ملف التحويل بين الكليات والجامعات (أسئلة وأجوبة)
 

لملف التحويل بين الجامعات يطرحه موقع الثانوية العامة thanwya.com بين أيدي الطلبة وأولياء الأمور للوقوف على حقيقة الأمور بعد إعلان نتيجة التنسيق للمرحلة الأولى وظهور الحدود الدنيا كان الكثير من الطلبة وأولياء الأمور يحلمون بكليات ولكن لم يقبلوا بها فلكي نفهم أكثر عملية التحويل سأقوم بشرح الملف بشكل مثال على طالب ما في التقرير التالي :نفترض أن هناك طالب حصل على درجة 373 في الشعبة الأدبية وهو طالب من محافظة الفيوم وسجل رغباته وكان يحلم بدخول كلية الآثار فرع الفيوم أو القاهرة وكتب الرغبة الثالثة آثار جنوب الوادي وكان يتوقع أن مجموع سيقبل بكلية آثار الفيوم ولكن بعد ظهور نتيجة التنسيق وجد الطالب نفسه لا يقبل بكلية الفيوم ولا القاهرة ويقبل بكلية جنوب الوادي وأكتشف أيضاً أن كلية جنوب الوادي بعيدة عن المسكن ويريد أن يقوم بالتحويل لكلية آثار الفيوم مع العلم أن تنسيق آثار الفيوم يقبل الحاصلين على مجموع 376 والطالب في هذا المثال حصل على 373 فهناك فرق 3 درجات بين الجامعتين فما الحل ؟ وما هي الخطوات ؟ وهل يجوز التحويل ومجموع الطالب لا يقبل هذه الكلية ؟ وما هو موعد التحويل ؟ وهل التحويل من الجامعة أم التحويل من الانترنت؟ وكيفية التحويل ؟ وما هو التحويل بنسبة 10% ؟ هذه الأسئلة كلها يجيب عليها موقعنا للجميع ليسهل على الجميع اتباع الخطوات السليمة لتجنب المشاكل والصعوبات :

* ما هو موعد التحويل ؟

- التحويل هذا العام سيكون بعد تسجيل طلاب المرحلة الثالثة رغباتهم ولكن ليس كل طلاب المرحلة الثالثة بمعنى أنه ابتداء من الاربعاء 30 يوليو الحالي سيبدأ تسجيل المرحلة الثانية وينتهي التسجيل في مساء يوم الأثنين 4 أغسطس ويوم الثلاثاء 5 أغسطس تسجيل بيانات الطلبة المتخلفين عن التسجيل في المرحلة الأولى والثانية ويوم الخميس تعلم نتيجة تنسيق المرحلة الثانية ويبدأ بعد ذلك تسجيل رغبات المرحلة الثالثة ولمدة أربعة أيام ابتداءاً من يوم السبت 9 أغسطس وينتهي يوم الثلاثاء 12 أغسطس ولا تعلن نتيجة التنسيق للمرحلة الثالثة هذا الوقت انما تعلن بعد تسجيل رغبات الطلبة الناجحين في الدور الثاني ويبدأ من يوم 13 أو 14 أغسطس عملية التحويل بين الكليات لطلاب المرحلة الأولى والثانية ولا يجوز قبلها عمل أي تحويل بين الكليات .

كيف تتم عملية التحويل

يبدأ التحويل في الموعد المحدد كما ذكرنا سابقاً وسيكون عن طريق الحاسب الآلي من خلال الموقع الاليكتروني للتنسيق أو من خلال موقعنا هذا http://www.thanwya.com/natgie

هل لعملية التحويل أي رسوم تدفع ؟

ليس هناك أي رسوم يتم سدادها نهائيا في عملية التحويل

هل يجوز للطالب المذكور في المثال السابق الحاصل 373 الالتحاق بكلية الاثار بالفيوم والتي تقبل من 376 درجة ؟

نعم يجوز التحويل ولكن بشرط أن يكون هناك أماكن شاغرة بكلية الأثار بالفيوم وليس بنسبة 10% فمن الممكن أن تزيد النسبة عن 10% أو تقل عن 10% وتحسب الكلية نسبة التحويل حسب الأماكن الشاغرة بالكلية بمعنى لو يقوم عدد من الطلبة المقبولين بكلية الآثار بالفيوم باللالتحاق بالكلية سيكون هناك أماكن شاغرة بالكلية ويحق للطالب الالتحاق والتحويل من كلية آثار جنوب الوادي المذكورة في المثال إلى آثار الفيوم .

لأي أسئلة أخرى بخصوص التحويل يمكنكم كتابة الاستفسار بالرد في هذا الموضوع وهذا الموضوع للاستفسار والمناقشة

شــكرا على المعلومات الهامة دي
و عندي ســؤال اتمنى ألاقي إجابه هنا
لو واحد من طنطا حاصل على مجموع 400 و جاله طب بنها ((الحد الأدنى 400 )) تبعا للتوزيع الجغرافي
و عــايز يحول طب طنطا ((الحد الأدنى 401 ))
ها ممكن ولا لازم أستنى سنه ؟؟

السلام عليكم


اولا شكرا على المعلومات والتوضيح


بالنسبه لي

انا عندي استفسار

انا من اسكندريه ومجموعي 374.5 علمي رياضه وطبعا كده ما ليش هندسه اسكندريه

وهقدم مرحله تانيه

وان شاء الله تجيلي هندسه في المنيا مثلا

ينفع اني احول منها على هندسه اسكندريه وولا ما ينفعش

وشكرا

معلش ممكن سؤال ياعنى نتيجه المرحله الثلثه حتبقى اخر شهر 8 ولا ايه

ياستاذ اشرف دلوقتى تربية شعبة طفولة المنصورة لسه نازلة مرحلة تانية بدليل انها مجتش فى الحد الادنى للكليات هى واداب فهل يحق لى الحق انى احول من اداب الى تربية طفولة ولا لا ارجو الرد سريعععععا

طبعا ينفع تحول انا اسكندرانى خلباللك وفنون جميله كمان ياعنى متقلقش اى حاجه عايزها قولى وانا حظبتك ياباشا

بس متقلقش لو فى مقاعد فاضيه فى اسكندريه حتحول بسهوله

انا عندى قريبتى جا يبة 378 جالها هندسه الفيوم ... ممكن تحول اسكندرية مع العلم انها من محافظة البحيرة وتوزيعها الجغرافى الاسكندرية وتفرق نصف درجة فقط

هو احنا مش المفروض نقدم ورقنا فى الكلية على طول يعنى ولا هنقدم بعد التحويل ولا ايه النظام

انا جالى طب القاهره وانا جايب399.5 وعايز احول طب المنصوره وهى"فى التوزيع الجغرافى بتاعى"وطب المنصوره اخده 400.5
هل ممكن احول ليها ولا لأ؟؟؟
وكمان الملف هيتقدم فين وامتي؟؟؟؟؟؟؟
ارجو الاجابةوشكرااااااااااااااا على اهتمامكم

أنا جالى اداب كفر الشيخ فرقت عن اسكندرية نص درجة ممكن احول اسكندرية انا رايحة بكرة اقدمك ورقى
هينفع احول امتى؟؟؟؟؟؟؟؟؟؟؟؟؟

شكراً على التوضيح ، أنا مجموعي 376.5 وجبت هندسة شبين الكوم ، وعايز أحول هندسة إسكندرية ، هل من المفترض إني أقدم في جامعة شبين الكوم أولاً ؟؟؟ ولا أنتظر ليوم 13 و 14 عشان التحويل ؟؟؟

ارجو الرد سريعا
 

اولا:شكراااااااااااااااا وده اقل حاجة تتقال
من فضلك انا من الزقازيق وعلمي علوم وجبت 401.5 ومجموعي ده جابلي طب بنها وعاوز احول طب الزقازيق بالرغم انه اخذ 402 وانا مجموعي اقل ب نصف درجة ينفع احول الزقازيق ؟ طيب امتا يوم 13 اغسطس صح؟

مهم
 

السلام قبل الكلام

لو سمحتوا دلوقتى انا دخلت فنون جميلة الاقصر وطبعا هكون محتاجة انى احول لفنون جميلة اسكندرية عشان انا فى اسكندرية
هستني بدأ تنسيق المرحلة التالتة عشان احول من الاقصر للاسكندرية يوم 13 او 14 اغسطس
وسؤالى مهى فنون جميلة الاسكندرية قفلت من المرحلة الاولى يبقى ازاى هيكون فيها 10 % اماكن شاغرة
ولو مفهاش هقضى سنة فى الاقصر وبعد كده احول ارجوكم محتاجة الرد

ينفع بس هتسأل هل هناك مكان بطنطا ام العدد مكتمل
ممكن بس لو هيبقي في اماكن بعد موضوع التحويل في هندسة اسكندرية بس ما اظنش انك تدخل الاسكندرية

نتيجة المرحلة الثالثة بتكون في أول شهر 9 بعد تسجيل طلبة الثانوية العامة الدور الثاني رغباتهم

يحق طبعا طالما مجموعك اعلي منها وبكل سهولة

ينفع بس هستنى وقت التحويل وتشوف لو في اماكن شاغرة في الاسكندرية

يستحسن تقدم بعد التحويل علشان ما تنقلش ورقك كثير

ممكن ينفع بس لازم يكون في اماكن شاغرة في المنصورة
يستحسن تقدم بعد التحويل علشان ما تنقلش ورقك كثير

بلاش تقدمي الورق بكرة وانتظري التحويل ممكن تقبلي الاسكندرية لو في اماكن شاغرة

انتظري موضوع التحويل
يستحسن تقدم بعد التحويل علشان ما تنقلش ورقك كثير
يستحسن تقدم بعد التحويل علشان ما تنقلش ورقك كثير

عندي سؤال يا أستاذ أشرف
لو واحد جاله مثلاً معهد عالي خاص (علوم حاسب ) و عايز يحول إلى معهد عالي خاص (علوم حاسب) هل بيحول عن طريق موقع التنسيق الإلكتروني؟ ولا بيسحب ورقه من المعهد ده و يقدمه في المعهد اللي عايز يحول له ؟
,انا عارف أنك خبير في الكليات فا لو سمحت لو تعرف هل حاسبات ومعلومات الشروق أحسن من حاسبات مودرن (ياريت تقوللي)
شكراً جزيلاً على المساعده

بس لو مش فى اماكن فاضية اعمل هو مش انا لازم اثبت وجودى هناك علشان لو مش نفع احول وله لأ؟؟؟؟؟؟؟؟؟؟؟
ولو مش حولت ينفع احول انتساب فى كفر الشيخ و لما احول فى سنة تانية هيحولونى اسكندرية انتساب برده وله أنتظام؟؟؟؟؟؟؟
معلش انا اسألتى كتير بس ياريت تفدونى وشكرا كتير ليك

boso ya gama3a rakezo m3aia
ana kont faker mgmo3y mygebsh teb fa katabt awel ra3'ba teb elkahera w tane wa7da siasa w ektesad
w 7atet teb 3en shams 9 ra3'ba
la2et nafse gayeb mgmoo3 teb 3en shams bas gatly siasa w ektesad
a elmtlob mny a3melo delw2te 3ashan a7awel ???????????????????????

استفسار
 

لو سمحت يا استاذ اشرف انا حاصل على 391.5 وقبلت صيدلة بنى سويف وانا من المنوفية يحق لى عند التحويل كتابة اكثر من رغبة او راغبة واحدة ولو كانت اكتر من رغبة بتكون حسب التوزيع الجغرافى اواعشوائى

لو سمحت يا استاذ اشرف انا حاصل على 391.5 وقبلت صيدلة بنى سويف وانا من المنوفية يحق لى عند التحويل كتابة اكثر من رغبة او راغبة واحدة ولو كانت اكتر من رغبة بتكون حسب التوزيع الجغرافى اواعشوائى

ل لو سمحت يا مستر أشرف انا كنت عايزه اعرف ايه الفرق بين هندسه المطرية والهندسه العاديه. واى واحده احسن ياريت حضرتك ترد بسرعه لا لانى بجد محتارة جدا وشكرا

السلام عليكم انا جاتلى هندسة المطرية جامعة حلوان وعايز احول لهندسة المنصورة وهى 379ز5

السلام عليكم
حضرتك متأكد من مسألة إن إحنا منققدمش الورق بكرة؟
أصل بطاقة الترشيح مكتوب فيها لازم تتوجه بأسرع وقت للتسجيل
بالطريقة دى أنا ممكن متجليش المنصورة و متقبلش في المنيااااااا

أنا عندي سؤال
أنا جايبة 408.5 وعايشة في القاهرة وجالي طب عين شمس
ينفع احول لطب طنطا؟
و شكرا

التحويل بعد المرحله التانيه
 

التحويل بعد المرحله التانيه بعد نتيجه المرحله التانيه ولمده 10 ايام ومنطقه الجرافية أ فقط

هو حد لأقي عين شمس!!!!!!!!!!
و بعدين مش حضرتك في القاهرة
و بعدين أيه 408.5 دي
ما شاء الله
:d:d:d:d:d:d

الكلام ده غير إن أنا ممكن أحول بعدين لهندسة أقل من اللي أنا فيها؟

استفسار ياأستاذ اشرف انا مرحله ثانية وان شاء الله يجيلى هندسة اسيوط او المنيا او حلوان وانا من طنطا فهل ممكن التحويل وكيف اعرف واتاكد ان فيه اماكن فى طنطا ولا لا مع العلم ان هندسة طنطا هتفرق حوالى 10 درجات عن المرحلة الثانية حيث انها اخذت مجموع 381,5 والمرحلة التانية هتاخدمجموع طبعا اقل من 375 وشكر الله لكم وجزاكم خير الجزاء

انا جاتلى صيدلة عين شمس وعايز احول القاهرة مع العلم ان القاهرة اقل فى الدرجة

لو سمحت
 

السلام عليكم ورحمة الله وبركاته
لو سمحت يا استاذ اشرف انا عندى مشكله صوغننه
انا ثانويه عامه 2007 ومن اسكندرية وتنسيقى جالى على خدمة اجتماعيه اسكندرية
بس انا السنه دى عاوزة احول من خدمة اجتماعيه لاى كلية تبع جامعه اسكندريه
عاوزة اعرف
هل هينفع التحويل؟؟
هل هياخدونى بتنسيق السنه اللى انا كنت فيها ولا السنهة دى؟
ولو ينفع التحويل ايه هى الاجراءات وامته بالظبط؟

وعلى العلم انا ناويه لو حولت اكيد طبعا هاخدها من اول سنه
وعلى العلم برضه انا اتصلت برقم 19468 اللى هو رقم استفسارات الطلاب
وقالولى ان التحويل هيبقه من المعهد للجامعه يعنى ادارة الجامعه هى اللى
هتقوم بالموضوع كله وانهم مش هيحولونى بالتنسيق لان انا اخدت حقى
فى التنسيق سنه 2007 فالتحويل هيبقه من المعهد للكليه .
فانا عاوزاك تفيدنى ضرورى لانى بجد تايهه جدااااا
معلش ان كنت طولت

لو سمحت انا قبلت فى تجارة اسيوط و عايز احول الاسكندرية او دمنهور هل من الممكن مع العلم ان درجة الانجليزى 47\50 او تجارة دمنهور و امتى ممكن املى استمارة التحويل ال من على النت و اروح اادم ورقى امتى مع العلم انى عايز الحق مكان فى تجارة لنجليزى فى اسيوط و هل يمكن لو مجتليش الاسكندرية احاول احول ل دمنهور تجارة انجليزى باردو و هل تجارة انجليزى ليها اى صلة ب المجموع ولا درجة الانجليزى هل من الممكن التحويل الى تجارة انجليزى الاسكندرية فى هذة الحالة ارجو الرد شكرا

السلام عليكم

انا جبت 388.5 و جاتلي هندسة المنصورة ... مع العلم إني من المنصورة و أسكن بها ... لكن انا عاوز انقل هندسة الاسكندريه

هل ممكن انقل السنة دي و لا اصلا ماينفعش ... أرجو الافادة

طب انا وحده زميلتى جابت 90 % بالمستوى وجالها تجارة طنطا ودلوقتى هى عايزه تدخل اداب طنطا ينفع تحول وايه

السلام عليكم ورحمة الله وبركاتة لو سمحت ياستاذ اشرف ارجوا الرد على الاستفصار الاتى
رشحنى مكتب التنسيق على هندسة شبرا/ بنها ومجموعى 379 واريد احول الى هندسة عين شمس لانى اسكن فى مدينة نصر
هل من الممكن التحويل علما بان هندسة عين شمس مجموعها 379.5
وشكرا وجزاك الله خيرا

لو انت ترتيبك من ال300 الاوائل لك الحق فى اختيار اي جامعة حتى لو كانت خارج النطاق الجغرافى

لا طبعا لان هندسة شبرا داخل نطاقك الجغرافى (محافظة القاهرة) والتحويلات اساسا معمولة عشان تقليل الغربة يعنى التحويل يكون من محافظة لاخرى

انا جايب 77.3% وانشاء الله هاتجيلى تجاره اقاليم طنطا بنها اى حاجه فيا ترى مجموعى ممكن احول بيه لتجارة القاهره مع العلى اننى ساكن فى ارض اللواء يعنى انا جنب جامعة القاهره علطووووووووول بينى وبنها 5 دقائق ياريت تردوا عليا وشكراااا:(

الحقوني
 

اولا شكرا جدا على المعلومات دي بجد ارتحت هديت شويه لما شوفتها انا مجموعي 388.5 وهندسه المنصورة واخده من 379.5 ولما فتحت امبارح عشان اشوف بطاقه الترشيح لاقتني قبلت في زراعه مش عارفه ازاي مع اني اول رغبه هندسه المنصورة هو الموضوع انه بابا هو اللى قدملي مش انا بس جابلي وصل مكتوب فيه رغباتي وكانت هندسه المنصورة اول حاجه ولما اكتشفنا ده قال انه اللى كان بيعمل الرغبات ضغط الاول على زراعه غصب عنه يعني بس عدلها بسرعه وكتب هندسه ولما روحت النهارده الجامعه اسأل ايه ده يعني قالولى روحي المكان اللى مقدمه فيه واسألى هو كان في تربيه المنصورة ورحنا قالنا نفتح ونشوف في تحويلات النهارده ولا ايه بس فتحنا ما لقيناش حاجه
المشكله ان في ناس خوفوني ان ما الحقش مكان في هندسه المنصورة انا مش عارفه اعمل ايه
ارجو الرد سريعا

ااارجو الرد
1هو احنا مشلتزمين بميعاد محدد تقديم الاوراق؟
ميعنى احنامنقدمش الا ما نتيجة التحويل تبان مثلا علي يوم 15 اغسطس

أيه ده يا جماعه ؟؟؟:confused:

مصر كلها عايزه تحول ولا أيه ؟:confused:

ده فيه ناس مجموعها مايوديهاش أي كلية أساساً:confused: :) :mad:

وأنتوا مرحلة أولى وجاكلوا كليات (قمة) ومش عاجبكوا:eek:

ياجماعه ماحد يرد

M.e أنتي مجموعك يجيب هندسة أيه اللي حصل ده !!!!!!!!!!!!!

أكيد فيه حد دخل برقمك السري ولعب في ترتيب الرغبات!!!!!!!!!!!:confused::confused::confused:

سوال ارجوا الرد علية
هل يجوز التحويل الى كلية هندسة بعد اعدادى هندسة الى اى كلية هندسة داخل النطاق الجغرافى ؟؟
اى بمعنى لوكنت فى هندسة شبرا /بنها وبعد سنة دراسية كاملة ونجحت فى جميع المواد هل يجوز التحويل الى كلية هندسة جامعة القاهرة طلما انا ساكن فى فيصل الهرم ؟؟؟
ارجوا الرد ولسيادتكم جزيل الشكر والتقدير على المجهود الكبير على هذا الموقع
ولكم منى خالص الاحترام والتقدير ]