|
هنـــــــــــا الفيـــــــــــزياء
http://up13.up-images.com/up/viewimages/d4c3b4c522.gif هنبدا معاكوا يا شباب فكرة حلوة اوى هنكلمكوا عن المواد اللى هتدرسوها فى الثانوية العامة سنة تانية و سنة تالتة ودا على حسب استفتاء لترتيب المواد انا هبدا معاكوا فى الفيزياء ومعايا ناس كتير اوى قررت تساعدكوا انهاردة بس انا هبدا بحاجة بسيطة اوى هى مقدمة عن منهج الفيزياء والفصول والابواب اللى هتدرسوها بســم الله الرحــمن الرحيــــم اولا مادة الفيزياء سهلة مفهاش حاجة هى محتاجة تركيز و فهم و تخيل ودا يسهل الموضوع هندرس فى الفيزياء 5 وحدات او 15 فصـــــــل فى منهج الفيزياء متقسمين كالاتى:- الوحدة الاولى : الموجات -الفصل الاول : الحركة الموجية -الفصل التانى : الصوت -الفصل الثالث : الضوء الوحدة التانية : خواص الموائع -الفصل الرابع : خواص الموائع الساكنة -الفصل الخامس : خواص الموائع المتحركة الوحدة الثالثة : الحرارة -الفصل السادس : قوانين الغازات -الفصل السابع : نظرية الحركة للغازات -الفصل الثامن : فيزياء درجات الحرارة المنخفضة الوحدة الرابعة : الكهربية التيارية و الكهربية المغناطيسية -الفصل التاسع : التيار الكهربى و قانون اوم -الفصل العاشر : التاثير المغاطيسى للتيار الكهربى واجهزة القياس الكهربى الفصل الحادى عشر : الحث الكهرو مغناطيسى الوحدة الخامسة: مقدمة فى الفيزياء الحديثة الفصل الثانى عشر : ازدواجية الموجة و الجسم الفصل الثالث عشر : الاطياف الذرية الفصل الرابع عشر : الليزر انا للاsسف مش هقدر اكمل معاكوا للفصل ال 15 لانه كان من الفصول المحذوفة من علينا فا اعذرونى عشان مفتيش انا مش هعرف افيدكم فيه الفصل الخامس عشر: الالكترونيات الحديثة دى كده مقدمة سريعة على منهج الفيزياء فى شوية اساسيات لازم تكونوا عارفينها هتسهل عليكوا المنهج اوى يلا نبدا مع بعض............. http://up13.up-images.com/up/viewimages/6955bd92fe.png الجدول دا مهم اوى مجرد انكوا تحفظوه او تبصوا عليه مرة مش هتحتاجوا ترجعوا له تانى خالص نكمـــــــــل... http://up13.up-images.com/up/viewimages/9dfe2ebe4e.png الجدول دا مهـــــــــــــم جدا جدا جدا الدكاترة عندنا فى الكلية ربنا ينتقم منهم لعبوا بينا فيه جدا يعنى مثلا انت تحل لاسؤال والناتج تماما معاك انت مثلا مطلعه بالسم .. تلاقى الاختيارات فيها حاجة تانية ولا زم تحول زودوا الانجستروم (A) يساوى 10 اس 10 نبدا بكام مثال.... عشان نفهم الجدول الاول معلومة على الماشى عشان تحول من صغير لكبير .......بتقــســــــــــــــم عشان تحول من كبير لصغير..... بيتضـــــــــــــــــــــرب كم = 1000 متر م = 100 سم سم = 10 ملم مثال : 15 كم ====> 15 × 1000 = 15000 متر طيب مثال : 150 متر ====> ( 150 ÷ 1000 ) = 0.15 كم مثال : 220 سم ====> ( 220 ÷ 100 ) = 2.2 متر مثال : 560 سم ====> ( 560 ÷ 10 ) = 56 دسم مثال : 20 ملم =====> ( 20 ÷ 10 ) = 2 سم مثال : 240 ملم ====> ( 240 ÷ 1000 ) = 0.24 م ملحوظة انتوا مش هتعملوا زى كده لما مثلا بتقسم على 1000 هتتعلموا على الالات انكوا تضربوا فى 10-¹ او لما تقسموا على 100 هتضربوا الرقم فى 10-² و لما تقسموا على 1000.000 هتضربوا الرقم فى 10 اس سالب 6 (-6) لو مثلا بتحول من سم مربع لمتر مربع هنا هتضرب فى 10 اس 4- هتقولى ازاى؟؟ تعالى افهمك انت بتكتب سم اس 2 صح ؟؟ اللى هى سم مربع طب تعالى نشوف كده المنظر 10 سم مربع = ²10 (²10)²- لو القوس كله مرفوع ل 10 اس سالب 2 يبقى الناتج هو 10 اس سالب 4 و زيها فى حالة المكعب بس بنرفع لاس 3 فى حاجات تانية كتير و تحويلات كتير ب دا تمهيد على الخفيف المهم....مفهومة؟؟؟ يا رب تكون اتفهمت نكمـــــــــــــــل http://up13.up-images.com/up/viewimages/441c8271f6.png الجدول دا مهم عشان هتحتاجوه فى الباب التانى و خصوصا المسائل بتاعة ارشميدس هتعرفوا هو مين بعدين http://up13.up-images.com/up/viewimages/c7cee93eb0.png دى للتوضيح فكرة الكسور و الاسس السالبة ازاى بتتعمل ودا كلام اعدادى اعتقد سهل لو فى حاجة ...اسالونى :) http://up13.up-images.com/up/viewimages/97684eef96.png تعالوا نفهم براحة و بشويش سؤال الرسم البيانى من الاسئلة المضمونة فى الامتحان وعليه 10 درجات لازم تدخل و انت ضامنهم عارفين مين y =m x + c ?? دى اللى هى ص = أ س + جـ معادلة الخط المستقيم بتاع اعدادى طب انا يهمنى ايه فيها؟؟ حاجتين 2 بس الاول اللى هو m ميل الخط المستقيم....... ودا اللى بيطلبه فى السؤال وهتعرفوا بيجى ازاى والحاجة التانية اللى هى c الجزء المقطوع من محور الصادات وزى ما هو مشاور عليه فوق طب قال عليه الموجب ليـــــــه؟؟:d;) http://up13.up-images.com/up/viewimages/e8d1448292.png طب انتوا عارفين الميل ازاى بيجى من الرسم لو مفيش معادلة؟؟؟ الميل هو فرق الصادات على فرق السينات بس خدهم من الجدول اللى بترسمه احسنلك يعنى تاااخد اااااااااااى نقطتين من محور الصادات و تطرحهم من بعض وتاخد اااااااااااااى نقطتين من محور السينات و تطرحهم من بعض وتقسم الصادات على السينات يطلعلك ... الميــــــــــل ودا المطلوب فى الامتحانات عشان محدش يسالنى ايه اللى جاب tan الزاوية هنا... ملكش دعوة بيه.... مش علينا وعلامة المثلث دى يعنى دلتا ... يعنى فرق http://up13.up-images.com/up/viewimages/6906f5a700.png ها هنا عرفتوا قال ليه الجزء السالب و فوق قال الجزء الموجب ولا لسه؟؟:friendsxs3: وحد خد باله مش شكل المعادلات فى كل رسمه؟؟ متخافش ... شكلهم مش عليك بردو ب اعرفهم عشان تبقى متمكن و فاهم مش حافظ كل حاجة قشطة؟؟;) يلا سؤال كده على السريع حولولى القياسات دى لكم 2500 متر ، 2560 سم ، 3645 ملم ، 4567 دسم وهاتولى الميل بتاع المعادلة دى ص = 5 س + 8 4س =ص +1 ص= 2س/3 +4 يا ريت ناخد الموضوع جد شوية كفاية كده عشان انا تعبت والله و مش قادرة اكمل اللى عايز منى حاجة ينفضل و نكمل بكرة ان شاء الله BYE...BYE :) |
الحمد لله علي نعمة الادبي
|
اقتباس:
و الف شكر لصاحب الموضوع على الموضوع الرائع الى هيفيد ان شاء الله الناس الى دخله علمى |
جزاك الله كل خير انت فهمتنا شويه وانا اخدت فكره عامه بس حكايه الاسئله دي كانت مفاجأه كده لازم ارجع اقري بتركيز تاني من الاول |
التحويل 2.5 و 0.02 و 3.645*100(-3) و انا مش فاهم يعني ايه دسم الميل 5 و -4 و 2/3 ويا رب مكونش غلطان |
أغرب حاجه في الفيزياء إن المدرس وهو بيشرح انت تحس انك زي البطيخه ومش فاهم المدرس دا بيهري في اه اساسا ولما تروح وتذاكر الدرس برده تلاقي نفسك زي البطيخه بس بعد يومين من المحاولات المستمره لفهم الدرس تلاقيك فهمته لوحدك . دا دايما كان حالي مع الفيزياء
|
الفيزيا دى احلى حاجة وربنا بس ال يذاكرها من الاول
موضوع جميل جدا ومحمس للدفعة الجاية مشكورة high light |
اقتباس:
|
اقتباس:
شكرااااااااااااااااا وعودة حميدة |
موضوع رائع الاجابات 2.5 0.0256 0.003645 0.4567 ------------------- الميل 5 4 2/3 و جزاك الله خيرا و اعانك الله على بقية الموضوع |
اقتباس:
اقتباس:
بس الحمد لله شكلك فهمتنى :) هو بس استفسار بسيط .... ال 100 دى قصدك بيها 10 صح ;) والسالب دى متاكد منها؟؟؟:bosyht9: بس طالما انت حليت ال 3 يبقى انت كده فاهم و تمام:friendsxs3: بس الدسم انا حطيتها فى مثال مش فى الشرح :( بس الدسم بيساوى 10 سم :) المهم احسن حاجة انك رجعت تقرا تانى و حاولت |
اقتباس:
ما شاااااااااء الله :) و ربنا يخليك/ى... خليك/ى معانا بقى :) :friendsxs3: |
اقتباس:
شكرا لمجهود حضرتك ان شاء الله مكمل معاكم ده الواحد لما صدق يلاقى حاجة فيها استفادة:028ja7::028ja7: |
اقتباس:
اقتباس:
وان شاء الله هننزل موضوعات للادبى :) اقتباس:
اقتباس:
|
ميرسى يا high light ومستنية منك الاجمل دايما
بس انا عايزة اعرف انتى كنتى علمى علوم ولا رياضة زيى |
موضوع جميل جدا و الله
مجهود رائع :) |
ربنا يبارك فيك يادكتورة
موضوع جميل جداااااااااا ياريتنى ارجع اذاكر فيزيا تانى ;) والله كانت لذيذة ربنا يعينك كانت فين المواضيع دى من زمان:022yb4: |
شكرا ليكى يا دكتورة
احنا ف سنة تانية ان شاء الله هناخد لحد الفصل السابع بس على فكرا انا تقريبا عارفة معظم الحاجات دى كلها بس الجداول مش كلها بصراحة وبتاع الخط المستقيم دا كنا بناخده ف الرياضيات بردو بصى هى التحويلات حلتها وطلعت صح زى م باقى الأعضاء جاوبوها بس الميل دا مش فاكرة كنا بنجيبه ازاى م المعادلة وقرأت هنا كذا مرة مش فاهمة :( |
وسام الإحترام ليكي والله :d جزاك الله خيراً يا د.تغريد وربنا ينفع بيكي يارب والله أنا إستفدت :d طريقة سرد جميلة وتنسيق رائع استمري ان شاء الله ربنا يوفقهم ونكون سبب في مساعدتهم تقييم 10/10 :friendsxs3: |
والله دا احلى منتدى شفتوا.................. ربنا يعينكوا على مساعدة الغير........... و لو الفيزيا كلها كدا تبقى فله خاااااالص ههههههههههههه .............. والله وشرحك بالتنسيق دا جميل يا دكتور ............... جزاك الله كل خير
|
اقتباس:
شكرا علي الرد اكيد 10 مش 100 انا بس غلطت انا وبكتب لا طبعا 4 بس من غير سالب |
كلام رااائع جدااا وحببني في الفيزياء مشكورة يا دكتورة :)
|
اقتباس:
يا رب تكون استفدت :) اقتباس:
وانهاردة هجهز لكوا اللى الجدي على ما الباش مهندس يكون نزل الجزء بتاعه :) اقتباس:
ب انا كنت علمى علوم يا حبيبى :) اقتباس:
و ربنا يخليك على مرووك :)* اقتباس:
اه كانت لذيذة جدا.. واهى رجعنهالك تانى اهوه :) يلا خليكى معانا بقى اقتباس:
كلنا ماشيين بتوجيهات الاستاذ سيد ضاهى هههههههههههههههههه ربنا يوفقك يا باش مهندس و تفيد الناس يا رب :) اقتباس:
والله انا كنت خايفة انكوا متستوعبوش منى بس الحمد لله ... ولو استوعبتوا 50% اهو اخدتوا فكرة و عن المنهج و الحل ازاى اقتباس:
والله انت فرحتنى اوى لما رجعت قريت تانى و حليت والله مش زعلت خالص لما غلط بس فرحت لما لقيتك حليت و اخدتها جد شوية :) اقتباس:
الحمــــــــــــــــــد لله يا رب كله يحبها كده وتروح الرهبة دى بقى :) |
اقتباس:
احنا مش قلنا معادلة الخط المستقيم ص = أ س +جـ الاميل هو معامل س اى رقم مضروب فى ال س هو دا الميل يعنى مثلا المثال الاول ص = 5 س + 8 ال5 هنا معامل ال س عشان كده هى الميل 4س =ص +1 هنا المفروض تحصل المعادلة على الصورة الاصلية تخلى ال ص فى طرف والباقى كله فى الطرف التانى يعنى 4س - 1 = ص يعنى الميل هو 4 ص= 2س/3 +4 هنا دى اصلها ص = 2/3 × س + 4 المضروب فى س هو الميل يعنى 2/3 هو الميل بس كده فهمتيها :) ؟ |
اقتباس:
و فيه برضك القانون الثابت سالب معامل س على معامل ص شرط يكون كله فى ناحية واحدة يعنى مثلا 5ص = 2س -3 نخليها 5ص-2س+3 يبقى الميل ( معامل س ) اللى هو -2 ناخده بالسالب يبقى 2 على( معامل ص ) اللى هو 5 يبقى الناتج 2/5 اتمنى اكون ساعدتك اكتر |
اقتباس:
بس فى الفيزيا مش هتحتاجوا اوى الكلام ده دا مجرد نظرة على السريع كده على الميل بس شكرا على المعلومة :) جزاك الله خيرا :) |
جميلة المقدمة دى جدا بالنسبة للثانوية والله انا خلصت وفيها حاجات مش عارفاها احنا بدانا على طول فى الصوت والضوء وكده والتحويلات دى كانت بتدايقنا عشان مااخدناهاش فى الاول
|
تسلم ايدك يا دكتورة على المجهود الرائع ده
وياريت حضرتك تثبتي الموضوع عشان الكل يستفيد |
موضوع قوى جدا
|
شكرا جزيلا يا دكتورة على الموضوع الجميل ده اكيد هنستفيد كتير من حضرتك
:022yb4::022yb4::022yb4::022yb4::022yb4::022yb4: |
اقتباس:
اقتباس:
[/list] |
بجد شكـراااااااااا جـــزيلا..
|
لو سمحتى انا محتاجة مساعدتك ضرورى لانى محتاجة مدرسين ثانوى كويسين و مش لاقية ياريت تساعدينى عشان بجد انا ضايعة
|
| جميع الأوقات بتوقيت GMT +2. الساعة الآن 10:59 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.