|
طلبة طب عين شمس ,,, إجمع
دعانى الداعى إلى الطب الكريم ائتنا .....فأجبت وجلا وسألت الهدى ربنا السلام عليكم ورحمة الله وبركاته.. أهل الطب الكرام , مشرحى اللحوم والعظام , طلاب طب عين شمس , أقرب الجامعات الى النفس , أريد منكم تسجيل حضوركم ها هنا , وأنا سأتبعكم ,,, والسلام خير الختام :D |
يسعدني ويشرفني ويكرمني
ان اكون اول واحد ميسجلش في رابطة طب عين شمس |
طيب انا مش طب للاسف:(
بس قلت عيب لما ادخل الموضوع واطلع ايدي فاضيه:d الف مبروك يا دكتور:) ونتمنالك التفوق في الكليه زي الثانوي تمام:) |
اقتباس:
سحقا سحقا :mad: بالبتنجان اقتباس:
واتمنى لك التفوق والسداد أين أنتم أهل عين شمس ؟!!!! |
اقتباس:
نفسه :D انا ولا عين شمس ولا لسه اولي بنسبه كبيره احتمال ادخل تانية بس طبعا بمواد :rolleyes: يالا الف مبروك يا دكاتره ;) لو حد محتاج اي مساعده اقر اقدمهاله انا مش حتأخر |
اقتباس:
حسنا قد تنفعنا بقليل ها هنا http://img204.imageshack.us/img204/6817/drylp5.gif :p |
اقتباس:
مبروك لحضرتك وربنا يعين الجميع فى رعاية الله |
اقتباس:
شكرا للرد ومبروك لحضرتك طب فين الباقى :mad: يا شماتة صيدلة فينا |
مينفعش
طب القاهره يا انس مش عارف ايه اللي عاجبكم في عين شمس على العموم ربنا يوفق الجميع سلااااااااااااااااااااااااااام |
اقتباس:
أنا عارف إن القاهرة أحسن بكتير من الخرابة بتاعتنا دى .. بس انا عملت استخارة وقررت أكتب عين شمس خصوصا إن اخويا فيها وعارف نظامها وكل حاجة عنها ومعايا الكتب كمان :D منور يا محمد :) |
الف مبروك يا انس
اقصد د/ انس سلااااااااااااااااااام |
اقتباس:
يعني لما الناس يسألوك حتقولهم انا في طب الخرابة ........ يارب يغيروا الكتب خاااااااااااالص ؟؟؟؟؟؟؟؟ |
اقتباس:
وعاوزينك تنورنا تانى فى الموضوع دة بس انتا متسربع على ايه يا راجل لازم نعمل معاك واجب :p الشاى يا فهمى ... |
اقتباس:
بس انا مش داخلها علشان الكتب طبعا عشان أنا عملت استخارة كذا مرة وشوفت حلم خلانى أدخلها .. سيبك يا عم أهو كله طب إجرى روح على موضوعك يا أستاذ :mad: |
اقتباس:
صيدلة هنا |
مش فاهم الرد
بس أنا كنت أجيب عين شمس والقاهرة وكله بمزاجى يعنى http://img227.imageshack.us/img227/5922/atyaflu9.gif حتى صيدلة بتاعتكوا دى :p مش قولت بلاش صيدلة هنا |
اقتباس:
لالالالالالالالالالالالالالالالالالالالالالالالالا لالالالالالالالالالا والله أزعل يا أختى:( انا مجموعى بفضل الله يدخلنى القاهرة وعين شمس بس عين شمس قريبة لية جداااااااااااااااااااااااااا (رغم انى والله مظلومة فى تلات درجات ونص:confused:) ويدخلنى الصيدلة اللى أنا عاوزاها كمان:p بما فيها صيدلة عين شمس القريبة;) بس انا اساسا دى رغبتى الأولى ودى الكلية اللى بتمناها طول حياتى فياريت حضرتك بلاش الكلام دة تانى مش مجموعنا اللى بيتحكم فينا لأ احنا عملنا اللى علينا وعشان كدة ربنا سترها معان ووفقنا:D:);):rolleyes: |
طيب هانزل موضوع الطب ان شاء الله :)
جارٍ الاعداد .... |
انس انت حتبقى الوحيد في الدفعة الي اسمك انس عشان كل سنة كده وحتبقى الولد الوحيد وسط سكشن كلة اسمهم ايمان معلش بقى انا خامسة طب عين شمس واختي دخلت معاكو السنه دي كمان
واي حد عايز اي مساعدة انا حتاخر ونص لاني مش فضيالكو من الاخر |
صيدلة ايه دول الي بيكلمو انا اختي جالها طب عين شمس وهيا مجموعها يجيب اعلى كليه في الجمهورية داخلة عين شمس رغبة اولى عشان هيا في مدينة نصر
على فكرة ابن خالتي لسه متخرج السنة دي من صيدلة اسكندرية وعايز يولع في شهادته وراح فتح سايبر نت مع اصحابه لانه مش لاقي شغلانة بصيدلة وندمان انه مادخلش هندسة من الاول صيدلة ايه بس انا مش عايزة احطمكو بس يا بتوع صيدلة انا ممكن اقول حاجات كتير بس عيب انتو زي ولادي برضة خليكو افرحو بنفسكو شوية بس يا ريت بليز تبعدو شوية عنا مش ناقصين وجع دماغ ده الطب عمكو |
انا مش عارفة احمد جايب402 واختار صيدلة ليه!! رغم انه ولد مخة نضيف ويمشي في طب جامد!
|
هو طب محتاج مخ
طب محتاج صبر بس وبعدين انا مقبلش حد يتكلم على صيدلة كدة بصراحة كأنهم أغبيا ولا نص عقل |
لا وانا قلت حاجة بالعكس كل اوائل مدرستي دخلو صيدلة عين شمس بس برضه مابحبش حد يتطاول على طب انا كنت صيدلة عين شمس وحولت طب لان عن تجربة شخصية طب احسن كلية في الجمهورية ايوة محتاج مخ كمان ماتكلمش عن حاجة انت مجربتهاش اللتا نية عالجمهورية في دفعتي 2004 طلعت الاولى علينا في رابعة السنة دي والبنت باعتراف الكل عبقرية
|
والله مش عملية دماغ
طب ما كنت دخلت هندسة ... بس الفرق إنى بحب الكلية وخلاص |
أين طلبة عين شمس
يلا يا جماعة |
طيب مينفعش طب الفيوم يا دكتور انس ؟
عموما يا سيدي ربنا يوفقك |
اقتباس:
|
اقتباس:
اقتباس:
مش عارف كأننا داخلين الجنة اللى بيحب طب يخشوا والمفروض انه عارف انه هيشحت .. الناس واخدة فكرة ان الطب دول ملوك ومعاهم دهب وفلوس ياما بصوا على بتوع صيدلة اللى بياخدوا فلوس أد كـــــــــــ:Dــــــدة (أنا مش بَقُر أنا بحسد ) |
:D
اقتباس:
وشكرا على المساعدة :p:D |
انا ايضا قد لبيت الدعوة بفضل الله
ويشرفني ان اكون معكم في رابطة طب عين شمس و الف مبروك د. أنس و د. ماجدولين يارب يبقى ليكم مستقبل طبي مشرق ياه اخيرا بيقولولي د. إيمان بس يا رب ابقى قدها بجد انا مرعوبة جدا جدا من الكلية دي د\ ماجدولين انا عاوزة ايميلك لو ممكن يعني كنت عاوزة اكلمك على الخاص بس للاسف مشاركاتي موصلتش 50 |
السلام عليكم ورحمة الله وبركاته ====== بالتوفيق للجميع ان شاء الله فى كل الكليات :rolleyes: اقتباس:
،،، بجد بجد ربنا يعينكم ويكرمكم لما تتخرجوا ويحسوا ع دمهم بقى ويفكروا يمشوا فى موضوع كادر الاطباء دا :rolleyes: احسن ع طول بيتكلموا عنه ومخدوش خطوة واحدة !!!!! مع العلم ان دكاترة مصر من اكفأ الدكاترة بجد وفى الدول العربية بيطلبوا اطباء (مصريين ) وفرص السفر كتير - بس للى يعرف بقى لان العوائق بتتوجد كدة مرة واحدة !! مشكلتنا بس فى مصر امكانيات البلد مش فى الدكاترة نفسهم وفى المرتبات اللى تحت دى ربنا يسهل ان شاء الله =========== انا بقى مش علمى علوم اصلا ( ولله الحمد ) :) بس مع خالص تمنياتى بالتوفيق والنجاح للجميع ان شاء الله ،،، احترامى :) |
اقتباس:
د. أميرة الورود مرحبا بك فى هذا الصرح العظيم ::: طب عين شمس ::: ومفيش رعب ولا حاجة .... كليتنا سهلة على فكرة وممتعة بس اللى يفهمها لى عودة إن شاء الله فى الموضوع اقتباس:
جزاكم الله خيرا لرد حضرتك ويا رب يراعوا الغلابة اللى زينا بعد 14 15 سنة دراسة هنقبض 280 جنيه دة لو قبضناهم أصلا |
اقتباس:
وناس معايا في اسكندلارية 404 و405 ومعانا في صيدلة الحكاية حكاية.....حب ورغبة وميول انا حاسس ان انا حابب صيدلة وحتفوق فيها ومش حابب الطب وحاسس اني مش حتفوق فيها يبقى على بركة الله صيدلة ............... وبعدين متجيش على واحد جايب مقبول في صيدلة يعني 63%وتقولي اصله قاعد عل القهوة مبيشتغلش يعني لو كان جاب جيد جدا وراح اشتغل كان حد حيقوله لا..لو طلع الاول على الدفعة حد يمنعه يشتغل معيد في الكلية..لومعاه فلوس حد يمنعه يفتح صيدلية ............. |
Ana Aho Ya Doctor
Teb Ein Shams Bas Hahol In Sha Allah Teb Elqahra Melsh El Keyboard Bayza |
أهلا أهلا
يعنى حضرتك مش معانا السنة دى |
انا يا دكتور معاكوا فى الماساة دى
المهم انا معاكوا لحد ما يفتح التحويل واشوف كدة واحول القاهرة باذن الله اة صحيح هو انتوا هتروحوا تقدموا امتى؟ |
يوم الاحد ...
إن شاء الله |
السلام عليكم
كنت عاوزة اعرف انا هاعمل اية بكرة ان شاء الله هاروح فين اخد معايا اية يا ريت حد يفيدنى شكرا |
بصي انا رحت من كام يوم و قالولي
1- التوجه لادارة شؤن الطلاب ويجب احضار الاتي مع الطالب أو ولي الامر (الوالد أو الوالدة) _خدي بالك "أو" مش "و"_ أ) استمارة نجاح الثانوية العامة ب) أصل شهادة الميلاد "كمبيوتر" و صورة ج) 7 صور مكتوب عليها اسم الطالب د) بطاقة الترشيح اللي طبعتيها من النت هـ) صورة من البطاقة الشخصية لوالد الطالب و بطاقة الطالب إن وجد و) نموذج 2 جند بالنسبة للذكور 2- سحب ملف مع استمارة الالتحاق و تدوين المعلومات الخاصة بالطالب 3- تقديم الملف و الاسستمارة والاوراق الموضحة اعلاه لادارة شؤن الطلاب 4- أخذ اذن دفع الرسوم الاضافية و قدرها 227 جـ و استمارة الكشف الطبي 5- الذهاب الى المركز الطبي بالكلية لاخذ اذن دفع الكشف الطبي و قدرة 20 جـ للطالب المصري 6- الذهاب لخزينة الكلية لسداد كل الرسوم وأخذ الايصال الدال على ذلك 7- الرجوع للمركز الطبي لاجراء الكشف الطبي ياريت تكوني استفدتي مني حاجة:cool: واي خدمة يا دكتورة:D هو انتي هتروحي الساعة كام؟ |
والله مش عارفة بس احتمال اكون هناك على الساعة10 او اا
ممكن تدخلى على ملفى وبعدين ابعتيلى على الايميل وياريت نبقى اصحاب علشان انا بحب المجموعات الكبيرة ومعرفش كتير هو انا هاعمل دة كله بكرة؟ ولو كدة يبقى لازم اروح من بدري صح؟ |
باين كده بتوع القصرالعينى وراكوا وراكوا
انت فين من زمان يادكتور انس وحشتني ردودك ومشاركاتك الجميلة رحت فين |
انا تالته طب عين شمس
طبعين شمس اصعب كليه فى مصر بلا مقارنه عشان كده بيحولوا والى مش ناوى يزاكر ميجيش اول الجمهوريه فى دفعتى شال 4مواد من 5 |
اهلا بالطلبه الى جاينلنا الكليه واى مساعده تحت امركم
هاتوا العضم وتعالوا ورايا |
طيب يا حج انس انا احمد من اسكندرية وقبلت عين شمس والحمد لله وكلها 7 سنين وابقي جزار المهم انا سمعت ان في كشف طبي اليومين دول في عين شمس فانا كنت عايز اعرف لو حد قدم او عمل الكشف الطبي ده يرد ياريت عشان بس مضربش مشوار للقاهرة علي الفاضي
وشكرا |
اقتباس:
بس ليا عتاب عليك يا دكتور هي يذاكر بالذال ولا الزين :p كنت فاكر الطب فيها املاء واول الجمهورية اللي في دفعتك شكلك دخل الكلية هنج اوعدك انى مش هذاكر وهكون أول الدفعة :) :p |
اقتباس:
وبعدين هما مش كانوا 6 صور بس ولا ده عندكوا انتوا بس |
طيب كده أنا هروح أمتي ؟؟؟؟؟؟؟؟؟؟؟!!!!!!!!!!!!!!!!
|
اقتباس:
الحكاية سهلة اوى بس هى زحمة جدا وخصوصا ان فى كتير من الاقاليم ومقولكش بقى على الوادى الجديد واسوان واسيوط والمنيا والغربية والمنوفية وخناقات بقى اية "سلطة" الكشف الطبى وان مينيت بالظبط بتشوف نظرك وبيسالك الدكتور عندك ضغط و سكر بس الحكاية بسيطة خالص لو عوزت اى حاجة انا فى الخدمة وبعدين عايزة اخد رايكوا فى حاجة كدة انا مش عارفة احول القاهرة ولا لا؟ انا خلاص كدة طالبة فى عين شمس ومتنسوش المصاريف 227ج واذن الكشف الطبى 20ج .....................................فى رعاية الله |
شكرا جدا علي رد حضرتك يعني اروح بكرة علي طول
وهي فاتحة للساعة كام ؟؟!!! |
اقتباس:
ايه يا أحمد باشا منورتناش ليه من بدرى ولا عاوز تحول من دلوقتى ..... :D طيب يا باشا أنا لسا مقدمتش عشان لسا مسافر وهاجيبلك المفيد كله ... تحياتى |
| جميع الأوقات بتوقيت GMT +2. الساعة الآن 12:53 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.