|
محتارة
انا عندي واحدة قريبتي محتارة في حاجة فقولت اخد رأيكوا فيها
هي مخطوبة لواحد بس مش في مستواها (العلمي والاجتماعي والمادي)بس هو متدين يعني مش زي شباب اليومين دول!المهم هي بتعاني من نقطة الفرق بينهم ده! ومش عارفة تسيبه ولا لا بس هي خايفة لوسبتوا تخسروا؟وكمان كل الحوليها بيقولولها كفاية انه محترم وهيراعي ربنا فيكي بس هي مش مرتاحة معاه ها ايه رأيكوا تعمل ايه؟ |
من الواضح ان مش كفايا يكون محترم عندها وما دام حاسة بده اتخطبتى ليه من الاول ليه قريبتك دى عاوزة كل شئ فلوس ومركز ويكون محترم وربنا مش بيدى كل شئ والله انا شايف ان افضل للراجل انهم يسيبوا بعض لانها مش هتسعده ولا هتكون كويسة معاه ولو كملت معاه هتبقى بتظلمه فاحسن تستنى واحد من مستواه ومش مهم محترم ولا لا المهم يكون معاه فلوس |
اقتباس:
الزواج نبحث فيه عن الدين صح لكن مش ننسى التوافق والتكافؤ التكافؤ فى كل شيء علمى اخلاقى حتى سورى كمان نادى يعنى مش تكون البنت مرفهة جدا عند اهلها ثم ياتى شاب وتتبهدل برضه معاه فاعتقد تبحث عن الاتى الدين ومعه التكافؤ لو موجود واحد بس مش ينفع اساسا لازم الاتنين دى وجهة نظرى وربنا يقدم الخير لها |
إنتِ قولتي كلمه بعدها مينفعش تكمل
طالما مش مرتاحه .. يبقا كدا هتكمل معاه إزاي ! أفضلهم يسيبوا بعض وربنا يوفقهم ^_^ |
اقتباس:
لأنها بتقول إنه متدين والبنت شبه راضيه عليه علشان كدا بس الفارق الإجتماعي حاسه إنها مش هتتأقلم ودا مش عيب لان دي حياتها اللي عاشتها بوضع اجتماعي معين |
السلام عليكم و رحمة الله و بركاته التدين مطلوب و الخلق و الاحترام بس لازم جدا التوافق و تحتها الف خط ( التوافق في كل شيء ) لأنه بعد الزواج و الأولاد بتظهر الفروق و تكون مشاكل من الصعب حلها و التكيف معها ( التوافق يكون معه التناغم و الانسجام و عدم التوافق ينتج عنه النشاز و المشاكل و النكد و عدم الراحه |
اقتباس:
طيب ليه وافقت من الاول اصلا وبعدين لو هو محترم وكويس مش هيهمها شئ تانى لكن هى باصة للفلوس والوضع اكتر |
اقتباس:
السلام عليكم ورحمة الله اختى الحبيبة .. ديننا اليسير حث على الكفاءة بين الزوجين سواء اخلاقيا _ علميا _ماديا_اجتماعيا_ثقافيا وقبل كل شىء حبيبتى انها تكون مرتاحة معااه .. لان ده زواج .. يعنى عشرة عمر .. مش يومين وخلاص !! فلازم تفكر الف مرة قبل ماتاخد أى قرار .. ومادام الانسان ده محترم ومتدين فعلا .. وهيراعى ربنا فيهاا يبقى لازم تفكر كويس لانها ممكن نخسر انسان قلما نجده فى هذا الزمان بس معلش استفسار اختى : هو اللى مخليها انها مش مرتاحه معاه نقطة الفرق بينهم بس ..؟!! ولا هو اسلوبه او حياته اوشخصيته فيهم شىء مش مريحها ؟! لان لو كدة يبقى الرد هيختلف أكيد .... ونسئل الله ان يعف ويطهر بنات المسلمين جميعا ً ... |
اقتباس:
يمكن توسمت فيه الخير .. بعد كدا شافت إنه صعب (ودا مش غلط) ولسه هي ف مرحله الخطوبه .. لا أكيد . إفرض محترم وكويس وأبن ناس بس مش هتقدر تعيش معاه ذى مكانت مع أهلها ودا هيعمل منغصات ف حياتها.يبقا بلاش أحسن . وانا مع انها تفسخ الخطوبه . واهي تجربه وعدت لا الوضع . هو اللي فرض عليها .مش حكايه باصه لفلوس وكدا أعتقد ذلك م الكلام |
اقتباس:
اختى الحبيبة المشاعر مش بتتاخد بالشكل ده ..!!! يعنى لو بتحبو بجد وشابفة انه انسان صالح فعلا مش هيهمها تعيش معاه حتى لو ف اوضة فوق السطوح وعشاهم يبقى عيش وملح ... !!! لكن المهم عندها انها هتكون مع الانسان اللى ربنا اختارهولها واقدرهولها اولا ومع اللى حبته واختارته هيا ثانيا ً ... دى وجهة نظرى حقيقة ً ... |
اقتباس:
طيب ما انا قلت فى كلامى فى اول مشاركة ان الاحسن انهم يسيبوا بعض وده افضل ليه هو اكتر منها احسن ما يعيش مع وحدة ممكن تتعبه وممكن فى يوم تعايره وتقوله انا اهلى كذا وكنت عايشة كذا |
اقتباس:
يبقا كدا متفقين |
لو الشخص ده متدين والله حتى لو ان فيه
مش هيكون زى رجل اعمى دميم فقير لايملك اى شىء من بلد اسمها القصيم تزوج اجمل فتاة واغنى فتاة فى بلدته برضا منها ومن والدها ولم تحس باى فارق..... لانه من عباد اله الصالحين يحفظ القرآن فكفى به مهراً لذلك عليه اختى فى الله مراجعة الامر ربما تخسر ولا تجد مثله وايضا لابد من التوافق تراجع نفسها وترى لماذا لا تتقبله ان كانت من اجل الفروق المادية فبجد يعنى هو اللى هيخسر لو اتم معاها (اعتذر يعنــى)لانها المفروض تنظر لافضل من كدة واله عندنا واحد كان فقير جدا يعنى والله تزوج واحدة من عائلة غنية جدا ورضيت بسبب الدين دلوقتى ماشاء الله تتطاولوا فى البنيان ووسع له الرزق بل عاشت حياة افضل ممن كانت فيه....... خلى صديقتك تفكر تانى وربنا يقدم اللى فيه الخيــــــر بس بجد طالما متدين |
اقتباس:
... لو هيه شايفه دا كله . ومش مرتاحه يبقا أكيد بلاش ! |
اقتباس:
اختى الغالية انا كلامى ووجهة نظرى اللى قلتها دى بناءاً على ان الاخت دى مش مرتاحة لخطيبها بسبب الاختلاف المادى لكن اذا هيا مش مرتحاله لسبب آخر بعيد عن الماديات .. فأكيد افضل حل ينفصلو .. وسالت الاخت واضعة الموضوع فى كدا وبانتظار ردها ان شاء الله .. ارجو ان كلامى يكون واضح .. |
اقتباس:
بس انتِ بتقولي ليا .. المشاعر مش بتتاخد بالشكل دا قوم قلتلك مش فاهمه بالشكل دا إزاي ؟ Just only |
اقتباس:
حبيبتى فى الله نقصد بكلامنا ان المشاعر ملهاش ادنى علاقة بالماديات وده برضو بناءا ً على ان الاخت مش مرتاحه للأخ بسبب الماديات وانه اقل منا وكدة .. لكن اولا واخيرا نحن بانتظار الاخت صاحبة الموضوع ترد علينا .. ونشوف الاخت وصلت معاها لحد فين .. واخدت قرار ولا لأ .. وربنا يقدم للجميع اللى فيه الخير اختى الغالية .. |
اقتباس:
طالما هى مش مرتاحة معه يبقى خلاص تسيبه الدين طبعا مطلوب جدا واساس لاى علاقة زواج لكن بردك القبول عليه عامل صدقينى هى لو متقبلاه لن يهمها اى شئ من قلة مستواه المادى والاجتماعى والعلمة خاصة العلمى ده لان اختلاف الثقافة ده هيسبب مشكلات كتيرة مستقبلا هيجيلها فترة بعد الزواج هتلاقى دماغها اعلى من دماغه فى التفكير مما هيسبب مشكلات كتير والاكثر انها ممكن بعد الزواج تلاقى شخص دماغه زى دماغها وساعتها ممكن يجرفها فى تيار اخر وتطلب والعياذ بالله الطلاق او تظل عمرها كله ندمانة انها ارتبطت بشخص لا يفهمها مع انها لو استنت شوية كانت ارتبطت بمن يفهمها اما لو هى بنت مش نيتها الشغل والدرساة والكلام ده يبقى ترتبط بيه لو هو فعلا شخص محترم وتعلم جيدا انه عمره ما هيمد ايده عليها فى يوم وهيتقى ربنا فيها لان من يتقى الله فى انسانة صدقينى هيحافظ عليها خاصة لو كان مرتبط بيها عن حب واعجاب خليها تصلى استخارة وتجيب ورقة تقسمها 4 أجزاء: جزء تكتب فيه مميزات الشخص ده بالنسبة ليها هى جزء تكتب مميزاته بالنسبة للى حواليها (اى اراء الاخرين فيه) وجزء تكتب فيها عيوبه التى تراها هى من وجهة نظرها واخر جزء تكتب فيه عيوبه التى يراها الاخرين وتقارن بين الاربع اجزاء دول ثم بعد ذلك تجيب ورقة خاصة بيها فقط تضع فيها احلامها لو ليها احلام بمعنى : لو هى بتدرس نفسها تكمل ام لا؟ لو خلصت دراسة هتشتغل ولا لا؟ هل هو هيوافق على اختيارتها هل مستعدة تقول لكل من حولها وللى فى نفس سنها ان خطيبى او زوجى اقل منى فى المؤهل؟ بالتوفيق باذن الله |
نصيحتى لو مش مرتاحة تسيبه لانها ح تفضل تبص للفرق ده طول عمرها ومش ح تنساه
|
اقتباس:
ثانيا الفرق بينهم ده اذ كان (علميا/اجتماعيا/ماديا)مسبب فجوااااااات كتيييييير وصلت انهم مش متفاهمين ومش قادر انه يسعدها بس هو سعيد معاها اعتقد ان ده كله يتنافي كلام حضرتك ومرسي علي مرورك الكريم |
اقتباس:
|
اقتباس:
|
اقتباس:
هي لغاية دلوقتي محتارة وبتسأل وصلت استخارة بس برده محتارة وكل ما تقطع معاه متقدرش وكل الحوليها عاملين يقولولها انه بيحبها بجد وانها خسرته وحاولت كتيييييير انها تنهي الموضوع بس مش قادرة! |
اقتباس:
ومش مرتاحة عشان هو كل الهمه انه يكون اسرة وخلاص ويحب وخلاص مش مهم عنده يكونها ازاي او يحب ازاي مش مهتم بيها ومبيسألش عنها كل الهمه هعمل ايه فالشغل بكره هعمل ايه فالمصاريف!!!!!!! بس صراحة هو جدع وراجل بجد ومحترم وبيحبها!!!!!!!! |
اقتباس:
مفيش أى مشكلة اختى ولا يهمك حبيبتى ,, |
اقتباس:
اختى الحبيبة صحبتك دى حيرتنا احنا والله ,, :bosyht9: ربنا يقدملها اللى فيه الخير .. بصى اختى الحبيبة احنا مهما قولنا اراء او اتناقشنا فى الموضوع مش هنطلع برأى نهااائى دى حقيقة والله لان محدش عارفة صحبتك دى احساسها ازاااى ولا عارف مشكلتها الحقيقة الا ربنا سبحانه وتعالى وهيا بس .. فلو قلنا أى رأى هيكون من وجهة نظرنا احنا وممكن نكون مش متفهمين الموضوع زيهاا ولاعارفين ايه هيا وجهة نظر اختنا الحبيبة فأخيـــــــــــــــــــرا ً : ياريت اختى تقولى لصحبتك تفكر بهدووووء مع نفسهااا واعتقد ان دى مخطوبة يعنى اخت كبيرة وعاقلة ياريت تقعدو مع بعض حبيبتى وتتناقشو بالراحة وبالعقل وتشوف ايه مميزات خطيبها وايه عيوبه وتااخد قرار نهااائى من ناحية الموضوع ده لان بجد محدش هيحل ليها مكلتها الا نفسهاا لانها اكتر واحدة عارفة خطيبها ده كويس ولان دى حياتها اللى جاية فلازم تختار بهدوء وتختار صح ,, وربنا يقدملها اللى فيه الخير ولو فى أى طريقة حبيبتى ممكن نتواصل معاها شخصيا ياريت علشان اتفهم منها شخصيا ايه الموضوع بالزبط وربنا يوفقها ويقدملها الخير دوما |
اقتباس:
زي ماتقولي احساسها مع عقلها مع ارائنا مع ان بقت تلاقيه في الفترة دي بايع ومش همه وزي ماقولت من قبل عدم اهتمام بيها فزي ماتقولي كده انتهزت فرصة بينهم للبعد بس هي تعبانة قوي حاسة انها دايسة علي قلبها وعلي حبها الفضل سنييين وكتيير بتحس انها ندمانة وخسرته ! فادعيلها . |
من الاخر هى عايزه تسيبه وخيفه ان لاياتى زوج اخر بسبب تركها للرجل صالح فمن الافضل لها ولهو ان تتركه عسى ربى ان يبدلهو زوجه خيرا منها لايحس معها بفارق مادى او اجتماعى وهى الاخره عسى ان ياتى لها بزوج من الطبقه العليا
|
| جميع الأوقات بتوقيت GMT +2. الساعة الآن 05:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.