|
ماذا ذاكرت اليوم ؟ ( أدخل ومش حتندم )
السلام عليكم الموضوع ده أنا عملته السنه إللى فاتت ولما لقيته فاد ناس كتير وشجعهم على المذاكره والدراسه ققرت أخليه : " إهداء إللى طلاب الثانويه العامه 2012 / 2013 " الفكره : أغلبيتكم مشتركين ف نفس المواد ف حتذاكروا الجدول إللى كل واحد عامله لنفسه بكررها الجدول وتدخلوا ع الموضوع ده بليل وكل واحد يقول أنجز إيه ف المذاكره . طب عنده حاجه مش فاهمها يعرضها طبعا هنا والكل حيساعده إن شاء الله . الهدف من الموضوع : /1خلق روح تسمى المنافسه الشريفه بكررها الشريفه . 2/ نشر نوع من التحفيز لكل الطلبه بمعنى أى واحد مكسل يذاكر حيفتكر إنى عامل الموضوع ده عشانه فحيذاكر بكررها حيذاكر , حيفتكر صحابه إللى بيذاكروا حيتكسف بكررها حيتكسف ويذاكر . 3/ نشر نوع من المرح والهروب النسبى من جو المذاكره عن طريق إنك حتدخل ع الموضوع كل يوم بليل بكررها حتدخل وتشوف أصحابك عملوا إيه طول النهار وتتناقشوا ف المواد إللى ذاكرتوها . 4/ نشر روح التعاون بينكم زى م قولت أى حد مش فاهم حاجه حيقول عليها وحتساعدوه بكررها حتساعدوه . طبعا الموضوع ده بتاعكم إنتم تمشّوه زى ما تحبوا وعلى مزاجكم . يا رب بجد تكون حاجه كويسه ليكم تقدر تخليكم تتفوقوا زى ما خلت ناس كتير تفوقت السنه إللى فاتت . بالتوفيق ليكم إن شاء الله يا شباب ويا بنات . والسلام عليكم |
فكرة حلوة اما اقوم بقى من ع النت
|
فكرة حلوة بكررها حلوة:p:p
|
هااااااااااااا فين الباقى يلااااااااااا ذاكرتوا إيه يا جماعه ؟؟ |
امبارح ذاكرت أول يونت في الانجلش وفصل فيزيا |
اقتباس:
تمام ذاكرتى فصل إيه ف الفيزيا ؟؟؟ وهل قابلتك مشكله ؟؟ |
اقتباس:
الفصل الاول ..وتافه جدا الحمدلله مفيش أي مشكلة كله تمام |
انا النهاردة ذاكرت اول فصل فيزياء هو سهل بس انا اتلخبط بين العلاقات و المعادلات بتاعت الجراف
|
اقتباس:
فعلا هى حته تلغبط فى الاول بس عايزه تركيز سنه وخلى بالك من اثبات زاويه رأس المنشور وزاويه الانحراف والمنشور الرقيق |
أنا زاكرت أحياء النهاردة ووصلت لحد ملائمة تركيب الورقة (( فى البناء الضوئى )) الفصل الأول
|
انا النهاردة هذاكر عربى و انجليزى يونت 2
|
انا ذاكرت اول فصل فى قصه الانجليزى ومراجعه على يونت 1,2,3
|
انا خلصت المنهج كله
|
انا ورايا ايه؟؟؟؟؟ امممممممممممممممم
اول حاجة حاجة دروس بكرة......... الفيزيا تانى فصل(تداخل وحيود الصوت) تمام تانى حاجة شوية حل كده لدرس الانجلش حفظ علم نفس حوالى صفحةونص ده المفروض يخلص النهاردة.............. يلا اما اقوم اخلص |
اقتباس:
|
اولا دي فكره جميله جدا جزاكم الله خيرا
وعندي سؤال ده للازهر كمان ولا للعام بس |
انا ذاكرت فرنساوى اليوم
ادعولى بقى |
اقتباس:
|
فكرت كتيررررررررررر حلوه هبقى ادخل بليل اقولكم زاكرت ايه النهارده
تحياتى للجميع |
حبه فيزياء .. تراكب الموجات
|
اقتباس:
أووووووه على الجمال الحته دى انا كنت بموت فيها بجد بس خلى بالك بين الموجان الموقوفه والمتوافقه بتلغبط ساعات |
اقتباس:
الموجات المتوافقة فهمتها الحمد لله و الموقوفه كمان بس الي مفهمتهوش النبضات الموجبه و السالبه دي ايه علاقتها بالموجات الموقوفه و المتوافقه اصلها مختلفه ف السعة و الاتجاه !! |
ايه ده هو احنا المفروض نذاكر .. مش بنمتحن على طول يعنى! انا لغاية دلوقتى فى تانية مذاكر .. 2unit english ومراجعة سريعة على الازمنة .. و ثلاث دروس نحو وفصلين قصة عربى ودرس ادب .. ودرس حساب مثلثات وثلاث دروس جبر .. ومراجعة على منهج المانى اولى .. وجزء من اول وحدة فيزياء .. وصفر ميكانيكا |
اقتباس:
إيه يا بشمهندس عايز تمتحن على طول :o ينفع ده يعنى انت لما تاخد ميكانيكا مش حتذاكر غيرها من جمالها :av4056bb7jp3: |
فكــرة حلوة اوي وانا عن نفــسي (( ادبــي وافتخــر )) :d ومتفااائلة ان شاء الله ان كل حاجة هتكون تمام لانى لسه مبدأتش أي حاااجة يعني..ومش بأيدي يعني انا حااسة انى فاشلة لان كل اصحاب بدأو دروس من اول تسعة بس انا عزلت ع حظــي وف مكان معرفش فى اى حد واتبهدلت واسمي مكتوب ف فصل علمي وانا اصلا ادبي ((حاجة زى الفل يعني )) وآل اية خليكي اسبوع هنا لحد ما نظبط اخد انا احيااء وكيميا لييه وانا ماالي وبعدين انا لحد دلوقتي معرفش هاخد تاريخ ولا جغرافيا ومعرفش اى مدرسين كويسين بس لما روحت النهاردة لاحظت ان المدرسين كلهم ما شاء الله عندهم ضمير واانا اصلا م النوع اللى محبش اخد دروس ولا الحجات دي ف دا شجعني اكتر ابعد عن حكاية الدروس دي ويارب بس كل حاجة تتظبط ادعووولي :(:( |
انا ذاكرت الباب التالت فى الفيزيا و الفصل التانى فى الكيميا وunit4 انجلش
|
احياء و حبه عربي
|
3lm nfs - unit 5 - el Asht2a2
|
حبة احياء (الفصل الاول) لحد تفسير امتصاص الجرز للماء كده وحفظت كلمات unit 2 انجلش و اول درس حساب مثلثات (قاعدة الجيب)
عارفة انى متأخرة بس انا بدأت مع المدرسة :( ومشكلتى مبذاكرش كميات كبيرة بذاكر حاجة فى حاجة كده |
بما انى فى هندسة انا زاكرت شوية وصفية +كيمياء هندسية بالاضافة الى حل الشيتات
|
[QUOTE=doory 96;4850786]
................. |
احياء و فيزياء
|
كيميا الجدول الدورى
|
انا بقي عندي امتحان انجلش دلوقت فالدرس علي 4 يونيت وترجمه واسبيكر والحمد لله لسه مخلصتش حفظ كلمات الترجمه:( ربنا يستر |
انا ذاكرت امبارح اول درس فلسفة وذاكرت حبة في المدرسة الرومانسية في الادب
|
يا ناس انا هتجنن من التوزيع الالكترونى واول جزء فى الباب التانى كيمياء ممكن تساعدونى
|
اقتباس:
|
طيب واللي مش بيذاكر او بمعني اخر مش عارفة تذاكر تعمل ايه وبكرر انا مش عارفة اذاكر ومش عارفة اعمل ايه حد يساعدني
|
حد يرد عليا والله انا خايفة بجد ومش عارفة اعمل ايه كل اصحابي بيذاكرو وبيعرفو يذاكرو الا انا مع اني والحمد لله احسن منهم من ناحية الفهم بس هما احسن مني من ناحية الحفظ وانا دلوقتي دماغي قفلت ومش قادرة اركز في اي حاجة وتركيزي بقي صفي من مية اعمل ايه نفسيتي تعبت بجد ومشكلتي اني مهملة وباردة ومش بتهمني اي حاجة وعندي تكبير دماغ في كل حاجة يعني من الاخر انا انسانة غريبة ومعتقدش هلاقي حد يساعدني او يقف جنبي للاسف خلاص بقي سلام بس اتمني حد يساعدني
|
اقتباس:
طب حضرتك مش عارفه تذاكرى ليه عندك مشاكل مثلا مأثره عليكى ولا حكايه كسل وهو حضرتك فى سنه كام ؟؟ |
مزكرتش ولا حاجه من ساعت ماجيت من المدرسه وانا ع المنتدى
|
اقتباس:
انما الرياضه والانجلش زى بعض |
ليه الناس مش بتدخل انتوا مبقيتوش تذاكروا ولا ايه يا جماعه
يلا عاوزين نشد حيلنا شويه انا عن نفسى زاكرت النهاردة يونت 8 وحليت عليها بس لسه شويه فى الجرامر |
الناس شكلها ريحت خلاص ومعدش حد بيذاكر لا لازم نشدّ حيلنا بتوع ثانوى انت يبنى ياللى قاعد على النت والفيس يبنى قوم يبنى بلا فيس بلا وجع قلب اخرك ايه يعنى تحطلك لايك ولا كومنت ولا تفبلك كام فريند وخلااص على كده بدل ما تضيع وقتك فى الفاضى كده امسكلك نص شوف المعانى ومواطن جماله ولا فصل من الايام اللى مبتخلصش دى وانتى يا اخت ياللى قاعده ساعه قدام فاطمه و العشق الممنوع يا ستى سيبك من كريم ومهند وسمر ونور والكلام الفاضى ده قال يعنى لما تيجى تجاوبى ف الامتحان اخر السنه حينفعوكى الناس دى الله يخربيته التركى ده اللى مودينا فى داهيه يلا عايزين قتل فى المذاكره يلات يا بنى اقفل الفيس لا اقولك احرق الكمبيوتر او اللاب احسن عشان مترجعش تقعد عليه تانى وانتى يا اخت اقفلى التليفزيون ولا اقولك يا رب الوصله تقطع من عندكم ولو انتم دش مركزى يا رب الطبق يطير من الشتا متعرفوا راح فين عشان تنتبهى لدروسك وانا كمان يا رب النت يقطع عندى بقى عشان ميبقاش ليا غير المذاكره وبس وربنا يوفقكم ان شاء الله ويهدينا ويهديكم :) :d |
اقتباس:
بس حلوه. |
اقتباس:
لا لا لا لازم العنف ده عشان الناس تحسّ وتبطّل تضيّع وقتها فى الكلام الفاضى ده والله أنا تقريبا 3/4 من يومى بيضيع فيس ونت وال 1/4 الفاضل نوم وكليه ومذاكره واكل وشرب وحمام يعنى بضيع وقت فظيع فى حاجات تافهه يلا ربنا يصلح الحال ويوفق الجميع |
اقتباس:
|
المشكلة اني خلاص بكون متحمسة ومشتاقة للمذاكرة وربنا يفتح عليا وامسك الكتاب مفيش عشر دقايق والاقي صحبتي اتصلت بيا وهاتك يا رغي اقفل معاها من هنا الاقيهم في البيت قاعدين قدام التليفزيون بيسمعوا وادي الذئاب بتصعب عليا نفسي واقعد اقول يعني انا اتنحر جوة في المذاكرة وهم قاعدينلي كده قدام التليفزيون :( وارجع اقول هم مش هينفعوكي في حاجة يا عبيطة هم ييجوا يحلوا الامتحان مكاني يعني!!:blush: لكن برده مفيش فايدة الشيطان شاطر :( اروح قاعدة معاهم وبعد ما يخلص اقوم اقول خلاص خلص وقت اللعب وهذاكر بس افتح المنتدي بس ربع ساعة اشوف لو واحدة من صحابي فاتحة اكلمها او اشوفلي كام توبيك بس اقراه ع السريع واقفل بعدها علي طوووووووووول اروح قاعدة ومحسش بالوقت بعدها غير لما أسمعلي كلمتين من ماما:blush: غصب عن عيني طبعا لازم اقوم وأذاكر بس اللي بيغيظني أني بذاكر وأنا مجبورة ما كان من الاول كنت ذاكرت بكرامتي احسن:blush: لكن أنا أخدت علي نفسي عهد من النهاردة ان خلاص زمن الدلع انتهي مفيش حاجة اسمها تسويف هذاكر كله أول بأول ومن هنا ورايح هكون دحااااااااحة وهدّي المذاكرة حقها بس دعواتكم معااااااااايا |
اقتباس:
كلام صدقينى كلااام ولا حتعملى بيه بكلمه منا من يومين قبل الميد تيرم قلت نفس كلامك ولا حياه لمن تنادى ولا عملت بولا حرف من اللى قلته وقلت عهد على نفسى ولا عهد ولا بتشنجان احنا بقينا كذابين اوى اليومين دول والله عمالين نقول بكره نذاكر بكره نذاكر طب افتح المنتدى نص ساعه ولا نص ولا خمس هو اليوم كله على المنتدى قاعد عمال افنن وألف فى توبيكس وخلاص شوفى يعنى انا لبخت ف 3 مواد اللى فاتوا وعادى جدا بضحك وبدل ما اقول اعوض واقعد اذاكر لا قاعد ع المنتدى اهووو يا خراشى علينا والله يا خراشى ربنا يستر |
اقتباس:
الله يطمنك يا خالد رفعت معنوياتي خالص الصراحة :blush::blush::blush: بس انت برده خلاص دخلت الكلية وارتحت الدور والباقي علينا:bosyht9: انت مهما شلت مواد أو بلطت كام سنة زيادة في الكلية مسيرك هتتخرج حتي لو طلعت بمقبول:006et4: انمـــــا احـــــنا لسة قدامنا موال ربنا يستر:( |
| جميع الأوقات بتوقيت GMT +2. الساعة الآن 09:07 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.