هــــــــــام جدا لكليـــــة علــــــــــوم جامعة اسكندريــــــــة
 

شكرا على مساعدتك, انا جايب 87% علمي رياضة ممكن الحق علوم الأسكندرية - رياضة ؟ , و كنت عايز أعرف كل حاجة عن قسم الكمبيوتر في علوم الأسكندرية ؟, هو في تنسيق داخلى و لا لا ؟, و أنا أسف كنت عايز اعرف سنة اولي ناخد فيها اية ؟

جزاك الله خير

انا اسف بس المفروض ان علوم رياضة مش حتقل عن تنسيق السنة اللى فاتت و ادنى كلية علوم السنة اللى فاتت كانت واخدة من 89.7 فى الحدود دى

تمام :(, شكرا على كل حال

لو سمحت يا استاذ محمد تقدير سنة اولى يبقى كام علشان ادخل كيمياء و هل ليه علاقة بدرجات المواد العلمية ف ثانوية
و هل فى اى شروط تانيه علشان اقدر اعمل دبلومة التحاليل
يا ريت تكلمنا عنها علشان انا مش حاباها و التنسيق اللى مودينى ليها و انا باحاول احبها علشان امشى فيها

بصى الكلية مش وحشة زى ما انتى مفكرة كدة انا فيها وعارف و الكلية فيها اقسام كتير منها بتشغلك فى شركات بترول زى الكيمياء و الفيزياء و جوفيزيا وحجات تانية كتيرو منها بتشغلك فى معامل تحاليل و الدوبلومات اللى فيها مش بتكون محتاجة حاجة صعبة بالعكس الكلية بقت سهلة مش زى الاول خالص علشان دلوقتى فى الكلية ماشية بنظام امريكى اسمو السعات المعتمدة و تقدير الكيمياء بيحتاج منك بس فى سنة اولى جيد ودى مش حاجة صعبة يعنى و هو مش ليه اى علاقة خالص بالثانوية العامة هو ليه علاقة بتقديرك فى سنة اولى

بصى الكلية مش وحشة زى ما انتى مفكرة كدة انا فيها وعارف و الكلية فيها اقسام كتير منها بتشغلك فى شركات بترول زى الكيمياء و الفيزياء و جوفيزيا وحجات تانية كتيرو منها بتشغلك فى معامل تحاليل و الدوبلومات اللى فيها مش بتكون محتاجة حاجة صعبة بالعكس الكلية بقت سهلة مش زى الاول خالص علشان دلوقتى فى الكلية ماشية بنظام امريكى اسمو السعات المعتمدة و تقدير الكيمياء بيحتاج منك بس فى سنة اولى جيد ودى مش حاجة صعبة يعنى و هو مش ليه اى علاقة خالص بالثانوية العامة هو ليه علاقة بتقديرك فى سنة اولى

يعنى المفروض انى اجيب جيد فى الكيمياء فى سنة اولى لكن التقدير العام مش محدد
معلش بس انا مش حاباها لان اختى دخلتها و قعدت سنة و حولت منها

جزاك الله خيرا يا استاذ محمد

الله يكرمك بجد جيت فى وقتك الحمد لله وربنا يجعلك عون لينا وللمسلمين جميعا انا من اسكندرية وجايبة 92 علمى عوم هل تظن حضرتك ممكن الحقها ولا
وهل لو جتلى اقاليم عادى ممكن بعد كدة احول واجى هنا
وهل اختيار القسم بتاع الكمياء امزدوج بتبقى الاولية للى قدمو فى المرحلة الاولى يعنى تنسيق داخلى ولا برغبات
وهل فعلا الدراسة هناك صعبة قوى
وهل علا الدكتور اول مبيخش مش بيقول كلة عربى وكدة ولا
معلش طولت فى الاسئلة بس بجد ياريت حضرتك تقدر تجاوب عليا وجزاك الله كل خير

اه ان شاء الله تلحقيها بس اقاليم و عندك نوعين من التحويل من الاقاليم او نوع بيكون على النت ودة بيكون تقليل الاغتراب و دة بيقف على درجة بس يعنى لو واقفة على درجة علشان تحولى اسكندرية بيحولك
اما تانى نوع دة بيكون لسا بعد كل المراحل ما تطلع و اللى هو التحويل الورقى و دة بتقدم طلب تحويل بس بيكون بفلوس السنة اللى فاتت كان ب 2000 و اللى قبلها كان كدة برضة على ما اظن بس هو التحويل الورقى دة مش بيزيد عن 2000 جنية و كل الناس بتحول فيه عادى و انا كنت كدة وحولت و السنة اللى فاتت مش من ووقت كتير يعنى

و اما بالنسبة الاقسام فا انتو لما بتخلصو سنة اولى بيكون فيه رغبات كدة زى الثانوية العامة و بتكون على حسب التقديرات فى سنة اولى و غالبا قسم الكيمياء بيكون من التقدير الجيد

و بالنسبة للدراسة فمن السنة اللى فاتت و كلية علوم بقت الدراسة سهل فيها جدا علشان خضعت للنظام الامريكى اللى هو السعات المعتمدة علشان الكلية بقت كلية معتمدة على العالم

و بالنسبة لاى دكتور انتى فى اول كام محاضرة بتحسى ان الدكتور كل كلامة انجلش و مش فاهمه حاجة والدنيا متدمرة لكن بعد كام محاضرة بتاخدى على الكلية و على نظامها وشرح الدكاترة

ولا يهمك وممكن تدخلى على جروب الاسرة بتاعتنا فى الكلية و تسألى على اللى انتى عيزاه و حتلاقى ناس من الاتحاد و دكاترة الكلية معاكى و بيجاوبوكى

http://www.facebook.com/groups/We.4.NBD/

ربنا معانا كلنا

ميرسى جدا يا استاذ محمد على المساعدة
انا جايبة 94% علمى علوم ومرحلة تانية والى جايبين اعلى منى فى المرحلة الثانية على مستوى الجمهورية 11363
فهل اقدر الحق علوم ؟
وسؤال ياريت حضرتك تدينى رأيك فيه انا محتارة بين علوم وفنون جميلة ؟
من رأى حضرتك ايه الافضل من حيث الشغل وان الاقى فرصة عمل سريعة
ولو دخلت علوم ايه افضل قسم من حيث الشغل فيما بعد ؟

مجموعك كويس و ان شاء الله حتلحقى علوم علشان عمرها ما تعلى عن كدة خالص و هى حتى لو مش لحقتى اسكندرية اكيد حيكون اقليم مش بعيد او حتى لو بعيد عادى ممكن تحولى

و علوم هى اللى حتلاقى فيها شغل عن فنون طبعا
و انتى علشان علمى علوم فعندك اقسام فى الكلية كتير زى الكيمياء و الميكروبيولوجى و الكيمياء الحيوى و اقسام يامة اقل قسم فيهم يكون فى شركات ادوية او معامل و عندك الكيمياء بيكون فى شركات بترول برضو و ادورية و شركات كتير و عندك فوق فى اول الكلام كاتب انا جروب الاسرة بتاع الكلية لو حتدخلى الكلية و عايزة تعرفى كل حاجة باستفسار ادخلى فيه

شكرا لحضرتك اووى

اناعلمى علوم و الحمدلله جبت 97.07 و قبلت فى علوم اسكندرية

انا عاوزة اعرف هو فى سنة اولى احنا بندرس ايه بالظبط وهل فى تحديد مواد معينة ولا ايه؟

كمان انا بحب مجال الكيمياء اوى وشيفاه افضل حاجة اشتغل فيها بس ايه افضل حاجة مع الكيمياء؟؟

ادخلى الجروب دة على الفيس بووك دة جروب الاسرة بتاعتى فى الكلية و اعمل بوست انك عايزة تعرفى المواد بتاعت سنة اولى اللى بتدرسيها او اى حاجة علشان اعرف ايميلك بس و حعملك mention فى الصورة بتاعت المواد اللى رافعها

http://www.facebook.com/groups/We.4.NBD/

اولا شكرا لمجهود حضرتك انا علمى علوم وجايبة 97 انا عندى كذا استفسار

ايه هو نظام الساعات المعتمدة؟؟؟؟؟؟؟؟ وهل الكلية صعبة زى مابيقولوا وعلى الفاضى ومش هنلاقى شغل؟؟؟؟؟؟؟؟ وايه افضل قسم فى الكلية واللى منه ممكن اشتغل فى شركة بترول؟؟؟؟؟او شركات ادوية وتكون دراسته ممتعة وايه التقدير اللى لازم اجيبه كل سنة عشان اتعين معيدة فى الكلية؟؟؟؟؟؟ وايه المواد اللى بتدرس فى سنة اولى؟؟؟

نظام الساعات المعتمدة دة نظام مقلل حجم المواد شوية و نظام يخليها تختارى المواد اللى انتى عايزة تدريسها يعنى الكلية مش حتخليكى تدرسى مواد غصب معادا المواد اللى بتكونى لازم تدرسيها دى و النظام دة خلى الكلية سهله جدا عن زمان و عندك اقسام كتير بتخليكى تشتغلى فى شركات التبرول منهم القسم المعروف كيمياء او جولوجيا او جوفيزيا و اما بالنسبة لشركات الادوية عندك اقسام كيمياء برضو و ميكروبيولوجى وحجات كتير اما التقدير اللى بيكون يخليكى معيدة انك تكون طالعة امتياز من كل سنة ودة مش صعب لو انتى بتفكرى فى كدة اما بالنسبة للمواد اللى بتدرسيها فى سنة اولى فادخلى الجروب دة بتاع اسرتنا فى الكلية وحتلاقينى رافعها على شكل صور او لو مش شوفتيها اسألى عنها فى الجروب

http://www.facebook.com/groups/We.4.NBD/

رفعت الاقسام و التخصصات و المواد و كل حاجة على جروب الاسرة بتاع الكلية

http://www.facebook.com/groups/We.4.NBD/

انا من البحيرة وجبت 95,12
انا كتبت رغبة اولى علوم اسكندرية وبعدين علوم طنطا وبعدها علوم القاهرة وبعدها عين شمس ........
كتبت يعنى كل كليات العلوم
هل فيه امل ان مجموعى يدخلنى علوم اسكندرية
ولو مفيش امل التحويل الورقى ده لازم بعد سنة ولا ينفع من اول سنة

فى امل مش تخافى و انتى مجموعك حلو مش وحش والتحويل الورقى كلو بيحول فيه و عندك دة جروب الاسرة فى الكلية حنقول فيها امتى حيكون معاد التحويل و التقديم و كل حاجة

http://www.facebook.com/groups/We.4.NBD/

اعرف ناس فى كيمياء كتير خلصو و اشتغلو فى شركات بترول و شركات تكرير مياه و حجات كتير و عندك فى الجروب لو دخلتى حتلاقى ان فى ناس لسا فى سنة رابعة و 3 كيمياء لو حبيتى تعرفى اى حاجة منهم و بالنسبة لمكان الكورس ف كان فيه ibi و الاكاديمية او انتى ممكن مش تاخديه دلوقتى و تاخدى الكورس بعد سنة اولى

معلش انا رخمت فى اسئلتى بس ممكن اعرف شرح نظام الساعات المعتمدة بالتفصيل؟؟؟
لاننى دخلت وبحثت ومش فاهمة حاجة وكمان انا دخلت الجروب ع الفيس وشفت مواد سنة اولى

بصى هو ان شاء الله حيكون فى ندوة فى الكلية قريب حنقول فيها نظام الساعات المعتمدة و اقسام الكلية و كل حاجة بس دلوقتى حقولك نبذه سريعة كدة علشان هى كتير و مش حينفع اقولهالك كلها هنا


نظام الساعات المعتمدة انك عندك المواد نوعين مادة بتكون نظرى و عملى و مادة بتكون نظرى بس
الماده اللي مكونه من عملي ونظري بتحتسب ب 3 ساعات معتمده ... والماده النظري بتحسب ب 2 ساعه...وعلشان تعدي السنه مثلا تنجحي فى 18 ساعه يعنى اية بقى تنجى فى 18 ساعة يعنى مثلا الفيزياء عندك عملى و نظرى مثلا يبقى انا كدة الفيزياء دى اسمها ب 3 سعات يعنى لو نجحت فيها يبقى فاضلى 15 ساعة علشان اعدى السنة فانتى بتكونى بقى فى اول السنة كاتبين المواد زى ما انا رافعها فى الجروب كدة و كل مادة و الساعات جمبها و انتى عليكى تختارى المواد اللى تريحك يكون مجموع السعات بتوع المواد دول 18 او 19 ساعة بس كدة يبقى بمعنى اصح هو عطاكى حرية اختيار المواد

وفي حاجه اسمها السمر كورس وده فصل صيفي بتدفعي فيه فلوس وبتدخلي المواد اللي رسبتي فيها((بعد الشر يعني))...ومن مميزات النظام ده انك ممكن تاخدي علوم دي في 3 سنين بدل 4 علي حسب بقي سرعه تخليصك للمواد..وفيه مميزات تانيه من اهمها انك تختاري جدولك بنفسك يعني ممكن تروحي يومين بس في الاسبوع الكليه....بس طبعا هتروحى اليومين دول مش حيكون فى ساعة راحة طول اليوم دة لو عايزة تخلصى الكلية بسرعة يعنى

بس كدة ^_^

اهاااااا انا فهمت كدة نوعا ما عن التعقيد اللى قريته حسيت انى دخت هههههه
شكراا جدا على المجهود
وياريت حضرتك تبقى تقولنا ميعاد الندوة وشكرا مرة تانية

لسا بس علشان انتى مش لسا روحتى الكلية ولا مشيتى فى النظام دة فحاسة انك دوختى لكن لما تدخلى الكلية حتلاقى ان كل حاجة سهلة اما بالنسبة للندوة فدى معادها حيبقى ينزل على الجروب و كمان حنبقى نقول يوم التقديم امتى و اليوم اللى حيكون بعد ظهور نتيجة المرحلة التانية على طول حنكون فى الكلية حتى علشان فى ناس حتروح تشوف الكلية وتعرف نظامها و كدة فلو حبيتى ممكن تبقى تبلغينا على فى الجروب ولا حاجة نقولك حنكون فين يوميها و كدة

اية ده؟؟ هو ممكن اللى ودخل قسم كيميا يشتغل فى البترول؟؟

هههههههه اه طبعا اما هما بيدخلو علوم ليه و بيدخلو كيمياء او جولوجيا او جوفيزيا ليه علشان شركات البترول

مفيش حاجة اسمها الكيمياء بكل فروعها علشان مفيش للكيمياء فروغ لو داخلة علوم اسكندرية ممكن تدخلى الجروب دة حتلاقى المواد فيه

http://www.facebook.com/groups/We.4.NBD/

ياااااااااااارب

نزلت الحجات المطلوبة فى التقديم على جروب الاسرة

طيب يا ريت حد يطمنى ارجوكم
انا علمى رياضة وجايب
90.61
هل الحق ولا لا حتى لو اقاليم
ويا ريت تقولولى التحويل بعد كدة لأسكندرية سهل ولا لا لانى من اسكندرية