اعتصام الطلاب
 

يا جماعه الطلاب نويين يعملو اعتصام ومظاهرات احتجاجا على المواد التى اقرتها الوزاره علينا

ماشى احنا موفقين على الاعتصام
طب انا راضى ذمتكوا دى مواد
طب احنا هنذاكر امتا وهنروح المدرسة امتا
دول 9 مواد هيتاحد فيهم دروس غير المدرسة يعنى مفيش وقت خالص
لا لازم يقللونا على الاقل يشيلو الجولوجيا والاحصاء

انا معاكم يا جمااااااااااااعة

المفروض نعترض حرام عليهم والله حسبى الله ونعم الوكيل.

وانا معاااااااكم

حد يقولى الاول ايه هى المواد بس يكون كلام ثقة
وساعتها اقول انا مع الاعتصام ولا لا ؟؟

العام القادم (الثانوية العامة الجديدة )

أولا : الشعبة العلمية علمي علوم
يدرس الطالب 11 مادة وهى :-
1- اللغة العربية
2- اللغة الانجليزية
3- اللغة الأجنبية الثانية
4- الرياضيات
+
1- التربية الدينية
2- التربية الوطنية
+
1- الفيزياء
2- الكيمياء
3- الأحياء
4- الجيولوجيا
5- الإحصاء

ثانيا : الشعبة العلمية علمى رياضة

يدرس الطالب 11 مادة وهى :-
1- اللغة العربية
2- اللغة الانجليزية
3- اللغة الأجنبية الثانية
4- الرياضيات
+
1- التربية الدينية
2- التربية الوطنية
+
1- الفيزياء
2- الكيمياء
3- الجيولوجيا
4- الإحصاء
5- الرياضة التطبيقية

ثالثا : الشعبة الأدبية ادبى فنون وآداب

يدرس الطالب 11 مادة وهى :-

1- اللغة العربية
2- اللغة الانجليزية
3- اللغة الأجنبية الثانية
+
1- التربية الدينية
2- التربية الوطنية
+
1- التاريخ
2- الجغرافيا
3- الفلسفة
4- المنطق
5- علم النفس والاجتماع
6- الاقتصاد والإحصاء

رابعا : الشعبة الأدبية (إدارة أعمال وقانون)

يدرس الطالب 11 مادة وهى :-

1- اللغة العربية
2- اللغة الانجليزية
3- اللغة الأجنبية الثانية
+
1- التربية الدينية
2- التربية الوطنية
+
1- التاريخ
2- الجغرافيا
3- الفلسفة
4- المنطق
5- إدارة أعمال وقانون
6- علاقات دولية

حرااااااااام
انتى جايبة الكلام ده منين؟
دانا قرات غير كدة خالص؟

ايوا هى دى المواد بالظبط
احنا جالنا الاستمارة ومضينا عليها فى المدرسة وكان فيها المواد دى

يا جماعة الكلام ده غلط الاستمارة دى اتوزعت لغرض تخويف الطلاب او تسببلهم قلق
انا فتانية ثانوي وعلمى رياضة بأذن الله
انا معترض جدا لو الموضوع ده هيبقى صح مع ان الاغلب انه هيبقى اشاعة
لو كدة نعمل ايفنت على الفيسبوك ونتناقش ونشوف هنتصرف ازاى بس مينفعش نسكت وحلم حد فينا ممكن يكون علمى رياضة ويضيع بسبب مادة زى الجيولوجيا مجابش فيها درجة كويسة مثلا مع انه ممكن يتفوق فى باقى المواد

بصى معلش هعلق على كلامك شوية مفيش ادارة اعمال ولا علاقات دولية بالاضافه الى امال السنه اللىهتتضاف فى تالت عاوزه تعرفى على اى حاجه ادخلى ع موقع الوزاره

يا جماعة والله هى دى المواد بالظبط

لا الوزارة طلعت بيان رسمى نفت فيه موضوع ال10% غياب وسلوك

ونفت موضوع ال12 مادة ده وقالت انهم مش هيزيدو عن 5

والدين والوطنية وكل المواد اللى ش بتضاف للمجموع مش هيبقى لها امتحان تبع جدول امتحانات الثانوية

حتى كمان فى اقتراح يخل العربى والانجليزى واللغة التانية نجاح وسقوط ترمين وبرا المجموع

ممكن توضيح اكتر يا بسنت ؟

انا حاسة انهم لسة 5 مواد مش 9

على العموم ربنا يوفقكم وإن شاء الله ميزدوش او يزيدوا مادة شرعية واديبة إيه المشكلة

ما احنا عارفين ان الدين والوطنية مش هيضافوا من المجموع
احنا عاوزين موضوع المواد العلمية دى كلها
يلغوا حتى جيو واحصا

مظنش أبدا ان المواد هتكون بالعدد ده

ممكن يكون دى مواد سنتين

يعنى موضوع ال11 مادة ده كان مجرد اقتراح من واحد قاعد فاضى عمله منشورونله المدارس مع ان الموضوع ملوش اى علاقة بوزارة التربية والتعليم
وغنيم نفى الموضوع ده وقال ان عدد المواد هيبقى يا 5 يا 6
عربى انجليزى لغة تانية كيمياء فيزيا (رياضة2/احياء) ، او للادبى عربى انجليزى لغة تانية تاريخ جغرافيا فلسفة وعلم نفس

ادبى هيبقو ازيد مننا بمادة تقريبا

معلش انتي متاكدة من كلامك ولا مجرد كلام سمعتيه ولا ايه
اصل الموضوع دة شاغل بالي كتير اوي

النهاردة كان فى مظاهرة عملناها قدام التربية والتعليم ودخلو شوية مننا اتكلمو معاهم جوا قالولهم ان المقرر 6 مواد بس القرار لسة متضماش
ادبى بردو 6 مواد الطالب هو اللى هيختار بين الفلسفة وعلم النفس والتاريخ والجغرافيا اجبارى ومفيش اداب وقانون وادارة اعمل ومحاسبة والمواد دى كلها ولا فى 10% اعمال سنة
القرار مفروض بشكل رسمى هيطلع الخميس ولو مطلعش الخميس هنعمل مظاهرة تانى يوم الحد ركزى بس فى مزاكرتك وتقلقيش والله الموضوع شاغلنا كلنا

انا فعلا عرفت موضوع المظاهرات دة وال6 مواد
بس ممكن تقوليلي المكان فين بالظبط عشان لو كدة ممكن انزل لو الموضوع يلزم
وبعدين انا ولد علي فكرة :)