عاجل جدا بخصوص القدرات خبر هااااااااام
 

ازاى دا امتحانات ثانويه عمه 9\6 ؟؟؟

هو المطلوب رقم جلوس سنه تانيه ولا تالته عشان انا مش معايا غير بتاع سنه تانيه و بتاع تالته لسه مختوش من المدرسه مع العلم انه هيتغير عشان انا حولت ادبي؟؟

لا انا كده مش فاهمه حاجه يعنى اصلى من بلد تانيه هل المفروض اسافر من دلوقت عشان اخد قدرات يعنى مش بعد النتيجه؟؟ انا عندى امتحانات

ياجماعه انا قدمة ف الامتحان بس ده مجرد تقديم 2صورة رقم الجلوس بتاع 2ث علشان الجديد مش معانا اكيد و2 صوره شخصيتان و الرقم القومى 145 جنبة وهتخدم رقم الجلوس علشان الامتحان اللى بعد امتحانات الثانويه العامه فهمتم ولا نووووووووووووووووووووب

خلى اى حد يقدملك

المطلوب
تقديم 2صورة رقم الجلوس بتاع 2ث علشان الجديد مش معانا اكيد و2 صوره شخصيتان و الرقم القومى 145 جنية وهتخدم رقم الجلوس علشان الامتحان اللى بعد امتحانات الثانويه العامه

وياريت لو الجواب اللى فيه الايميل دة

لو هتقدمى فى حلوان قولى وانا اقدملك ممكن عادى مفيش مشكلة

شكرا
 

لا شكرررررررررررررررررررررررررررررررررررررررررررررررر رررررررررررررررررا تم
بس لو فيها غلاسه ممكن اعرف هوا الامتحان امتى

الامتحان بعد تخليص امتحانات الثانوية العامة
بيقولو بعديها ب3 ايام

لسه ماعلنوش

ازاي ده انا كنت لسه هبتدي الكورس بعد الامتحانات ما تخلص عشان سمعت ان الامتحان بعد النتيجه علي طول مش بعد الامتحانات

هو في تقديم قبل الامتحان في حلوان ؟؟؟؟؟

لو سمحت يعنى انا ممكن ادى الفلوس ورقم جلوسى والصور الشخصيه لاى حد مثلا يوديها الكليه علشان انا من الشرقيه وصعب عليا اسافر فى الوقت ده هوه مثلا لو خت القدرات ونجحت فيها بس الكليه ما جتليش فى القاهره وجاتلى فى اى مكان تانى مثلا المنيا او الاقصر ينفع احول وادفع فلوس لجامعه حلوان

اوكى مفيش مشكلة

معلش حضرتك أنا والدتي قابلت رئيس شئون الطلبه النهارده و قال لها إن دي إشاعات أعمل إيه ؟

هى الكلية دى ليها تنسيق من العلمى تقريبا بتاخد من كام

من علمى مفتوح كل الاقسام
لكن قسم عمارة لوحده
وقسم ديكور لوحده لكن لو تنسيق يبقى عمارة بس اللى لوحده
خدت فى حلوان 92 ونص
وفى المنيا والاقصر 91 ونص وفى اسكندرية 93
اللى هو قسم ديكور بس
لكن علمى ممكن يدخل كل الاقسام ماعدا عمارة لانه بتنسيق خاص اعلى

طب انا كنت عاوزه ادخل ديكور او عماره لو مجبتش مجموع هندسه
يعنى اقل تنسيق للعماره 92 صح طب والديكور عادى ولا ايه
وبعدين لما اتخرج منها بتساوى باللى مخرجين هندسه ولا فى دبلومه بعديها

عمارة مجموعها اعلى من ديكور
بفروق بسيطة
اقل تنسيق لعمارة 93 ونص
واقل تنسيق ديكور ب 91 ونص
والاتنين شغلهم واحد والاتنين احسن من هندسة عمارة :)
لان بتوع عمارة بيشتغلوا ديكور لما بيتخرجوا اصلا

لما بتتخرجى بتتساوى طبعاااا دة لو عمارة
بتاخدى شهادة بكالريوس عمارة وتنضمى لنقابة المهندسين وشغلك بيبقى احسن لان معاكى سلاح الفن والابداع والهندسة اللى بجد دة غير برامج كومبيوتر بتتعلميها فى مجال دراستك بتفيدك اوى اوى فى الشغل

لكن المصريين مش يعرفو قيمة الكليات بتاعتنا ودة اللى كمان مخلينا متميزين لاننا بننافس اننا نبيقى احسن من بتوع هندسة لاننا فعلا نستحقها وغلنا شغلهم واكتر ومعانا سلاح الفن والابداع والهندسة

لو ديكور بقى الشهادة بكالريوس عمارة داخلية قسم هندسة ديكور كلية فنون جميلة
وكمان معاكى سلاح معمارى وسلاح بتوع ديكور وسلاح مصممين وسلاح مهندسين يعنى معاكى جوانب كتيرة فى العمارة والهندسة والفن وتصميم الديكور :)
ومشكلة ديكور انه يتبع نقابة التشكليين بس الدكاترة وكلنا بنحاول اننا ننضم لنقابة المهندسين باذن الله واصلا نقابة المهندسين مش رافضة :)

معلشى تعبتك معايا بس ضرورى انا دلوقتى كنت عاوزه ادخل ديكور بس انا مجموعى فى اول التمنين وكان على امل اوصل لاخر التمنين وكده بس لاسف بلامتحانات ديه مش هيوصل المهم انا كنت عاوزه اعرف ايه اقرب قسم بعد الديكور على طول ويبقى كويس برضوا وفى نفس الوقت مجموعه يبقى فى اول التمنين يعنى ايه الاقسام الى ممكن تقبل من مجموعى اخد دورات فيها واخر معاد امتى بالظبط علشان انا هخلص 4_7 مع اعلم اننا علمى مش ادبى واسفه ان كنت طولت

لا تقلقى باذن الله مجموعك يزيد
وتجيبى 91 ونص باذن الله
واول قسم بعد الديكور هو جرافيك
انتى علمى ولا ادبى ؟؟؟
انا كنت جايب فى تانية 88 ووصلت ل 92 ونص ودخلت فنون جميلة ديكور

لاه انا علمى رياضه بس لاسف مجموعى فى اول التمنين فعلشان كده كده ضاعت منى ديكور وانا نفسى ادخل فنون جميله باى طريقه ففكرت فى اى قسم وخلاص اصل انا اخر ما ياست فكرت فى تجاره فقلت احاول فى فنون تانى كده

تمام مادام تقدرى تجيبى 91 وكسور يعنى اقل من النص باذن الله يبقى لا تقلقى
بس ياريت تحاولى لان التنسيق متغير ممكن يزيد وممكن يقل على حسب المتقدمين للكلية واللى نجحوا فى القدرات
انا جبت فى تانية 88 وجبت فى تالتة 96 لانها اسهل وجبت مجموع سنتين 92 ونص ودخلت فنون جميلة ديكور
عقبالك يارب
ف بليييييييز متيأسيش انا اعرف ناس اول التمانين وصلت للتسعينات فى سنة تالتة والله العظيم وكمان تالتة اسهل ومحدش عارف فيه ايه بكرة
ربنا يوفقك :) وامتحنى فنون وخلى عندك ثقة بربنا :)
ولو جتلك مثلا الاقصر او المنيا ساعتها هتحولى اقرب كلية ليكى بكل سهولة مش شرط استيفاء المجموع

مواعيد امتحان القدرات ملوش علاقة بثانوية عامة غير تنسيق فقط لا غير
ادبى مفتوحلك نحت وجرافيك وتصوير ولو ليكى فى الرسم هتبدعى
لكن لو عايزة ديكور وانتى ادبى يبقى فى اسكندرية
مفيش غير 4 كليات فنون جميلة بس فى مصر القاهرة واسكندرية والمنيا والاقصر
تابعى الجرانين واول ما باب التنسيق يفتح هتيجى جامعة القاهرة اللى فى الجيزة وتسحبى استمارة امتحان فنون جميلة
بالنسبة لمواعيد الامتحان انتى بتختارى اى ميعاد على مزاجك عادى يعنى لما تسحبى استمارة اول ما تخلصى امتحان ساعتها هتقدميها لفنون جميلة اللى فى الزمالك وتحددى ميعادك بنفسك

اقل تنسيق لادبى من فنون جميلة كام لاى قسم

86 84 فى الحدود دى

ادبى بتدخلى الاول اعدادى فنون وبعدين بتتخصصى على حسب التقدير
لكن ديكور مفتوح اعدادى ديكور لادبى وعلمى فى اسكندرية فقط

اوك يعنى ممكن مجموعى ينزل فى علمى وادخل ديكور برضو

وفى واحده صحبتى ادبى عاوزه تدخل ديكور بس ازاى انا اكون علمى وهيا مضيعه فى ادبى وفى الاخر نتساوى ببعض

لا علمى لوحده وادبى لوحده
ادبى بيدخل ديكور بس فى اسكندرية فقط وله تنسيق خاص 91% لادبى
ودى مشكلة ديكور اللى احنا فيها للاسف وبالتالى تم منعنا من نقابة المهندسين :(

انا طال فى دبلوم خمس سنين قسم كهرباء وكنت عايز اخش فنو عمارة بالاسكندرية انا عايز اعرف ايه اللى المفروض اعمله وامتحان القدرات عبارة عن ايه ولو فى كورسات لامتحان القدرات ياربت تفدونى

فنون فنون مش بتاخد صنايع لكن قسم عمارة بس اللى بياخد :)
انت هتقدم فى امتحان عمارة وبييجى منظور هندسى :)

متشكر من حضرتك طب هو فى كورسات بتتاخد والمواد بتاعت القدرات هى نفس مواد الثانوى العام انا سمعت ان بمتحن فيزياء وكيمياء ولا ده كلام فاضى عايز حضرتك توضحلى اكتر

لا مفيش امتحان كيميا او فيزيا
كورسات فنون بتكون ع حسب عمارة ولا فنون
كلها رسم وعمارة رسم منظور :)