|
التحوووووووووووويل الاسبوع القادم ان شاء الله
السلام عليكم ان شاء الله بدء التحويل الاسبوع الجي دة اللي مكتوب في موقع التنسيق تقليل الاغتراب
واللينك من هنا بالتوفيق للجميع |
طب هو ينفع احول من هندسه شبين للقاهره مع العلم انى من المنوفيه
|
جزاك\ي الله كل خير
|
اقتباس:
التحويل بيكون لتقليل الاغتراب مش للأغتراب الا لو انت اصلا هتنقل للقاهرة فلازم يكون معاك مستندات تثبت اقامتك ف القاهرة زي عقد ملكية شقه لوالدك هناك مثلا دة اللي اعرفة ,, بس الافضل تتأكد من حد مختص اتصل بمكتب التنسيق على رقم 19468 , الرقم ده انا كلمتهم قبل كدة وفادوني بصراحة هما متخصصين وهيفيدوك اكتر بالتوفيق ان شاء الله |
عندى سؤال
أنا أقدر أحول من جامعه الى جامعه حسب توزيع الجغرافى من غير ما اقعد سنه فى كليه ؟؟ يعنى اقدر احول من جامعه اسيوط الى جامعه سوهاج قبل الدراسه اصلى سمعت ان لازم اقعد سنه وبعدين احول ؟؟؟ اتمنى الأفادة وتكون معلومات صحيحه |
اقتباس:
آمين واياكم |
'طب بعد اذنكوا يا جماعة انا عايز احول من سياسة واقتصاد لالسن عين شمس
ينفع ولا لاء ؟؟؟؟؟؟؟؟؟؟ ياريت الرد ضرورى |
تسلم ......
|
اقتباس:
نعم تقدر ان شاء الله بس لازم التحويل يكون بهدف تقليل الاغتراب يعني علشان تحول من اسيوط لسوهاج لازم تكون عايش في سوهاج او عايش في مكان اقرب لسوهاج منه لاسيوط دة مبدئيا بالنسبة للطريقة على موقع التنسيق اللي حطيتة في الموضوع تدخل عليه وتتابعه لحد ما تلاقي باب التحويل اتفتح وتدخل وتقدم طلب تحويل وبتستنى النتيجة بعدها بكام يوم لو حولت خلاص اما لو طلبك متقبلش فبتروح مكتب التنسيق تسحب استمارة , وبتروح الكلية وتدفع لهم مبلغ كتبرعات معرفش كام الف بالظبط بس السنه اللي قبل اللي فاتت كانواا تقريبا 3 الاف وياريت بعد الثورة يبطلوا استنزاف بالطريقة دي بعد دفع التبرعات هتتحول ان شاء الله بس خليك في الخطوة الاولى اللي هي التحويل الالكتروني من على موقع الوزارة |
اقتباس:
طبعا ينفع بالسنبة لشروط التحويل لكلية غير مناظرة ,, في امكانك تحول بس الشرط الوحيد انك لازم تحول لكلية داخل النطاق الجغرافي أ , وده منطبق عندك بالنسبة للطريقة على الاغلب بردو زي التحويل لكلية مناظرة على الانترنت على موقع التنسيق بس علشان تتأكد اكتر اتصل بمكتب التنسيق واتأكد منهم ودة رقمهم 19468 بالتوفيق |
اقتباس:
ينفع ولا لاء ؟؟؟؟؟؟؟؟؟؟ ياريت الرد ضرورى |
اقتباس:
انت متأكد يا غالى من كلامك ده لان خايف اقدم ومش يتقبل الطلب ... |
اقتباس:
الله يسلمك اهلا بحضرتك ... |
اقتباس:
متأكدة , ولو لا مكنتش قلتة شوف لنفرض انك قدمت الطلب ومتقبلتش ايه المشكلة ؟ بص علشان تستريح اكتر اتصل بمكتب التنسيق ودة رقمهم 19468 هتتصل هيقلك لخدمات التنسيق اضغط رقم ( .. ) مش فاكرة كام وهيطلب منك اسمك , وبعدها قله انا في كلية كذا وعايز احول كذا , وايه الشروط وايه الطريقه ولو قالك حاجه مختلفه ياريت بردو تنبهنا ادينا بنتعلم :d وان شاء الله خير |
اقتباس:
رديت والله واهو الرد تاني طبعا ينفع بالنسبة لشروط التحويل لكلية غير مناظرة ,, في امكانك تحول بس الشرط الوحيد انك لازم تحول لكلية داخل النطاق الجغرافي أ , وده منطبق عندك بالنسبة للطريقة على الاغلب بردو زي التحويل لكلية مناظرة على الانترنت على موقع التنسيق بس علشان تتأكد اكتر اتصل بمكتب التنسيق واتأكد منهم ودة رقمهم 19468 بالتوفيق |
اقتباس:
هو انا ممكن تحويلى يترفض ؟؟ |
طب بعد اذنك انا عايزة اسالك سؤال
اناجالى طب بنها وعايزة احول شبين الكوم وانا من المنوفية من مندينة اسمها الباجور وهى اقرب لشبين عن بنها بالنسبة لى فهل اعرف احول ؟ وهل التحويل ممكن يترفض؟؟ وامتى التحويل بيترفض؟؟؟ واسفه على الاطالة |
هو انا ينفع اغير اقامتي حتي لو نتيجة التنسيق طلعت
واحول بيها ؟؟ |
اقتباس:
انا مقدرش اجزم بس اللي اعرفه ان قبول التحويل بيعتمد على عدد اللي طالبين التحويل ,, وعلى ترتيب درجاتهم على العموم انت قدم الطلب مش هتخسر شئ , وان شاء الله تتقبل ولو متقبلتش في طريق تاني قدامك , هتسحب استمارة تحويل من مكتب التنسيق وتروح بيها الكلية وهتدفع مبلغ كتبرعات وتتحول ان شاء الله |
اقتباس:
|
اقتباس:
طبعا من حقك تحولي وكدة انتي بتندرجي تحت تقليل الاغتراب استني لما الموقع بتاع التنسيق يعلن عن بدء التحويل وحولي بالنسبة للرفض انا معرفش بصراحة اللي اعرفه انه بيعتمد على اعداد المحوليين لنفس الكلية وترتيبك بينهم قدمي وان شاء الله خير |
شكرااااااااااا ويارب اعرف احول يارب عشان حلمى يتحقق كله بقى
|
اقتباس:
معرفش والله :( |
اقتباس:
انا معرفش السن عين شمس بتاخد من كام والله |
انا جاتلى هندسة حلوان وعايزة احول عين شمس او المطرية عشان هما اقرب ليا انت متأكد من حوار التبرع للكلية ده عشان انا اتصلت بمكتب التنسيق وقالولى ما ينفعش عشان الاتنين كلية ( أ ) وانا مش فاهمة يعنى ايه
|
اقتباس:
ياااااااارب بالتوفيق ان شاء الله |
اقتباس:
|
اقتباس:
موضوع التبرعات مستمر من حوالي اربع سنوات , بس مش عارفة ايه النظام السنه دي يارب يكون موجود بردو , لأن محدش قال انه اتلغى اما بالنسبة لحالتك انت ,, ففعلا الاتنين نطاق جغرافي أ ,, ومفيش تحويل داخل النطاق الجغرافي , لازم من النطاق ب او ج لألف على العموم اتصلي بيهم تاني واسألي او روحي مكتب التنسيق واسألي عن موضوع استمارة التحويل والتبرعات وهما هيفيدوكي انا هتصل بيهم ان شاء الله بس في حاله لو متقبلتش في التحويل الالكتروني |
اقتباس:
منطقيا فرصتك 100% في المية ان شاء الله , انا مقدرش اجزم لاني مليش خبرة اوي في الموضوع ده علشان كدة قلتلك اتصل بمكتب التنسيق هيفيدوك اكتر استنى التحويل وقدم وان شاء الله تتقبل انا كمان عايزة احول من هندسة الاسماعيلية لهندسة الاسكندرية :( |
فعلا ان شفت الكلام ده
على موقع التنسيق بس ازاى يتم التحويل جزال الله خيرا على هذا المجهود العظيم |
اقتباس:
جزانا واياكم آلية التحويل نفسها معرفش ازاي بس كتصور مبدءي معتقدش انه هيختلف عن تقديم الرغبات من حيث طلب رقم الجلوس والرقم السري للتأكد من هويتك بعدها بتختار الكلية المراد التحويل اليها (( وسمعت شئ كمان بس مش متأكدة من صحتة انك بيديلك الحق في كتابة ثلاث رغبات للتحويل مش رغبة واحدة )) وعلى حسب كلام مكتب التنسيق لما اتصلت قلي انتي بتكتبي سبب التحويل بس الله اعلم بالظبط هيكون ازاي على العموم مفيش مشاكل ان شاء الله لو مستوفي للشروط من حيث التحويل لكلية غير مناظرة واللي هي 1 / لام الكلية المحول ليها تكون في نفس النطاق الجغرافي أ 2 / لازم تكون جايب الحد الادني للكلية المحول ليها وبالنسبة للتحويل لكلية مناظرة بيكون لتقليل الاغتراب يعني لازم من النطاق ب او ج للنطاق أ مينفعش من كلية في أ ل كلية تانية في أ بردو , مثلا مينفعش من حلوان لعين شمس لانهم نفس النطاق |
اقتباس:
يعنى انا مثلا من القاهرة وجتلى سياسة واقتصاد القاهرة وحبيت احول السن عين شمس هيقولى لاء علشان فى نفس النطاق الجغرافى ؟؟؟؟ ولا عادى لان سياسة واقتصاد اصلا مفيش منها غير فى القاهرة ؟؟؟ معلش انا عارف انى تعبت حضرتك معايا |
اقتباس:
لا ابدا ولا يهمك انت بس عندك خلط شويا في شئ اسمه تحويل لكلية مناظرة اللي هو تحويل من هندسه القاهرة لهندسه عين شمس مثلا , وده غير مقبول لانهم في نفس النطاق الجغرافي اما التحويل لكلية غير مناظرة العكس تماما , مينفعش التحويل الا لكلية في نفس نطاقك الجغرافي يعني ممكن تحول من اقتصاد القاهرة لألسن عين شمس اقرأ في مشاركتي اللي عملتها اقتباس الكلام اللي تحت التحويل لكلية غير مناظرة ,, ملكش دعوة بالتحويل لكلية مناظرة واهلا بيك في اي وقت مفيش اي تعب |
اه معلش انا غلطت في جزء
في اخر المشاركة المفروض بدل كلية غير مناظرة , كلية مناظرة اسففففففففه يمكن دة اللي لغبطك |
اقتباس:
|
طيب حضرتك انا اداب بنى سويف ومجموعى جايب رياض اطفال الفيوم وانا من بنى سويف ينفع احول ولا لا
|
السلام عليكم
بجد وعن جد أشكر حضرتك جدا والله لمجهودك الوافر كل الناس كارهه هندسة بورسعيد وانا من وبورسعيد جاتلي هندسة أسيوط في التنسيق وبورسعيد أخدت من 388،5 مجموعي387 ياترى 1،5 الفرق دول ممكن يرجعوني بورسعيد ؟ أو ايه الحل اني أرجع بورسعيد مع العلم ان في 884 في هندسة بورسعيد ( 665 من خارج المحافظة ) (219 من داخل المحافظة ) وانا واحد من ضمن 27 طالب متغربين عن بورسعيد ( 14 هندسة المنيا ، 13 هندسة أسيوط) يا ترى الكلام ده ممكن يكون ليه فايده اني أحول بورسعيد أسف ع الاطالة جدا أرجو الرد وجزيتي خيرا :078111rg3: |
اقتباس:
التحويل من كلية الى كلية تانية خالص اللي هو التحويل لكلية غير مناظرة لازم يكون الكلية اللي هتحول عليها في النطاق الجغرافي أ انا معرفش بصراحة بني سويف والفيوم عندك في النطاق الجغرافي أ او لا بس لو الاتنين أ يبقى عادي لكن لو الفيوم عندك ب او ج يبقى للأسف لا ودة اللي موجود على موقع التنسيق يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط ودة الرابط https://www.tansik.egypt.gov.eg/application/Dalel/4-2.htm ودة رابط للنطاق الجغرافي ممكن تشوف بني سيوف ايه النطاق أ بالنسبة ليها https://www.tansik.egypt.gov.eg/application/Dalel/4-1.htm انا شوفت بس للأسف لقيت الفيوم بالنسبة ليك ب مش أ طبعا انا بتكلم عن قواعد تقليل الاغتراب اللي التنسيق عاملها اليومين اللي جايين الله اعلم اذا في طرق تانية او لا , الافضل انك تتصل بمكتب التنسيق او تروح تسأل علشان تشوف لو في طرق تانية للتحويل ودة رقم التنسيق 19468 |
اقتباس:
انا بردو جاتلي هندسة الاسماعيلية وعايزة هندسة الاسكندرية 393.5 وانا جايبة 392 يعني الفرق تلاتة من عشرة انا وانت نفس النظام لما كلمت مكتب التنسيق وسألتة على النسب قلي اصلا قدامك لحد 1 في المية 2 في المية فمتقلقيش المهم انا معرفش بصراحة اية مدى فايدة المعلومات دي بس هقلك وجهه نظري وبردو هتفضل وجهه نظر مش كلام موثق 27 عدد قليل مش كتيير واعتقد ان التحويل يمكن يقبلهم كلهم او اكتر منهم كمان بس لو البيانات دي صح يبقى المفترض تتفائل خير ان شاء الله لان العدد مش كبير وانت مش ناقص كتير ( تلاتة من عشرة) عن بورسعيد يعني هتكون من اوائل طالبين التحويل ان شاء الله بالتوفيق |
اقتباس:
قررت انى احول لالسن عين شمس بس انت خوفتنى اوى لما قلت حسب اعداد المتقدمين بالتحويل لالسن سؤالى بقى هو هل ممكن اكون جايبة الحد الادنى ويمكن زيادة شوية عليه ويترفض طلبى وخصوصا ان مجموعى زيادة عنها بحاجات بسيطة عن الحد الادنى انا خايفة اوى ممكن تطمننى:slap1qk6: |
اقتباس:
متقلقيش يا ميووي , سبيها على ربنا :022yb4: بصي دة نص التحويل حسب موقع التنسيق ثانيا : تحويل إلى كلية مناظرة: · يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات. · يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط. · فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستعابية للكليات وترتيب الطالب بين الطلاب الراغبين للتحويل والطاقات الاستعابية للكليات فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات. بالنسبة ليكي بقى فأعتقد ان المعظم من البداية محدد هدفة ,, وعارف هيدخل ايه ونسبة قليلة جدا هي اللي غيرت ارائها وهتحول من الكلية لكلية تانية غير مناظرة متقلقيش ,, ان شاء الله خيير انا كمان قلقانة اني محولش جاتلي هندسة الاسماعيلية وانا ساكنة في الاسكندرية بس متفائلة خير ان شاء الله ربنا سبحانة وتعالى بيقول : انا عند حسن ظن عبدي بي فليظن بي ما يشاء شوفي بقى انتي هتظني في ربنا اية ربنا يوفقك ويوفق الجميع |
اه صحيح نسيت اقلك يا مي لو لا قدر الله منجحتيش في التحويل في طريقة تانية انا متأكدة منها بس اللي مش متأكدة منه هو وجودها السنة دي كمان هي كانت موجودة في السنين اللي فاتت بتروحي تسحبي استمارة تحويل , وبعدها بتروحي الكلية تدفعيلهم فلوس ( تبرعات ) السنة اللي قبل اللي فاتت كان حوالي 3 الاف جنية وتحولي ان شاء الله بس ادعي ان الموضوع دة يكون مستمر السنة دي كمان ان شاء الله |
شكراااااااااااااااا ع المعلومات
|
يا جماعة انا عايز احول من حسابات و معلومات عين شمس الي هندسة المطرية و الاتنين في جنبي في السكن يعني منطقة أ .....و انا جايب 391 و المطرية من (( 388.5 )).......كدة بقه اية النظام يا جماعة
|
اقتباس:
طيب تمام , كدة انت مستوفي للشرطين , جايب الحد الادني وعايز تحول في أ بالتوفيق ان شاء الله |
واحد قالى انهم بيحولوا للبنات الاول !!! هل ده صحيح وانا من المنصوره ورحت طب الزقازيق موقفى ايه من التحويل لطب المنصوره ؟؟؟ ونتيجه التحويل هتظهر امتى ؟؟؟ ارجو الافاده وشكرا وربنا يوفقنا كلنا ونبقى حاجه كويسه مش مجرد دكتور او مهندس احنا طموحنا اكبر من كده ان شاء الله
|
اقتباس:
طبعااااا ربنا يوفق الجميع انا بردو سمعت ان الاولوية للبنات ودة شئ منطقي :022yb4: بس اعتقد الاولوية الاكبر لترتيبك وسط طالبين التحويل لنفس الكلية والشئ دة بيعتمد على عدد اللي عايزين يحولوا لطب المنصورة ,, وعلى النسبة اللي هيحددها مجلس الجامعات , وعلى الاماكن المتاحة في الكلية وبالنسبة للتحويل مغيش مشاكل لان الزقازيق بالنسبة ليكي منطقة جغرافية ب , فينفع تحول منها ان شاء الله نتيجة التحويل في قالولي في بعدها بيوم جتلنا رسالة على الموبايل مبروك تم تحويلك ,, معرفش المدة بالظبط بس معتقدش تتعدى اليومين لان عدد اللي عايزين يحولوا اكيد هيكون اقل بكتييييييييير جدا من عدد المرحلة الاولى مثلا واللي نتيجتها ظهرت في نهار اليوم الثالث يعني بعدها بيوم او اتنين بالكتييير بس معلومات موثوق منها بخصوص الوقت الله اعلم , انا بس بفكر معاكوا :bosyht9: |
طيب انا دخلت هندسة شيرا و كنت عاوز احول هندسة القاهرة مع العلم انى جايب 394 و هندسة القاهرة من 396 ممكن اتقبل فى التحويل التانى ولا لا؟؟؟
|
اقتباس:
هندسة شبرا , والقاهرة في النطاق الجغرافي أ عندك ؟ ولا مش في نطاق واحد ؟ انا معرفش هندسة شبرا دي جامعه اية على العموم علشان تحول لازم يكون الكلية اللي هتحول ((( منها ))) في نطاااق تاني , غير (( أ )) ولازم الكلية اللي هتحول ((( ليها ))) في النطاق (( أ )) |
هم الاتنين نطاق جغرافى ( أ ) يعنى مينفعش احول فى التحول اللى بيدفعوا فيه فلوس؟؟؟
|
| جميع الأوقات بتوقيت GMT +2. الساعة الآن 04:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.