|
كليه الهندسه الالكترونيه بمنوف
أي استفسار بخصوص كليه الهندسه الالكترونيه بمنوف إن شاء الله اقدر افيدكم.
م/ ايمن . فرقه تالته قسم حاسبات بإذن الله |
اقتباس:
|
ممكن تقفل علي مجموعك بالظبط يا احمد او تزيد .1
ما اعتقدتش انها هتقفل علي 94 % |
انا عايز منك خدمة بجد هل تقدر تفيدنى بما انك فى هندسة حاسبات
عايز اعمل برنامج ينطق ايقونات سطح المكتب بمجردمااقف عليها ياريت تفيدنى |
ممكن اعرف انتوا بتدرسوا ايه بالزبط + ايه الفرق بينها وبين هندسة حاسبات وبين هندسة اتصالات
+ معلش .. ايه هو مجال شغلها ... يعنى ممكن تشتغل ايه وفين وشكرا |
انا عايز اعرف هطلع منها ايه ونظام الشغل والوظائف وكدة وبدرس ايه
|
اوكي . بتمني من الله افادتكم. انا مش هامدح في هندسه منوف عشان أنا فيها. انا هاتكلم عنها بمقارنتها بباقي الكليه ونظام دراستها.كليه الهندسه الالكترونيه بمنوف تعتبر الكليه الوحيده المهتمه بالالكترونيات بتعمق علي مستوي الجمهوريه والشرق الاوسط. تنقسم الي ثلاثه اقسام قسم هندسه وعلوم الحاسب وقسم هندسه التحكم والالكترونيات الصناعيه وهندسه الاتصالات. الدراسه في اول ثلاثه سنين تكون دراسه عامه يتم دراسه كل ما هو متعلق بالالكترونيات والكهربيه وكل اساسيات الاقسام بحيث تكون قادر علي دراسه هذه الاقسام. يتم التخصص في السنه الرابعه من الدراسه في ايا من الاقسام . نيجي في الفرق بينها وبين الاقسام في الكليات الاخري. بالنسبه لقسم الاتصالات. % من مهندسين الجمهوريه خريجين هندسه منوف . ولما تروح شركات الاتصالات والمصريه للاتصالات هتعرفوا ده بنفسكم. قسم اتصالات يتم الدراسه فيه بتعمق بحيث تكون قادر علي استيعاب كل ماهو جديد مبنيا علي اساس علمي. ولنا تتخرجوا وتشتغلوا هتلاقي نص شغلك خته في الكليه
|
لو مجموعي جابها
هل يجوز التحوويل منها سواء عن طريق تقليل الاغتراب او اما قضاء سنة ثم التحويل الي كلية بالقاهرة او عين شمس حلوان مطرية ارجو الرد |
ولا يوجد اختلاف بينه وبين اتصالات القاهره. بالنسبه لقسم حاسبات. القسم ده يعتبر من احسن اقسام الكليه نظرا لدراسته العمليه في جميع اقسام الحاسبات . كل دراسته عمليه . ينقسم الي سوفت وير وهارد وير. يتم دراسه الجزئين واختار اللي عايزه.،وده قسم العباقره لانه مش معتمد علي الحفظ. بالنسبه لقسم تحكم . قسم تحكم يعتبر جزء من قسم كهرباء . وبتوع كهربه بيدرسوا كله علي بعضه. عندنا بندرس قسم تحكم بس زي القاهره وحلوان وممكن تتخصص داخل قسم تحكم . تخصصات زي هندسه طبيه وحاجاات تانيه
|
بالنسبه لللشغل. التلانه اقسام بيشتغلوا اول ما يتخرجوا لأن السوق محتاجهم. بتمني اني اكون افيدكم
|
بالنسبه لاستاذ مصطفي. فيه برنامج موجود ناطق للكل حاجه موجود في الكمبيوتر. ان شاء الرحمن هاجيبهولك وهارفعهولك
|
بالنسبه للتحويل منها. اولا ممكن تحول منها عشان الاغنراب لو محافظتك بعيد وده بعد نتيجه المرحله الاولي من التنسيق ما تظهر. وممكن تحول بعد السنه منها .لجميع المحافظات. فيه بعض اللكليات بترفض التحويل وده بيختلف من سنه لسنه حسب نسبه الطلبه المحوله, وغالبا بيقبل. وانتي لو جربت سنه . ان شاء الله مش هتتحول
|
أحذروا يا شباب كلية الهندسة الالكترونية هى كلية مالهاش اى 30 لازمة انا خريج 2001 قسم التحكم الالى ايـــــــــــــــــــــــــاك تدخلها الا مضطر -واذا دخلتها حول علطوووووووووووووووول فى جزء من الثانية - هذه الكلية وباء على خرجيها اسم على الفاضى زى كده الكلية المسماة حاسبات ومعلومات .ادخل هندسة كهرباء باور او قسم مدنى اوميكانيكا باور او كهرباء شبكات نقل فقط باقى الاقسام هتش فى الفاضى . أقسم بالله العظيم انى عانيت من هذه الكلية معاناة وكلنا كده خريجى هذه الكلية ولا تصدق اى حد يشجعك تدخلها "والا ما كانتش بتاخد من اقل مجموع "
|
يا باشمهندس علاء .حضرتك بس اللي بتقول كده. عشان حضرتك ما اشتغلتش بتكره الناس فيها. انا فهمتك انت عايز تشتغل لما تتخرج علطول،. فنصحت الطلبه بانه يحولوا كليه تانيه. لو حضرتك عندك اي تعليق علي الكلام اللي قولته انا عن الكليه او كلامي غلط. اثبتلهم كده. حضرتك سايب الكليه بقالك سنه .الدراسه علي وقت حضرتك ما تقارنهاش بدلوقتي. انا كل اللي اعرفه اي انسان بيتخرج بيشتغل
|
وشوف حضرتك السوق عايز ايه دلوقتي.
|
يا باشمهندس علاء .حضرتك بس اللي بتقول كده. عشان حضرتك ما اشتغلتش بتكره الناس فيها. انا فهمتك انت عايز تشتغل لما تتخرج علطول،. فنصحت الطلبه بانه يحولوا كليه تانيه. لو حضرتك عندك اي تعليق علي الكلام اللي قولته انا عن الكليه او كلامي غلط. اثبتلهم كده. حضرتك سايب الكليه بقالك سنه .الدراسه علي وقت حضرتك ما تقارنهاش بدلوقتي. انا كل اللي اعرفه اي انسان بيتخرج بيشتغل
|
يثبت للأهمية
|
مرة تانية هندسة الأكترونية منوف
هذه نصيحة " اخ أمين " وليست نصيحة من واحد ما اشتغلش زى ما قال الاخ ايمن سوق العمل للهندسة الالكترونية الان غير زمان -زمان فى دفعتى كانت هندسة الكترونية بتساوى مع بترول فى التنسيق " يعنى طلبة كانوا جايبين مجاميع 98و97 وكانوا بيقدموا فى هنسة منوف بعد التخرج سوق العمل غير تماما شوف البهدلة اللى بيشوفها بتوع منوف سواء كان تحكم او اتصالات وموش هتكلم على حاسبات علشان دى قصة حزينة اخرى خليك دايما فى السليم كهرباء باور مدنى ميكانيكا غير كده ريح بالك واكتفى بالثانوية العامة وأبدأ شغل علطول وعلى راى المثل يا مهندس مجتهد أسأل مجرب وعلى فكرة انا استطعت بتوفيق الله وبعدى عن مجال الهندسة الالكترونية نهائيا وشغلى كمهندس باور انى التحق باكبر الشركات فى مصر وفى السعودية والحمد لله . وعمرى ما بجيب سيرة انى مهندس الكترونيات او خريج هندسة الكترونية واغلب زملائى اللى لسه متواصل معاهم وعددهم موش قليل نفس الكلام . ريح نفسك يا اخ يا طلب الثانوية وخليك فى السليم وربنا يوفقنا جميعا مع حبى واحترامى لاخى الفاضل ايمن
|
هل يمكن التحويل منها الى هندسة اسكندرية ؟ سواء على الفور او بعد سنة ؟
|
انا كنت عايز اعرف هي هندسة الكترونيات منوف بتعتبر تبع كليات هندسة و لا لأ .... يعني لو انا دخلت فيها اول سنة ممكن احول لهندسة عين شمس او القاهرة مثلا ..... و لا هي كلية مستقلة بذاتها زي كلية تخطيط عمراني كده ؟؟
|
بالنسبه لهندسه منوف ممكن تحول عادي لأي كليه وليست كليه زي تخطيط عمراني فيه فرق اكيد بينهم دي هندسه الكترونيه والتخطيط العمراني شبه معهد . كل سنه التحويل بتختلف حسب قرار الجامعات اللي بتروحلها .يعني علي سنتي بعد اعداي عادي قبلوا كل المحولين لهندسه الاسكندريه وفي نفس الوقت القاهره كانت رافضه تحويل ليها من اي جامعه. عين شمس كانت قابله التحويل.
|
رد علي الأخ العزيز الباشمهندس علاء. خيلنا نتكلم بصفه عامه
بالنسبه للمهندسين ما فيش حد بيقعد او حد يقولك مافيش شغل. طور من نفسك عشان تتأقلم مع سوق العمل ودي اهميه الدورات الداخليه في الكليه وخارجها . كليه هندسه منوف الاقسام اللي فيها اقسام تعتبر من الاقسام اللي مش محتاجه تخبط وتكسر وتجيب فلوس. بالعكس اقسام عاليه جدا وتحتاج الي حب القسم والتفكير في انك انت عايز تتطلع ايه . فكر اولا وقرر اخبرا . لو انت حضرتك متابع اخبار كليتنا واقسام كنت حضرتك قولت كلام غير ده. مسابقه الروبكون علي مستوي الجمهوريه كل سنه حضرتك بناخدها وغير مشاريع التخرج كل ده تبع قسم تحكم . غير الاقسام التانيه . يا جماعه والله الكلام اللي بقول عليه مش كدب. بالنسبه لمهندسين اتصالات وحاسبات وتحكم 75% من مهندسي الجمهوريه خريجين من كليتنا غير الشغل الخاص. الاستاذ علاء بيتكلم علي الاقسام زي كهربه ومدني ومعماري وباور اللي بجيب فلوس كتير وشغل روتيني مش محتاج تفكير .وبالنسبه للتسيق اللي بتقول عليه انا تنسيقها قل دي بناءا علي موقع الكليه فقط لا غير. واسف حضرتك علي الاطاله |
رد علي mody20204
عادي ينفع تحول لهندسه الكليه لتقليل الاغتراب حسب ما التنسيق ما يشوف او بعد سنه من حضورك في الكليه |
رد علي كريم12
ان شاء الله تلحق هندسه منوف يا هندسه. |
بعد اذن حضراتكم. فيه حد هنا كاتب هندسه منوف رغبه اولي
|
طب انتا بتقولى ينفع احول ..
بس انا افرض مجموعى مجابش هندسة برضه هينفع ادخل هندسة الكترونيات واحول هندسة اسكندرية؟ |
ولما احول من اعدادى لازم تقدير معين ؟ ولما احول هحول لاقسام معينة ؟ وايه هى ؟
|
الجزء الاول من سؤالك. مجموعك طالما مش جايب هندسه فينفعش تدخل هندسه سواء منوف او غيرها. الجزء التاني من سؤالك بالنسبه للتحويل ممكن تحول عادي بشرط تكون ناجح حتي لو معاك ماده. بس فيه مشكله لما تحول مش هيدخل غير القسم اللي يجيب مجموعك وفيه بعض كليات الهندسه زي المنصوره بيفرضوا عليك قسمين بس حتي لو تقديرك عالي .
|
لا ماهو تنسيق هندسة غير هندسة منوف ..
السنة اللى فاتت هندسة 386.5 هندسة الكترونيات 385 ومعلش سؤال اخير .. هى تبع نقابة المهندسين صح؟ |
يا جماعه . هندسه منوف زي اي هندسه في الجمهوريه .وتبع نقايه المهندسين.
|
السؤال
انا من اسماعيلية ممكن لما تجيلي منوف احول لهندسة الاسماعيلية ؟ |
السلام عليكم
هل يمكن التحويل من هندسة الكترونية بعد اول سنة الي هندسة عادية (اسكندرية مثلا)؟ و الدراسة فيها 4 سنين ولا 5 سنين ؟ خريج هندسة الكترونية بيخش النقابة ؟ ارجوكم المساعدة من فضلكم ف اقرب وقت عشان التنسيق |
اقتباس:
وعليكم السلام ورحمة الله وبركاته إقرأ حضرتك الموضوع من أوله فيه رد لكل أسلتك ربنا يوفقك |
يا جماعه ياريت تقرأوا كومنتاتي كلها هتلاقوا فيها رد علي كل اسئلتكم. بالنسبه لهندسه منوف هي كليه هندسه زي اي كليه هندسه الدراسه فيها سنين عادي. وعادي اي حد عايز يحول بعد اول سنه بيحول عادي . مش عارف ليه انتوا فاكرين هندسه منوف مش هندسه ليه.
|
اقتباس:
شكرا ليك انا اتوكلت على الله و حتطها قبل حاسبات و ان شاء الله ياارب الحق هندسة اسكندرية بدل وجع الدماغ و الغربة :rolleyes: جزاك الله خير يابشمهندس |
السلام عليكم ورحمه الله وبركاته
هندسه منوف فيها قسم اتصالات مش كدا ؟ وكمان دلوقتى لو انا جالى هندسه منوف ينفع احول لاى هندسه تانيه ( اقسام مختلفه يعنى مثلاً مدنى معمارى ) ؟ والمدينه الجامعيه فيها ايه نظامها ؟ وهل سوق العمل بيفضل خريجين هندسه منوف عن ولا لأ ؟ وشكرا |
يا خبررررررررررررررررر
طب أنا أعمل إيه دلوقتى .. أنا كتبتها بعد حاسبات المنصورة طب مثلا إفرض لو جالى حاسبات المنصورة وكان مجموعى أكبر من هندسة منوف دى .... ينفع أحول .. من حاسبات ولا لا ؟؟؟؟ ياريت الرد ضرورى أنا كتبت الرغبات ..هندسة ثم تخطيط ثم طاقة أسوان ثم حاسبات المنصورة ثم هندسة إلكترونية منوف أرجوا الرد |
طيب انا جايب 93.5 فرصتى ايه بالنسبه ل منوف .
وهل فى مدينة جامعية ولا لأ . والإغتراب ينفع من أول سنة ولا لازم اقضى فيها سنة ..؟ |
انا
جايبه 97.2 وكاتبه اول رغبه هندسه منوف لان الصراحه ناس كتير شكرولى فيها |
انا جتلي هندسة الكترونيات منوف .... بس بصراحة مش عارف اذا كنت افرح و لا ازعل و لا أعمل ايه لأن انا بصراحة خايف اني اكون ادبست فيها ..... يا ريت بقى دلوقتي تقول لي على كل حاجة فيها بالتفصيل اقسمها و كدة .... و يا تارى تعرف ناس اتخرجوا منها اشتغلوا و لا لأ ..... و يا تارى هي أفضل و لا حاسبات و معلومات .... لأن أنا بصراحة مبقتش عارف اي حاجة !!!:(
|
اولا. الفين مبروك ليكم. كل حاجه ربنا كاتبها. طيب انا اتكلم كتير عن الكليه وربنا في الموضوع ده . ممكن تراجع كومنتاتي هتلاقي شارح كل حاجه. ممكن حضرتك تراجع الكومنتات وتشوف استقريت علي ايه
. وان شاء الله هتلاقيني كل حاجه قايلها, |
شكراً ليك باشمهندس أيمن على موضوعك الرائع ..
أنا كان نفسي أدخل هندسة ( قاهرة - عين شمس - حلوان - شبرا ) . لكن ربنا رزقني بمنوف لأن مجموعي ما يجيبش اللي فوق أنا عايز أعرف هوا المدينة الجامعية بتقبل من أول سنة على طول ؟ وإيه هي شروطها ؟ |
لا شكر علي واجب يا هندسه . الف مبروك ليك. بالنسبه للمدينه الجامعيه . اي حد بيسكن فيها مهما يكون محافظته حتي لو كان من المنوفيه. المدينه الجامعيه عباره عن تلات مراحل او مرحلتين للسكن. المرحله الاولي تكون الاولويه للمحافظات الابعد . المرحله التانيه . حضرتك بتسحب الدوسيه بتاع المدينه الجامعيه لما يعلتوا سحب الدوسيهات وتملاه وبعد كده هو بيصنفك علي المراحل الموجوده ممكن تكون اولي او تانيه وغالبا كلهم بيسكنوا. المرحله الاولي بتسكن الاول وبعدها باسبوعين المرحله التانيه
|
الله يبارك فيك ، وألف ألف شكر مرة تانية
|
لا شكر علي واجب يا هندسه. ربنا يوفقكم وما تحرموناش من دعائكم . :)
|
لو سمحتوا انا جاتلى هندسه الطاقه باسوان
هل هى احسن ولا الكترونيه منوف؟ هى ليها شغل ولا لا؟ وايه نظام الدراسه فيها؟ وايه نظام الساعات المعتمده ده؟ ياريت تفيدونى بسرعه للاهميه |
بجد موضوع جامد جداً و أجاب عن كل تساؤلاتي
و لكن يبقى السؤال : نروح امتى المدينة الجامعية؟ وعلى فكرة انا من شربين - المنصورة - دقهلية |
ان شاء الله. لما التقديم يفتح في الكليه وفي المدينه الجامعيه هاقولك علي المواعيد والاوراق المطلوبه منكم للتقديم واي جديد هاوافيكط بيه. دي صفحتي علي الفيس بوك يا جماعه. اللي عايز يستفسر عن اي حاجه في الكليه يبعت رساله وان شاء الله هارد علي جميع استفسارتكم .
www.facebook.com/ayman.emad |
ان شاء الله هاجيبلكم رقم شئون الطلاب برده الاسبوع الجاي عشان تتأكده برده.
|
انا عايز اعمل التماس علي نص درجة بس
انا جبت 386 ينف ع اعمل التماس واخش الكترونية دي من 386.5 يعن نص درجة بس ينفع التحق بيها ولا لا رجاااء الرد لان ميولي ليست تخطيط ولكن ان فرضت علي هاتحمل بقي وخلااااص اعشق الميكانيكا والاكلكترونيات والفيزياء رجاء رد |
| جميع الأوقات بتوقيت GMT +2. الساعة الآن 02:12 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.