|
الى كل من يحب( بدون مقابل) منتدى الثانويه واعضاءه
السلام عليكم الموضوع دا مش معقوله انا اللى فكرت فيه لوحدى واللى ممكن يكون عمل موضوع زى دا يبقى فعلا خايف خايف ان حاجه من احلامه اتحققت وبعد كدا تضيع منه وهيا ان يلاقى ناس يحبهم ويحبوه وبدون مقابل هنعمل ايه لو المنتدى لقدر الله سقط ومش رجع تانى لكل الناس اللى بتحب المنتدى وبتحب اعضاءه بجد ممكن تعمل ايه لو المكان الجميل اللى احنا فيه دا اتهدم ياترا هنتجمع ازاى تانى اللى عنده اقتراح ممكن يقوله بس يكون واقعى ومعقول انا فكرت فى الموضوع تفكير بسيط بجد حسيت ان ممكن يحصلى حاجه ع الرغم ان ليا اصحاب كتير اوى بره المنتدى بس بجد المنتدى حاجه تانيه ملحوظه ياريت الاداره تقدر انه مش مكانه اقتراحات وحلول ع الرغم انى بقول اقتراح بس دى مش مشكله وبعدين اعتقد ان الركن العام افضل ليه بعد اذن الاداره |
انا هعيط :D ادينى اميلك ;) بص ياخالد انتا يمكن محضرتش المنتدى ده من اكتر من سنة المنتدى كان على سيرفر زبالة ياراجل كان بيقع كل يوم 3 مرات بعد الاكل وكان ممكن يقع اسبوع واتنين وشهر كمان بس انتا عارف كنا بنشتاق ليه اشتياق الحبيب لمحبوبته (حلوة الجملة دى )نعديها بس كنا ايامها بنتجمع على الاميل ونسال على بعض كنت تحس ان فيه جو اسرى بنا كنا اخوات واصحاب كان الكل بيحب بعضه انما صدقنى حاليا فى حاجة بقت غريبة فى المنتدى مبقاش فيه نفس الحب ولا الارتباط بين اعضاءه ممكن اعضاء تغيب ومحدش يسال ولا يفكر فيها اسيل رزق بقالها اسبوعين مبتدخلش المنتدى محدش فكر وقال هى فين ده مثال بسيط بضربه ربنا يرجعها بالسلامة :) |
اقتباس:
مها كانت موجودة امبارح باليل فى المنتدى الحمد لله بس بجد انا مش عارفة ارد اقول ايه بس ان شاء الله المنتدى هيفضل طول ما احنا موجودين وبعدين فى حاجة اخترعوها سموها ميلات;) |
طيب ما احنا ممكن نعمل جروب هنا ع المنتدى ده ونتكلم فيه مع بعضنا
|
اقتباس:
بصراحه انا مش شايف كدا خالص يمكن كان الاول زى مانت بتقول كان فى حب اكتر من كدا يمكن دلوقتى انت شايف الحب قل بس موجود يا اسلام وبعدين يا مان اديلك الميل ازاى انت مانع الرسايل ومش حاطط ايميلك انا حاطط ايميلى وان شاء الله تجمعنا صداقه اعمق من كدا بس على فكره انت برده مقولتش اقتراح |
ذكرتني بشخصين غاليين اوي
ولي عوده |
اقتباس:
هتبقى صعبه الفكره دى احنا عايزين بديل يكون فعلا قريب من حالنا فى المنتدى |
اقولك ع حل
نتفق ع منتدى احتياطى لو ده وقع ندخل ع التانى وهكذا |
اكيد بالايميلات يعنى ..وعموما اى حد عايزه يكلم اى حد مش بيكلمه على المنتدى اكتر من الميل ...
|
اقتباس:
بس على شرط الجروب لو اتعمل هيتعمل امتى او ازاى لو اتعمل من دلوقتى الناس هتسيب المنتدى وتروحله ع العموم اقتراح قد يكون مقبول |
اقتباس:
مانا اقترحت كده على اعضاء قبل كده بس مش وافقوا |
المنتدى ده
ياااااااااااااااااااااه يمشي الدنيا تمشي يقف الدنيا تقف يقع الدنيا تقع انا مرة صحيت يوم لقيت المنتدى واقع..... نمت تاني وحلمت بان المنتدى رجع...صحيت بسرعة اجري على الكمبيوتر اتكعبلت في الفيشة وقعت من على السرير وصحيت و بس |
اقتباس:
يعنى دلوقتى انا بتناقش معاكى فى المنتدى وبحب نقاشك ينفع انى اخد ايميلك حتى لو ينفع مش كله بيعمل كدا اوك يارب تكونى فهمتينى اقتباس:
|
اقتباس:
ههههههههههههههه:p ابقى استغطى يا مان ;) |
موضوعك حلو ياخالد
وحقيقي في اعضاء في المنتدي لازم الاقيهم كل يوم وواخدين مكان في حياتى وفي اعضاء بتمني النت يفصل عندي عشان مشفهمش انا كنت زمان عايز اقترح اننا نعمل شات بوكس في المنتدي ودي هتبقي حاجة حلوة للتعرف علي الاعضاء واسهل من الرسايل الخاصة انما حكاية موضوعك بقي يمكن الفكرة الاحلي اننا نعمل جروب مثلا علي الفاس بوك |
انا شايف ان الاداره مجبره على الدخول ومناقشه هذا الموضوع طبعا وعلى راسهم الادمن استاذ عصام واستاذ اشرف |
والله يا خالد انتا على طول مواضيعك مهمه وجميله جدا
بالنسبه بقى للموقع بصراحه انا استفدت منه كتير ايام الدراسة واتعرفت على اصدقاء كتير فيه ودلوقتى اصلا مش بخش الا المنتدى دا بس فبصراحه مش عارف هنعمل ايه لو وقف دا بعد الشر يعنى |
اقتباس:
|
اولا بجد يا خالد جزاك الله كل خير على الموضوع
فعلا المنتدى ده اكتر مكان حبيته واحترمت كل اللي فيه واعتبرتهم اخواتي وعلشان كدة عمري ما تخيلت ان المنتدى ما يبقاش موجود في يوم يعني وما اكلمشي الناس اللي فيه طبعا بالنسبة للاقتراحات ففكرة الايميلات دي مرفوضة لاننا كبنات مينفعش نكلم ولاد على الميل وكدة بس هو فيه اقتراح هو ممكن يكون اتقال بس هقوله بطريقة تانية وهو انه يكون فيه منتدى تاني او اكتر نفس الاعضاء بص انا شفت مشكلة مرة في المنتدى من فترة كان في عضو بيشتكي من الغاء قسم في المنتدى وكان عاوز يرجعه القسم ده محتوياته لوحدها تعمل منتدى تاني مع افكار تانية الاعضاء يحبوا تكون موجودة والادارة مش موافقة ونعمل منتدى تاني وبكدة احتمال ضعيف ان الاتنين يقعوا يعني ساعتها مش عارفة بقى ابقى افكر في حل تاني اسفة على الاطالة |
نجرى عالاستاذ علطول
انا لما مبعرفش ادخل هنا بروح هناك بس بحس انى تايهة |
مع احترامى لجميع الاراء والاعضاء برضه مفيش شات هيتعمل:) |
اقتباس:
مع احترامي ليك كمشرف اداري وكأنسان بلاش اكمل ......................................... يابني هو صاحب الموضوع قال نعمل شات وعجبي وعارف ان الفرد هيتحذف |
انا مع راي ايه لو وقع نتفق على منتدى تاني نروح عليه وطبعا ضد عمل شات ف المنتدى خالص
|
اقتباس:
انا بس حبيت اقطع السكة على اى حد هيقول نعمل شات :) |
اقتباس:
انا من رايى اى حد يجيب سيرة الشات دا اديله وقف عشان انا اتخنقت وكمان احسن رايى عجبنى فى الموضوع اننا نتفق على منتدى تانى احتياطى;) |
هوا حد جاب سيرة شات يا اسلام
داخالد بيتكلم عن لو الموقع اتقفل يعنى مهو كدا كدا لو الموقع اتقفل الشات هيتقفل دا ان وجد يعنى |
بصراحة انا مفكرتش انى ممكن اصحى من النوم مدخلشى على المنتدى ولا اكلم اصحابى بس لو دا حصل تباة كارثة
والحل يعنى هيباة بالنسبه للبنات الايميل انما الولاد صعبه بس زى ما بعض الاعضاء قالوا اننا نتفق على منتدى تانى ندخله دا فى حالة ان المنتدى يقع |
اربنا يخليكم ماتفكرونيش بالموضوع ده
انا اساسا اما بفتكر الحاجات دى بكون هاموت بجد والله انا بحب ناس هنا اكتر من اصحابى اللى معايا بقالهم سنين بجد لانى مالقتش فيهم الروح الجميلة اللى موجودة فيكم ربنا يخلينا لبعض والمنتدى يفضل علطول موجود . ده اساسا اول واخر تجربة ليا فى عالم المنتديات عشان كده غالى عليا اوى وانا برده مع الاقتراح بتاع اية من الله اننا ندخل موقع تانى ده ان حصل حاجة لموقعنا لا قدر الله |
طيب ايه رأيكم لو عملنا جروب ع الفيس بووك
|
بجد انا مش متخيلة ابدا ان يوم يعدى من غير ما افتح المنتدى واطمن على صاحباتى وعلى كل الاعضاء اللى بجد بحترمهم وبعدين انا فعلا اتعرفت على بنات بجد مش قادرة اوصف روووووعة وتدين والتزام ربنا يخليهم ليا يعنى مثلا انا مش متخيلة ابدا ان يعدى يوم من غير ما اطمن على زوزو و جوليت واية من الله وارق ملاك ولولو وهبة والمشتاقة للجنة ونسمة ونيرة وحنان وغيرهم بنات كتير بس الزهيمر بقى معلش بجد انا بحبكم اوى فى الله ويا رب ما نتفرق ابدا بجد لازم يبقى فيه حل عشان نمنع التفرق بس غير الشات لانى مبدخلوش
|
اقتباس:
انتى كده ماسبتيش حد يا سرسور انا كفاية عليا اتنين بس ارق ملاك وجوليت مش بكلم غيرهم ربنا يخليهملك ومايحرمناش من بعض ابدااااااااا |
اقتباس:
انتى بعته اهداء لما يطلبه المستمعون :D |
هي نوعية المواضيع دي لسه في المنتدى
ربنا يوفقكوا ... |
اقتباس:
منور |
اقتباس:
على فكرة أنا بأيد فكرة الفيس دي ممكن و حتبقى روووووووووعة شكرا ليك يا محمود و شكرا ليكم كلكم على مقترحاتكم أنا فعلا مش متخيل إيه اللي حيحصل لي لو المنتدى لا قدر الله........................ |
اقتباس:
اه والله منور صلاح الدين يا جمااااااااااااااااااااااااعة من الاعضاء ال ليها بصمة فى المنتدى ومن ايام الزمن الجميل:) |
بصراحه معنديش حل لالالالالالا انا مش عارفه هعمل ايه لو المنتدى حصل فيه حاجه انا اكتر حاجه بفتحها هو المنتدى ربنا يجمعنا كلنا ولا يفرقنا ابدا مش معقول يعنى اى حاجه بحبها لازم تروح منى |
أنا أسمى مكتوب ؟؟ اقتباس:
طااااااااااايب :D والله الموضوع كبير زيادة عن اللزوم فعلاً الحب بين الأعضاء قل جداااااااا بقا كل واحد داخل يفرفش شوية وخلاص يعنى مفيش مشاعر طيبة بين الاعضاء زى الأول وكل واحد يمسك للتانى على الواحدة زمان لما حد بيحصله ظروف أو بيمر بظروف صعبة بتلاقى الكل زعل علشانه لكن دلوقتى فى نسبة كبيرة من اللامبالاه بجد فرق شاسع بين أعضاء الزمن الجميل وأعضاء دلوقتى وبتهيقلى إن فى منتديات كتير خاصة بأعضاء مننا وغالباً بنكون كلنا فيها وشكراً على الموضوع :) |
بنورك يا باشا
شكرا يا اسلام وشكرا تيمون |
الحمد لله الموضوع جه بفايدة أهلاً بيك يا صلاح الدين المنتدى نور برجوعك :) |
شكرا على الترحيب يا اسيل
ولو كان الموضوع ده هيرجعني كان ردي هيختلف المنتدى شئ جميل بس مش معقول كل ما نفتحه نلاقي مواضيع فرقة الاحباب والذكرى الهباب والزحف على التراب وايام العذاب يلله مشاعر ايجابية احسن من مشاعر تانية سلامي لكل اعضاء المنتدى والحاضر يعلم الغايب |
فكره الموضوع حلوه اووووووووووى
بجد متخيلتش يوم ان المنتدى يتقفل انا لما النت بيفصل عندى ومبفتحش المنتدى باخد اليوم كله نوم واول حاجه بعملها لما النت بيجى بفتح المنتدى وانا ارفض فكره الشات على المنتدى عشان لو اتعمل شات هتقل قيمه المنتدى وبجد مش عارفه حل بس لازم الاداره تشوف حل للمشكله ده عشان لو حصلت لقدر الله |
ياجماعه انا عضو جديد ..اسمي أحمد...وياريت تقبلوني صديق ليكم....انا بجد بدأت احب المنتدي ده
|
كل الى فيها
ان واحد مثلا زيى زهق بمعنى الكلمة من الى بيحصل وخصوصا من الادارة وعموما ما شاء الله المنتدى كلها اسبوع وهتلاقى ناس مهمين اوى سابوه عددهم يجى اربعة ولا خمسة او ستة على اقل تقدير ربنا يعينك يا خالد هنا |
اقتباس:
بجد والله انا بسمع عنك من احمد رضا كلام كويس جدا ربنا يوفقك فى حياتك |
والله ياخالد
ظروووووووف بتضطر الواحد انه يعمل اكتر من انه يسيب المنتدى بس اكيد هنفضل فكرنكوا طول عمرنا لان الواحد صعب عليه ينسى اخواته |
بجد أنا مش عارف ليه حاسس إنى هعيط يابنى علاقات إيه اللى إنت بتتكلم عنها وناس مين اللى هتوحشك هو فيه حد يعرف حد دلوقتى دا نص المنتدى بيدور على أخطاء النص التانى والمنتدى عباره عن أحزاب بتحاول تطفش الأحزاب التانيه يلا ما علينا اللى يوحشك أو ى إبقى خد إميله :D |
اقتباس:
بتقول الكلام دا بعد اكتر من 8000 مشاركه واضح فعلا انك بتحب المنتدى يا مان :) |
اقتباس:
مين اللى هايقدر يسيب المنتدى ده مين بس قول وانا مش هاقول لحد ايه ده هايسيبولنا المنتدى فاضى ع فكرة المنتدى هايضلم من غيرهم اووووووووووووووووى:mad::mad: |
اقتباس:
عندك حق يادكتور سعيد اصل رمضان جاى وبعدين الدراسة ومش هايبقى فى وقت للمنتدى خالص فدى حاجة غصب عننا |
| جميع الأوقات بتوقيت GMT +2. الساعة الآن 10:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.