|
متابعة أخبار كلية العلاج الطبيعى
الأوراق المطلوبة عند التقديم
الاوراق المطلوبة عند التقديم: عدد 8 صور شخصية شهادة الميلاد كمبيوتر بطاقة الترشيح استمارة النجاح بالثانوية العامة بطاقة (2 جند ) للذكور فقط المدينة الجامعية يتم التسجيل اولا على موقع المدينة الجامعية بجامعه القاهرة ثم حمل الملف الخاص بالمدينة و اطبعه و املأ البينات الخاصة بك فيه ثم توجه لمكتب الشئوت الاجتماعية التابع لمركزك و املأ البيانات الخاصة به ثم توجه للكلية لتقديمه مع ملف الكلية و سيتم هناك انهاء بقية البيانات ثم قدمها للمدينة الجامعية سيتم ابلاغكم غدا باذن الله بموعد تقديم الملفات و موعد الكشف الطبى و المقابلة الشخصية فى انتظار استفساراتكم على الموقع أو جروب الفيس بوك أو الهاتف صفحة معلومات الفرقة الأولى facebook.com/groups/240961975925072/ |
مرسي كتير
بس انا طبعت ملف المدينة بس في ورق مش منسق يعني الصورة الفوتوغرافية محطوطة في اخر الورقة |
طبعتيها منين
|
حد يحط لينك التسجيل فى المدينه الجامعيه
|
اقتباس:
http://hostle.cu.edu.eg/%D8%AA%D8%B3...%AC%D8%AF.aspx |
الورق ليه ارقام تحت حضرتك ممكن ترقيمها و اللى مش عارف ينزله من ع النت يقدر يشتريه من المكتبة اللى قصاد الكلية
|
يا ترى امتى موعد التقديم؟!!!!!!!!
|
معلش حد يقولى المصروفات كام
|
وكمان كام مصروفات المدينه
|
لحد يوم الخميس مكنش فيه اسامى جت الكلية لسه فخلينا فى المضمون و يا ريت تكلمونى بكره ع الساعه 2 كده او تابعونا على النت و بمجرد تحديد الميعاد هنبغلكم ان شاء الله
|
المصروفات:
رسوم المقابلة الشخصية : 115 جنيه مصاريف الكلية تقريبا 180 جنيه لو قبلت مدينة ان شاء الله هتدفع 200 جنيه تأمين و بعد كده 65 كل شهر ان شاء الله |
ممكن اعرف ايه اللى هيحصل فى المقابلة الشخصية
|
لا عادى مفيش حاجه تقريبا اهم حاجه ميكونش فيه اى اعاقه و غير كده ممكن تتسال كام سئال كده بالانجليزى و شويه اسئلة عادى كده زى دردشة بس متقلقش كل الناس بتنجح فيه و بيتقبلوا
|
وياريت نعرف ازاي بيتم اختبار القدرات خاصة اختبار اللغة الانجليزية
|
اتا كلمت حضرتك انهارده وقلت انك عندك امتحانات فلو سمحت لو عرفت اى اخبار جديدة تعرفنا بسرعة اصل احنا خايفين منلحقش تقديم المدينة
|
لوانا متسجلتش على موقع المدينة علشان مش عارفة الرقم الموحد الخاص بى بس حملت الورق وخلصت المطلوب فيه ايه اللى هيحصل ياريت عايزة الرد بسرعة
|
هو مفيش حد بيرد عليا ليه
كل يوم بيعدى من غير ماخلص حاجة بحس ان مش هتقبل فى المدينة لان السرعة فى التقديم مطلوبة |
ميرسى كتير يا دكتور ع اهتمامك بينا
بس كنت عايزه اعرف امتى ميعاد التقديم ؟ |
noooura
3la fekra el ta2dem bad2 el naharda |
ميرسى كتير يا fatafeto
و انا هنزل بكره ان شاء الله ع ضمنتك مع ان انا مشوارى بعيييييييييييد ساكنه ف كايرو ههههههههههه |
لو فى حد موجود ياريت يرد على اسئلتى اللى فوق فالامر عاجل
|
اسف على التاخير فى الرد يا جماعه بس غصب عنى بسبب ظروف الدراسة و كده
التقديم بدأ النهارده وا نشاء الله تقدروا اقدموا الايام الجايه كمان و بالنسبة للمدينة متخافوش لان باب التقديم مفتوح لحد يوم 15/9 فمش تقلقوا خالص انكم مش هتلحقوا او كده |
بالنسبة لموضوع الرقم الموحد فممكن تدخلى رقم الجلوس بداله
|
بالنسبة للمقابلة الشخصية فمتقلقوش خالص منها اعتبروها دردشة عادية مع الدكتور و على فكرة كله بينجح فيها بشرطان ميكنش فيه اعاقة بس
|
طب بالنسبة لتصوير ورق التقديم نصور قد ايه والكلية مكانها فين بالضبط
|
بصى يا ست الكل انتى كل اللى محتاجاه عشان التقديم هو :
8 صور شخصية بطاقة الترشيح استمارة النجاح بتاع الثانوية شهادة ميلاد كمبيوتر و لو معاكى بطاقة هاتى صورة منها و طبعا الولاد بيجيبوا بطاقة 2 جند |
ينفع اخلص تقديم الكلية والمدينة فى نفس اليوم ولا لازم اروح اكتر من مرة علشان السفر فى رمضان متعب والمسافة طويلة
|
طب ممكن تقولى مكان الكلية تقريبا ومكان مكتب الشئون
|
اه ينفع عادى مفيش مشكلة بس اهم حاجه تكونى مخلصه ورق المدينة كله سواء من الشئون الاجتماعية و الضامن وكده يعنى
|
انا هسافر بكرة ومحتاجة اعرف كل حاجة بدل ما اتوه
|
يعنى تقديم الكلية مش هياخد وقت كتير
معلش لو بسال كتير ما اتا زى اختك فستحملنى |
عنيا حاضر
عشان تيجى الكلية لو راكبه المترو ان شاء الله هتنزلى محطة مترو البحوث و دى اقرب محطة مترو للكلية و مكتب الشئون هتلاقيه فى الدور التانى و ان شاء الله هتلاقونا هناك بكره معاكم لو احتجتم اى حاجه برضه |
انتى اختى فعلا و زى ما قلتلك لومحتاجه اى معلومة ان شاء الله احنا كلنا تحت امركو و ان شاء الله التقديم مش هياخد كتير باذن الله
|
وبما انك دارس وعارف ايه احسن قسم او شعبة ممكن اكتبها
|
طب اجى اقدم فى حدود الساعة كام
|
وسؤال سخيف شويه
هو فى سنين مفيش فيها اجازة |
بالنسبة للكشف الطبى بيبقى فى نفس يوم التقديم
|
ايه يا دكتور هو حضرتك بتروح فين
|
معلش انى مش متابع و الله بانتظام بس غ عنى لانى الفترة دى امتحانات
بالنسبة للاقسام هو اكتر حجه موجودة فى سوق العمل هى قسم عظاكم و اطفال و اعصاب بس عموم هى انتوا هتتدرسوا كل حاجه و التخصصات بتبقى بعد انتهاء الدراسة بالنسة لموضوع الاجازات هى فعلا سنة تالته عندنا فعلا تقريبا مفيهاش اجازات بدليل انى بمتحن دلوقتى اهو |
لا يا دكتور ولا يهمك وكمان ربنا معاك و يعينك
انا كنت بتصل عليك انهارده علشان كان فى لخبطة وكنت محتاجة افهم منك وزمايل حضرتك كانوا موجودين بس الدنيا كانت زحمة ومفيش حد سامع ولا فاهم حاجة واتا مقدرة تعبك معانا كلنا |
عموما انا قدمت الكلية والمدينة انهارده وربنا العالم بحالى
وعرفت ميعادكشف اللياقة بس بالنسبة للكشف الطبى فى المدينة فانا لا املك ادنى فكره عنه فياريت تعرفنى علشان زمايلى فى الكليات الاخرى خلصوه فممكن حتى ترن عليا وانا هكلم حضرتك علشان مش بقعد باستمرار ده لو حضرتك تقدر ورقمى اللى اخره 66 |
اه تمام شكرا صحيح ع الرساله
|
عايزة اعرف هو فى كشف طبى لكل من الكلية والمدينة فعلا
ولو فى ياريت تعرفنى امتى وايه المطلوب فى الاتنين فى المدينة مقالوش غير ان النتيجة هتبان يوم 19-5 بالقبول او الرفض فالموضوع قلقنى هو يمكن متقبلش وكمان ساعتها هعمل ايه فياريت تطمنى بالله عليك |
يارب يكرمنا فى الكلية دى ياااااااااااااااااااااااااارب
|
اقتباس:
محدش يقلق يا جمااااااااااااااااااعة |
اقتباس:
ياااااااااااااااااااااارب |
اقتباس:
ربناااااااااااااااااااااااااااااا يكرمك |
شكرا على الرد وبصراحة طمنتنى بس انا محتاجة ردود على الاسئلة
وبما انك معانا فى سنة اولى فياريت نعرف الرد من الاكبر منا فالاكبر منك بيوم يعرف اكتر منك بسنة ده حسب مبيتقال |
فعلا فيه كشف طبى للمدينة غير بتاع الجامعه بس بتاع المدينة بيبقى لما تقبلى اساسا فى المدينة لكن بتاع الجامعه ده قريب ان شاء الله و هنبلغكم بميعاده بمجرد تحديده و الاتنين بصراحه مجرد روتين مش اكتر
و متقلقيش من موضوع المقابلة الشخصية ده خالص ندرا ان حد اساسا مش ينجح فيه بشرط ميكنش فيه اى اعاقة عنده |
طب يا دكتور ياريت لو تقدروا تنظموا الدخول المرة القادمة علشان فى يوم ما قدمت كان فى زق سواء من الصبيان والبنات وحتى كمان اولياءالامور يعنى من الاخر كان بهدلة
وفى بعض الشباب تطفلوا وتكلموا معانا زى ما نكون عارفينهم من ايام الابتدائى ووصلت للاسماء وارقام التليفونات والتطفل حتى بعد التقديم فياريت تهتموا بالموضوع ده علشان فى حدود فى التعامل |
| جميع الأوقات بتوقيت GMT +2. الساعة الآن 05:53 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.