|
محتاره .. حد يساعدني
بسم الله الرحمن الرحيم السلام عليكم و رحمة الله و بركاته ازيكم؟؟ بصوا أنا عايزه آخد رأيكم في حاجه انا دلوقتي في سنه تانيه جبت 95% و أنا علمي و كتبت في الإستماره علمي علوم لإني مش كنت حددت بالظبط دلوقتي انا محتاره بين .. علمي علوم و علمي رياضه انا خايفه أدخل علمي علوم و أنقص و اخرج بره القطاع الطبي و ادخل ألسن او اي كليه أدبيه و لو كده كان أدبي اولى وبلا كيميا و فيزيا و حرقة قلب أما لو دخلت علمي رياضه فانا ضامنه كلية الهندسه و بنفس مجهودي اللي في سنه تانيه ممكن اجيب مجموع اكبر في تالته و انا مستعده اضاعف مجهودي ده و كمان اخويا معيد في كلية الهندسه و ممكن لو دخلتها يساعدني في المذاكره و كمان انا جبت 50 السنه دي في الرياضه بس الإمتحان كان سهل بالنسبه لتالته (رياضه 2) انا مش عارفه أعمل ايه أيه رأيكم؟؟ |
http://www.mekshat.com/pix/upload/im...3b160d166b.gif
بصي يابوسي لو انتي ان شاء الله ممكن تزيدي في تالته زائد المستوي ان شاء الله ممكن ان شاء الله تدخلي طب او اسنان او صيدله في بنات اصحابي كانو احياء وهايكملو علمي عادي وان شاء الله ربنا يوفقك لو ليكي رغبه في هندسه براحتك بس انا سمعت ان الصيدله واخده95.8 ان شاء الله تزيدي وتدخلي طب وفقك الله ونفع بك وايانا |
بصى حكايه اللمتحانات الصعبه تااى ترتب عليها مجاميع منخفضه
و كليات الحد الادنى ليها قليل دى ظاهره مش حتكرر خالص بنفس الشكل ده على الاقل يعنى من الاخر محدش ياخد على تنسيق السنادى و يختار حاجه على اساسه يعنى انتى واضح معندكيش مكله مع دخولك رياضه خلاص ليه التردد و اللعب بالمستقبل صلى صلاه استخاره و ان شاء الله ربنا يوفقك لما يحبه و يرضاه مااااااشى ابقى طمنينى عليكى فى رعايه الله |
ربنا يخليكم زي مارديتم عليا
تفتكروا فعلاً ممكن ازيد و ادخل طب انا اخويا الكبير دخل طب بس الكلام ده كان من 8 سنين كده لإنه اتخرج من زمان بس كان جايب في تانيه 90 و جاب في تالته مش عارفه كام المهم كان مجموع السنتين 94.5 و دخل طب القاهره بس ده كان زماااااااان قبل العصر الذهبي بتاع 2008 ربنا يستر بقى |
يا شيخه حرام عليكى
طبعا كملى علمى علوم دا انا كنت جايب اقل منك فى تانيه وكملت والحمد لله بقيت ضمن القطاع الطبى اهوه وبعدين رياضه واحد مش زى رياضه اتنين صدقينى ابعدى عن مواد االارقام محدش بيسلك فيها ادخلى المواد اللى تعرفى تكتبى فيها |
اقتباس:
thesailor البحار |
رد
افضل حاجه اللى انتى بتحبيه بغض النظر عن المجموع انا جبت ف 2 98% وبرده دخلت رياضه المهم انك تكون حابه اللى انتى بتعمليه ولو بتحب دراسه الرياضه اتوكلى على الله وادخلى رياضه اما لو بتحبى درسه الطب نفس النظام انصحك تصلي صلا الاستخاره |
ربنا يكرمكم عالرد
بس انا بحب الإتنين يعني بحب اوي التفكير و بعشق حاجه اسمها مسائل معقده في الرياضه و بحب اوي الأحياء و تركيب جسم الإنسان و الكائنات الحيه بس انتوا رأيكوا ايه انهي اسهل؟؟ رياضه 2 ولا الأحياء كله بيقولي رياضه 2 كذا قسم و كده و هتاخد منك فتره طويله اما الأحياء مش كذا قسم و هتبقى حصه واحده في الإسبوع و صحيح المستوى الرفيع اخد ايه بعد ما حددوه .. حسبي الله و نعم الوكيل يعني و الماده الأدبيه انا كتبت اقتصاد و احصا و كله بيقولي علم نفس حلو ايه رأيكم؟ |
اقتباس:
مالكيش دعوه بالاقتصاد والاحصا حرام لو تضيعي 4 درجات او 2 زي بعض اصحابي وعلم النفس كله جايب فيه 50 اما انا برده بحب الاحياء جدا بس بكره المغامره ف جسم انسان وبرده فكري ف طب كويس عدد السنين و الدراسه و و و وو وفي الاخر لو محتاره بردو يبقى راي والدك ووالدتك اختاريه |
اقتباس:
و بيقولوا لي رياضه أضمن لك لإنك ضامنه هندسه بس بالنسبه لعلم النفس انا مش بفهم التعقيدات العجيبه اللي فيه دي بالنسبه للأحياء هي زي بتاعة سنه اولى حفريات و عبط كده؟ ولا ايه :confused: :confused: |
صلي صلاة الاستخاره واسالي ربك بالمساعدة وعقبال السنة الجية بمجموع 100%
|
اقتباس:
بصليها بقالي 4 ايام و برضو لسه :confused: :confused: |
رد
اقتباس:
لا مش ذي سنه اولى انا مخدتش اخياء بس عارف ان فيها وراثه ودي مش سهله بس الرياضه اصعب بكل المقاييس هقولك على حاجه الدروس بتبدا من 8 احضري شهر احياء و شهر رياضه وشوفي على فكره انا مشفتش حد متحير زيك قبل كده انا عن ذات نفسي محدد من اولى اعدادي والماده الاختياريه محددها من 3 اعدادي والاقتصادسهل جدا بس الاحصاء بالرغم من ان هي لذيذ الامتحان ممكن ييجي ذى السنادي بس احتمال ضئيل وبرده ممكن لو جه ي السنه دي ممكن تنقصي فيه 1 او نص انا نقصت فيه نص معرفش ازاي |
بقولك انتي فكري في اللي ممكن تدخليه يعني عايزة تدخلي طب ولا هندسة مع اني هندسة بيقولو عليها صعبة اوي وناس كتير بتسقط فيها والمستوى اختاري جغرافيا انا ذاكرته في يوم ونص وجبت النهاية والمادة الادبية اختاري علم نفس احسن مع اني كنت اقتصاد واحصا ونقصت فيه نص درجة بس بس احسن خليكي في المضمون وطبعا الاحياء اسهل من رياضة بكتير لانها شوية فهم مع شوية تركيز ولازم تكوني بتعرفي تحفظي كويس
|
لا مش ذي سنه اولى
انا مخدتش اخياء بس عارف ان فيها وراثه ودي مش سهله بس الرياضه اصعب بكل المقاييس على فكرة الوراثة لذيذة اوي ومش صعبة ولا حاجة واسئلتها في الامتحانات بتكون واضحة وكمان حطي في اعتبارك انك مش سهل تزيدي في تالته عشان الامتحانات مش مضمونة وفي الغالب هتبقى صعبة على طول وبالذات الفيزياء |
اقتباس:
انا حجزت احياء و رياضه لحد ما ارسى على حاجه عارفه يا غاده خايفه ادخل علمي رياضه ييجي امتحان الرياضه صعب زي السنه دي و امتحان الفيزيا و كده المجموع ينزل و خايفه ادخل احياء مش ألحق طب ولا صيدله ولا طب اسنان حتى مش عارفه خايفه اوي اوي و صليت استخاره طلع ان ربنا كاتب لي خير في الإتنين تفتكري اعمل ايه؟ على فكره الوزير حدد المستوى الرفيع يا احياء يا رياضه |
اقتباس:
|
اقتباس:
و كمان الرسومات خايفه تكون صعبه بس هي فعلاً رياضه 2 اصعب من رياضه 1.؟؟ ياريت اي مدرس رياضه يدخل و يدينا فكره و شكراً يا حبيبة قلبي لمرورك :) |
انا بحب الأحياء اصلاً .. بس انا خايفه اوووووووووي لامجبتش مجموع ومش ادخل اي حاجه في القطاع الطبي
و كمان الرسومات خايفه تكون صعبه بس هي فعلاً رياضه 2 اصعب من رياضه 1.؟؟ ياريت اي مدرس رياضه يدخل و يدينا فكره و شكراً يا حبيبة قلبي لمرورك :) ميرسي يابوسي وياريت نكون اصحاب عموما هي الرسومات جميلة وبتبقى سهلة اوي لما بتتدربي عليها على الفكرة رسومات الامتحان السنادي كانت تخطيطية وعمرها ماطلبت في امتحان قبل كده بس انتي شدي حيلك انا ليا صحبتي جابت في 2 95% وفي تالته دخلت طب بيطري وفي ناس كانو اكتر منها وملحوش حاجة في كليات القمة انتي شدي حيلك وان شاء الله ربنا يهديكي للخير واللي في مصلحتك |
اقتباس:
انا مش بحب الكليه دي :( انا نفسي ادخل صيدله او طب اسنان .. بس لو جبت نفس المجموع ده مش راح الحق حاجه كويسه و انا يشرفني يا قمري اني ابقى صاحبتك |
بصى يا قلبى أهم حاجة أرتياحك للدراسة الأحياء والرياضة الأتنين مش سهلين ومحتاجين مجهود...بس اللى بيخليهم سهلين هو حبك ليهم;) شوفى اللى أنتى ترتاحيلة و المهنة اللى بتحبيها يعنى مش تقولولى بحب أبقى دكتورة وأبقى مهندسة:mad: أنتى من صغرك كنتى متخيلة نفسك فى أى مهنة؟؟؟؟؟؟؟؟ وبردوا استخيرى:) ومتخافيش من المجموع اعملى اللى عليكى وربنا هيكرمك بأذن الله:) ومش هيضيع تعبك فى رعاية الله |
بصى يابوسى اهم حاجه ميولك انتى ورغبتك انتى يعنى لو انتى حبه الرياضه بس خلى بالك رياضه 2 غير خالص رياضه 1
وانا شيفه ان الكمياء هتكون احسن ليكى بصى انا كنت جايبه فى تانيه 96.7 والحمد الله كملت علمى علوم والحمد الله دلت دلوقتى صيدله والله ده كله بيبقى بتوفيق ربنا بصى انا اعرف ناس كانوا جيبين فى تانيه 99.2 وجابوا فى تالته 91.3 والله يعنىمجموع تانيه مش هو الى يشغلك اهم حاجه تركزى فى ثالثه اوى وتخلصى فى المذاكره واستعينى بربنا على طول والله هتلاقيه واقف معاكى فى كل حاجه وفى الاول والاخر تحديدك يرجع لميولك وماتبوصيش ابدا للمجموع وربنا يوفقك انشاء الله وتبقى دكتوره اد الدنيا |
بسم الله الرحمن الرحيم ماجدولين انا من زمان اوووووي ونفسي أدخل طب او صيدله لسبب شخصي جدااااااااا .. بس انا خايفه انقص في تالته .. و انتِ عارفه العصر الذهبي بتاع 2008 و الإمتحانات بتاعته و الله اعلم العصر اللي بعده عامل ازاي بقى :D عموماً انا هكمل علمي علوم و هضاعف مجهودي ان شاء الله و راح اوصل بأمر الله و ادعولي بقى == حبيبتي عاشقة الفردوس انا بشكرك كتير بجد طمنتيني .. و يارب ابقى دكتوره و بالنسبه بقى لإنك كملتي علوم .. هي الأحياء زي الكيميا كده .. مش اسيبها ولا يوم و اجري وراها .. و بعدين هي سهله ؟ محتاجه حفظ اكتر ولا فهم ؟؟ اي حد يفيدني بالله عليكم و شكراً لمساعدتكم بحبكم في الله :) |
اقتباس:
وربنا يوفقك انشاء الله |
اقتباس:
و بجد ميرسي اوي يا حبيبة قلبي لمساعدتك .. و ان شاء الله راح احاول احفظها .. يعني هي زي بتاعة تالته اعدادي كده .. صح؟؟ ولا ايه؟ انا اسفه للرخامه بتاعتي والله :( |
اقتباس:
بصى هى مش اوى زى بتاعت 3 اعدادى هى بتوسع اكتر بس هتلاقيها اسهل منها وخفيفه اه وماتنسيش تركزى على الرسومات والاهم مش الرسمه البيانات الى على الرسمه وربنا يوفقك ولو فى اى سؤال انا انا موجوده واوعى تقولى انك رخمه تانى لحسن ازعل منك |
بما ان المادة مابتبقاش صعبة الا لو متذاكرتش
وبما انك ناوية تذاكري مش تلعبي اذن فالاحياء والرياضة بالنسبة لك او لاي حد كلاهما سواء س طب اخر اللت دة استفدت انا ايه ؟ ج استفدتي انك ما تحكميش على المادة بانها صعبة او سهلة بصي للي انتى عايزاه وزي مانتى قلتي مش عايزة تخرجي عن المجمع طبي يبقى توكلى على الله احياء وشوية اجتهاد مع المستوى مع عدم وجود حرامي المرة الجاية (بس قولي يارب) وقبل كل دة توفيق من ربنا ومساعدتك لزمايلك اللي يحتاجوكي يارب اكون عرفت افيدك وربنا يوفقك ويوفقنا :) |
بسم الله الرحمن الرحيم اقتباس:
و كنت جايبه فيها 50 الحمد لله ربنا يخليكي يا قمري :) و يطمنك == اقتباس:
ربنا يخليكي يا طالبه .. بس اوعي تقولي على نفسك محتاسه .. لإن بيني و بينك كل الطلبه اللي في مصر محتاسين :D بس هو ايه عدم وجود حرامي ده .. تسريب يعني .. لا من ناحية التسريب فالبلد كلها مسربين :D بحبك في الله :) |
| جميع الأوقات بتوقيت GMT +2. الساعة الآن 10:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.