ملتقى طلاب الصف الثالث الثانوى (علمى علوم) 2014
السلام عليكم ورحمة الله وبركاته كل عام وأنتم بخير أنا قررت نعمل جروب لطلبة تالتة ثانوى (علمى علوم) 2014 يبقى تواصل بينا على المنتدى هنا عايزين نتكلم فى كل حاجة تخص الدراسة ونتناقش فى الأسئلة اللى مش عارفينها وكمان نتكلم عن تنظيم الوقت والمذاكرة وكل الحاجات دى يلا مين معايا ؟ |
يااااااااااااااااااااااااااااااااااااااااااااااه فكرتينى بأول مرة نعمل فيها الجروب بتاعنا :)
ربنا معاكووووووووووووووو وان شا ءالله خير :) |
شكراً جزيلاً
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
انا معااااااااااااكي
|
تنوررررررررررررررررررررررررررررررى
|
وعليكم السلام ورحمة الله وبركاته
ان شاء الله معاكم ربنا يوفق الجميع |
فكرة حلوة وجميلة ... بس ياريت لو يتعمل جروب على الفيس بوكــ .. هيبقى أحسن .. عشان منظم اكتر ومدعم بالصور وكومنتات .. يعنى هو نظامه هيبقى احلى بكتيير :) .. وربنا معانا السنة ديه :d
|
انااااااااا معاااااااااااااااااااااااكى
|
معاكوا ان شاء الله
هتبتدوا دروس امتى أنـا هبدأ بكرا ان شاء الله |
انا معاااكو ان شاء الله :)
وفعلا ياريت يبقى فيه جروب غلى الفيس هيبقى احلى :d وانا كنت عايزة اسألكو بقى .. هو احسن اخلى درسين مثلا فى اليوم ولا اخلى درس واحد ..انهى احسن فى تنظيم االوقت والمذاكرة |
بالتوفيق ان شاء الله
و احنا كلنا معاكم فى اى حاجه عاةزنها و انا عن نفسي معاكم ان شاء الله فى اى استفساؤ فى اللغة الانجليزيه |
من رأيى بلاش االفيس أيام الدراسة لأنو بيسرق الوقت جآآآآآآآآآآآآآآآآآآمد وبيتحول لإدمآن
ده غير إنكو عآلجروب بتآع آلفيس ده كلامكو مش هيقتصر ع الدراسة فقط طبعآ هتفتحوآ موآضيع آخرى ونكت وجمل وأأأأللش جآمد وبآلتآلى هيسرق وقتكو وهتحسو آنكو بتضيعو وقت عليه فألأفضل هنآ عآلمنتدى وبس هآدى كده ومفيش كل شوية notifications ,messages. mentions بجد هتفتحوآ حوآرآت ملهاش لازمة والإسم انكو دخلين عالفيس عشآن تستفادو !!!!!! هنآ عالمنتدى كويس وكمان التعليقات مش بتروح كده والواحد يفضل يدور عليها زى اللى عالفيس !!! :( تقبلو نصيحتى انا عن نفسى كنت معطلة الأكونت ومش بدخل فيس خالص الا فى الاجازات وكده يعنى لكن كنت بقضى معظم الوقت هنا عالمنتدى وفيه اقسام مفيدة واساتذة تقدور تسألوهم ف الحاجات اللى واقفة عليكو وكده :) ربنا يوفقكو :) تقبلو مرورى ،،،،،، |
اقتباس:
المهم يعنى اهم حاجة خلى دروسك وقت من الضهر لبعد العصر كدا عشان تروحى تنامى ويبقى عندك من بالليل لحد الصبح مزاكرة ومفيش حاجة تعطلك |
اقتباس:
والله حتى لو مش عليه حاجة هتلاقى نفسك عمال تقرا الحاجات اللى ع ال home و الوقت هيتسرق بسرعة البرق |
منورين كلكم يا جماعة
وعايزين نعرف بدأتوا دروس ولا لسه ؟ ونظام مذاكرتكم ايه الأيام دى ؟ |
اقتباس:
وجزاك الله خيراً |
اقتباس:
وأنا مع الرأى ده |
معاكوا ياجماعة
مع انى كنت رياضة واخر حاجة كنت اتوقعها انى احول بس الحمد لله عاوزي نعرف من زمايلنا اللى بدأوا دروس ايه النظام الماهج وهل فى اى تغيير |
انا بدات عربي اول امبارح
وربنا يعينا يا رب وبقية الدروس بعد العيد ان شاء الله |
اقتباس:
|
أنا بدأت فرنش
وبنراجع جرامير وبدأت عربى ودخلنا فى المنهج على طول |
انا بدأت عربي وكيمياء وفيزياء والباقي باذن الله بعد العيد
كنت عايزة اسأل بالنسة للفرنساوي انا بذاكر من برافو هو المفروض اجيب كتاب تاني مع برافو علشان احل في اكتر من كتاب ولا يكفي كتاب واحدة في الفرنساوي ؟ ولو جبت حاجة تاني فيه كتب دلوقتي بتبقى اسئلة بس ؟ |
اقتباس:
بس النحو في ثالثة كتير وبيشمل اولي وتانية وزيادة كمان احنا بدانا منهج علي طول من غير مراجعة علي القديم بس ده ميمنعش ان اما بنقف عند قاعدة نحو قديمة الاستاذ بيشرحها عالسريع اما القصة فالاستاذ عايز يبدا فيها بس مستني اما يتاكد انها متلغتش وبقية الفروع لسه مخدتش فيها حاجة |
متجمعين عند النبى^_^...
أنا الحمدلله وبلافخر طالب ثانوية عامة علمى علوم... هابدأ دروس الأسبوع دة إن شاءالله... وبيقولوا إن النظام اتغير...http://www.thanwya.com/vb/showthread.php?t=538754 |
معاكوا إن شاء الله
شايفة جروب تالتة ثانوى السنة اللى فاتت معظمهم طب _بسم الله ماشاء الله_ عاوزين نبقى زيهم ونشجع بعض ،،، |
منورين كلكم
وإن شاء الله ربنا يستر وربنا يوفقنا لما فيه الخير |
مبادئ عامة للاستذكار
ü تحديد الغرض من استذكار المادة لتسهيل عملية فهمها وتحصيلها. ü الحرص على فهم المادة العلمية وحسن تنظيمها وعدم الانقطاع عن تحصيلها. ü استخدام أسلوب التكرار في التحصيل، و الإعادة والتمرين من خلال حل التمارين والتطبيقات المختلفة للمساعدة على ترسيخ المعلومات في الذهن. ü التعرف على مدى التقدم في التحصيل (التقويم الذاتي)، ومراقبة هذا التقدم. ü ينبغي على الطالب أن يقيّم تحصيله بنفسه، أي يمتحن نفسه شفويا وكتابيا ومن خلال قدرته على شرح المعلومات للآخرين مثل الزملاء . ü ينبغي أن يكون الطالب أمينا وصريحا مع نفسه فيما يتصل بمدى استيعابه وفهمه للمادة العلمية. ü نقد الطالب لطريقته في المذاكرة يساعد على تطويرها وتحسينها. ويمكن كذلك الاستعانة بمعلم المادة المختص في توضيح بعض عيوب الطالب في المذاكرة وكيفية إصلاحها. ü استذكار المواد الصعبة التي تحتاج إلى عمليات ذهنية في فترة تفتح الذهن قبل الشعور بالإرهاق. ü كلما استعملت أكثر من حاسة واحدة في المذاكرة أدى ذلك إلى زيادة الاستيعاب وتثبيت المعلومات في الذهن.. ü الاستعانة بالقلم والورقة أثناء الاستذكار. ü وضع عناصر للموضوع ثم ربطها مع بعضها ببعض لتظهر وحدة الموضوع وتتكامل أفكاره. ü الاستفادة من جميع الوسائط المعرفية المتاحة في الحصول على المعلومات بما فيها المدرس والزملاء داخل وخارج الفصل وعدم الخجل من الاعتراف بنقص المعلومات ، والتعلم كل ما هو جديد عن طريق الاستعانة بالكتب والناس والبيئة المحيطة. ü على الطالب تطوير اهتمامه خارج نطاق الدراسة. حيث أن ممارسة الأنشطة المختلفة تساعد وتعين على النجاح في الدراسة بتوفيرها المعنوية والفائدة من ما يتم تعلمه. ü عدم الانتقال من درس إلى أخر قبل فهم الدرس الأول واستيعابه ؛ فقد بني الكتاب المدرسي على التسلسل في المعرفة ، وتراكم الخبرات والمهارات . ü التعود على القراءة الصامتة فهي تساعد على تحقيق استيعاب أفضل لما يقرأ . ü عند الشعور بالتعب ينبغي ترك المراجعة ، ومحاولة ممارسة أي نشاط محبب للطالب .. ü تجنب مراجعة مادتين متشابهتين في نفس اليوم. ü مراجعة الدروس ينبغي أن تكون على فترات متقاربة. ü اختيار المكان والزمان المناسبين للتعلم والاستذكار. |
هتجيبوا كتب ايه فى كل مادة ؟
|
نصائح مهمة لتنظيم الوقت
ـ عدم اهمال الطالب الوقت المخصص لوجبة الإفطار أو الوجبات الأخرى ،ووجبة الإفطار هي أساسية مهمة بالنسبة للطالب ، فهي تعطي للجسم الطاقةالمناسبة خلال اليوم الدراسي ، فالعضلات تحتاج إلى طاقة لتعمل بتشاط ، والدماغ يحتاج إلى طاقة ليعمل على نحو صحيح ، لذلك من الأهمية أن يتناول الطالب وجبة الإفطار قبل التوجه إلى المدرسة . ـ لأخذ بمبدأ المرونة قدر الإمكان عند تنفيذ جدول تنظيم الوقت . ـ استغلال فترة الصباح الأولى وفترة المساء للمذاكرة الفاعلة ، ففيها يكون الذهن في أقصي حالات الإستيعاب للمعلومات . ـ لأخذ بدافع الجدية عند تطبيق جدول تنظيم الوقت وتنفيذ محتوياته، فالإصرار الذاتي عند الطالب عند تنفيذ برامج الجدول هو الذي يحقق المعجزات الدراسية للطالب. |
اقتباس:
انا لسه مبداتش دروس هبدا الاسبوع ده ان شاء الله بس اكيد المدرسين هما اللى هيحددوا مش انا |
هذا الموضوع سيكون بإذن الله لمناقشة أخبار التعليم التى تخصنا
وطرق الاستذكار وتنظيم الوقت وهكذا جروب اللغة العربية للصف الثالث الثانوى 2014 http://www.thanwya.com/vb/showthread.php?t=539278 جروب اللغة الانجليزية للصف الثالث الثانوى 2014 http://www.thanwya.com/vb/showthread.php?t=539279 جروب اللغة الفرنسية للصف الثالث الثانوى 2014 http://www.thanwya.com/vb/showthread.php?t=539280 جروب الفيزياء للصف الثالث الثانوى 2014 http://www.thanwya.com/vb/showthread.php?t=539281 جروب الكيمياء للصف الثالث الثانوى 2014 http://www.thanwya.com/vb/showthread.php?t=539282 جروب الأحياء للصف الثالث الثانوى 2014 http://www.thanwya.com/vb/showthread.php?t=539283 جروب الجيولوجيا والعلوم البيئية للصف الثالث الثانوى 2014 http://www.thanwya.com/vb/showthread.php?t=539284 |
السلام عليكم ورحمة الله وبركاته
الكتب زى مشوفت النصايح اللى فى المنتدى العربى (المثالى-الامتحان) الانجليزى surprise – the best –senior الفيزياء (الوسام فى حل المسائل– الامتحان) الاحياء (الامتحان ) الكيمياء ( كتاب الامتحان) دا اللى ناوية اجيبه يعنى ،، |
بالنسبة للغياب مش عارفة ايه هيحصل
هتعملوا ايه ،، وقريت ان فى اعمال سنة على مادة الجولوجيا 10 درجات والانشطة .. يعنى لازم نحضر الحصة يعنى فى ناس هطنش وهتحضر اول اسبوع وهتقضيها مرضى ،، محدش يعرف نظام الاجازات المرضى ايه ؟؟ مستنية اجابة |
اقتباس:
والأهم من دا إننا قبل ما نبدأ نقرأ ربع او ربعين قران ونكون قريبين من ربنا اقتباس:
الانجليزى سربرايز توب ستيودنت ذا بست سنيوى الفرنساوى برافو وميرسى الأحياء الامتحان والنفيس ولو فيه حاجة كمان هجيبها الفيزياء الامتحان والمثالى والوسام الكيميا الامتحان والوسام ومندليف الجيولوجيا مش عارفة بس لو فيه الامتحان هجيبه وهشوف كمان كتاب دا غير مزكرات الدروس ودليل التقويم اقتباس:
يعنى أعمال السنة ع الجيولوجى بس ولا على جميع المواد ؟؟ لو ع الجيولوجى يبقى مقدور عليهم شوية |
اقتباس:
بس برضه الاجازة المرضى مينفعش تقطعيها على حد علمى يعنى مش عارفة هنعمل ايه فى الغياب ؟؟ حد يفهمنا هنعمل ايه |
حد عندو ترشيحات كتب لالفيزياء و الكيمياء و الأحياء بس إنجليش يا جدعان ونبى ؟؟ علشان انا لغات بس. و أنا هبتدى بالمناسبه السبت الجاى تقريباً، ندعى لبعض بقى علشان كُلنا نجيب طب ^_^
|
ياريت حد يرد علينا فى موضوع الغياب ده
|
السلام عليكم انا جديده لسه في الجروب وانا معجبه بالفكره دي بجد
ويارب يوفقنا كلنا انا كنت بس عايزه اتاكد من موضوع الجولوجيا ده ياريت حد يفيدني لو سمحتم |
اقتباس:
انا معااااااااكو بس انا سبقتكو على طب القاهرة الحمد لله كنت عايشة الايام دى معاكو كدة زى دلوقتى السنة اللى فاتت و كنا عاملين جروب برضه لسه متثبت لحد دلوقتى الحمد لله معظم اللى عليه دخلو طب .. " lally adel - amothman 123 - never come back - shaymaa shoman " .. دول اللى اعرفهم و دخلو طب الحمد لله .. عقبالكو :) شدوا حيلكو و لو احتاجتو حاجة اسالونا .. انا هحاول اكون معاكو على اد ما اقدر و ارد على اللى اعرفه من اسئلتكو يلاااااااااا يا دكاااااااااترة المستقبل .. ربنا معاكو :049gc0: |
اقتباس:
خليكو هناا احسن :) هتلاقو كل اللى ممكن تحتاجوه فى المذاكرة و الدراسة .. ان شاء الله الادارة تثبتلكو الموضوع هنا ف القسم عشان تقدرو توصلوله بسهوله ربنا معاكو ;) |
اقتباس:
انا فى الفترة اللى كنت باخد فيها اقتصاد و احصا مع بعض اضطريت احطهم مع ايام دروس تانية .. يعنى كنت باخد درسين ف اليوم .. كان الوضع سئ للغاااااااية انتى بتخرجى من الدرس عايزة ترتاحى شوية و تصفى ذهنك من كل اللى سمعتيه .. و طبعا قبل ما تدخلى الدرس بتبقى ماسكة مادته و مابتمسكيش حاجة تانية تخيلي كده معايا لو اخدتى مثلا درس الساعه 3 العصر - على اعتبار انكو هتروحو المدرسة - هتبقى فى الفترة اللى قبله ماسكة المادة دى و هتخرجى منه على الساعه 5 مثلا .. لو عندك درس تانى الساعه 7 هتقعدى الساعتين دول ترتاحى شوية و ان كنتى هتمسكى حاجة فى المادة اللى عندك فيها درس .. تخرجى منه على الساعه 9 .. شكراا كدة اتضرب اليوم معاكى و صعب تمسكى اى حاجة ف المذاكرة خليها درس واحد و اعملى حسابك ان اليوم بتاع الدرس ده هتبقى فى ماده غاااالبة اووووى فى المذاكرة اللى هى عندك فيها الدرس و مواد تانية او مادة تانية هتبقى مذاكرتها اقل ربنا يعينكو ;) |
اقتباس:
بس الفيس مش وحش اوووى كدة يعنى .. القليل منه ايام الدراسة بيفك شوية عن الواحد و بيكسر الملل بتاع المذاكرة بس خدو بالكو انا قلت القليييل هاا .. القليييييييل ربنا معاكو ;) |
اقتباس:
ربنا يعينك على ال 3 دروس اللى ف يوم واحد دى .. انا مش مفضله الموضوع ده عن نفسى .. بس جربي و شوفى ايه الاحسن لك و الانسب لك .. و كمان 3 حصص فى الاسبوع للمادة الواحدة كتييييييييير اووووى .. امال هتذاكرى امتى .. حصه واحده كفاية اوووووى لو اخدتو فيها كم حلو بمقام اللى هتاخدو فى ال3 حصص دول او اقل شوية اما لو حسبتيها هتلاقى ان لو درس الماده الواحده خد ساعتين - و دة على الاقل فى مواد زى الفيزيا و العربي و الانجلش - و انتى هتاخدى 3 دروس فى اليوم .. يعنى فى 6 ساعات رايحين منك دروس بس فى اليوم و على كلامك انتى كدة شغالة دروس طول الاسبوع .. انا شايفة ان كدة كتيييير اووووى خدووها منى نصيحة يا جماعه .. و الله و الله و الله .. الشغل كللللللللله فى ثانوية عامة مجهود طالب و الرك عليك انت .. لا بكتر الدروس و لا كتر الحصص و لا كترة الكتب و لا شطارة المدرس .. الشغل كله بتااااعك انت المدرس اللى بيطلع اوائل جمهورية هو هو نفس المدرس اللى بيطلع من عنده ملاحق - بعد الشر عن السامعين - ربنا يقويكو ;) |
اقتباس:
ان شاء الله تبقو زينا و احسن مننا كماان :) ربنا يعينكو ;) |
اقتباس:
عربي .. الاضواء اثناء الدراسه و الامتحان و الرساله فى المراجعه انجليزى .. surprise - top student - bit by bit - gem فى الدراسة .. و نفس الكتب دى مراجعه نهائية و ز يادة عليهم senior الالمانى .. premair - hello deutsch و كان معايا كتاب تانى بس ده بتاع المدرس مش بينزل فى السوق كيميا .. الامتحان و مندليف و الوسام فيزيا .. الامتحان و الوسام الاحمر و الوسام الاصفر احياء .. الامتحان و النفيس و الاول 2500 سؤال دى المواد اللى انا اخدتها بكتبها .. بس نصيحة منى ماتكتروش فى شرا الكتب .. كتابين فى كل ماده حلووو اوووى .. كتاب اساسي تشتغلو منه ورا المدرس اول باول ف الدراسة و كتاب كمان تفتحه كل فترة كده من باب المراجعه و على شهر 1 بالكتير هتلاقو كتب المراجعه النهائية نزلت لو احتاجتو كتب تانى اشتروها ربنا يقويكو ;) |
اقتباس:
النفيس وحش فى الاحياء على فكرة .. كان معايا و اسئلته كانت عقيمة اوووى .. الاول 2500 سؤال احسن منه |
انا كدة رديت على كل الاسئلة اللى انتو كتبتوها .. يا رب اكون افدتكو
لو احتاجتو حاجة اسئلو و احنا معاكو ان شاء الله ربنا معااااكو :) |
اقتباس:
والله إذا كان عليا انـا فانا بفضل مش اروح دروس خالص بس دى حاجة مش بإيدى يعنى المدرس هو اللى بيحدد عدد الحصص ف الأسبوع :( |
اقتباس:
معقدة وبتحتاج تفكير وكدا ولا إيه بالظبط والكتاب التانى دا انا اول مرة اسمع عنه هو اسمه كدا الأول 2500 ؟؟ |
جميع الأوقات بتوقيت GMT +2. الساعة الآن 10:42 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.