|
الموضوع ده هيوفر كتير لكل اللي عاوز يتفوق ثانوي عام ان شاء الله
السلام عليكم ورحمه الله وبركاته اولا كده ازيكم يا طلبه ثانوي انا الحمدلله داخله اهوه علي اولي طب عين شمس قولت لازم زي ما استفدت من الموقع العريق ده وزي ما كونت بسال اعمل ايه وعندي مشاكل في المذاكرة لازم افيدكم لوجه الله تعالي اولا كده النظام اتغير بس هقول المذاكرة ازاي وطبعا لازم يبقي في وعي تنظيم وقت عنكم 1/اولا وقبل كل شئ توكلوا علي الله خلي علاقتكوا بيه كويسه صلوا انا عن نفسي كنت بقرا ربع قران قبل المذاكرة انتوا اقروا ولو ايتين بجد هترتاحوا 2/متخافوش ابدا من ماده مهما كانت ومتخلوهاش تهزيمكوا بل ع العكس اهزموها انتوا 3/نخش ع الموضوع ازااااااااااااااااااااي نتفوق؟ ازاي نخش كليه نفسنا فيها والتنسيق بيعلي؟ اولا لازم قبل اما السنه تبدا تتعبوا شويه 1/تسالوا عن افضل المدرسين للدروس متسالوش بس مدرسين اسالوا طلبه كبار شاطرين من مدرستكم عن افضل مدرسينلان بجد المدرس برده بيتعب معاك 2/الكتب الخارجيه عن نفسي 1/العربي ......... كتاب الوزارة لازم معاك هو اه ملخبط حبتين بس انا مكنتش بحب الملازم كنت في الادب بقرا الصفحه من الكتاب والخصها ورقه وقلم واكتبها يعني سؤال واجابه بالطريقه اللي احبها ده احسن حل للادب اللي كان سهل جدا بجد وطبعا كان معايا كتاب خارجي رائع هو المثالي في العربي 2/الرياضه حل جامد مكنتش بسيبها يوم الا واحل شويه من المعاصر اساسي فيه كل حاجه بس تمسك التمرين لاخر مساله اللي هي الذكاء متسيبش مساله الا المكرر افكاره وبرده مسائل الوزارة والتقويم 3\الكيمياء وزارة للمذاكرة والامتحان للحل مبيطلعش منه الامتحان بس طبعا التقويم هو الاساس الكيمياء من اسهل المواد خصوصا عضويتها:) 4/الانجليزي..... لازم تكون معاك كتاب خارجي ممتاز ومدرس بريمو يكون متابعك وطبعا نصيحه...............عربي وانجليزي ماتنساش التعبير والبراجرافات ولو بالتبادل واحد كل اسبوع 5/اللغه التانيه.....طبعا المدرس بيبقي بيقول علي كتاب خارجي ولازم برده تحل امتحانات كتير(وده برده في كل المواد اخر شهرين تلاته تكون مخلص وبتحل امتحانات) 6/احلي ماده في الكون الفيزياء......حلها سهل اوي اولا المدرسين بيخوفوا الطلبه منها معرفش ليه دي رائعه بس محتاجه انك تحل كتير اوي مسائل وكمان النظري انا كان في مدرسين بيركزوا علي النظري اكتر دول لا لازم المدرس يبقي موازن لان النظري سهل المهم المدرس يكون عبقرينو في المسائل وطبعا حضرتك متبقاش مش بتذاكر فيزياء كما تستحق وتقول صعبه لازم تتعب فيها اوي الفيزياء لاتترك يوما بس سهله جدا ورائعه اهم حاجه متخافش منها ولا تستهترش بيها 7/الاحياء ياااااااااااااااااااااااااه ماده جميله جدا حلها سهل 1/مدرس شاطر 2/كتاب الامتحان تفهمه اوي ولا ابالغ في مصر لازم تحفظه كمان بالنص عشان تجيب مجموع وملكش دعوة باللي بيقولوا حفيظ 3/تحل فيها كتير اوي اوي اوي (طبعا التقويم لازم في كل المواد وكتاب الوزارة) 8/علم النفس مادة رائعه وسهله محتاجه انك تكون فاهم وحافظ المنهج صح واخيرا بقي كلمه بس بصراحه بلاش البخل اللي بيحل في الامتحانات اكتب كل ما تعرفه عن السؤال حتي ولو هتكتب صفح بس في المضمون يعني مش تجيب حاجه مش مطلوبه اقصد بلاش الايجاز والامتحانات ليها فن اللي مذاكر صح واعصابه حديد في اللجنه هو اللي بيكسب بتوفيق ربنا ونصيحه.................................... بلاش تسمع للطلبه اللي بيقولوا مذاكرناش هنسقط لان دول عاوزين يحطوا منك بامانه خلي صديقك كتابك ومنارتك مدرسك معلش طولت عليكم اللي عاوز أي سؤال انا في الخدمه باذن الله علي قدر المستطاع |
هنزل كمان طريقه المواد الادبيه باذن الله طبعا دا من زميله دخلت اقتصاد وعلوم سياسيه عشان انا كنت علمي
بس هو محدش بيرد ليه هو الموضوع مفدكوش؟ |
بالنسبة للتاريخ دة اهم مادة فى المواد طبعا لانة كتير وكبير جدا وبيتنسى بسرعة لانة عبارة عن حاجات بتتحفظ كدة زى ماهيا وتواريخ لذلك احنا لازم نذاكرة يوميا ونراجع كل فترة من اسبوع للتاني كدة فصل ولا حاجة بحيث لما ايام المراجعة تبدا نبقى مستعدين نرجع بس من غير ما ياخد من وقت المواد التانية فى مواد كتير عليها 50 درجة ......اما علم النفس دة الحمد لله عبارة عن هدية للطالب معظم الطلاب بتجيب50 و الفلسفة كزلك اما الاقتصاد والاحصاء دول بقة تجربتى انا شخصيا الاقتصاد دة بيتكلم عن البنوك وانواعها والبورصة وكلة على بعضة ست فصول الاول والتانى والتالت والسادس كلهم مش بيكملو 30 صفحة والرابع والخامس هما اطول فصلين بس مش اوى يعنى والاحصاء دى ابسط وصف ليها قشور الرياصيات يعنى قوانين تتحفظ وتتطبقها على المسائل لا فيها لف ولا دوران وانا عن نفسى جبت فيها 50 هى وعلم النفس الحمدلله اما الانجليزى..... من 25 درجة لكن هو اللى بيتحكم فى دخول الكليات احيانا وعبارة عن لغة يعنى هتفيدك فى حياتك والجامعة واللغز بتاعة حفظ حفظ حفظ كلمات كل ما تبقى حافظ كلمات كتير هتعرف تترجم كويس فى الامتحان وتحل القطع....اما الجيولوجيا نصيحة منى مينفعش تبقى هى والتاريخ فى سنة واحدة بمعنى لو طالب اخد التاريخ فى تانية ودة احسن حل والله هيعرف يذاكره مع باقى المواد وفى تالتة هياخدها مع علم نفس اقتصاد او فلسفة حاجات سهلة يعنى لانها طويلة زى التاريخ بل طبعا مادة فهم وحفظ اكيد بس مينفعش طالب يتفلسف ويقول انا هحفظ لا لالا الرسومات بتيجى احيانا رخمة وطبعا بيجمع رسمة من الباب 1 على البا5 انت ورزقك هى بتنقسم الى 4 علوم بيءة ودى سهلة وممكن تتحفظ اما الجيولوجيا 7 ابواب اصغر باب ال3 وسهل اوى اما الباب الخامس والرابع والتانى والاول يا ساتر والسادس دة بقى كلة لاتينى وانا مش بهزر الكلام فية بجد لاتينى بس هو صغير اما العربى بتاع تانية هايف بس بتاع تالتة رخم حبة حبتين كدة ....انا بقة كنت واخدة فرنساوى دة سهل عبارة عن حفظ الازمنة والكلمات الدالة علية ولذيذ ولغة بردة زى الانجليزى
.......................................... ده الكلام خليت صاحبتي تقوله عشان اللي هيدخل ادبي يبقي علي نور وبرده أي مشكله احنا معاكم سواء هنا او ع الخاص |
مبرووووك يا دكتور :av4056bb7jp3: تسلم ايدك بجد كلامك تحفة انا لسة داخلة 3 السنة دى ان شاء الله :) بس هيفيدنى جدا و لله :) واخدة اقتصاد واحصا :) و فعلا بدور على مدرسين اليومين دول بس الانجلش و الرياضة هكمل معاهم :) و الباقى لقينا بس ربنا يسهل و يبقوا كويسين :bosyht9: |
جزاك الله خيرا موضوع رائع وجميل
|
جزاك الله خيرا :)
:av4056bb7jp3:و الف مبروك:av4056bb7jp3: |
اقتباس:
في الاول الف مبرووووووووووووك يا دكتورة وربنا يوفقك ثانيا انا عندي كام سؤال كده :bosyht9: بالنسبة للعربي انا ازاي اقفل الدرجه النهائيه فيه انا جبت السنه دي 28 ؟؟ والفيزياء هو ايه احسن كتاب اجيبه فيها؟؟ اما بخصوص المذاكرة انا جايبة 96.3% ومكمله علمي علوم باذن الله وان شاء الله ثالثه عايزة اعلى فيها اكتر فالمفروض اني اذاكر كام ساعه في اليوم ؟؟ كمان معلش هو صح اني اذاكر كل المواد في يوم واحد ؟؟ يعني شويه فيزياء وشويه احياء وشويه علم نفس وكده ولا غلط معلش ع الترخيم ده يا قمر وشكرا مقدما ع الاجابه :d |
جزاكَ الله خيراً يَ دگتور
نصائح من ذهبٰ .. معلش سؤالين .. الرسومات بتاعت الچيو إزاي أحفظها يعني ؟ والعربي والإنچلش أقفلهم إزاي ولا مستحيل أقفلهم ؟ باركَ الله فيكَ =) |
اقتباس:
القصه مذاكرتها سهله انك تقري الفصل ككل بفهم وبعدين تشوفي اسئلته وتحفظيها النصوص بتحفظي الحفظ وهي دي هتبقي مشكلتك لانها كبيرة شويتين ممكن لو تحفظيها من كتاب المثالي لانه ملتزم بكل حرف بالوزارة واسلوبه حلو اوي وبيجي منه الامتحان النحو مفيش اسهل منه قواعد تفهم الادب ذكرته الفيزياء احلي كتاب فيها هو الامتحان انا تقريبا جبت كل كتاب تتخيليه حد كتبه بس افضلهم الامتحان والوسام مسائل فقط ممتاز للمسائل ده انصحك بيه جداجداجدا المسائل اللي بتضيع منها الدرجات سهله وصعبه وصعبه اوي فيه تعلي في 3 عن 2 ممكن جدا لاني انا نقصت 2درجتين و3 درجه ونص فاشله معلش محدش نصحني:d طب تعملي ايه متركزيش علي النجاح يعني مش تنامي وتصحي لازم انجح انا فاشله والكلام ده وبرده 3 محتاجه حد شجاع انه ميخافش من الفيزياء والاحياء كام ساعه في اليوم دي حسب اليوم انا عموما يومي في ثانوي اروح الدرس وانام واذاكر باقي اليوم ومبنمش الا6 ساعات بس لا تليفزيون ولا فاطمه بقي ولا الهروب ده في ناس بتهرب من الفيزياء بفاطمه:d اما مذاكرة كل المواد في اليوم مستحيله في 3 لان تركيبه المواد علي بعضها لا تتوفق مع بعضها انا كنت بذاكر3 مواد فيزياء واحياء وماده من باقي الخمسه وشكرا واي سؤال انا في الخدمه |
اقتباس:
|
اقتباس:
العربي ......سهل تقفل فروعه كلها بس التعبير انت وقدراتك ونصيبك بس غالبا بيبقي في نقص نص درجه كده تعبير رسومات الجيو انا مكنتش ادبي عموما هسالك البنت اللي دخلت اقتصاد وهنزل الطريقه بس رسومات الاحيااء كانت بتعتمد علي تدريب المدرس ليك مفيش رسمه الا وكنا في الحصه بنرسمها بايدينا في اسكتش كده كنا عاملينه للاحياء وكنت براجعها لانها من صميم المنهج وبالمراجعه الصور سهل انها تتحفظ في الذاكرة |
اقتباس:
|
اقتباس:
|
جزاك الله خيرا
اذا ممكن سؤال بس انا اخدت المستوي عربي المفروض اذاكره من اول السنة ؟ والانجليزي احسن ملخص ايه ؟ |
ألف مبروك يا دكتورة
انا داخلة تانية وعلمى علوم ان شاء الله كنت عايزة اسألك اجيب ملخصات اى ف المواد خصوصا الانجليزى ؟؟ |
موضوع جميل جدا و قيم شكرا جزيلا
|
شكرا جدا يا دكتوره موضوعك جميل جدا وان شاء الله نحصلك
|
موضوع رائع جداااااا
جزاك الله كل خير |
جزاكى الله خيرا
|
اقتباس:
انا كان مستوايا انجليزي وعن نفسي كنت بذاكره وراجعته 3 مرات المستوي العربي اسهل من الانجليزي عشان تقفله بس محتاج حفظ كتير فلازم تذاكره وتخلصه حاول تخلي مرة كل اسبوع من اول السنه للمستوي بغض النظر خدته في الدرس او لا ولما تخلصه مع نفسك المرة بتاعته دي بتبقي مراجعه ليه وغالبا خلي وقتها ساعه مش هضيع كده وقت المواد التانيه وفي نفس الوقت هتضمن باذن الله تقفله ناس كتير مذاكرتوش من الاول مجبوش فيه الا حدود 7.5 وانت طبعا في امس الحاجه للدرجات احسن ملخصات الانجليزي سوربرايز و توب استيودنتز شرح وthe best للمراجعه |
نظرا لان لسه الموضوع لم اتحدث عنه باستفاضه فهبدا اوضح لكم ماده ماده الاول كده
الفيزياء اهم من مذاكرتها في البدايه هو عدم الخوف منها وعدم الاستماع لكلام المدرسين السلبي من التخويف منها بعد كده بقي عندكم 15 فصل هو كبير حبه بس لذيذ الفصول في منها السهل جدا وفي منها اللي محتاج جهد اكبر وغالبا المحتاج الجهد الاكبر لا يتعدي 3 او اربع فصول بس انا مش هذكر اساميهم حتي لا تتكون لديكم فكرة سلبيه عنهم انت يا طالب اللي هتدرس وهتعرف ايه اللي محتاج الجهد الاكبر الكتب/ المذاكرة اساسيا من كتاب الوزارة بكل المقاييس واسهلك كمان لو عايز تجيب الدرجه النهائيه فيها لا ارشح ان تعتمد ع الملازم في المذاكرة الاساسيه الملازم اقراها لكن الاعتماد ع الوزارة وياريت التقويم يكون معاك فصل بفصل ما تخروش انت حل لاخر السنه زي ما المدرسين اغلبهم بيعمل الحل/ بعد اما جربت انا كل الكتب حلا احب اقولكم ان كتاب الامتحان لا يفارقكم وكمان كتاب الوسام مسائل فقط اكرر مسائل فقط لان الوسام تصدر كتب كتيرة اوي اوي لازم المسائل فقط مواعيد مذاكرتها/ الفيزياء اكتر ماده لازم تكون معاك يعني من المواد الاساسيه يوميا ولو ساعتين وربنا يوافقكم فيها وحلوا كتير اوي واسالوا مدرسينكم في أي حاجه تقف قدامكم يا جماعه اللي له استفسار في الفيزياء يقوله ورشحوا الماده الجديده اللي هتكلم عنها وبرده أي سؤال انا في الخدمه |
اقتباس:
بجد شكراااااا جدااااااااااا ع الافاده دي يعني المفروض اني مسبش الاحياء والفيزياء خاااالص لازم احل عليهم كل يوم باذن الله طيب وبالسبة للانجلش المفروض اجيب كتاب ايه فيه ؟؟ وجزاك الله خيرا كثيرا ومعلش والله ع الرخامه دي :blush: |
جزاكى الله خيرا على المعلومات القيمة ديه
بس يا ريت نوضحى الانجليزى بيتذاكر ازاى؟ وايه افضل الكتب الخارجية فيه؟ وهل الكتب ديه متجاوبة؟ اصل انا مش عايزة كتب شرح انا عايزة كتب فيها تمارين بس تكون محلولة وشكرا مقدما |
مبروووووووووووووووووووووووووك
يا دكتورة ربنا يوفقنا زيك ان شاء الله شكرا على المعلومات القيمه |
نظرا لكثرة الطلبات علي اللغه الانجليزية فهتكون هي ضيفتنا النهاردة وده بعد اما اتكلمنا عن الفيزياء اخر مشاركه ليا باستفاضه
الانجليزي الماده اللي بتقلق كل الطلبه لعده اسباب اما لان اللغه عند الطالب ده ضعيفه او علشان هو مدي المواد التانيه قدر كبير من الاهتمام ومش بيدي الانجليزي حقه بس عموما حقها مبيبقاش مهضوم اوي زي العربي بعد اما عرفنا السبب بطل العجب اقصد ان كده هنعرف نتعامل معاها احسن بصوا النظام ده انا عن نفسي مجرباه فيها زي ماقلت انا كنت في 3 مثبته فيزياء واحياء وباخد ماده من باقي الخمسه ولو في يوم مقدرتش عادي الدنيا ما اتهدتش بكرة يوم جديد بس الاهم انك لو يوم عديت ماده من 3 اللي بتبدل فيهم هتحطها في اليوم اللي بعده بدل الاحياء لان الاحياء سهله جدا ومش هتزعل من يوم لكن الفيزياء لا تبدل نخش ع الانجليزي اذاكره ازاي؟ 1/اقري الدرس النص نفسه ده مهم جدا كل اللي بينقص في الانجليزي مبيبقاش قاري الدروس كويس واوكد قرايتك للدروس من حين لاخر مهم وكمان وانت بتراجع اهم من مراجعه الكلمات انك تراجع الدروس عشان تعرف الجمله اللي كانت جايه فيها 2/احفظ الكلمات كويس بتاعت الدروس 3/حل الكتاب الخارجي اسئلته كلها 4/كده انت هتقفل سؤالين .............يا خبر كل ده وسؤالين بس اه طبعا ليه بقي ؟ لان في سؤال اماكن ومتحدثين لازم تحفظ هذه الاماكن والناس دول كويس وتراجعها كده ولو قرايه كل شهر مرة وكمان المواقف مهم انك تحل سؤالها 5/انا بقي عشان باقي الاسئله كان معايا ملزمه فيها كلمات عن السياسه والاقتصاد والزراعه وكده وبرده هتلاقي قاموس كلمات في اخر سوربرايز كنت بحفظ عموما من اول السنه بخلاف ال3 مواد اللي حددتهم 10كلمات يوميا اكيد تقول لا هحفظ صفحه لا كده قليل انا بقول خير الاعمال ادومها ولو قل معايا ودي طبعا هتفيد اللي بيعافر مع الانجلش ملحوظه بقي في ناس كتير طول السنه مابتحلش الا شوز وفايند ذا ميستيكس (شايفين اللغه) دول اخرهم باذن الله 21 ان عرفوا يجيبوها اصلا !!!!!!لازم الكتاب الخارجي تحله كله سؤال سؤال بلاش نصب وبخل طب ايه اهم الكتب وهل هي محلوله؟؟؟؟؟؟وهل اعتمد علي ملازم المستر كليا؟؟؟؟؟ سبق في مشاركاتي خلاف الموضوع نفسه قلت ان الشرح تجيبله سوربرايز و توب استيودينتز انا جيبتهم الاتنين وخلصتهم في ناس بتجيب كتاب واحد عادي برده مش بالكترة المهم الضمير في الحل المهم انك اللي تجيبه تحله اما المراجعه كتاب ذا بست كنت شغاله منه وكان رائع جدا واحيانا بيجيبوا القطع من الكتب الخارجيه عملوها في سنتنا ها مش يا بخت اللي حل الكتاب ومسبش الاسئله؟ ملزمه المستر لا يكون الاعتماد عليها كليا خالص خالص لانها مش بتبقي كامله كتاب محلول سوربرايز مستوي رفيع انجليزي لكن انجليزي شرح لا يوجد كتاب محلول المستر بتاعنا كان بيخلينا ناخد اليونيت واجب ونيجي نعلمه معاه استغلوا مدرسينكم اسؤا استغلال ههههههه هم بيحبوا كده بس هو ده الانجليزي شوفتوا سهل ازاي ها اتكلمت باستفاضه عن الفيزياء والانجلش ايه الماده الجايه اللي ترشحوها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
بجد شكرا ليكى اوى وجزاكى الله خير
أنا والله من أول ما دخلت الثانوى وانا نفسى أقفل الانجليزى يارب بقى أقفله السنادى ياااارب |
اقتباس:
ايه يا جماعه محدش رشح ماده ليه زهقتم مني:( اكيد لا انا اهوه مستنيا ترشيحاتكم ولو مرشحتوش هقول بمذاجي بقي |
الاول الف مبروك يا دكتورة يا قمر
وعقبال شهادة التخرج ان شاء الله وانتى بقى كنتى فرنساوى ولا المانى لو فرنساوى ممكن تقوليلى ممكن اذاكره ازاى لانه عاملى عقدة |
يا دكتورة أنا أكبر منك اهوه وإستفدت من كلامك والله
جزاكِ الله خيراً وربنا يوفقك في دراستك .. خلي بالك انتي من الطب لأنه محتاج صبر |
اقتباس:
انا بقي كنت فرنساوي طبعا دي ماده رائعه بس انا كنت باخدها من اعدادي فكان عندي فكرة بس برده الشغل الاكيد كان من ثانوي بس ان انتي تقولي عندي عقده كده غلط لانك طالما قولتي انا عندي عقدة وكررتيها اكتر من مرة مخك بيقبلها ويدعمهالك ويكبرهالك وده احنا مش عاوزينه انتي كده تستاهدي بالله وتقولي دي ماده رائعه وخفيفه الطريقه بقي هي انك تنصتي في درسك كويس عشان تفهمي الجرامير وتيجي تراجعيه وتطبقي عليه والكلمات طبعا بتتحفظ ده اكيد جداجدا والمواضيع المشهورة عندك لازم تتحفظ ميزة الفرانساوي انه معظمه اسئله مخصصه يعني اماكن تتحفظ شخصيات تتحفظ مفيهوش لعب المهم الجرامير بقولها تاني اهوه نيجي بقي للدوكيمو او الوثيقه ده لو عندك لغه في الانجليزي هتساعدك في فهمها وطبعا التخمين والاحساس الحاجه الصعبه كنت بحس بمعناها بجد وغالبا مش هتحسي بسهولته الا لما تخلصيه الكتاب برافو رائع وكمان ميرسي الاحسن واحد منهم بس عشان التشتت وافضلهم ميرسي واي حاجه عاوزة تسالي فيها انا في الخدمه بس خلي بالك من كام حاجه كده 1/انتي عندك انجليزي وفرنساوي في نفس السنه طبيعي هتبقي مقريفه شويتين بس بارادتك وكفاحك هتعدي 2/الفرنساوي في 2 مهدور حقه ومهضوم من ناحيه بتستصعبيه ومن ناحيه مابتذاكريهوش كتير وبتبقي مشغوله في الباقي فشوفيله وقت وطبعا معرفشي في نظامكم الجديد تقسيمه المذاكرة هتبقي ازاي ربنا في عونكم |
اقتباس:
|
اقتباس:
وبجد مفـــــيــــــــــد جـــــــــــداااااااا هم ممكن المادة تكون احياء :rolleyes: |
والطلب المرة دي علي الاحياء يااااااااااااااااااااااه متتصوروش السعادة اني هكتب عنها بالتفصيل قد ايه بس كده خليكوا فاكرين اتكلمنا علي ايه بالتفصيل قبل كده الفيزياء والانجليزي العادي هناخد النهارده الاحياء طبعا بقي حاجه هقولها لكل طالب هيدرس الاحياء لو محبتهاش او معرفتش تمشي فيها العيب منك او من طريقه شرح مدرسك او من طريقه مذاكرتك او انك مابتذاكرهاش كتير لانها رغم سهولتها المفرطه الا انها محتاجة حبة حاجات كده 1/ انك تذاكرها صح 2/ تذاكرها علطول 3/ تراجعها كتير 4/ تحل عليها كتير اوي حتي ولو نص الاسئله ورقة وقلم والباقي شفوي المهم تحل بايدك
نصيحة بقي كده سبق وقولت ان في 10 كلمات انجليزي يوميا ولو اقل من كده حتي ولو 3 كلمات كلمه بين كل مادة ومادة ليه لانك هتذاكر يوميا فيزياء واحياء مش عشان هم صعبين بالعكس عشان يحصل الفه وود بينك وبينهم صدقوني والله في امتحان الفيزياء بتاعي كنت بحل صح كده وجيت في سؤال من كتر ما انا حليت كهربيه ابتديت حل نقطه غلط فجاة لقيت مواقف حلي للكهربيه في دماغي ولقيت حاجه داخلية بتنبهني ان في حاجه غلط وكان من السهل اكتشافها نظرا لكثرة الالفه اللي نشات بيني وبين هذه الماده سبق وقولت صاحب الكتاب بتاعك عشان تعرف توصلك معلوماته ويساعدك هو ربنا صدقني هيخليه يساعدك عشان ربنا مبيضيعش اجر حد الاحياء بقي يا جماعه معلش نظامها كده بلاش نتريق ونقول ده احنا علمي ويييييييييييييييياي وكده لاني هوضح لكم نقطه مهمه جدا اولا لازم مدرسك او مدرستك يكون بيرفكت زي ما قلت في اول الموضوع لان 50% من مجموعك بيعتمد عليه هو اللي بيشرح وهو اللي بيوصلك المعلومه ولازم بيخليك ترسم بايدك وتعمل كده اسكتش للرسومات بايدك وتراجعه من ان لاخر عشان يثبت في عقلك الرسومات ومتبقاش مشكله خلاص فهمت من الحصه بتاعت الدرس وعرفت ترسم هترجع بقي البيت بتاعك ونمت وكلت وبدا وقت المذاكرة وجه وقت الاحياء اولا تقرا الدرس اللي هتذاكرة قراية سريعه هتلاقي نفسك بتفتكر شرح المستر كده انت بتسخن معلش بقي هتحفظ الكلام ايه ده هحفظ؟؟؟؟؟؟ اه وبالنص كمان والله بقي لو عاوز تجيب 50 فيها ماتتكابرش لانك عارف ان المصحح عاوز نص كتاب الوزارة ولا يحب الايجاز بل يحب الاسهاب وبعدين حفظت الدرس بالنص طب استني هنا انا مبعرفش احفظ اعمل ايه؟؟؟؟؟ انا كنت بعد اما فهمت وحفظت مستوايا للدرس 85% طب والباقي ؟؟؟؟؟؟ الباقي ده بتجيبه بالحل وانت بتحل الاسئله طب في كارثه وانا بحل انا كنت حافظ ومسمع بالنص وجه سؤال وانا بحل وناسي الاجابة؟؟؟؟ الحل حلو كده افتح الكتاب واقري الاجابة تاني واقفله واكتبها وكده بامانه المادة هتستحي منك وتديك منها معلش بقي برده متسمعش قدام حد من صحابك لمصلحتك منها عشان الحسد ومنها عشان ميعقدكش لانك بعد ده كله هتبقي كانك كنت بتحفظ الكتاب زي بتوع ادبي بس انت عارف انك محفظتوش انت رزلت عليه لحد اما حفظته بالنص طب والكتب الخارجية؟؟؟؟؟ الامتحان طبعا رائع ويكفي بس انت خلصه ده طبعا عن تجربه كتر الكتب هيعقدك ويخليك تحس انك مش بتذاكر بس هي دي الاحياء ها ترشحوا ايه الماده الجديدة؟؟؟؟؟؟؟؟؟ |
اقتباس:
بجد بجد ربنا يجزيكِ خير ع الشرح المطول ده لانه بجد بيفيدني وبيرد ع تساؤلات كتيرة كانت بتيجي في راسي وانا الحمد لله بحب الاحياء جدااا بس الكل بيقولي انتِ غلطانه علشان اخدتيها مع الفيزيا لحد ما اتعقدت :( بس انتي طمنتيني اووي ربنا يكرمك :friendsxs3: ممكن المادة تبقى عربي |
فيه مفاجأة كده ليكم هقولها ان شاء الله بعد اما اخلص كل المواد ......... المتابع الكلام ده هيستفيد هقولهالكم وخلاص دي هتبقي نصايح غاليه ليكم وحاجات كده تتفادوها ومشاكل بتقابلكم هوفر عليكم وهنزلها باذن الله بس بعد اما اخلص المواد وده طبعا عشان الموضوع يبقي متكامل وتلاقوا فيه كل اللي انتوا محتاجينه وكمان عشان لو معرفتش ادخل في الدراسه لانها محتاجه مجهود يبقي عملتلكم حاجه مفيده تساعدكم
هايا شطار اتكلمنا بالتفصيل عن ايه؟؟؟؟؟؟؟؟؟ فيزياء وانجليزي واحياء والمرة دي من فراشه 44 برده اظاهر مفيش غيرها حد متابع ابشرك انك باذن الله طالما عندك الرغبه وناوية علي بذل الجهد هتدخلي الكلية اللي نفسك فيها الاحياء والفيزياء يا حبيبتي اصلا منسجمين ميفنعش غير التقسيمه دي كمن دي فيها حفظ كتير ودي فيها حل كتير عشان المخ البشري بيحب التنويع فانتي احسنتي الاختيار وسبق وقولت ملكيش دعوة بحد تتعقدي ليه لو اتعقدتي ممكن تفقدي حاجات وان شاء الله النصايح هتبقي عن تجارب وعن ناس كمان كنت بلاحظهم هتفيدك كتير العربي بقي؟؟؟؟؟؟؟؟؟؟؟؟؟ المظلوم الاكبر في الثانويه العامه بس سبق وقولت اللي مش هتديله مش هيديلك وعن تجربتي انا في 3 ثانوي كنت بذاكر كل المواد بضمير وغصبا عني كان بينهدر حقه وكانت النتيجه ان المواد كلها اتقفلت فيزياء واحياء وانجليزي وعلم نفس ونقصت عربي 1.5 بس في التعبير كانت الفروع اجاباتي مطابقه للنموذج فوجئت في الامتحان اني مش مدربة ع التعبير وبكتب كلام انا لو هصحح لنفسي في الوظيفي والابداعي استاهل انقص الدرجه ونص عشان كده العربي بقي هيبقي كالاتي مش احنا قولنا هنتغلب علي مشكله الكلمات بحفظ لو 10 كلمات او حتي 3 كلمات كل يوم؟؟؟؟ اكيد انتم ناسين حبيت افكركم وكمان قولت حاجه مهمه جدا لو رجع بيا الزمن مكونتش كلفت فيها وهي اسبوع تكتبي موضوع تعبير واسبوع تكتبي براجراف مش هياخد منك وقت وبنفس الحكاية اسلوبك هيرتقي وخلي حد يصححهولك ويديكي درجه عليه والتعبير الوظيفي لازم ينشرحلك بدري اضغطوا علي مدرسينكم بجد لانه لما بيحب يعلي مجاميع وينقص ناس بيلعب علي التعبير والعربي مش باقي المواد العربي نفسه في 3 محتاج مجهود عن 2 ممكن اقول اصعب بس محتاج مجهود وغالبا انتي مش بتعرفي تبذلي المجهود ده لو مش عارفه تظبطي المواد التانيه الجزء ده هوضحوا في النصايح هفهمكم ازاي تتعاملوا بفن مع المواد بتاعتكم القصه.......ملهاش الا حل واحد فقط عندك 33 فصل مش هينفع تحفظهم الحل انك تقرا الفصول كويس وبفهم وتعملها ملخص كده زي برشام لانها كبيرة واسئلتها سهله وعليها في الاخر 3 درجات فمش مستاهله الا القرايه بفهم وانك تلخصها وتحل اسئله حتي ولو شفوي القراءه ...... بتحتاج حفظ لانه بيحب الاجابة النموذجيه فيها وهتحفظها ازاي سؤال وجواب وفي كتاب رائع في عربي ثانوي محتوي بس المشكله فيه ان فيه اخطاء مطبعيه بس هتتصلح اكيد عارفين لو حرف واقع والكتاب رائع وبيساعدك مبتبقاش مشكله النحو ده حله انك تشوف من دلوقتي ملزمه تكون ماسكه النحو من زمان لحد 2 ثانوي وتذاكرها وتشوف ملزمه نحو 3 من دلوقتي وتذاكرها هتعرف تلمه لوحدك من دلوقتي وهيبقي بس شرح المدرس مراجعه ليك وهتراجعه كده من فتره لفترة وتفوق بقي لباقي المواد النصوص بامانه هي كبيرة وكنت مسترخمه العربي بسببها بس هي سهله في الحق فحلها هي انك تحفظها من ملزمه وخلاص حفظنت النص افتح الكتاب الخارجي هو ملخص النظرة العامه ع النص س وج بتتحفظ وخلصنا عشان هي محتاجه حل اكتر من كونها حفظ ناقص ايه بقي؟؟؟؟؟؟؟ الادب والبلاغه ؟؟؟؟؟؟ البلاغه دي حلها سهل هيتشرحلكوا درس التجربه الشعريه بتحفظوا دباجه كده وبتكتبوها والباقي لو المدرس يدربكوا علي حل القطع بس المدرسين بامانه بيهضموا حقها الادب بقي هو اهيف حاجه وانا عن نفسي كنت فايقالوه بقرأ فقرة من كتاب الوزارة وهحط عليها سؤال واحفظها والخص الاسئله في كشكول بس والله ده بينفع لو جاب سؤال من بين السطور لكن اللي بيستسهل ويحفظ من ملزمه انا ماليش دعوة بنتيجته في الادب وفي الاخر العربي محتاج طوله بال ووقت بس متظلموش في الجدول يعني في النصايح اللي هنزلها هبقي اقولكم تنظيم الوقت الحقيقي ازاي مش الهلامي اللي بتتخيلوه وبتتصدموا بالواقع ها تحبوا الماده الجايه ايه؟؟؟؟؟؟؟؟؟ وهل في ناس متابعه ومستفيده اهم حاجه ولالا ؟؟؟؟؟ انا عايزة ثواب من الله بس انوا يكون بيفيدكم وبرده أي اسئله في حاجه مفهمتوهاش من كلامي انا موجودة طول ما الجامعه مفتحتش معاكم |
اقتباس:
لا والله انا متابعة معاكى كل حاجة بتكتبيها وبجد بستفيد جدا ماشى خلى المادة الجاية تكون كيميا بما إنى لسا داخلة تانية يعنى |
جزاكى الله خيرا انا والله متابعة معاكى شكرا على هذه المعلومات القيمة |
انا عقدتى فى حياتى الانجليزى مهما عملت فيه
انا فى درجاتى منقصتش غير فى الانجليزى نقصنى 2 % وجبت 98% ومش عايزة يحصلى كده فة تالتة تانى |
باركَ الله فيكِ يَ دگتورة
بچد إستفدت .. وإحنا متابعين ممگن تتگلمي عن مشگلة النسيان وعلاچها ! |
السلام عليكم ورحمة الله وبركاته
الشكرلله يا حبايبي وهنتكلم النهاردة عن الكيمياء بس الاول للبنوته اللي نقصت 2% في الانجليزي بس اكيد بتعملي حاجه غلط من اللي قولتهم في تفصيل الانجلش او بتعملي عاده سيئه باذن الله هقولكم في النصايح كلام مفيد اوي هيريحكم لاني بغض النظر عن الدراسة وعن الطب متابعه كورسات تنمية بشرية دي فادتني كتير هفهمكم كلام حلو اوي هيخليكم باذن الله تتحسنوا بس في أي وقت تحسوا بمشكله في ماده او نصيحه او نظام المذاكره الصح ابقوا افتحوا وبصوا هنا باذن الله هيكون متكامل ومش هيخليكم ناقصين حاجه بس انتوا ذاكروا صح وبما يرضي الله اما مشكله النسيان برده هفصلها في النصايح باذن الله وكل حاجه فيها نبدا باذن الله كلامنا عن الكيمياء دي مادة خبيثه شويه ......... ايه خبيثه ؟؟؟؟؟؟ اه لانها منهجا سهل اوي تحصيلها لكن امتحناتا وحلا عليها بتبقي صعبة سنه بس سبق وقولت ان كل مواد 2 و3 مناهج سهله جدا وما هي الا سلمه عشان تبدا بجد تشوف العلم الصح (اتمني من الله اني الاقي علم صح في الجامعه) طب والخبيث اعمل معاه ايه؟؟؟؟؟؟ اكون اخبث منه طبعا لازم للكيمياء المراجعه الكتيرة جدا جدا لحد باب اللجنه ده بامانه المفتاح وطبعا بقي الباقي سهل لازم مدرس يكون فاهم كيميا وعارف الاسئله بتيجي ازاي ولازم برده انكم تحلوا كتير اوي عليها ولازم برده المستر يكون بيمتحن كل حصة لاني زي ما قولت محتاجه مراجعه مستمرة منك وطبعا في كل مرة بتراجعي كويس جدا عشان تلاقيها ثابته في الاخر طب الحمد لله المستر كويس يشرح ممتاز انا ذاكرت صح باستمرار راجعت كويس وبحل كتير اوي ها ايه باقي؟؟؟؟؟ باقي حاجتين انك تحلي امتحانات وتروحي تمتحني ......... بس بقي وانت رايحه محتاجين اسد كده يكون واعي لخبث الامتحان وطبعا اعصابه حديد الكتب بقي كتاب الامتحان والوزارة والتقويم لكترة لا تفيد ها بعد اما خلصنا احب اقولكم اني اختبرتكم اختبار اخر مشاركه في العربي وكل اللي رد خسرها قولتلكم هقولكم اسم الكتاب الرائع هنا ومقولتهوش ومحدش خد باله فين التركيز؟؟؟؟؟؟؟؟؟ امال لما يجيب امتحان سهل بس السؤال كده عاوز واحد صاحي طيب الكتاب اسمه المثالي ده ممتاز بيلخص الحاجه س وج وكمان نصيحه شهر 4 راجع مع نفسك العربي كله قرايه بس و5 حل الامتحانات كلها من كتاب المعلم ده مجاوب كل الامتحانات بنموذج الوزارة كده مش هيبقي عندك مشكله عربي حتي لو مكروت مذاكرته لان الامتحانات بتتكرر والمعاني الرخمه بتتكرر يلا بقي ركزوا كويس ها ايه الماده القادمه وكمان ابتدوا قولوا المشاكل عشان النصايح لما تتحط تكون متكامله باي باي |
اقتباس:
اممممم حضرتك گنتي علمي ونا أدبي يعني مش هينفع أختار مادة العربي اذاگره منين بالظبط ؟ من مذگرة المدرس ولا ؟ * |
اقتباس:
العربي قولت ان القصه هتقراها من الكتاب مثلا قريت الفصل بفهم احفظ اسئله الملزمه او اسئله المثالي او محفظش خالص لو تقدر لما تفهم الاحداث تكتب عنها كتير باسلوب صح القراءة المثالي ملخص الاسئله حلو اوي النصوص من الملزمه احفظها ومن المثالي اقراها كويس هتلاقي تكات فنيه رائعه تحفظها وكمان التلخيص العام س وج من الوزارة المثالي كاتبه حلو الادب انا وضحت ان الحل انك اما تحفظ الاسئله من الملزمه وانت وحظك لو مفيش تكات من بين السطور بس للاسف هو بيجيب من بين السطور فالحل انك تقرا من كتاب الوزارة وتلخص انت في كشكول سوج من الاول عشان يبقي سهل وبس في شهر 4 تقرا المنهج وفي 5 تحل امتحاناته وتحفظها من كتاب المعلم لانه مجاوبها بالنص يعني اللي مش ذاكر وحفظ الامتحانات بس مش هيقل عن 28.5 من 30 لكن التاني اللي تعب هيجيب اكتر:022yb4::022yb4::022yb4: ها مستنيه معاكم في أي وقت عاوزة اقولكم كل حاجه قبل اما اتلهي في دراستي لاني غالبا في الدراسه مبقعدش كتير ع النت:av4056bb7jp3:باي باي |
اقتباس:
ربنا يوفقك ي دگتورة :) |
اقتباس:
|
التقويم
طبعا التقويم لازم في كل المواد وكتاب الوزارة
عندى سؤال غريب اية هو التقويم هل هو كتاب خارجى |
اقتباس:
|
معلش اخر رد كنت داخله من حساب تاني بس انا وضحتلك التقويم
|
دگتورة يعني ف الإنچلش أحفظ گل يوم 10 گلمات بس ؟
ولمّا أذاكر درس لأول مرة مستحيل أقفله كله .. وإمتى أراجعه يعني بعد يومين ولا أسبوع ؟ معلش ع أسئلتي الگتيرة :) |
اقتباس:
10 كلمات انت شايفهم قليلين بس صدقني 10 بانتظام احسن ماتحفظ النهارده ورقه وبكرة تكون مليت مش هتحفظ عارف لو كلمه يوميا احسن من مفيش لو حسبتها مده الدراسه 9 اشهر من النهارده من 13/8 الي 13/5 وكل شهر 30 يوم وكل يوم 10 كلمات يعني 2700 كلمه وكمان انت بتراجع سريعا يوميا الكلمات المحفوظه ده اولا مستحيل طبعا هتقدر تقفله كله في يوم واحد بس مثلا هقولك حاجه بالنسبه لبتوع علمي هيثبتوا فيزياء واحياء يوميا فاللي مش هيخلص النهارده هيخلص بكرة وهيعرفوا كمان يراجعوا وطبعا في ماده من باقي ال3 مواد بالتبادل مثلا لو خدوا نص الدرس في مرة وحلوا عليه وبعدين النص التاني عادي وفي ناس بتحفظ مرة وتراجع مرة الموضوع ده حسب راحتك عارف والله انت لو بتذاكر بضمير ماده واحده في اليوم قبل الدرس هتجيب المجموع بس التحصيل الاول افضل معاك الطريقتين وبامانه كتير اوي كنت بذاكر ماده واحده احفظ الدرس كله واحل كل سؤال نزلوه عليه في نفس اليوم بس ده طبعا هيظلم باقي المواد والله لو مذاكرة كويس ممكن تراجعه حتي بعداسبوعين هيكون موجود عموما في مواد بتراجع قرايه سريعه قبل البدايه واحيانا المراجعه دي سهله لان امتحانات المدرس بتجبرك انك تراجع يعني ذاكر وهتلاقي المدرس بيقول عندك امتحان من الاول هتلاقيها كتير ارجوا ان اكون وفقت في اجابتي ليك هو محدش طلب ماده ليه؟؟؟؟؟؟؟؟ وعاوزين النصايح ولالا؟ |
اقتباس:
|
| جميع الأوقات بتوقيت GMT +2. الساعة الآن 07:30 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.