خورشيد يلتقي وفد طلاب الثانوية المعتصمين
 

أعلن طلاب الثانوية العامة المعتصمون أمام مقر مبنى وزارة التعليم العالى لليوم الثالث على التوالى إضرابهم عن الطعام لحين الاستجابة لمطالبهم.
وشنوا هجوما عنيفا على معتز خورشيد وزير التعليم العالى الذى ترددت اخبار عن سفره فى إجازة مصيف، مطالبا د.عصام شرف بسرعة التدخل لخفض الحد الادنى للتنسيق بما يسمح لهم بالالتحاق فى الجامعات الراغبين فيها.
وتعالت الهتافات "خورشيد خورشيد فى مارينا بعد ما بكى اهالينا"، و"تعالى تعالى يا وزير.. المصايف قاعدة مش هتطير وفيما حال افراد الامن دون وصول بعض الطلبة إلى مكتب الوزير، وافترش البعض الآخر سلالم الوزارة مهددين بغلق مداخل المبنى ومنع خروج المتواجدين بالداخل.
الامر الذى اضطر معه وزير التعليم العالى لقاء وفد مكون من سبعة طلاب قاموا بتقديم طلباتهم مكتوبة وقد استلمها خورشيد فى ظل وجود لجنة التنسيق المعنية بوضع الحد الادنى ونسب القبول بالجامعات.
وتضمنت المطالب خفض الحد الادنى للقبول لـ3% عن الارقام المعلنة، وزيادة عدد المقبولين بكليات القمة الطب والهندسة وطب الاسنان والصيدلة اضافة الى فتح الانتساب بالكليات .

إن شاء الله خير ............ والأمل فى ربنا كبير

ادعي وقول يارب يقتنع

احنا مش عايزين اكتر من ان تكون النسب معقولة

تبقي حتي زي كل سنة

يارب يستجيب يارب بجد احنا مرعوبين جداااااااااااااااااااااا

ا
لماذا هذا الرد ...... ومين ادراك اني لغتي تهديد وو عيد و غير محترمة و غير مهذبة

وانا لم اذكر كلمة لابد غير مرة واحدة لاحساسي ان الوزارة ممكن تهدئ الطلاب بالمطلب الاول الذي لا قيمة له بدون المطب الثاني فأردت ان الفت النظر لاكثر و لا اقل
واعتقدد ان اللي ايده في المية مش زي اللي ايده في النار علي رأي المثل
علي العموم انا اسفة اني تحاورت معك اصلا

هههههههههههههههه
انا مش عارفه دول هيودونا لحد فين ,,,هنعد فوق بعض في الكليات

مازال ردك فيه شئ من عدم الاحترام
انا فعلا افتقد لغة الحوار و لكن الحوار الغير مهذب
اما الحوار المحترم فأنا كفيله به

انا طالب واستفزني أسلوبك
لو هو وزير وماينفعش معاه لابد
هي مدرسة وانت طالب يعني اسلوبك مرفوض

تفتكروا التنسيق ينزل قد ايه؟
حكاية ال3% دي مش واقعية دول اخرهم 1%
ربنا يستر والحق صيدلة

الاستاذة دي مربية اجيال انما الوزير قائم على عملية تعليمية فاشلة
ده لو جيت تقارن ...

الأخ عادل أسلوبه مستفز وأنا متابعه في كل حواراته ولا أعرف ماذا يريد بالضبط ولماذا يهاجم دائما كل من يكتب عن مطالبة الوزير بتخفيض الحد الأدني للقبول للكليات وعمال يتكلم عن لغة الحوار والديموقراطية يا عم سيب لغة الحوار في حالها وارتاح شوية دماغك يا خفيف

كل ما اريده هو ان يكون التنسيق مثل 2009.....................................لا اريد اكثر من ذلك في 2009الامتحانات كانت سهلة في السنتين ولم تزد كل هذه الزياده

هدوء شوية
ادعوا ربنا يوفقنا جميعا

يعنى 3%
ممكن تستقر فى الاخر على 1%
يعنى مثلا بدلا ما طب تقبل من98.5%
تقبل من 97.5%
ربنا يوفقنا جميعا

الفوضى وصلت للتنسيق والجامعات عليه العوض ومنه العوض كل الشباب عايزين يبقوا دكاتره ومهندسين هذه هي الدول المتخلفة حقا فى الدول المحترمة المتقدمة فرد الدفاع المدني له أعلى راتب واكثر تعليما

هو ده الكلام المظبوط و اللي فعلا المفروض يحصل مش ينزل 3% ول نزل ال3% اللي عايزينها دي يبقى الشعب المصري كله هنلاقيه في كليات القمة :friendsxs3:

ارحمنا يا رب برحمتك الواسعة و وفقنا لما تحب وترضاه و وجهنا لما فيه الخير لنا و لأمتنا يا رب العالمين

قال الله تعالى (انا عند ظن عبدى بى ان خيرا فخير وان شرا فشر ) فما علينا الاان نظن بربنا خيرا كى يعطينا مانريدة ان شاء الله تعالى & (ان الله لايضيع اجر من احسن عملا ) & وان شاء الرحمن سنفرح كثيرا بمشئة الله قريبا & فالخير والسعادة فى الالتزام بامور ديننا والحمد لله رب العالمين

بارك الله فيك

احنا مش هننهب
يبقى زى 2009او يزيد درجه مش مشكله بس يبقى معقووووووووووووووووووول

ممكن اعرف الخبر ده من جورنال ايه بالظبط ؟

بصوا يا جماعة الموجود فى الموضوع دة فرقتين

الفرقة الاولى و دة الاكثر اللى هو نفسه الكلام دة يحصل فعلا لانه هو الكسبانو نفسه يخش كليات القمة زي ما بيقولوا

الفرقة التانية اللى ايدها فى المية زي ما بيقولوا بردو دى واثقة مهما نزل او زاد التنسيق هم الكسبانين بس هم طبعا عاوزين التنسيق يعلى مش ينزل

من الاخر كدة كل واحد بيتكلم بهواه مش بيتكلم بمنطقية اللى ضمن حاجة مش عاوز التانيين يبقوا زيوا و اللى مش ضامن حاجة عاوز يدخل الكليات القمة زى الباقيين

يعنى يا مصريين و مش مصريين بس بل يا عرب انتوا اللى مرجعكوا ورا هو لغة الحوار اصلا لو فيه لغة حوار حقيقية كنتوا عرفتوا الحل فين و تبداوا ولكن للاسف كل واحد بيتكلم بمادية و انانية مفيش حد بيتكلم بمنطقية و شكرا

كل من يطلب خفض الحد الأدنى فهو يريد مصلحته الشخصية فقط وليس مصلحة مصر كفانا انانية وأنا مع الأخ عادل وأختلف تماما مع الأستاذة أمل

يا رب يعبرونا

خفض الحد الادني 3 % ده هزار مش حقيقة
انا عندي اصحابي نفسي التنسيق ينزلهم 10% مش 3% بس خلينا نتكلم بمنطقية شوية
كده مثلا الطب ممكن تاخد اكتر من 20 الف واحد واكتر وشوف الجمهورية واتأكد من الارقام كده هنفرش السطح والسلالم علشان نقعد في المحاضرات
وبرده ضد التنسيق العالي يعني يكون معقول زي 2009 مثلا
او حتي اعلي درجة واحدة انما 3% = 12 درجة وفكة من عشرة بجد كده يكون ظلم واللي ذاكر اكتر زي اللي ذاكر اي كلام حرام المساواة في ده بجد قمة الظلم
ربنا يعديها علي خير وبجد موضوع الاعتصصام ده مش مفيد وبيضر البلد مش بيفيدها يعني احمد زويل ما عملش اعتصام علشان يدخل الطب مثلا وشوفوه دلوقتي ما شاء الله بجد ياريت ناخده نموذج في حياتنا بدل ما نمشي ورا هوجة الاعتصامات اللي مش هتودي ولا هتجيب
ارحموا مصر بقي واللي فيه الخير هيقدمه ربنا

ألف شكرا يا فندم ............. مافيش حد ممكن يقول على الصح غلط أو العكس إلا من يفقد النظرة الموضوعية والشمولية للأشياء

ياريت يكون مطالب المعتصمين الطلاب فى مصلحة طلاب علمى وادبى كمان
لان كليات ادبى عالية
يارب ينفذوا مطالبنا ويهدى الوزير ده علينا

- لا شك أن كل المطالبين بخفض الحد الأدنى هم ينظرون لمصلحتهم الخاصة دون أى منطقية ....
- دعونا نتكلم بالعقل ... أنا لم أضف ردى هذا لأستعرض حوارا زائفا أو كلاما صوريا وإنما هى كلمة حق .... نحن لا شأن لنا بمجموع الطالب ، لا يهمنى هل مجموعه 97 % أم 98 أم حتى 100% أو 90 % وإنما هى نسبة وتناسب ... نحن نتبع نظاما محددا - بغض النظر هل هو صحيح أم خاطئ - وهو أن هناك عدد محدد للمقبولين من الطلاب فى الكليات تضع كل كلية حد أدنى لمجموع الطالب الملتحق بها بشرط ألا يزداد عدد الطلاب المتحقين عن العدد المحدد بغض النظر عن هذا الحد الأدنى رقما ....
- الامتحانات هذه السنة كانت فى منتهى السهولة و جميع الطلاب امتحنوا نفس الامتحان فمنهم من تفوق - فى الدرجات المحصلة - ومنهم من تدنت درجاته فكان المتفوقون من حظهم أن يدخلوا كليات القمة ومن دونهم يدخلوا كليات أدنى .... ما الظلم فى ذلك ؟؟؟؟ .. كل طالب للأسف يبحث عن مصلحته الخاصة ... أرجوكم كفوا عن مثل هذا العبث .. وحكموا عقولكم لا أهواءكم ..
وإن كانت الظروف قد أجبرتكم على المضى فى طريق مخالف لتوقعاتكم وأحلامكم .. فطوعوا هذا الطريق ليكون مناسبا لكم وسخروه ليكون أداة فى أيديكم تستخدمونها فى تطوير ورقى البلد ....
- طبعا الرد سيلقى انطباعا واحدا .. هذا الكاتب قد ضمن الكلية التى أرادها و" ايده فى المية الباردة" ولكن والله أتكلم بمنطقية خالصة .. ونسأل الله التوفيق والمن والسداد ..

انت واحد حاطت ايدك فى المية الباردة :p :p :p :p :p :p :p

كلامك صح مهو برده مينفعش الكل يبقوا مهندسين او دكاترة ! بس على العموم ربنا معاكم و يعينكم ...... و كلمة و احدة بس .... الواحد مش عارف الخير فين !!! :)

ههههههه ... صح ده أنا ايدى تلجت من كتر المية الباردة ...
---------
المهم أنك صدقت على كلامى ... وفعلا لا أحد يعرف موطن الخير ...

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ}

ربنا يستر بجد الواحد مرعوب انا هقدم مرحلة تانية وخايفة ما ادخلش اللى انا عوزاه

إن شاء الله خير .. وعليكِ بالدعا ..

يارب يستجيبوا وحسبى الله ونعم الوكيل

صح انت كلامك مظبوووط مية فى المية !!!! يا جماعة المشكلة مش كبيرة خالص و الله خلوا يقينكوم فى ربنا كبيييير ! ;)