|
مناقشه هادفه عن الكليات
السلام عليكم ورحمه الله وبركاته فى الأول أحب أقول إن ربنا سبحانه وتعالى أمرنا بالدراسه ف بصوا يا جماعه أنا كنت عايز أتناقش معاكم فى موضوع بس نبدأ ونقول " وقل رب زدني علما " وحنقسم الموضوع قسمين الأول / الناس إللى مجموعها عال ما شاء الله ويؤهلهم للكليه إللى بيحلموا بيها سؤال عام : إشمعنا الكليه دى إللى مختارها / ليه شايف نفسك فيها ومش شايف نفسك فى غيرها / إيه مؤهلاتك عشان تدخل الكليه دى ( غير المجموع طبعا ) / .......... حنتناقش فى الأسئله دى كلها الثانى / الناس إللى _ لا قدر الله تعالى _ مجموعها قليل شويه ، ومش عارفه تدخل الكليه إللى نفسها فيها بسبب ظلم ف التصحيح فرق معاهم فى المجموع / إتهاونت فى المذاكره / صحابك ضيعوك / ...... بحب أقولهم الدنيا مش حتقف عشان درجه أو درجتين فرقوا معاك على الكليه / أكيد ربنا كاتب لك الأحسن والأفضل / ممكن الكليه إللى شايفها وحشه ومجبر تدخلها عشان مجموعك جابها تبدع فيها و تتعين معيد مثلا أو تجيب تقديرات عاليه تجعلك مميز عن أى واحد فى كليه قمه حنتناقش برده فى الأمور دى مستنى آرائكم وإقتراحاتكم لكى نحاول أن نجعل حياتنا المستقبليه فى الكليه هى الأفضل و الأحسن :):):)" |
صباح الخير :):) |
نايس توبيك يا خالد
انا ان شاء الله هدخل طب بشرى جامعة اسيوط :) زمان وانا ف الاعداديه الكليه دى مش كانت هدفى اصلا كان نفسى ادخل صحافة واعلام لانى بكتب حاجات حلوة اوى ( مش لوحدك يعنى :P ) انا كنت عايزاها عشان كده وعشان انا بحب الاثارة والتشويق والمغامرات اللى بيعملوها الصحفيين ( طفله :P ) وبعدين ماما قعدت تقولى طب احلى وانتى هتنفعى ف طب ودى امنيتى انى اشوف بنوتى الصغيرة ف طب قعدت افكر ف الموضوع ده عجبتنى فكرة الطب خالص وقولت انا ممكن امارس هوايتى اللى هى الكتابه وانا دكتورة برضه :) وبقى هدفى من 2 ث انى ادخل طب :) وبرضه مش هنسى الاثارة والمغامرات قولت انا لو دخلت هختار تخصص تشريح واكون طبيبه شرعيه واكتشف الجرايم :D ربنا كرمنى ف 2 الحمدلله بمجموع جميل جدا ^_^ وف 3 كمان الحمدلله مجموعى جميل اوى :) انا شايفة نفسى ف طب لانى لما حطيت هدفى وانا ف ثانوى مش حطيت غيرها ادامى ومش عارفة ليه لغاية دلوقتى O.o مؤهلاتى غير المجموع انى جوايا هدف حلو اوى عايزة اتخصص يا تشريح واكتشف الجرايم :P او جاتنى فكرة الايام دى بجد انى نفسى اتخصص ف الاورام واقضى ع المرض اللعين ده اللى شغال يخطف ف الناس ويدمر ف خلايا اجسام الاطفال :( |
اقتباس:
فعلا لما نحط قدامنا هدف ونشتغل عليه ونصر إننا نحققه بتبقى حاجه جميله جدا لما نوصله بمجهودنا ونحس إننا فعلا حققنا حاجه ف حياتنا مشكوره على المرور الرائع |
هو التاني دا سؤال؟ .. طيب انا ركنت ع التاني و الحمد لله .. بجد حاجة ممكن تنرفز ان الواحد يجيب ف تانية و ف تالتة ان لله و إنا إليه راجعون |
اقتباس:
هتبتدي دروس امتي يا دراكو؟ |
اقتباس:
ميرسى اهندسه :d وانتا جاوب ع اسئلة التوبيك برضه اشمعنى احنا يعنى :D ^_^ |
ربنا يوفقكم يا رب فى مرحله الكليه دى
وتوصلو للى بتتمنوه اامين |
انا بدأت علم نفس
وبقية الدروس معرفش لسة |
اقتباس:
وزى م قلت الدنيا مش بتقف عند محطه واحده لأ إحنا بنكمل مشوار حياتنا للأخر و إحنا إللى نقرر إما ننجح أو نفشل وممكن الكليه إللى إحنا شايفنها وحشه من وجهه نظرنا نحقق فيها إنجازات تفوق م كنا سنحقق لو دخلنا كليه قمه مثلا ، هذا كله يتوقف عليكى إنتى ، القرار لكى بالتوفيق |
اقتباس:
بليز م تضغطيش عليا |
فكرة مممتاازه جدا جزاااك الله خيرا
بالنسبالى أنا ان شاء الله طب المنصورة السبب لإ نفسى أرسم البسمه على الوجوه وانى أرضى ربنا فيها وأكون مثال للمسلم ولييييه الكليه دى بالذات بصراحه انا كنت محتارة شويه لان اهتماماتى كتير لكنى وكلت ربنا وربنا اختارهالى الحمد لله وفعلا حبيته جداااا وجوايا حاجات كتير ...نفسى أزود الدكاتره المخلصين اللى بيتقوا الله فى شغلهم واحد وعلى فكره أى كليه هى سامية جدا مهما قل مجموعها لإنها بتأدى دور ميت كليه غيرها مش هتأديه ويااااارب وفقنا |
اقتباس:
وفعلا مهما كانت الكليه بسيطه لكن لها دور تؤديه لا يمكن لكليه أخرى أن تؤديه وده السبب إللى يخلى أى كليه مهمه ف مصر مهما قل مجموعها فعلا وفعلا عايزينك تزودى الاطباء إللى عندهم ضمير واحد لانهم قليلين شويه بالتوفيق ليكى ويا رب نسمع عنك كل الخير |
اقتباس:
مش بضغط وربنا :) براحتك خالص ^_^ |
موضووووووووووووووووع جمييييييييييييييييييييييل :)
انا ان شاء الله طب طنطا :) انا بقي ليه اختر كليه .... انا مش عارفه ... جايزعشان هي صعبه .... وانا بفضل الكليات والتحديات اللي من النوع ده !!! بس في سبب رئيسي خلاني افكر في الطب ..... هو انه اصعب حاجه انك تشوف حد من اهلك او اصحااابك مريض جدا ...... وتبقي مش قادر تعمله حاجه .. وتعيش معاه لحظات صعبه ... وانا جربت .......... يعني اساعد القريبين ليا وكده :) وربنا لو كان كاتبلي حاجه تانيه .. كنت مش هاجيب مجموع يدخلني الطب .. يمكن !!!!! |
اقتباس:
وبعدين عشان م يكنش رأيى ( ككاتب الموضوع يعنى ) مفروض عليهم ويتكلموا بحريه :):) |
اقتباس:
وكمان عشان نساعد المرضى إللى بيتألموا قدامنا ومش لاقيين حد ينقذهم فعلا أسباب رائعه للإختيار يا رب يكون إختيار موفق وتتفوقى فى مجالك وتكونى مشهوره بعلمك ومساعده المرضى دائما بالتوفيق ليكى |
يارب يوصلكم للي انتم عايزينه ويوفقني انا كمان انا جبت 98% في تانيه وعلمي علوم وبدأت احس انها استحاله للوصول للطب عشان مؤشرات التنسيق مش فل اوي ربنا يكرم الجميع
|
اقتباس:
نفسك هى التى تقرر ماذا تريد إياك وأن تخضعها لعوامل خارجيه بل وجهها لتحقيق أهدافك بالتوفيق يا دكتور مقدما |
شكرا يا بشمهندس xd
|
اقتباس:
المهم نركز ف 3 جدا لانها أهم من 2 بكتير وكمذاكره عايزه مذاكره أكتر وجهد أكبر والمهم تحطى هدفك وتحاولى تلعبى عليه حتلاقى نفسك بتختصرى على نفسك نص المسافه لتحقيق هدفك بالتوفيق ليكى ف المرحله القادمه :):) |
اقتباس:
بالتوفيق ليك :):):) |
حلمت من 6 ابتدائي اني هكون مهندسة معمارية عظيمة .. و ابتديت اني احقق حلمي .. نقصت درجات قليلة ف ستة و مجموعي كان حلو .. دخلت اعدادي كانت مرحلة مش حلوة اوي بالنسبة لي عشان كنت احس اني محدش فاهمني و الناس ف وادي و انا ف وادي .. كان عندي كراريس راسمة فيها مباني معمارية و كانت بجد تصميمات حلوة و كنت اوريها لأهلي ف البيت و يوقولي الله جميلة .. بجد هي كانت جميلة .. كنت اعشق القلم الرصاص و الورق و ارسم و اصمم و اقول هبقا مهندسة معمارية عظيمة .. دخلت ثانوي جبت مجموع كويس ف 2 و قولت هكمل و ابقا مهندسة معمارية .. دخلت تالتة كنت ماشية كويس و بذاكر و مرتاحة و مش مريضة و كنت أنا أنا المدرسين فخورين بيا .. اهلي فخورين بيا .. قرايبي فخورين بيا .. لحد يوم 10/10/2011 كان يوم اتنين الساعة 8 و حاجة بليل .. حسبنا الله و نعم الوكيل .. أفوض أمري لله
|
اقتباس:
نبدأ نفكر ، دلوقتى حلمك ضاع ف تحاولى إللى كنتى ممكن تحققيه ف الهندسه المعماريه تحققيه ف الكليه إللى ربنا قاسمهالك أكيد ربنا كاتبلك الخير فيها أكتر من الهندسه المعماريه وأكيد حتحاولى تتفوقى ف كليتك عشان تحققى ذاتك وعشان تثبتى إن تحقيق الهدف لا يتغير بتغيرالعوامل الخارجيه م دام الشخص هو الشخص ف العزيمه هى العزيمه والإراده هى الاراده بس كل ده ف كليه تانيه غير إللى بتحلمى بيها واعلمى إنك طالما كنتى ناويه ع حاجه وربنا غير وجهتلك ، أكيد ربنا شايل الخير ف حته تانيه ربنا ييسرلك الأمور يا رب |
انا من صغرى و انا نفسى ابقى دكتورة اسنان و كانت العيلة كلها بتقولى يا دكتورة :) بس لما رحت 2 ثانوى محستش انى اكيد علمى علوم و لازم دكتورة بالعكس كان نفسى ادخل رياضة اوى بردو عشان بحبها جدا و فيها كليات حلوة زى هندسة لو قسم عمارة يبقى تحفة عشان بحب الرسم اوى من زمان ياما دخلت مسابقات :blush: و دلوقتى ليا فى الجرافيك و الحاجات دى يعنى ممكن كمبيوتر ساينس بردو بس طبعا الاساسى هندسة :) بس بعد الظلم ( منهم لله ) بقى لازم رياضة بس مش زعلانة انا اصلا كان نفسى ادخلها بس و انا مرتاحة اكتر من كدة دة مجهودى :o و حليت كويس و عملت تظلم و عارفة ان مش هيرجعلى درجات بس الحمد لله انا املى الوحيد دلوقتى الهندسة ياانا يا هى السنة دى :mad: ادعولى بقى :) |
اقتباس:
إن شاء الله تيجى نأمل ذلك ، طب لا قدر الله م جتش مش حنقف عندها وحنرميها ورانا مش بقولك كده بحبطك بس لازم تكونى عارفه إن ربنا بيختار للإنسان الأفضل حتى لو كان الأفضل ده هو عكس رغبه الإنسان ربنا يكرمك إن شاء الله ويقدملك ما فيه الخير :):):) |
اقتباس:
ربنا يكرمك يا رب :) انا امنت فعلا بالموضوع دة :( و الحمد لله على كل شئ بس احاول على هندسة بردو و ربنا يجيب اللى فية الخير :) و لو مجتش يبقى كمبيوتر ساينس و لو مجتش يبقى فنون قسم جرافيك و لو مجتش يبقى انتحر احسن :p |
وتتوالى ابداعات المهندس خالد:)
بجد الموضوع رااائع ع الاقل كل واحد مهموم وزعلان من الكلية الى هتجيلة يقدر يفضفض ويفك شوية برافو عليك يا خالد بجد:078111rg3: انا بقى كان نفسى موت من صغرى فى هندسة بس لما فى اتنين من اخواتى هندسة دخلت علمى علوم برغبة امى بس انا كنت بجب العلوم والحمد جبت مجموع جميل فى تانية وكان حلمى ساعتها ادخل صيدلة واكون معيدة فى صيدلة ثم دكتورة فى الكلية لان كلية الصيدلة كلها علم وكيمياء والصيدلى بيكون عنده خبرة كبيرة بالادوية والامراض وممكن يكتشف ادوية ودا اكيد بيساعد المرضى زى الدكتور البشرى بالضبط وكمان لما اعمل الماحستير وكدا بيكون فى ابحاث وشغل رائع وعندى امل ان ربنا يوفقنى واكتشف ادوية لبعض الامراض اللعينه بس لما لقيت امى نفسها انى ادخل اسنان خليت رغبتى اسنان*اصلى مقدرش ارفض لها طلب* بس منهم لله فى التصحيح لي درجتين عربى وطبعا مفيش حد بياخد حاجة فالتنسيق جابلى صيدلة ليعود حلمى القديم للظهور من جديد ويعود الامل القديم:av4056bb7jp3::):):) |
موضوع جميل يا خالد
انا بقا نفسى ادخل اداب علم نفس لان بحب حاجة اسمها علم نفس جدا حتى فى المنهج كنت بذاكر بتوسع حاجاة مش من المنهج يعنى ولما بدخل على النت بدخل موقع فيها حاجات عن كدا وكمان عايزة افتح مركز ارشاد نفسى واكون دكتورة فى الكلية ان شاء الله |
انا بقا مشكلتى انى مش عارفة عايزة ايه بالضبط عارفين المثل الى يقولك سبع صنايع والبخت ضايع انا كنت بتمنى صيدلة علشان هى كلية حلوة وشغلها كويس ومناسبة للبنت سوؤاءهى او اسنان بس بصراحة لما اقعد بينى وبين نفسى لقيت انى انا من جواياه كنت حدخلها او كنت بتمنى يعنى ادخلها علشان هى بس كلية كويسة لكا انا نفسى مش عارفة
طول عمرى كانو بيطلقو عليا الفنانة الشاملة فى المدرسة بحب الشعر والكتابة والتمثيل والغنا والتلحين وتصميم الازياء والرسم التشكيلى مش عارفة اقول لاسف ان الكل اجمع انى موهبة فيهم كلهم بس الى موهبة فى بجد بنسبالى هو تصميم الازياء وبعشق حاجة اسمها رياضة وحاجة اسمها فزياء طبعا كله حيقولى تصميم مع حب رياضة وفزياء يبقى مفروض هندسة لية محولتيش علم رياضة حقولكم انى انا جبت 93 السنة الى فاتت يعنى كان مجموع خطر طبعا دة لان ظروف مرضى الى مريت بيها فترة الامتحانات ويوم النتيجةى او من يوم الامتحان عرفت ا املى ادمر بنسبةة لللصيدلة وحالتى النفسية ادمرت وحتى اصحابى لاسف اكتشفتهم على حقيقتهم لانهم كانو متوقعين مش اقل من 97 ولكن حرجعاقول قدر الله ومشاء فعل فكنت خايفة انى احول علم رياضة لحسن اضيع بالمرة ولا الحق هندسة ولا الحق اى شئ وقد كان وحمدت ربى انى محولتش لانى على الاقل انا لسة ممكن قدامى علوم انا جايبة 92 و89 من عشرة يعنى ممكن الحق علوم او اى كليه تانية وبرضه محتارة ادخل قسم علوم قسم فزياء علشان بحبها برغم ان الكل بيحذرنى منها علشان الشغل بتاعها مش قوى ولا ادخل قسم كمياء مزدوج وشغلهاكويس واه انا عادى فى الكمياء مش بحبها ولا بكرها نقصت فيها درجة ونصف والى بيغظنى بجد ان دايما المادة الى بحبها والاستاذة يقلولى انتى عبقرينوه فيها زى الفزياء او الرياضة لاسف انقص فيها فى الامتحانات يعنى على الرغم من انى بجيب درجات عالية جدا فى ىالدروس فمباقش عندى ثقة وبجد انا مبقتش عارفة انا عايزة ايه بالضبط بس شئ واحد الى ممكن اكون متاكدة منه باذن الله ان اى الكلية الى حيكتبها ليه ربنا حجتهد فيها بكل قوة فيا لحد مبقا معيدة فيها ان شاء الله اموت من المذاكرة لان بجد الثانوية علمتنى كتييييييييييير قوى معلش انا عارفة انى طولت بس بجد كان نفسى افضف بلى جواياه لانى بجد محتارة ربنا يوفقنا جميعا |
والله انا كان نفسى اخش كلية طب قسم طب شرعى وكان عندى احلام كتير اوى بس ولا اى حاجة اتحققت :d ومع ذلك لسه عندى احلام ان شاء الله تتحقق لو تعلم ماذا كتب الله لك فى المستقبل لبكيت فرحآ موضوع جميل يا خالد
|
اقتباس:
والله ده كان غرضى إننا نخفف ونقول إللى ف نفسنا ف الموضوع ده هههههههههههههههه هذا ترتيب رب العالمين جايز بل والأكيد إن ربنا كاتب الخير فى صيدله والنجاح فى صيدله والتفوق فى صيدله وجايز إتظلمتى عشان ترجعى للى كنتى عايزاه وإللى إنت حاباه وتقدرى تبدعى فيه مبروك يا دكتور ع الصيدله وحظ سعيد فى الحياه القادمه ويا رب من نجاح لنجاح إن شاء الله :):):) |
اقتباس:
والله ي بنى هو ده إللى بيفكر صح عمره م بيقف عند مرحله معينه ودايما فى نفسه شايف إنه قادر على أن يبدع فى أى مجال يدخله برااااااااااااافو يا إيزل ومنور التوبيك :):):) |
اقتباس:
وكمان تحبى إنك تكملى ف الكليه ف نفس الموضوع إللى كنتى بتحبيه ف ثانوى ربنا يوفقك يا رب وتحققى أحلامك يا رب منوره التوبيك :d:d |
اقتباس:
ولا طولتلى ولا حاجه ده إنتى نورتى التوبيك |
بصوا بئى انا مش عارفه اعمل اييييييييه يعنى ربنا يسترها معايا انا جبت فى تانيه ثانوى 96% بالضبط 95.9 وتسعه من عشره وف سنه تالته كنت متأكده مليااااااااااااااااااااااااااااار فى الميه ان التنسييق هيبقى عااااااااااااااااااااالى اوىىىىىىىىىىىىى وسبحان الله حصلت ظروف مخلتنيش اذاكر كويس فى اخر سنه تالته فاضطريت انى اءجل تلات مواد والمستوى والحمد لله جبت فى علم النفس النهائيه والانجليزى شبه نهائيه يعنى كويسه جدااااااااااااااااااااا فى المادتين لكن ادييينى مخليه 3 مواد العربى والفيزياء والاحياء السنه الجايه يعنى نفسى ادخل صيدله يااااااااارب ده حلمى الوحيد اى نعم مامتى الله يرحمها كان امنية حياتها تبقى بنتها الكبيره والوحيده فى طب بشرى وتشوفها اكبر دكتوووره لكن شكلى بعدت عنها نفسى بجد الحق صيدله يااااااااارب
|
اقتباس:
وجايز صيدله يكون فيها الخير أكتر من طب بشرى والله، اللله يقدر لنا الخير ولكن لا نعلم بالتوفيق يا دكتوره :):):) |
اقتباس:
شكرا ع مرورك |
انا كان حلمى من و انا صغيره انى اكون دكتوره اسنان او انى ادخل صيدله و كان كل الناس مشجعانى وواثقه فيا حتى مدرسينى كان كله بيقولى يا دكتوره بس حسبى الله و نعم الوكيل فى اللى صححلى امتحان العربى و الانجليزى فعلا ضيع مستقبلى انا جايبه 95% و عامله تظلم و بدعى ان ربنا يرجعلى حقى و انا دلوقتى فاقده الامل فى اسنان و بدعى انى الحق صيدله و كمان خفت اوى بعد تنسيق السنادى حسيت انى فاقده الامل فى كل حاجه و حاسه انى مش هحصل حتى صيدله
بجد انا اول مره فى عمرى اخاف كده بس انا ان شاء الله هتعب و هعمل كل اللى اقدر عليه عشان ميضعش الحلم اللى باقيلى |
اقتباس:
إن شاء الله حقك حيجيلك طالما مظلومه وتدخلى أسنان إللى نفسك فيها وتبقى دكتوره قد الدنيا بأمر الله بس لا قدر الله ده محصلش ، الدنيا م وقفتش يعنى لسه المشوار مستمر وحنعافر مع الدنيا لغايه لما نحقق نجاح ف أى مجال ندخله بالتوفيق إن شاء الله أتمنى لكى النجاح مستقبليا :):):) |
أنا بقي اخترت صيدله ع انا حاسه نفسي فيها
نفسي اعمل انقلاب في عالم الادويه في مصر لا ف العالم العربي كله اعمل مجموعة صيدليات زي العزبي وعبد اللطيف الطرشوبي بس مش في مصر لا في كل الدول وبدل ما نستورد ادويه نصنعها هنا في مصانع مصريه وبكدا سعرها هيقل وهيبقي للصيدلي مكانته اللي في ناس كتير بتجهلها |
اقتباس:
أهاااااااااااااااا أفكار رائعه وممتازه جدا جدا :):):)ربنا يوفقك وتحققى كل إللى نفسك فيه ي رب |
| جميع الأوقات بتوقيت GMT +2. الساعة الآن 04:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.