|
هتراجع ؟! , طب ازاى ...؟
السلام عليكم ورحمة الله و بركاته :rolleyes: طبعا الموضوع معمول عشان نساعد الجماعه المطحونين ف الثانوية العامة :blush: ان شاء الله هنقول طريقة مراجعه كل مادة لو لقيت تفاعل يعنى من الاعضاء :romarioxp6: ولو حد من الاعضاء هنا برضه حب يضيف حاجة , يعدل حاجة , يقول اى حاجة تساعد ,...... مفيش مشاكل :bosyht9: احنا هنا عشان نساعد الكل :) تحبوا نبدأ بانه مادة و نتكلم فيها ...؟ هنبدأ ان شاء الله من بكره ( الموضوع مهدى الى شخصين احدهما صديقة عمرى:cool: ) منتظرينكم رايكم :cool: |
انا من راي الموضوع جميل جدا وان شاء الله يكون مفيد لينا كلنا ويجعله في ميزان حسناتك ان شاء الله
انا اقترح نبدا احياء |
اقتباس:
تمام كده , نبدأ بكره بالاحياء ان شاء الله و اى استفسار عن طريقة مذاكرتها او مراجعتها , هنجاوب عليه ان شاء الله ولك بمثله ان شاء الله :) يارب الكل يستفاد منه :):) |
ممكن يا دكتورة بس تقوليلنا كنتي بتراجعي ازاي اصل انا عندي مشكلة في المراجعه اراجع ماده واحده وتاخد معايا مده وبعد كده ادخل في التانية ولا اراجع فصل فصل
|
ممكن كمان استفسار / عندي ملخصات مراجعه كتير قوي ومش عارف ابد منين :bosyht9::bosyht9: كمان كل ماجي ابص ليهم اقول انا هخلصكم كلكم وبعد كده مفتحش ولا واحد فيهم:040vk0:
|
اقتباس:
انا عن نفسي كنت بقسم المواد و كل يوم ارجع جزء من مادة بحيث اليوم اكون براجع فيه اكتر من مادة و كمان خلال اسبوع او اسبوعين اكون خلصت عدد مواد كبير و مش اكون خلصت مادة بس بالنسبة للمراجعه , دى لازم تخليها جنب المذاكرة لان فيه مواد اغلبكم لسه مش خلصها زى الفزيا خلى مذاكرتك ماشية جنب المراجعه عادى جدااا بس اهم حاجة تحل ع النقط المهم و اهتم بالاسئلة و حل كتير قسم المواد و راجعهم و راجع كل يوم مادتين او تلاته كويس :bosyht9: |
اقتباس:
هههه , مش تقلق , كلهم زى بعض اولا , ابدأ بكتاب المدرسة و ذاكر منه و حل الاسئلة اللى عليه و ادخل ع دليل التقويم ثانيا , راجع الاسئلة دى كل فترة و التانيه ثالثا , عندك بقي كتب كتير زى الامتحان و النفيس و ..... حل بقي منهم و اهتم بالاسئلة و حل كتير ومش تقلق الوقت لسه معاك :blush: |
بصي يادكتورة انا نفسي اطلع صيدلانية بس انا ثانوي ازهر القسم العلمي
مش عارفه اذاكر مع العلم انى عندي 15 مادة وبحب مواد الحسابات اكتر من الحفظ ودروسي كل يوم مش بلحق اعمل حاجة كتير بس الحمدلله بفهم المعلومة بسرعه وبحسها بتثبت وبحل اسئلة بس بحس نفسي بنسي وحاسه انى مش هجيب مجموع اعمل ايه ؟؟؟؟؟؟ |
ياريت تتكلمى عن الانجليزى وانا بزهق بسرعة من المذاكره ولو قعد اذاكر ساعتين المفروض انى اخد راحة نص ساعة ممكن اخد ساعة
|
اقتباس:
شوفى ي ستى مفيش حاجة اسمها مش هجيب مجموع اه والله , عندنا مفيش هقولك ليه مش تستعجلى ذاكرى واعملى اللى عليكى و اعرفى دايما ان الخير فيما اختاره الله و رزقك موجود و محدش هياخده غيرك و انتى قدامك حل من اتنين يا تتفوقى يا تتفوقى ! اختارى بقي حاجة منهم نجى لمشكلة المواد الكتير مش انتى لوحدك اللى بتاخديهم , وفيه دكاتره كتير قبليكى اخدوا المواد دى و اكيد هما عانوا برضه من عددها لكن ايوه لكن الناجح اللى عنده اراده استعان بربنا و بدأ نظمى وقتك بين المواد دى بحيث كل مادة تاخد حقها و مش تفضلى مادة ع مادة تانيه عشان مش تتاثرى بكده ف الاخر حبيهم كلهم واستخدمى النعمة اللى ربنا ادهالك و حققى حلمك و خليكى الافضل و ذاكرى و شيلى موضوع المجموع ده من بالك و ارمى حمولك ع ربنا :rolleyes: |
اقتباس:
ان شاء الله هنتكلم ف الانجليزى بعد الاحياء ممل ايه و بتاع ايه ؟ مفيش حاجة اسمها ملل في حاجة اسمها تنويع بين المواد لازم تنوع بين المواد عشان مش تزهق ومش تخلى الوقت كله مذاكرة احنا بشر برضه ... نوع وقتك بين المذاكرة و المراجعه و الترفيه بالنسبة لحكاية الراحة دى , فهى مربكة صراحة يعنى انا بفضل 10 دقايق كل ساعه و فيه ناس بتفضل 10 دقايق كل نص ساعه و ناس بتاخد ساعتين ع بعض من غير فاصل شوف بقي راحتك ف ايه ؟ لكن ساعه دى كتير اوووى خصوصا ف الوقت ده عشان الامتحانات قربت و كده اضعط ع نفسك شوية معلش بكره الاجازة تيجى و الوقت كله يبقى راحة:d |
جزاك الله خيرا على الموضوع
متشكرين يا دكتور على المجهود والكلام دا |
اقتباس:
وجزاك الله بمثله ان شاء الله الشكر لله مش ليا نورت الموضوع :d |
السلام عليكم دلوقتى هنتكلم عن طريقة مراجعه الاحياء :romarioxp6: فيه ناسـ لسهـ مش خلصت مذاكرة الاحياء مش تقلقوا هنقول على طريقة مذاكراها و بالنسبة للى خلصوا برضه هنقول على الطريقة بالنسبة للى لسه مش خلصوا مش تستعجلوا ع حاجة , الوقت لسه معاكم :) هتتخصص حوالى 3-4 ساعه لمذاكرة و مراجعه الاحياء بحيث تخلى ساعه او ساعه و نص تراحع فيها ذاكر الجزء المخصص ليك و حل عليه براحتك و فـ نفس الوقت تكون مححدد جزء عشان تراجعه منهج الاحياء حلو و صغير مش تقلقوا و بالنسبة للى خلصوا مذاكرة و عاوزين يراجعوا ممكن تخصص حوالى ساعتين حلوين اووى لمراجعه الاحياء كل يومين كويس اوى او حسب بقي طريقة مذاكرتك نجى بقى لطريقة المراجعه تمسكوا الجزء المخصص للمراجعه طبعا بالنسبه للى مذاكر كويس هيكون فاكر كل حاجة و مش هيتعب فـ المراجعه عندك الفصل تاخد الدعامة كلها مرة واحدة و التكاثر فــ راى بتقسم نصين و الوارثة مش مستاهلة تقسم يعنى و DNA انتوا وراحتكم بقي فيه المهم : انك تمسك الجزء المحدد ده و تقرئه كويس جدااا و تقرأ الاسئلة عليه بالحل و ممكن تسمع لنفسك عادى و تقرأ كويس المراجعات و المقارنات و الملخصات عليه و بالنسبه للرسم :فارسم بايدك مرة و اتنين و تلاته و اهتم جداا بالبيانات اللى ع الرسم بكده انت هتكون خلصت الجزء برسوماته و اسئلته كلها مذاكرة تانى و قراءة هات بقي الملخص بتاعك او المذكرة اللى بتحل منها و ابدأ حل و قيم نفسك و النقطة اللى تلاقى نفسك اخطات فيها ارجع لها و ذاكرها كويس تانى و ارجع حل المهم تحل كتير و فــ نفس الوقت مش تغلط و تقيم نفسك اول بــ أول بحيث توصل للمستوى الممتاز :blush: |
جيتي في وقتك يا دُك :friendsxs3: :d
احلي تحية من الجماعة المطحونين :romarioxp6: |
شكرااااا مقدما يا دكتورة :av4056bb7jp3:
..... بس انا عندى سؤال انا فى الجيولوجيا اولها ( البيئة ) دى تمااااام بس من اول المعادن وانا قبل مندخل فيها ناس قالتلى انها صعبة اوى ومن اولها بتبدأ الجيولوجيا وانا حطيت فى دماغى انها صعبة وكدا والاوحش من كدا اننا ساعت مبدأنا فيها كان عندى امتحان انجليزى وبعدية ع طول فيزيا ومزكرتهمش خالص بعد ماخدناهم .... وامبارح بزاكرهم مكنتش فاهمة حاجة ومش عارفة اعمل ايه ؟؟ :( :( معلش صدعتك بس العيب مش عندى العيب ع الوزير مكانت ع ادبى ومرتحين:angry2: حسبى الله :) |
اقتباس:
|
اقتباس:
ربنا يخليكى ي اسماء ده من ذوقك و الله :av4056bb7jp3: اجدع ناس المطحونين دول :rolleyes: ابقى نورينا بقي :022yb4: |
ازيك يا دكتورة اخبارك ايه يا رب تكوني بخير انا بحييكي جدا عالكلام الجميل علي مراجعه الاحياء بصراحه كلام رهيب لان انا عندي مشكله لما اجي ادخل في ماده ببقي عايز اراجعها كلها مرة واحده وبعد كده الاقي نفسي زهقت ومرجعتش حاجه
حلوه حكايه 2-3 ساعات بس فيه عندي مشكله برضه لما باجي اراجع اراجع كله مرة واحده وبعد كده احل ولا اراجع فصل واحل عليه وبعد كده ادخل عالتاني |
بكره الجمعه باذن الله .. انجليزى السبت ... فرياء الاحد ... جيولوجيا و علوم البيئة ان شاء الله نشوف المواد دول و اى حد عاوز يضيف مادة لباقى الايام يتفضل بكره باذن الله هجاوب ع كل الاسئلة ( معلش : عاوزة اناام :d) جمعه مباركة ع الكل باذن الله :bosyht9: |
اذا كنتي بقي يا دكتورة هتتكلمي علي الانجليزي :049gc0::049gc0: فعايزك بقي تحدفينا بكلام جامد اوي وتطلعي كل اللي عندك :stickjo4:
علشان الواحد مقصر قوي في الانجليزي :slap1qk6: وانا من النوع اللي مبحبش حل ملخصات كتير في الانجليزي هوه ملخص واستكفينا علي كده دا لو حليته اساسا :romarioxp6::romarioxp6: فممكن تقوليلنا ازاي الم الانجليزي كله كده واضمن النهائية وانا بالي مرتاح علشان انا الانجليزي عمللي وش في دماغي :d |
فيه حد رياضه
|
اقتباس:
انا عايزة المراجعه بشكل عام مثلا العربي اخلصة مراجعه اول مادة ولا اسيبه للاخر و اخلص كل فرع في اسبوع ولا امشي الفروع كلها مع بعضها وكل مادة افضل اذاكرها فترة لعند ما اخلصها ولا اذاكر مادتين سوا ولا امشي المواد كلها مع بعض ولا مذاكرش خالص ولا اعمل ايه انا بقي يعني مش فاهمة :confused: <_<:angry: |
اقتباس:
اولا : انتى اختى الصغيرة ومفيش شكر بين الاخوات :slap1qk6: ثانيا : بقي و ده المهم انتى غلطتى انك سمعتى كلام حد عن الجيولوجيا طب ايه رايك ان فصل المعادن ده اسهل فصل و ربنا و ان الفصل الطويل شوية و ممكن يرخم مع شوية ناس بس هو كويس هو الفصل التانى بالنسبة لفصل الصخور ده فصل لذيذ جدا و خصوصا لو ربطتيه مع اللى قبله دلوقتى بقي انتى مش تسمعى كلام اى حد خالص عارفة ليه ؟ لان محدش عقليته شبهك اه و الله , ربنا خلقنا مختلفين عن بعض فــ كل حاجة حتى نسبة الفهم , عشان كده ملكيش دعوة بحد و اللى يقولوه يقولوه علوم البيئة كويسة بس خودي بالك عشان اوقات بتخدع ذاكرى و حلى و الباقى ع ربنا :friendsxs3: |
اقتباس:
ان شاء الله تمشي بيه و هتقدرى تحققى حلمك كمان مفيش حاجة صعبة على ربنا اطردى الشيطان و ادعى ربنا فــ الصلاة و هو كريم و هيكون معاكى مش تقلقى من حاجة ;) |
اقتباس:
الحمد لله انا بخير :d ربنا يخليك , ده من ذوقك و الله :bosyht9: بالنسبة للموضوع الاول: شوف دلوقتى نصيحة منى انك تقسم المواد و تراجعهم جزئية جزئية هقولك ليه اهوه , مش تستعجل اصلك لما تيجى تراجع مادة هتاخد فيها مثلا يومين و تيجى تراجع اللى بعدها و تاخد نفس المدة بعد المادة 3او 4 تلاقى نفسك نسيت اول مادة ايه او مش فاكرها تقريبا وبكده بتفصل بين المواد و المواد ماشاء الله 7 عشان كده لتجنب الفصل و النسيان قسمهم و ان شاء الله تقدر تربط بنهم بالنسبة للموضوع التانى : لما تيجى تراجع بتراجع الجزئية كامله يعنى مثلا الوراثة دى فاول مرة ممكن تقسمها , لكن مش ينفع تقسمها بعد كده عشان الحل عليها فيه حاجات يتفع تتقسم و حاجات مش ينفع خالص انت بقي و وجهه نظرك فــ المواد الفصل اللى مش ينفع ذاكره كله و حل عليه و اللى ينفع قسمه و حل ع الجزء اللى ذاكرته :bosyht9: |
اقتباس:
ان شاء الله هنتكلم فيه :028ja7: ان شاء الله مش هيعملك اى دوشة ف دماغك خالص و هتتسهل و هتعدى ان شاء الله ;) |
اقتباس:
معرفش و الله اذا كان فيه هنا رياضة و الا لآ بس ممكن تستفيد معانا بباقى المواد:rolleyes: |
اقتباس:
مش تذاكرى خالص :cool::p شوفى ي حاجة عندك القصة دى ممكن تخلص ف يومين هى و القراءة و الادب و البلاغة دى كام ساعه عندى بقي النصوص و النحو النحو اساسى زى ما اتفقنا ( كتاب الرسالة ) و النصوص خودى كل يوم نص او نصين و اتسلى بيهم و مدارسهم مده خلى المواد مع بعضها عادى ماعدا المواد اللى محتاجة حل كتير زى ( خالتو الفزياء ) دول ذاكرى جنبهم اى حاجة صغنونة ذاكرى ي سمسمة و بطلى كلمه مش هذاكر دى :stickjo4: |
ااتكلمنا ع مراجعه الاحياء و اتكلمنا عن الرسومات فيه جزئية مهمة عاوزة اقولكم عليها ياريت دى تراعوها فــ الاحياء و الجيولوجيا و علوم البيئة لما تيجى ترسموا الرسمة مضبوطة و كل حاجة نجى لطريقة كتابة البيانات المصحح وهو بيصحح الورق بيشوف الرسمة حلوة و زى الفل طب شكلها العام او المظهر الجمالى ( اه وربنا , فيه مدرسين بيهتموا بالشكل :angry2: ) انت بقي كطالب ثانوية تخلى البيانات ف جزء واحد ( اما الشمال بس او اليمين بس ) مش تخلى السهم طالع من الرسمة ف اتجاه الشمال الغربي الجنوبي و تيجى تزنق الخط ف اخر الصفحة انا لو بصحح لورقة كده هسقطها :006et4: من الاخر يعنى اهتموا بالرسومات عشان المصحح مش يلاقى حجة ينقصك بيها ;) |
اقتباس:
و اخلص الادب و القراءة في كام ساعة !! و اتسلي كل يوم نصين و مدارسهم !! و اخلي المواد مع بعضها كمان يعني مع العربي !! :o:mellow: انا عايزة ادي فعلا لكل حاجة حقها و اراجعها صح و مش عايزة اكروت لاني كروت بما فيه الكفاية و بعيدا عن العصايا دي انا عايزة اقولك حاجة :unsure: انا مش سوبر مان انا اصلا طالب غلبان :( |
معادنا دلوقتى مع الانجليزى بالنسبه للناس اللى معقدة الامر و مش هننجح فيه .. احب اقولهم بطلوا تفكير ف الفشل و فكروا ولو لثانيه ف النجاح ندخل ف المهم الانجليزى مادة سهلة ، سهل تجميع الدرجات فيها نسبيا بتعتمد بنسبة ٧٥٪ ع حفظ الكلمات لو انت حافظ كلمات هتفهم و تعرف تحل المطلوب عشان كده عن نفسي كنت بحفظ ١٠-١٥ كلمة يوميا و يوم الجمعه براجع عليهم فيه ناس خلصت و ناس لسه مش خلصت مش تقلقوا هنتكلم عن الاتنين بالنسبه للى لسه مش خلصوا اطمنوا ، الوقت لسه معاكم ، تقدروا تخلصوا تقدروا تحددوا نص ساعه لحفظ ١٥ كلمة و تسمعوها لنفسكم بس مش تزيد لان نص ساعه كتير كمان ( النقطة دى للى خلصوا برضه ) تقدر تحدد من ٣-٤ ساعه تذاكر وحدة و تراجع وحدتين وده كل يوم و يوم ، و بعد كل ٤ وحدات تاخد فصل قصة تتسلى عليه و بالنسبة للى خلصوا عندك من ٢-٣ تراجعلك ٣-٤ وحدات ، انت وطاقتك بقي و بعد كل ٤ وحدات فصل قصة برضه نجى بقي لطريقة مراجعه نفسها الوحدات : بتمسك الكلمات تحفظها و تشوف المتشابهات بتاعتها و تسمعها لنفسك و تشوف الملاحظات اللى بتكون ف النص و تحفظ حروف الجر و تشوف المواقف و تبدا تشوف اسئلة work book و دليل التقويم ، و تحل بقي ، و ياريت ف اكتر من كتاب بالنسبة للجرامر ،، القاعدة تتذاكر بالطريقة اللى تعجبك و حل عليها كتير بالنسبة للقصة ، مدرسة ع الهوا اللى بيشرحوا دول ، كنت بتابعها عشان كانت بتجيب الفيلم اه و الله ، لحد ما زهقت و روحت شوفته من ع اليوتيوب ذاكر كلمات القصة الصعبة ، افهمها ، و حل من فهمك ، مش برجح اسلوب الحفظ الاسئلة هنا بالنسبة للترجمة دى معتمدة بقي ع حفظ الكلمات و فهم الجرامر اهتموا باشكال الفاعل كويس و زمن الجمله دى من الاساسيات المهمة و المواقف ، محتاجة تركيز هى و القطع ، حل و تركيز ، بكده تقريبا اتكلمت عن الانجليزى و فروعه اتمنى اكون مش نسيت حاجة و تكونوا فهمتوا حاجة منى :romarioxp6: |
اقتباس:
الله يفتح عليكي طيب بالنسبه للى بيكره الإنجليزي ومش بيطيق انه يفتحه أصلا وف الدرس قاعد زى مش قاعد وانه هوا الماده الوحيده اللى هتضيعه |
جايه فى وقتك بجد
لاننا الحمد لله بدأنا ملل وزهق واحباط وحطى عليهم شويه خوف وانى مش هجيب المجموع اللى بحلم بيه بأذن الله هحاول فى الانجلش زى ماانتى قلتى عشان هو عقدتى والاحياء زى الفل ركزى بقى على الجيلوجيا عشان انا مش ذاكرتها علوم البيئه تمام فيها لكن الجيلوجيا نفسها حاسه انى مش فاهمه فيها كلمه رغم انى كنت بذاكر اول بأول وكمان العربى قوليلى اعمل فيه ايه عشان انا مش باخد فيه درس والنظرى بتاع الفيزياء ده بجد منتهى الملل ومش عارفه احفظه ولا افهمه |
اقتباس:
ع فكرة انتى فهمتى قصدى غلط :excl: لما قولت مذاكرة العربي دى كنت بجاوب ع سؤالك انك عاوزاه تذاكريه ف اسبوع و ديه فعلا تقسيمة حق القصة تقسميها ع يومين تلاته انتى وقدرتك و القراءة يومين ليها و البلاغة دى تذاكريها ف كام ساعه لكن فـ راى انك تقسميهم مش تاخديى المادة ع بعضها كده و حاجة تانيه ... ايه كروته دى ؟؟؟؟ :excl: مش قولنا نتعب ف المذاكرة عشان نستريح ف المراجعه ؟!:mad: دلوقتى بقي .. ركزى و بطلى كروته وشيلى كل الافكار السلبية اللى بتجيلك دى و اتوكلى ع الله ذاكرى و ادى كل مادة حقها من وجهه نظرك احنا كبشر مختلفين ف الطرق لكن النتيجة واحدة و الهدف واحد و هو النجاح امشي بطريقتك و لو احتاجتى اى جاحة تحت امرك :friendsxs3: |
اقتباس:
ده بقى تكتفوه بالحبل كده :d و تتكلموا معاه و تقولوا له مفيش حاجة اسمها صعب او سهل لازم يشيل من دماغه الافكار بتاعه هضيعنى و مليش مستقبل و الكلام الفارغ ده الانجليزى مادة زيها زى اى مادة محتاجة مذاكرة و حفظ كلمات و مذاكرة قواعد و محتاجه حل كتير جدا لازم يحب المادة عشان يعرف يذاكرها دى مش حاجة اختيارىة دى اجباااااااارية لازم يفهم ان مستقبله معتمد عليها خصوصا ان الكليات القمة هندسةو طب و غيرها كلها انجليزى ربنا يخليكى ع ذوقك ي دودو نورتينى :022yb4: |
اقتباس:
ربنا يخليكى :cool: انسوا بقى الكلام الفارغ ربك كريم و قادر و ان شاء الله هتحققى حلمك :romarioxp6: ان شاء الله مفيش حاجة هتكون عقدتك :friendsxs3: ان شاء الله فــ يوم الجيولوجيا هنتكلم فيها و العربي كمان انهارده بقي يوم الفزيا ع ما اعتقد هنتكلم فيها باذن لله :bosyht9: و مفيش حاجة هتكون صعبة ابداً الملل ده بقي .. اتغلبي عليه بتنويع المواد و الدروس و حاولى ترفهى شوية عن نفسك 5 دقايق ف اليوم لو وقفتى ف الشباك و كلتى شبسي و انبسطى , نفسيتك هتتعدل و الله و تكونى افضل :bosyht9: |
الجــــــــــــدول انهارده ان شاء الله فزياء الاحد : جيولوجيا و علوم بيئية الاتنين : لغه عربية :blush::blush: |
امبارح و احنا بنتكلم عن الانجليزى نسينا نقول شوية حاجات كده عن البرجراف ان شاء الله انهارده هنتكلم فيه و نقول طريقة معقوله لكتابته و ياريت يا جماعه لو نسيت حاجة تفكرونى بيها انا اوقات ( ده علطول يعنى :d ) بنسي و ما ادراكم و النسيان بتاعى بيعمل ايه !! :rolleyes: |
اقتباس:
|
اقتباس:
ازاى ده ؟؟؟ :o و الله رديت ع الكل حسب الدور و بجاوب و الله ع اسئلة الكل ممكن بس تحددى رقم المشاركة عشان اشوفها !:bosyht9: و بعتذر لو كنت مش رديت رغم التاكد |
اتكلمتوا على الفيزياء؟؟؟؟؟
|
اقتباس:
لسه انهارده ان شاء الله بالليل كده ( كالعادة يعنى ) |
اقتباس:
|
اقتباس:
الشكر لله وحده اتمنى بتكونوا بتستفادوا فعلا :) |
النهارده هنتكلم عن الفزيا ( معظم الناس بتسميها بعبع الثانوية العامه ) دلوقتى اغلبية الناس مش خلصوها لسه فنتكلم اكتر معاهم نفس الكلمتين بتوع كل مرة اجتهد و الباقى ع الله بالنسبة للى مش خلص هتخصص وقت كبير نسبيا للمذاكرة و المراجعه ليه ؟ لانها محتاجة حل كتير اووى و ده اللى ينفع معاها اهتموا بكتاب المدرسة و اسئلته ودليل التقويم بالنسبة بقي لطريقة المراجعه اول حاجة ، هتكون انت خلصت الجزء اللى انت مخصصه للمذاكرة و تاخد اول جزء اللى انت هتراجعه و تقرئه قراءة متمعنه و باتقان بعدين هتقرأ الجزء ف صورة اسئل علل و النتايج و ماذا يحدث لو و المقارنات ( ده جزء اساسى للنظرى ) و تشوف بقي الوحدات و الكميات اللى بتقاس بيها و تعرف كل الوحدات الممكنه اللى عندك و كمان مهم جدا تكون حافظ التعريفات و العلاقات بينها حاجة مهمة كمان ،، عندك اثباتات القوانين ، دى مهمة جداااا و التجارب اللى عندك اظن كده النظرى خلص و انت حافظ القوانين و النقط الفنيه اللى ممكن يلعب فيها بالاسئلةة ابدأ بقي حل و طبق و حل كتيييير جدااااااا و عندك الرسم البيانى اهتم جدا بيه. ده سؤال درجته مضمونة ف الامتحان و اهتم بالميل و فيه نقطة هامة هنا ممكن و انت بترسم و خلاص حطيت النقط تلاقى كل النقط عامله خط مستقيم تمام ماعدا نقطة واحدة راحة ف الغرب بعيد عن الخط بتاعك ، مش تقلق ، دى خدعه بتاع الامتحان عاملها بعض الطلاب بيتهبلوا و يوصلوها بالخط مش تعمل كده كده غطينا الجزء النظرى و الجزء بتاع المسائل فيه رسومات عليك زى متسلسة الهيدروجين و حاجات كده دى اهتم برسمها عشان لو طلبها منك لو نسيت حاجة من فضلكم فكرونى بيها و اى استفسار تحت امركم :bosyht9: |
تلاقى كل النقط عامله خط مستقيم تمام ماعدا نقطة واحدة راحة ف الغرب
بعيد عن الخط بتاعك ، مش تقلق ، دى خدعه بتاع الامتحان عاملها بعض الطلاب بيتهبلوا و يوصلوها بالخط مش تعمل كده يعنى ايــه نقطة ماشية فى الغرب وازاى منوصلهاش بالخط !! الباقى تمام شكرااااا بس بالنسبة للحديثة ؟ دى مش بتتحفظ ولا بتتفهم نعمل فيها اية ؟؟ :bosyht9: |
اقتباس:
دى نقطة بتكون مش ع الخط المستقيم و كان كتاب الوسام جايب عليها امثله و الاستاذ بتاعنا قال لينا عليها و قال انها نادرة بس خدوا بالكم منها و خلاص الفزياء الحديثة دى انا نفسي شاكة فيها :( بعيداً عن وجهه نظرى قسميها اجزاء و ذاكريها اربطى كل جزء باللى قبله و افهميها كويس جداً و احفظيها و التعريفات و التعليلات كويس عموما اول فصل اللى ممكن يرخم لكن الباقى كويس :bosyht9: |
الجـــــــــــــــــدول انهارده جيولوجيا و علوم بيئة ان شاء الله الاثنين : لغه عربية اللى عاوز يضيف مادة للثلاثاء و الاربعاء يتفضل :022yb4: |
اقتباس:
ان شاء الله هعمل زى مقولتيلى شكراااااااااا :) |
| جميع الأوقات بتوقيت GMT +2. الساعة الآن 02:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.