مساعدة رجاءا
 

انا حولت علاج طبيعي
عايز اعرف المصاريف اد ايه وهل كشوف الاسماء نزلت ولا لسه

اولا ألف مبروك يا دكتور و ربنا يوفقك

ديلوقتى الكشوقات لسا مجاتش للأسف من الجامعة
لو حضرتك مدينة جهز الورق المطلوب و أملاه و كدا عشان تنجز كل حاجة فى يوم
لو لأ جهز برضه الورق المطلوب منك "جمعه يعنى بس" و تجيبه لما التقديم يفتح
فى حاجة عندنا أسمها لمقابلة و ديه ع سنتكوا هايبقى نظامها مختلف شوية بس متقلقش خالص
التفاصيل هنا
http://www.thanwya.com/vb/showthread.php?t=458147

كمان ممكن تتابع موضوع التقديم ع جروب أتحاد الكلية ع الفيس و كمان أكونت الأتحاد ع الفيس
ده لينك الأكونت https://www.facebook.com/profile.php?id=100003777800513

و ممكن منه توصل للجروب لكن مش هاقدر أحطلك لينك الجروب عشان قوانين القسم و كدا

بلتوفيق يا دكتور والف مبروك

متشكر يا جماعة

لو عايز اى حاجة انا تحت امرك عن اى حاجة عايوها فى الكلية

دكتورة/نور
كلية العلاج الطبيعى
جامعة 6 اكتوبر

العفو ع أيه
بص التقديم الأسبوع الجاى تقريبا لكن لما المعاد يتحدد باليوم هاكتبلك
و إن شاء اله هاتلاقينا هناك مستنينكوا و بنساعدكوا فى كل حاجة

:078111rg3: انا عايز اعرف هل افضلي قاموس المصطلحات بتاع طب ولا في قاموس انسب للعلاج الطبيعي و شكرا علي الاهتمام

لا عادى قاموسك هو زى بتاع طب افضلك هات القاموس الموحد كويس وممكن بعد كدة تجيب الناطق بس الموحد يكون عندك بردوا بلتوفيق

يا جماعة بليز انا لسة داخل 3 ثانوى و عايز احجز فى جامعة مصر او اكتوبر كلية علاج طبيعى
حد يعرف امتى يبدا الحجز المبكر فى الجامعتين دول؟؟؟؟؟؟ و بكام الحجز؟؟؟؟؟؟؟

انافى اكتوبر احجزى شهر 4 فى اكتوبرمصر بتاخد الشهادة الاصلية واكتوبر افضل بكتير جدا مش علشان فيها لانى اصحابى هناك وانا بشةف افرق خدى نص المصاريف المصاريف 17500 بلتوفيق

طيب معلش هى ليه اكتوبر افضل من مصر مع العلم ان مصر بتاخد من 90 فى المية و ب 15 الف يعنى اقل من اكتوبر و كمان جامعة صعبة على اساس ما سمعت
و ايه اللى يميزها فى اكتوبر عن مصر؟؟؟؟؟؟؟؟؟
و تعرفى حاجة عن جامعة فاروس سمعت ان فيها علاج طبيعى جديدة من سنتين؟

جامعة مصر للعلوم افضل لانه معترف بيها
اما اكتوبر لأ و دي حاجة مهمة في الشغل بعدين

طيب اعرف منين اذا كانت الجامعة معترف بها ولا لا؟؟؟؟؟؟؟؟

اعمل بحث في النت و هتلاقي اسامي الجامعات الخاصة المعترف بيها و اولهم الجامعة الامريكية معترف بيها دوليا

طيب متعرفيش الحجز فى جامعة مصر للسنة اللى جاية بتبقى امتى؟؟؟؟؟؟؟؟؟؟؟؟؟؟؟؟؟؟؟؟؟؟؟؟

على اى اساس حضرتك بتقولى مش معترف بيها يعنى معترف بيها ونعترف دوليا كمان ومعايا ورق يثبت كدة وقبل مقدم سالت فى ورزارة التعليم العالى وقالولى معترف بيها طبعا وبعدين افضل من مصر فى الشهادة اكيد الفرق بينهم ان اكتوبر موادها بتتدرسها بتعمق اكتر بكتير الاحترام الجامعة نفسها اجمل بكتير من مصر بلنسبة بقى انها ب 15 فبياخدوا عليها 1500 تامين غير كدة كمان هى مش بتاخد من 90 لما قريبتى مقدمة طب فيها وجايبة 88 ونص دة كلام مواقع بس والجامعة معترف بيها وجامعة اكتوبر بتفتح حجز بدرى لان بيجى عليهم كتير وعرب لكن مصر بتقبل بعد النتيجة يعنى بعد الامتحانات تخلص على نص 7 كدة فبصعوبة تلاقى مكان فهمت بلتوفيق

زى ما دكتورة نور بتقولك
القاموس الموحد و ده لكل الكليات الطبية
انت أساسا بتدرس مواد بشرى و مواد تانية زيادة "بس بتدرسها مخففة شوية عشان انت عندك 8 مواد اما هم 4 مواد فأحسبها بقى :) "
و متدورش عليه و تتوه
أما تيجى الكلية و تبدأ الدراس هاتلاقيه قصاد المكتبة اللى قصاد الكلية و متوفر جدا بالذات أول السنة عشان سنة أولى و كمان موجود فى المكتبات اللى فى القصر العينى

تمام يا قمر بلتوفيق

شكرا علي العموم هو معايا :romarioxp6:

طيب كويس جدا بلتوفيق ان شاء الله

طب كويس تمام بلتوفيق بس بلاش تقرا فية دلوقتى لتتعقد هههههههههههههه

طيب بالتوفيق
و ع فكرة ممكن أأكدلك إنه إن شاء الله ع أخر السنة هايغطيه التراب أصلا من كتر الركنة و كمان ناسى مكانه
أنا عندنا فى البيت أنا و أخويا جايبين واحد يعنى أتنين كمان و حاليا لما حد فينا بيحتاجه بيقعد يدور شلناه فين و فى كتب مين فينا :)

هههههههههههه عندك حق يا دكتورة ندا والله بجد دة هيدفن اساسا انتى اخوكى معاكى فى علاج

لأ أنا علاج و هو بشرى :)

اة ربنا يوفقة ان شاء الله يارب انتى بقى داخلة علاج طبيعى عن رغبة ولا مجموع

د عمر
التقديم إن شاء الله من أول يوم الحد الجاى ده اللى كاتبه الأتحاد أنهاردة و ده اللى أتقالهم من شئون الطلبة
و بيقولوا عشان الزحمة و كمان يبقى أكيد أتفتح تعالوا يوم الأتنين
فى اليومين طبعا الأتحاد موجود فى استقبالكوا هناك و ناس تانية كمان مع الاتحاد فهنبقى مستنينكوا و معاكوا فى كل حاجة
و بالنسبة لأمتحان اللياقة أو المقابلة فده هايتححد يومه لسا و هايبقى فى يوم تانى غير يوم التقديم و الأتحاد هايقول برضه و هايبلغ الناس

الأتنين...:)
انا كاتبها بأقتناع تام و عايزاها و عن رغبة "و إلا مكنتش كتبتها و قبل كليات تانية أنا حتى الكلية ال 48 كنت مقتنعة بيها و كتبت الكليات اللى فكرت فيها و لو لفترة صغيرة من عمرى :) "

و بالمجموع لأنى يدوبك أعلى من الحد الأدنى أيامى بنص درجة و شريحة الكلية كانت درجة كاملة :)

يلا الحمد لله بلتوفيق

شكرا علي الخبر بس انا ناوي اروح الاحد :p:022yb4:

و الله ع مسؤليتك تنور طبعا
لكن مليش دعوة و لو أحتمال واحد فى المية الشئون يدينا و يديكوا مقلب و مفيش تقديم
إحنا و هانعمل حاجات تانية
أنت و باقى الطلبة هاتضربوا المشوار ع الفاضى :p
بس إن شاء الله يكون فتح