاولى تهدى نفسك شوية وتصلى صلاة استخاره وان شاء الله الى فيه الخير هيتم |
اقتباس:
ماشى موافقه وشكرا ليكى يا ايرث وبجد انتوا فعلا اخواتى واخوانى اسالى |
بصى هقولك على حاجه
زى انتى ما قولتى هو راجل محترم أوى وأى بنت تتمناه حكاية انك ضد جواز الأقارب ده مش مبدأ دينى مينفعش نحيد عنه لا عادى فى حالات كتيره فيها جواز الأقارب ناجح جدا عندى حالة شخصية والحمد لله ناجحة جدا لو خايفه من مشاكل الجينات العلم بيحل الموضوع ده دلوقتى وبيقدر يتنبأ ان ان شاء الله مفيش مشاكل جينية ثالثا حكاية السن 9 سنين مش فرق كبير اوى هو فرق بس مش كبير اوى انا اعرف بنت فضلت واحد اكبر منها عشر سنين على واحد فى نفس سنها رابعا وده الحل صلى صلاة استخارة وتوكلى على الله ولو الموضوع فيه خير ربنا هيتتممه بإذن الله ويبقى انتى الكسبانه ولو فيه شر يبقى ربنا مش هيتمه بإذن الله لو الحل ده مش هينفعك ومعندكيش أى استعداد تتقبليه بأي شكل من الأشكال فى حل من اتنين الأول إنك تروحى تكلمى الشخص ده وتعرفيه موقفك من الجوازة دى وتعرفيه انك بتحترميه وبتقدريه وان المشلكة مش فيه هو شخصيا لكن فى مبادئك وفرق السن وحكاية انك ضد جواز الاقارب ولو هو راجل محترم زى ما بتقولى مش هيوافق يرتبط بواحده مش عايزاه والتانى بقى زى ما قالت بسمله دى خطوبة خدى فترة الخطوبة يمكن يعجبك ولو معجبكيش مش هقولك تعملى ايه علشان تخليه هو يفركش الخطوبة دى انتى بنت وعارفه ممكن تعملى ايه كويس اتمنى اكون افدت بس انا برجح الحل الأول خالص توكلى على الله |
اقتباس:
ان شاء الله بس لما الواحده بيتقدملها حد مش بتوافق وخلاص لازم يكون حتى فى ارتياح وده مش موجود |
اقتباس:
لكن كل اللى انت قولت بعده صح ميه فى الميه |
اقتباس:
لو محصلش ارتياح بينكم خلاص يبقى مفيش نصيب لكن ادي لنفسك فرصه تتعرفى عليه اكتر وان شاء الله خير المهم بقى انتى خرجتينا برا الموضوع خالص انتى حاطه الموضوع فى قسم الاهداءات والمناسبات المفروض بقى نفرحك شوية ونخليكى تنسى و كلها يومين هنباركلك على الخطوبة باذن الله |
طبعا انا مش عارف اقولك ايه
بس انتي فعلا شكلك مرتبطة عاطفيا بواحد تاني زي ما قالت ايرث و علشان كده انتي رافضة الخطوبة دي و مش قبلاها بتاتا ممكن لو انتي قولتي كده لقريبك حيراعي شعورك بجد بس تكلمي الشاب ده انو يتقدملك بمجرد انو الخطوبة دي تتعمل او ممكن تخليه يتقدملك قبل ميعاد الخطوبة و يكلم حد من اهلك و ممكن يراعوا شعوركم |
اقتباس:
ان شاء الله انا هحاول وربنا هو اللى عالم وربنا يقدم اللى فى الخير بس بجد انا مش عارفه ليه كده انا كل لما بشوفه بتعب بيجيلى صداع مش قادره اوصفه وببقى فى دنيا تانيه تايهه ببقى تعبانه واكنى مش شايفه وعندى زهزل كده معرفش ليه وببقى مخنوقه حد يقدر يفسرلى ده لانى احترت بجد |
ؤبنا يعينك ... بجد انا مش عارف اقولك ايه ... بس ربنا يقدم ليكي اللي فيه الخير
|
اقتباس:
ربنا يهدينى ان شاء الله |
اقتباس:
انا كنت مرتبطه بس خلاص بقى ربنا يسهل |
اقتباس:
ولا اقول ايه لباقى اخواتى بجد ربنا يخليكوا ليا |
انا شايف ان المشكلة انها مش جواز قرايب او اي حاجة متهيالي انها مشكلة قبول وشايف انك مش متخيلة انك ممكن ترتبط بالشخص ده انا شايف الحل انك تتكلمي معاه تعرفيه انك مش عايزة ترتبطي دلوقتي ولو هو زي مانتي بتقولي يبقي اكيد هيتفاهم معاك ويحل الموضوع |
اقتباس:
..وكمان ده ممكن يعمل مشاكل فى العيله |
انا جالى فكره حلوه برده
هى ممكن تكلم الشاب ده وهو اكيد هيقدر الظروف وتقوله انها مش عاوزه ترتبط ولا تتجوز دلوقتى مش لأى سبب ولكن ان مش بفكر فى كده دلوقتى |
اقتباس:
جيبت المفيد وكمان انا رافضه جواز القريب يبقى اروح اتجوز من العيله بس صعب انى اقوله كده او افهمه لانى عمرى ما اتكلمت معاه مع انه قريبى بس عمرنا ما اتكلمنا اقتباس:
اه يا حببيبتى المشاكل بدأت فى العيله من قبل ما يحصل حاجه اصلا |
بصى يا حبيبتى المشكله مش فى محترم ولا كويس
عادى جدا ممكن يكون محترم وكويس بس انا مش مرتاحه له نفسيا عندك حق ومن حقك انك تختارى حد مرتاحه له بس برضه اكيد اهلك عايزين راحتك وهما شايفنها مع الانسان ده مش نقدر نعتب عليهم خالص فانتى حاولى تتكلمى معاهم بالراحة خالص وبكل هدوء معلش حاولى تانى ولو مش اقتنعوا انتى ممكن تتكلمى مع الشخص ده وتقولى له انا عارفة ان انت حد كويس ومحترم بس انا مش مرتاحة (عادى جدا) واكيد هو لو بالمواصفات اللى انتى قلتى عليها هيفهمك كويس وممكن هو اللى يطلب انه يلغى الخطوبه(ده لو انسان متفهم) لو بقى كل المحاولات دى مجبتش نتيجه يبقى سبيها على ربنا وتاكدى ان ربنا بيحبك وعايز لك الخير دايما وممكن بعد ما تتجوزيه ترتاحى معاه جدا عكس ما انتى كنتى متخيله وبامانة انا نصحتك كاختت ليا وانا لو مكانك هعمل اللى انا قلت عليه ده بالظبط ربنا معاكى يا قمر |
اقتباس:
يا محمود انا عمرى فى حياتى ما اتكلمت معاه اصلا مع انه قريبنا يبقى ازاى اتخطبله كده وحاولت اقنعهم انى مش بفكر فى الارتباط وكده ولا اكنى بتكلم اصلا لا حياه لمن تنادى انا عمرى فى حياتى ماتخيلت ان يحصلى كده وعمرى ماتخيلت ان ماما تبقى مش فهمانى خالص بالشكل ده |
الحل ان شاء الله في رسالة خاصة
|
اقتباس:
:(:(:(:(:(:(:(:(:(:(:(:(:(:( |
بصي بقي انت تشوفيلك كام واحد من العيله ...يكون ابن خاله والدتك ده مش بينزلهم من زور....ويجو يكلمو بباكي ومامتك براحه كدا ...ويفركشو الخطوبه دي
|
اقتباس:
انتى جيبتى المفيد هو مش معنى انه كويس يبقى لازم انى ابقى مرتاحه بس انا بحاول والله ارتاح واخد الموضوع بشكل تانى بس مش قادره وربنا اعلم بقى ربنا يحلها من عنده |
اقتباس:
فكره بردو واهيه العيله تولع اكتر ماهى مكهربه اصلا ربنا يسهل |
اقتباس:
مشكوره اختى على اللى قولتى بجد ربنا يجزيكى كل خير ويجعله ان شاء الله فى ميزان حسناتك |
ها المشكلة لقيتى الحل مع فى كلام ( د.نبض الأمة ) ولا ايه ؟؟
|
بصى يا حبيبتى
انا شايفه ان رفضك لجواز القرايب يعنى ممكن يكون اكتر من اللازم شويه ممكن يكون عشان انتى مش متقبله الشخص ده بس مش كل الجوازات دى بتفشل بالعكس ممكن يبقى جواز ناجح جدا لو فيه تفاهم بين الطرفين وبعدين مينفعش متكلميش معاه دى حياتك ولازم تخططى لها بنفسك وبعدين انت مقلتيناش هو موقفه ايه يعنى هو مرتاح لك وفرحان ولا هو كمان نجبر انا رأى انك لازم تتكلمى معاه بس مش بسرعه يعنى عشان الوقت بس مش من اول مره تقوليلى انك مش عايزاه مش يمكن لما تتكلمة معاه فى مواضيع مختلفه يعجبك ولو معجبكيش يبقى تفهميه الموضوع ومادام هو محترم وكويس معتقدش انه هيقبل يفرض نفسه عليكى.وبعدين مش يمكن اما تتكلموا مع بعض انتى الى متعجبهوش وتيجى من عنده ولو منفعش انك تعطلى الموضوع قبل الخطوبه متأزميش نفسك اوى عشان فتره الخطوبه طويله وتقدرى بعد كده تسيبيه لو عايزه بس اهم حاجه تقنعيهم ان مفيش جواز قبل ما تكملى تعليمك وربنا معاكى يا حبيبتى |
بصي انا هقولك حاجة الخطوبة مش يعني جواز ممكن اووووي الموضوع يتفركش بعد الخطوبة انتي كملي عادي يمكن ترتاحي معاه ويقدر يسعدك ولو محصلش تقدري ومش عيييب ابداً تقولي انا مش قادرة اكمل في الموضوع ده وصدقيني ساعتها اهلك هيقتنعو لأنهم دلوقتي مش شايفين سبب مقنع لإعتراضك على الشاب . وإذا كنتي رافضة حكاية جواز القرايب عشان الامراض والحجات دي فأنا بطمنك في قانون الجواز الجديد حاجة أساسية لإكتمال العقد ان يكون في فحوصات قبل الزواج وساعتها انتي هتطمني ولو بعد الشر كان في حاجة تسبب مشاكل في المستقبل فإنتي من حقك ترفضي تكملي .. بس انتي متضايقيش نفسك ومتضغطيش على نفسك بحاجة وخلي دايماً في بالك (لن يصيبنا الا ماكتب الله لنا) وكمان (عسى ان تكرهو شيئاً وهو خيرٌ لكم ) وربنا يسعدك ياقلبي واحنا كلنا جنبك وربنا اهم من الجميع جنبك يوريكي لمراشد الامور.. ومتنسيش صلاه الاستخارة .. |
بجد انا متشكره على وقفكم جمبى
جداااااااااااااااااا وارئكم كلها بجد ريحتنى كتير وانا قررت مع د : نبض الامه انى هكمل للخطوبه ولو ما ارتحتش خلاص يبقى من حقى ما اكملش وطبعا مافيش جواز قبل لما اخلص تعليمى وشكرااااااااااااااااا الف الشكر ليكوا بجد وجزاكم الله كل خير ان شاء الله |
قلبي معاكي والله يا هدييييييييييييييييييييييير بس انا عندي راي
بس لازم تكون شجاعه فيه انتي لازم تكلميه وتقوليله اني بجد مش عايزه اظلمك معايا ومش مرتاحه معاك وهو لو شهم وجدع هخلص الموضوع من غير ما حد يعرف حاولي تشوفي اللي بقولك عليه ما كنشن كده استني بقي فتره الخطوبه وربنا معاكي يا رب |
يا ابراهيم هو اصلا عمره ما اتكلم معايا
ورافض انه يتكلم معايا غير والدبله فى ايدى يعنى انا هروح اجيبه من بتهم واقوله انا لازم اتكلم معاك لاء مش هينفع اكيد هيقولوا هما كلام مش كويس فى حقى فا انا سلمت امرى لله وهشوف وهستنى لبعد الخطوبه وربنا يحلها بقى من عنده وشكرا ليكوا بجد |
مش عارف ياديرو اقولك ايه
بس انت عارفة انا بجد معرفتش اساعدك أنا اسف بجد انى معرفتش اساعدك |
بصى يا ديرو انا مش عايزاكى تزعلى ولا تبوظى اعصابك انا حقول لك على حاجة ويا رب تفيدك بصى انا عندى حلين ..الاول:انك تشيلى فكرة جواز القرايب دى من دماغك يعنى قريب من غريب مش حتفرق المهم يكون بيحبك ويبقى مخلص ليكى يعنى حاولى تشيلى الفكرة دى من دماغك واعتبريه واحد عادى اتقدم لك واتعاملى من الاساس دة..يعنى اتعاملى معاه على ان هو خطيبك عادى وحاولى تقربى منه وتحبيه وربنا يقم اللى فيه الخير..الحل التانى :لو انتى مش طيقاه اوى يعنى خلاص اسمعى كلام اهلك وقضيها خطوبة انتى مش خسرانة حاجة وبعد شهر ولا اتنين قولى لاهلك انا مش عرفة اتأقلم معاه وطلعى لهم فيه عيوب.....المهم ما تضيقيش نفسك ولا تزعلى خالص وخدى الموضوع ببساطة وكل حاجة حتتحل ان شاء الله ..وبعدين كل واحد بياخد نصيبه وربنا يسهل لك الحال ويبعت لك نصيبك اللى انتى عيزاه وربنا معاكى
|
بصي ياحلوة...انا ممكن اقلك حل...
انتي ممكن تتكلمي معاه بصراحة.."ابن خال مامتك".. وتقوليلو انك مش بتأيدي موضوع الجواز من العيلة دا ولو هوا محترم واخلاق زي مانتي قلتي يبقا اكيد هيفهم شعورك ويحاول ينهي الموضوع من عنده وتقنعيه انكم مش هتقدروا تتفاهمو لو استمر الموضوع.. وربنا معاكي وانشاء الله مفيش حاجة عصب عنك هتحصل وبردو خلي في حوار بينك وبين بباك وحاولي معاه .. وهدي نفسك ومتضغطيش على اعصابك اكتر من كدا الموضوع هيمشي مع نفسه... اخـ a7la dody ــتك...... |
هما كلمتين
إذا كنتى مقتنعه بأنكى لا تحبيه ولا تقبليه فصارحى أهلك وأخبريهم بأنك لن تكونى له مهما تكون النتائج وأنكى من ستعاشريه وليس هم وربنا يعينك على بلائه |
اقتباس:
لا ولا يهمك يا احمد ده قدر ومكتوب |
اقتباس:
بصى يا دودو انا شلت كل حاجه من دماغى اصلا عشان انا ولا حققت حاجه من اللى كنت عيزاها وراضيه وبقول الخير ربنا هو اللى عارفه هيجى منين بس فى الموضوع ده عارفه لما تلاقى ان كل اللى حوليكى فرحان ومبسوط بس انتى لاء مع ان الموضوع يخصك انتى هو ده حالى بالظبط والله ماما وبابا صعبوا عليه لما لقتنى ببوظ فرحتهم بس اعمل ايه مش بايدى مش عارفه اخبى زعلى وبحاول انى فى الخطوبه اتعود عليه او احبه بس لحد دلوقتى معرفش ايه اللى هيحصل |
| جميع الأوقات بتوقيت GMT +2. الساعة الآن 07:48 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.