عشان يتبسط الوزير والحكومة الفاشلة خش واقرا
 

عقبال عندكم جميعاً أخدنا مكافأة الامتحانات والحمد لله مكافأة محترمة لرجل يعمل بالتعليم منذ 22 سنة على الدرجة المالية الأولى وبلا فخر تحت مسمى معلم أول "أ" .. !!!

وأصارحكم القول أني خططت أن أخصصها هذا العام لشراء أحذية لي ولأولادي الثلاثة بمناسبة العيد وبالمرة المدارس .. اصل أهم حاجه دلوقتي هي الجزم .... وكل سنة وانتم طيبين جميعاً ....

وبصفتي راجل معلم !! أخذت أبحث عن الأرخص والأجود - والأسعار طبعاً الكل عارفها ، واكتشفت أنني الوحيد اللي مش عارفها لأني بصراحة لا أتردد على الأسواق كثيراً ....

وفجأة تذكرت زميلي وهو معلم أول وهو رجل أمين ومحترم ويعمل في محل أحذية ، وبدون تفكير وعلى الفور - ولأني لم أسأله عن المحل ومكانه قبل ذلك - اتصلت به لينقذني من هذه الورطة ، المهم إن والدته هي اللي ردت علىً بأنه في المحل ونسي تليفونه المحمول ... فقلت لها أنا زميله ولما يوصل البيت خلليه يتصل عليًه !!! وانتهت المكالمة ...

وبعد أن أنهيت المكالمة سألني أولادني مين يا بابا اللي انت اتصلت بيه فجأه وتركتنا كده ؟؟؟
فدارت بي الأرض ورحت في تفكير عميق !!!

ماذا أقول لأولادي ؟ ماذا لو كان رد عليًه وذهبت للمحل وحمل الأحذية وحاول مساعدة أولادي في قياسها ؟ هل سأقبل عليه ذلك وهو عمل محترم بلا شك ؟ وهل سأسرع بالتدخل وأمنعه من آداء عمله وأحرجه وأحرج نفسي ؟ هل سأقبل على زميلي المحترم أن يأتيني بالحذاء وأعيده به إن لم يعجبني ؟ .....
هذا معي ونحن نحترم بعض !!! فماذا لو أتى له طالب عنده ونحن نعلم النوعية الحالية لبعض طلاب الصناعي بأنها نوعية سيئة !!! كيف يكون الوضع ؟؟؟

ودار بي رأسي عندما تذكرت أنه أيام عز الدولة الإسلامية ورقيها وتقدمها كان من الشرف أن يحمل الطالب الحذاء لأستاذه – أيامها كانت أوروبا في الظلمات ونحن الذين أنرنا لها طريق العلم .....

يا بابا ... يا بابا .... انت سرحت في إيه ؟؟؟ وأفقت على صوت أولادي ... وبسرعة دخلت على أحد المحلات واشتريت ومنه !!
وعندما اتصل بي صديقي قلت له حبيت أسلم عليك واطمئن عليك !!!

من فعل بنا هذا ؟؟ وهل هناك أمل لتصحيح الأوضاع ؟ هل هناك أمل في أن يتقدم التعليم المصري ونحن نعامل هكذا !!! وأولادنا ومناهجنا ومدارسنا بهذا الوضع ؟؟؟؟ أي مستقبل ينتظر أولادي بعد كل هذه السنوات وكل هذا العناء ؟؟؟ مجهول في مجهول في مجهول والمسرحية الكوميدية ما زالت مستمرة العرض !!!!

من أين نبدأ ؟ سأقول لكم من أين نبدأ عندما تتوقف المسرحية حتى لا أقطع على الوزارة ولا على الشعب المصري لذة الاستمتاع بالمشاهدة !!! وقد قاربت المسرحية على الانتهاء ..

وصدقونى انا كنت بزور والدة واحد زميلى مريضة فى المستشفى وسمعت واحد بيزعق وبيفزع فى الامن اللى واقف على الباب فرحت عشان اشوف ايه اللى بيحصل لكن يا رتينى ما رحت الامن دة اللى بيتشتم وبيتهزق مدرس لغة انجليزية وبيشتغل امن فى مستشفى بعد الظهر بمرتب 300جنيه ولابس زى الامن الازرق او ما شفته اتصدمت وحسيت قد ايه المدرس متمرمت وقولت دة لو مهندس او دكتور او حتى ممرض هيرضى يشتغل امن واللى رايح واللى جاى يهزق فيه حرام حرام

حسبنا الله هو نعم المولى ونعم النصير
حراااااااااااااااااااااااااااااااااااااااااااااام اللى بيتعمل فى المعلمييييييييييييييييييييييييييين

يا استاذي الفاضل / انا لي صديق مدرس محترم وكان مالي مركزة في مدرسه خاصة ولما سبها وجالو عقد مدرس مساعد وفرح على امل انه يتعيين للاسف الحال ادهور بيه وكان شغال على توكتوك اشتراه من الفلوس اللي كان عاملها من المدرسة الخاصة والغريب التلاميذ كانت بتشوفو واكيد اولياء الامور وكان رده بسيط تعالى اصرف على بيتي وانا اسيبه وباعه بالعافية بعد ما خسر واعرف كذا مدرس شاري توكتوك ومدرس تانى زميلي شغال في فرن عيش ومدرس تانى شغال فاتح محل بلاي ستيشن ومدرس فاتح سنتلرال ومدرس شغال (مش صاحب) في سنترال ب 300 جنية ومدرس كان رايح يشتغل امن في مدرسة تخيلوا احدى شركات الامن الليب مسكة المدارس الجديده بتاعت التطوير ودا طبعا في الصيف واقسم بالله الكلام ده بجد وحقيقي الوزارة عمرها ما حتنظر لينا بعين الاهتمام لاسباب الاتية
1- المعلمين مسالمين مش بتوع مظاهرات يبقى اعمل فيهم اللى انت عاوزوا مفيش حد حيتكلم
2- المعلمين دول في وجهة نظرهم بتوع دروس وعاملين فلوس على قالبهم (ده في وجهة نظرهم ) مش باصين غبر لنسبة بسيطة جدا لا تتعدى 10% من المليون وكسر ممكن فعلا يكونوا مسترحين من الدروس ومش حاملين هم
3-المعلمين ليس اهم قباده ولا تنظيم ولا قيادات تطالب وتدافع عن حقوقهم يبقي الوزارة حتخاف لية

منكم لله ربنا ينتقم منكم جميعا يا من اهنتم المعلم

تستهلو ا اللى انتو فيه لانكم سلبييييييييييييييييييييييييييييييييييييييييييييييي يييييييييين ومستنييييييييييين اللى يجبلوكم حقوقكم يالا قوموا واتحركو ا وهاتوا حققوا بنفسكم

حسبنا الله ونعم الوكيل ..... والساكت عن الحق شيطان أخرس

معلمون بلا نقابة فلما هذه الاستقطاعات لابد من الاضراب اول الدراسة وخلى باقى الجهاز الادارى يشتغلو ا معلمين

حسبنا الله ونعم الوكيل

فداكي يامصر

نقابه المعلمين المستقله تمثل كل معلمي مصر ونحن نفخر بها لانها تدافع عن حقوق معلمي مصر المنهوبه
نحن معلمي مصر نتمني كلنا ان نكون نقابه معلمي مصر المستقله هي نقابتنا ونفخر بكل من ينتمي الي هذه النقابه التي تمثل معلمي مصر الاحرار .
ونحن معلمي مصر لانفخر بك ان تكون وزيرا للتربيه والتعليم .انت وزير لاتمثل معلمي مصر وانت غير مرغوب فيك في هذا المنصب .
انه ليس وزير للتربيه والتعليم وكلامه ليس له قيمه مثله . حسبنا الله ونعم الوكيل
كلامه مستفز فعلا ولايساوي شيء فعلا انه غير مسئول عن شيئ في الوزاره

مدرس = طعمجي
مدرس اخر = جزار
مدرس = بيشتغل في بنزينة
مدير مدسة ( والله العظيم مدير مدرسة ومن أكفأ المعلمين والمديرين في المنطقة ) = شغال في بنزينة بعد الظهر
مدرس = كهربائي
مدرسون = دروس خصوصية من ام 8 جنيه في الشهر

هؤلاء هم زملائي في المدرسة

الله العظيم يا جماعة شغال فى محل سوبر ماركت من اكثر من 15 سنة انا دفعة 2001 عقدى 2009 والتلاميذ بييجا لى الماركت وبتحلرج لما بيقولوا لى يا مستر..............؟
طب اعمل ايه........؟ العيال بيبقا مستغربين على مدرسهم وشغلته.................

لازم نعمل مظاهرة كبيرة ومحدش يروح امتحانات الثانوية الدور الثانى ومحدش يصحح عشان الوزير بتاعنا الكداب اللى وعد الناس بالحد الادنى لما هددوا بعدم الملاحظة فى الدور الاول يعرف يكدب كويس بعدين لهم حق يعملو اكتر من كدة لان ملناش نقابة محترمة تطالب بحقنا وليه استجابو لكل الهيئات ورفعو الحوافز بنسب كبيرة بما فيهم الاطباء والشرطة والناس اللى شغالين فى البنوك نسيو المعلم الغلبان عشان احنا سلبيييييييييييييييييين
ماضاع حق وراءه طالب

انا كل سنة شغلانة شكل مرة في فندق ومرة في ورشة خراطة ومرة عامل اسنسير في فتدق ومرة امن
وكلة بيعدي وسلملي علي الكادر والحافز والاثابة والحد الادني يا وزير كل سنة وانت طيب

لا حول ولا قوة إلا بالله العلي العظيم

حسبي الله ونعم الوكيل

والله تعبت نفسيا جداااااااااااااااااااااااااا

لنا الله

والتوقيع

حسبنا الله ونعم الوكيل في كل من اهان المعلم وضيع حقة المعلم ده فرد من الشعب لية في الحد الادني للاجور لرفع مستواه زية زي باقي الناس ولا لازم يكون اقل مستوي في البلد دي

والله انا مدرس ف الازهر عقد2007وبشتغل مع طباخ ف الافراح وتلاميذي بيشفوني وأنا بغسل الاطباق

لا حول ولا قوة إلا بالله

إحنا عندنا معلم مساعد وبيشتغل بنا

وغيره وغيره

بس عاوزة أقول حاجة الشغل مش عيب مادام شغلانة شريفة وترضي ربنا

أنا ضد إنكوا تخجلوا من حاجة زي كدة

بالعكس إنتوا تفتخروا بكدة وليكوا الشرف

أنا لو والدي كدة أو معلمي كدة بالعكس هأفتخر إنه كدة وليا الشرف كمان

مادام شغلانة شريفة وترضي ربنا

أنا اعرف مدرس شغال فى محل سمك بيوصل الطلبات للمنازل بعد المدرسة وبيرجع قرب الفجر علشان يلحق ينام ويروح مدرسته تانى يوم
حسبى الله ونعم الوكيل

ربنا يكرمنا جميعاً

بس الصبرررررررررررررررررررررررررررر

فى اول محطة معلمى الثانوى العام الجبناء باااااااااااااااااااااااااااااااعوا القضية

يارب ارحمنا من هذا الظلم ....................وحسبى الله و نعم الوكيل..........بالنيابة عن مليون و نص معلم مطحون

( لئن شكرتم لأزيدنكم )
والحمد لله على كل حال

حكمة قالها رجل كبير

كل ما تحس انك مش لاقى فلوس وتعبان ومهموم والدنيا ضاقت بيك .. بص للى اقل منك .. والله هتحس انك فى نعمة
احنا احسن من ناس كتير اوى اوى .. على الاقل الناس بتناديك يا استاذ .. انما فيه ناس تانية كتير لا عندها لا ألقاب ولا فلوس


الحمد لله على كل حال

بلد ضاع فيها العلم مش ممكن تتقدم
عليه العوض

هنقعد نقول لابد من وقفة لغاية امتى يلا بقى ناخد قرار رجولى وزبلاش كالم انا عن نفسى ما رحتش امتحانات الدور الثانى للثانوية العامة