أفضل اله حاسبة ؟؟
 

fx570
ب 120جنية

570 ممتازة
وسعرها اقل من 120 جنيه كمان
والاله بصراحة حلوة اوي

570 هى احسن حاجة موجودة

fx 991 و ب 120 من سنتين و بالطاقة الشمسية و البطاريات كمان

انا معايا casio fx 9860

انا معايا نفس الاله و كمان 570 بس المشكلة فى الـــ 9860 انها معقدة شوية و كمان كل تكلوجلتها بلغات غير العربية يعنى من الاخر حتظر انك تتعلم عليها بنفسك بس الاله كانها كومبيوتر .

ممكن لو نتواصل علشان نتبادل الخبرات فى الاله دى و نفيد المنتدى

ليه هى ايه خصائص الالة دى بالظبط:006et4:

يعنى من الاخر نشترى نوع ايه بالظبط؟

خليك فى ال991 او 570 الاتنين زى بعض الفرق ان 991 فيها خلية شمسية و كمان سهل انك تجدهم و ناس تعرف تشتغل عليها و ممكن تخش بيها اى امتحان .

شكرا لكل اللي ردو ..

طيب بالنسبة ل 9860 ممكن نخش بيها امتحانات هندسة ولا ممنوعة برضه ؟؟

لو دخلت بيها يبقى تهريب وممكن تتسبب في محضر غش

والله أعلى و أعلم

احسن حاجة الآله بتاعت زمان خالص الي لما تجيب sin الزاوية مثلن
تكتب الزاوية و بعدين sin :P
الآلة المناسبة fx 991
معايا من سنتين و مش هغيرها . لو ضربوني بالرصاص في ميدان عام :D

يا راجل حرام عليك !!!!! ههههههههههههه
طيب بس انت جربت حاجة حديثة ؟؟ ههههه أصل فرق السما والأرض

هههههههههههههههههه مش للدرجة دي يا أبو العربي :d

الوحيد اللي حاسس بيك

ربنا يعينك ياعم أحمد :)



على فكرة انت مكبر العملية أوي

الألة اللي معاك دي جداً جامده وعالية أوي أوي أوي

بس عادي الحسابات عادية موجوده في 570 أو 991


شوف كده وقولي هتشتري واحده ولا أتتعلم على اللي معاك دي ؟:rolleyes:



*********************************************

خش بقى فى الأجمدين, أحلى الكلكوليتورز, اللى بيتشقلبوا دول http://e3dady.com/foruuuuuums//style...lt/biggrin.gif http://e3dady.com/foruuuuuums//style...lt/biggrin.gif ,
بسم الله ما شاء الله بيعملوا كل حاجة http://e3dady.com/foruuuuuums//style...lt/biggrin.gif http://e3dady.com/foruuuuuums//style...lt/biggrin.gif
CASIO fx 570 ES, & CASIO fx 990 ES
http://imshopping.rediff.com/shoppin...36/9/991ES.jpg

1- التفاضل و دة مش بنستعمله كتير حاليا
2 التكامل المحدد, تتأكد من إجابتك منها.
3-طيب من الخواص الجديدة فى الآلة دى انها بتظهر الجذور بشكلها كدة,
ممكن برضه نستفيد من دى فى القسمة التركيبية, لما يبقى بنقسم على جذر , نستعملها عشان ضرب الجذور و كدة, بيلخبط شوية,
برضه أأكد اننا لازم نستعمل اللى فى دماغنا دة, و نراجع بالكالكوليتور,
و دى ان شاء الله مفيدة جدا,,,طيب أنا كتبت الخاصية دى تانى ليه؟؟
عشان نزيد بقى فى هذه الآلة ان انت برضه ممكن تستخدمها فى القسمة التركيبية فى حالة الجذور,
و الجديد بقى فى حالة الأرقام التخبلبة لأنها بتلغبط برضه,
طب ازاى تعمل أكتيفيت للأرقام التخيلية COMPLEX
بإنك تدوس Mode و تختار CMPLX
كدة مثلا لو كتبت جذر -1 , هيكتبلك i مش Math Error , و تعد بقى تضرب طول القسمة التركيبية و تجمع أرقام تخيلية عادى جدا,
لو عايز انت تكتب i بتتكتب بـ Shift -> ENG
, و طبعا مش محتاج أفكركوا ان ضرورى جدا جدا جدا , تخرج برا mode الـ CMPLX بعد ما تخلص على طول ,
و ترجع تانى لمود الـ COMP

يتبع,,, SaMe7
May 24 2010, 05:48 PM 4- MATRICES
أيوة الـ Matrix المصفوفات اللى احنا بناخدها السنة دى , الآلة دى بتعمل كذا عملية مهمين جدا فيها,
زى الجمع و الطرح و الضرب و التدوير (تدوير المصفوفة Transpose ) , و إيجاد قيمة محدد المصفوفة determinant, و إيجاد معكوس المصفوفة,

ازاى بقى, تعالوا نتعرف عالـ Mode الجديد جدا دة,
مسموحلك فى الآلة بتلات مصفوفات تعمل عليهم أى عملية من اللى اتقالو فوق,
أول ما تختار مود الـ Matrix من الـ Modes ,
هيظهرلك سؤال كدة بيقول لك دخل قيمة المصفوفة A أو B أو C
تختار ايه, هيبقى عندك كذا نظام تختار ما بينهم
3x3 , 3x2 , 2x2,,,,,,
بس و تظهرلك المصفوفة و انت تحط فيها قيمتها, و تدوس يساوى,
خلاص دوس AC و ارجع تانى,
بعد كدة دوس SHIFT -> 4
عشان تخش على قائمة الـ Matrices , و دى اللى هنتعرف عليها واحدة واحدة:-
1 : Dim
دى عشان تعمل أى مصفوفة , (مثلا بعد ماخلصت A تعمل B )
2: Data
دى عشان تعدل قيم أى مصفوفة من التلاتة اللى عندك
3, 4, 5, : Mat A,B,C
دول بيكتبولك برة Mat A أو B أو C,
عشان تعمل عليهم العمليات بعد كدة,
مثال
(MatA + MatB = )

(MatA * MatB = )


6 : Mat ANS
هى مصفوفة الناتج, أكيد ناتج ضرب أو جمع إلخ,, مصفوفتين هو عبارة عن مصفوفة,
فانت مثلا لو عايز تضربها فى حاجة, تجمعها على حاجة, تجيب قيمة محددها,
تعتبر مصفوفة عادى بس اسمها ANS بدل A,B,C ,
زى ANS فى الحسابات العادية,
مثال
det (Mat ANS) =
3* Mat ANS =

7 : det
دة يرمز للـ determinant , يعنى تدوس عليه , يكتبلك برا det , تقوم كاتب جمبيها مصفوفة مثلا A و تقفل القوس,
يجيبلك قيمة محدد A

8 : Trn
هو تدوير المصفوفة , تدوس عليه برضه يكتب Trn و تكتب جمبه المصفوفة اللى انت عايز تدورها, هيديهالك فى كناتج (مصفوفة الناتج)


طريقة إيجاد معكوس المصفوفة :-
تكتب Mat A و بعد كدة تدوس زرار (-1 ) "أس سالب واحد" اللى بيجيب المقلوب,
هيجيبلك المعكوس ان شاء الله
e.g
Mat A ^-1 = ANS


, بس كدة, دة اللى يتعلق بالمصفوفات فى هذا الجهاز
SaMe7
May 24 2010, 05:49 PM
قبل ما أبدأ فى آخر حاجة , أحب بس أوضح احنا هنستفيد ايه من الـ Matrices ,
مثلا , الآلة - للأسف - مبتحبش القيم و المتجهات الذاتية , فمثلا انت تعمل المتين عملية دول, و فى الآخر تغلط فى ضرب أو فى حساب قيمة محدد؟؟؟!!!!,
لا اتأكد من قيمة المحدد مثلا بالآلة,
و هكذا,,,

طيب آخر جزء بقى هو جزء لذيذ قوى و حيوى بس محتاج نصاحة
الـ Series , أيوة الـ Series اللى معانا فى المنهج و مغلبانا, ممكن نشوفلها صرفة فى الكالكوليتور,
ازاااااه؟
بسيطة,
المشطلة ان الكالكوليتور أكيد مافيهاش متسلسلات لانهائية, - اللى علينا فى المنهج-,
طب ازاى نقدر نستغلها بقى؟؟
بسيطة تدوس على زرار المتسلسلة, Shift -> Log
و تكتب الحد العام, بالإكس X , و تحط قيمة x= اللى تحت السيجما ,
و فوق السيجما تكتب 100 مثلا,
هتعد قد دقيقتين كدة تحسب ,
بص بقى,
هتطلع Math Error يبقى غالبا تباعدية , و حاول تشوف برقم أصغر من 100, و تتأكد,,
هتطلع رقم كبير يبقى برضه غالبا تباعدية, و فى الحالة دى قارنها بنفس الكلام بس بدل 100 , حط 101 و شوف لو الفرق فى المجموع ملحوظ اذن تباعدية, مش ملحوظ يبقى تقاربية,
هتطلع رقم صغير يبقى غالبا تقاربية, و فى الحالة دى قارنها بنفس الكلام بس بدل 100 , حط 101 و شوف لو الفرق فى المجموع مش ملحوظ اذن تقاربية, ان شاء الله

وده عن الألة اللي معاك معرفش هيفيدك ولا لأ بس يارب يفيدك يا هندسة


حصريا برنامج الاله الحاسبه الرائعه

Casio Fx-9860G Emulator

http://free-offers.yolasite.com/resources/calulator.JPG

http://i25.tinypic.com/294pd95.jpg

http://www.picsat.com/images/f4abpg4xux2iwyp9nsua.png

http://www.picsat.com/images/c372wd8cveoy3bhbtptl.png

http://www.picsat.com/images/uko8byqxfn3h7g1o52ef.png

http://www.picsat.com/images/31ozdsmz13s2ab6jso94.png

http://www.picsat.com/images/viuhlxotboj8ntr43pm.png

مميزات البرنامج

بواسطه استخدام Casio Fx-9860 Emulator يمكنك حل جميع المسائل الرياضيه مثل

• الجبر
• مصفوفات
• الهندسة
• علم المثلثات
• حساب التفاضل والتكامل
• معادلات معقدة
• إحصاءات
• علم الأحياء
• الكيمياء
• الفيزياء
• مال والأعمال
• رسم وظائف


حجم البرنامج+صور الشرح6MB




اضغط هنا