بجد قررت اذاكر وان شاء الله احقق حلمي
 

السلام عليكم :d
انا فعلا قررت اني اذاكر وابدا من شهر واحد سنة جديدة واذاكر واهتم علشان احقق هدفي في الدنيا دي :slap1qk6: بس والله عايزة تشجيع عايزة حد يسالني انتي النهاردة عملتي ايه وذاكرتي ايه ويكون بينا تنافس :rolleyes: ونساعد بعض ونسال بعضينا في الحاجة اللي وقفت قدامنا وكدا يعني :romarioxp6:
وعايزة كمان اقرب من ربنا واطيع بابا وماما وارضيهم بجد انا عايزة اتغير ؟
واحس اني فعلا قريبة من ربنا وانو ربنا راضي عني وهيوفقني وهكون معايا بس مش في ايديا غير ائول يااااااااااارب وبس :bosyht9:

انتى سنة كام يا شهد ؟؟

انا تالته ثانوي علمي علوم
وانتي ؟.؟؟

علي راسي حبيبة ئلبي
بس انا وانتي للاسف مش سنه واحدة يعني انا تالته وانتي اولي ؟
بس انا ممكت اتابعك ان شاء الله
ويارب حد يدخل يكون من نفس دفعتي عشان نشجع بعض وانتي اكيد معانا

ان شاء الله اكييد فى كتيير 3 ثانوى وفى 1 كماان :) ..

لا ان شاء الله هتئدري وفي اسرع وقت كمان بس انتي خلي الفترة دي كل تركيزك في المذاكرة وبس ونظمي وقتك
هو انتي امتحاناتك امتي ؟ :romarioxp6:

هنبدأ 5/1 وهنخلص 23/1

واحلى حااجة فى الجدوول انو فى اياام بين الامتحاناات كتيير

اهو حلؤ اؤؤي طيب لسه بدري يعني في وقت عندك ئوليلي بئا علي خططك هتعملي ايه وهتنظمي وقتك ازاي ؟
بصي اهم حاجة ثقة في ربنا + ثقة بالنفس + مذاكرة =نجااااح باذن الله انتي شدي حيلك وتوكلي علي الله وركزي وحطي هدف وان شاء الله هتوصليلو :rolleyes:

بصى انا الاول كانت مشكلتى النت والفيس بس الحمد لله حليتها بطريقة انى بقيت احلف على نفسى
وطبعاا مش بقدر افتح علشان الحلفان :rolleyes:
خطتى بقى انا قلت هبدأ من بكره .. وكل يوم مادة واحدة بس وانجز فيهاا كويس اووى واحل عليهاا كتيير
وكماان فى ايام الامتحانات هبقى احل كتيير لانو كل امتحانات بيبقى قبله يوم او يومين اجازة وده شئ كويس;)

فانتى ايه رأيك امشيها كل يوم مادة ولا انوع ؟؟

كؤؤيس اؤؤي انو عندك حماس وفتح كمان :p
بس انا برايئ لا نوعي يعني في اليوم مادتين بحيث انك مش تملي وتزهقي يعني خلي في اليوم مادة فهم ومادة حفظ علشان الملل :bosyht9:
هو انتي هتمتنحني في اول يوم ايه ؟ :romarioxp6:

اول يوم عربى بس ..
هو هيبقى كل يوم مادة بس ما عدا الهندسة وحاسب ,,, جبر وحساب مثلثات .., دين وتربية وطنية

يعنى حلوو اووى كل يوم مادة وقبلهم اياام كمان :rolleyes:

طيب انا المواد بتاعتى تعتبر كلها حفظ لانى باخد كيمياء وكمان المنهج متغير واغلبهاا حفظ والاحياء كذلك
والتاريخ اكييد حفظ يعنى مفيش حاجة فهم غير رياضة بس .. فمش هعرف اخد مادتين فى يوم
لانوو كلوو حفظ :mad:

امممم طيب هو قاعد علي الامتحانات بتاعتك 7 ايام وانتي عليكي 7 مواد صح
يبئا تاخدي كل يوم مادة علي السريع بس خلي للعربي يومين مثلا وسيبي مادة زي الرياضيات اكيد هيبئا قبلها يوم وهتئدري تخلصيها لانها سهلة اؤؤي ومادة جميلة فخلصي العربي في اليومين اللي قبل الامتحان
طيب ئوليلي الجدول شكلو ازاي ؟ :friendsxs3:

الجدول اهوو

الاحد 5/1 عربى

الخميس 9/1 احياء

السبت 11/1 هندسة / حاسب

الاحد 12/1 فرنساوى

السبت 18/1 كيمياء

الاثنين 20/1 انجليزى

الثلاثاء 21/1 تاريخ

الاربعاء 22/1 جبر وحساب مثلثات

الخميس 23/1 دين وتربية وطنية

فاضل 9 ايام على الامتحان لان الشهر ده 31 يووم ..

تمام انا عملت زيك كدا بردوا والنهاردة بدئت اول درس احياء وفى موضوع اسمو هام جدا انا كاتبو بندخل فيه نكتب احنا ذاكرنا ايه لو عندك وقت تراجعى معانا لكن لو معندكيش شوفى والدك او والدتك او اى حد

جاااااامد اؤؤي حلو الجدول بصي بئا
انتي لازم تخلصي الاحياء والعربي يعني اخر اربع ايام او حتي اخر 3 ايام ونص عشان مليانين شوية وككدا يعني ;)
والهندسة ممكن تخليها ليوم الخميس بعد الامتحان ويوم الجمعة وهتئدري تخلصيها لانها فهم وحاجة لذيدة كدا
والفرنساوي اديلو يوم من السبع ايام اللي ئاعدين علي الامتحان علشان تراجعيه وتحلي بس يوم السبت بعد ما تيجي من الامتحان اؤك
والكيمياء بلاش تذاكريها في سبع ايام لانو قبليها وقت وايام كتير وذاكري في السبع ايام دول 3 ايان ونص خلي اول يوم تاريخ مثلا والتاني انجلش والتالت جبر او هندسة ونص الليوم الرابع خليه فرانش والنص التاني شوية احياء واليوم الخامس كمان احياء والسادس والسابع خليهم عربي ايه رايئك ؟ :slap1qk6:

:022yb4::022yb4: عشنا ايام الاستهتار دى كتييير ف 1 و 2 ع العموم انتم شهادة السنة الجاية

أيوه هنكـون شهادة :rolleyes:
والله الغلط من عندى انا لانى مبدأتش مذاكرة من الاول وكنت مطنشة خاالص
بس ان شاء الله الترم التانى ابدأ صح وخصوصا انى هكون فيزياء :mad:

اه يا بختك ياعم محظؤظ مين اديك ;)
بس يلا بئا يا ستي كمان 9 يلا استغلي الوئت الجامد دا يعني في يومين ممكن تذاكري فيهم الفرنساوي في يوم مش نص بئا اووك ايه ررايئك يا بست ؟ :av4056bb7jp3:

الفرنساوى مش محتاج والله وكمان المدرس اللى باخد عنده محفظنا المنهج وهو ممتااز جداا
ودلوقتى بيراجعلنا كل حصة وحدة ولا اتنين .. وانا كويسة خاالص فى الفرنساوى الحمد لله ..
وهبقى اخده فى يوم
المهم انى فى الاسبوع ده هخلص الاحياء والعربى هسيبله يومين قبل الامتحان ..
وابقى انوع بقى الاسبوع ده كل يوم مادة .

اه عارفة الموضوع دا ودخلت عليه وحلوو اؤؤي بس يارب يوفقنا كلنا
انا ناوية ابدا من الاسبوع دا واهو احنا في اول الاسبوع وهبدا بجد وان شاء الله نحقق حلمنا وهدفنا بس ئول ياااااااااارب :rolleyes:

اه طيب تماااااام اومال عايزة اي تاني يا بست ما انتي حلؤؤة اهو وهترفعي راسنا وتطلعي الاولي صح بردو :022yb4:

يااااااارب يا حبيبتي ياااااارب واياكي :rolleyes:
ربنا معاكي ويوفقك ياااااااارب :022yb4:
وانا رايحة اذاكر unit 10 سلااااااموز :bosyht9:

بالتوفيق ان شاء الله

اه ياااريت
بس في سنة كام ؟ ;)
وانا ان شاء الله اد المنافسه :d

انا 3 ثانوى علمى علوم

وانا كمان زييك :bosyht9:
طيب عامل ايه في المواد وبتاخد درس ايه وايه ؟ ;)
وبتذاكري والا الفشل متورارث في الشعب المصري :p

الحمد لله تمام
انا باخد دروس فى كل المواد ماعدا الفرنساوى لان والدى مدرس اول فيه :d
الحكاية الفشل دى انا مقتنع تماما ان مفبش حد فاشل انما الفكرة الاعتماد على الله ثم تنظيم الوقت ثم بذل قصارى الجهد

والله يا جماعه انا كنت فعلا هدخل اكتب موضوع و اقول ايه رأيكو نعمل جروب على الفيس كل يوم نعد عليه نقول احنا عملنا اى سؤال مش فهمينه نقول
عموما لو حبيتو تعملو الموضوع ده قولو ونعمل هتبقى فكره جامده و نشجع بعض و كده
انا قى ثالثه علم رياضه

انا شايف انها فكرة كويسة جدا ........ايه رأيك يا شهد ؟؟

وانا باخد في كلو ما عدا الجيولوجيا
وانا كمان بابا موجه انجلش :d
بس انا بكره الفرنساوي ومش حافظة تئريبا اي كلمة ونسيت تصريف الافعال كلها يعني ضايعة فيها هيي والعربي خصوصا :romarioxp6: ربنا يستر السنادي خايفة من كل المواد :bosyht9:

لا انا مش مؤيدة لفكرة الفيس بؤك لانو انا ما صدقت بدات انسي الفيس بؤك اليومين دول :(
خلينا هنا افضل واحسن ;)

طب انا هقوم انام دلوقتى عشان عندى درس الصبح بدرى
دعواتكم فى ظهر الغيب :d

ندعيلك تنام كؤيس يعني نؤم اهل الكهف هع :romarioxp6:
ربنا يوفقك ويوفقنا ياااارب :rolleyes:

شهد تعالى معانا فى موضوع (عندى مشكلة )
اقريه كله وكملى معانا لو تحبى

ايوة مستنينك ياشهد هناك اقرى اخر صفحات بسرعة عشان تبتدى معانا مذاكرة انا ونانا ويويو بإذن الله

فى خطط محتاجة قراية بس منك

اااااشطات اؤؤؤك
انا ئريت منو شوية وباذن الله معاااكو ياهوووو :022yb4:

اؤؤؤك يا حبيبتي
ان شاء الله هنكون احلي شلة :bosyht9:
وهنذاكر بجد ان شاء الله :romarioxp6: :slap1qk6:

خلاص تمام كل يوم بتدخل الساعة 10 ونص لحد 11

النهاردة استثنائى بما اننا لسة مبدئناش

وبالنسبة ليا النت هيوحشنى لحد الشهر الجاى انى اقعد عليه فالنهاردة خليها فرى >> ليا الكلام دا :d

ان شاءالله ياقمر السنة الجاية نكون من اعلى المجاميع وان شاء الله 100 % مش كتير عليا ان اجتهدنا ووثقنا فى الله ربنا مش هيضيع تعبنا ولطيف بينا


خطة + تنفيذ + همة + تنظيم الوقت = نجاح بكل المقايي >> بعد توفيق ربنا

تمام ربنا يوفقكم يا رب ذاكرو كويس

الشهر الجاي اللي هو ازاي يعني :o
طيب والجدول اللي بئالكو من اول انبارح بتعملوه مش هتكمليه مثلا :bosyht9:
انا بقيت بدخل النت قليل بس النهاردة بنتقم من كل حاجة :p

اكييييييييد ان شااااااااااء الله لسه في امل وفعلا هي دي معادلة النجاح
وثقة في ربنا +ثقة بالنفس + مذاكرة = نجااح ان شاء الله
:av4056bb7jp3:

آآآآآآآآآآآمين واياااك يااااااااااااااااارب :rolleyes:

لا قصدى يعنى اقعد احكى زى النهاردة معاكى ياختى ههههههههه

يعنى حكاوينا فى المذاكرة هتكون هناك ان شاء الله بس وكل واحد بيتك بيتك

عسل والله يا شهد

ههههههههههههههـ اه كدا تمام تيب
عايفة عايفة هو الشهد اصلا عثثثل علطؤؤل ربنا يخليني للامة العربية والاسلامية ولكل البشرية هع خررراثي يا اخواتي :romarioxp6:
اؤؤك يا قمر اتفقنا ان شاء الله
هو احنا اتفقنا علي ايه يعني لخصي الموضوع في سطر ونص :bosyht9: