عليك السؤال وعلينا الاجابة بإذن الله
 

هنا ان شاء الله نحاول الاجابة عن استفسارات الطلاب والمعلمين
والذي يجب عليها مشرفي المنتدي او الأعضاء الزملاء المشاركين معنا لمساعدة بعضنا البعض
في شرح النقاط الصعبة او اي سؤال يخص محتوي الدراسي للمادة

جزاك الله كل الخير

عايز اعرف لو سمحت يا مستر تامر نظام المناهج (الفلسفه وعلم النفس) للصف الثانى والثالث الثانوى

هل هناك تغير فى المنهج بالكامل ام هناك تعديل فقط (وبالنسبه لمنهج الصف الثالث الثانوى ) هل منهج الفلسفه كما هو ام به اضافه لموضوعات جديده ( ومنهج علم النفس) هل كما هو هل سيتم تعديله ايضا

ومتى سنرى الكتاب لكى نبدأ بعمل ملازم السنه القادمه

ارجو الاهتمام والرد

شكررررررررررررررررررررررررررررررررررررررا

شكرررررررررررررررررررررررررررررررررررررررررررا

افيدونا يا حضرات المستشارين لو سمحتم

1- اولي ثانوي فلسفة زي ما هو
2- تانية ثانوي ( فلسفة - علم نفس ) جديد 100% وفي المطبعة لم يخرج حتي اليوم
3- 3 ثانوي فلسفة هناك تغيرت بسيطة في الفاربي وباقي الكتاب زي ما هو
4- 3 ثانوي علم نفس هناك تغيرات فيه كتير وهنزلة باب باب ان شاء الله
ونزلت الان الباب الاول

من بعد اذنكم فى انا عايز افرق بين الذاكرة الفورية وقصيرة المدى (الفورية )بيقول كتاب مداها زمنى 10-30 ثانية ازاى هو ده معقول .امال يعنى اياه 1/5 ثوانى ال احنا عارفينه ان ده مداها الزمنى .ويرجع يقول تانى المدى زمنى للذاكره فورية 10-30 ثانية
انا مش فاهم حاجة اياه الفرق علشان افهم وافهم طلبة .وشكرا

وما معنى ذاكرة قصيرة المدى تخزن المعلومات بطريقة انتقائية فى التجهيز والمعالجة .ارجو التوضيح وشكرا

هذا خطا بالكتاب-فكيف اتحدث عن السعه واذكر مده-فمدى الذاكره الفوريه من ثانيه لخمسه

اى ان الانتباه(انتقائيه) له الدور الاساسى فى الذاكره قصيره المدى ومن خلاله يتم التعامل مع المثيرات ثم ادراكها وعند تعلمها اصبحت فى الذاكره

للاسف سمك لبن تمر هندى

معني كلة انتقائية للنجهيز والمعالجة
لو انت ماشي في شارع وشفت محلات ةعماير كتيرة( ذاكرة حسية)
ولكن هناك محل لدية انوار كثيرة افتتاح مثلآ بتركز عليه شوية ( قصيرة مدي)
لان بنآ علي هذا التركيز المؤقت بذلك انت عملت عملية انتقاء لمثير معين حتي يتم اداركه بشكل تفصيلي وفهمه وربطه بالمعلومات التي في الذاكرة طويلة المدي ( وهذه هي عمليات طويلة المدي)



ولكن لدي سؤال اخري
الذكرة الحسية من 1- 5 ثواني
والقصيرة من 10-30 ثانية

ولكن اذا كان تخزين المعلومات بين( 5-10) ثواني يكون تبع اي انواع من الذاكرة ؟؟؟؟؟؟؟؟؟؟؟؟

شكرا للتوضيح .وارجو من السادة مستشارى المادة يضعون عملية وضع كتاب علم النفس .لمدرسين علم النفس الذين هم فى صلب المادة ويفهمون ايجلبياتها وسلبياتها.لان ال بيحصل معانا ده استخفاف بالمادة

ياريت حد من الاساتذة يكتبولنا اية اللى اتغير فى منهج علم النفس والاجتماع 3 ث على هيئة نقاط لتغيرها

اتفق معاك في هذه الفكرة ولكن انا عن نفسي لسه مقرأتش الكتاب كامل بس ممكن تقرأ انت الكتاب لان ممكن نقطة تعدي من واحد فينا الزملاء يذكرنا بها

ياريت الاساتذة الافاضل توضيح الخطأ اللى موجود فى خصائص الذاكرة الحسية لأن الامور كده دخلت فى بعضها هو احنا مكتوب علينا البلا دا لحد أمتى يا جماعة مفيش تجديد من غير أخطاااااااااء ........عجبى.

طب انا دلوقتى اشرح للطلبة الذاكرة فورية مداها زمنى 1/5 ثوانى - ولا 10-30 ث

طب بعد اذن حضراتكم لما هتشرحوا الذاكرة الفورية هتقولوا مداها زمنى اياه هل 1-5 ثوانى- ولا زى كتاب 10-30 ثانية.

والله انا محتار بين الذاكرتين وببحث في المراجع عن هذه المعلومة

مشكور ربنا يبارك فى حضرتك ا/تامر
ولكن نرجو من حضرتك تطلعنا على اخر تعديل تم اعتماده
فى الفلسفة والنفس 3 ث يا ريت بأسرع وقت
واللى هنشتغل عليه ان شاء الله
ولك جزيل الشكر

لسه مجاليش ان شاء الله قريبآ

الاستاذ تامر والاستاذ وسيم سؤال لحضارتكم واتمنى الرد
هل مادتى الفلسفة والمنطق - علم النفس والاجتماع
بالنسبة للصف الثانى الثانوى هتكون على الترمين ولا كل مادة فى ترم
وما هى اخبار المناهج هل هتتأخر زى العام الماضى
نرجوا الرد
وشكرا جزيلا للمتمايزين دائما وابدا

بالنسبة للمنهج لسه مجاليش ربنا يسهل قريبآ
بالنسبة للمدة ممتدة ام لا
منذ شهر قالوا ممتدة طوال العام
ثم سمعت من زميل في الوزارة قال ممكن تكون ترم واحد فقط
لسه مش متأكد

انا شايف ان السؤال ده "ولكن اذا كان تخزين المعلومات بين( 5-10) ثواني يكون تبع اي انواع من الذاكرة ؟؟؟؟؟" غريب اوى و عجيب , يعنى اية التخزين من 5- 10 تتبع انهى ذاكرة ؟ التقديرات الزمنية دى حاجات كده تقريبية لا اكتر و لا اقل
دى مراحل ممكن تزيد ثانية او تقل ثانية مفيهاش اى مشكلة و مفيهاش اى اهمية , و لو كان بالمثل بقى فية سؤال على نفس النمط " لو ذاد تخزين المعلومة ل دقيقة او اتنين ده يتنمى لأى ذاكرة ؟
على فكرة يا استاتذة انتو بتركزو على أسئلة ليس لها اى قيمة علمية لأن الأزمنة دى حاجات تقريبية مش اكتر
على فكرة المدى الزمنى للذاكرة الحسية فى المنهج القديم كان نص ثانية بقدرة قادر بقى 5 ثوانى , ازاى بقى التغيير ده ؟
علشان تعرفو انه مجرد تقديرات لا تسمن و لا تغنى من جوع كل اللى يهمنا دخول المعلومة الذاكرة الطويلة علشان تبقى دخلت عقل الانسان و استقرت فيه
اخوكم الاستاذ /عمرو مصطفى
ماجستير علم نفس - دبلومة عامة فى التربية

ان شاء الله حاضر

الحسية من 1 الى 5
القصيرة من 5 الى 30
طويلة المدى الاكثر من \لك والله اعلم

ممكن مثال يشرح ذاكرة قصيرة المدى وشكرا

تصفحت كتاب علم النفس الجديد للصف الثالث الثانوى ولقيت تغيرات فى موضوع الذاكرة عن السنة الى فاتت واظن انها اخطاء مثلا سعة الذاكرة الحسية مكتوب فى الكتاب" تسع عدد غير محدوده من المعلومات من ثانية الى ثلاث او خمس ثوانى" ازاى عدد غير محدود ومححدد فترة زمنية ثانيا السعة تسأل عن الكم ,ثانيا دوام المعلومات فى الذاكرة الحسية وقصيرة المدى من 10 :30 ثانية المفترض ان المرحلة الثانية من عمل الذاكرة اقوى من الاولى هل دى اخطاء ارجو الافادة

صحيح يا عمرو الله يبارك فيك

من فضلكم هو منهج 2 ثانوى علم نفس واجتماع كام وحدة علم نفس وكام وحدة علم اجتماع

3 نفس و3 اجتماع
والمنهج موجود في منتدي علم نفس 2 ثانوي

شرطى المرور عندما يلتقط رقم العربية المخالفة فهو يضع الرقم فى ذاكرة قصيرة المدى مدة لاتزيد عن 30 ثانية لكى يكتب هذا الرقم فى دفتر المخالفات

ارجو الرد السريع والصحيح الذاكرة الحسية السعه محدوده
الدوام محدود من 1:3:5 فيه فنسخة الكتاب كلام غريب السعة من 1:3:5 والدوام 10 :30 وده مش منطقى ايه الصح الله يكرمكم بسرعه

الدوام : تحتفظ بالمعلومات لفترة قصيرة جدا تتراوح من ثانية إلى خمس ثواني ثم تنسى.
السعة : سعتها غير محدده .
ولكن نسخة الكتاب خطأ مطبعى تقريبا

هو كتاب علم النفس 2 ثانوى 2015 نزل منه نسخه ولا لأ
ارجو الافادة ،،،

نزلت نسخة منه في المثبت

الله ينور عليك يا دكتور هو سؤال هايف

الله يبارك فيكم

كيف يمكن ان نتغلب على محدودية الذاكرة قصيرة المدى أرجو الافادة

كتب المدرسة بيقول التسميع الالي
ولكن اختلف شوية مع هذه المعلومة

كنت اتمنى ان تخبرني بوجهة نظرك
لكن جزاك الله كل خير على الاجابة

انا بشرح التسميع الالي وقول يتم تخزنها في الذاكرة فترة غير متناهيه

أستاذى الفاضل الأستاذ تامر صفوت - المحترم
عندى تعليق اود من حضرتك طرحة على الأستاذة مستشارة المادة وهو انه بالرغم من انه حدث تعديل فى الكتاب الجديد لعلم النفس للصف الثالث الثانوى الا اننى اجد به بعض الآخطاء العلمية وعلى سبيل المثال وليس الحصر .
انه عندما تحدث الكتاب عن أسباب النسيان والتى منها التداخل اشار الكتاب الى ان اسباب التداخل { الكف الراجع والكف اللاحق } وهذا علميا غير صحيح فلو رجعنا الى نظرية التداخل والتعطيل فى علم النفس نجد ان الكف الراجع " القبلى " والكف اللاحق " البعدى " ماهما الا انواع من التداخل وليس مسببات له وان السبب الاساسى كما تعلم سيادتكم يرجع لقصر الفترة اثناء عملية التخزين وعدم وجود فاصل زمنى كاف .
واهذا احببت ان انوه عن ذلك وسوف اعرض كل مايحتاج الى إعادة النظر اليه حتى نحتفظ بسمعة المادة ومعلميها ولسيادتكم خالص الشكر والتقدير والأحترام .

اتفق معك تمامآ
والمنهج هيتغير العام القادم