انا جبت 98.4 وناوي علي اسنان بدل البشري ، ايه رأيكم ؟
ازيكم يا شباب ويا بنات
انا الحمدلله جبت 98.4 وناوي علي اسنان بدل الطب البشري والصيدلة . . إيه رأيكم ؟؟ |
شوف الي يريحك اسنان حلوة ان مدتها قصيره ومناهج سهله..واعتقد ملهاش اي عيب..وفي النهاية اسمك دكتور اسنان واسنان ماهي إلا قسم من اقسام الطب ولكن اصبحت منفرده لأنها اكثر عمقا من اي تخصص..
اما طب في تخصصات رائعة جدا لكن اصبحت كثيره في مصر..فضلا عن طول مده الدراسه وصعوبة المناهج..وفي النهاية القرار معاك |
أنا شايفه أن أسنان أحسن كليه
أنا بإذن الله أسنان و بعد ما خلص دراسه أخد الزماله وأسافر بره |
شكرا ليكم بس يا دكتورة بالنسبة لأسنان ، كتير بيقولوا لازم ايدك تبقي خفيفة ودي هبة من ربنا ، طيب انا اعرف منين خفيفة ولا لأ ؟ ؟ وحتي لو مش كانت كده ، اكيد هتيجي بالتدريب مش كده ؟؟؟
كمان حوار زي خلع السنة والضرس والحشو والكلام ده ، بيكون سهل وكده ولا الواحد هيكون خايف وهو بيشتغل ؟؟ |
أنا رايحه بعد بكره لواحد قريبنا دكتور اسنان
هقضي معاه يوم في العياده عشان اشوف الشغل هيكون ازاي ؟؟؟ حاول تعمل كدا |
برضو اقصد حضرتك كان عندك خوف ف الاول وراح ، يعني الخوف ده حالة طبيعية ف البداية ؟؟
انا كمان ابن خالتي معيد ف القصر العيني ، وقالي اكتبها رغبة اولي وانا هساعدك ف اي حاجة تحتاجها ، وقالي هاخدك لدكاترة شغالين تتدرب عندهم وكده |
بصراحه الخوف لسه موجود ومش راح
خصوصا أن 3/4 أهلي مش موافقين وعايزين بشري بس أنا لما صليت استخاره ارتحت لأسنان ونفرت طب بشري ف خلاص خلصت أسنان يعني أسنان |
ايه ده ؟؟ هو حضرتك لسه هتدخلي زيي ؟؟ ولا ف اسنان فعلا ؟؟
انا عكسك ، والدتي نفسها ف اسنان من وانا ف اعدادية :d ووالدي مهندس وقال ادخل علمي علوم عشان ربنا يكرمك بأسنان جميلة واخويا صيدلي وقالي اسنان برضو وكتير جدا من قرايبي مخلصين بشري وقالولي اسنان فكل واحد مش ف اسنان بيقولي اسنان |
نفس الحال
أختي صيدله وبتقولي أسنان وكل طلبه بشري من قرايبي قالولي أسنان أما بالنسبه لباقي العيله فهم عايزين بشري |
حضرتك جبتي كام طيب السنادي ؟؟
عندنا ف العيلة في بعض الناس قالولي حرام تجيب مجموع البشري ومتدخلوش |
للأسف أنا جبت 100,4% ودا اللي دافع أهلي علي بشري
لو كنت أعرف أنهم هيعملو كدا مكنتش جبت المجموع دا |
دي مشكلة فعلا ، عندنا ف مصر للاسف فيه مشكلة ف التفكير نفسه ، واوضح مثال علي كده موقف بعض البيت عندك وقرايبك ، ان هما عاوزين بشري وكده عشان مجموعك كبير ، ابن عمتي كان حلم حياته يدخل هندسة ، هو دفعتنا ودماغه جميلة جدا وذكي ما شاء الله ، بس عمتي شخصيتها قوية شوية ، فاجبرته يدخل علمي علوم عشان يدخل طب ، وفعلا جاب 99.2 وهيدخل طب
حتي والدتي لما لقتني جايب مجموع الطب حسيت انها صعبان عليها المجموع ان انا ادخل بيه اسنان ع فكرة بنت عمتي مخلصة اسنان من خمس سنين وشغالة كويس جدا جدا وبمرتب كبير ف السعودية ، وهي انسب للبنت من طب ، علي اساس انك تتخطبي ف رابعة مثلا وتتجوزي اول متخلصي غير الطب مشوارهاممل |
جوز اختي طبيب بشري ، وقالي ابعد عنها
|
بحاول أقنع أهلي بأني أدخل الكليه اللي عايزاها مش اللي مجموعي يجيبها وهم لازم يقتنعوا لأن مقدمهمش حل تاني
و حلو برده إني ابقي دكتوره في خمس سنين بس وشوف حياتي بقي |
خطيب أختي و أخوه وأخته التلاته بشري وقالولي بشري لأ
قالولي بيسرق العمر |
بصي ، دي رسالة ابن خالتي ليا ، بعتهالي ع الفيس من يومين تقريبا ، هو مخلص اسنان هو
وريها للجماعة عندك ف البيت نفكر بطريقة منطقية شوية أولاً كلية الطب : مشكلتها الوحيدة ان دراستها 6 سنين وآخر سنة دي بتبقي سنة ونص بالإضافة لسنة الامتياز يعني 7 سنين ونص دراسة وتاني مشكلة فيها انك لازم تعمل ماجيستير على الأقل عشان تبقى مميز ثانياً الصيدلة مستقبلها مش حلو أوي معظم الناس بيبقى مصيرها حاجة من اتنين يا اما مندوب مبيعات في شركة أدوبة بيلف على الدكاترة يسوق الأدوية يا اما بيفتح صيدلية ويوقف حد فيها بقالة يعني الا بقى الفلتات يعني ممكن حظك يبقى حلو وتشتغل في شركة أدوية نضيفة مثلا وتشارك في تصنيع أدوية بالنسبة لأسنان بقى أقولك مميزاتها وعيوبها مميزاتها انها 5 سنين بس بالاضافة لسنة امتياز ثانياً اسمك دكتور وبريستيج وحركات ثالثاً الحمد لله شغلك مضمون سواء تتعين في الكلية لو أوائل أو تبدأ في مستوصف صغير لحد ما ربنا يكرمك وتفتح عيادة رابعاً المناهج سهلة -نسبياً- بالنسبة لبشري وصيدلة انا بقول نسبياً ... عشان المناج برضه رخمة في أسنان بس مش زي بشري يعني مثلاً احنا عندنا مواد من طب بشري بندرسها في اسنان بس بندرس بطريقة مختصرة جدا ، بندرس اللي يفيدنا في حياتنا وفي تخصصنا ده خامس ميزة (وأهم ميزة ) ان انا في اسنان وهقدر اساعدك بإذن الله سواء في المذاكرة أو في الشغل العملي بس لازم تيجي عندنا القصر العيني العيوب بقى 1- أسنان بصفة عامة مكلفة جداً جداً جداً فوق ما تتخيل خصوصاً آخر سنتين يعني ممكن تدفعلك في السنة آلافات عشان الأدوات 2- فيه ناس شايفة ان 5 سنين دراسة وسنة امتياز كتير بالنسبة لصيدلة 3- أسنان القصر العيني بقى بصفة خاصة عيبها إنها حكومية ومش كل حاجة الجامعة بتوفرهالك وكراسي الدكاترة بتاعة الشغل قديمة ومتهالكة (بس اليومين دول بدأوا يجددوا العيادات) لو انت استقريت في الآخر على طب أسنان .. يا ريت تبقى القصر العيني .. لأنك مش هتلاقي دكاترة بالكفاءة دي في أي حتة ... بالإضافة إن عدد المرضي اللي بيييجوا عندنا كل يوم عدد مهوووول الجامعات التانية كلها بتحسدنا عليه وهتشوف كل الحالات المختلفة وتقدر تتعلم صح بإذن الله آخر حاجة هقولهالك .... صلي صلاة استخارة كذا مرة واستخير ربنا وبعد كده قرر ... وأول ما نتقابل إن شاء الله في مصر أو في فاقوس هشرحلك نظام الدراسة في أسنان بالكامل وكل التفاصيل اللي انت عايز تعرفها ربنا يهديك للي فيه الخبر إن شاء الله الخير* |
فعلا
جوز اختي 27 سنة ، ولسه بياخد النيابة بتاعته من مصر ، ادامه 3 سنين لسه |
بس المشكلة بس انا عاوز حد ف اسنان بقاله كذا سنة دلوقتي ، يقولي هل الخوف حالة طبيعية ف البداية ولا إيه بالظبط
|
هبعتها علي الفيس لكل أهلي المعارضين
وبالفعل كل الدكاتره بيقولولي لازم القصر العيني لكن تبقي مشكله التحويل ربنا يسهل وأقدر أحول من أول السنه لأن التوزيع الجغرافي يوديني طنطا |
انا التوزيع الجغرافي يوديني اسماعيلية ، انا من الشرقية اصلا
انا هكتب القاهرة رغبة اولي لكن غالبا هروح اسماعيلية ، فقلت لبابا عاوز احول تاني سنة ، قال ملهاش لازمة التحويل ، اسماعيلية جنبنا هنا ، هي ساعة مواصلات وعمك ف اسماعيلية ممكن يساعدك لو احتاجت حاجة ، والكلام المعروف ده |
أنا غالبا هعمل تحويل لأن أنا من مدينه السادات ومواصلات القاهره أسهل ألف مره من طنطا
بس يا رب يقبلوه وكمان أنا في أربعه من قرايبي دكاتره في القصر يعني يقدروا يساعدوني في اي حاجه |
بيس كده
ان شاء الله خير ، بس انتي كده خلاص مستقرة علي اسنان يعني ؟؟ |
ايوه , أنا خلاص مش هسمع كلام من أي حد من قرايبي ومش هسمح لحد انه يفتح الموضوع دا تاني معايا
خلاص خلصت أسنان يعني أسنان وربنا المستعان |
ده المظبوط كده ، لان محدش هينفعك بعد كده لو دخلتي طب وندمتي بعدها
هما خمس سنين ونتخصص مباشرة من غير اي دراسات تانية |
أحلي حاجه انها خمس سنين بس أنا ناويه أخد زماله وأسافر بعد مخلص لأي حد من قرايبنا بره
انا عارفه ان السفر صعب خصوصا للبنات بس ربنا يسهل |
عبارة عن ايه الزمالة ؟؟
لا مش صعبة ولا حاجة ، لما تتجوزي هيبقي سهل جدا ، ان شاء الله ربنايكرمك بطبيب بشري او اسنان زيك ، وتشتغلوا سوا برة وتنجحوا سوا بإذن الله ف حياتكم :) |
معنديش عنها معلومات كتير بس في واحد في رابعه أسنان قالي أنها اللي تخليني أسافر
يعني أكيد هي تحضير لدراسات ما وقالي انها مكلفه |
تمام كده
ربنا يوفقك يارب :) |
بس هل اسنان لما بتخلص بنفتح عياده علي طول ولا في دراسات لازم نعملها ولا ايه ؟
|
اقتباس:
|
اسنان اسهل بس هي تخصص واحد رئيسى وانتهينا (عارف جواها تخصصات بس كلها حجات فرعية وفى مصر كله شغال كله)
طب بشرى عشرات التخصصات تختار اللى انت حابه وملهاش اى عيوب وحتى طول سنينها ده مش عيب .. لو انت شايف انك حتسد فى طب بشرى خشها لو لأ يبقى شوف اسنان بصراحة رأيي الاتنين حلوين .. بس رأيي الشخصى الطب البشرى أحلى وأفضل وله رونق خاص به |
اقتباس:
|
اقتباس:
دي آراء ، كل واحد وله رأيه ، انا ليا قرايبي كيير مخلصين طب بشري ، ومحضرين ماجستير ودكتوراة ، وحاليا داخلين ع الاربعين ومرتباتهم برة مصر كبيرة جدا ما شاء الله ورغم ذلك نصحوني بأسنان ، الطب عقبال لما يكون ليك اسم هتكون زهرة شباب راحت :d |
اقتباس:
ربنا يسترها معانا |
اقتباس:
حتقدر تحول واحد من حالة انه على سرير مش قادر يتحرك لشخص طبيعي عادى سليم لكن فى اسنان ... حتخفف الم برضه لكن مش زي حجات الطب ;) يعني لو واحد عنده كبد بايظة وضرس بايظ اعتقد حيعالج الكبد :d وبخصوص تعمل اسم الكلام ده اهى ارزاق بيد الله بقى ..:d |
انا محتاااااااااااااااره جدا ومش عارفه اعمل ايه مش عارفه ادخل طب ولا اسنان ولا صيدله
|
اقتباس:
نفكر بطريقة منطقية شوية أولاً كلية الطب : مشكلتها الوحيدة ان دراستها 6 سنين وآخر سنة دي بتبقي سنة ونص بالإضافة لسنة الامتياز يعني 7 سنين ونص دراسة وتاني مشكلة فيها انك لازم تعمل ماجيستير على الأقل عشان تبقى مميز ثانياً الصيدلة مستقبلها مش حلو أوي معظم الناس بيبقى مصيرها حاجة من اتنين يا اما مندوب مبيعات في شركة أدوبة بيلف على الدكاترة يسوق الأدوية يا اما بيفتح صيدلية ويوقف حد فيها بقالة يعني الا بقى الفلتات يعني ممكن حظك يبقى حلو وتشتغل في شركة أدوية نضيفة مثلا وتشارك في تصنيع أدوية بالنسبة لأسنان بقى أقولك مميزاتها وعيوبها مميزاتها انها 5 سنين بس بالاضافة لسنة امتياز ثانياً اسمك دكتور وبريستيج وحركات ثالثاً الحمد لله شغلك مضمون سواء تتعين في الكلية لو أوائل أو تبدأ في مستوصف صغير لحد ما ربنا يكرمك وتفتح عيادة رابعاً المناهج سهلة -نسبياً- بالنسبة لبشري وصيدلة انا بقول نسبياً ... عشان المناج برضه رخمة في أسنان بس مش زي بشري يعني مثلاً احنا عندنا مواد من طب بشري بندرسها في اسنان بس بندرس بطريقة مختصرة جدا ، بندرس اللي يفيدنا في حياتنا وفي تخصصنا ده خامس ميزة (وأهم ميزة ) ان انا في اسنان وهقدر اساعدك بإذن الله سواء في المذاكرة أو في الشغل العملي بس لازم تيجي عندنا القصر العيني العيوب بقى 1- أسنان بصفة عامة مكلفة جداً جداً جداً فوق ما تتخيل خصوصاً آخر سنتين يعني ممكن تدفعلك في السنة آلافات عشان الأدوات 2- فيه ناس شايفة ان 5 سنين دراسة وسنة امتياز كتير بالنسبة لصيدلة 3- أسنان القصر العيني بقى بصفة خاصة عيبها إنها حكومية ومش كل حاجة الجامعة بتوفرهالك وكراسي الدكاترة بتاعة الشغل قديمة ومتهالكة (بس اليومين دول بدأوا يجددوا العيادات) لو انت استقريت في الآخر على طب أسنان .. يا ريت تبقى القصر العيني .. لأنك مش هتلاقي دكاترة بالكفاءة دي في أي حتة ... بالإضافة إن عدد المرضي اللي بيييجوا عندنا كل يوم عدد مهوووول الجامعات التانية كلها بتحسدنا عليه وهتشوف كل الحالات المختلفة وتقدر تتعلم صح بإذن الله آخر حاجة هقولهالك .... صلي صلاة استخارة كذا مرة واستخير ربنا وبعد كده قرر ... وأول ما نتقابل إن شاء الله في مصر أو في فاقوس هشرحلك نظام الدراسة في أسنان بالكامل وكل التفاصيل اللي انت عايز تعرفها ربنا يهديك للي فيه الخبر إن شاء الله الخير* |
اقتباس:
سيبك بقي من الشعارات والكلام الكبير ده :d بص يا معلم ، كل مهنة وليها ظروفها او ليها اهميتها ،وكل واجد فينا ربنا بيحطه ف مكان معين عشان يؤدي دور معين ، بغض النظر عن اهمية الدور ده - من وجهة نظرنا كبشر - . كمان انك تخفف اي الم مهما كان بسيط عن مريض ، ده ليه ثواب كبير ، واهم حاجة تتقي ربنا ف شغلك وفي مرضاك اللي وثقوا فيك واختاروك من بين كل الدكاترة ، وهنا هتلاقي البركة من ربنا |
اقتباس:
وبإذن الله هنحتفل كلنا هنا يوم ظهور التنسيق ويوم اخطارنا بالقبول ف اسنان :) |
اقتباس:
بعد ما كنت بحاول اقنع الناس اللى ف البيت بانى هجيب بشرى بس انا اللى رفضاه دلوقتى بقولهم ادعوا الحق اسنان وان شاء الله خير بس كل المؤشرات بتقول اسنان احسن وبالنسبة لموضوع القصر العينى ده حلو اوى اشوف كل الحالات المرضية بس معلش دلوقتى بقى انا اقربلى المنصورة او طنطا (هو يقصد القصر العينى اللى ف كايرو بس ولا اى مستشفى عام وخلاص) وربنا يوفقنا كلنا يارب |
اقتباس:
ماهو ممكن فى طب اسنان تفتح عيادة وما تبدأش اسمك يتشهر غير بعد سنتين تلاتة وممكن فى طب بشرى اسمك يتعرف بعدها بكام شهر وممكن العكس وممكن اى شئ والله ادري واعلم بالأرزاق :) ومش حكاية شعارات ولا حاجة .. بس فى الطب البشرى You're making a difference in people's life :022yb4: هى ميزة اسنان انها اقصر واسهل واسرع عموما ربنا يوفقك فى اى حاجة تختارها بس برضه مجالات الطب البشرى تختلف عن اى حاجة تانية :p:p:p |
اقتباس:
المهم تكون حابب المهنة عشان تقدر تأدي فيها كويس يا برنس :d انت ف سنة كام صحيح ؟؟ :d |
اقتباس:
عارفة ، احنا فينا ميزة ، مجموعنا غالبا هيلحق كذا كلية من كليات الطب ورغم كده مش هنكتبها رغبة اوي عشان نفسنا ف كلية معينة ، غير بعض الجهلة اللي يقولك هدخل طب عشان انا جايب مجموعها ويبقي اسمي دكتور !! فإن شاء الله انا كلي ثقة بالله انه لن يضيعنا ابداً بإذن الله بالنسبة للقصر العيني ، فالمقصود بيها جامعة القاهرة بس بالمناسبة يا دكتورة ، سنتي التالتة من تحت بتوجعني اخدلها ايه ؟ :D |
وانا كمان معاكم98.5 ويارب الحق اسنان انا كل اما اشوف المواضيع وبتتكلموا ع التنسيق بتجنن
بس عايزه اعرف حاجه اعداد المقبولين ف طب حسب مابتقولوا 7000 طيب واسناااااااان كام؟؟؟ زيها بردو ولا ايه ؟؟ |
اسنان سمعت انها 1500 او 2000 طالب
عدد الطلبة من 98 % : 100 % 8000 وشوية ومش كل الطلبة دي هتدخل طب واسنان لان كتير منهم بيدخل صيدلة زي كتير من البنات ، فالتنسيق هيكون معقول |
اقتباس:
عدد الطلاب من 98 ل 100 مش 8000 دول اكتر تقريبا 14 الف او اكتر معقول ايه بس انا والله فقدت الامل كدا :mad::mad::mad::mad::mad::mad: كليات طب اسنان بتاخد عدد قليل كدا ليه ؟!!! |
اقتباس:
يارب انا كتبت النهاردة الرغبات وكتبتها رغبة اولى بس طبعا الموقع مكملهاش وقفل ان شاء الله هرجع اكتبه تانى ويارب كلنا نلحفها وبالنسبة للسنة اللى تحت حضرتك ممكن تاخد antibiotic يا دكتور ههههههههههههههههه ع فكرة حلوة منك حبيت فكرة انك تبقى دكتور بجد ياااااااااااااااارب بقى انت العالم ان شاء الله خير |
اقتباس:
الارقام دي بالنسبة لعلمي علوم بس تقريبا لان عدد كلياتها اقل ودي ميزتها ، بنت عمتي مخلصة اسنان من 5 سنين تقريبا ، دفعتها كانت 35 واحد بس !! |
اقتباس:
بالنسبة للرغبات ، ففيه واحد صديق والدي هو اللي هيكتبهالي بإذن الله لا حضرتك خايبة يا دكتورة :D انا خدت الـ antibiotic ولسه بتوجعني برضو ههههههههههههه فصدك بالنسبة للهزار بتاع سنتي بتوجعني حسستك بحلاوة انك تكوني دكتورة ؟؟ ؟؟ متنخافيش بجد ، هنلحق اسنان واحنا مستريحين |
جميع الأوقات بتوقيت GMT +2. الساعة الآن 12:58 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.