لطلاب جامعة القاهره عاوزه مساعده ضروري اوي
يا جماعه لو في حد الجروب بتاعه بياخد mangement and organization يوم سبت او اربع يقولي عشان دكتور هناء الي بتدهولي صوتها مش بسمع منه اي حاجه فعاوزه احضرهم في جروب تاني او يا حبذا بقي لو كان يوم الاحد او الثلاثاء بعد 12.30 او يوم الاثنين او الخميس بعد 11 يا ريت حد يقدر يقولي |
انا فى جروب B وعندى management and organizing السبت 11 -12.30 و الاربعاء 9.30-11
|
بس الدكتور مجاش يوم السبت اسمه جمال عبد العزيز
|
تمام شكرا جدااا طب معلش الدكتور بتاعكم شرحلكم حاجه ولا يوم الاربعاء هتبقي اول مره يشرح ؟؟
|
تماام اوي كده متشكره اوي بجد ربنا يكرمك
|
لأ الاربعاء هيبقى اول مرة يشرح انشاء الله
|
الحمد لله ,,,,,,,,, متشكره جدا
|
الدكتور قلنا مقدمات عن المادة بس السبت يانورهان ^^ انا فى جروب b بردو .. و خدنا فوق فى روم 25 فى شعبة جورجيا ..
و فعلاً فيه بنتين من عندك نفس الجروب واحده اسمها نورهان و التانية اسمها ندى جم يسالوا عشان نفس المشكلة بردو :) و قلنالهم ع المواعيد اللى عندنا و بردو فى جروبات تانية بتاخد مع دكتور جمال .. بس النطق بتاعه فظيع يا نورهان .. عشان متقليش انك اخدت محاضرة ع الفاضى .. يعنى بينطق كلام كله غلط .. تعالى و جربى :) , المواعيد زى ما وضح زميلى و الامر ليكى بردو و اسالى فى باقى الجروبات عشان دى مادة تقيلة و مفيهاش هزار :) |
والله يا user واضح انه مرض عند كل الدكاتره لانهم كلهم الانجليزي بتاعهم زي ابله ميرفت بالظبط ^ ^ بس المهم يكون صوته واضح وانا هحاول اجمع لان الدكتور عندنا مش بنسمع صوتها اصلا انا طلبت منها تجيب مايك فلو مجبتهوش يوم الثلاثاء يبقي يوم الاربعاء تجيبوا كراسي لان الجروب كله هيجي يحضر عندكم
|
كراسى مين :) احنا بنقعد فوق بعض .. عشان كده بقولك دورى كويس :) و يا سيتى عمتاً تنورينا (( و للمرة المليون و 11 اسمى امجد )) اسم يوز ده بيعصبنى :d
|
ايه ده يعنى راحت عليا المحاضره ساعتها !! يعنى خدنا فى room 19 بدل 24 بعد كده رجعوا تانى room 25 ايه التسويح ده
|
طب يا ريت يا أمجد نبقى نتعرف لحسن انا مخنوق قوى أنى مش عارف حد
|
اقتباس:
|
الامر لله :] انا اسلام و ده الفيس بتاعى http://www.facebook.com/islam.cenation
|
طيب انا بعتلك طلب صداقة ^^ دور كده و شوف
|
تمام وصلت :)
|
ماشي احنا اسفين يا امجد :p
طب يا جماعه بما اننا من جروبين مختلفين احنا ممكن لما نبدا ندخل في المحاضرات الي بجد نبقي نصور المحاضرات لبعض بحيث انكم تستفيدوا من الدكاتره بتوعنا واحنا نستفاد من الدكاتره بتعتكم برده |
ممكن نبقى نشوف لو قدرنا بس اللى هيصعبها ان صوت الدكاترة واطى بطريقه غريبة >.>
|
انتو كمان :* انا افتكرت الدكاتره الي عندنا بس عالعموم انا طلبت من دكتور محمد حسن بتاع المحاسبه انه يجيب مايكات وقلي ان في اجتماع النهارده هينقشوا فيه كل حاجه وانه احتمال كمان يضموا الموجموعات علي بعض وناخد في مكان واحد كبير عشان الاعداد مش مكفيه في الرووم فربنا يسهل لما نشوف بكره عمله ايه
|
انا بقى مخنوقة منهم كلهم واساسا عايزة احول
|
اقتباس:
|
هو ينفع احضر فى جروب تانى ؟؟؟ طب الامتحانات مش بتختلف على حسب كل دكتور
|
مظنش ينفع الحضور فى جروب غير اللى الشخص متسجل فيه عشان نظام الحضور و الغياب
|
اوكى ربنا يستر ميرسى
|
بس ممكن لو مش فاهمة تروحى تجربى دكتور تانى كده فى اول اسبوع :)
|
انا فاهمة بس بصراحة خايفة جدا من الامتحانات والا ختبارات وقلقانة وعايزة احول
|
اسالى و شوفى :) و لو الدنيا عقدت خالص .. مثلاً نورهان او اى زميلة ليكى فى المبنى ممكن تصورلكم المحاضرات لو مش عرفنا نوصل لبعض هناك سواء ليكى او لزمايلى بردو اللى بيشتكوا زيك و لنورهان .. يبقى مكنا هنا المنتدى .. احاول ارفعها يعنى و كده :) و الحل الاقرب انى ارفعها طبعاً :)
لو مقدرتش بقى و كده .. يبقى نشوف كلنا حل يعنى ملازم من مكتبات و كده بس المشكلة ان الدكاترة بتجيب الملازم دى و يعكسوا الكلام فى الامتحانات ! فانا مش عارف بقى .. الموضوع اسهل شوية من الثانوية العامة :) |
ليه بس يا ريهام بصي هما اول اسبوعين اعتقد كلنا هنكون متلخبطين فيهم بس الكليه مستقبلها حلو حاولي تحبيها وشوفي صحبه حلوه كده بلاش البنات المتشائمه دول عشان يخلوكي تحبي الكلية ولو حبتيها هتفهمي كل حاجه ان شاء الله
|
لا يا اسلام انت ممكن تحضر في اي جروب يعجبك بس المهم تحضر للدكتور بتاعك دايما عشان نسبه غيابك معاه لكن اي ماده مش فاهمها روح لاي دكتور تاني عادي
|
اها انا جروب k يا امجد
|
اقتباس:
|
اقتباس:
|
دى روعه هى وقت الجد جد .. بس شرحها روعة و زى العسل عسولة اوى و الله ..
بس دكتور المحاسبة المالية Financial Accounting دى خنيق اوى اوى .. اللى هو دكتور اللى هو سبعاوى (( سباعى )) و ده شبه متوفى و دكتور Human زى العسل جداً :) اسمه محمود فؤاد و دكتور ال Management كويس نسبياً بس الانجليزى بتاعه مضروب بالجزمة سورى يعنى :) هو بيشرح حلو و بيخلى الطلبة تشارك و كده و بيدى فرصة و لما بنغلط بيبتسم و يعيد ^^ اسمه جمال عبد العزيز و معندناش مع اى دكتور مشكلة الصوت الواطى الحمد لله :) ده جروب B فى شكل مختصر |
اه فهمت يا nurahn ده كده يبقى الموضوع سهل شكرا على المعلومة
|
يا بختكم انا بحقد عليكم علي فكره :) احنا الحياة عندنا حلوة برده بتاعت ال human عسوله اوي
وال economy كويس اوي برده بيشغل الطلبه معاه المحاسبه عندنا اسمه محمد حسن بس عسول فعلا شرحه حلو اوي هو مبيتكلمش ولا كلمة عربي بس الانجلش بتاعه بيتفهم كويس اوي ال math بقي لسه مدخلتش اما بقي ال mangement فبعيد عن السامعين احنا المحاضره كلها مسمعناش غير كلمة واحده الي هي alright وبس :D |
اقتباس:
|
المشكلة يا نورهان اساسا معرفش اى حد خالص وحاسة انه محدش بيساعد حد ومش عارفة انا اول يوم كنت حاسة انى غريبة وتايهة وكمان انا خايفة لانى كنت مدرسة عربى
|
بجد انا مخنوق بردة من الكلية وبفكر احول اعلام
|
والله وانا عايزة احول تعبانة جدا لو كنت اخدت مستوى كنت لحقيت ألسن مش ققدامى غير اثار او اتجارة عربى بس بصراحة خايفة اندم لانها كلية كويسة جدا بس ضغط جامد اوووى
|
بصراحة الموضوع مش مستاهل اول اسبوعين و هناخد على كل حاجه و ربنا هيكرمنا لو تعبنا عشان مستقبلنا
و بصراحة حكاية التحويل عايزة تفكير زياده و الكليه مش بالصعوبة اللى احنا متصورينها و انا برده يا ريهام كنت مدرسه عربى و شايف ان مش هتمثل اى مشكله خالص لأنى أعرف أخت واحد صاحبى أتخرجت منها و كانت مدرسه عربى و شغاله فى مكان كويس جدا و مشيت عادى خالص فيها |
اقتباس:
ههههههههه ماشى أحنا أسفيييين يا نورهان :d |
المشكلة انا مش لاقية اى حد يشجعنى على الكلية او على المذاكرة انا معرفش اى حد فى جروبى او الجروبات التانية حاسة انى لوحدى غير بردوا ان اول دكتورة دخلت قعدت تقول فى كويزز وامتحانات وواجبات ده غير الميد تيرم والفينال تيرم
|
والله يا ريهام واضح انها مشكله بتقابلنا كلنا موضوع التعارف علي حد ده طب انا عندي فكره احنا ممكن نتقابل في مكان ونتعرف علي بعض كلنا :d واهو نبقي صحبه كويسه نساعد بعض حتي لو كنا جروبات مختلفه ممكن لو فعلا الجداول اتغيرت او اتضمينا زي مدكتور حسن قال نبقي مع بعض وحتي لو مبقناش مع بعض مش شيفاها مشكله ممكن نبقي في سكشن بعد كده او حتي في كورس وعلي اسوأ الظروف هنبقي في كلية واحده بالعكس انا شيفاها ميزه اننا هنقدر نغير محاضراتنا مع بعض ونساعد بعض اكتر وعلي الاقل مش هنكون صحبة مصالح زي الي بيعرفوا بعض عشان هما في جروب واحد وبعد الجامعه ينسوا بعض لو موافقين حددوا المكان وانا اول واحده هاجي عشان انا عندي نفس المشكله دي
|
ياريت يا نورهان والله تبقى حاجة كويسة انا نفسى حد يشجعنى جدا اللى مشجعنى صحابى من خارج الكلية بس وانا موافقة طبعا انا جورب e وانا عندى محاضرات بكرة من 8
|
طب تمام وانا جروب k وبرده عندي محاضرات من 8 الصبح هبعتلك رساله دلوقتي شوفيها
|
انا رديت عليكى وصلت المسج ولا لا لانى اقل من 50 مشاركة ممكن متوصلش
|
لا تمام وصلت
|
اقتباس:
|
اقتباس:
|
ان شاء الله تبقى سنة حلوة علينا كلنا :)
|
جميع الأوقات بتوقيت GMT +2. الساعة الآن 05:54 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.