|
ليه اختارنا شفيق ؟؟
السلام عليكم سرال الكل عاوز يساله .. وفعلا خالد مصطفى سأله فى موضوع بس انا حبيت احط موضوع جديد عن الحكايه دى علشان افتح مجال اكبر للنقاش اقتباس:
انا كنت متاكد ان الغربيه شفيق هيكتسح فيها كان فيه مؤتمر لشفيق عندنا حضر فيها اكتر من 50 الف واحد فى بلدنا مثلا كله انتخب شفيق .. 2000 صوت لفيق مقابل 100 لمحمد مرسى مع ان بلدنا مؤمنه وبتصلى جدا جد جدا وعارفين ربنا الحمد لله انا هقولك السر السر ان المحافظات دى معظم اللى فيها مبسوطين .. يعنى الحمد لله العيشه عندنا حلوه مفيش فقر .. مفيش بطاله . خير ربنا كتير معظم الناس لسه قلبها مع حسنى .. لانهم مش مستنين واحد يجيبلهم فلوس لان الفلوس كتير جنانين برتقال ومانجو وعنب الحمد لله :) هما عاوزين حاجه واحده بس الامن فهما فاهمين ان الامن هيجيبه احمد شفيق وربنا يولى من يصلح |
أنا سمعت إن العساكر نزلت إنتخبت شفيق وطبعا هما م لهمش حق التصويت
الشعب ماشى بمبدأ " إللى نعرفه أحسن من إللى م نعرفهوش " كل الجهله وعديمى الثقافه ماشيين بذلك المبدأ .. ولا شك هم نسبه كبيره جدا ف المجتمع وأهو شفيق الوحيد إللى كانوا يعرفوه ف رشحوه لعل الله يحدث أمرا من عنده |
اللى انا شفته غير كده
انا كنت هناك قدام اللجنه _ يمكن لان لجنتنا صغيره محصلش تزوير او حاجه _ بس صدقنى الانتخابات نزيهه جدا جدا بس الشعب هو اللى محتاج نعمل عليه ثوره لان الجهل بقى زياده عن اللازم يعنى .. المصريين عامه مش عاوزين غير الستر والرضا وخلاص ما يهمهمش مرسى ولا شفيق ولا الكلام ده اللى حصل فى الانتخابات من وجهه نظرى كالاتى البيت فى 10 افراد واحد متعلم ميوله لشفيق والباقى مثلا ناس كبيره فىا لسن وشباب لسه صغير ( 18 ) الكبير المتعلم ده بينزل كل البيت ينتخب شفيق عن اقتناع يعنى بتلاقى الحكايه ماشيه عائلات عائلات محدش ليه راي شخصى |
اقتباس:
وكمان لقوا ورق لحمدين صباحى مرمى فى الارض ومش عارفه باين مرمى فى حاجه كده بتاعت قصب وحمدين اشتكى عالم حراميه وربنا وبيغشوا الناس يارب حمدين رئيس لمصر يارب |
اقتباس:
ده حمدين ومرسى حمدين ح يكسح مرسى ويخدها بجداره |
بس ازاى ازاى حمدين مش واخد اصواااااات كتير
ده كل اللى عندى على الفيس مرشحينه وصحاب اختى وصحاب اخويا وأسرهم وانا عيلتى كلها مرشحه حمدين وعيله اصحابى وصحابى وكل المناطق كده هى فيها تزوير |
اللى فيه الخير ربنا هيعمله ان شاء الله
وربنا يولى من يصلح |
اقتباس:
والرجل واخد اكتر من 4 مليون ونص ما شاء الله يعني بجد انا بقول ما شاء الله وسعيد بيه جدا عشان حملته من الناحية الماديه كانت ع قدها بس بردو ما شاء الله قدر يلم كل الاصوات دي كلها بالامكانيات الضعيفه دي ال معاه |
بالنسبة بقى رداً ع التوبيك الاصلي
فأقول احن اختارنا شفيق عشان احن شعب متخلف ميستحقش مفهوم الحرية ومبيقدرش دم الشهداء ال اتقتلوا عشاننا |
اقتباس:
مش 250 و 350 مليون راجل فقير وعلى قد حاله ده بيقول هيمشى من غير حراسه ده بيدل على انه مش بيخاف من حاجه وان الشعب المصرى هيحترمه لما يمسك الحكم لدرجه انه مش هيحس انه هيتعرض للاذى لو مشى فى الشارع لوحده ده كفايه انه قال مش هيخلى فقير فى مصر وعلى راى جمال عبد الناصر الفقراه ليهم نصيبهم فى الاخره مش هيبقى ليهم نصيب فى الدنيا شوف الفقرا والشحاتين بقوا ملين الشوارع والمترو ازااااى وانا قصدى ان ناس كتير رشحته اعتقد منطقتنا كلها رشحته كل اللى داخل اللجنه يقول حمدين صباحى حمدين صباحى |
انا شفت ناس كتير جدا بتنتخب شفيق عن اقتناع .. معظمهم متعلمين واساتذه جامعه كمان
وشفت ناس بتعيط على اخرها علشان الناس ما تنتخبش شفيق بس فعلا مفيش فايده مفيش فايده |
اقتباس:
لكن حتقولى إيه للفلول إللى ف البلد ... ربنا يهدى المشكله إن شفيق ف إعاده مع مرسى .. ومرسى ناس كتير جدا جدا مش عايزاه ولا عايزه إخوان تانى يعنى لو إعاده بين شفيق وأى حد تانى غير مرسى كان أى حد كسب الخوف من الإخوان .......... الخوف من شفيق |
مرسى أو شفيق دى آخر انتخابات فى تاريخ مصر
الأخوان لو مسكوا الحكم مش هايسيبوه أبداً مش بعيد كمان يلغوا الانتخابات خالص و كل كام سنة يبدلوا ما بينهم الحكم و شفيق هايرجع الانتخابات لما قبل 2005 :) |
اقتباس:
الشرقيه بلدى يعنى بابا لما سافر هناك كله كان بيقول هيرشح عمروموسى او احمد شفيق وقال ايه يا بقايا محتارين ما بينهم هما دول اتنين اصلاااا ومش عارفه ايه اللى حصل لعمرو موسى فكلهم رشحوا شفيق يخربيت الجهل اكبر نسبه اصوات لشفيق من الشرقيه بس حمدين غلط لانه مراحش الشرقيه والله الناس لو شافوه كان رشحوه |
اقتباس:
بس خلي بالك لما تذكري عبد الناصر بتحطي حمدين في خانة اليك عشان جمال عبد الناصر رحمه الله عليه اختلافات كثيرة يعني موضوع الشحاتين دا ال وصلوا للمترو كمان دا ملوش اي علاقه بالفقر دا علاقته بالجهل والتخلف واالكسل ناس مش عايزه تشتغل وتتسول بالمنظر دا وربنا انا بيبقى نفسي ادي اي حد منهم اي حاجه بس مبرضاش لأنّي بجد بتخنق جداااا من الاسلوب دا بقول التبرع في مسجد او اي حاجه يعني مضمونه احسن كتييير |
صحيح ... لو الاخوان مسكوا الحكم استحاله هيسيبوه
بس لو شفيق مسك اكيد هنقدر عليه ونمشيه بعد كده بس صدقونى لو انتخبتوا الاخوان يبقى لعبتهم نجحت لانهم منزلين ابو الفتوح مخصوص علشان يضربوا حمدين صدقونى |
اقتباس:
بس لسه محددوش مين التانى والنتيجه يوم التلات ولسه كمان علشان الورق اللى لقوه مرمى لحمدين والعسكريين اللى ادلوا بأصواتهم وهما ملهمش حق التصويت ان شاء الله حمدين يكون مع مرسى وساعتها مرسى فى الباى باى |
اقتباس:
ما انا اخويا اهو صرفوا عليه 24 الف جنيه فى الجامعه وبيشتغل فى الغردقه على 1000 جنيه ولا حاجه واحد متعلم ومعاه شهاد بشىء وشويات ما بالك بدووول اللى مش متعلمين ومين هيرضى يشغلهم اصلاااا ده بتوع الجامعات مش شغالين وشوف نسبه البطاله اللى فى البلد |
اقتباس:
بجاته قال كده لعل الله يحدث أمرا من عنده يوم الثلاثاء |
اقتباس:
المشكله الناس دي مش عايزه تدور على شغلانه لقت التسول حاجه سهله فبتتسول انما في وظايف كتييير اه صغيره بس موجوده في مصانع كتييير مثلا في اكتوبر ممكن اي حد يستلم الشغل فيها من يوم ما يقدم هو هيشتغل اه بمرتب قليل بيبدأ من 900 جنيه وبيتصاعد بس اسمه بيشتغل شغلانه حلال ومبيمدش ايده لحد |
مش عارف انا حاسس ان الشغل كتير
حتى قبل الثوره بس الناس مش عاووزه تتعب نفسها اقسم بالله.. كنت ببقى واقف على الكوبرى عندنا فى البلد مستنى مواصلات الساعه 6 الصبح كان بيبقى عليا رياضه والله اتوبيسات شركات الملابس بتعدى فيها بنات يعنى 18 19 سنه يجى 300 بنت بلدنا شغال منها 90 بنت فى مصانع الهدوم والمرتب كام ؟؟ 900 جنيه المواصلات ببلاش والشغل مش متعب ولا حاجه كنت بفكر اسيب التعليم واروح معاهم |
اقتباس:
انت مين يضمنلك يعني ان الاخوان مش هيسيبوا السلطه؟؟ ال خلاهم اصلا دي اول سنه ف حياتهم يوصلولها يعني مجربناهمش قبل كدا عشان نحكم عليهم بلاش نتكلم ع الناس واحن منعرفهمش وخلاص ولو كانوا مش هيسيبوا الحكم خااااااااااااااااااااالص احسن مليون مره من شفيق ال بيننا وبينه دم وتار اخواتنا ال ماتوا ف موقعة الجمل |
اقتباس:
بس اصلا بيتعبوا يا احمد بيفضلوا فى الشارع عمالين يلفوا ويتحايلوا ده كفايه الذل اللى هما فيه ولا الجو لما بيكون شمس وهما قعدين فى الشارع والاجانب لو شافوهم كده يقولوا ايه |
اقتباس:
يعنى من اللى شفناه فى السنه اللى فاتت دى من الاخوان يخلى الواحد يطلع من هدومه واستحاله هدينلهم صوتنا بالطريقه دى واقرا تاريخ الاخوان من زمان وانت تعرف |
اقتباس:
بس انا بتكلم ف الحقيقه والواقع هل الافضل يتسولوا ولا ياخدوا مرتب حلال وميمدوش ايدهم لحد هم والله بس بيتستسهلوا التسول مش اكتر ودي من اكتر الظواهر ال بكرهها ف مصر |
اقتباس:
بس 900 جنيه ده قليل اوووى طب تخيل انت بتصرف كام فى الشهر والواحد لما يكون عاوز يتجوز يعمل ايه وهيصرف على المدام والاطفال ازااااى من ال 900 جنيه المفروض اقل واحد فى مصر يقبض 1500 جنيه |
اقتباس:
والناس كلها هتديلهم صوتها مش حباً فيهم بس كرهاً ف النظام ال انت بتدعو له دلوقتي بطريقه غير مباشرة كلنا دلوقتي مع الدكتور محمد مرسي وال موافق ع كلامي يدوس لايك :d:d:d:d:d:d |
اقتباس:
الأثنين أسوء من بعض أصلاً و سواء دة مسك أو دة مسك فأحنا داخلين على سنين سوداء |
عارفين اليوم فى الشغل فى اراضى الجبل بكام
45 جنيه هو شغل متعب بس والله تمام يعنى 40 ج فى اليوم x 30 1200ج حلوين والشغل فى ارض العنب هنا ب 15 ج فى اليوم الشغل كتير والله |
اقتباس:
انت بتهيألك بس علشان انت فى كليه حلوه بس هما مش كده حط نفسك مكانهم الناس اصلا ميرضوش يتعاملوا معاهم ولا يرضوا يشغلوهم كذلك البلطجيه دووول نعمل معاهم ايه بقى عاوزين يتفجروا |
عارفين ارض العنب بتطلع كام جنيه يوم فى الورق
عارفين تجار ورق العنب بيكسبوا كام هما بياخدو الكيلو مننا فى اول السنه كده اول الموسم ب 7 ج وبيبيعوه فى مناطق زى القاهره والحتت دى ب 12 مكسب 5 ج فى الكيلو بيطلع 100 ك فى اليوم ع الميت يعنى 500 ج مكسب فى اليوم الواحد |
اقتباس:
وده شغل مش مستديم اللى فى الجبل يا جدعان انا بتكلم على شغل الحكومه اللى الواحد لو تعب يلاقيها جمبه مش شغل الخاص والحاجات دى اللى لما يجى يطلع على المعاش ياخد مبلغ كويس يقدر يصرف منه على ولاده انما شغل الجيل ده هيتعب الواحد وصحته هتروح بدرى بدرى ومش هيعمل حاجه فى دنيته يادوبك يصرف طووول الشهر بس انما يشيل حاجه للمستقبل مفيش ولو لقدر الله حد عنده ولد تعبان وبياخد علاج اكتر من 600 جنيه فى الشهر مثلا ومعاه ولاد عاوزين يتصرف عليهم تعليم واكل وبيدفع ايجار شقه وكهرباء ومايه وغاز مش هيتبقى حاجه اصلا |
ال 1200 جنيه اللى هيجيبهم من الجبل دووول
واحد لسه عنده 15 سنه بيجيبهم يعنى لو واحد عنده 4 عيال وشغالين هيجيبوا فى الشهر حوالى 5000جنيه ابويا لو موت نفسه مش هيجيب ال 5000 دول واهو دكتور:blush: .. انا شايف ان فى وظائف فى الدوله ملهاش اى لازمه المدرسه اللى فيها 800000 ادارى من اول ما دخلت الابتدائى لحد دلوقتى عمرى ما شفت حد منهم بيعمل حاجه وافضل اسال الناس هما بيشتغلوا ايه .. بيجيوا الشغل ويتكلموا وخلاص عاوزين تعرفو ان ال 900 ج حلوين تعالوا اركبوا قطار العمال بتاع المحله الكبرى هتعرفوا ان الدنيا دى ...:romarioxp6: |
| جميع الأوقات بتوقيت GMT +2. الساعة الآن 12:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.