|
كل شىء عن الثانوية العامة.
السلام عليكم ورحمة الله وبركاته فى الموضوع ده هنتكلم عن كل حاجه تخص الثانوية العامة من كتب خارجية ونصايح ...الخ. علشان نوفر على الطلبة الوقت اللى بيدوروا فيه على نصيحه ولا كتاب خارجى.كمان علشان نزيل التوتر وندخل بقلب جامد ونتفوق فيها ان شاء الله. الموضوع هيكون شامل كل شىء. انا كل يوم هنزل حاجه جديدة هتناقش فيها وارد على اى سؤال حابين تسألوه بخصوص الجذء ده. |
اقتباس:
ثانيا عايزة اسأل عن حاجة و مش عارفة كل الناس كدة ولا اية انا فى الدروس مش عارفة لية بحس انى قاعدة تايهه و مش عارفة اكون فى قمة تركيزى يعنى ممكن اكون قاعدة اول ساعة مركزة انما بعد كدة ....:mad: و ساعات مثلا المدرس يكون بيحكى او بيشرح حاجة احسن انى مش على الخط انما اما اروح او اذاكر الدرس اقول ااااااااااااااه دة المدرس كان قصده كذا كذا ثانيا مش بعرف احفظ كل حاجة فى الحصة انما ممكن افهم بس و القط كم حاجة كدة احفظها انا مش عارفة اللى بيحصل دة طبيعى ولا اية للعلم انه كان عندى اول حصة كيميا امبارح |
(1) الكتب الخارجية الكتب الخارجية لا غنى عنها طبعا ومهمة جدا. وشرحها اكيد احسن من كتاب المدرسة اللى هنستخدمه بردو. الكتب الخارجية كتيرة اوى. بس فيه كتب مميزة عن غيرها هنعرف ايه هى ونذاكر منين. اللغة العربية.. الاضواء - الرسالة - المعلم - الامتحان - الوسام - الافضل كل الكتب دى حلوة جدا ومفيدة اوى لكن طبعا مش هنشتغل منهم كلهم. انتوا شوفوا اللى يريحكوا واشتغلوا منه. نصيحة بقى. الشرح_ الاضواء + الرسالة + الوسام.....تذاكروا من واحد فقط وال2 التانيين تقروا فيهم فقط قراية قراية قراية. ولما تقروهم هتشوفوا معلومتين ولا ملحوظتين مش موجودين فى الكتاب اللى ذاكرته منه.تروحوا فاتحين الكتاب وتكتبوهم فيه. الاسئلة..تشتروا كتاب الرسالة مراجعه نهائية.ده افضل كتاب مراجعه نهائية على الاطلاق ومجاوب كل حاجه.طبعا ده بينزل فى اخر السنة.لا انتوا تشتروه من الراجل بتاع الكتب القديمة هتلاقوا نسخة 2013 او 2014 وبيكونوا حلوين ومش مكتوب فيهم وياريت كمان تشتروا كتب الشرح من عنده.هيوفر عليكوا جااااااااامد اوى.بدال ما اشترى كتاب نسخة 2015 ب 30 جنيه مثلا..انا ممكن اشترى كتابين مختلفين نسخة 2014 ولا 2013 ب 30 بردو.ومتخافوش مش بيكون فى اى اختلاف خااالص غير الجلده اللى من برة. طبعا الكتاب ده جايب لكل درس اسئلة الثانوية العامة محلولة.تحفظوهم اول باول.وتعلموا ع الحاجات الصعبه او اللى غلطوا فيهم وتكتبوا اجابتهم فى كتاب الشرح. بيحث نخلص الشرح والمراجعه مع بعضيهم. غالبا انتوا ذاكروا من الاضواء..واقروا الرسالة والوسام. طبعا مينفعش نذاكر من ال3 كتب لان الاسلوب هيكون مختلف فى الشرح خصوصا النصوص والتعليق وكده.لا زى ما قلت اعملوا. ال4 كتب اللى قلت عليهم كافيين جدا جدا.عايزين تحلوا اكتر..اشتروا الامتحان مراجعه نهائية.بس نصيحه بلاش لان الموضوع مش مستاهل وكتاب الرسالة مراجعه شامل .والعربى الحل الكتير مش مهم فيه.اهم شىء يكون مذاكرينه كويس. باختصار الكتب اللى هنشتريها من الراجل بتاع الكتب القديمة .الاضواء شرح+الوسام شرح ( ممكن تشتغنوا عنه لو ملقتهوش) + الرسالة شرح ومراجعه نهائية.(لازم تجيبوا المراجعه) الوسام مش مشهور اوى.لو ملقتهوش خلاص مش مهم. المرة الجاية ان شاء الله نتكلم على اللغة العربية بالتفصيل وازاى نذاكرها ونقفلها اى سؤال انا فى الخدمة |
اقتباس:
لما يبدا هو الشرح هتلاقى نفسك مركزة اوى اوى اوى معاه وبتفتكرى الكلام اللى قريتيه بتركيز ده.وكمان بتحفظى وتفهمى اللى مكنتيش فاهماه وعاملة نفسك فاهمه فيه :d:d مفيش حاجه اسمها اطلع من الدرس حافظة الدرس لا طبعا.انتى المفروض رايحة تفهمى مش تحفظى الحفظ ده بيكون فى البيت.مع الفهم والتكرار والكتاااااااااااااابة والاسئلة الكتيييييييير هتلاقيها ثبتت فى دماغك. وملحوظة.الحفظ مش انى امسك الكتاب واهز فى راسى وابقى كده حفظت.لا الحفظ.لازم فهم الاول وبعدين احفظ وبعدين اسمع شفوى وكتابة وبعدين احل اسئلة كتير حتى لو اغش كل الاجابات وعاااااااااادى جدا لما اغلط ..ولازم مراجعه اسبوعيه على الللى اخدته كله.هتعرفى قيمته لما تبدأى مراجعه نهائية. |
اقتباس:
و فعلا جاه فى بالى انى اقرى الدرس قبل اما اخده لانى ساعات بتوهه فى النصف :d |
ايه افضل كتاب ف شرح النحو ؟
|
انا عندى الاضواء 2014 ينفع اذاكر منه ولا مختلف عن بتاع السنادى ؟
واذاكر الكيميا منين ؟؟ ومش بعرف احفظ كلمات انجلش بحس انى بنساها بسرعة ؟ |
لو سمحت ممكت تقول اسماء الكتب الخارجيه ل انجليزي فيزيا كميا احياء جولوجيا لان اهر يوك للنت انهارده
|
حلو جدا اللى بتعمله يا دوك استمر وربنا يوفقك ويوفق زمايلنا الجداد ربنا معاكوا احنا السنة اللى فاتت كنا زيكوا واى حاجة انا موجودة ربنا يوفقكم
|
انا سمعت ان الرسالة قوى جداااا والاضواء وحش ومحتارة اجيب ايه بالظبط انا كنت هجيب الامتحان والاضواء فى الاول والمستر قالى لا بلاش الاضواء وشكلب دماغى :( !
|
اقتباس:
|
اقتباس:
|
اقتباس:
كله زى بعضه.بس كتاب الاضواء مش حلو فى النحو.لو لقيت حد معاه الامتحان صور منه جذء النحو.الرسالة حلو خالص فى النحو ومجمع حاجات مفيدة جدااااااا ذاكر منه...كمان الكتاب البرتقانى بتاع سنة 1 ده حلو اوى وهيفيدك جدااااا ذاكر منه بردو. |
اقتباس:
الاختلاف هيكون فى الجلده فقط لا غير.حتى لو 2013 هتلاقيه هو هو مفيش اى اختلاف خااااااااالص.وانا كل مذاكرتى كانت من الكتب القديمة. كلمات الانجليزى عيد وزيد عليها وطبق عليها بالبراجراف والترجمة كتييييييييييييير يعنى تقرا براجراف وترجمة محلولين وكل ما تقرا اكتر وتعرف معنى كلمة فى جمله مش هتنساها.وطبعا لما تبدأ تحل فى الكتب هتقابل الكلمات اللى انت حفظتها كذا مرة وهتفتكرها ومرة على مرة هيتحفظوا ..لان اى حد لو مسك المذكرة وحفظ كذا يعنى كذا وخلاص كده..من غير حل ولا براجراف وتراجم اكييييييييييييييييد لازم ينسى طبعا. |
اقتباس:
دكتورة سيرة الايام من الناس المتفوقة ياجماعة وعندها نصايح حلووووة اى حد محتاج حاجه يسألها وهتستفادوا منها كتييييير جدااااا:av4056bb7jp3: |
اقتباس:
اهم حااااااجة الثقة بالنفس يا جماعة.;) |
اقتباس:
اوعى تنسى الرسالة مراجعه نهائية احسن من الامتحان مراجعه نهائية وعن تجربة.وتجيبه اول السنة من الراجل بتاع الكتب القديمة. وفى الاول والاخر كل واحد يشتغل من اللى يريحه.اشترى الاضواء والرسالة وشوفى هترتاحى لمين وذاكرى منه والتانى يبقى بصى فيه ع السريع شوفى حاجات كده ولا كده مش موجوده فى التانى.مش هنقعد نذاكر من هنا ساعتين ومن هنا ساعتين..لا غلط طبعا..:slap1qk6: |
انابقي السنادي مش عارفه ايه اللي حاصلي انا الحمد لله كنت غالبا بطل الاولي او من الاوائل علي المدرسه
السنادي كده مش قادره اركز صحيح ال باخده بذاكره بس حاسه باهمال في ناس خلصت كتير وانا لسه معرفش محبطه اووووي ومخنوقه كده ليييه :( |
طب انا لقيت كتب
سيربرايز و ذا بيست و الوسام فى الفيزياء و الجيولوجيا اية حلو من دة اجيبه ؟؟؟؟؟ |
اقتباس:
ده حسد ..حافظى ع الصلاة وبردو بلاش توهمى نفسك بصى انتى لما تحطى فى دماغك انك ملكيش نفس تذاكرى وتعبانه ومش مركزة,,,عمرك ما هتعملى حاجه. انتى تاخدى الدرس من هنا اعتبرى نفسك الامتحان بكرة وصدقينى اول ما تذاكر باجتهاد كده اسبوع وتلاقى نفسك مخلصة كل اللى عليكى..وهتبقى فرحانه وعايزة تذاكرى اكتر..انما لو قعدى تتحججى بجد هتلاقى السنة عدت بسرعه وملحقتيش تعملى حاااااااجه, بصوا يا جماعة المذاكرة هى اللى بتجيب المذاكرة والكسل بيجيب كسل..يعنى لو انت او انتى عايز تبقى عايز تذاكر ومعندكش كسل..صدقنى مش هينزلك ملك من السما يقولك ذاكر..ولا هينزل شعاع ازرق من السما ويخليك تقعد تذاكر..لا انت لازم تشجع نفسك بنفسك..وتذاكر كتييييير مش علشان المواد صعبه ولا الامتحانات صعبه.لا بالعكس دى سهله جدا.بس نذاكر كتير علشان نكون مرتاحيين نفسيا وكل ما نذاكر اكتر كل ما هنبقى عندنا نشاط ومفيش كسل.وبلاش تأجيل فى المذاكرة محبطة ومخنوقة والكلام ده تشيليه من دماغك فوراااا.ناس اقل منك فى المستوى بمراحل وبيجيبوا وهيبجبوا درجات عاليه وهتتفاجىء بيهم ليه؟ لانهم ببساطة ذاكروا كويس..لان الثانوية مذاااااااااكرة وتوفيق من عند ربنا. شوفى انتى بقى بمستواكى ده لو ذاكرتى بجد..هتطلعى من اوائل المحافظة كمااااااان.ولما تخلصى ثانوية هتقولى ياااااه انا كنت تافهه اوى (سورى يعنى) والموضوع كان اسهل مما اتخيل يارب اكون افادتك ووصلتلك اللى عايز اقوله |
اقتباس:
هاتى the best -senior-top student-gem-كشكول الاول طبعا مش هتمشى بيهم كلهم ولا هتشتريهم كلهم..انتى اختارى منهم 2 واشتغلى بيهم هيكونوا كافييين جداا. ويا جماعه تحذيــــــــــــــــــــــر. فيه ناس بتشترى 4 كتب انجليزى وكمان بيوصلوا ل6 ويقعدوا يحلوا فيهم خطأ خطأ خطأ خطأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأ المنهج كله عبارة عن سؤالين بس فى الامتحان وغالبا بيكونوا من اسئلة الكتاب واحد هيقولى كتاب ايه انت جاى تهزر؟؟ لا ياباشا انت لو فتحت كتاب work book ,student book. مش هتلاقى سؤال واحد تحله.لكن افتح كتاب senior هتلاقى اسئلته كلها مبينة ع الكتابين دول واسئلة كتيييييييرة ومهمه اوووووووووووى ولازم تحلوها. ادخلوا على المراجعه النهائية 3 ث فى المنتدى هتلاقى الاساتذه ايام الامتحانات منزلين مذكرات فيها اسئلة الكتابين دول واسئلة الامتحانات متجاوبة. هتلاقوا 3 مذكرات والباقى مكرر.هتتفاجوا بكمية الاسئلة المهمه جدااااااا واللى جاه منهم فى كل السنين اللى فاتت وكمان محلولة فى المذكرة..يبقى اشتغلوا منهم واحفظوهم هتحسوا باهميتهم فى الامتحاااااااان. لو هرشحلك كتابين...the best ,senior لو مستواكى كويس يبقى top student بس بلاش تتعقدوا منه لان اسئلته صعبه ع الفاضى. كتاب كشكول الاول بيجيب اسئلة كتيرة. كتاب gem شرحه حلو اوى ومبسط. واسئلته عبيطة لازم من اول السنة تشتغلوا تراجم وكلمات وبراجراف والشخصيات ........لازم تحلوا وتحفظوا من اول السنة مش تقعدوا تحلو مستيكس واختيارات وبس.لا غلط كده..علشان كده بقولكوا كتابين حلوين اوى انكوا تذاكروا منهم وتحلوا.انما باقى الاسئلة تذاكروهم وتحلوهم من اى حته وتحلوا فيهم كتيييييييير لانهم المفتاح للدرجة النهائية. علشان متحسبوش اللى بيجيب النهائية بيكون حالل 4 ولا 5 كتب. لا اللى بيعملوا كده بيتعبوا نفسهم ع الفاااااااااضى والله.. فى اسئلة زى البراجراف والترجمة الطلبة مش بيهتموا بيها ولكن هما اهم سؤالين للى عايز يقفل طبعا القصة سهله اوى والله رغم انها كبيرة..بلاش تحفظوها صم..لا خدوها قصة كده وفيلم وبردو متسبوش فيهم حاجة.وتحلوها من اى حته . وسؤال القصة مضمون |
اقتباس:
يعنى فى اول السنة اشترى من كل مادة كتابين بس غير كتب المراجعة النهائية ؟؟؟؟ |
اقتباس:
|
اقتباس:
اصل كان نفسى ادخل طب اسيوط وبغبائى غلطت فى ترتيب الرغبات فجاتنى طب سوهاج...يلا ...الحمد لله... ان شاء الله السنة الجاية تكونى فى طب اسيوط يادكتورة :) |
هل كتاب الاضواء والرساله ليهم اجابات كامله على النت او فى المكتبات ؟!
|
الاضواء ممكن تلاقيه علي النت
انما الرساله دايما بيبقي مجاوب علي كل حاااجه |
لوسمحت ممكت تقول الكتب الخارجيه للفيزيا
|
اقتباس:
|
اقتباس:
|
بصوا يا شباب بلاش تكتروا ف الملخصات ف ناس بتقعد تشترى ملخصات كتير وترصهم فوق بعض وف الاخر تتعقد انا عايز احل كل دا ويضيع نفسه انا كنت هعمل كدا انا مش هتصدقونى لو قلتلكوا كان معايا 9 ملخصات انجلش اكيد هتقولوا دى مجنونة انا فعلا كنت كدا واتعقدت لكن بصراحة ف حد هنا نصحنى قالى اختارى اتنين كويسين ومستواهم توب وسيبى الباقى ارميه تحت السرير وفعلا عملت كدا واشتغلت والدنيا مشيت والحمد لله بس عملت كدا ف كل المواد انا ف كل مادة كان معايا تقريبا كل الملخصات الخاصة بيها اللى نازلة ف السوق رميت نصهم تحت السرير واشتغلت ف الباقى والحمد لله محدش استفاد من الكتب التانية الا قرايبى اللى داخلين تالتة زيكوا فلوس بقى اترمت تحت السرير علشان كدا شوفوا الكويس وامشوا بيه وشدوا حيلكوا وربنا يوفقكوا
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
ثانيا : فعلا احتمال كبير يكون ده حسد ربنا يبعد عننا الناس دي بجد نصايحك مفيده وكلامك صح الصح انا ان شاء الله هعمل بكامل وسعي عشان اوصل للطب ياااااااااااااارب امنيه حياتي الكليه دي بس عندي سؤال في ازاي بقي اذاكر انجلش بحيث اقدر اقفله من حيث الجرامر والكلمات ؟؟ :) |
لو سمحتم لو حد عنده فكره عن الكتب الى نزلت فى الفجاله يا ريت يقول
|
اقتباس:
يعنى باختصار تحفظوا كلمات على قد ما تقدروا وتطبقوا عليهم براجرافات وتراجم من يومنا هذااا حتى لو حاجات محلولة هيكون احسن وكل اسبوع تكتبوا براجراف وتشوفوا غلطوا فى ايه معاكوا لشهر 5 هتلاقوا نفسكوا زى الفل والله. وفى الاول والاخر مفيش حاجه اسمها انى ضامن 50 فى الانجليزى لان كله نصيب ..ممكن تلاقى واحد متفوق جدا ويجيب 48 وواحد اقل منه ويجيب 50 ليييه؟؟ بسبب ان ده ركز لاخر ثانية ابو 50 وابو 48 ممكن يكون مذاكر وكله تمام بس يتوتر فى اللجنة وينقص فى حاجات عارفها. علشان كده نحافظ ع الهدوء والتركيز لاخر ثااااااانية فى الامتحان.وحتى لو خايفين من ماده معينه نخلى عندنا امل اننا نجيب فيها النهائية ومنفقدش الامل ده لغاية ما اسلم ورقة الامتحان |
اقتباس:
انا الصراحه مجربتش الامتحان انا كنت بتكلم ع الامتحان اسئلة بتاع المراجعه ده.وقولت ان الرسالة فى المراجعه احسن منه. مادام حابة الامتحان شرح.خلاص اشتغلى منه واكيد لازم يكون جامد زى بقيه المواد |
اقتباس:
|
انا بصراحة ناوية ازاكر و احفظ من كتاب المدرسة ( دة لما استلمه بعد عمر طويل ان شاء الله )
و احل من دليل التقويم دة اساسى طبعا اما الكتب اللى ناوية اجبها ان شاء الله العربى ... الاضواء و الامتحان و الرسالة ( اكثر مادة خايفة منها ) الانجليزى الاساسى ذا بست و سينيور و ممكن ازود جيم او سيربرايز الفرنساوى ... فى برافو و ميرسى و جينيال ( على حسب ما القى ربنا يسهل ) الفيزياء الامتحان و الوسام اسئلة بسسس لونه احمر انا بصراحة الكتاب دة بذات لقيت فيه مدح كبير جدا هو دة الكتاب اللى فيه مسائل صعبة جدااااا على حسب ما سمعت ؟؟؟؟؟ الكيمياء الامتحان ومندليف الاحياء الامتحان و النفيس و كشكول الاول الجيولوجيا الوسام و الامتحان و كشكول الاول كدة حلو و اية ؟؟؟ |
اقتباس:
ايوة كتب المراجعه اشتريها من اول السنة هتريحك جدا خصوصا فى العربى:078111rg3: |
موضوع جميل .. وفكره رائعه
.. جزاكم الله خيرا يا دكتور |
اقتباس:
بس بلاش تذاكرى من كتاب المدرسة.ذاكرى من الامتحان المواد العلمية وكتاب المدرسة يكون للقراية فقط. لانه سايح على بعضه ومش حلو خصوصا فى الاحياء وكده.انتى ذاكرى من الامتحان وخلى كتاب المدرسة للقارية ولو لقيتى حاجه ناقصة ( ومش هتلاقى) اكتبيها فى كتاب الامتحان. انا يا جماعه مجربتش كتاب الامتحان فى الفيزياء شرح.انا جربته مراجعه واسئلة وهو فوق الرائع ايوة كتاب الوسام بتاع المسائل الصعبه ( مش كلها طبعا فيه وفيه) الاحياء والجيلوجيا ابسط مما تتخيلى فانا حاسس ان 3 كتب كتير عليهم.والله لو تقدرى عليهم يبقى 100 فل وعشرة.لكن متلزميش نفسك تحليهم كلهم .لكن متسبيش سؤال فى كتاب الا لما تحفظيه صم وتعرفى السؤال كويس مش مجرد نحل السهل ونسيب الصعب والعكس.وكمان لو فيه فكرة فى سؤال لازم نعلم عليها علشان نراجعها علشان هتلاقيها قدامك فى الامتحان . فانا احل كتاب بتركيز ومسبش فيه فتفوته احسن ما احل 5 وابقى بحل اى كلام. وان شاء الله تقدرى تخلصى الكتب دى لان المناهج صغيره اوى. |
اقتباس:
|
اقتباس:
ثانيا هى الكتب و الملازم اللى بتعملها المدرسين بتكون كويسة ؟؟؟ بذات انى كل مدرس عامل كتاب شرح بذات فى العربى و المواد العلمية ولا بلاش اشتريها و اعتمد على الكتب الخارجية احسن ؟؟ انا بصراحة مش بستريح نفسيا لكتب المدرسين لانى بخاف تكون متلخصة او نقصة حاجات |
هو كشكول الاول دا حلو ولا ؟ وف كل المواد ولا ايه وهو احسن من الامتحان ؟
|
انا لسه هسمع عنه :O !
وبالنسبة للكيميا والاحياء والفيزيا ايه احسن ملخصات غير الامتحان ؟ O.o |
اقتباس:
اى خووووودعـــةةة ^^ |
| جميع الأوقات بتوقيت GMT +2. الساعة الآن 10:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.