|
انا عارف انه مش وقته بس تنسيق 2012 كارثة ملهاش حل
السلام عليكم
انا عارف ان الناس كلها مشغولة بتنسيق السنادي بس في كارثة احنا مقبلين عليها السنة الجاية بعد ما ترتيب موقع الاستاذ نزل اتصدمت انا جايب 204 لقيتني 550 علي علمي و 556 علي الجمهورية المهم انا قولت اشوف ترتيب صحابي لقيت واحد جايب 201.5 ترتيبه 15500 علي علمي واحد جايب 197 لقيته 55000 !!!!!!!!!!!!!!!!! و تلات جايب 193.5 ترتيبه 79000 !!!!!!!!!!!!! و اخيرا واحد جايب 92.5% ترتيبه 107000 معني الكلام ده ايه؟؟؟؟؟؟ ده معناه انه بالطريقة ديه حد ادني علوم هيبقي 98% و رياضة 96% و خلي بالكم احنا لسه مخدناش مستوي رفيع :angry2: طبعا الوزير العبقري هيحاول يحل المشكلة بانه يدينا امتحانات متتحلش علي امل ان المجاميع تقل :confused::confused::confused: ربنا يستر علينا :(:( |
بلاش نستبق الأحداث
ربنا بيدى كل واحد على قد مجهوده نزاكر احنا بس بضمير و نتوكل على الله وكله خير بإذن الله |
انا اخويا جايب 202 ... 98.5% ومحتار يدخل علوم ولا رياضة انا فعلااااا خايفة عليه اووووى من تنسيق السنة الجاية ... ربنا معاكوا يا شباب ده احنا كنا ف تانية مجاميعنا نازلة شوية ... ولما زادت ف تالتة .... لقينا نفسنا ف كارثة ف التنسيق امال انتوا ح تعملوا ايه !! .... ربنا يستر يارب |
يا جدعان دى توقعات مش حقيقة التنسيق بنسبة اكيدة جدا هيكون زى اى سنة ميفعش مثلا الطب يكون من 99.8 لا طبعا حد ادنى يعنى بس هوا هيعادل الى حصل السنادى ويجيب امتحانات صعبة حبة مثلا وبكدة يبقى تنسيقنا عادى جدا ممكن ينزل كمان بلاش تفكير غلط او ممكن يجيب امتحانات سهلة وتنسيق عالى ومينفعش يكون عالى قوى زى ما انتو ممعتقدين بلاش احباط للناس دى غيبيات لازم يعادل يا يعلى التنسيق يا يجيب الامتحانات صعبة ولو علية ممكن مش تبقى عالية اووى عادى
|
يا جماعة لازم تعرفوا ان السنة الجاية وزير اتلعليم العالي مش هايبقا "خورشيد" هايبقا واحد تاني اكيد ثانيا لما يبقا 55000 جايبين 96% يعني لو جابو نفس الدرجة السنة الجاية بالمستوى هايبقا الي جايبين 97 هايبقوا كتير اوي هايقولك بقا اعداد مقبولين و سعة استعابية ؟ اكيد لازم الامتحانات السنة الجاية تبقا صعبة و اعذروني صعبة "شوية" عشان لو جت زي السنة دي يبقا الي جايب 99 احتمال مايلحقش طب ؟ و دا لا يمكن يحصل ابدا و ان شاء الله خير |
اكيد امتحانات السنة الجاية هتظبط المسائل شوية .... بس بصراحة الناس كلها بقت شاطرة ما شاء الله
|
لا تسبق الاحداث
|
يا جدعان
خلوها على ربنا والله كل حاجة هتمشى |
توقعاتي
امتحانات السنه الجايه لازم تبقى صعبه |
ربنا يبشرك والله يا اخى ماهى بايظة بايظة وطالما فى احتمال مبارك ياخد براءة يبقى اكيد فيه احتمال الطب تبقى من 100 % وزيادة كمان اصله كله بقى خارطبيته فى ابو عيسى
|
ههههههههههههه
عاوز اقولك اني اتصدمت من ارقام قرأتها من كام يوم عنكوا فيه اكتر من 64 الف طالب جايبين اكتر من 195 من 205 احنا السنه اللي فاتت في تانية كنا 26الف بس اللي جايبين فوق 195 ربنا يعينكوا وانسي الامتحانات السهلة انتوا خدتوا السهل خلاص مش بخوفك بس بحذرك بلاش تفاؤل زيادة احنا جاتلنا امتحانات صعبة السنة اللي فاتت والي حد ما معقولة السنه دي والتنسيق نار ربنا يعينك وعموما ربنا مش بيضيع مجهود حد |
والله ربنا معانا ومعاكم فعلا الامتحانات السهلة مش كويسة وكمان الامتحانات اللى فيها عصاية من نار مش كويسة بردو :stickjo4: بس الظاهر اننا والله مش هنرضى عامة :bosyht9: نفسى اعرف امتحان متوازن ولطيف كدة ممكن امتحان التفاضل بتاعنا كانت اخر مسالة فيها تكة صغيرة جداا بس فى ناس هربت منها ممكن ده يكون امتحان متوازن لان الواحد ممكن يهرب منها ويغلط فى هايفة غيرها ;) |
انا عن نفسى عاوزة امتحان متوسط بس فى كل سؤال حتة صعبة ومتحاجة تفكير ومذاكر لانى دايما بقع فى السهل والسنة دى من سهولة الامتحانات نقصت 5.5 وجبت 97.3 عشان متعودة على الصعب من صغرى ولما بيجى حاجة سهلة بشك فيها للاسف مافيش احلى من امتحان الرياضيات تالتة اعدادى عام 2009 اقسم بالله بجد امتحان فعلا متطور من اللى هوا يعنى مش معقد بس عاوز تفكير بجد وبيميز المتفوق من الفاشل واحيى اللى كان حاطه وربنا يستر :giljotiiniug3: |
يا بني انتو اللي حصل فيكم السنة دي كارثة
و الأمل الوحيد ليكم ان السنة الجاية معلش في الكلمة تكون الامتحانات نفخ و ده أملكم الوحيد لأن لو فضلت الامور علي هذا المنوال لو طب مثلا كان الحد الادني بتاعها 99% تبوسوا إيديكم وش و ظهر و أنا مش بخوفكم لكن هي دي الحقيقة اللي لازم تكونوا كلكوا عارفينها علشان الصدمة |
بص هو لازم الامتحانات تيجى اصعب من كده بكتير عشان التنسيق يكون كويس وكل واحد ياخد حقه الامتحانات السهلة مبتميزش مستويات الطلاب فغالبا امتحانات السنة الجاية هتيجى صعبة (مش صعبة على الكل طبعا انا قصدى انها تميز ما بين الطلاب ) ومتخفش من صعوبة اى امتحان انت راجل متفوق ما شاء الله عليك وكمان مش انت لوحدك اللى بتمتحن الامتحان على الكل اهم حاجة يكون مجموعك عالى نسبيا مش عالى بس
|
من مطاااااااااااااااااابخ الوزاره(شامين الريحه:d) سوف يأتي امتحان فيزياء 2012 بما لم يأت به 2008 انتهيــــ |
اقتباس:
|
اقتباس:
فعلا يا دوك ياسر دي مهااااااااااااااااااااااااااااااازل بالذات ف تانيه والتصحيح بعون الله متقلقش انت بس تاخد درجه ونص وهتلحق لو اكتر يبقي زياده اطمئنان انك داخل بشري وربنا معاك ع الظالم |
اقتباس:
|
لأ ان شاء الله ربنا هيستر
بس انتو قولو يا رب من قلبكم |
اقتباس:
ياخى حرام عليك رعبتنى:frown: |
اقتباس:
دده الي المفروض انتو تتمنوه انه يحصل وتدعو ف كل صلاه تكون امتحانات كارثيه عشان طب متاخدش من 100% بجد كحد ادني |
اقتباس:
انا بس مقلق شويه عشان أنا مكمل رياضة الفيزياء إحنا عارفينها بس رياضة 2 ربنا يستر انت شوفت لما جابوا الاتنين صعبين في 2008 حصل إيه في التنسيق بترول خدت من 399.5 :d عموما الواحد لازم يستعد و إحنا عندنا سنة كاملة نستعد فيها |
بجد امتحانات هذا العام لم تفد الطالب الشاطر
فى الغربية 204.5 40 طالب 204 160 طالب هذا فى محافظة واحدة |
اقتباس:
الفيزيا عبيطه جدا صدقني مهما حاول يصعب فيها هتعرف تحل لو دماغك كويسه "وده الي متأكد منه" رياضه 2 معرفش انا احياء والسنادي جه مش صعب بس بايخ يعني الراجل بوخ بحاجات جديده فعلاً والحمد لله مع اني بكرهها جبت 49.5 وفعلاً انت بس تحل بتاع 5 كتب فيزيا وزيهم رياضه وانصحك بالوسااااااااااام ف كله "اصفر واحمر وازرق" والامتحان والمثالي كده تبقي عملت مثلث الرعب الي ميخرجش عنه امتحان ولا 2008 ولا غيره |
اقتباس:
طبعا اتكلم براحتك مال ايده فى المية مش زى الى ايده فى النار |
انا مش مستعدافرط فى المجموع بتاعى عشانيجى امتحانات تعجيزية
|
اقتباس:
اذا كنت انا لسه مخلص السنادي طاااااااااازه والله 2008 كان سهل بس عايز شويه تفكير مش اكتر متسمعيش كلام الي هيقولولك ده تعجيزي وبتاع |
اقتباس:
اقتباس:
ما احنا لسه مخلصين ثانوية عامة و كانت ادينا في النار برده و لازم تبقي عارف ان مجموعك ده من اسبابه سهولة الامتحانات و علي فكرة (أنا مش بعيب عليك) بس انا معظم الشاطرين اللي اعرفهم بيعجبهم الامتحان الصعب اكثر يبقي لو عاوز متفرطش في مجموعك تذاكر و تجتهد وربنا يوفقك لأن بطريقة الامتحانات التعبانة بتاعة السنة دي ابشرك ان طب مثلا لن يقل عن 99.5 % و مفيش حاجه اسمها امتحانات تعجيزية حتي امتحان الفيزياء بتاع 2008 اينعم كان مستواه عالي بس كانوا منزلين لهم ورق اولمبياد جه منه اكثر من نص الامتحان و كان في تساهل في التصحيح |
طب وايه نظام الادبي يعني الي ليه اصحاب ادبي او هو ادبي عايزين نعرف مجاميعهم كام السنة دي انا جايب 92.7 و ترتيبي 6 الاف وشوية على الادبي كده ايه النظام وياريت الي خلص ادبي السنة دي ينصحني علشان السنة الي جاية تعدي لان نفسي ادخل سياسة واقتصاد
|
اقتباس:
مثلا امتحان التفاضل 2010 الكل قال عليه صعب وفى الاخر نص الدفعة جابت 50 دايما الشاطر بيحب الامتحانات الصعبة لانها بتعلى مستواه وبتخليه يفكر وللاسف بما ان نحن فى دولة متخلفة ولاتهتم بالعلم والناس بتبقى فرحانة بالامتحانات السهلة ليه ميجبوش امتحانات سهلة صراحة مكنتشي عجبانى امتحانات تالتة السنادى الواحد كان نفسه امتحانات تالتة تبقى زى بتاع 2010 اما الهبل اللى عملوه ده واللى كانت بتقول انا عاوزة احافظ على مجموعى انا كنت فى تانية 2010 وكنت احياء وقبلها يوم واحد بس والحمدلله جبت 97.8 ومينفعشي ابدا يجيب امتحان عبيطة زى بتاع السنادى لانه كده بيدخل ناس فى طب وصيدلة مش اكفاء |
سنه تالته بالنسبه ليكم
الامتحانات هتيجي صعبه شويااااااااات مش شويه عشان التنسيق ينزل شويه فعشان كده ذاكروا كويس وبضمير |
اقتباس:
يا حبيبى فى فرق بين الامتحانات الصعبة والامتحانات التعجزية وعلى فكره انا جايب الدرجة الى لسة انت قايلها دلوقتى :blush: وكويس انى بعرف استفز |
والله الواحد عارف ايه اللى حيحصل السنه اللى جايه وياريت يجيبوا امتحانات صعبه علشان الناس المحترمه اللى بتذاكر يجيبوا مجموع كويس ويميزوا الللى بيفهم عن اللى بيحفظ و السنادى حصلت كمايات غش غبيه ربنا يستر السنه اللى جايه واكيد اللى بيتعب ربنا مش بيضيع تعبه اهم حاجة ان الواحد يجتهد فى الحاجة اللى بيحبها وربنا حيوفقه
|
طيب ما فيه سنة الفراغ اعداد المقبولين فى الكليات قلت
يعنى عايزين طلبه السنه دى ف ممكن التنسيق يزيد حاجه بسيطه عن كل مره او يثبت مش كلامى مظبوط بردو ولا ايه |
انتم قالقين نفسكوا عليه السنة الجاية الامتحانات هاتيجى زى "البدر"و بالتالى هيبان المذاكر من غيره و مش هيبقى فيه غش .........ايه رايك؟
|
ربنا يستر ان شاء الله
|
اقتباس:
و نتقابل العام المقبل |
يا جدعان
خلوها على ربنا والله كل حاجة هتمشى |
اقتباس:
|
يا حاج احسن حاجة يجيبلكم الامتحانات صعبة , عشان تتميزو و مش كل واحد جايب مجموعة في سنة تالته السنة دي او تانية يبقا مستواه , في عالم فكسانة و جايبة مجاميع جامدة , انما لو فضلت كوسة كدا التنسيق هيبقا نار .,
|
طب وايه نظام الادبي يعني الي ليه اصحاب ادبي او هو ادبي عايزين نعرف مجاميعهم كام السنة دي انا جايب 92.7 و ترتيبي 6 الاف وشوية على الادبي كده ايه النظام وياريت الي خلص ادبي السنة دي ينصحني علشان السنة الي جاية تعدي لان نفسي ادخل سياسة واقتصاد
|
الله يطمنكووووووووووووا
الله يطمنكوووووووووووووا |
رفع علشان الكارثة دي
|
ربنا يطمنكوووووووووووووووو
|
فعلا مشكله مجاميع السنه دي ..
احنا السنه اللي فاتت اتبهدلنا و شوف التنسيق طالع ازاي ،، ما بالك انتم امتحاناتكم جت سهله اوي في تانيه .. الوزير اكيد هيصعب اوي السنه الجايه عشان يعادل المجاميع .. بس انت ذاكر ومتفكرش في الحاجات دي .. اعرف ناس كتير اوي في عز بهدله احمد زكي بدر قدرت تعمل نتيجه حلووه .. بالتوفيق : ) |
حرااااااااااااااااااااااااام
:giljotiiniug3::giljotiiniug3::giljotiiniug3::gilj otiiniug3::giljotiiniug3:
الناس اللى خلصو تالتة وداخلين كليات اتعقدو و بيعقدونا بردودهم المحبطة دى يا عالم حرام عليكو :022yb4::022yb4::022yb4::022yb4::022yb4::022yb4: انا الحمد لله خلصت تانية ب 98 و ربنا شاهد متكلمتش مع حد فى اللجنة لكن الغش بقى نعمل ايه منهم لله المراقبين والطلاب الفشلة :078111rg3: اللى هيبوظو الدنيا حرام عليكو نفسى فى بترول و حرام الامتحانات تيجى سهلة - وبعترف اهو - بس دا لانى مش احب انى اتساوى مع الفشلة الغشاشين |
اقتباس:
|
انا فى تانية جبت 98.8
و من غير كلمة من حد وبامانة كل الاوائل فى المدرسة و المحافظة كانوا معروفين ومحدش منهم بيغش بس المشكلة فى الى جايبين 95 و 96 انا اعرف ناس مستواها 91 وغشت ودا جاى على راسنا احنا وانا عايز طب بس قلقان من المجاميع العالية جدا |
انا بتنرفز ان الناس عمالة تقول امتحانتكوا جت سهلة اوي بالنسبة لتانية بالنسبة للعربي تقريبا نفس المستوى الانجليزي اصعب من السنة الي فاتت ده امتحان السنة الي فاتت حليته كله صح ومنغير مالاقي حاجة صعبة اول السنة بس بس اكتشفت بعد كده ان الترجمة من المنهج و القطعة حليتها اول السنة كلها صح الرياضة فرع التفاضل كان اصعب السنة الي فاتت بس الجبر كان بتاعنا اصعب هو سهل بس اصعب من بتاع السنة الي فاتت التاريخ علشان انا ادبي نفس مستوى السنة الي فاتت الايطالي اصعب من السنة الي فاتت او في مستواه انا الحمد لله جبت 93 والي نقصني التركيز بسبب الي كان بيحصل عندنا في اللجان خناقات بقى علشان العيال عايزة تغش وفي الاخر كلهم جابوا مجاميع زي الزفت الفرق بين السنة دي والسنة الي فاتت ان احنا من اول السنة كنا عارفين الامتحانات جااية صعبة و كنا بنشوف امتحانات 2010 فنذاكر لكن انتوا كنتوا بتشوفوا امتحانات 2009 التافهة وتقولوا الامتحانات جاية سهلة ففي كتير كسل ونفض فانتوا اتفجأتوا بالامتحانات و السنة دي المجاميع العالية ديه اوي تلاقيها في علمي بس كتيرة جدا علشان الغش الجماعي والي كان بيحصل وفي ناس شاطرة تقعد تغشش العيال كلها و في طبعا ناس جايبة بمجهودها وانا برده اعرف ناس جايبين 99 و 98 السنة اللي فاتت ومنهم كتير وانتوا نقول ماشي جتلكم امتحانات صعبة في تانية بس جت تافهة في تالتة ونقول برده ان امتحانتنا جت تافهة هتيجي نفخ السنة الي جاية معلش طولت عليكم وكل سنة وانتم طيبين |
| جميع الأوقات بتوقيت GMT +2. الساعة الآن 03:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.