مراقبة الابتدائية بالبحيرة
 

كل عام كان يتم توزيع المراقبين من المنطقة وكان يراعى المسافات برغم وجود الكوسة هذا العام احد عباقرة قطاع المعاهد هو اللى وزع المراقبين من القاهرة وهذا العبقرى لا يعرف كم تبلغ مساحة محافظة البحيرة التى تمتد من الاسكندرية حتى محافظة الجيزة وسيادته اخد فى التوزيع انهم كلهم من البحيرة وجاب ناس من كفر الدوار لكوم حمادة وناس من ايتاى وداهم مركز بدر ووادى النطرون والمسافات لا تقل عن 100 الى 150 كيلو كيف يصل المدرسين للجان قبل التاسعة ولا يوجد سكن وما هو المقابل اعرف الكثيرين متذمرين من الخطابات وايضا الكوسة ما زالت موجودة فى موزعى الاسئلة ورؤساء اللجان ومساعديهم وبعض الملاحظين الموزعين فى معاهد قريبة منهم

معلش دول شوية اغبيه انا لى اقارب فى البحيره مركز بدر وفعلا المسافات بعيده جداااااااااااااا الله يكون فى عونكم فضلا عن المواصلات السيئه انا لو مكانك والله ما انفذ واللى يحصل يحصل

انت قلقتنى يا ابواسماء احنا لسه هنجيب الجوابات بكرة ربنا يستر

حد يطمنى فى اسماء مدرسات نزلة ولا رجالة بس ياريت حد يطمن ى

لو سمحت يا ابو اسماء ممكن تطمنى

محدش رد علية

هذا هو الحال فى معظم المحافظات
ربنا يصبرنا

ايوه فيه زميلة لينا جالها ف مكان زى الزفت

فى نأس مجلهاس خالص

فى اسماء سيدات وهذا هو السبب هذا العام هما يريدون من الجميع الايطالب بمراقبة الشهادة فلذلك يتعمدون بعد المسافات والله بجد المسافات بعيدة جدا

يا حبيبى انا مدرس تربية رياضية انتداب داخلى لكن انا اتكلم بمبدأ من لم يهتم بأمر المسلمين فليس منهم

انت جالك فين يا مستر طمنا عليك

عزيزى سامح مع الاحترام لسيادتك محافظة سوهاج كلها اصغر من مركز كفر الدوار او كوم حمادة وده مركز واحد من البحيرة

يا استاذ احمد انا من محافظه سوهاج والجواب فى بلد تبعد عنى مسافة حوالى 100 كيلو

فعلا اماكن الانتداب السنة دى بعيدة جدا محافظة قنا

فى كل المحافظات وربنا يسترها على اخوانا فى الاعدادية والثانوية اعتقد ان الندب خارج المحافظة

جالى ف كفر الدوار الحمدلله حوالى نص ساعة ... صعبان عليا الناس التانية فيه ناس اتحدفت اخر الدنيا ومنهم سيدات

ياريت على كده وبس تروح تلغى الجواب لمسئول يقولك مفيش ويعقدلك الامر واول ماييجى حد معرفه يلغى مباشره

الانتدابات هذا العام فى الشهاده الابتدائيه مدمرة المدرسين كلهم سواء اكانو ذكور او اناث فلابد من ارسال شكاوى جماعيه لشيخ الازهر عن هذا العمل الغير الانسانى والهمجى من قام على هذا الامر والموضوع ده على مستوى الجمهوريه فلابد من وقفه حقيقيه وان يحاسب حساب عسير من قام على هذا الامر ةهذا انتقام منه للمدرسين وغباء منه حيث انه لا يعلم عن التوزيع الجعرافى اى شىء(منه لله ينتقم منه ربنا)

تم تعديل جوابات كتير بالبحيرة حتى اليوم وهناك لجان كثيرة عانت فى اليومين الاول من عجز فى المراقبين

يا اخ ابوا اسماء انا من المنشاه ومنتدب لاحد قري البلينا مسافة 64 كيلو
المهم متي يون لنا وقفه فعلية وليس كلام الايام دي خد حقك بالذراع وبلاش الكلام يعم خلي البلد تمشي تمشي ازاي والبهائم تتحكم في امورنا