|
جائنا البيان التالي هام بطلبه الثانويه العامه
بسم الله الرحمن الرحيم
جائنـــــــــــــــــــــــــــا البيـــــــــــــــــــــــــــــــــان التالي تم اليوم استصدار قرار من الوزاره اللي بيقولوا عليها وزاره التربيه والتعليم بالافراج عن طلبه الثانويه العامه بعد اعتقال دام لمده سنتين وكانهم قرنين من الزمان وذاقوا فيها جميع الوان التعذيب والقهر من المناهج اللي مالهاش لزمه والامتحانات اللي يعلم بيها ربنا وعند الخروج من باب المعتقل رفع الجميع شعار (بلا ثانويه بلا هباب تعب طول السنه وفي الاخر امتحانات من بره الكتاب) وبما انكم قد حصلتم علي الافراج بحمد اللهفكل واحد يقول اول شعور بدر ليه عند خروجه من المعتقل وعمل ايه وناوي يعمل ايه |
وانا حبتدي واقول لكم اول حاجه عماتها رحت انا واصحابي صلينا ركعتين في المسجد وبعدين خرجنا اشترينا هدايا لبعض تبقي ذكري وبعدين اكلنا سوي وقرينا الفاتحه علي اللي يخون العيش والملح وبعدين واحنا بنودع بعض اعدنا نعيط اوي علشان حنسيب بعض يا رب ما يبقي ده نهايه اللي ما بينا وتجمعنا علي خير يارب ادعوا معايا يا جماعه يلا انا مستنيه ردودكم |
انا بابا خدنى من المدرسة ونمت لسه صاحية من نصف ساعة
|
انا لسه مش قادر اتصور او اتخيل اننا خلاص خلصنا ثانوية عامة و اننا خدنا الاجازة
|
اقتباس:
هاتسيبو بعض ليه؟؟؟ لسه المشوار طوييييييييييييييييييل |
اقتباس:
يارب المشوار ده نكملوا مع بعض ادعولنا وشكرا علي الرد |
اقتباس:
صح النوم يا جميل بس قوليلي حاتعملي ايه بعدين |
اقتباس:
لا صدق خلصنا خلاص واتمتع بالاجازه |
أنا كنت مأجل في تانيه وبعد ماشفت هذه المجزرة مازعلتش كتير
|
انا مش حاسة بأى حاجة خالص:D ..بجد حاسة ان انا فى حالة ذهول و مش مصدقة ان ورايا حاجة اعملها .. و ناو انا مقضياها نوم لان بقالى من الاجازة اللى فاتت مش نمت نومة حلوة كدة من غير قلق و ناوية ان شاء الله اسافر بأى و اهيص بعد النتيجة و التنسيق و الهم دا بس ياااارب النتيجة تكون حلوة عشان فعلا احس بالاجازة
|
اقتباس:
ان شاء الله يكون حظك احسن من حظنا باذن الله وتكون المهذله دي خلصت ونسمع سمع خير ان شاء الله وشكرا علي المرور |
اقتباس:
نامي براحتك وعيشي حياتك بس المهم تستغلي الاجازه في حاجه مفيده وان شاء الله النتيجه تكون كويسه للجميع شكرا لمرورك يا جميل |
انا بقى مكنتش مصدقه انى خلصت بس بصراحه انا فرحااااااااااانه بس ياريت النتيجه متضيعش فرحتى
|
اقتباس:
ان شاء الله مفيش حاجه حتضيع يا جميل وشكرا لمرورك |
ازيك وفاء البحر:
انا بقه لما خلصت مكنتش مصدقة خالص والله فضلت فى البيت قاعدة اقولهم انا خلصت اناخلصت خلاص مش مصدقة لدرجة انى كنت بكلم نفسى حتى القط بتاعنى كان بيتهيالى انه بيكلمنى والله من كتر مانا بكلم نفسى قعدوا يقولولى فى البيت : طلاب الثانوية العامة بتوع السنادى عاوزين يتعالجوا نفسيا لحسن دول خلاص مهنجيين على الاخر تصدقى دى بس انا حسيت ان الاجازة جت من كتر ما الشقة منتظرانى فى التنضيف معلش انا كترت عليكى بقه سلام |
بصراحه انا مش مصدقه خالص وحسه انى حقوم اذاكر بس من كتر انا مش مصدقه نفسى بكلم نفسى فى البيت لغايه عندى فى البيت بقولوا اثار الثانويه العامه بدأت تظهر
|
اقتباس:
ازيك يا حبيبتي معلش كلها يومين والاعراض دي تروح احنا في فتره النقهه دلوقتي اما بالنسبه للتنظيف الشقه فكلنا لها شدي حيلك |
اقتباس:
تقومي تذاكري ايه يا شيخه بعيد الشر احنا خلاص كبرنا ع الحاجات دي ههههههههههه منوراني يا جميل |
والله انا لسه مسجون سنه كمان بس هربت شهر وهرجع تانى
|
اقتباس:
هربت والله ابلغ عنك ههههههههههههه ربنا معاك |
اقتباس:
متقنعنيش انها فترة نقاهة تصدقى انى لما جيت من المدرسة اخر يوم وبعد النشيد الوطنى اللى قلتهلهم منمتش وبعد كده ماما صحيت بالليل لاقتنى ماسكة الانجلش وبزاكر فيه من اول وجديد تصدقى دى؟ بتقولى بتعملى ايه قلتلها بزاكر (اصل المزاكرة علينا حق) وشكرا |
انا مش فاهم اصبحنا نسمع حجات غريبه عن الثانويه العامه
كنا زمان نسمع يوقولولنا سنة تحديد المصير لذلك كان الاهتمام والولع بها اما الان ؟؟؟؟!!!! |
صدقونى
دلوقت بقى
مع الثانوية العامة :مش هتقدر تغمض عينيك |
اقتباس:
يا استاذ احمد احنا كنا بنذعل لما نلاقي حد بيغش ونقول ساووا البليد بالشاطر دلوقتي بعد المجزره دي ماشاء الله الكل سواسيه برده لا الشاطر عرف يحل ولا البليد عرف يحل ولله الحمد يا سيدي الفاضل يوم امتحان الاقتصاد والاحصاء بعد مجزره الاحصاء واحنا في لجنه القتصاد الستاذه اللي كانت بتراقب علينا قالت والله ما انا مدخله ابني ثانويه عامه حدخلوا صناعه شوف وصلت لحد فين بقي فيه اضراب عن دخول الثانويه العامه |
اقتباس:
ولا حتي تفتحها |
ايه ده ايه ده
افراج هما بيقولو افراج اه ده صحيح بس احنا مستنين التصريح يوم15/7 انا هنااااااااااااااااااااااااااااااااااااام بس ده كل اللى هعمله بعد ما اخد الافراج النهائى |
اقتباس:
يا حبيبتي انتي لسه مش مصدقه معلش |
يا جماعه لسه مش حصل افراج الافراج صح يوم 15/7 لما تظهر النتيجه الواحد فعلا يحس بالافراج انا بجد عايشه صاحيه او نايمه بحلم بالنتيجه
يوم ما خرجت من الامتحان اخر يوم انا واصحابى وقفنى قدام المدرسه علشان نستنا بقيت اصحابنى من المدارس التانيه وبعديها فضلنا نتكلم فى الامتحان وتريقه باء لا تتخيلهوها وفضلنا وقفين قدام المدرسه من بعد ما خرجنا حوالى 3 ساعات واتصورنا مع بعض بس طبعا احنا مع بعض طول العمر ان شاء لان احنا اصحاب فى من ابتداى وفى من اعدادى بس بجد الواحد برده لسه فى قلق وخوف من ظهور النتيجه |
اقتباس:
حبيبتي ربنا يخليكوا لبعض انتي واصحابك يعني هو نوع من الافراج المؤقت وان شاء الله النتيجه تكون احلي افراج للجميع |
اقتباس:
|
[U]
هههههههههههه [/U:D:D:D:Dبعيد الشر يا شيخه حرام عليكي ان شاء الله نسمع اخبار حلوه بس ابقي طمنيني |
انا رحت النت ولعبت كونكر وروحت نمت وبعد كده روحت انا و صحابى النادى ولعبنا كوره وبس
|
اقتباس:
شكرا ع المرور يا فندم |
انا الحمد لله روحت فرحان فرحة الي خرج من السجن بعد خمسة وعشرين سنة واول ما روحت مسكت ورقة الفيزياء وقلت الاتي
(في الغالب هنقص 20 درجة 10في كل مواد الثانوية العامة بمرحلتيها و10 في الفيزيا ء) وبعد كده بالعب سلكرود |
اقتباس:
كفاره يا ابو راضي :D:D:D:D:D:D:D:D:D شكرا ع المرور |
حتى لو خلصنا الامتحانات فانا مش حاسه اننا خلصنا حاجه عشان لسه النتيجه مظهرتش
بظهور النتيجه اعتبر نفسى خلصت بس يارب تكون النتيجه حلوه |
ان شاء الله ها تكون حلوه
|
أنا لسه فترتي ما خلصتش
يارب السنة الجاية تعدي على خير و ما آخدش إعدااااام أنا و صحابي كنا ناويين ننطلق و نعيش شوية و نعوض اللي فاتنا بس للأسف واحدة من صحابنا خالتها اتوفت و ما ينفعش نخرج و نسيبها كده يعني مقضياها أدام التلفزيون و عالنت و بسسسسسس بس طبعا على أعصابي لحد ما النتيجة تطلع مبرووووووووووووووك لكل اللي خدوا افراج و يارب على خير |
الواحد بينام بيحلم بالنتيجة اعتقد ان الافراج الحقيقى يوم النتيجة والتنسيق ونكون خلصنا وياريت يكون خير لكل الطلبة
الواحد حاسس انوا مش فى المود ولا ليه نفس يخرج ولا يفتسح ولا اى حاجة |
انا خلصت امتحان و رحت حلقت شعري و اشتريت اجدد افلام و طلعت على المطار
انا في السعوديه و اي خدمه من هنا انا رقبتي سداده .... |
اقتباس:
ان شاء الله تكون النتيجه حلوه وناخد الافراج الحقيقي |
اقتباس:
ان شاء الله شكرا لمرورك يا ممدوح |
اقتباس:
ان شاء الله حرام عليكي اعدام ايه ان شاء الله تكون امتحاناتكم احسن من امتحاناتنا والبقاء لله ميرسي لمرورك يا لولو |
انا لسة فاضلي قرن في الحبس اهههههههههههههههههههههههههههههههههههههههههه حرام هاخرج بكفالة :؛
|
اقتباس:
يا بختك طب انا لسه بحلم بالامتحان نفسه وبحلم اني بسيب اسئله كتيير وبعدين عادي انا اختي دكتوره ولسه لحد دلوقتي بتحلم بمتحان الفزياء وعيشي حياتك ان شاء الله النتيجه تكون كويسه |
اقتباس:
نعيما بس وانت في لسعوديه دعيلي ن ربنا يكتبلي روح احج وده طلبي لما اشوف حتعمله ولا لاه |
اقتباس:
خلاص وانا هجي اضمنك:D:D:D:D:D بس نا معاييش بطاقه شكلي هتقفش واتحبس معك بعد ما فرجوا عني انا كده بقيت سوابق:D:D:D:D:D شوف حد تني يضمنا |
| جميع الأوقات بتوقيت GMT +2. الساعة الآن 05:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.