|
طالبه في تانيه اسنان تحت امركم للي عايزا اي استفسار بشان الكليه
طالبه في تانيه اسنان تحت امركم للي عايزا اي استفسار بشان الكليه هحاول ادخل ارد كل يوم و ربنا يوفقنا جميعا |
اولا انا علمى رياضه لكن انا داخل اشكرك بس لمحاوله مساعدتك للاخرين فعلا النوع ده من الناس نادر جدا
الف شكر ,,, |
:d حضرتك جيتي فى وقتك تقريبا
عندى اسئلة بسيطة عن طب اسنان 1) ماهو المستوي المادى بعد التخرج (بصورة عامة) ؟ 2) ماهو مستقبل طبيب الأسنان ؟ غير أنه يفتح عيادة لأنى سامع ان فتح العيادات بيتكلف كتير اوى فى اسنان فبيعملو ايه ؟ يعنى بيدرس ويسافر ولا بيسافر علطول ولا بيشتغل فى مستشفيات ولا بيعمل ايه 3) ايه رأيك فيها عامة وانهى افضل او حتى ممكن مقارنة بسيطة بينها وبين بشرى وصيدلة شكراً :d |
اقتباس:
اولا حضرتك لما تختار الكليه اخر حاجه تفكر فيها المستوي المادي و خصوصا كليتنا عشان محتاجه حد بيحبها علي حسب احنا عندنا قسم التقويم و قسم جراحه الوجه و الفكين بيكسبوا فلوس كتير عامه احنا لينا تكليف بعد التخرج بناخد حوالي 1200 احنا عندنا مشكله بسيطه في كليتنا و هي انها مكلفه حبتين بالنسبه للعياده فتح العياده دلوقتي بقي اسهل من زمان عشان بقي في كرسي اسنان صيني يعني التجهزيات ممكن متعديش 20 الف و ده كويس جدا مقارنه بالماضي لما حضرتك تخلص دراستك ممكن تشتغل في اي حته من غير ماجستير ممكن تسافر لو حضرتك عايز بس غالبا بيبقي في امتحانات بسيطه في المواد اللي خدتها في الكليه قبل ما تسافر بالنسبه للفرق بين اسنان و طب و صيدله طبعا انا وجهه نظري هتكون متحيزه حبتين اولا طب بعد تعديل نظام المديول ده نظام صعب جدا و طب 6 سنين + الامتياز و الجاستير علي ما عتقد 3 سنين و احتمال يزودوه يبقي 5 سنين و طبعا ماينفعشي حضرتك تشتغل من غير المجاستير عشان التخصص بيبقي في المجاستير اما كليتنا فهي 5 سنين + 1 سنه امتياز و مش لازم تاخد ماجستير عشان تشتغل لان التخصص بتاعك معروف من سنه اولي اما بالنسبه لصيدله فنفس الكلام الفرق بينا و بين صيدله هو انو شغل العملي في كليتنا كتير جدا فلو حضرتك بتحب شغل العملي يبقي كليتنا احسن من ناحيه الماديه اعتقد كلهم زي بعض بس عامه فرص الشغل بالنسبه لاسنان و صيدله اكبر انا كنت نسي ادخل بشري بس فرقت معايا علي نص درجه بسبب علم النفس بس بعد كده حمدت ربنا اني مدخلتهاش عشان لاقيت انو ايدي حلوه في العملي و كمان بشري صعبه جدا و فيها حفظ كتير احنا كمان عندنا حفظ و صيدله برضوا بس مش بدرجه بشري احنا دكاتره بشري اللي بيدونا بيقلولنا انتوا احسن كليه في المجموعه الطبيه و كتير من الدكاتره اللي بيودونا مواد بشري مدخلين ولادهم اسنان اسفه للاطاله و يارب اكون افدت حضرتك و لو في استفسار تاني انا في الخدمه |
أولا ألف شكر لحضرتك ..
لإنك فكرتي تساعدي أخواتك الصغيرين الحيرانين :) أنا بس عايزة أسأل عن انيابات في أسنان .. في أصلا نيابة زي طب ولا لأ ؟ يعني تعيين في المستشفيات التعليمية بكوادر جامعية .. هل في كده ؟؟ ولو في فياترى كام واحد بياخدوهم نيابة كل سنة ؟؟ وهل إكمال الدراسة في كادر جامعي شيء كويس لطبيب الأسنان ولا لأ ؟؟ وهل بياخدوا معيدين ولا لأ .. وكام ؟؟ وألف شكر على الإجابة مقدماً .. |
اقتباس:
لاشكر علي واجب انا لما كنت ادكوا كان في دكتور عامل نفس الموضوع ده هنا برضوا و سالته كتير اوي زمانه اتخرج دلوقتي ايوه في تعيين في المستشفيات الجامعيه بكوادر جانعيه انا اللي سمعتوا في جامعه الاسكندريه بياخدوا ال 20 الاوائل يتعينوا معيدين و ال50 اللي بعدهم في مستشفيات الجامعه و الباقي بيجيله التكليف علي حسب مجموعه كل ما صغر المجموع كل ما يجي التكليف في حته ابعد طبعا الارقام مش ثابته بتتغير علي حسب احتياجهم يعني ساعات دفعات كامله بيخدوها كله في المستشفيات التعليميه و خصوصا انو دفعات اسنان بتبقي صغيره يعني مثلا سنه رابعه عندنا 200 و شويه تقريبا و احنا اكبر دفعه في الكليه حوالي 450 مش زي طب و صيدله بيبقي اقل حاجه 2000 في الدفعه الواحده |
شكرا على موضوعك الرائع
طيب بالنسبة للمعيدين بيبقى ايه نظامهم؟ يعنى يقدر يفتح عيادة برضه؟ وانا اسف لكن بما اننا فى وضع حالى سيئ والمعيشة غالية فأيه الدخل بتاع المعيدين مثلا؟ يعنى برضه كأى وظيفة حكومية كدة زي التكليف مثلا ولا بيبقى فيه حجات تانية ولا بيدو كورسات ولا ايه ؟ وبالنسبة للدراسة المكلفة شوية يعنى هى بتتكلف كام تقريبا (رقم تقريبى بس) وبيبقى فيها كورسات برضه ولا مش لازم ؟ واسف اوى على اسئلتى اللى ممكن تبقى رزلة ورخمة فى نظر بعض الناس انا اسف وشكرا |
اقتباس:
لا مش رزله ولا حاجه انا قبل ما ادخل الكليه فكرت في الحاجات ديه بصراحه انو حد عندنا يتعين معيد ديه مش مضمونه لانها غالبا بتتحجز لاولاد الدكاتره متهيالي المعيد يقدر يقتح عياده عادي مافيش مشكله بيقولوا في قانون احتمال يطلع يمنع اللي يعمل في مستشفي حكومه انو يعمل عمل خاص بس لحد دلوقتي مافيهاش مشكله بالنسبه لدخل المعيدين انا معرفش دخلهم كام انا اللي اعرفه انو الدكتور اول ما بيتخرج و يجيله تكليف الدكتور العادي مش المعيد بياخد 1200 جنيه بالنسبه للمعيدين فيه منهم بيدي كورسات و في منهم مش بيدي كورسات بس المعيدين اغلب فلوسهم بتضيع علي المراجع و الابحاث و الماجستير المكلف جدا اللي المفروض ياخدوه غالبا بيتكلف الفات علي فكره احنا مش زي طب مش شرط يكون الدكتور استاذ في الجامعه عشان الناس تجيله دكتور السنان الشاطر اللي بتقي ايديه حلوه في الشغل و ديه بتبقي هبه من عند ربنا حتي اكتر دكاتره السنان المعروفين و عندهم مراكز كبيره مهماش اساتذه في الجامعه الدراسه عامه الكليات العمليه مكلفه يعني الكتب في اي سنه حوالي 400 جنيه اكتر او اقل علي حسب كل سنه اعدادي يبتبقي الادوات بسيطه في حدود 50 جنيه كده و اولي تقريبا 200 جنيه كده و في اجات بتجاب علي مدار السنه زي الشمع بتاع نحت السنان بيبقي العلبه بجنيه ولا حاجه المشكله بقي في تانيه بنجيب الهاند بيس و ديه الاله اللي بيزن بيها طبيب الاسنان اللي بتقطع السنه في انواع منها ب 250 جنيه بس صيني و مش بتستحمل احسن الانواع هي الانواع الالمانيه و اسعارها بتبدي من 1200 و طالع ده غير ادوات تانيه بتتكلف حوالي 400 جنيه ده غير الكتب طبعا و المشكله الاكبر في تالته و رابعه لانننا بنشتغل علي مرضي و احنا الي بنصرف عليهم فبنضطر نجيب مواد الحشو و علا العصب و التركيبات من معانا و مثلا في ماده بناخد بيها مقاس العلبه ممكن توصل 600 جنيه بس ساعات الكليه بتوفر بعض المواد المحلات بتبيع اكياس تستخدم لمره واحده بنلم من بعض و نجيب للسكشن كله بسعر الجمله يعني اللي عايز يصرف بيصرف الكورسات لو حضرتك بتفهم كويس لوحدك و كنت مش متعود علي انك تاخد كورسات من ابتدائي و كويس في اللغه مش هتاتاجها انا عمري ما خدت كورسات من ساعه ما دخلت الكليه و الحمد لله بجيب امتياز مرتفع كل سنه و اي استفسار تاني انا في الخدمه |
اقتباس:
وهل دى ممكن تيجي بالممارسة والتمرين ولا ايه ؟ او بمعنى اصح اعرف منين ايدي خفيفة ولا لأ ولا دي بتبان فى الشغل :d معلش واضح انى زهقتك ، صح ؟ بس ده اخر سؤال ان شاء الله وشكرااااااااا جدا ويارب نشوفك من الدكاترة المشهورين جدا |
اقتباس:
لا مافيش زهق ولا حاجه بالعكس انا ببسط اني بساعدكوا احنا بتعمل كل شغلنا بايدينا يعني مثلا في سنه اولي بننحت السنان من الشمع قصدي ايديه حلوه يعني بيطلع الشغل مظبوط مثلا الحشو لما يتعمل صح مايتكسرش ولا يجيب مشاكل للمريض لانو لو عالي 1 ملي بس ممكن يجيبله امراض في المفصل بتاع الفك و التركيبات لازم تتعمل صح و ديه بيبقي لها مراحل في عملها علي فكره احنا شغلنا لذيذ يعني تحس انك بتلعب مش بتشغل ممكن حضرتك تشوف فيديوهات نحت للسنان او حشو او كيفيه عمل اطقم ولازم يكون عند دكتور السنان حس جمالي علفكره انا اول ما ادوني مكعب الشعمع عملت كائن اشه بالصرصار عن انو سنه بس مع التدريب بقيت بعمل سنان نجميله و الله الدكتوره كانت بتبهر بسناني و عندنا معيد مره قالنا انو عمل 365 سنه قبل ما تتطلع معاه سنه حلوه مافيش حاجه في الدنيا مش بتيجي بالتدريب بس لازم يكون عند حضرتك صبر و حب للحاجه اللي بتعملها عشان تقعد تتدرب فيها و اي سؤال تاني انا تحت امرك |
شكرا جدا على ردك يا دكتورة
وان شاء الله نشوفك من اكبر واشطر واحسن الدكاترة فى مصر :) |
اولا شكرا جدا يا دكتورة على المساعدة
ثانيا انا اعدادى أسنان بس طنطا على فكرة انا كمان كان نفسى ادخل بشرى بس مجموعى دخلنى اسنان وفرقت على 3 من عشرة بس قلت اكيد الخير فيما كتبه الله لى دلوقتى انا فى الكلية الحمد لله الشغل ماشى الى حد ما كويس واتأقلمت مع الكلية انا مش عايزة اخد كورسات بس فى بعض المواد وخصوصا فى علوم مش عارفة اذاكرها كويس زى الكيمياء كدا وفى ورق كتير بيتباع فى مكتبات لو جبت الورق دا ممكن انه يشتتنى ولا ايه بالظبط وفيه بردو بداية الماتريال مش عارفة افهمها اوى اسفة على الاطالة |
جدعه يا دك 000000000
|
اقتباس:
بكره تحمدي ربنا انك دخلتيها انا كنت زيك قبل ما ادخل الكليه بصي بالنسبه لاعدادي عامه اهم حاجه المحاضرات و الامتحان هيجي من المحاضرات ذكري الكمياء عضويه و غير عضويه و الفيزيكال كيمستري من المحاضرات و ممكن تجيبي الورق اللي بيتباع في المكتبه عشان لو في حاجه ملحقتيش تفهميها انا مش عارفه قصدك علي انهي ماتريال اصل احنا بناخد الدنتال بيو ماتريال في اولي و ديه بتتذاكر من الكتاب لو قصدك علي الماتريال بتاع الفيزياء يبقي برضوا من المحاضرات و حبه كده تقريهم من الكتاب و الله يا بنتي انا كنت بتذاكر من المحاضرات و بس و جبت امتياز بس ده بلنسبه لاعدادي و بس السنين اللي بعد كده حاجه تانيه و لو في حاجه محدده مش فاهماها انا ممكن اعصر دماغي و احاول افهمالك معلش اول السنه بس بيبقي فيه صعوبه حبتين كمان عشان اللغه بس بكره تتعودي لدرجه انك هتعاني من العربي فيه في علوم رفع كفاءه هي كورسات بس بفلوس مخفضه بس انصحك انك تعتمدي علي نفسك عشان كليتنا مافيهاش الا كورسات و لو ماعرفتي تعتمدي علي نفسك من اعدادي مش هتحاجي كورسات باقي السنين و اي استفسار تاني انا في الخدمه |
جزاكي الله واثابك خيرا يا دكتوره
واي مساعده كلنا موجودين تحياتي |
اقتباس:
وان شاء الله احاول اعتمد على المحاضرات ولو فيه ورق وبس مش هلجأ للكورسات وربنا معانا وجزاكى الله كل خير |
اقتباس:
ويجعل مساعدتك لينا في ميزان حسناتك .. بس عندي سؤال صغيور عن الماجيستير .. هوا يا ترى أي حد بعد ما يتخرج يقدر يقدم ماجيستير ولا لازم يكون معيد في الكلية ؟؟ ويا ترى حكاية الماجيستير دي مفيدة ولا ملهاش لازمة ؟؟ وأي تاني تخصاصات غير تقويم وجراحة تجميل ممكن نعمل فيها ماجيستير .. حاجة كمان أخيرة .. عايزة من حضرتك نصيحة صادقة لأختك الصغيرة :) لو قدامي فرصة أحول لطب عين شمس ( وأنا أسنان القاهرة ) تنصحيني أحول ولا لأ ؟؟ وألف شكر ليكي على وقتك وردك علينا .. |
اقتباس:
ممكن اي حد يعمل ماجستير طالما جاي امتياز في الماده اللي هيحضر ماجستير فيها طبعا مفيده اولا المرضي اللي هيجولك اكتر و علي ما اعتقد مرتبك هيزيد و غير كده في حالات معينه مينفعشي يشتغلها الا اللي معاه ماجستير في التقويم و الجراحه و ديه الاقسام اللي ممكن يتحضر فيها ماجستير العلاج التحفظي وعلاج الجذور(operative dentistry)(conservative department) بيولوجيا الفم(oral biology) باثولوجيا الفم(oral pathology) الاستعاضة الصناعية(Prosthesis) جراحة الفم والوجه والفكين و التجميل الفم وعلاج اللثه والآشعه طب أسنان الأطفال والصحة العامة للأسنان المواد الحيوية (خواص المواد) تقويم الأسنان بالنسبه لسؤالك بصي يا حبيبتي في قرارات مصيريه لازم تخديها بنفسك مينفعش د يقولك فيها تعملي ايه هاتي وره و قلم و اكتبي مميزات و عيوب الكليتين و قارني بنهم من حيث عدد السنين الشغل العملي الشغل بعد التخرج حبك لمواد الكليه كليتنا بالذات محتاجه تقبل خصوصا من البنات هتقدري تقفي و تشتغلي علي مريض اقعدي مع نفسك و فكري و خدي قرارك هتلاقيني فوق عامله مقارنه بسيطه متحيزه طبعا بين اسنان و طب بس ما تسمعيش مني انا و بس اسالي حد في بشري امين يقولك رايه برضوا و صلي استخاره و ربنا يوفقك اللي فيه الخير |
بجد بجدأنا مش عارفة أشكر حضرتك إزاي يا دكتورة ..
أفدتيني كتييير .. ربنا يكرمك ويجزاكي خير .. وبالنسبة لحكاية طب ولا أسنان .. هاعمل اللي قلتي لي عليه إن شاء الله .. :) وميرسي ليكي خاااالص .. |
بجد بجدأنا مش عارفة أشكر حضرتك إزاي يا دكتورة ..
أفدتيني كتييير .. ربنا يكرمك ويجزاكي خير .. وبالنسبة لحكاية طب ولا أسنان .. هاعمل اللي قلتي لي عليه إن شاء الله .. :) وميرسي ليكي خاااالص .. |
شكرا كتير
بس ممكن اعرف كيف بدي احصل علي سلاديات وملخص محاضرات سنة أولي طب اسان عين شمس |
ممكن تخبروني كيف احصل علي محاضرات سنة اولي اسنان عين شمس
|
ازاي ممكن نحصل علي محاضرات سنة اولي اسنان عين شمس
|
اقتباس:
ممكن حضرتك تلاقيها في المكتبات اللي جمب الكليه انا اسنان اسكندريه فبصراحه ما اقدرش افيدك اوي و اسفه علي التاخر في الرد بسبب العيد |
انا احمد طب اسنان المنيا اعدادى طبعا :078111rg3:ممكن اعرف ازاى اذاكر الهيستولوجى ده ؟؟؟ مش فاهم فيه كلمه بصراحه |
اقتباس:
الهستو كله حفظ حاول تقراه بالراحه من الكتاب احنا كتابنا بتاع الzoology كان حلو معرفش ايه اخبار كتابكم ممكن برضوا هتلاقي ورق بينزله المعيدين في المكتبات اللي جمب الكليه و ممكن تصور ورق الكورسات من حد او في علوم اسكندريه كان فيه حاجه شبه الكورسات باسعار مخفضه اسمها رفع كفاءه تبع الكليه اسال عليها في شؤون الطلبه انا كنت بقرا الهيستو من الكتاب و المحاضره و كنت بحط الكتاب و المحاضره قدامي و ابيض منهم هما الاتنين و كنت عامله كراسه تلخيص للهيستو معلش الهيستو يعتبر اغلس فرع في الحيوان هو و الاناتومي فمحتاجين وقت شويه في المذاكره و اي حاجه تانيه انا في الخدمه |
شكرا على متابعة حضرتك
هو عندى سؤال كدة جه فى دماغى هى بتفرق من واحد كان فى مدرسة عربى وبين واحد كان فى مدرسة english ؟ بتفرق حاجة بعد كدة فى الكلية ؟؟ شكرا |
اقتباس:
هي بتفرق قي اول شهر عشان اللغه بس بعد كده بنتعود علي فكره انا كنت مدارس عربي و ملقيتش اي مشكله في اللغه و كتير من اوائل الدفعه من مدارس عربي مش شرط اللي شاطر شاطر ايا كانت مدرسته |
اولا :احب اسلم على حضرتك
ثانيا : انا لسة طالب في ثانوية عامة (المرحلة اولى)و بجد نفسي ادخل صيدلة او اسنان فياريت حضرتك تفيدينا بخبراتك في الثانوية العامة وهل علمى علوم صعب ومستحيل زى ما كتير بيقولوا ولا اية الحكاية |
سؤال لو سمحتى حضرتك ..
هو بين سنة تالتة وسنة رابعة فيه تدريب فى مستشفيات او حاجة كدة اجبارى فى الصيف؟؟ او حتى اختيارى ؟؟ وهل فيه طلبة اثناء سنة 2-3-4 بيروحو مستشفيات او عيادات او مستوصفات يتدربو او حتى يساعدو دكاترة كبار شوية عشان يخدو خبرة ؟ ولا ده فى الكلية فقط لا غير وفى سنة الامتياز فقط ؟ شكرا |
اقتباس:
اولا بجد اسفه للتاخير في الرد نظرا لظروفي علمي علوم اسهل حاجه و اسهل من رياضه و ادبي كمان و الله بتكلم بجد اقتباس:
احنا بننزل عيادات في الكليه اجباري في تالته و رابعه في عيادات الكليه و في ناس ساعات كمان بتشتغل برا من سنه تالته تالته و رباعه متصلين لانو بتبقي في حاجه اسمها requirements يعني علي سبيل المثال تخلع 30 سنه و تمضيها من معيد تحشي 80 سنه و هكذا اه طبعا ينفل تنزل تتدرب مع اي حد في اي عياده و لو حابب مممكن تشتغل كمان بس في مستوصفات كده مش معروفه |
يادكتورة انا سمعت حاجة عن تكليف العيادة وكنت عاوزة اعرف هى صحيحة ولالا .سمعت ان الدكتور بيتفق مع شركة اجهزة طبية وبتفرشله العيادة وكل شهر بيسدد مبلغ معين . انا متحيرة جدا . انا السنة دى باخد احياء ومستوى رفيع بس علشان حصلى ظروف فى الامتحان السنة اللى فاتت فممتحنتش وان شاء الله مجموع السنتين بس يارب اجيب النهاية فى الاحياء والمستوى 98.5% وبصراحة بردو انا مش بحب بشرى نهائى ومتحيرة بين اسنان وصيدلة جداااااااااااااااااااااااااا.ياريت حضرتك تفيدينى
|
اقتباس:
و الله انا معنديش اي معلومات عن موضوع تكليف العياده ده علمي علمك اللي اعرفه انو ممكن يتاخد قرض من البنك او شراء الادوات بالتقسيط بس ادوات اسنان تنقسم لنوعين الاول هي الاجهزه الغاليه جدا و التاني هي المواد و الادوات الللي بتغيريها كل فتره و ديه برضوا بتعمل صرف مستمر فعشان تفتحي عياده لازم تكوني متاكده انها هتنجح عشان تقدري تغطي المصاريف العياده زيها زي اي مشروع تجاري محتاجه معرفه و دراسه و خبره في الامور الماليه انا بصراحه معلوماتي قليله اوي في المجال ده بالنسبه للكليات بصي حاولي تصلي صلاه استخاره اسنان مكلفه كتير عن صيدله و عدد السنين عندنا 5 + 1 امتياز اما صيدله اعتقد 5 بس دراسه اسنان بالنسبه للنظري اسهل بكتير من صيدله اما العملي هو مش فكره صعب بس محتاج حد بيحبه و محتاج يكون عندك صبر طوييييييييييييييييل لانو معظم الحاجات مش هتتعلميها من اول مره لازم تعمليها مره و اتنين و عشرين اما بالنسبه للشغل الصيدله يا هتشتغلي في صيدليه او في شركه ادويه او تكليف حكومه و اسنان يا هتشتغلي تكليف تبع الحكومه يا في مستشفي خاصه او مستوصف او تفتحي عياده بس بعد ما تكوني عملتي اسم لنفسك في صيدله ممكن تحتاجي كورسات نظري في اسنان غالبا لاء لانو معظم الدكاتره بيودنا ورق المحاضره و بيساعدونا لانهم عارفين انو العمليه مش مستحمله لانو الادوات غاليه و طول ما احنا في الكليه بنشتغل للمرضي ببلاش و اخيرا و اهم حاجه شوفي نفسك بتميلي للكمياء اكتر و لا الاحياء ا كتر و بتحبي تشتغلي و تعملي حاجات بايديك ولا لاء و استخيري ربنا و ربنا يوفقك |
اقتباس:
ثانيا بالنسبة للكلام ده طيب ايه نسبة انك تبقى دكتور كويس يعنى :d يعنى لو اجتهدت فى الكلية واجتهدت فى الشغل وكدة بتبقى مضمون انك تطلع دكتور ليك وضعك ويوم لما تفتح عيادة حتشتغل يعنى :d وعموما عموما دكاترة الاسنان بيشتغلو فى عيادتهم مرضى كتير ولا بيقعدو مستنيين مرضى ولا ايه ؟ ثالثا انا عندى سؤال السنة اللى فاتت طب بشرى اخدت 6000 طالب وطب اسنان اخدت 1500 طالب فى مصر كلها (الجامعات الحكومية) بس الفكرة انه بعد طب بشرى ال6000 واحد بيتقسمو على 10 12 قسم وممكن اكتر يعنى بيبقى 500 600 لكل تخصص بس اسنان هما ال1500 كلهم تخصص واحد فأزاى اعداد اطباء الاسنان قليل ؟ ولا انا حاسب حاجة غلط شكرا اوى :) |
اقتباس:
لو اجتهدت و ركزت في الشغل و خليت عندك ضمير ان شاء الله تطلع دكتور كويس و شاطر و االله موضوع المرضي ده رزق من عند ربنا مش بيتحسب بالورقه و القلم ده رزق و ربنا كاتبهولنا ايوه فعلا في نقص في دكاتره الاسنان مش كل اقسام بشري الناس بتروحلهم بس عمرك شفت حد ماراحشي لدكتور لسنان في حياته و يمكن اكتر من مره احنا في الاخر نحسب علي نخصص الجراحه و برضوا الامور ماتتحاسبشي كده نهائيبص الدكتور الشاطر في ي مكان و اي تخصص هيجيله مرضي و مش كل الدفعه بيبقي دكاتره شاطرين و معروفين خمسه سته كده هما اللي بيحالفهم الحظ و ديه حقيقه شئنا ام ابينا عشان تكون من الخمسه السته دول افتكر كلمه واحده بس انو يكون عندك ضمير في شغلك و دراستك انك تبقي فاهم انتي بتعمل اييييييييييه لانو فرق السما و الارض بين دكتور فاهم و دكتور حافظ ان شاء الله يكون الحافظ ده دكتور في الجامعه انا اعرف واحده قربتي كانت هتموت بسبب دكتور في الجامعه راحتله بنتيجه تحليل غلط و الاخ مشكش لحظه انها غلط لانو مرض نادر و مش بيحصل في الفئه العمريه بتاعتها و كان عايز يديها اشعاع راحت لدكتور تاني الله يباركله قالها نتيجه التحليل ديه مستحيله و عادت التحليل و طع معندهاش حاجه نهائي و الورم حميد تماما و لو كانت مشيت ورا الدكتور اياه كان زمانها جالها المرض الخبيث بجد بسبب تاثير الاشعاع علي الخلايا السليمه يااااااااااااارب تكون فهمت قصدي في مثل شعبي كانت جدتي الله يرحمها بتقوله الكتكوت الفصيح في البيضه بيصيح |
يعني إيه سنة امتياز؟؟؟
|
انا باذن الله داخل كلية طب اسنان جامعة الدلتا اي خاصة و انا مسوايا في التعليم متوسط ازاي امهد للكليو و استعد ليها مع العلم اني مش متصور اني هذاكر من كلام انجليزي اعمل ايه بالظبط و اشتري كتب ايه و منين ؟؟؟؟؟
|
بجد موضوع رائع شكرا يا دكتورة انا كنت محتاج المعلومات دى وربنا يوفقنا جميعا .
|
ارجو الرد سريعا لان التنسيق بكرة
فى البداية احب اشكر حضرتك على المساعدة انا جبت مجموع 100.4 فى المية كان نفسى ادخل اسنان ومكنتش اتخيل بصراحة انى اجيب المجموع ده بس دلوقتى انا محتار بين بشرى و اسنان انا ميل لاسنان بس الناس بتقولى انتا عبيط حد يرفص النعمة (قصدهم ادخل بشرى) انا نفسى حد فاهم زى حضرتك يقولى نهو الاحسن خاصة انى ولد والناس بتقول اسنان للبنات احسن ياااااااااااااريت حضرتك تقولى الافضل وايه الافضل فى الدخل و فى العمل و فى العمر و فى المستقبل مع العلم طبعا ان المستقبل فى يد الغيب (ااااسف على الاطااااااالة).
|
ربنا يكرمك يارب بجد دى حاجة حلوة اوى منك
معلش ايه موضوع الاقسام ده يعنى انا هدرس كل حاجة ولا لا وكمان لما اتخرج هشتغل مثلا دكتورة اسنان شاملة اعمل كل حاجة ولا هتخصص ف حاجة معينة ونظام الدراسة ايه المواد سهلة صعبة والعملى بيبقى ايه معلش بقى هتعبك معايا |
السلام عليكم
كنت عايز اعرف اية احسن كلية اسنان فى مصر واية الاقسام و التخصصات اللى فى طب الاسنان و المواد الدراسية و جهات العمل المتحاحة بعد التخرج |
hiii ya Dr :) awlan merci gdn 3l mwdoo3 :)
ana m7tara gdn ben asnan w sydala bs 7assa eni mayalaa aktar lel sho3'l el 3amali eli f asnan bs f nafs el w2t 7assa eno 3adi y3ni msh 7abba el koleya awi fa 5aifa la7ssan y2atahr 3lya f el derasa w kdaa mn klamek 7asset en sho3'lha momte3 fa hal m3 el tadrib h2dar at2aklam m3ahaa wla sa3b?? l2eni 5aifa ad5ol el koleya w ma7ebhash :D merciii mokdaman :) |
انا طالب ثانوى عام الحمدلله نجحت و خلصت 3 ثانوى و الحمدلله علمى علوم و بأذن الله مجموعى الحمدلله كويس عامة انا مستبعد طب بشرى تماما - مش ميولى - و كمان ممكن التنسيق ميجيش لوحده و اختيارى باذن الله تعالى بين ( طب اسنان ام صيدلة ) و سألت كتير و الناس كانت مختلفة فى الاراء المهم عشان ما اطولش و اوجع دماغك انا قررت ان يكون الفيصل فى القصة ديه المحتوى الدراسى لكل كلية قياريت اتمنى من حضرتك وضع المحتوى الدراسى لكلية طب اسنان وياريت تفصيلياً الى حد ما و لو انا بحب وحدة الوظيفة و البناء فى الكائن الحى فى مادة الاحياء 3 ثانوى و مكنتش بحب الوراثة اوى او dna ايهما افضل ( طب اسنان ام صيدلة ) ؟ و شكرا .... |
مساء الخير يا دكتورة انا ثانوية عامه والحمدلله جت98.3 ونفسي فى طب اسنان بس كنت عايزة اسال ايه افضل تخصص للشغل بعد كدا بالنسبه للبنت وهل التخصص يكون من سنه اولى ولا لا؟
|
لو سمحت يا دكتورة ممكن اعرف الادوات المطلوبه فى اولى اسنان مش اعدادى عشان خلصناها والحمد لله . انا جامعه القاهرة
|
اقتباس:
اقتباس:
الانجليزي بتاع الكليه مختلف و بعدين الدكاتره هيبدؤا معاك بالراحه مش عارفه افيد حضرتك اوي يصراحه بس لو حضرتك بتحب الكليه هتمشي فيها الدكاتره هما اللي حيحددوا الكتب اللي تشتريها و منين كماااان اقتباس:
اقتباس:
اقتباس:
اقتباس:
أ. جراحة الوجه والفكين وعلوم التشخيص( عاس ) 1. جراحة الفم والوجه والفكين. 2. أشعة الفم والوجه والفكين. 3. ميكروبيولوجيا الفم. 4. بيولوجيا الفم. 5. أمراض الفم. 6. طب الفم. 7. تشخيص أمراض الفم. ب. الإستعاضة الصناعية( ساس ) 1. الإستعاضة المتحركة. 2. الإستعاضة الثابتة. ج. إصلاح الأسنان ( لاس ) 1. حشو الأسنان. 2. علاج الجذور. 3. مواد طب الأسنان. 4. تشريح الأسنان. د.وقاية الأسنان( واس ) 1. أمراض ما حول الأسنان. 2. طب أسنان الأطفال. 3. تقويم الأسنان. 4. علوم صحة ووقاية الأسنان. اقتباس:
[QUOTE=po11122;4660402] اقتباس:
اقتباس:
carver wax knife blue wax pink wax articulator سبرتايه او تورش rubber bowel spatula acrylic resin |
طيب متعرفيش اسنان بتاخد من كام حد ادنى
\ |
لو سمحت انا كنت عوزة اعرف هو سنة اعدادى دى لسة موجودة ولا ايه ؟؟ لانى سمعت انها اتغلغت فى بعض الجامعات؟؟ ول سمحت لو تعرفى حاجة عن اسنان اسماعيليىة هى كويسة لولا ايه ؟؟
|
جزاكى الله خيرا .. بجد فكرة ممتازة ربنا يباركلك ياااااااااارب ...
أنا لسه مخلصة ثانوى وبإذن الله ناوية على أسنان وكنت عاوزة أسألك عن المواد اللى بندرسها ف أول سنة وطبيعة المذاكرة ف الكلية يعنى محتاجة ايه أكتر حفظ ولا فهم ولا تطبيقات عملية ولا رسومات ولا ايه ؟؟ وشكراً لكِ بجد .. انا عندى أسئلة كتيييير مكنتش عارفة اسأل مين فيها ... |
انا عايزه اسال علي حاجه .... انا محتاره بين اسنان وعلاج طبيعي !!!!! ايه رايك؟؟؟
|
| جميع الأوقات بتوقيت GMT +2. الساعة الآن 04:58 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.