|
مش عارف ال انا عملته صح ولا بس كلنا بنتعلم
اولا ارجو من الاشراف دمج هذا الموضوع بعد فترة فى موضوع الازهر سنُسأل عنه غدا ثانيا استكمالا لما ذكرت فى الموضوع الاول كل يوم بروح المعهد بدرى وطبعا بتقلب فى الاوراق هنا وهناك وكان من ثمار التقليب هذا المنشور المنشور الذى اخفاه البعض الموضوع الاهم وانا بقلب فى دفتر الحضور والانصراف لاحظت وجود كم لا بأس به من اللون الاحمر على بعض الزملاء ومن باب انى فاضى وحصصى لسه بدرى عليها عملت كوباية شاى وبدأت فى حصر العارضات لزملائى من باب انى انبه كل واحد باقى له كام يوم واكتشفت الاتى واحد واخد 19 يوم عارضة والتانى 17 واخر 15 كلمت الشيخ قالى اعمل حصر وسجل العارضات دى طبعا اتعملت مذكرة فى اكتر من نصف القوة من يلومنى يقول وانت مالك كنت انتظر المفتش المالى وهو ال يعمل المذكرة بجد انا محتار يترى ماذا سيحدث ؟ وكيف سيتم التعامل مع هذا الامر ومن الذى سيوقع عليه الجزاء ؟ المدرس الذى لا يعلم اى شيء عن عارضاته ام الشيخ القديم الذى فام بالتشطيب عليهم فى رمضان وغيره من ايام الاجازات ام الشيخ الحالى ربنا يستر |
هههههههههههه واللى ماسك عندكم فى شئون العاملين ده ايه نايم مش بيمضى الناس دى على العارضة ولا ايه وبعدين ما كل واحد عارف هو غاب اد ايه يعنى بيك من غيرك هم عارفين
الا اذا كانت بتعدى عنكم مرور الكرام |
لا بجد تسلم ايدك وديت زمايلك في داهيه.. هو انته شغلانتك شئون العاملين؟؟ ولا مدرس؟؟ تخيل نفسك مكان حد منهم وجه حد زميلك عمل فيك نفس اللي انته عملته؟؟ هيكون شعورك ايه؟؟
|
مافعلته صح الصح لان هذا يفضح الشغل بتاع ادارى المعاهد الازهريه الذين تحتاج الى وقفه
لانهم لايتكلمون الا عن الحوافز والكادر والمال فقط حسبى الله ونعم الوكيل |
والله عمل ممتاز خلى الناس تنتظم فى العمل ....واكثرهم يتحدثون عن الازهر وفساده وهم جزء مهم من منظومة الفساد هل يعقل لمدرس ان تكون مجموع عوارضه 17 يوم؟
|
امثالهم نعانى منهم فى معاهدنا
|
الموضوع من اوله الى اخره غلط فى غلط
اولا انت ليس لك الحق فى البحث فى دفتر الحضور والانصراف ثانيا شيخ معهدك الجديد كان فين من كل هذه العوارض ثالثا شيخ معهدك القديم لماذا لم يحول هذه العوارض للشئون القانونيه فى المنطقه رابعا شئون العاملين فى معهدك اين هم من كل هذا خامسا المسئول المالى الذى يجب عليه ان يقدم كل شهر للمنطقة العوارض والغياب بكل انواعه المرضى والاعتيادى والعارضة سادسا المدرس الذى يصل العارضة الى 19 يوم وهو لايعلم ام مطنش سابعا سوف يتم تحويل كل ماذكرت للشئون القانونية باستثناءك انت طبعا لمخالفتهم الف باء عمل الادارى ثامنا سوف يكون الجزاء تحويلهم جميعا الى فضيلة المفتى واحضار اخرين مكانهم |
يرجع هدا الموقف ادا كان خطأ أم صح لسؤال لحضرتك ماهو السبب الدى جعلك تتطلع على الدفتر؟أهو تدخل فيما لا يخصك أم انك بتقف أمام أحد السلبيات الموجوده وبتحاول تعالجها؟
دفتر الحضور والانصراف سلاح دو حدين أحيان يستغل كأداه قهر للعاملين بالمعهد أو أى مكان أخركأنه المعيار الحقيقى لكفأة العمل أخى انت قطعت عهد على نفسك وبدأت سير فى طريقك ولاتنظر إلى الخلف المخطئ يحاسب أى ان كان شيخ, مدرس ,عامل لكى نتعلم من أخطأنا |
اقتباس:
دي مشكله من مشاكل الشعب المصري انه بيتدخل في اللي مش شغله |
اقتباس:
اما الشيخ الجديد ومحرر الماليات اصلا بتاع الشئون القانونية مش هيفتكرهم وسؤالى اين الموجه المالى والادارى لما لايمر على المعاهد |
اقتباس:
اهلا عم محمود والله مش عارف الناس دى كانت بتعمل ايه وبعدين شؤون العاملين كاتب واحد فى معهد طويل عريض هو شؤون طلاب وشؤون عاملين وكمان ايه ضم لسه جاى المعهد من شهرين قبل ما انا اروح المعهد والاهم من ده ان خبرته قليله فى العمل |
اقتباس:
ههههههههههههههه طب انا هقولك على حاجة تانى بس اوعى تقول عليا شريييييييييييييييييير ههههههههههههههه ادخل هنا كن قويا فى الحق الارزاق بيد الله |
اقتباس:
بارك الله فيك وجزاك الله خيرا |
اقتباس:
اشكرك وجزاك الله خيرا |
اقتباس:
اهلا ياريس والله ياريس انا قولت احنا لو عندك فى المعهد هتقول للخلف دور ومعتدى المرش وهتسلمنا للمفتى بنفسك هههههههههههه |
اقتباس:
يا عمنا اهدى شوية عليا مالك متحامل عليا كده وناقص تقول عليا حشرى هههههههههههههههههه كلنا شغالين فى الحكومة يعنى لازم اتدخل |
اقتباس:
هذا ردا على سؤال حضرتك اليوم ال جه فيه كان المعهد مغلق لانهم كانوا فى الصيف وعمل مذكرة بكده وطبعا علشان هو واحد وبيلف على جميع المعاهد فى المحافظة ما فى عنده ايام خاليه فى الخطة اشكرك |
اقتباس:
والمدرسين نقولهم برافو عليكم طبعا خصم الايام الزائدة عن العارضه ال19 يوم سوف يتم خصم 12 يوم مع جزاء الله اعلم حسب الشئون القانونية وربنا يستر ويكون جزاء بسيط حتى لايؤثر على التقرير السنوى الذى يحدد حافز الاثابه واتفق معك الى حد ما وخد بالك الى حد ما الشيخ الجديد اول كلمة انا استلمت المعهد من يوم كذا وكنت غير متواجد فى هذه الفترة واعتقدت ان الشيخ القديم ارسل اوراقهم للشئون القانونية يجيبوا الشيخ القديم لازم يشيل الليلة وطبعا شئون العاملين يتحملوا النصيب الوافر من الجزاء |
اقتباس:
والله اضحكتنى معهد ايييييه اللى كان مغلق !!!!!! هو دكان !!!!! لقد كنت على حق عندما قلت نحول اوراقه للمفتى |
اقتباس:
انما لازم تتدخل طبعا لا هل ينفع ان يدخل عليك الناظر فصلك ويحدد لك اسلوب الشرح !!! هل يتفع ان ادخل عليك الفصل واحدد لك ماذا تفعل واطلع طالب من عندك لمعاقبته مثلا بدون اذنك !!!! لو فعلت ذلك اكون مخطئا لانه بمجرد دخولك الفصل انت ناظر هذا الفصل واى شىء يحدث عن طريقك وبعد اذنك انت اولا واخيرا لكن عذرك انك لم تقصد اى شىء سوى قوة ملاحظة وجود غيابات كثيرة وطبعا الناظر الجديد على طول شئون قانونيه وانت تقول كان ذلك فى اجازة الصيف كان يجب عليه قبل اى شىء الاتصال بالناظر القديم وسؤاله عن السبب وهل اخبر المدرسين بذلك ؟؟ عموما لايلوم الا نفسه وللاسف خد المدرسين فى الرجلين وخاصه ان ذلك حدث فى فصل الصيف وهو تصرف غريب جدا اعتقد ممكن مدرس عمل هذا الموقف وهو مخدش باله وانت خد بالك على الاقل فى الفترة القادمه لانك بذلك كونت عداوة كبيرة مع المدرسين من الاخر لو حدث لك شىء حول للقاهرة وتعالى عندى انا وانت نكون ثنائى وووووووواوووو |
الموضوع كبير 19 يوم عارضة والمعهد مقفول ايه دا كله دا محل بقاله طب ماحد يفتح ويرش شويه ميه وربنا يروق 2 او 3 طلاب من اللي قلبك يحبهم
|
هى القنبلة اللى انضربت جمبنا فى ميدان التحرير اللى خلته يعمل كدا؟؟؟؟؟؟؟
ارحم الناس شوية يا ابوحميد هنعيب ليه على المدرسين لوحدهم الكل اتعود على الغلط وعدم المبالاة حادثة سوهاج راح ضحيتها اطفال من معهد ازهرى الغريبة ان شيخ الازهر مرحش ووزير التعليم اللى راح |
اقتباس:
دائما الريس على حق مفتى على طول مافى اى نقاش |
اقتباس:
انت تؤمر وتابع الموضوع التالى |
اقتباس:
تصدق بالله كان اليوم الشيخ القديم عندنا جاى عاوز طلب من المعهد فمن باب الفضول سألته يا شخنا هو انت لما شطبت على الناس ليه ما بعت فيهم مذكرة قال البركة فيكم انا ضحكت وقولت والله زى ما الاستاذ سعيد هو من فين بيودى على دار الافتاء |
اقتباس:
حبيبى احمد الجندى دائما شعلة نشاط وملاحظ مدى المجهود الذى تقوم به والقنبلة تقريبا كان فيها بيريل ههههههههههههههههه وانت مستغرب ليه عادى انت فى مصر ودى وحدة بين الازهر والتربية والتعليم وكما رئيس مصر مهتم بغزة هههههههههههههه عادى انت فى بلد العجائب مصر سابقا |
|
اللي انت عملته مصيبة طبعا و جبت لنفسك عداوات على الفاضي بعد كدة حيقفوا لك انت شخصيا ع الحرف و جل من لا يخطئ.. كان اولى تنبه زمايلك وديا
بس يا ترى حضرتك متأكد ان زمايلك دول مفوتين حصص و الا هم زي حالاتي كدة مدرسين مواد انشطة بيقعدوا فاضيين طول اليوم؟ يعني بطالة مقنعة و حضورهم من غيابهم مش فارق!!! |
اقتباس:
يااااااااااااااااه مصيبة تصدق انا اترعبت ومين ال هيعمل معى عداوة انا يقفوا لى على الواحدة امر غريب انا كده خوفت يا استاذ الصح مافى احد يقف امامه وما فعلته هذا لتنبيههم لانه تم التشطيب فى الصيف ولم يعلم احد منهم انه انهى العارضة لذلك اذا صبرنا لما يحضر الموجة المالى كانوا هينضروا اما بهذا الامر فعندهم الحجة انهم لم يعرفوا وسيتم تسوية الامر بطرق انا اعرف بعضها واقصى ما فى الامر سيتم خصم الايام من الراتب اما هم فركائز فى المعهد ولكن تعمل ايه فى ال كان بيشطب عليهم فى رمضان هو من يستحق العداوة من انا |
| جميع الأوقات بتوقيت GMT +2. الساعة الآن 01:14 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.