نداء بخصوص اجازة مرافقة زوج
 

السلام عليكم
اولا انا بشكر كل الي هنا والمنتدي لاني استفدت منه كتير
ثانيا انا سمعت ان ينفع ناخد اجازة مرافقة زوج للمعلم المساعد او المنقطعين
فبالله عليكم ارجو الافادة بخصوص الموضوع دة وياريت صورة الفاكس حتي لو خاص بكل محافظة بالله عليكم انا شفت فاكس محافظة المنيا وسمعت ان كفر الشيخ فيها كمان
فياريت الفاكس ضروري لاني ناويت اروح لمحافظ الغربية واشوف الموضوع دة ولو حكمت هرفع قضية فمحتاجه الفاكس معايا لان بجد الواحد تعب ولا عارف يستقر هنا ولا يسافر واكيد الكل حاسس بالموضوع دة
انا من الغربية من المنقطعين ورجعنا الشغل 30/11/2011
مستنية ردكم

انا كمان زيك يالظبط
عايزة اجازة مرافق وانا من المنقطعين ادارة بنها
لو وصلت لفاكس ياريت تحمليه على الموقع

ياريت يجماعة تساعدونا محافظة الغربية نايمة ولازم ندور علي حقنا

اختى الكريمه من الىخر خالص وبسهوله افتحى موقع وزارة التربيه والتعليم وقدمى شكوى من خلال الموقع وانتى قاعده فى بيتك بعد ايام هيتصلو عليكى من محافظتك لان الوزاره هتخطرهم اتكلمى وطالبى بحقك انا عملت كده واتصلو بيه النهارده بس للاسف ما اعترفش ان فيه للمعلم المساعد اجازه كله يتكلم خليهم يتجننو ويعرفو اننا مش ساكتين

[quote=معلمه من المنقطعين;5269159]انا اسفه بجد والله العظيم نسيت خالص ارفع الفاكس هنا لانى كنت مشغوله جدا ونسيت كمان اجيبه معايا بس معلش نلاقيلها حل ان شاء الله شوفى انتى بتقولى انك هتروحى للمحافظ يعنى هتروحى طنطا بالمره عدى على كفر الشيخ مديرية التربيه والتعليم وروحى للاستاذ نسيم وقوليله انك منقطعين كفر الشيخ واطلبى منه صورة الفاكس عشان تعملى الاجازه وان شاء الله يديهولك وتروحى باه على طنطا ياريت لو تعرفى حد او واسطه يعنى وفوق الكل ربنا معاكى وتسمى وتدعى وتدخلى للمحافظ وتوريله صورة الفاكس وتقوليله ان الاجازه دى هتوفر على الدوله مرتبك انتى وكل اللى زيك بل بالعكس انتى هتدفعى تامينات ومعاشات ونقابه وزماله وزمالة القاهره وفى مشاكل اسريه لاقدر الله وربنا معاكى [/quo
شكرا علياهتمامك بس المشكلة صعب اني اروح كفرالشيخ فياريت حد يجيبي الفاكس من الاستاذ نسيم انا والله اتخنقت خلاص
انت سافرتي فين يمكن نكون في نفس المكان
ادعيلي اعرف اخد اجازة

هو بجد فى اجازة مرافقة زوج
 

لو سمحتى
 

لو سمحتى ممكن تقوليلنا استاذ نسيم دة تبع ادارة ايه فى كفر الشيخ
وعنوان الادارة ايه
واسم الاستاذ نسيم بالكامل و رقم تليفونه

يابنتي انا زهقت من الحوارات دي انا كنت سافرت 15 يوم واخدت اجازة واتاخرت يومين شوفت فيهم السوووووووووووووواد بس تعبت الحال بقاله 3 سنين كدة وبيقولوا لسة كمان سنتين وبعدين نتثبت دة لو اتميزنا اصلا بجد حرام

أنا من الغربية معلم مساعد 1/10/2011 وسألت فى المديرية عن اجازاتنا قالى ملكيش غير الاعتيادى - الوضع - المرضى -ونصف الأجر
أما الاجازات الطويلة (رعاية طفل-مرافقة زوج-تعاقد خارجى) لأ ولما وريته الفاكس الخاص بمحافظة المنيا قالى اقريه كويس مكتوب فيه المعلمين المثبتين بالقرار 19-20 وانتى مش مثبتة .
لنا الله

يعني انتي روحتي ودورتي لنا الله فعلا يعني مروحش للمحافظ نفسه يمكن يحس بينا شوية

والله من الآخر انا عملت شكوى على موقع الوزاره والحمد لله عبرونى وردو عليه بالتليفون ومعترفوش باجازة مرافقة الزوج للمعلم المساعد وقالولى نوعدك ان اول ما تتعينى نقومك بهذه الاجازه بدون الستة شهور والله كتر خيرهم بجد بعد 4 سنين فى التربيه والتعليم ولما يجيلى التعيين المفروض كنت اقعد كمان ستة شهور وما اضحكش عليكم خايفه اما اتعين يقولولى بعد ستة شهور ربنا يستر............. وزارة العذاب والهوان لا حول ولا قوة الا بالله العلى العظيم لنا الله.

يا استاذ شريف انا من المنيا من المنقطعين ورجعت بتعاقد 1/10/2011 عقد شامل انا كده معلم مساعد ولا اى انا معايا التطبيقات التربوية ومعاية كلية تربية والاى سى دى ال

اانا بجد اتعقدت معقوله الكلام ده يعنى اخر خطوه فى دماغى انى ارسل شكوى للاداره انتى كده احبطتينى

--------------------------
نفس الكلام في محافظة شمال سيناء
قالو مفيش الكلام دا
فيه اعتيادي ومرضي
احنا غالبا هانستسلم ونسيب الوظيفة ونلم شمل الاسرة بلا قرف حاجة تقرف بجد
انا بعمل محاولة اخيرة عطيت الورق لعضو مجلس شوري .
ونسأل الله التيسير .

انا اسفه بجد انا قلت اللى حصل معايه مش اكتر انا بقالى سنتين عايزه اسافر لجوزى والله المستعان
حاولى انتى يمكن يكون حظك افضل من حظى وتكونى فاتحة خير لكل الى متشتتين اسرهم بسبب عقد التربيه والتعليم

حسبي الله ونعم الوكيل انا تعبت

وبعدين ياجماعة هنعمل ايه؟هنفضل كده كتير؟ولحدامتى؟مشعارفين ناخد الاجازة دى مع ان فيه ناس اخدتها؟والله انا زهقت وخلاص مش عارفه اعمل ايه؟
تقريبا مفيش حل الا انى اسيب التعاقد ده وهستعوض سنين التعاقد دى كلها عند ربنا سبحانه وتعالى
حسبى الله ونعم الوكيل

حسبي الله ونعم الوكيل ياااااااااااااااااااااااارب

بصى ان شاء الله التعيين قريبا لكل المتعاقدين وهانت والله انا حسه بيكى لانى من سنتين وانا كده وان شاء الله لما تتعينى وتاخدى اجازه وتسافرى هتنسى كل المعاناه دية انتى مسيرك راجعه بلدك فخلى ليكى وظيفه محجوزه محدش عارف الزمن مخبى ايه وعسى ان تكرهو شيئا وهو خير لكم. وكمان دلوقتى تعرفى تاخدى حقك لو نكشتى عليه وعليتى صوتك اعملى شكوى على موقع وزارة التربيه والتعليم وقدمى شكوى فى الشئون القانونية أو النيابة الادارية والعيار اللى ميصبش يدوش

جزاكى الله خيرا وشكرا على مشاركتك المهونة لى بس انا فعلا زى ما قولتى انا فى معاناة بقالى 4سنين شغالة سنتين اجر متواصل وسنتين تعاقد بعدهم وبقالى سنتين بحلم بالتثبيت عشان اسافر لزوجى انا وبناتى عشان استقر لانى فعلا تعبت ربنا وحده الى عالم وكل ما يخطر ببالى اسيب الشغل يصعب على السنين دى كلها وتحملى لتعبها وقرفها وارجع اقول هانت شوفتى قد ايه الوزارة مقدرة لحياتنا وظرفها
تانى مرة بشكرك والف مبرووووووووووووووووووووووووك على التعين بجد انا فرحانة لكى وربنا يتمم لكى بخير وتسافرى لزوجك بالف سلامة

الله يخليكى يارب وعقبال ما اباركلك قريبا وتسافرى لزوجك وبرده خليكى حاولى ابعتى شكاوى واهبليهم خليهم يحسو بالناس وانا اى جديد بالنسبه لاجازات المعلم المساعد هعرضها على المنتدى

انا فعلا بعت اكتر من شكوى للوزارة كان الرد ان مفيش اجازة للمعلم المساعد وكمان الادارة سالتهم ضحكو وزى مايكون قولت حاجة غريبة اوى او مستحيلة مش عارفة ؟قالولى لا مفيش الاجازة دى انتى لسه متعاقدة يعنى اسمك بالقلم الرصاص لما يبقا بالجاف تخدى الاجازة الى انت عوزاها ؟بجد ناس شغلتها احباطنا
بس الحمد لله زى ماقولتى وعسى ان تكرهو شيئا وهوخيرا لكم
فرجنا فى يد الرحمن وحده هو لطيف بنا

ايه ياجماعه ؟سكتوا عن هذا الموضوع؟ايه سافرتو ولايئستو؟
اكيد حاجة من الاتنين؟

صديقاتى الاعزاء اخيرا ادارة كفرالشيخ اعترفت بوجوب اجازة مرافقة الزوج للمعلمه المساعده وهذا هو الفاكس حطيه فى عين التخين ودعواتكم لى بتيسير التعيين واجازة رعاية الطفل واجراءات الاستقدام
الملف المرفق 97280

الاتنين الاكيد منهم اننا يئسنا حسبي الله ونعم الوكيل

ربنا ييسر لكى امورك ان شاء الله
بس لو سمحتى استاذة دعاء ليه التأشيرة مش بتفتح معى

اختى الكريمه هى عباره عن ملف وورد عادى لما بتضغطى على اللينك بيفتح صندوق لحفظ الملف عندك على الجهاز بس انتى كونى داخله مسجله فى المنتدى بس عادى عموما اللينك اهوة ولو فيه مشكله تانيه قوليلى
الملف المرفق 97307

شكرا لكى اختى دعاء
ولكن عندما اضغط على اللينك تظهر لى رسالة (ليس لديك تصريح بدخول هذه الصفحة)
مش عارفة من ايه؟
اكيد فى مشكلة
انا بقول ان ادارة المنتدى لسه لم تصرح لى بهذا مش عارفة

بيفتح عندى

و هى عبارة عن مذكرة عرض للسيد المحافظ
الموضوع : تقدم بعض العاملين المتعاقدين و المثبتين بوظائف التدريس و الوظائف المعاونة بطلبات يلتمسون فيها الموافقة على منحهم اجازات خاصة بدون مرتب لمدة عام .
البحث: تيسيرا على العاملين المتعاقدين و المثبتين و لحين استكمال المدد اللازمة قانونيا لشغلهم درجات مالية طبقا لاحكام القانون 155 لسنة 2007 و القانون 47 لسنة 78 وتعينهم على درجات مالية .
وفى ضوء عدم الاخلال بمقتضيات العملية التعليمية من حيث العجز و الزيادة و فى حالة التأشير من موجة عام المادة الدراسية الذى ينتمى اليها المتعاقد الطالب للاجازة بعدم وجود عجز .
لذا : نرىتفضل معاليكم بالموافقة على منح المعلمين المساعدين المثبتين و المتعاقدين بالمديرية اجازة مرافقة زوج او زوجة فقط حيث ان هذا النوع من الاجازات وجوبية و لا يتناقض منحه من القانون و لا يشكل عبء ماليا على المديرية

و تم الموافقة عليها من قبل المحافظ و كتب عليها اوافق ويعمم بتاريخ 10/2/2013

يارب هون علينا وزيمابيقولوا ينفخ في صورة محافظ الغربيةويوافق
انا نزلت التاشيرتان بتاع كفر الشيخ والمنيا وجوزي مصمم انه ينزل اجازة وياجيمعايا لمحافظ الغربيةيشوف حل للموضوع دة اصل حرام لما ابقي لسةمتجوزةوانزل واسيب جوزي واحنا في بدايةحياتنا كدة بقالنا سنتين ونص وقالوا هنتميزوبردوا مافيش امل ولا تثبيت انا تعبت وجوزي زهق والله لوله وظيفةهوكمان ماكنت اشتغلت بس علي الاقل واحد مننا لهوظيفه
حسبي الله ونعم الوكيل

حبيبة قلبى ربنا ييسرلك احوالك يارب حسه بيكى والله لانى عشت هذه المعاناه ولسه عايشه فيها ربنا يوفقك وييسرلك امورك عن قريب يارب

محافظ كفر الشيخ يلغي قرار منح إجازة مرافقة زوج أو زوجة
 

لديً مشكلة وأريد أن أطرحها على حضرتك وهي أنني أعمل بالسعودية منذ عام 2002م ومتزوج وزوجتي تعمل بالسعودية بوزارة الصحة وقد عملت بالتدريس في مصر من عام 2000م وحتى عام 2002م بنظام الحصة وعندما رغبت الإدارة التعليمية بالحامول بمحافظة كفر الشيخ إعادة التعاقد مع المعلمين المنقطعين والذين يثبت عملهم بالمدارس من قبل , تقدم أخي بأوراقي للإدارة التعليمية بالحامول وبالفعل نزل اسمي ضمن الأسماء الموافق عليها بالعمل بنظام المعلم المساعد لحين وجود درجات مالية يتم التثبيت عليها .
وبالفعل أخذت إجازة من عملي بالسعودية لمدة ستة أشهر وتركت زوجتي وأولادي بالسعودية حيث أن زوجتي كما قلت تعمل بوزارة الصحة السعودية واستلمت العمل في تاريخ 22/10/2012م وعندما انتهت مدة اجازتي قررت ترك العمل والعودة للسعودية حيث أن الراتب لا يتعدى 162 جنيه ولكن أخبرني أحد الزملاء بأنه صدرت موافقة معالي محافظ كفر الشيخ على مذكرة وكيل وزارة التربية والتعليم بكفر الشيخ بالموافقة على السماح للمعلمين المتعاقدين والمثبتين بإجازة لمرافقة الزوج أو الزوجة حيث أن هذه الإجازة وجوبية بحكم القانون وجاءت موافقة المحافظ بالتأشير على الطلب بعبارة ( أوافق ويعمم ) وبالفعل كانت سعادتي كبيرة حيث أنه يوجد مخرج من هذا الموضوع وبالفعل بدأت في تجهيز أوراقي مثل ( مشهد من جامعة طنطا من جهة عمل الزوجة موجه لمدير التربية والتعليم بكفر الشيخ يفيدهم فيه بأن زوجتي على رأس العمل بالسعودية وزوجها مرافق معها ورغبتهم الموافقة على منحي إجازة لذلك ) وكذلك صورة عقد الزوجة وصورة الإقامة السعودية وصورة تأشيرة الخروج والعودة ..........إلخ وتقدمت بهذه الأأوراق للسيد مدير الإدارة التعليمية بالحامول لكنه رفض في باديء الأمر بحجة أن المتعاقدين ليس لهم حق في الإجازات وبعد تزويده بصورة من تأشيرة المحافظ وافق على الطلب مبدئياً شرط موافقة الموجه الأول للمادة الدراسية التي أدرسها وبالفعل حصلت على موافقة من الموجه بلا مانع وتوجهت بعد ذلك إلى المديرية بكفر الشيخ وحصلت على تأشيرة من الموجه العام بالمديرية وكذلك مدير عام شؤون الموظفين .....................إلخ وقمت بدفع ما حدده محاسب الإدارة ودفعت مبلغ ( 800 ) جنيه صندوق زمالة وعلاج ومصيف ,......... إلا أنني فؤجئت بعد تقديم الأوراق بأسبوع بأن مسؤول الإجازات بالمديرية يخبرني بأن المحافظ سحب قراراه ورجع فيه مرة ثانية ........وبناء عليه تمّ رفض إجازتي .
السؤال للأخوة وعلى رأسهم الأأستاذ شريف

هل لو قمت برفع دعوى قضائية ستكون لصالحي علماً بأن العقد الموقع مع الإدارة ليس مذكور فيه سوى الإجازات العادية ( العرضة , الطارئة , المرضية , إجازة الحج ) .
وهل لو انقطعت عن العمل وسافرت مع زوجتي يحق لي مستقبلاً الرجوع للعمل برفع قضية .وكيف أسترد المبالغ التي دفعتها
أرجوا الإفادة ولكم خالص الشكر والتقدير

للاسف فعلا محافظ كفرالشيخ تراجع عن قراره بمنح المعلمين المساعدين اجازات جاصه وذلك لان عدد ضخم تقدم لهذه الاجازه فعكت على الكل . الله المستعان ملحقناش نفرح

طيب مفيش حل قانوني ياجماعة
طالما إن إجازة مرافقة الزوجة أو الزوج هي من الإجازات الوجوبية بمقتضى نص المادة 69 من قانون العاملين المدنيين بالدولة الصادر بالقانون رقم 47 لسنة 1978 أن تكون حالات الترخيص بأجازة بدون مرتب إذا طلب الزوج أو الزوجة ذلك باعتبار أن إحداهما قد صدر فى شأنه قرار باعارة أو أجازة خاصة و على الإدارة أن تستجيب لهذا الطلب فى جميع الأحوال

تلاعب بالقرارات وبأعصاب المعلمين
 

ولا حد عنده فكره عن اى حاجه انا حاسسه انى اتلغبطت ولا بقيت عارفه ده حقى ولا مش من حقى اخد اجازه وحتى لو حقى اخده ازاى والكل من الصغير للكبير فى الادارات والمديريات يقول مش من حقك انتى تعاقد ما لكيش اجازات خاصه يعنى هيا تعاقد دى وصمة عار نستحق عليها العقاب يعنى هوا اللى متعين ده بنى ادم ومن حقه يستقر ويعيش واحنا مش بنى ادمين
حسبى الله ونعم الوكيل فى كل ظالم بيعطل مصالح واستقرار وحياة الناس

اللى اخدها خلص نفد بيها الله المستعان علينا احنا
ياخوفى انا ان شاء الله منتظره التعيين وخايفه ليقولولى بعد التعيين استنى 6 شهور عشان يوافقو على الاجازه ما هو الكلام كله انقلب وبقينا زى زمان والمحافظ سحب كلامه
ربنا يستر ربنا معانا وحسبنا الله ونعم الوكيل

ان شاء الله متستنيش 6شهور ومفيش الكلام ده كل الناس بتقول كده ربنا يصلح الحال البلد
بس ازاى رجع فى كلامه وبعدين هم قالو انها وجوبيه وقانونيه يعنى اى حد من حقه ياخدها هو ايه اللى بيحصل منهم لله

والله انا حسه كده ان الفاكس ده كان طالع لفئه معينه ولما عامة الشعب عرفو بيه وراحو يطالبو بتنفيذه عليهم تم التراجع عنه ......... لنا الله