|
شكلنا هنتنفخ
:(شكلنا هنتنفخ السنه دى :angry2: هما ليه بيلعبوا باعصابنا كده بيقولوا الميكانيكا صعبه جدا جدا جدا جدا جدا امال هيعملوا فينا ايه فى الاحياء شكلنا هنتنفخ والله :(:( |
والله مبقتش عارفة .. حال الامتحان السنة دى اللى نتوقعو سهل يطلع صعب و العكس . بس نذاكر اللى باقيلنا .. و ان شاء الله الباقى سهل و ربنا يكرمنا فيه . |
المشكله .. الواحد يذاكر على اخره ويحفظ الكتاب صم
زى سنه تانيه مثلا والامتحانات تبقى سهله وكله يتساوى ندخل 3 نذاكر على اخرنا الامتحانات تبقى صعبه اوى وكله يتساوى برضه ربنا يوفقنا |
كل ده بسبب إن مرسى كسب
ف الحكومه إتغاظت ف قالت نطلعه ف مين خلاص نخليها سولد ع الثانويه العامه النتيجه كانت إمبارح فقالوا أول ماده بعدها إيه طلعت ميكانيكا قالوا ع خيره الله تعالى " إقلبها دمار ي عم عليهم " |
ههههههههههههه
ولسه ياما هنشوف انا معدش ليا عيشه فى البلد دى ههاجر بقى اروح المنوفيه او اى حته وربنا يرحمنا |
لا مش كله يتساوى يا بقايا قلب
لانك ما دام ذاكرت الكتاب كله وخارج عندك شويه غلطاااااااات اللى مذاكرش خالص ومنفض زمانه هيشيل الماده دور تانى فا كده انتوا مش اتسويتوا وانتوا مش كنتوا عاوزنها تيجى صعبه علشان تميز ومش تتساوى اهو الوزير جابها صعبه ربنا يسترها معاكوا فى التصحيح |
والله ضعت يا جماعه ومش هعرف اتلم تانى خلاص كده النزيف وصل لاخر
فاضل شويه وهروح فيها |
هههههههههه .. واحنا ايه ذنبنا يطلعوه علينا ليه .. يلا خلاص .. اللى راح راح و المواد التانية .. ان شاء الله اسهل يارب يراعونا فى التصحيح .. وورقنا يقع فى ايه مصحح حنين |
دموع وبكاء وانهيار لطلاب الثانوية بسبب صعوبة الميكانيكا
الإثنين، 25 يونيو 2012 - 11:23 سادت حالة من الحزن الشديد على شعبة الرياضيات لطلاب الثانوية العامة، عقب انتهاء امتحان الميكانيكا، وأمام مدرسة المنيرة الإعدادية انهارت الطالبات ودخلن فى مرحلة عويل وبكاء، بينما تفرغ أولياء الأمور لتهدئتهن. بينما قالت الطالبات إن الامتحان كان طويلاً ولا يتناسب مع الوقت، وهناك أجزاء صعبة فى الديناميكا والإستاتيكا. |
احلى حاجه فى الحكايه دى
انى مذاكر الاحياء صح يجيبها صعبه يجيبها سهله الكتاب محفوظ صم وربنا يسترها يارب الحق حقوق هههههههههههههههههههههههههههههههه يارب استرها يارب |
والله المفروض ناكل الكتاب اكل
بعد اللي حصل دا بس يلا الحمد لله علي كل شئ |
المشكله ان الثانويه دى ملهاش اى لازمه
بس فى ناس بتوقف حياتها كلها ع الثانويه وربنا يعلم انا اللى حصلى بسبب الثانويه انا تعبت جامد جدا فى المذاكره ونفسيا وحياتى اتدمرت انا انتهيت والله |
شكاوي طلاب الثانوية بسبب صعوبة امتحان "الميكانيكا".. والتعليم: به 25% فقط للطالب المتفوق
0 0 الاثنين 25 يونيو 2012 - 12:07 م شكاوي طلاب الثانوية بسبب صعوبة امتحان "الميكانيكا".. والتعليم: به 25% فقط للطالب المتفوق طالب: الامتحان طويل وصعب خاصة الاستاتيكا.. والوزارة : في مستوى الطالب المتوسط كلام يحرق الدم والله أدي اليوم طلاب شعبة الرياضيات بالمرحلة الثانية للثانوية العامة امتحان مادة الميكانيكا، حيث أدي الامتحان 103 آلاف و172 طالباً باللغة العربية، فيما أدى 10 آلاف و154 طالب الامتحان باللغة الانجليزية و وباللغة الفرنسية 673 طالب. وشكي الكثير من الطلاب من صعوبة الامتحان، وسادت حالة من الحزين بينهم، وقال احد الطلاب لـ"البديل" أن الامتحان جاء في منتهي الصعوبة ومن الصعب إجابته في الوقت المحدد له وخاصة الأجزاء الخاصة بالاستاتيكا. ومن جانبه قال الدكتور رضا مسعد السعيد رئيس قطاع التعليم العام بالوزارة أن الامتحان جاء في مستوي الطالب المتوسط وبه 25% فقط للطالب المتفوق. ........................................... صراخ وإغماء بين طلاب الثانوية بسبب صعوبة الميكانيكا شهدت لجان الثانوية العامة اليوم صراخ وبكاء هستيري وحالات إغماء بين طلاب المرحلة الثانية بسبب صعوبة امتحان الميكانيكا .. " الصباح" رصدت اصابة عدد كبير من الطلبة والطالبات بإغماء في لجان مدينة الخانكة والمرج وعين شمس لصعوبة اسئلة الامتحان وقالت بعض الطالبات أنهن لم يكتبن شيئا في ورقة الاجابة بسبب الصدمة من الامتحان غير المتوقع. .................................................. . إغماءات ومشاجرات بلجان الثانوية فى البحيرة بسبب صعوبة الميكانيكا صدى البلد شهد طلاب المرحلة الثانية لشهادة الثانوية العامة بالبحيرة، أصعب يوم على مدار الأيام السابقة فى الامتحانات لصعوبة امتحان مادة الميكانيكا، حيث شهدت لجنة مدرسة الإرشاد الثانوية بإدارة كوم حمادة التعليمية خروج 7من طلاب من اللجنة وقيامهم بتأجيل امتحان المادة، كما قام طالبان بنفس اللجنة بضرب أحد الملاحظين لرفضه حديثهم بصوت عالٍ باللجنة. وفى لجنة مدرسة الدكتور لطفى الأسطى الثانوية بنات، أدى الامتحان 19 طالبة فقط امتحان مادة الميكانيكا، حيث انتابتهم حالات بكاء ونواح وإغماءات بسبب صعوبة الامتحانات. ......................................... http://imageshack.us/a/img99/442/1111of.jpg http://imageshack.us/a/img228/3679/2222aj.jpg هوا دا اللى عايز يسمعو وزير التعليم وقال ايه فالاخر الامتحان فى مستوى الطالب المتوسط والله لو ما فى منتدى محترم لكنت خرفتلو دا احنا على كده مش طلاب متوسطين دا احنا ولاد كلب استفسار : هوا الوزير عندوعقده ولا عايز يشلنا |
فى كومن بنت صعب عليا اووووى على الفيس
بتقول بعد امتحان العربى قلت مش هلحق هندسه وبعد الانجليزى قولت مش هلحق حاسبات وبعد الفيزياء قلت مش هلحق علوم وبعد الامتحان ده انا ضعت ومش هلحق خدمه اجتماعيه اصلااا |
يا جدعان ...
لاتعليق ربنا يكون فى عون اهالينا الناس دى تعبت معانا بجد وشكلهم كده هيتصدموا فى الاخر |
اقتباس:
بجد انا خلاص مش قادرة لا من الامتحانات ولا من الكلام الى بسمعة ولا من مستقبلى الى ضاع حسبى الله ونعم الوكيل فيهم دمرونا :( |
ربنا يرحمنا من ام الثانويه بقى
عرفتوا ليه الناس ما بتذاكرش حلو فى الكليات لانهم ماتوا فى الثانوى |
تتوقعوا الاحياء هتيجى ازاى
|
اقتباس:
فا الامتحان هيكون فووق المتوسط شوية لو مذاكر هتقول كويس مش مذاكر هتقولوا صعب |
ان شاء الله خير
|
يالهوووووى .هى جت فى رياضة 2 وشكلهم هيعملوها معانا فى الاحياء .يارب اقف جمبنا وساعدنا.
|
بالعكس متوقع امتحان معقول فى الأحياء .. ممكن كام سؤال فى تكة كدة بس أسئلة الأحياء عموماً عايزة واحد فاهم المنهج بس مش حافظ كدة و خلاص .. حتى امتحان 2010 مافيهوش غير سؤال فى الاختيار ممكن يوقع الطالب و الباقى عايز تفكير و فهمإنما الرياضة كلها من أولها لآخرها لعب
|
اقتباس:
صح عندك حق انا كنت خايفة ادخل رياضه علشان كدة لكن الاحياء ان شاء الله حلوه يلاااااااااااا يا شطار قوموا مفيش وقت واعرفوا ان ربنا هيدى اللى تعب الايام دى بجد وانا داخله اطمن واقوم..................................:( |
اللى حط امتحان ماده الميكانيكا للثانويه العامه كان جوز امه فى الثانويه العامه وكان بيعذبه وهو صغير (رااااااااااجل معقدوربنا ينتقم منه ويخرب بيته قولو آآآآآآآآآآآآآآآآآآآآمين )
|
تفاءلوا بالخير تجدوه ورب ضارة نافعة ان شاء الله خير
|
اقتباس:
سؤال بسيط ايه علاقة د.مرسى بالامتحاناااات اللى محطوطه بقالها شهر؟؟ ولا اللى بيحط الامتحان استنى نتيجة الانتخابات وحط الامتحان والورق اتطبع امبارح؟؟؟ هى الخطة ان الامتحانات تبقى صعبة عشان درجات السنة الللى فاتت تتظبط عموما واضح من كلام حضرتك انك بتهزر.....بس انا حبيت اوضح ان الاتجاه السنة دى دمااار ف الامتحانات وكمان الكليات عاوزة تقللل عدد الطلبة الملتحقين بيها فقالوا علينا وعلى الامتحانات:d وتقبل مرورى وربنا يعدى الباقى ع خير...آآآميـــــــــــــــــــن:blush: |
بجد لعب بأعصابنا بشكل رهيب
الكل بيقول على امتحان الرياضه النهارده صعب جدا ربنا يستر على الاحياء و تيجى متوسطة حتى و ربنا يصبر بتوع رياضه بقى و يوفقهم فى الفروع اللى جايه و ان شاء الله ربنا هيكون معاكم و مش هيضيع تعبكم |
والله يا جماعه المشكله فى الاحياء انها صعبه اصلا لوحدها
مش محتاج الامتحان يجى صعب يعنى هى كده كده صعبه لوحدها وربنا يستر |
اقتباس:
|
الله يكون ف عونا كلنا وننجح ونفرح اهلنا ونخلص بقى الثانويه دى ع خير
|
اقتباس:
انا الحمد لله ذاكرتها كويس بس كنت اقصد ان الاحياء محتاجه شغل يعنى الامتحان بيبقى مليان وعاوز واحد مظبط الماده كويس وربنا يوفقنا كلنا ان شاء الله والسنه دى تعدى على خير :) |
| جميع الأوقات بتوقيت GMT +2. الساعة الآن 05:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.