|
"عيش ..حرية.. موتة طبيعية"
بعد حادث قطار البدرشين..
شعب تويتر: "عيش ..حرية.. موتة طبيعية" حادثة قطار البدرشين المنكوب كتبت-ناهد إمام: منذ 3 ساعة 54 دقيقة ما بين تهكم على أوضاع القطارات وسكك الحديد فى مصر التى عادة ما تشهدها مواقع التواصل الاجتماعى، والقيام بعمل "هاشتاجات" لاقتراح حلول لإصلاح مشكلات السكك الحديد فى مصر، تركزت تعليقات وتفاعلات نشطاء التواصل الاجتماعى على "تويتر" و"فيس بوك" بشأن حادث قطار البدرشين . وشهدت ساحة "تويتر"، عدة تعليقات ساخرة، رصدنا منها، تغريدات لشخص يدعى "خالد أحمد"، يقول: "لا تركب القطار..القطار فيه سم قاتل..اسقط النظام..النظام فيه سم قاتل"، وأخرى للدكتور محمد نبيه: "وليكن الهتاف يوم 25 يناير ..عيش ..حرية .. موتة طبيعية"، أما سمر طلبة: "والله أنا خايفة أحسن حد من أهل مرسي وعشيرته يطلع يقول لنا أن الكوارث اللي بتحصل ف مصر دي سببها أن مرسي مؤمن والمؤمن مصاب"، كريم فريد: "سعر الروح وصل 20 الف مين يزود ؟"، محمد حلاوة: "سكك حديــــد مصــــر....طريقك للجنـــــــــــة". واستخدم النشطاء "هاشتاج" بعنوان "اقترح حلا لمشكلة السكة الحديد"، شارك فيه العشرات بتغريدات تحمل اقتراحاتهم، يقول إحداها: "المزلقانات والقطارات تشتغل بالكهربا ويتعمل النظام المتبع برة ان لو حد وقع على القضيب تفصل أوتوماتيكيا"، ويقول أحمد شريف: "أي حل فيه وقف للخدمة أو تقليلها مع احترامي ده هري وأي كلام, الحل في صيانة ورقابة لغاية مايبقي في بديل"، ويقول احمد أشرف:" الدولة تخصص لها فلوس مش أكتر ومش أقل، كل حاجة موجودة ما عدا الفلوس"، ويضيف أشرف بصيلة:" قضينا عمرنا لا نعلم اين تذهب ايرادات قناة السويس...يتم توجيه الايرادات بشكل مباشر للتطوير"، ويتابع شريف عاطف:" انشاء هيئة كاملة لوضع خطة فعلية وبدء التنفيذ في إصلاح خطوط السكك الحديدة وتحويلها من داخل القري والمدن"، وقترح محمد مجدى سليم التالى:" أن يكون المزلقان اوتوماتيك او يلغي نهائيا ويتم الاستعاضة عنه بانفاق تمر تحت القطار"، بينما اقترح شادى شريف الاستعانه بطلبه الهندسة لصيانة القطارات، يقول: "الاستعانة بطلبة هندسة لعمل حملة صيانة تطوعية كنشاط طلابي, طبعا مع عمال الصيانة الي موجودين، بكده نضمن الجودة"، ويقول محمد الشامى: "لو مفيش تمويل ولا ميزانية اطرح المشروع للتطوير بنظام حق الانتفاع لفترة زمنية". ويقترح محمد شاذلى: "أنه يتم تصفية القطارات المهلكة + عمل كل 6 ساعات اتجاه واحد بس ..والـ 6 ساعات التانية الاتجاه التاني، وعمل امتحانات للسواقين"، ويضيف اسامة: "إحالة القطارات البالية للتقاعد وصيانة الشبكة قدر الامكان، ابتكار طرق علمية لحل مشكلة المزلاقانات و حفر أنفاق تحت السكك الحديد لمرور السيارات والناس، وتغريم المارة فوق شريط القطار بغرامات مالية ووضع لوحات إرشادية مناسبة لجميع الاعمار والمستويات العلمية". واقترح أحد النشطاء على "تويتر" بنقل خطوط السكة الحديد، يقول: "نخلى خطوط السكة الحديد فى الصحراء الغربية .. مش على النيل ... منها نزود عمار الصحرا .. ومنها تقل الحوادث"، ويقول AhmadCubic: "نضع حساسات مسافة في القطارات تفعل الفرامل اوتوماتيكيا عند وجود عائق ع مسافة 600 متر علي الاقل، واستخدام اكاسيد الفضة لمنع الشبورة عند المزلقانات والربط الالكتروني وليس الميكانيكي بين المزلقانات والقطارات"، بينما يري عمرو محمد البدء بالمزلقانات، قائلا: "بدأ بالمزلقانات لأنها اتسببت فى حوادث كتير وبعدين تطوير كل العربات المتهالكه دة مهم جدا بس محتاج وقت"، فى حين اتفقت عدة اقتراحات على استيراد تجربة اليابان فى السكك الحديد وتقليدها. http://www.alwafd.org/%D8%A7%D9%84%D...B9%D9%8A%D8%A9 اقرأ المقال الأصلي علي بوابة الوفد الاليكترونية الوفد - شعب تويتر: "عيش ..حرية.. موتة طبيعية" |
طيب خد دى :قطار...عربية...الموتة جايه جايه:rolleyes::rolleyes:
|
اقتباس:
لكل أجل كتاب ولارد لقضاء الله لكن من أمرنا بالرضا بقضائه أمر الراعى أن يوفر سبل الحماية للرعية أليس كذلك ؟!! الخبر يتحدث عن حلول لمشكلة صارت تفزع الكل وليس ضد أحد فهل نسلم ونقول ليه نتعب نفسنا ونصلح من أمر حياتنا مادام الموت جاى جاى ؟!!!!! مجرد سؤال شكرا جزيلا |
معك حق ،ولكن كل الحق أن تكون الرعية بعيدة عن الفساد والرشوة والفوضى والمحسوبية والضغينة والإهمال ،وفى نفس الوقت بل كل الوقت قريبة من الله،بعيدة عن منهياته
|
اقتباس:
والراعى كان الله فى عونه تذكرت الأن لماذا يردد الرئيس مرسى مقولة (أنتم ياشعب مصر بيدكم كل السلطات )!!!! لقد نقل سلطات الحكم فى الكوارث فقط للشعب !!!!!!! شيل ياشعب وتحمل مسئولياتك !!! شكرا جزيلا |
اقتباس:
|
اقتباس:
إذا فكل من سيطالب بمحاسبة المتسبب على أى كارثة ستأتينا من الأن سيكون فيه كل ماذكرته بمشاركتك المصونة لاحول ولاقوة إلا بالله شكرا جزيلا فيبدو أن علمكم منزل وفوق إدراكنا ونكتفى بهذا القدر ونعود للتعليق على الخبر إن رغبت |
جزاكم الله خيرا
وبارك فيكما ونفع بكما فالحادث أليم علينا كلنا رحم الله من مات منهم وتقبلهم في الشهداء فهمت من كلام الاستاذ / رضا حرصه علي إصلاح الدنيا وهذا مطلوب عرفا وشرعا ومن كلام الاستاذ أبو نرمين الحرص علي إصلاح الدين وهذا أيضا مطلوب هذا إجمال ما فهمته من مشاركاتهما فما المانع من أن نصلح الدنيا بالدين هل في ذلك عجب ؟؟؟ لعل من أجمل ما سمعت في هذا المعني قول إقبال :- إذا الإيمان ضاع فلا أمان *** ولا دنيا لمن لم يُحي دينا ومن رضي الحياة بغير دين *** فقد جعل الفناء لها قرينا وفي التوحيد للهمم أتحاد *** ولن تبنوا العلا متفرقينا تساندت الكواكب فاستقرت *** ولولا الجاذبية ما بقينا أسأل الله أن يؤلف بين قلوبنا وأن يجمعنا في جنته إخوانا علي سرر متقابلين أشكر وأثمن مشاركاتكما وأرجو ألا أكون قد أزعجتكم وأحبكم في الله |
اقتباس:
|
شكرا جزيلا أستاذ طارق
فالدين حياة والدنيا موطن العيش به لنقدم بهديه مايمحنا الحياة الأبدية فى الفردوس الأعلى نسأل الله أن يتقبل منا صالح الأعمال |
يا جماعة انا عارفة ان فى خطا واهمال بس الكلام دة من اكتر من 30 سنة مش هينفع يتصلح فى سنة يا جماعة الصبر من الايمان وربنا يرحمهم جميعا يارب
|
شكرا يا فندم المشكلة ان الناس فاكرة ان السب فية دة الرئيس يعنى انا بعترف ان اكيد فى خطا واهمال لكن مش بايد الراجل الراجل علشان يصلح عايز دة لما فانوس عربية يكسر بياخد وقت علشان يتصلح ما بالك بلد ومش اى بلد مصر تبقى فى سنة الناس فاكرة ان علشان بقالوا 6 شهور بقى كدة كتير 6 شهور دى ولا حاجة ولا ال 4 سنين اصلا لازم نصبر الصبر الصبر لكن الى بيحصل دة من الاعلام بالذات حرام دة النور قطع فى cbc بقى الريس وقناة الاخوان هما السب الرحمة يرحمكم ربنا
|
اقتباس:
بس احنا اللى شعب غريب وماعندناش صبر -- وخايفين على عمرنا وعمر أولادنا !!! ومش مؤمنين بالقضاء والقدر كمان !!!! طب لازم نصبر كم سنة لحد مالحكومة تهتم بالأوليات لإنقاذ حياة الناس ؟؟؟! وهل قطر هتشحتنا شوية مليارات لنصلح السكة الحديد ولاَّ لا ؟ أفيدونا أفادكم الله --- فيبدو أنكم الأقرب لأصحاب القرار !!! |
اقتباس:
|
اقتباس:
|
اقتباس:
|
اقتباس:
مبارك اللى بنى القظارات ؟ القظارات دى من زمان قوى من أيام الخديوية وبعدين فى ست شهور نصدار إعلانات دستورية هدمت الجيش والشرطة والقضاء والأحزاب حتى المسانده لهموفرقت الشارع كحالنا هذا وفشلوا فى الاهتمام بالقضبان ؟!!!!!!!! واضح إن قوتهم محلية الصنع والتوجه لعشيرتهم فقط وبعدين بلاش يا فندم دى لأنها لاتليق بعضو فى منتدى الثانوية خللى البساط أحمدى ومشيها يا أستاذ -- مع أنها كمان كبيرة حبتين علي العبد لله الغلبان شكرا |
غنوا وردوا على بعضيكم
إذا لم يمنعك الحياء وقت الكارثة بأن تكف عن الدفاع عن المسئولين عنها فكن كما تحب - ولكن تذكر هنا فقط يكون ( الله غالب على أمره ) لأنه الحكم العدل من قدس أرواح الناس فى كتابه الكريم |
اقتباس:
|
اقتباس:
الصبر يمد للأمهات والأباء الذين حرموا فلذات أكبادهم ولايمد للمسئول والمتسبب على الأقل فى هذا الوقت العصيب رحمة بهم ربنا معاهم شكرا جزيلا |
اقتباس:
اكيد طبعا انا بقول الصبر على ان احوال البلد تتحسن والسكك الحديد ان شاء الله قريب كلنا ندعى لربنا ان شاء الله لكن بالنسبة للام والاب ولا كنوز الدنيا تكفيهم و فى خطا جسيم طبعا لكن ان شاء الله الامور تتحسن ولكى الله يا مصر |
اقتباس:
ولكى الله يامصر جزاكم الله خيرا |
اقتباس:
|
الموت بقدر الله "ساعته , مكانه . سببه " كلها بقدر .
نعم هناك تقصير وإهمال متراكم وراسخ . والإصلاح يحتاج للأدوات " الميزانية و الزمن وجو العمل " وستة أشهر مرت على النظام والحكومة لاتكفى لترميم محطة صغيرة وليست السكك الحديد وحدها التى تحتاج للإصلاحات وهذا يضاعف من التحديات أمام الحكومة الحالية للعثور على طرف الخيط الصحيح , الذى بشده تنحل كل العقد , وعلى وجه السرعة لتقليل الكوارث و" إنَّ لله وإنَّ إليه راجعون " |
اقتباس:
ياريت تكمل إنت الحوار حول (تقديم الأولويات لنتقى بأمر الله شر الكوارث ) يمكن يسمعوا لك ويسمحوا لك تقرب من الحكومة والحكام !!!!!!! جزاكم الله خيرا أستاذ محمود |
اقتباس:
بالتأكيد ليس ثمة أشخاص فوق المساءلة المصاب لاشك جلل , ولايملك تعويض ذوى ال***ى إلا خالقهم فقط أردت أن أضع الأمر كحادث فى إطاره الصحيح من وجهة نظرى وهو يحثنا على المتابعة بعد المساءلة ليتنا نجتمع على هذا , أقصد " على البناء " والبناء فقط ليتنا نعمل ونختلف ونتكلم فى آن واحد " نفعِّل الثلاثة " والله يا أخت لو تابعتِ المداخلات لوجدتِ من بينها تلك التى تشع الشماتة فى الموت ولا حول ولا قوة إلا بالله و" إنَّ لله وإنَّ إليه راجعون " |
اقتباس:
لا شئ فى خلاف المحبين لهذا الوطن والله يا أخى أنا ما كان ليه نفس أكتب ومتابعتش المداخلات للإسف ومش معجب بقنديل ,, راجل محترم بس ,,,,,,,, أدينى صابر لبعد الانتخابات يمكن يشملنى التعديل أنا عاوز حقيبة المالية بس تكون حقيبة مليانة أضحك الله سنك:d و" إنَّ لله وإنَّ إليه راجعون " |
هرجع و انتقد مرسي اللى انا بحبه
كده يا ريس بقالك 7 شهور بحالهم وماجيبتش قطارات جديدة ليه ؟ طيب ماغيرتش السكة الحديد كلها ليه ؟ و ماعملتش كبارى و مزلقنات جديده ليه ؟ مبارك سابهالك 30 سنة شغالة اوتوماتيك ، سابلك قطارات فائقة السرعة و مطورة و شغاله بالكهرباء جيت خربتها يا مرسي ؟؟؟ اى نعم انت جيت بعد الميزانية ما اتعملت وملحقتش توزعها او تشرف على توزيعها بس برضة لية كده يا ريس يا مرسي البلد فيها فلوس اكوام اكوام مش عارفين نوديها فين ، لية ماجيبتش قطارات جديدة ده احنا معانا فايض مليارات ، المليارات دي هنوديها فين ؟ ده حتى مفيش اضرابات و المعارضة بتساعدك والفلول بقوا وطنيين يعنى مالكش اى حجه فين الشغل يا ريس فين ؟؟ مبارك مسلمهالك دوله عظمى اكتر من امريكا و انت خربتها و خليتها دولة عالم تالت منك لله يا مرسى |
كدة يادكتور مرسى
لازم نسقط الرئيس هو عمل ايه؟؟ معملش حاجة المعارضة اللى بتتظاهر عمرها طبعا متعطله الفلوس اللى بتيجى من برة تتصرف مستحيل تعطله القضاء الفاسد اللى كل شوية يبرأ مستحيل تبقى كذاب لو قلت يعطله الحقد اللى شغال والمؤامرات برة وجوه تبقى اخوان وكذاب لو قلت انه يعطله قطارات وسكك حديد بايظة اخص عليك يامرسى انت والاخوان بتوعك مش عارفين تشيلوا كل القطارات والسكك الحديد وتجيبوا جديد مش عارف يامرسى تنزل تلف على كل عامل مزلقان تتاكد انه سليم ومش بيشرب حاجة اخص عليك فساد ستين سنة مش عارف تشيله فى 6 شهور لا مينفعش كدة الرئيس مش شغال الا ياجماعة اون تى فى كانت هناك قبل الحادث بتعمل ايه؟؟ حست قلب الام ربنا ييسر الحال ويرحم شهداءنا |
مش عارف إيه حكاية فساد ستين سنة دي والبعض يختصرها في 30 سنة والبعض لاينظر إلى المرافق التي تنهار بسرعة الصاروخ فكيف حال الطرق الآن وكيف حال مترو الأنفاق الذي كنا نفتخر به وكيف حال الجيش المصري وكيف حال المؤسسات الحكومية التي انتشرت فيها البلطجة لابد من وقفة ونقد الذات قبل نقد الآخرين
|
اقتباس:
كل حاجة تحصل راح تكون مسئولية الرئيس امال مسئولية مين ؟ وبدل ما يلف علي كل عامل مزلقان يحسن وضعهم ماليا ومعنويا كدا وياكلهم لحمة بدل ما شكلهم كلهم عايزين يدخلو المستشفيات من تدني الرواتب دول مش لاقين ياكلو ومسكنهم اهم شيئ بمصر بيدهم ارواح الاف الناس غلابة لاقصي حد انتي جالسة بالمهندسين ولا اية ؟ |
اقتباس:
اقتباس:
من لايبكى حين تبكى الناس فليسأل لنفسه الهداية والإحساس وليعلم أن المولى الحى القيوم يغفر لمن يشارك أهله الهم والهموم وإذا لم تستحى فانقش قصائد مدح السلطان بدماء المواطن الغلبان أول الحروف (أ) فهل مرسيكم وحكومته بدأوا بها وكم سننتظر وكم سيدفع الشعب من دم أبنائه حتى ينتفض الرئيس وحكومته لأولويات البسطاء؟ أقامت الثورة من أجل عمل ما يشعربه الناس أم لنثبت مكاننا ونكتفى بذم فساد الماضى وفقط؟ اتقوا الله فى أنفسكم وأهليكم ووطنكم وألا فلماذا تحاسبوا المفسد فى الماضى وتحاصرون المهمل فى الحاضر حتى لايحاسب ؟!!! شالها غفير المزلقان فى أسيوط وهيشيلها هذه المرة السائق فى البدرشين!!! |
اقتباس:
طب وبعدين -- هنكتفى بإلقاء الأسباب على الماضى وفقط ؟ طب إمتى هنبدأ ---- بعد كم ضحية أخرى هنتحمل المسئولية ؟ هذا هو السؤال ؟؟؟ شكرا جزيلا |
اقتباس:
لكن فى الكوارث فقط ؟؟؟؟!!! إنا لله وإنا إليه راجعون جزاكم الله خيرا |
البرنس: العقار المنهار صدر له قراران بالإزالة منذ ست سنوات ولم يتم تنفيذهما
http://www.elwatannews.com/news/details/114336 وهذ عينة من فكر كوادرهم الذين تحملوا المسئولية مؤخرا فى الثغر ألم يكن من أولوياته إخلاء هذه العقارات قبل أن تنهار فوق رؤس رعاياهم ؟ أم انشغل فقط بتمكين نفسه وغيره فى المناصب الكبرى بالمحافظة وتأجيل أولويات الناس حتى ينتهوا؟ وحين تنهار العقارات على رؤس الخلق الشماعة موجوده (فساد النظام السابق ) من لايستطيع حماية أرواح الناس فليرحل - لأن بعد الروح لا إنجاز يذكر إذا بدأوا فسيجدوا ملايين المصريين تساندهم لكنهم لم يضعوا خطة البداية بعد ! ولا إيه ؟؟؟ ,ولادى كمان كانت محتاجة معونة من قطر ؟!! لوفى قلوبهم ثورة الشعب لفعلوا بها للشعب ولكن مافى قلوبهم ثورتهم الخاصة !! |
"عيش ..حرية.. موتة طبيعية"
عشان كده قمنا بثورة ... عشاااااااااااااااااااااااااااااان نموت موته طبيعية .. هو فيه هدف ... أسمي من كده ...... يارب ماتكونش النهاية في حادث عمارة ولا قطار ولا أتوبيس ولا تاكسي ...... ولا توك توك .. ولا حتي وإنت راكب جزمة باتا أو أديداس.. أسترها يارب |
| جميع الأوقات بتوقيت GMT +2. الساعة الآن 01:43 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.