|
إذا لم تنشر هذه الرسالة خلال أيام... ستمـــــــــوت
السلام عليكم ورحمة الله وبركاته ..فتاه تبلغ من العمر16 اصيبت بمرض عجز الاطباء عن علاجها.................وفي ليله القدر بكت بكاءا شديدا .........فنامت ............فحلمت ان السيده عائشه جائت عليها واعطتها كاسا من الماء وعندا ... ... ... ... ... ... ... ... ... ... ... ... ... ... .............................. استيقظت وجدت نفسها شفيت تماما ووجدت قطعه من القماش كتب عليها لا اله الا الله .........فوصلت هذه الرساله الى عميد فحصل على ترقيه ووصلت الى عامل فاهملها فخسر ثروته ووصلت الى طالب على ابواب الامتحانات فنشرها فنجح .........امانه على رقبتك الى يوم القيامه ان توزعها على الاقل الى 12 جروب وسوف تحصل على شئ تريده خلال 1يوم .. تلك هى الرسالة.. مــــــــــــــارأيكم بها؟! مـــــــــاذا شعرتم حيالها؟:d مثل تلك الرسائل باختلاف مضمونها اعتدت ان أراها فى صغرى ولكن مكتوبة على اوراق ينشرها الكثيرون وغالبا ماتنتهى بالعباره ((اذا لم تنشر هذه الرسالة سيصيبك مكروه )) خلال فترة محددة كان يتملكنى الخوف حينما اضع تلك الورقة فى احد ادرجى هاملة اياها وتمر الايام وينقضى الوقت المحدد للرسالة وأنا لا أزال بخير..لم يصيبنى أى مكروه..:d كنت اتعجب كثير من مثل تلك الرسائل وايضا من ناشريها..!! قد مرت فترة طويلة لم ارى فيها تلك الرسائل.. وبالأمس رأيتها منشورة على الانترنت والصدمة انها منشورة من قبل طلبة جامعات..!! (حاجة تجنن والله:bosyht9:) أين هى عقولنا التى تدفعنا لتصديق هذا الكلام اليس ذلك بذنب كبير ان نرهن حياتنا على نشر هذه الرسائل وننتظر مكافئتنا اذا نشرناها..! ترقية هذا ونجاح ذاك..!! اليس كل هذا فقط من عند الله؟؟!! أريد أن أعرف أرائكم فى تلك الرسائل؟ هل تعتقدون بها وتصدقونها؟! والسؤال الاهم الذى يحيرنى..:bosyht9: من الذى يقوم بنشر تلك الرسائل؟ وما وجه الاستفادة من نشرها؟؟؟!!!! .. Heartbeat : ) |
و الله اول ماقريت الجزء الاول من التوبيك .. كنت عارف مضمونه و انك هتقولي كده :d
فعلا بجد حاجة تجنن كلها بتبقى اشتغالات و كده و لما بتجيلي مش بعمل اي حاجة منها غير بس الناس اللى بتبعت ( قول لا اله الا الله و سبحان الله و ادعية و كده ) دي خلاص ببقى عارف انها مفيهاش حاجة لو بعتها لكن الحاجات اللى بتبقى مبينة على شروط دي بصراحة مش بقراها اساسا للاخر :d وربنا يهدي الجميع ^^ شكرا يا حبيبة ع التوبيك ^_^" |
اه و معلش نسيت حاجة ^^
قبل كده فى خطبة الجمعة كان وقت الامتحانات ساعتها و كان الشيخ بيقول ان الحاجات دي فى ناس بتبعتها علشان تشغل الطلبة بيها عن المذاكرة و ان الطلبة تصورها و كده و توزعها و ( لك الاجر :d ) و يقولك لو ارستلتها لـ 100 شخص هتجيب تقدير و حاجات كده :d :d و الشيخ كان بيقول ان كل الحاجات دي ملهاش اي اصل و ان كلها تضييع و قت .. و تقبلي مروري التقيل شوية ( ع مرتين :d ) |
اقتباس:
قفشتنى يعنى..:d انا كنت بصدق الكلام دا لما كنت صغيرة كمان كنت بخاف جدا يحصللى حاجة بس طبعا دبوقتى لاء عيب كمان لما نبقا بنلاقى شباب كبار وبينشروا الكلام دا يعنى مش عارفة ازاى العقليات دى هى اللى هتبنى البلد..!! اقتباس:
فعلا دا ممكن يكون سبب.. اعرف واحدة كمان سالت شيخ قالها ان الاقتناع بالرسايل دى نوع من انواع الشرك ربنا يهدى الجميع مرسى لمرورك يامحمد نورت |
والله حاجه مستفزه جدا :mad: ناقص يقول لو مش نشرتها هتحل عليك لعنة الفراعنه:d ونفسى اعرف مين مصلحته يقعد يألف الحاجات وينشرها الغريب ان الرسايل كلهانفس النظام واحد دخل نام وحلم :p أنا عمرى ما اقتنعت بالحكايه دى واى رساله بتجيلى مش ببعتها ولا بكمل قراءتها اصلا والحمد لله لسه عايشه وبسمع اخبار حلوه :p |
جزاك الله خيرا
فعلا الموضوع ده منتشر فى كل مكان فى مصر ولا نعرف مصدر هذه الخرافات |
ههههههه .. انا عرفت برضه انها مش حقيقية http://www.thanwya.com/vb/data:image...AAAElFTkSuQmCC:p
يعنى قولت حضرتك اكبر من هذه الخرافات :) .. وبستغرب فعلا ايه الفائدة من هذه الاشياء ؟؟ غير الضحك على بعض الشعب اللى بيصدق كده .. شكر ياحبيبة موضوع جميل .. |
جزاك الله خيرا و بارك الله فيك |
الناس بتعتقد ان لما تنشر الحاجات دى بتاخد حسنات وثواب عن ده وهو ده اللى بيدفعهم يعملوا كده شكرررا على الموضوع الجميل |
اقتباس:
بالظبط هو دا اللى نفسى اعرفه واللى هيجننى ميــــــــــــن وليـــــــــــه؟! الحمد لله.. وانا كمان لسه عايشة برده:d نورتِ يامروة مرسى لمرورك |
اقتباس:
جزانا وإياكم.. هى فعلا خرافات واللى بينشرها اكيد ناس مريضة.. ربنا يهدى شكرا لمرورك استاذى نورت توقيع حضرتك فظيع :d فطسنى من الضحك:lol: |
اقتباس:
وحضرتك كمان قفشتنى استاذ طاهر:d شكرا ربنا يخليك :) مش عارفه ايه الفايده..!! اصلا عملت التوبيك علشان اعرف السبب:bosyht9: مرورك الاجمل نورت |
اقتباس:
جزانــــا وإياكم.. شكرا لمرورك حضرتك أستاذ أيمن نــــــــورت.. : ) |
اقتباس:
حسنات وثواب كمان..!! ازاى يعنى؟! دا كذب وخداع يعنى فى اعتقادهم ان الكذب وخداع الناس عليه ثــــــــواب..!!! اصلا القصة مفيهاش اى حاجة تخلى الواحد يفكر انه هياخد ثواب..!!! دى ناس مريضة اساسا مرور حضرتك الاجمل نورت |
المكسب يحصده أصحاب ماكينات التصوير
والخسارة تحصدها العقول التى تنعم فى دنيا الدجل جزيل الشكر على الموضوع جزاكم الله خيراً |
بيتهيألي ان فيه ناس فاكرة انها بتاخد حسنات علي الرسايل دي وفيه ناس قاصدة تنشر الجهل ده بين الناس في البداية كنت بفكر في الرسايل دي بيني وبين نفسي وساعات كنت ببقا علي وشك انشرها بس كنت بروح اسأل عمي واتكلم معاه ويفهمني وشوية شوية تأكدت انها مجرد دجل علي الناس تحياتي واحترامي |
فعلاً حاجه مستفزه جداً ! وبتستفزني شخصياً جداً جداً وأكيد ملهاش أي صحه حتي لو مضمونها ديني كمان بقت مسجات ع الموبيل . . من كام يوم وصلتي مسجات ذي كدا وللأسف من صحابتي الجامعيات فعلاً ساعات بنغيب عقلنا ف حالات كتير مشكوره حبيبه ع التوبيك أدام الله عليكِ عافيته . . . . |
والله العظيم حاجة مسسسسس:040vk0:سسستفزة وتجنن الواحد وطبعا مش حقيقية لان ربنا سبحانة وتعالى بيسبب الاسباب يعنى كان يقول بعد كدة راحت للدكتور فشفيت يعنى حتى اللى بيالف مش عارف يكدب وكل شى بيد الله سواء المرض او الصحة واللى بيعمل كدة عايز يشتهر والناس تتكلم عنه والله اعلم وربنا يشفى كل مريض
مرسى على الموضوع الجميل |
اقتباس:
فعلا عند حضرتك حق يامستر المكسب هو لاصحاب ماكينات التصوير ودا اللى كان بيقولهولى بابا لكن لما نلاقى الرسايل دى منشورة ع المنتديات والفيس من طلبة جامعات واصحابك..!! يبقا اكيد فيه حاجة غلط..!! جزانا واياكم شكرا لمرور حضرتك الكريم نورت |
اقتباس:
انا كنت بصدقها اصلا وانا صغيرة وكنت ببقا خايفة وعايزة انشرها لكن ماما كانت ترفض;) هى فعلا دجل وخرافات بيضحكوا بيها على عقول الناس شكرا للمرور الجميل كنت اتمنى تقولنا بالظبط اللى عم حضرتك فهمهولك:) |
اقتباس:
عمي فهمني حاجات كتيرة مكنتش فاهمها كويس هو بيحب القراءة والاطلاع علي حاجات كتيرة وكتير بكون مختلف معاه بس بعد فترة بيتضح ليا انه هو الصح وفيه اعضاء كتير هنا عارفة عمي كويس وصعب اني اقول الكلام اللي هو قاله ليا بالظبط بس هو كلمني في الموضوع من منظور ديني وعقلاني بالظبط زي ما مامتك رفضت انك تنشري الرسايل دي واكيد قالتلك علي اسباب الرفض تحياتي واحترامي |
انا قرات قبل كدة رسائل كتير ومكنتش بهتم بيها اخرها واحد اسم الشيخ احمد حامل بالمملكة العربية السعودية الرسول صلى الله عليه وسلم ويقولوا انذر الناس بيوم القيامة فهو قريب وكان مكتوب نفس الكلام الله يهدينا ويهدى جميع المسلمين يارب العالمين يعنى بدعة وكذب وافتراء اللهم عافنا
|
اقتباس:
أيوة كمان مرحموش الموبايل:bosyht9: دى حاجة تجيب الضغط بجد دا انا حتى لسه قاريالى رسالتين من النوع دا ومن طلبة جامعات برده:angry2: ربنا يهدى .. العفو ياقمر نورتِ |
اقتباس:
أكيد كل شئ بيد الله المرض ،الشفاء والفرح لكن نقول ايه ع ناس تافهة غيبت عقولها..! لغاية دلوقتى معرفتش برده اللى بيعمل كدا بيعمل كدا ليه:excl: .. مرسى لمرورك نورت |
اقتباس:
أكيد الناس الكبيرة بيكون ليها رؤية مختلفة للامور من واقع خبرتها وثقافتها بالحياة ربنا يخليه لحضرتك .. مرسى لمرورك نورت |
اقتباس:
ايوة عرفاه قصة الشيخ احمد دى برده:d انا مخلصة ع كل الرسايل من النوع دا:006et4: اّمييييييين يارب .. مرسى لمرورك نورتِ |
| جميع الأوقات بتوقيت GMT +2. الساعة الآن 02:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.