|
اى شىء عن الهندسة اتفضل هنا
السلام عليكم ورحمة الله وبركاتة
انا طالب اعدادى هندسة بالجامعة المصرية الروسية ( خاصة ) مقرها مدينة بدر بالقاهرة الكبرى انا كتبت موضوعى لان علشان اخبركم بما اعرف من معلومات عسى ان افيدكم بشىء لانى مريت بكل التساؤلات واارهاق ذهنى جامد جدا بعد ما عرفت انى هدخل خاص كطالب خايف على مستقبلة وضاع منة الحكومى وطبعا ما اقدر اوصفلكم انى كنت بقعد بال10ساعات على النت علشان ببحث على احسن الكليات وانسبها وافضلها مستقبلا لى من وجهة نظرى وطبعا من الحالة المادية ما انا بردة مش مليونيونير هههه ما علينا فالى عندة اى استفسار عن اى جامعة او معهد او اكادمية خاصة او حكومية او اقسام معينة فى الهندسة فاليخبرنى وان شاء الله ما هتاخر علية لانى عندى حصيلة كويسة الحمد الله عن الكليات بحكم انى لسة طالع من الثانوى طازة اسف على الاطالة الى فوق وابدا موضوعى : طبعا الى فى ثالثة ثانوى وخايف على مستقبلة هيقعد قلقان جداا والى بيحب الهندسة زى هيموت ويدخلها بصوا دلوقتى عندك اربع انظمة فى جمهورية مصر العربية للجامعات اولا جامعات حكومية ودة بتقبل من 93%فى الثانوية العامة وان شاء الله الكل يدخلها يارب وفية الى ربنا ما وفقة فى الثانوية بمرحلتيها مثلى فهيبحث عن الخاص لو هو نفسة فى الهندسة اويشوف مجموعة جاب كلية اية الحكومية ويقدم ويارب يوفق الجميع النظام الثانى هو الجامعات الخاصة : وهى مثل الجامعة الامريكية والفرنسية والالمانية والروسية والبريطانية وفاروس وجامعات اخرى لن اكتب اسمائهم لان حتى لا اطيل انا بس بديكم فكرة طبعا الجامعات دة خاصة يعنى بفلوس وكل جامعة وليها اسعارها الخاصة بس توضبح لوجة الله ارخص جامعة خاصة فى مصر هى الجامعة المصرية الروسية فى الهندسة مصاريفها 15500 وسعرها كان ثابت السنة الى فاتت والى قبلها والسنة دة انا ما بعمل دعايا ليها انا بس بوضحلكم لانى بحثت ودورت كتيير وتعبت لحد ما عرفت وفعلا جامعة تعليها صح ما علينا بردة نكمل المهم 2- الاكادميات ودة اقل من الجامعة بشوية لان الجامعة بتحتوى على كليات لاكتير يعنى هندسة صيدلة تجارة كدة اما الاكادمية فالاغلب بتكون فسم واحد زى اكادمية الهندسة بالمعادى مصاريفها 11 الف فى السنة زطبعا مستوى التعليم فيها كويس بعد كدة 3-المعاهد هتقولى اية الفرق هقولك المعهد بيكون اقل من الاكادمية فى المستوى التعليم بس بردة بتتخرج مهندس وليك مكانتك لانك بتدرس 5 سنين سواء فى معهد او اكادمية او كلية دلوقتى اهم شىء لاى طالب انة بيدور على مستقبلة لو عاوز يدخل خاص يحط قدامة بعد الشروط القادمة : 1:اولا لو هتدخل معهد او اكادمية لاااااااااااااااااااااازم تتاكد انها معتمدة من نقابة المهندسين علشان لما تتخرج النقابة تعترف بيك كمهندس وتديلك كارنية نقابةلان فية معاهد بتنصب كتييييير وتقولك انا معتمدة فلازم تدخل على موقع نقابة المهندسين وتعرف المعتمد منها 2: الاسعار يعنى الحالة المادية الخاصة بيك طبعا تختلف منى عنك وعن الكل فتشوف الاسعار كلها وتشوف اية الى هيناسبك 3- تعرف ان نظام الدراسة فى الهندسة مش سهل سواء فى كلية او اكادمية او معهد لان الهندسة مش سهلة فالدرسة جادة وتذاكر صح وتعرف انك هتروح حياة تانية فعلا انا كنت ما اعرف غير لما عشت وشوفت الواقع :rolleyes::cool: المهم واهم شىء فى كلامى تاكد ميلون مرة قبل ما تقدم لاى معهد او اكادمية او كلية انها معتمدة ملحوظة :: الجامعة دايما معترف بيها لان قرار بنائها بيتمضى من رئيس الجمهورية بنفسة وارخص الاسعار بتكون فى المعاهد يعنى المعاهد اسعارها تتراوح من 6 الاف الى 10 الاف فى السنة وبعدها الاكادمية وبعدها الجامعة واى واحد عاوز يستفسر عن شىء ما يخجل ويقولى وانا ان شاء الله هدخل بصمة دورية اشوف الاسئلة واجاوبها لو ربنا ادانى عمر تحياتى ليكم واتمنى من الله عز وجل او يوفقك:078111rg3::078111rg3: |
توضيح الموضوع دة عن كل شىء فى الهندسة من اول احتيار التخصص يعنى نفسك فى قسم اية الى ان تختار جامعة اية يعنى اى حد عاوز يعرف شىء عن تخصص معين يقولى وانا ان شاء الله بتابع يوميا الموضوع دة علشان لو فية اى استفار تحياتى ليكم
|
هى معلومات جيدة وخصوصا ان الكلية ال اختارتها لابد ان تكون نقابة المهندسين تعترف بها
السؤال هل انت فاضى يا طالب الاعدادى لتجاوب على اى اسئلة ؟ وانت هتكلمهم كمان على التخصصات وانت لسة العام القادم هتفكر فى تخصصك يبقى انتم على كدة مابتخدوش حاجة ................... |
اقتباس:
بالنسبة للجامعة نعم تم الاعتراف بيها السنة دة من نقابة المهندسين لان اول دفعة تتخرج هى السنة دة لان الجامعة انشئت عام 2006 ثانيا الدراسة هنا جادة جدا يعنى ما ينفع تلعب وطبعا دراسة كلها انجلش +دراسة لغة الروسي زيادة لانها جامعة روسية بالنسبة للتخصص انا اختارتة وانا لان لو ربنا ادانى عمر ان شاء الله وهو تخصص الميكاترونيكس لو فية اسئلة تانية اكتبها وانا هرد عليها كل ما ادخل ان شاء الله |
بالنسبة للحديث عن سؤال انى هل اقدر اكلمهم عن تخصص وانا فى اعدادى ان شاء الله اة لانى وانا من اولى ثانوى قاعد ادور على كل تخصصات الهندسة الى فى الحكومى والخاص فاعرف عن التخصصات عامة لانى مش هتعمق فى التخصص واقول مواد التخصص بل التخصص اية مهمتة وخريجة اية فقط ما خد يقدر يتكلم عن كل التخصصات بدراسة موادها
تحياتى لك |
عموما ربنا يوفقك
|
شكرا لحضرتك
اية ياجماعة ما حد عاوز يعرف اى شىء عن الهندسة عاوزين نستفتح ههههه |
ايه احسن جامعة فى مصر الامريكية ام جامعة القاهرة فى الهندسة خصوصا ؟
|
اقتباس:
لاكن جامعة القاهرة و مستواها كويس فى الهندسة وبها تخصص نادر فى مصر وهو هندسة الطيران بالاضافة الى معهد امبابة اتمنى ان اكون جاوبتك على سؤالك لاكن يوجد اضافة صغيرة وهى ان احسن جامعة خاصة فى الهندسة هى الجامعة الالمانية لان بها احدق المعامل واعلى مستوى دراسة وسعرها سنويا 30 الف جنيهة مصرى تقريبا |
انا عايز ادخل الجامعة الالمانية كلية هندسة
ايه رايك هي احسن و لا القاهرة ؟؟؟ لاني محتار شويه علما ان التخصص اللي عايز ادخله موجود هناك اللي هو الميكاترونكس بس برضه انا قلقت منه لانهم بيقولوا ان فرص عمله قليلة |
اقتباس:
بس مصارفها 30 الف سنويا طبعا بتقل لو انت جايب فوق ال95% بالنسبة لتخصص الميكاترونيكس انا ايضا اريد ان ادخلة ان شاء الله وهو تخصص كويس ولة مستقبل هقولك لية اولا هو فعلا لان وحاليا فى الوقت الحالى ما لة شغل بنفس الشهادة بس طبعا الشغل على الله بس لو فكرنا عمليا وواقعيا هنلاقى انك لو دخلتها هتتخرج بعد 5 سنين يعنى تكون اللبلد تقدمت كتير والمجال اتفتح اكثر لان العلم كل يوم بيتطور يوميا ولاحظ ان الميكاترونيكس لو اخد دورات زيادة فى الميكانيكا او الكهرباء وانت بتدرس لما تتخرج تقدر تشتغل كدة كانك 3 مهندسين يامهندس ميكاترونيكس يشهادتك الاصلية او مهندس ميكانيكا فقط او مهندس كهرباء فقط اتمنى ان اكون وضحت اجابتك |
اقتباس:
و انت بصراحة اقنعتني :078111rg3: |
اقتباس:
|
انا كنت مقدم فى الالمانية بتخفيض 25 % وسحبت فلوسى انا و صحابى بعد لما عرفت ان الاعتماد اتسحب منها و ان مستواها عالميا مش قوى غير بسيط اوى فى المانيا و الادارة غير منظمة و ده كلام من خريجين من الجامعة و معيدين نفسهم و شكراا
|
استحااااالة لان الالمانية اقوى تعليم ومصارفها غالية لان عندها استقرار فى مستواها العلمى يعنى لما كل جامعة تغلى مصروفاتها دة يدل ان مستواها العلمى عاالى وشهادتها ممتازة
انا بقولك الى عندى |
اقتباس:
الجامعة من ساعة ما اتعملت كانت بشراكة مع جامعتين اللي هما شتوتجارت و اولم و الجامعتين دول بيعتمدوا برامج الجامعة الالمانية بالكامل http://guc.edu.eg/AboutGUC/en/Partners/Partners.aspx طبعا معني انها معتمدة من جامعتين علي مستوي عالمي يبقي اي جامعة تانية تشوف الاعتماد من جامعين محترمتين هتعترف بيه بالنسبة للادارة المشكلة كانت بخصوص اتحاد الطلبة و الموضوع ده عامل مشكلة من فترة مش قصيرة و بالنسبة لقوة التعليم انا اسمع انها قوية جدا بدليل اعتمادها من بره و انا بالصدفة و انا بقلب علي النت بخصوص الجامعة شوفت موضوع لو تسمع عن طالب عبقري اسمه عمر راح لجامعة القاهرة الدكاتره بتوع هندسة اعجبوا بيه جدا و خلوه يروح يدرس حاجات معينة في الجامعة الالمانية و الامريكية علي اساس ان التعليم متطور جدا و هيفيدوه اكتر تفتكر لو مكانتش حلوة كانوا وجهوه ليها ؟؟؟؟؟ و انت لو متابع هتعرف ان من حوالي 3 او 4 سنين الجامعة الالمانية بتشارك في مسابقات عالمية و بتاخد مراكز متقدمة خاصة في البرمجة و هندسة الميكاترونكس لو التعليم مش كويس كانوا ازاي هيحققوا مراكز متقدمة كده ؟؟؟ و متهيالي برضه انك عارف ان معظم اوائل الثانوية العامة بيفضلوا يدخلوها |
اول حاجة الجامعة الالمانية ده بتشرف عليها بس فى فرق بيت الاعتماد و الاشراف و دول جامعتين بس و تانى حاجة انا ممكن افتح جامعة وخلي اى جامعة برة تشرف عليها من خلال انى هدرس منهجهم
تانى حاجة التعليم حلوة ماشى بس انا فى نظرى القاهرة او الامريكية احسن منها بكتير ثالثا الطالب الذكى ده المفروض يسافر برة ميعدش فى مصر رابعا اوائل الثانوية بيفضلوها عشان بياخدوا منح مجانية كاملة وشكرااا |
اقتباس:
بس حضرتك مينفعش تقارن بين الامريكية و الالمانية لان الامريكية جامعة اهلية تماما و كانك اخدت شهادتك من امريكا اما الالمانية جامعة مصرية واخدة اعتماد و عامله شراكة مع عدة جامعات المانية فالامريكية ظروفها مختلفة بس طبعا هي الجامعة رقم 1 في مصر و فكرة اني اخلي اي جامعة تشرف عليا كلام صح و فعلا معظم الجامعات الخاصة بتعمل كده بس و لا واحدة فيهم بتسفرك المانيا تدرب او بتخلي طلابها المتفوقين يسافروا بره يحضروا الماجستير لانه بيبقي اشراف مع جامعات عادية جدا و ساعات بيبقي علي الورق بس و برضه الاوائل بيبقي قدامهم القاهرة طب ليه بيصروا علي الالمانية برضه ؟؟؟ و موضوع السفر بره انا معاك ميه في الميه بس مش في الجامعة انا شايف بعد التخرج تكمل بره و عشان كده بصراحة بفكر في الالمانية لانها هتوفرلي الفرصة ديه و اخيرا انا مش ملاحظ فرق بين الاعتماد و الاشراف لان في اللينك اللي جبته بيقول انها اتعملت بالشراكة مع الحامعتين دول علي اساس ان المنهج يتم اعتماده بالكامل منهم و لا ايه رايك ؟؟؟؟ و شكراااااااا |
هههههههههه اية ياجامعة هدوا نفسكم اغيب يوم ارجع الاقى انكم مدمرين ببعض ههههه بهزر
بص حضرتك دلوقتى الجامعة الامريكية جامعة اهلية بمعنى انت لو سافرت امريكا لوحدك ودرست فى جامعة ارميكية مش هيطلعلك شهادة من امريكا صح؟؟ ... هى هى فى مصر بالظبط لما تدخل الجامعة الامريكية فى مصر هتاخد شهادة معتمدة من امريكا لاكن الفرق انك فى بلدك مش لازم تسافر امريكا علشان كدة سعرها غالى اغلى جامعة 90 الف جنيهة لاكن الالمانية عليها اشراف من جامعات المانية عالمية وطبعا بتاهلك للسفر الى المانيا وانت بتدرس لانك ممكن تقعد هناك سنة او اثنين وانت لسة بدرس يعنى مثال انا فى الجامعة الروسية عليها اشراف من روسيا وعاملة اتفاقيات مع جامعات روسية اخرى وبتاهلنى انى لقدر اسافر الى روسيا ادرس فيها وانا طالب +لو عزت اخضر ماجستير او دكتراة اقدر احضر فى روسيا بسهولة لان جامعتى كانت عاملة اتفاقيات مع جامعات اخرى دة الهدف وهو هو فى المانيا بس الفرق ان الجامعة الالمانية احسن فى العلم انا كنت عاوز ادخلها بس مصارفها كتير بصراحة فلقيت الروسية كويسة وتعليمها فوق الجيد يارب اكون وضحتلك الفرق ولو عندك اى استفسار تانى لا تخجل واسئل |
غالبية كلامكوا صح انا بس حبيت اوضحلكوا ان الاشراف بتاع الالمانية اتسحب من الجامعات الالمانية اللى برة السنادى ولسا بيحاولوا يرجعوه وانا كنت مقدم ودفعت كماان بتخفيض 25 % بس اول لما عرفت كده سحبت فلوسى وانا الرد بتاعى كان بسيط مكنتش اعرف انكم فهمين ان الامريكية اهلية وكده بس انا طلعت غلط :d ربنا معاكوا ان شاء الله
|
اقتباس:
و بصراحة انا مسمعتهاش قبل كده و موقع الكلية كاتب انها لسه تحت اشرافهم و شكرا علي ردودك معانا |
http://www.thanwya.com/vb/showthread...=1#post4231954 بس هنا كده واحد معلق من الجامعة نفسها اسموا ypkill
|
اقتباس:
فين بقي الاعتماد اللي اتلغي ؟؟؟؟؟ في شراكة من الجامعتين و هي معتمدة مناهج الجامعة و ديه نقطة الخلاف و بالنسبة لموضوع المعادلة اي جامعة في مصر مش معترف بيها الا في مصر بس و ممكن في الوطن العربي ماعدا الجامعة الامريكية فقط لانها مش جامعة مصرية اصلا :) السؤال المهم : انت بتقول الاعتماد اتلغي ؟؟؟ فين الكلام ده ؟؟؟؟ لو قصدك اعتماد عالمي هو مش موجود اصلا عشان يبقي يتلغي اي جامعة خاصة في مصر بتبقي معتمدة داخل الدولة زي اي جامعة حكومية تانية لكن بعض الجامعات الخاصة بتعمل شراكة مع جامعات اجنبية تعتمد مناهجها و تقدم ليها الدعم حسب الشروط و ده الموجود مع الجامعة الالمانية من ساعة ما اتعملت و هي معتمدة من جامعتي اولم و شتوتجارت هل ده اتغير ؟؟؟؟ هو ده السؤال |
انا اقصد اشراف الجامعتين دول اتلغى و الجامعة مش هتقول كده عشان كل سنة فى وفد من الجامعتين بيجى يشوف المناهج و المتحانات و يقرر و انت حظك لتكون دفعتك معتمدة او لا
|
اقتباس:
و هحاول اعرف معلومات اكتر عن الموضوع ده شكرااا علي ردودك :022yb4::022yb4: |
ايه رأيك يا باشا في الجامعة البريطانية؟؟؟ بذات عشان فيها بترول و جامعات قليلة اللي فيها
|
اه رايك في جامعة 6 اكتوبر بالنسبة للهندسة
هل استفيد منها؟ |
هوا لو الواحد مجموعه مجبش معهد هندسه معتمد من الوزاره ممكن يخش المعهد الي مش معتمد وياخد اول سنه وبعد كده يحول يااااااريت حد يفيدني |
والحد الادني لهندسة روسية كام وما هي اقوي اختبارات القبول يارب يكون الحد الادني خيرشكرا
|
اقتباس:
لاكن بالنسبة للتعليم فى الجامعة على ما اسمع من بعض الزملاء لى ان مستوى الدراسة فية كويس وراقى |
اقتباس:
|
اقتباس:
وكمان الهندسة الخاصة فى الكليات اعرف انها بتاخد من 70% ودة كلام موثوق لاكن لازم تقدم بسرعة لان كل ما تتاخر النسبة بترتفع ولو انت عاوز تقدم فى معهد علشان المصاريف انت ممكن تقدم فى كلية خاصة تشوف ارخص كلية وتقعد فيها وتقعد ترم او سنة وبعدها تحول لاى معهد معتمد انت عاوزة تمام كدة؟ |
اقتباس:
بالنسبة للاختبارات ما فيش انت بتروح بالشهادة الثانوية ونصف المصاريف حوالى 9 الاف جنيهة وبس وان شاء الله تتقبل |
عايز اعرف تنسيق الكليات الخاصة كلها ويريت تكون الاجابة فى اسرع وقت وشكرااا جزيلا لسيادتكم
|
اقتباس:
لاكن انت ان شاء الله لو طلعت النتيجة بتاعتك قريب وجايب اعلى من 70% فى الثانوية اول ما تاخد الشاهدة الاصلية من المدرسة رووووح الجامعة الخاصة الى انت عاوزها وقدم بسرعة ما تستنى التنسيق للجامعات الخاصة ينزل وبعدها تقدم انا عملت كدة وعرفت انى كنت اقدر اقدم من قبل ما ينزل |
انا دخلت علي موقع النقابة وملقتش غير الكليات الحكومية هندسة تخطيط عمراني فنون جميلة عمارة ياريت توضيح خصوصا في حكاية النقابة لان الكلام كتير انهم عايزين يخلوها حكومي بس ويلغوا الخاص والمعاهد انا خايف جدا ملحقش حكومي انا في تالتة وجايب في تانية 92
|
سؤال معلش هل هندسة الشروق تابعة للنقابة
|
اقتباس:
اتمنى اكون طمنتك ملحوظة مهمة ليك انت جايب 92% فى تانية ثانوى انت لو جبت زيهم فى تالتة ثانوى هيبقى المجموع الكلة 92% ومستوى رفيع عليهم 2.5 % يبقى انت جبت 94.5 % يعنى هتدخل هندسة حكومى ان شاء الله دة لو انت ما شديت حيلك وجبت اعلى من 92% فاذا انت قدامك حكومى الاول وانا طمنتك فى فى الكليات الخاصة لو فية شىء تانى قولى |
اقتباس:
|
انا مش عارف اشكرك ازاي علي الاهتمام بس المستوي الرفيع لما تتجمع تانية مع تالتة يبقي 1.5 في الميه بس وانا الرياضة كانت صعبة جدا فعشان كدة خايف اوي ومن الفيزياء لو الرياضة والفيزياء عدوا يبقي الحمد لله وشكرا ليك
|
اقتباس:
المستوى الرفيع 2.5% وليس 1.5% لان المستوى انت بتاخدة فى سنة واحدة فقط مش فى سنتين فبالتالى مش بيتقم على سنتين انا عارف ان الرياضة كانت صعبة المرة دة بس دة على الكل ان شاء الله يععنى خير ان شاء الله والعفو لو عزت شىء تانى انا فى الخدمة |
مش انت في تالتة بتاخد عليه لو قفلته خمس درجات يعني 2.5 لاكن لما تجمع مع تانية مجموعك هيبقي واحد ونص مش كدة برضو قصدك ولا ايه وشكرا ليك بجد علي التوضيح
|
اقتباس:
اها انا اسف بعتذر ليك ما اخد بالى انة مستوى رفيع يتبع المواد ايوة ايوة انت صح علية 1.25% فقط اعذرى مرة اخرى |
يا عم عادي فيها ايه هو انت في كلية ايه
|
اقتباس:
|
هههههههههههههههههه معلش مخدتش بالي بس بجد تنصحني بايه في الهندسة غير الحكومة العاشر ولا اكتوبر ولا معاهد ولا الشروق يا ريت تفيدني
|
ولو في حاجات غيرهم قولي عشان انا احترت والله اكيد ليك معارف واصدقاء عرفت حاجات منهم ففيدني وانت كمان في المجال ده
|
اقتباس:
لاكن الاحسن شىء هى الجامعة اى جامعة علشان لما تتخرج بيتكتب فى شهادك انك اتخرجت من كلية الهندسة بجامعة كذا مش من معهد او اكادمية |
اقتباس:
|
انا قدراتي اخر حاجة 12 الف ياريت تقولي
|
| جميع الأوقات بتوقيت GMT +2. الساعة الآن 02:55 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.