رايحه 3 ثانوى و محتاجه مساعدتكم
 

انا عارفة انو طلب رخم فى الوقت دة بالذات

بس انا رايحه 3 ثانوى نظام جديد

انا علمى رياضه وكنت عاوزة اعرف ايه هى

الكليات المتاحه اللى ممكن اخلها من علمى رياضة

يارت اى حد يفدنى :rolleyes: :rolleyes:

طب و بالنسبه لسياسه و اقتصاد مش معاهم ؟

تب التعدين السنة دي واخد من كام ؟

بس انا سمعت انها موجوده فى علمى و اخدة السنه دى من 386.5

مستقبلها عامل إزاي .. واخدة من كام % ؟

البترول واخدة من كام % ؟

والله انا مش ف 3 ومعرفش المجاميع

النظام الجديد هيبقى غيير حتى المجاميع
معتيش هتلاقى التسعينات دى
.
اقتصاد وعلوم سياسية هتبقى ادبى بس غالبا
كله هيتغير

ايه دة ؟؟ يعنى المجاميع كلها هنغيير ؟؟
هتقل بقا ولا هتزيد :(

هتقل . :)

دا دا توقعات مبنية علي مناهج :)

البترول ةاخدة 406.5 يعنى 99.1
مستقبلها رائع ومرتبات فلكية
عيوبها
انها فى جامعة قناة السويس فقط فلو بعيدة عنك هتدخل مدينة جامعية وممكن متستحملهاش
الدراسة مش سهلة
لا تصلح للبنات باى حال من الاحوال
الشغل بتاعها بيحتاج تغرب عم الاهل لشهور

والله ياريت لان المجاميع السنه دى واللى فاتت جابتلى احباط

بس انا اتوقع ان طالما النظام القديم دا هيرجع يبقى اعلى الدرجات هتبقى فى التمانينات ذى زمان ودا الاحسن ومفيش مستوى كمان بعد كدا اصلا ولا له اى لازمة

طيب الحمد لله اصل انا اسمع انها كليه كويسه

يااااااااااااااااااه و الله ياريت يا ريم على الاقل الواحد يحس براحه انو ممكن يدخل حاجة كويسه ببس انا لما كنت بشوف المجاميع كنتبحس انى داخله ثانوى على الفاضى

لييييييييييه بس كدة الاحباط دة
بس قول يارب انو يقل خلينا نطمن

لا لا متقلقيش النظام بتاعكو جميل جدا والله جددددا
والحلو كمان اللى هيدخل علمى هيبقى داخل عارف انه مفيش تحويل والادبى هكذا يعنى كل واحد يعرف مستواه وكل واحد هياخد حقه متخافيش

اه فعلا انا اول ما دخلت وانا عاوزة رياضة عشان بمووووووت فيها
انما دلوقت بجد خايفة اووووووووووووووى بالذات م الفيزيا

متخافيش ومتقلقيش نفسك عالفاضى والله سنة ذى اى سنة بس التوتر هو اللى بيضيع انما طول منتى بتذاكرى وبتستعينى بربنا متخافيش وسواء جالك اللى بتحلمى بيه او لاء فدا خييير

ياااااااه ربنا يطمن قلبك زى ما طمنيني

:) :) :) شدى حيلك انتى بس

ازيك .. بالنسبة لكلية السياسة والاقتصاد ..تدخليها من العلمى او الادبى .السنة دى قبلت من الادبى من من حوالى 97% .. ومن العلمى من حوالى 94% .. طبعا من اعلى الكليات فى علمى رياضة : كلية هندسة بتورل وتعدين والسنة دى قبلت من حوالى 99% . بعدها هندسة عادى بعدها حاسبات ومعلومات وبعدها علوم وتربيه وتجارة انجلش او تجارة عربى ..

سياسة واقتصاد :
هي 3 اقسام
قسم سياسة
قسم اقتصاد
قسم احصاء
والتخصص من سنة تانية ولازم تاخدي تخصص اضافي فى تالتة بحيث كل تيرم تاخدي مادة من التخصص الاضافي ده
والتخصصات الاضافية " إدارة - سياسة - اقتصاد - كمبيوتر - احصاء "

خريج سياسة واقتصاد بيشتغل فى البنوك وهيئة الاستثمار او فى هيئة قناة السويس وطبعا ممكن تقدمي فى الخارجية .... مش عارف هي ميزة ولا عيب بس خريج سياسة واقتصاد بيشتغل فى اي حاجة واي مكان لو عنده مهارات كويسة لغة وكمبيوتر ومهارات شخصية

بس ياريت يكون ليكي اهتمامات في السياسة والاقتصاد .

ممكن تدخلى قسم عربى او انجليزى

والقسم الانجليزي لازم يبقي مجموع الانجليزي فى الثانوية العامة لا يقل عن 45 من 50 تقريبا وطبعا بمصاريف خاصة اعتقد انها مش قليلة حاليا فى المتوسط 4 او 5 حاليا
وفى قسم فرنسي ومصاريفه اعلى اوي ولازم تكوني فى الفرنساوي كويسة اوي او خريجة مدرسة فرنساوي
الاقسام كلها زي بعض لكن ميزة الانجليزي تقوية اللغة وفي مواد كتيرة مشتركة وكلكم الطلبة بتحضروا مع بعض.


بالتوفيق ان شاء الله

لو عندك اكونت عالفيس حطيهولى عشان لسه معرفش ابعتلك رسائل عالخاص :)