|
جروب اللغه الانجليزيه 1
ياجماعه الفكره دي فكره اخ لينا هنا وانا بشكره علي الفكره
انا ان شاء الله همسك اللغه الانجليزي انا واخ لينا تاني اسمه احمد دوله وان شاء همسك جزء جزء اشرحهلكم والخصهلكم واي حد واقف قدامه حاجه او محتاج حاجه يقولها وانا ان شاء الله هحلهالوا |
ياجماعه انا ان شاء هحط الشرح كل يوم جزء عشان ما تزهقوش بحيث انه كل اسبوع نكون خاصنا مثلا وحده او شابتر علي حسب ثانيا انا هبقي موجوده علي الجروب كل يوم الساعه11بليل عشان لو حد عنده اي استفسار او سؤال اجاوب عليه في وقتها ثالثا ياريت كل واحد يدخل يعرفنا بنفسه ويقول هو خد ايه في الانجلش لحد دلوقتي عشان ما اقولش حاجه انتوا لسه ماخدتوهاش
وياريت الاقي تفاعل وافيدكم ان شاء الله |
تمام يا بوبتى أهو دا الشغل ولا بلاش
ربنا يقدرك وتستمرى لغاية منوصل ليوم النتيجة الى هتتبقى زى الفل ان شاء الله , وبدايةً ممكن أعرف منكم هو أنا ممكن أذاكر قصة (العناكب)ازاى ؟؟؟؟ يعنى أحفظ الشخصيات الأول , ولا أقرأ القصة مترجمة أحس لى ول أعمل ايه بالضبط . |
بوص قصه الاسبايدرز اقرا الاول قراءه كامله وبعدين احفظ الكلمات واقراها مره تانيه وبعدها احفظ الاسئله وحل كل التدريبات اللي وراء الشابتر هتلاقي نفسك صمتها ان شاء الله
|
ربنا معاكوا انا زميلتكوا بس فى سنة تالتة :)
والاسبيدرز سهلة متقلقوش وفعلا احسن حاجة انكوا تقروا الشابتر كويس جدا بالتفاصيل الصغيرة عشان ميفوتكوش حاجة ..وعشان دة هيفيدكوا كتير طبعا فى سؤال الكوتيشان اللى هو مين قال الجملة دى وقالها لمين وتانى حاجة الكلمات الجديدة بس احفظوها ..لكن كاسئلة ممكن تفهموا بس السؤال وتجاوبوا انتوا بطريقتكوا مش لازم طريقة الحفظ دى وربنا يوفقكوا ويا رب اكون قدرت افيدكوا |
بس طريقه الحفظ انا بعتبرها اضمن لاننا كده هناخد درجه السوال كامله
|
;)وطبعا قبل ما نحفظ هنكون فهمنا الشابتر كله كويس وبعدين ندخل علي الحفظ
|
خلى بالكم الجروب للمواد مش عشان ابداء الآراء-مع احترامى لآراء الجمــــــــيع- دا وسيلة فعالة لقياس مدى تقدم الأعضاء فى مذاكرتهم لمادة الجروب ودى مسؤلية القائم بأعمال المادة انه يوجه الحوار فيما بين الأعضاء نحو الهدف الأساسى الى احنا بنتكلم عنه .
عشان ميبصس فى النهاية يلاقى الجروب بتاعه عبارة عن صفحات متعددة , ومشاركات عديدة كله مجرد آراء نقدية لم تخدم الهدف النبيل الذى من اجله أقيم الجروب . أرجو انى أكون وضحت الصورة ، وسعيد بكافة مقترحاتكم . |
اقتباس:
لانى اكيد هبقى خبرة عنكوا |
اقتباس:
ربا يوفقكوا ويديكوا على اد تعبكوا |
اقتباس:
|
مش هاتفرق انا لسه مش بدأت انجلش اصلا
الاستاذ لسه بيصيف هههههههههههه |
اقتباس:
ازيكو يا شباب متقلقوش كل حاجه هتبقى زى االفل بس قولوا يا رب انا عن نفسى مش هعرف انزل حاجات للمنهج لانى فى تالته بس متخافوش بوبتى هتمسك الشغلانه دى:028ja7: ممكن افيدكو بانى هجاوب على الاسئله اللى واقفه معاكو ان شاء الله وانا موجود باذن الله اللى واقف معاه سوال يحطه ونتناقش فيه سوا:friendsxs3: |
ممكن حط يحط الف ولا الفين كلمه كده
بس كلمات جديده مش اللى كل المدرسين مساكين فيها ديه |
حاضر انا هحط ان شاء الله كلمات دلوقتي من بره المنهج ويارب تفيدكم
|
virtues فضائل
atolerantمتسامح societyمجتمع sincerityاخلاص unselfishnessانانيه citizenمواطن corpentaryالنجاره extremeالتطرف extremistمتطرف sessionجلسه progressتقدم the seat beltحزام الامان وعلي فكره الكلمه دي جت لي في الامتحان في سنه اولي knowledgeمعرفه meritsمزايا advantagesمزايا patiebceالصبر cultureالثقافه |
السلام عليكم فكرة رااائعة والله بس هتبقا اروع لو كان معانا في الموضوع مثلا مدرس انجليزي يشرف على اللي يتقال عشان ميتقالش حاجة غلط مع احترااامي والله للجميع لكن كلنا خبراتنا تقريبا واحدة في اللغة بحكم سننا ومرحلتنا الدراسية يعني ممكن نضر بعض لو قلنا حاجة غلط عشان كدا لازم قبل ما نقول اي حاجة نتأكد منها مليووووون في الميا ...
انا خلصت في الانجليزي اول يونيتين ونص الشابتر الاول من الستوري الوحدات كوييسة لكن الستوري غلسة اوي وعاوزة حفظ كتيييير ... |
انا الحمد لله داخله اولى جامعه السنادي وكنت عايزه اقلكم كده على حاجه بالنسبه لقصه الانجلش
انا واصحابي قعدنا نحفظ في قصة سبايدرز وقصة الجولد ماسك اللي هتخدوها ان شاء الله في تالته وفي الاخر مجلناش ولا سؤال محتاج حفظ كانت كل الاسئله مش من مضمون القصه يعني الراجل ركز على الهيافات وساب المضمون يعني مثلا في قصه تالته عندنا شخصيه اسمها مارتين لاندر كان بيشتغل في شركه تعدين وكان حرامي ونصب على ناس كتير وسرق الحاجات اللي علماء الاثار بيكتشفوها في المقابر في الاخر بقى الراجل اللي حاطط الامتحان تخيلو يسال في ايه ماذا تعرف عن شركة التعدين اللي مارتن لاندر بيشتغل فيها واحنا قعدنا طبعا نالف وعلى فكره الاسئله دي في مصلحتنا عشان المصحح بيحسبها صح على طول لان السؤال الغبي لازم اجابته تكون اغبى منه على راى مدرس العلوم بتاع اعدادي انا مش بقولكم كده عشان احبطكم لا انا عايزاكم تتوقعوا اي حاجه انها تجيلكم في الامتحان |
اقتباس:
unselfishnessانانيه ـ الكلمة دي غلط مفيهاش un patiebceالصبر ـ وكمان دي غلط المفروضPatience |
يا بوبتي ويا كل الجروب لازم يكون مستر انجليزي متابعكو ا انتي كاتبة حاجات غلط
ربنا يوفقكوا |
عايزين كلمات جديده
|
علي فكره انا كان قصدي اللي انت كاتبه بس انا بكتب بسرعه عموما ياريت فعلا يكون معانا مدرس انجلش ممكن فعلا نقول حاجه غلط
|
انا على فكره كنت صححت الكلمات الغلط امبارح ولسه بدوس اضف الرد قام الكمبيوتر فصل سورى :006et4:
الكلمات اللى بالازرق هى تصحيح للكلمات اللى فيها غلط spelling اقتباس:
|
انا اسفه ياجماعه علي الغلط ياريت لوحد يمسك الجروب بدالي الفتره دي لاني بمر بظروف صعبه شويه وممكن تكون هي اللي ملغبطاني ومخلياني مش مركزه انا بكتب ايه
انا اسفه كمان مره |
| جميع الأوقات بتوقيت GMT +2. الساعة الآن 02:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.