كارثة تغيير مناهج الانجليزي العام القادم 2014/ 2015
 

علمت من مندوبين الكتب ان هناك تغيير في العام القادم في منهج الانجليزي الابتدائي كله واولى اعدادي مع ان المناهج متغيرة هذا العام فياريت لو حد عنده معلومة مؤكده برده يعرفنا

بس ياريت ولا حضرتك عجباك المناهج إل كلها بتتكلم عن الأكل أجمل حاجة إنهم اهتموا بالفونتكس ولكن الموضوعات صعبة وغير مناسبة لبيئة التلميذ ومستواه وأتمنى إذا كان هناك تغيير يكووون للأفضل

انا كنت مع التغيير
 

انا كنت مع التغيير هذا العام لكن بعد دراسة المنهج الجديد لقيتة منهج متكامل يعنى كان عاجب حد المنهج القديم اللى كان معظمة صور ومن ناحية انة هيتغيير لا مش معقول لان الوزارة بتتعاقد على اى منهج من سنتين الى اكثر بملايين الجنيهات وهذا سيكلف الوزارة ملايين

انا سمعت من الوزير انا هناك تغيير في كل المناهج

ياريت يتعدل مش يتغير يعنى يسيبوا اجزاء الوحده كما هى ويغيروا المواضيع وخصوصا سنه 6 ابتدائى
وبالنسبه للأسئله السخيفه فأسخف سؤال هو اللى فى سنه 5 ابتدائى بتاع ترتيب حروف الكلمة سؤال صعب جدا على التلاميذ ولو وعدلوه بإضافه صورة مثلا فوق الكلمة هايبقى افضل بكتير وهكذا فى باقى الاسئلة

يا جماعه احنا بنقول اللي عنده معلومة اكيدة يعرفنا عشان لو فيه منهج جديد نعرفه وهتكون اي سلسلة وهيكون التغيير في سنة كام

ياريت فعلا يتغير

انا كولى امر اشعر بان المنهج صعب جدا فى مرحلة الصف اتل رابع والخامس والسادس

المنهج ممتاز و لكنه يحتاج الى شكل من اشكال المحلية المصرية .. أما مواصفات الامتحانات فهى هبلة اخر هبل

و الله المنهج جيد بس مشاكلة : كالاتى :
1- انه اتغير مرة واحدة مش بالتدريج المفروض يفير سنة اولى سنة سنة
2- الامتحان شديد اوى ع التلاميذ حلو فى الخاص و اللغات
لكن المدارس الحكومية كثافتها عالية ممكن يستمر بس يخف الامتحان شوية

[SIZE="5"][B]

اقتباس:

من وجهة نظرى المتواضعه كمدرس لغة إنجليزية أن هذا المنهج صعب على تلاميذ غير متوفر لهم اى وسيلة تعليميه تساعدهم او فصل به عدد يستطيع المدرس ان يتجاوب معهم او بيئه اجتماعيه تكون معاونه للمدرسه وكذلك من الخطأ تطبيقه على جميع المراحل بهذه الصوره المفاجئه نرجوا من الساده القائمين على تعديل المناهج أخذ آراء العاملين فى هذا المجال ليس رأى من يجلس فى مكتب مكيف ويضع القرارات التى تكون عكسيه على العمليه التعليميه. وشكرا لكم .

[:p
/B][/SIZE]

يا ريت لو حد فاضل من الناس العالمين بتغيير المناهج العام القادم للغة الانجليزية من الصف الأول حتى السادس يقولنا علشان نعمل حسابنا في مذكرات اللغة الانجليزية هل يوجد تغيرر أم المنهج كما هو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نعم التغيير اكيد وسيتم الاستعانة بمناهج اماراتية بعنون New Parade أو الموكب الجديد (كلام مؤكد 100%)

طيب لو حد عنده موقع للمنهج الجديد يكون مشكور

من موقع أخبار الوزارة ان الوزير ابرم اتفاق مع وزارة التربية با لامارات علي منهج لغة انجليزية مطور مكون من 12 مستوي ابتدائي واعدادي وثانوي

هناك أخبار عن تغيير المنهج و استخدام سلسلة كتب تسمى New English Parade و سوف يتم ذلك بالتعاون مع الامارات

القتيل اندفن
 

بسطو الامتحان

try to simplify the examination spesifications

try to simplify examination specifications

«التعليم» تستعين بـ«المناهج الإماراتية» لتدريس الإنجليزية

على البدراوى وسارة جميل 9/ 5/ 2014
كشف الدكتور محمود أبوالنصر، وزير التربية والتعليم، أن وزارته ستستعين بكتب اللغة الإنجليزية الخاصة بدولة الإمارات لتدريسها فى مصر، مشيرا إلى أننا بحاجة إلى 12 مستوى فى اللغة الإنجليزية.

واتفق «أبوالنصر» مع الدكتور حميد القطامى، وزير التربية والتعليم الإماراتى، خلال استقباله الأخير بديوان عام الوزارة، أمس، على تشكيل لجنة مشتركة لتبادل المناهج بين الجانبين.

من جانبه، وصف الدكتور مصطفى رجب، عميد كلية التربية بجامعة سوهاج الأسبق، سياسة وزير التربية والتعليم الحالى بالتخبط وعدم الدراية بتاريخ مصر، مشددا على أنه لا يوجد مصطلع علمى فى العالم تحت مسمى «تبادل مناهج». وأوضح «رجب»، الذى كان يعمل مستشارا لمكتب التربية العربى لدول الخليج، المنبثق عن مجلس التعاون الخليجى، لـ«المصرى اليوم»، أن دول الخليج التى تعد متقاربة ثقافيا إلى حد كبير، فشلت فى التنسيق فيما بينها فى توحيد المناهج، باستثناء الدراسات الاجتماعية.
http://today.almasryalyoum.com/artic...ticleID=423883

المنهج سوف يتغير من اولى ابتدائى حتى الصف الثالث الثانوى وهى سلسله يتم تدريسها في دوله الامارات

المنهج اللي هيتغير هو الاول الاعدادي و الاول الثانوي . السلسله الجديده تدرس في الامارات اسمها new parade

ياشباب المنهج الجديد هو منهج new parade الاماراتى

انا اؤيد ذلك بكل الحب لا سيما ان المناهج الجديده صعبه على الابتدائي وهى مقتبسه من سلسله سمايل فور مى التابعه لمدارس الاخوان

دول ناسة فاضية ةاحنا ذى الدمية كل واحد بمنهج جديد وولى الامر هوه وابنة مطحونين اما المدرس كدة سغال وكدة شغال ولا اية

يا جماعة انا كنت في الامارات ودرست المنهج ده ابتدائي واعدادي وثانوي والمنهج رائع ومتكامل ولو تريدون الاطلاع على المناهج الاماراتية ده رابط الكتب الالكترونيه
http://apps.moe.gov.ae/web/shelf.php

https://www.moe.gov.ae/Arabic/Pages/Curriculum.aspx
اوتدخلو على موقع الوزارة هناك وده عنوانه
ثم تبحثو عن المناهج الالكترونية

Upppppppppppppppppppppppppppp

اولا تدخل على صفحة الوزارة في الامارات وعنوانها كالتالي https://www.moe.gov.ae/Arabic/Pages/Curriculum.aspx
ثم تختار العنصر رقم 14
وهو
المناهج الالكترونية ثم تختارSUB TITLE
+ المناهج الدراسية الالكترونية على الانترنت
ولكن لن تجدد سلسلة المرحلة الثانوية
المرحلة الابتدائية هي UAE PARADE
والاعدادية هي UAE ENGLISH SKILLS
اما الثانوية فلا توجد على موقع الوزارة

لتدريس مثل هذا المنهج فى المرحلة الابتدائية يجب ان تكون المدارس بها معامل لغات و حصص اللغه يتم تدريسها فى المعامل و الا هذا تهريج

ارجو ان يتغير بالتدريج
لان تغير المرحلة كلها مرة واحدة غباء تربوى

المنهج الى حد ما مقبول ولكن مواصفات الامتحان ياريتتكون مناسبة

المنهج ال حد ما مقبول لكن ياريت تعديل مواصفات الامتحان بدلا من تغيير المنهج

انة سمك لبن تمر هندى كل يوم منهج والتغيير لا ياتى تدريجيا بل يشمل مرحلة كاملة وهذا غير معقول

يا ترى لو المنهج اتغير هل هتحصل نفس الربكة بتاعت السنة اللى فاتت، ،مواصفات الامتحان مكنش حد عارفها ،ايه اللى هنركز عليه فى المنهج،هل الطالب مطالب انه يحفظ المحادثات زى السنة اللى فاتت وللا هيكون النظام مختلف

بس مفيش شك ان مستوى الطلاب اتحسن ،فالطالب اصبح فى 6 ابتدائى وبيعرف يكتب e-mail ---paragraph ----letter ومهارات الاستماع اتحسنت وفى سنة 5 بيكتب سؤال ويرد عليه وبتاع 3 بيكتب جملة كاملة............... وهذا شىء رائع

thxxxxxxxxxxxxx:078111rg3:

المطلوب الأن ليس مجرد رأي فأنا أتفق مع الرأي بأن المناهج لا تتفق مع البيئة المصرية حيث الموضعات تقتصر علي الأكلات ليست حتي المصرية حيث منهج الأنجليزي القديم كان يتكلم عن طه حسين ونجيب محفوظ والطبيعة المصرية نريد الأن
هل هناك تغيير في منهج الصف الأول الأعدادي إنجليزي ؟؟؟؟؟؟؟؟؟؟؟

المنهج مش صعب ولا حاجة هو بس عايز شوية شغل اكتر من المنهج القديم وفى رأيي ان ده دافع لاولياء الامور فى المدارس الحكومية للاهتمام اكتر باللغة الانجليزية كمان المنهج ده اما يبدأ مع الأولاد من اولى ابتدائي ومع الاهتمام الطالب مستواه حيكون احسن من المنهج العقيم اللي معتمد على الصور فقط لا غير والاولاد كان معظمهم بيحفظ شكل الكلمة من غير قراءة

على فكرة انا مدرسة ولو المدرس بيوصل الهدف من المنهج صح وبطريقة سليمة من البداية حيفرق كتير مع الطالب انا بذاكر لاأولادى بنفسي عشان مبيعجبنيش شغل التحفيظ والصم اللى كل المدرسين ماشيين عليه سؤال واجابة فى كل المواد
الانجلش صم الكلمات مش التعويد على التهجئة والنطق السيلم اللي حيوفر بعد كدة على الطالب والمدرس تعب ومشوار طويل