|
نغمة موبايلك ايه؟!
السلام عليكم ورحمة الله وبركاته.. كل سنة وانتم طيبين وبألف خير ورمضان مبارك ع الجميع يارب... بما أننا في شهر رمضان بالكل بيغير نغمة موبايله اللي بيخليها ديني دعاء ..تواشيح... ولكن المصيبة الكبري اللي يخلي نغمة موبايله نغمة *وشربت حجريين ع الشيشة **:d الكارثة الكبري مش ف كداا.. الكارثة ف انه الأخ يكون داخل بيصلي... والنغمة الفظيعة تظهر .... ولا نغمة نانسي مثلا.... او حتي اي نغمة حتي لو ديننا المسجد له حرمته فإزاي واحد ممكن يدخل من غير ما يعمله صامت... وبما اننا ف رمضان الجميع بيحرص انه يقرأ القرآن عشان يحصل ع \أجر كبير... ولكن الغريبه انك تلاقي شاب حاطط الهاند فريه ف ودنه ف الأتوبيس الحمدلله الشباب ربنا هديهم وبيسمعوا قرآن لا ...تلاقي السلك بتاع الهاند فريه ..اتساب غضب عنه ونغمة الأغاني الهابطة ظهرت.... يعني مش قادر تستحمل ...30 يوم بس تتقرب منهم من ربنا مع ان رب رمضان هو رب كل السنة بل رمضان شيء مختلف....... ها ايه رايكم:d |
انا الحمد لله مش بحب الاغانى ولا بسمعها وبحس بديق لوسمعته فى حفل زواج يكو قريب من بيتنا وطبعا انا طول السنة عاملة نغمت موبايلى دعاء خالص من اى نغمات وطبعا شكرا على الموضوع واتمنا ان الجميع يستفيد
|
|
اللى يلفت النظر جداااااا فعلا نلاقى واحد فى رمضان شال الاغانى من الموبيل وعمل نغمه الموبيل دعاء ,, اى نغمه اسلاميه ولما رمضان يخلص . وتقريبا يوم العيد بالظبط ;) يرجع الاغانى تانى !! واكتر حاجه تضايق فعلا اللى بيعمل نغمه لE او ل N ولما يدخل يصلى والموبيل يرن يا سلالالالالالالام :d ......... بالنسبه لنغمه الموبيل بحب اخلى نغمه من نغمات الموبيل الاساسيه ولو فكرت اغيرها بتبقى دعاء او مقطع من نشيد دينى ... بس انا بحب نغمات الموبيل جدااا شكراااااا ع الموضوع :d |
silent ....
|
عادة مبحبش احط اي اغاني كرنة للموب
مبتسدش في المسدات كتير :d ونغماتي بتبقى ثابتة مبحبش اغيرها ولا قبل رمضان ولا بعد رمضان لو غيرتها ححس الموبايل اللى بيرن مش بتاعي :d اما حوار الناس اللى بتنسى الموبايل في المسجد فعادي انا بنساه كتير بس الحمد لله مرنش قبل كدا وانا موجود :d واكيد مش قاصدين يدخلو بيه كدا يعني مكانوش دخلوا يصلوا جماعة اصلاً :d |
انا حاطط من ايام الثورة نغمة من اغنية اسمها انا ضد الحكومة .. المهم ..
و انا فى كلية الشرطة كنت بقدم فنسيت اعمل الموبايل سيلنت فجأة و بدون اى مقدمات .. انا ضد الحكومة ضد البلطجة و الظلم .. ضد الحكومة ضد الحاكم ضد الحكم .. انا عملت فيها من حوارى منية القمح و بصيت لفوق و بصفر .. لقيت ظابط بيقول مين اللى حاطط النغمة دى ..بقوله شكلك بتلمح عليا و انا بكره التلميح ده .. قالى هات اللى فى جيبك .. قلتله يا سيدى الفاضل انا كنت بكلم على مبارك .. قالى و انا بكره الثورة بقى و بحب مبارك .. قمت قايله دول كلاب العيال بتوع التحرير دول ينهار ازر .. و انا اصلاً حرامى و سارق الموبايل ده .. و قمت رادد على ابويا و قلتله متتصلش تانى يإلا مش هروح البيت ... الظابط اخد منى الموبايل قعدت اقوله ابويا ظابط و انا وم عارف ايه .. مريش و بعد محيلات رجعلى الموبايل و انا مروح .. و فى الجامع لما بيرن بشيله من جيبn و بدوس على اللى بيفتح المكالمة و اسيبه .. مؤذى :d |
انا غالبا نغماتى لسامى يوسف بتتغير بس لنفس الشخص مش بتفرق قبل او بعد رمضان ما اظنش انى غيرتها من زمان وما بيكونش معايا ف الجامع الحمد لله لانه قريب منى |
انا غالبا مخصصة تغمات للمتصلين بيا .. لكن كلها دينية وثابتة مش بجب اغيرها وخصوصا انى مش من هواة الموبايل يستخدمه للضرورة فقط ومعظم الوقت فاصل شحن:d لكن معاكى حق نغمات الموبايل فيها كوارث بجد وخصوصا ما يسمى الشعبى اللى ممكن بفزعك لو رن فى اى مكان :mad: اما الجامع متهيالى بيبقى سهو لان حتى لو رن اثناء الصلاة مين هيرد .. بس معظم الجوامع بتنبه قبل الصلاة على اغلاق الموبايل شكرا على الموضوع ... |
انا مش بحط غير اناشيد اونغمات دينية من فترة كبيرة يعنى والحمد لله
انا فى مرة حطيت نغمة لمشارى نادرة جدا لمدة سنتين تقريبا ع الجهاز :romarioxp6: ولما بدخل المسجد بقفله وساعات بنسى وقبل كده حصل معايا موقف بسببه عمرى ما هنساه :blush: كان معايا تليفونيين معايا فى جيبى ومعايا تليفون واحد صاحبى وانا بصلى تليفونه رن وحاطط اغنية سمعت المسجد كله :blush: وانا بصلى ووقفت ادور على تليفونه بعد الصلاة كله بقى يكلمنى انا :angry2: وانا برىىىىىىىئ طبعا طلعتهم عليه :blush: وبطلت افتح التليفون من ساعتها وانا داخل الجامع شكرا على الموضوع |
الحمد لله نغمة محمولى ثابتة
بعنينا يا أقصى بتكبر مع صيحة الله أكبر |
الحمد لله نغمة موبايلي انشودة اتدري من يزيل الهم وعمري ما غيرتها ولا ها اغيرها ابدا
|
الحمد لله انا موبايلى من ساعة مجبته وهو silent
لدرجة انى نسيت انى معايا موبايل اصلا;) ومش بفتحه تقريبا الا فى المناسبات الرسمية((زى العيد كده:d:d)) والحمدلله ولا ليا ف اغانى ولا اناشيد ولا غيره ومالها نغمة نوكيا يعنى اومال هما حاطينها ليه؟ شكرااا على الموضوع |
انا للاسف برضه دايما صامت وفين وفين لما بعبر الموبايل اصلا والله الموبايل ده بيتعامل معاملة معايا
وكتير انساه وكتير اخبطه واوقعه مذللول ياعينى لا بس اكتر نغمه بحبها وثابتة دايما عندى دعاء " ألهى انت تعلم كيف حالى " بحبها جدا جدا بجد ولو بصلي فالمسجد مش باخده معايا اصلا هحطه فين واخد ليه وانا مش هعرف ارد اساسا |
الحمد الله مليش فى الاغانى الا لو اغنية حزينة بسمعها بس اما الموبيل فالنغمة ثابتة ليها سنة بالظبط ويعنى تعتبر نصيحة مش اغنية :d بتاعت قول للى اكل الحرام يخاف وبالنسبة فى الجامع بقفله خاالص شكررا على الموضوع الجميل |
انا عندي لكل واحد نغمة بس كلها اناشيد او ديني والنغمة الاساسية بتاعت كلو نشيد كنت سمعته وعجبني والحمدلله مش بسمع اغاني او كدا والمسجد احسن حاجة الواحد يسيب الموبايل فالبيت مش مهمين اوي يعني حد هيتصل واحنا فالصلاة :d اما بالنسبة للناس ال بتغير فكتر خيرهم عالاقل بيحترموا حرمة الشهر الكريم وربنا يهديهم فباقي الشهور ، تسلمي عالموضوع الجميل |
الحمد لله انا نغمت موبايلي نغمه دينيه علي طول
واصلا انا بستغرب من اللي بيحطوا اغاني سواء في رمضان اوغيره ربنا يهدي الجميع تقبلي مروري |
لالالالالالالالالالالالا انا طبعا يعنى مش بعمل نغمة الموبايل اغنية خصوصا فى شهر رمضان لان اى حد بيسمعها بياخد عليها ذنب وبيحملنى الذنب ده المشكلة كمان مش فى كده المشكلة ان فيه ناس بيتخلى الكول تون بتاعها اغنية فظيييييعة ومش بتغيرها حتى فى رمضان :(
بس بجد مينفعش انى اعمل نغمة موبايل اغنية ثم انى معنديش موبايل اصلا :p :d مرسيه عالموضوع ^_^ |
اقتباس:
الحمدلله...ع كل شيء.. وربنا يثبتك ياحبيبتي دائما وشكراا اقتباس:
جزاك الله وإليك اقتباس:
اقتباس:
هههههههه عجبتني بتاعة نعمة اي او ان هههههه:d نانسي واليسا ولا ايه:p ربنا يهدي الجميع دا اللي بنتمناه ... شكراا |
انا الحمد لله بعدت عن الاغانى
ونغمه موبايلى المفضله هى بنحبك يا رسول الله وهى من على بوابه الثانويه |
انا بقي مخصصة نغمة لبابا ولماما ولما بيرن بيفضحني ف الشارع والناس كلها تضحك عليا
وبقي بقعد اغير النغمات بتاعة الموبايل بقي بس ف رمضان طبعا بغيرها وبخليها دينية ومش بسمع اغاني خالص ف رمضان غير لو كانت من اغاني رمضان مثلا :d |
الحمد لله انا مش من الناس دول مغيرتش رن موبايلى ولا غيرها اصلها حلوه ماشيه مع رمضان وباقى ايام السنه :d |
اقتباس:
مش اقصد اكيد الناس اللي بتنسي ف حد ذاتها اقصد الناس اللي بتحط نغمة تكسف وهي داخلة تصلي فترن النغمة فتبقي حاجة مش لذيذة أووي وطبعا الجامع ليه حرمته!! احسن حاجة انك مش بتغير نغمت .. خليها ثابتة :d ربنا يثبتنا دائما |
اقتباس:
هههههه الحمدلله انه مش حصل حاجة وجات ع قد كداا عجبتني فكرة الفتح دي ...احسن شيء.. بس المشكلة انها بتتعوض:d شكراا لك ياأمجد اديك شوفت اللي بيبقي ضد الحكومة بيحصل له ايه:d |
اقتباس:
احسن حاجة النغمة الثابتة بتريح وتستريح:d اقتباس:
أكيد المشكلة ف النغمات اللي تكسف وبالذات لو بين جدار الجامع لكن لو سهو كلنا بنسهو بس الفضيحة لو نغمة شعبية:d اقتباس:
بتحس في أحسن العائلات :dالحركة دي اسمع عنها:d الإنسان أصلا مش بيتعلم بالساهل.. احسن حاجة ..الغلق بيريح .. شكراا |
ههههههههههههههههههههههههههه فعلا الموضوع ده صح ومنتشر كتير اوى وحكايه المسجد ده مش ف رمضان بس ده ع طول ف الايام العاديه بس ديه ترجع للانسان نفسه هو عاوز ايه واحنا اه عندنا التلفزيونات والنت 24ساعه شغال ارشاد للمسلمين وبعدين ف نفطه تانيه لما تكونى قاعده ف اتوبيس وتلاقى واحد ولا واحده مشغله التليفون بصوت عالى ياما اغانى او قراءان لازم يكون بصوت واطى ع ادها مش تسمع اللى حوليها حتى لو قرءان لازم تحترم برده اللى ف التوبيس لان مش ف الاتوبيس مسلمين بس لازم نعمل احترام لاخواتنا المسيحين وجزاكى الله خيرا
|
انا كنت الاول فى ثانوى اهتم بنغمات الموبايل وكل شهر تقريبا اغيرها بس عمرى ما حطيتها اغانى يعنى اما دلوقتى بقالها كتيييييييييييير جدااااااااا نغمة الموبايل الاساسية نوكيا بشكرك على موضوعك:) |
انا بقا يا الرنه بتاعت نوكيا العاديه دى:d بس بعد ما الموبيل النوكيا راح وراحت ايامه:bosyht9: جه السامسونج:friendsxs3: فمفيش رنه نوكيا فبقت النغمه بتاعتى حاليا هو الحبيب الذى :) وبصراحه عمرى ما خليت نغمه موبيلى اغنيه ده الواحد بيبقا مكسوف والموبيل بيرن وهوه فى الشارع وياسلام بقا لو قعدت ادور عليه ساعه عمال يرن وهوه فى بحر الظلمات:d فى الشنطه يعنى;) والناس كلها تفضل تبص يعنى فضيحه لوحده:p اعمل اغنيه كمان:blush: شكرا ياقمر على الموضوع تقبلى مرورى.. |
انا الحمد لله نغماتى دائما ادعية والله اعلم
جزاكم الله خيرا |
أنا نغمة موبايلى عادةً لسامى يوسف ولما أدخل الجامع بأعمله صامت شكراً على الموضوع |
الحمد لله سماعات الموبايل محروووقه هههههههههه اتكتب عليه يفضل صامت طول عمره
|
انا بقى بحب اغير نغمه موبايلى دايماااا بس كلها دينيه
لانى الحمد لله وربنا يقدرنى مش بنزل اغانى على الموبايلى واكتر الاغانى الى بحب احطاها الاناشيد زى نفسى اتوب انا من الذنوب وكم ناشد المختار ربه دول الحاليين وشكرااااااااااااااا |
هى نغمه موسيقيه لعمر خيرت ومش بتتغير او نغمه همسه عتاب لانه تحفه ..وبعدين دى موسيقا مش كلام ولا اغانى
بس الموضوع جامد جدا |
| جميع الأوقات بتوقيت GMT +2. الساعة الآن 07:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.