![]() |
مهن كلية علوم
اولا اي بكالوريوس علوم فيها كلمه كيمياء فهي تشير للكيميائيين وهم اكبر فئه موجوده في كلية علوم و يختلف الكيميائيين في عملهم علي حسب تخصصاتهم في مجالات العلوم الطية والعلوم الصناعيه التطبيقيه والابحاث
ماهي بكالوريوسات الكيمياء في كليه العلوم 1- بكالوريوس كيمياء سبيشيل اي كيمياء فقط 2- بكالوريوس كيمياء صناعيه وتطبيقيه 3- بكالوريوس كيمياء بيئيه 4- بكالوريوس كيمياء حيوية او كيمياءحيوية طبية 5- بكالوريس كيمياء وميكروبيولوجي 6- بكالوريوس كيمياءحيوي وميكروبيولوجي 7- بكالوريوس كيمياء وحيوان 8- بكالوريوس كيمياء ونبات 9- بكالوريوس كيمياء وحشرات 10- بكالوريوس كيمياء وفزياء 11- بكالوريوس كيمياء وجيولوجيا (جيوكيميا) 12- بكالوريوس كيمياء وكيمياءحيوية 13-بكالوريوس كيمياء شرعيه وسموم 14-بكالوريوس كيمياء طبية 15- بكالوريوس كيمياءحيويه وتغذيه كل دي بكالوريوسات كيمياء في كليات العلوم الفرق بين الكيمياء فقط والكيمياء مزدوج البكالوريوس المزدوج معمول عشان يوفر فرص عمل اكتر فبدل من ان تحصل علي بكالوريوس في تخصص واحد فقط فتحصل علي بكالوريوس فيه تخصصيين وده بيتيح انك ممكن تشتغل في المجاليين اي مجال الكيميا او المجال الاخر طب نرجع لموضوعنا تاني ادام في البكالوريوس بتاعك كلمه كيمياء يبقي انت ممكن يطلق عليك كيميائي chemist ماهو المسمي الوظيفي للكيميائيين وان شاء الله هكتب المسمي بالعربي والانجليزي عشان لو حد عايز يقرا عن المهن دي في دول بره بردو :) فمثلا هناك ( applied chemist) or ( industrial chemist ) اي كيميائي تطبيقي ...... وده يعني كيميائي بيشتغل في التصنيع الكيميائي في المصانع اي في التصنيع زي تصنيع وتخليق الادوية و مستحضرات التجميل و البلاستك والاصباغ والورق والمبيدات الحشرية و الاغذية عنما يشتغل في تصنيع الادوية المنتجات الطبيه يطلق عليه كيميائي تطبيقي طبي ده تابع لوزاره الصناعه .............................................. forensic chemist اي كيميائي شرعي ....... وده اخصائي كيمياء الشرعيه وسموم اي في التحاليل الجنائيه والتزوير والتزيف والبصمه الوراثيه وكل التحاليل اللي بتدلل الشرطه ع الجرايم وده تابع لوزاره العدل ويفضل ان يكون معه دبلومه كيمياء شرعيه .................................................. ... ana-lytical chemist اي كيميائي تحليلي ......... وهو كيميائي يختلف عن الكيميائي التطبيقي او الكيميائي الشرعي والكيميائي التحليلي بيشتغل في تحليل المنتجات في المصانع والشركات زي مثلا نه يحلل نسب العناصر للي موجوده في المنتج سواء كان المنتج ده اادوية او مستحضرات تجميل او مية او بترول ................................... ( clinical biochemist)(clinical chemist) اي كيميائي طبي اكلنيكي( اخصائي تحاليل طبيه كيميائيه )............ اي كيميائي متخصص في كيمياء الدم وتحاليلها زي كيمياءو انزيمات الكبد و كيمياء وانزيمات الكلي وكيمياء وانزيمات القلب وكيمياء المخ والاعصاب والسكر والدهون وكيمياء ودلالات الاورام وبيولوجيا السرطان وكيمياء المناعه والهرمونات والسموم وكيمياء المخدرات وكيماء البول وكل التحاليل الكيميائيه الطبية وده تابع لوزاره الصحه .................................................. ...... police chemist اي كيميائي ظابط اي كيميائي بيشتغل في عمل الاسلحه الكيمياويه والكيماويات للي بتستخدم في الحرب وده تابع لوزاره الانتاج الحربي .................................................. .............. research chemist اي كيميائي باحث في البحث لعلمي ....... وده بيشتغل في الابحاث العلميه ومراكز البحوث وده تابع لوزاره البحث العلمي ................................................ ( pharmaceutical chemist) or(medicinal chemist ) كيميائي طبي ولكنه غير اكلنيكي ( اكلينك يعني ليها علاقه بالمستشفيات ) اما ده كيميائي بيستخدم الكيمياء في تطوير وصناعه الادوية وهو هو الكيميائي التطبيقي الطبي ................................................. geochemist اي الكيميائي المتخصص في تحاليل كيمياء البترول والتحاليل الجيولوجيا الخاصه بالتربة ويعمل في معامل التكرير في شركات البترول ................................... chemistry teacher اي مدرس كيمياء ويختلف التدريس فقد يعمل الكيميائي كمدرس للثانوي او للاعدادي وده معناه ان تاع لوزاره التربية والتعليم وقد يعمل الكيميائي كمدرس جامعي في كليات العلوم او الصيدله او الطب الخ علي حسب تخصصه و قد يعمل بره في الدول لاجنبية كمدرس جامعي في كليات العلوم او الصيدله او الطب ومن امثله ذالك د حسن عزازاي وهو استاذ لعلم الكيمياء الحيوية الطبية الاكلنيكية حاليا في كلية العلوم في الجامعه الامركية وكان استاذ لعلم الكيمياء الحيوية الطبية الاكلينيكية في كلية الطب جامعه ميرلاند بامريكا ودي صفحه عن سيرته الذاتية http://www.aucegypt.edu/research/jam...sanAzzazy.aspx ومثال اخر د عبد العزيز فتوح وكان استاذ للكيمياء الحيوية الطبية بكليه الطب باديس ابابا وكلية الطب باثيوبيا وهو خريج علوم المنصوره ودي صفحه عن سيرته الذاتية http://srv63.mans.edu.eg/eu/QA/CVBui...1201272&Lang=A وهناك من يعمل كاساتذه في كليات العلوم والصيدله والطب في دول اوربا زي انجلترا والمانيا واسكتلندا الخ occupational healthand safety inspector مفتش السلامه والصحه المهنيه مفتش السلامه والصحه المهنيه هو كومبليكس بين العلمي scientist ووكيل النيابه ويمنح مفتش السلامه والصحه المهنيه صفه الضبطيه القضائيه ويقوم بحلفان اليمين امام وزيرالقوي العامله قبل استلام العمل السلامه والصحه المهنيه هي حمايه عناصر الانتاج ( الانسان -المواد- الالات ) من التعرض للمخاطر ( المخاطر الكيميائيه - المخاطر البيولوجيه -المخاطر الفزيائيه - المخاطر الميكانيكية- المخاطر السلبيه ) 1- المخاطر الكيميائيه : وتاتي عن طريق وجود بعض الكيماويات التي من المفترض ان تستخدم بتركيز معين وبطريقه ومده معينه واذا زادت التركيز او المده تسبب امراض للعمال مثل السرطانات بانواعها 2- المخاطرالبيولوجيه : وتاتي عن طريق البكتريا والفطريات والفيروسات والطفيليات التي تنتقل عن طريق بيئه العمل وتسبب امراض كتيره مثل فيروس سي و السل الخ 3- المخاطر الفزيائيه :وتاتي عن طريق زياده شده الضوء او الصوت او الحراره او الاشعاع ممايعرض العمال الي الكثير من الامراض مثل الصمم والالتهابات والسرطانات 4-المخاطر الميكانيكيه :وتاتي عن طريق الاصطادم بجسم صلب داخل المنشاءه مثل الاصطدام بمكنه او اله داخل لمنشاءه مما يسبب قد يسبب اصابات عديده ويقوم ايضا بالاطلاع علي الرسم الهندسي للمنشاءه انه مطابق للمنشاءه تماما 5- المخاطر السلبيه : وتاتي عن طريق عدم توفير بعض الاشياء التي من المفترض ان تكون موجوده داخل المنشاءه مثل طفيات الحريق و ادوات الاسعافات الاوليه اومهمات الوقايه الشخصيه او الكشف الطبي الابتدائي للعمال والمهنيين يقوم المفتش بالتفتيش علي جميع المنشاءات سواء كانت مصانع او معامل او مستشفيات او محلات اومطاعم او مدارس الخ ويحقق في عدم وجود مخاطر في المنشاءه تسبب اصابات او امراض مزمنه للمهنيين والعمال الموجوديين داخل المنشاءه واذا وجد احد المخاطر في المنشاءه يقوم المفتش بتحرير محضر وتحويل صاحب المنشاءه للنيابه مهمة مفتش السلامة والصحه المهنيه تتفاوت حسب المنشاءه وتنقسم المخاطر الي خمس مخاطر رئيسيه مفتش السلامه والصحه المهنيه هو عضو في لجنه التراخيص علي المنشاءات حيث لابد من التاكد من وجود شروط السلامه والصحه المهنيه قبل ترخيص المكان فيذهب المفتش الي المنشاءه ويقوم بترخيصها من ناحيه السلامه والصحه المهنيه وطبعا بتبقي لجنه الترخيص مكون من حوالي اربعه منهم واحد من الكهرباء وواحد من الصحه وكلاحد بيرخصها من ناحيته حتي ياخد صاحب المنشاءه الترخيص ويقوم المفتش بالتفتيش علي المنشاءات بصفه دوريه ويحق له توثيق وتصوير المخاطر داخل المنشاءه يحق له ايضا ان ياخد بعض الاجهزه القياسيه لقياس شده اللحراره او الضوء او الصوت الخ او باخد عينه كيميائيه لبيان شده سميتها او باخد عينه لمعرفه وجود ميكروبات فيها خصائي التغذيه الاكلينيكية والعلاجية بيشتغل في المستشفيات والتخصص الموجود في كليه علوم بنات عين شمس تخصص نادر جدا بيجمع بين الكيمياء الحيويه والتغذية وهو تخصص نادر يجمع مابين التغذيه وكل مايتعلق بالغذاء من لحظه تناوله وكل التفاعلات التى تحدث له فى خلا يا الجسم البشرى واخصائي التغذيه بيحدد الاكل للي بياكله المريض وايه الاكل المناسب ليهم أخصائي التغذية الإكلينيكية والعلاجية بيكون خريج قسم كيمياءحيويه وتغذيه والقسم ده موجود في كليه علوم بنات عين شمس فقط وهو تخصص نادر ودور اخصائي التغذيه الاكلينيكية والعلاجية يكون الاتي • التعاون مع أعضاء الفريق الصحي الخاص برعاية المريض من خلال تقديم الرعاية الغذائية. • التوعية الغذائية للوقاية من بعض الأمراض للمجتمع وكذلك المرضى على حد سواء. • وضع البرامج التدريبية والاستشارات وكذلك إعداد الوسائل التعليمية في مجال التغذية للعاملين في مجال الصحة العامة مثل الممرضات والعاملين بالوقاية الصحية. • وقاية المرضى المنومين من الإصابة بسوء التغذية الناتجة عن نقص الطاقة والبروتين. • المساعدة على علاج الحالات المرضية واختيار الأغذية المناسبة لها. • تحديد طبيعة وكمية العناصر الغذائية اللازمة للمريض ومدى احتياج المريض للأغذية التكميلية (التغذية الأنبوبية أو الوريدية). • التحكم بوزن المريض زيادة أو نقصاً. • متابعة المرضى المنومين من خلال إرشادهم بطبيعة النظام الغذائي الواجب إتباعه والتحقق من مدى إقبالهم على الوجبات المقدمة لهم. • المشاركة في البحوث العلمية . • الإشراف على عيادات التغذية الخارجية كعيادة السمنة والسكري أو الأطفال. هذه هي مهن الكيميائيين طبعا الوحيد للي يقدر يفتح عمل خاص هو الكيميائي الطبي الاكلنيكي .....بيفتح معمل تحاليل كيمياء طبية اكلنيكية ( معمل تحاليل طبية مختص بكيمياء الدم ) و الان يتم عمل مشروع قانون خاص بكل مهن كلية علوم من المنتظر تقديمه لمجلس الشعب القام ان شاء الله لاقراره وتطبيقه وفي القانون االمقرر تقديميه لمجلس الشعب ان شاء الله اعمال خاصه اخري للكيميائيين مثل ان الكيميائي هو الوحيد للي يقدر يفتح كيمياوية وهي شبيه بالصيدلية ولكن بها كل المنتجات الكيميائيه وان الكيميائي هو الوحيد للي يقدر يفتح يقدر يفتح معمل كيميا صناعيه وتحليلة اي مختص التصنيع والتحليل الكيمائي لاي منتج الكيميائيين يمثلو تقريبا 60- 70 % من خريجي كليات العلوم كده خلصنا من اي بكالوريوس علوم فيه كيمياء :022yb4: يتبع .... |
طيب علوم/رياضة ايه الاقسام اللى ممكن اخشها ومتوفرة فى اى كلية مجالات العمل المتاحة
|
بانتظار الجيولوجيا و الجيوفيزياء ,,
بس عندس استفسار يا دوك . عايز اعرف مستوي كلية علوم عين شمس .. |
ثانيا اي بكالوريوس علوم فيه ميكروبيولوجي
( اي يدرس بالبكتريا والفطريات والفيروسات والطحالب والمناعه) و ادام في البكالوريوس بتاعك كلمهميكروبيولوجي يبقي انت ممكن يطلق عليك كيميائي microbiologist اي ميكروبيولوجيست او اخصائي ميكروبيولجي ماهو المسمي الوظيفي للاخصائي الميكروبيولوجي .................................................. .... clinical microbiologist and immunologist اي اخصائي الميكروبيولوجيا الطبية والمناعه ( اخصائي تحاليل طبية ميكروبيولوجيه ومناعيه ) وده وظيفته في التعرف علي انواع البكتريا والفطريات والفيروسات في كل حته في الجسم عن طريق المزارع او الكيمياء او عن طريق البيولوجيا الجزيئيه او عن طريق المناعه وايضا يختص بالمناعه و يقوم بعمل التحاليل المناعيه المختلفه ......................................... pharmaceutical microbiologist اخصائي ميكروبيولوجيا تطبيقيه دوائيه ( اخصائي الميكربيولوجيا الصيدلانية) .. ............... وده وظيفته انه بيستخرج ويصنع ادوية من البكتريا والفطريات والفيروسات والطحالب و وايضا بيعمل ادوية ضد البكتريا والفيروسات والفطريات والميكروبيولوجيا الصيدلانية هو فرع من فروع الميكروبيولوجيا التطبيقيه يهتم باكتشاف ادوية جديده عن طريق البكتريا والفطريات والطحالب و الفيروسات اخصائي الميكروبيولوجي الصيدلانية يتطلب بكالوريوس علوم ميكروبيولوجي ويعمل في شركات ومصانع الادوية في اقسام الميكروبيولوجي ومعامل الابحاث ومراكز البحوث او يعمل في ا لمجال الاكاديمي في التدريس الجامعي في كليات العلوم او الصيدله تعريف للميكروبيولوجيا الصيدلانية من ويكيبديا Pharmaceutical microbiology is the part of industrial microbiology that is responsible for creating medications. All parenteral drugs, including many oral drugs http://en.wikipedia.org/wiki/Pharmac...l_microbiology ............................................. هذا العلم يهتم باستخرج مركبات كيميائيه من البكتريا والفطريات و الطحالب والفيروسات وتجربتها كادويه علاجات جديده فيتم تجريبها كمضادات للسرطان وكمضادات حيوية وكمضادات للفيروسات وكمضادات للجلطات كادوية للهضم الخ فيتم استخراج المركبات من البكتريا مثلا و يتم عمل اختبارات عن مدي سمية هذه المواد واذا كانت غير سامه فيتم تنقيتها وفصلها ثم اخذ هذه المركبات ووضعها علي بكتريا تسبب امراض كثيره ....... فاذا ماتت البكتريا بفعل هذه المركب فيعني هذا ان هذا المركب ينفع كمضاد حيوي ومن الممكن تجربة المواد المستخرجه من البكتريا و الفطريات او الفيروسات كمضادات للسرطان وكادووية للهضم وكمضادات للفيروسات وكادوية للجلطه او كادوية منشطه او مثبطه للجهاز المناعي او كادوية منشطه او مثبطه للجهاز العصبي .... الخ ايضا هذا العلم عن طريقه يتم استخدام بعض البكتريا والفطريات في علاج بعض الامراض مثل بعض مرضي انيما البحر المتوسط للي عندهم نسبة من عنصر الحديد عاليه في جسمهم مما يجعل عنصر الحديد يترسب في القلب ويتسبب في امراض للقلب مما يؤدي للوفاه فعن طريق الميكروبيولوجي يتم استخدام تقنية موجود في بعض انواع من البكتريا حيث ان بعض انواع من البكتريا يبلع عنصر الحديد وبالتالي يمكن استخدام وتوجيه انواع من البكتريا لتقليل نسب عنصر الحديد في هذا المرض ايضا هذا العلم عن طريقه يمكن استخام بعض البكتريا في تعديل الجينات الوراثيه او ما يعرف بالجين ثيربي gene therapy حيث ان هناك جينات تحدث لها طفرات مما يتسبب في حدوث السرطان وعن طريق البكتريا فانه يمكن توجيهها ناحية هذه الجينات لاصلاحها واصلاح الطفرات بها .................................................. ....... industrial microbiologist or applied microbiologist اي اخصائي الميكروبيولوجيا التطبقيه .......... وده وظيفيته انه يعمل تحليل للمية من البكتريا والفطريات والفيروسات ويعمل تحاليل للاغذية والسوائل من البكتريا والفطريات والفيروسات وبكالوريوس علوم ميكروبيولوجي من الممكن ان يفتح معمل تحاليل خاص بالميكروبيولوجيا الطبية الاكلنيكية اي بتحاليل البكتريا والفطريات والفيروسات و ا لمناعه لكن يجيب ان يكون بكالوريوس مزدوج اضف لذالك مهنه التدريس للثانوي او للجامعات سواء كليات العلوم او الصيدله او الطب او طب لاسنان وممكن يسافر بره في اوربا وامريكا كمدرس جامعي في كليات العلوم ا الصيدله او الطب ومثال لكده ومثال لكده وهي د رجاء محمود وهي كانت استاذ الميكروبيولوجيا الطبيه بكلية الطب جامعه لندن وهي خريجه علوم عين شمس وده صفحه عن سيرتها الذاتية http://rmeliani.kau.edu.sa/CVEn.aspx...0002054&Lng=AR ومثال لكده د محمد عبد الحميد وهو استاذ للميكروبيولوجيا الطبية بكلية الطب جامعه حائل بالسعودية وه خريج علوم الازهر ودي صفحه عن سيرته الذاتية http://faculty.uoh.edu.sa/m.alekhtaby/about.html |
ثالثا اي بكالوريوس فيه كلمه حيوان
درس كل ما يتعلق بالمملكه الحيوانيه وعلي رائسها الانسان فيدرس الفسيولوجى اي علم وظائف الاعضاء والامبريولوجى اي علم الاجنه والهيماتولوجى اي علم امراض الدم والسيريولوجى اي علم المناعه والباراسيتولوجى اي علم الطفيليات ايضا يدرس كيميا انسجه وكيمياءحيوية عند التخرج يسمي علي حسب الشغل والتخصص بتاعه ووممكن يتخصص في الاتي immunologist اي اخصائي مناعه( اخصائي تحاليل طبية مناعيه ).................. وده بيشتغل في تحاليل المناعه وايضا بيشتغل في اكتشاف ادوية جديده عن طريق المناعه زي مثلا انه يعمل دواء للسرطان عن طريق انه ينشط الجهاز المناعي فيقوم الجهاز المناعي ينشط ويهاجم السرطان وقد يدرس هذا العلم مع الميكروبيلجي او الكيمياء الحيوية ............................ embryologist اخصائي اجنه و اطفال انابيب ....... وده بيشتغل في مراكز الاجنه و اطفال الانابيب ووهو دوره انه يلقح الحيوان المنوي بالبويضه علي اسس علميه وفي مناخ يسمح للتلقيح انه يحصل وبيشتغل في الابحاث الخاصه بالاجنه http://img102.herosh.com/2011/08/07/463418301.jpg صورة لبعض اعضاء الجمعيه المصرية لاخصائي الاجنه واطفال الانابيب مع نقيب العلميين اطفال الانابيب : ** يطلق علي الشخص الذى يعمل فى مهنه اطفال الانابيب باخصائى علم الاجنة. ** ودور اخصائى معمل الاجنه ياتى بعد دور طبيب النساء والتوليد حيث يقوم طبيب النساء والتوليد بتنشيط البويضات ومتابعه الحالات وهو الذى يسحب البويضات من الحاله ويبعثها الى معمل الاجنه. ** وهنا ياتى دور الاخصائى حيث يقوم بمعالجة البويضه بطرق معملية وتجهيزها لعملية الحقن المجهري وتحضير عينة الزوج ايضا وحقن البويضات مجهريا بواسطة جهاز الحقن المجهري وهو جهاز شديد الدقة ويتم ذلك بادخال حيوان منوي واحد لكل بويضة من بويضات الزوجة وبعد ذلك توضع في حضانات مخصصة ومتابعتها الي ان يتم الحصول علي الاجنة المطلوبة ويعطيها للطبيب في استرة نقل الاجنة لنقلها برحم الزوجة. الحقن المجهرى: ** تعتبر اطفال الانابيب هي الطريقة الحديثة لعلاج مشكلة عدم القدرة علي الانجاب وبدأت في انجلترا عام 1978 وانتشرت بعد ذلك في معظم دول العالم. ** اول طفلة انابيب في العالم هي الطفلة لويز براون ولدت في برطانيا عام 1978 ومنذ ذلك التاريخ حدثت تطورات كثيرة وهامة علي طرق اجراء اطفال الانابيب والتي اصبحت تستخدم في حالات كثيرة منها العقم غير معروف السبب وارتفعت نسبه نجاحه بشكل ملحوظ. ما هو المقصود بالتلقيح الصناعي او الحقن الصناعي ؟ ** التلقيح الصناعي هو وسيلة من الوسائل المساعدة علي الاخصاب ولكن بطريقة بسيطة. ** والتلقيح الصناعي هو حقن السائل المنوي بعد معالجتة وبعد تنشيط حركة الحيوانات المنوية ثم حقن الي داخل الرحم في التوقيت الذي يحدث التبويض فية للزوجة. ** والهدف من استخدام هذة الطريقة هو زيادة فرصة حدوث الحمل عنطريق معرفة التوقيت الامثل للإخصاب وذلك بمعرفة نمو البويضات بجهاز الموجات فوق الصوتية. ما هو المسمي الوظيفي للمهنة ؟ هو كما في الهيئة القومية البريطانية للعلوم الطبية clinical embryologist او clinical scientist in embryology ما هو التوصيف الوظيفي للمهنة Job Discription ؟ ايضا كما في الهيئة القومية البريطانية للعلوم الطبية Clinical embryologist A good life science honours degree (possibly with an element of reproductive medicine/biology) ماهو المسار العلمي المؤهل للمهنة , من كلية العلوم ؟ اخصائي الاجنة او اطفال الانابيب , يجب ان يكون خريج كلية العلوم من قسم علم الحيوان او علم الحيوان والكيمياء , ثم يتخصص بدراسات عليا في علم الاجنة .................................................. ........ molecular biologist وه اخصائي بيولجيا جزيئيه اي مختص بتحاليل الدي ان ايه سواء للانسان عشان يتعرف ع مثلا تحاليل النسب او تحاليل الدي ان اية للبكتريا و الفيرسات والفطريات عشان يتعرف عليها ................................................ neurobiologist or neuro scientist وهو اخصائي علم الاعصاب ويعمل في الابحاث الطبية الخاصه بالجهاز العصبي وبعلم الاعصاب بشكل عام و قد تم تاسيس هذا التخصص كماجستير في قسم علم الحيوان بكلية العلوم جامعه الاسكندرية العام الماضي بالتعاون مع جامعه بوردو بفرنسا .................................................. .................... Hematologist وهو اخصائي علم الدم ويعمل كاخصائي تحاليل طبيه في علم امراض الدم زي الانيميا وزي اللوكيما ............................ parasitologist وهو اخصائي الطفيليات ويعمل كخصائي تحاليل طبية مختص بعلم الطفيليات زي الديدان وزي الاميبا وقد يدرس هذا العلم مع الميكروبيولوجي |
طيب وبكالوريوس علوم الحاسب
اعتقد شغلة اخصائى حاسب الى مدرس الحاسب الالى فى المعاهد والجامعات مبرمج بس للاسف بعد ما اتخرجنا مش لقينا اى حاجة من جولا |
اقتباس:
فعلا قسم علوم الحاسب المسمي بتاعه computer programmer or computer scientist مبرمج او اخصائي علوم حاسب في شركات علوم الحاسب او ممكن يشتغل في تدريس علوم حاسب في االثانوي او المعاهد او الجامعات و للاسف مجال علم الحاسب مفتوح لاي حد بيشتغل فيه ولكن حاليا بنحاول نعد مشروع قانون لمهن العلمية لمنع مزاوله مهن العلوم لاي شخص غير متخصص |
.................................................. .....
|
الجيولجيين والجيووفزيائيين وخريجي علوم البترول الجيولجيه والغاز الطبيعي
geophysicist - geochemist- petroleum scientist المجال الأول جيولوجي بإحدى شركات البترول المجال الاول شركات البترول المجال الثاني جيولوجي بإحدى شركات التعدينالمجال الثالث هيئه المساحة الجيولوجية المجال الرابع هيئه المواد النووية في وظيفة معيد المجال الخامس هيئه الطاقة الذرية المجال السادس مركز بحوث الفلك والجيوفيزياء المجال السابع الهيئة العامة لاستشعار عن بعد وعلوم الفضاء المجال الثامن شركات الاسمنت والمحاجر المجال التسع تدريس ا لجيولوجيا للثانوي او في الجامعات والمعاهد |
و ينسب كلمه medical scientists
او medical laboratory scientists او clinical scientists او medical technologists او biomedical scientists علي خريجي علوم المتخصصين في المجال العلوم الطبية اي تشمل ( clinical chemist ( clinical biochemist clinical microbiologist and immunologist immunologist embryologist molecular biologist neurobiologist or neuro scientist Hematologist parasitologist ........................... و ينسب كلمه industrial or applied scientists ع خريجي علوم العامليين في المصانع والشركات ............................................. وينسب كلمه research scientists ع خريجي علوم العامليين في البحث العلميومراكز البحوث المختلفه |
موضوع أكثر من رائع
شكرا |
طيب وبالنسبة للبيوتكنولوجى ! هل حضرتك تعرف عنها حاجات زى دي ؟ يعنى هل لها اكثر من بكالوريوس ؟ :)
|
اقتباس:
http://www.scusuez.org/vb/showthread.php?t=25475&page=1 |
بالنسبة لكميا سبيشيل مجالها حلو فى الشغل ولا لأ؟
واييه الظائف اللى ممكن اشتغلها من القسم ده؟ |
اقتباس:
|
موضع جـــــــــــــــــامد فيه كل الاستفسارات
|
طيب حضرتك انا عايزه اعرف هو قسم الكيمياء الحيويه والميكروبيولوجى
بيتخصص فيف من سنه تانيه ولا سنه تالته والمواد اللى بدرسها فيها بتكون كتيره عشان بتخص الكيمياء احيويه والبيولوجى وهل هو قسم كويس ولا لا |
اقتباس:
يعني اغلب الجامعات بتقضي اولي وتانية بيولوجي وبعدها تتخصصي في الكيمياء الحيوي او الميكربيولوجي او يفع تتخصص في الاتنين معا في بعض الجامعات وحيانا يبقي التخصص في الكيمياء والميكروبيولوجي الخ دي من الاقسام الكويسه لانه مزدوج فبيفتح الطريق لانك تشتغلي بالتخصصيين |
طب هو انا ليه كميا حيوى ؟ انا عمى رياضة
ولو اشتغلت فى مجال التحاليل من كميا سبيشيل ببقى زيى زى الميكرو بيولوجى ولا لأ؟ |
اقتباس:
وبالنسبة للميكروبيولوجي فيه بعض الجامعات بتسمح لكيما سبيشيل انه يعمل دبلومه ميكروبيولجي |
انا عايزاعرف الكيميا دي تنفع من علمي رياضة ولا حاجات وحاجات
|
اقتباس:
لكن اغلب الجامعات تنفع |
انا في علوم دمياط عايز احول في اسكندرية هل لو مفيش في دماط كيميا لرياضة لما احول ما ينفعش اخش كيمياء
|
اقتباس:
|
سؤال
هل تخصص حيوان عام احسن ولا كيمياء وحيوان
لاني سالت دكتوري في الجامعة وقال لي الخاص احسن بياخد العلم صح اما المزدوج فزي الي بيتنطتت علي السلم هل الكلام ده صح |
ما هي فرص العمل لخريجي قسم حشرات
|
اقتباس:
انما حيوان هيحصر نفسه في تخصص واحد |
اقتباس:
لكن يفضل ان يكون مزدوج عشان يبقي معاه التخصص التاني فيفتح المجال شويه |
طيب ممكن الواحد ازاي يعمل دبلومة تحاليل اذاكان خريج حيوان عام
|
اقتباس:
|
دكتور (كيميائي طبي) هو حضرتك بتشتغل في معمل تحاليل ومستشفى وكده يعني
انا بسال بس عشان واحد صاحبي جايب 96 ودخل علوم فهو عايز يطمن على مستقبله |
اقتباس:
|
ولكني سالت قالوا لي ان يعمل دبلومة عادي ولكن تضاف اليه بعض مواد الكيمياء
|
ويعني تخصص حيوان خاص لا يستطيع ان يعمل دبلومة كيمياء حيوي عادي كده كزيادة خبرة
|
اقتباس:
|
علمت ان اي حد من خريجي علوم ممكن يعمل اي دبلومة
واي احد من خريجي علوم ممكن يعمل دبلومة تحاليل وهذا قرار جديد وان اتعوت حيوان لهم الاولوية في عمل هذه الدبلومة علمت هذا من احد طلاب جامعة الاسكندرية وان طلاب كيمياء حيوي طالبوا بان تكون الاولوية لهم |
اقتباس:
اللي بيستطيع فتح معمل هو التخصص المزدوج وطبعا بالاضافه للكيمياء الحيوي دي هي الاساس :d ولو التخصص الخاص عايز يفتح معمل عليه ان ياخد معادله كيميا سنتين اي انه بعد ما يخلص بكالوريوس علوم مثلا بكالوريوس علوم حيوان يدخل تاني سنه تالته علوم لكن تالته كيمياء وحيوان و يدفع في الترم 8 الاف جنية وبعدها ياخد بكالوريوس مزدوج كيمياء وحيوان بعدها يعمل دبلومه و ماجستير وبكده يقدر يفتح معمل |
شكرااااااااااااااااا لمجهودك معانا
ارجو انك تفيدنى انا جالى علوم رياضة طنطا فكنت عاوزة اسال على قسم كيميا اسبيشيل فيها ؟ ام لا ؟ وهل فعلا ممكن يخرج منها دكتور تحاليل او اشعة ؟ و لو وعموما هل دراسة علوم رياضة اصعب من علوم(علوم)؟ انا خايفة منها لان الكل خوفنى منها وايه نظام الامتحانات دائمة الامتحانات مثل الصيدلة ام مثل الطب امتحان الشيت واخر السنة وخلاص؟ وهل مستقبلها كويس ؟ ولو هى فعلا كويسة ليه نظرة المجتمع لها مش كويسة انا عن نفسى حبيت الكلية دى لانى بحب اليحث العلمى لكن ده مبدايا الله اعلم انا حاسة ان بعد مدرس موادها هكرهها وانا سمعت ان ليس لخريجى علوم رياضة غير الدبلومة وليس له تحضير دكتوراة وماجستير هل دةه صح؟ اسفة للاطالة وياااااااااااااااارب تطمنى اصل بابا بيفكر يدخلنى معهد عالى للهندسة ...... تفتكر هو افضل ام العلوم ؟ |
اقتباس:
|
هل ممكن خريجي علوم طبية قسم مختبرات فتح معمل بعد البكالوريوس ولا لازم دبلومة
|
اقتباس:
غير موجود في القانون ولكن حاليا النقابة بتحاول تعمل قانون جديد عشان يبقي من حقه فتح معمل تحاليل |
اقتباس:
|
اقتباس:
انتي ممكن ترفعي القضيه بعد الدبلومه وانتي وحظك و النقابة حاليا بتعد مشروع قاون جديد للعلوم الطبية ان شاء الله هيتقدم لمجلس العشب القادم |
اقتباس:
وممكن لو منفعش فيها اعملها فى جامعة تانية |
اقتباس:
لكن عادي ممكن تعملي اي بلومه من ايجامعه واشهرهم اسكندرية شبين الاسماعليه - عين شمس |
يا جماعة هو مفيش أي ذكري لقسم الفيزياء
|
ايه هي افضل مجالات فسم الفيزياء ومحدش يقوللي مدرس؟؟
|
كيميائى طبى بجد بشكرك على مجهوداتك الكبيره ومعلوماتك القيمة
استفسار بسيط 11- بكالوريوس كيمياء وجيولوجيا (جيوكيميا) انا علوم اسوان ج جنوب الوادى-علمى رياضة هل ليا التخصص ده؟ولو ليا بيبقى من سنة كام -------- ارجو الافادة |
لو سمحتم يا جماعة انا كنت عايزة اسال حاجة هو لو حد حد فى قسم الكيمياء الصناعية و التطبيقية مالوش شغل الا فى المصانع بس و لا فيه دبلومات ممكن تتعمل ؟؟؟؟؟؟؟؟؟؟
|
اقتباس:
اها القسم متاح لعلمي رياضه ولعلمي علوم بس معرفشي القسم ده موجود في علوم اسوان ولا لاء |
جميع الأوقات بتوقيت GMT +2. الساعة الآن 09:54 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.