|
ائتلاف اقتصاد وعلوم سياسية رغبه اولى
اللى كتب سياسه واقتصاد رغبه اولى يقول اسمه ومجموعه خلينا نتعرف ... لحد ما نعرف نتيجه التنسيق ......:friendsxs3::friendsxs3::friendsxs3::friends xs3::022yb4::022yb4::022yb4::022yb4:
|
باذن الله معاكى
|
على فكره انا اسمى عبد المنعــــم خالد وجايب 96.5 ادبى وان شاء الله نكون مع بعض
|
انا محمد محمود ومجموعى 96.5 ادبى
وان شاء الله نكوووون كلنا زمايل مع بعض وياريت لو نتعرف على بعض اكتر |
انا اسمي ريم وده مش الاكونت بتاعي عشان لو هتقولوا ايه ندى ده ...
وجبت ٣٩٨ ادبي يعني ٩٧ ٪ وكتبت رغبة اولى اقتصاد وعلوم سياسة انجليش |
انا بنت اسمى ــ ــ ــ ـــ "مبحبش اكتبه فـ النت "
وجبت 395.5 ويارب ان شاء الله ادخل اقتصاد وعلوم سياسيه ونبقى كلنا زمايل هناك :) طبعاً اتعرفتوا عليا كويس مش كده :d :p |
اقتباس:
كنت بحسبك بنت ربنا يكرمك ويكرمنا ان شاء الله |
طيب يا جماعة انتو بتقولوا اقتصاد وعلوم سياسيه بس هل هتدخلوا ان شاء الله ناويين انجليش ولا عربي ؟؟؟؟؟؟؟
|
اقتباس:
وانتى ناويه على ايه ؟ |
انجليش ان شاء الله .. بس ليه عربي ؟؟
|
انا عارفه ان انجلش مجالها اوسع ومستواها التعليمى ارقى من عربى بكتير
لكن انا كنت فـ مدرسه عربى مش لغات و صراحه مش عايزه اصعبها على نفسى وربنا يوفقك ان شاء الله وييسر علينا كل صعب |
انا كمان عربي علي فكرة مش لغات .. ولينا ناس نعرفهم عربي برده بس لما دخلوا دخلوا انجليش .. في البداية صعبه بس بعد كده تعووود من بعد اول ترم .. عادي نتعب شوية بس اكييييييييييييييييد هنلاقي مجال احسن وهنبقي مطلوبين اكتر خصوصا ان اللغة مطلوبة واكيد هناخد جمبها كورسات وكده وبالتوفيق ان شاء الله للجميع
|
انا جايب 98.3 وكتبت رغبة اولي اقتصاد وعلوم سياسية انجليش ورغبة تانية اقتصاد عربي.....بس هما ممكن يسيبوا الرغبة الاولي وياخدوا التانية؟ :d
|
ليه ممكن متجيش انجلش عشان مجموع الانجليزى
|
اقتباس:
ولو ما جابش يبقى عربى واصلاً ادام لقيتها موجوده فى الرغبات امتاحه ليك يبقى ان شاء الله هيقبلوك فيها لأن واحده صحبتى مجموعها فى اللغات قليل ما لقتش اقتصاد انجلش موجوده عندها اصلاً وبالتوفيق ان شاء الله |
اقتباس:
|
عربى أن شــــــــاء الله
|
لا تنسوا ذكر الله
لا اله الا الله اللهم صلى على سيدنا محمد |
ياريت يا جماعة نتعرف على بعض اكتر
عشان اكيد لما هندخل الجامعة محدش هيبقى عارف حد خااااااالص :d |
هو انتوا كلكوا من القاهرة ولا هتدخلوا مدينة جامعية ؟؟؟
|
انا من مدينة 6 أكتـــــــــــــــــوبر
|
وانا من القاهرة ( مدينة نصر )
|
صح المفروض من دلوقتي كلنا نتعرف علي بعض :) .. وانا من الهرم جمب الجامعة يعتبر يعني مش بعيدة .. وبجد يا جماعة اللي هياخدوها عربي فكروا تاني كده وانسوا موضوع صعب انا مقتنعة ان الانسان لما بيعمل اللي عليه ربنا بيقدره انه ينجح ويتفوق .. وده مش معناه ان العربي وحش بالعكس اكيد كوييس جدا برضه بس انتو عارفين اللغة بقت مطلوووبة اوي ازاي
وياااااا رب نقبل كلنا ان شاء الله |
يا جماعة موضوع عربى و انجلش ده على حسب ميول كل واحد
يعنى فى ناس شايفة انها تقدر تمشى فى انجلش وفى ناس لاء وانا ان شاء الله هدخلها عربى وربنا معاااااانا كلنا ان شاء الله |
اقتباس:
يا رب ان شاء الله يوفقنا جميعا :) |
سلامو عليكو
منة مدحت مجموعي 97,6% كتبت سياسة و اقتصاد عربي و لسه بفكر في موضوع انجليزي دا لو سمحتو عندي سؤال هو العربي كدا كدا هياخد حاجات بالانجليزي ولا كلو بالعربي ؟؟ لو سمحتو الي يجاوب يكون متاكد ارجوكو :) |
أمتى نتيجه التنسيق ياجماعه???????????????????????
|
انا مجموعى 96.9
وكتبت سياسة واقتصاد انجليزى بس خايفة منها وحاسة انها صعبة |
اقتباس:
|
انا ملاحظ ان اغلب اللى داخلين الكلية دى بنات ... امال الرجالة فين :d
|
اقتباس:
طيب كويس هنحلي الكلية ههههه وبعدين البنت ب ١٠٠ راجل عادل يعني :p :p |
اقتباس:
اكيد طبعا ده انتوا اللى هتنوروا الكلية :d وان شاء الله نكون كلنا زمايل مع بعض |
انا مرحلة اولى لسه ادبي جبت ٩٢.٧ هل كده كويس السنة دي علشان عايز ادخل سياسة واقتصاد ان شاء الله وياريت تنصحوني بالنسبة للسنة الي جاية انا عارف ان ده مش مكان الكلام ده بس قولت اكتبه هنا بما انكم ماشاء الله كلكم مجاميع جميلة وعلى فكرة انا اخدت التاريخ في تانية وشكرا
|
اه معلش هو فعلا مصاريف انجلش ١٠.٦٠٠ مش كده كتير بالنسبة لجامعة حكومية
|
ربنا معاكم ومعانا
|
اقتباس:
اكيد بس بالنسبة انك هتبقي متخرج من جامعة القاهرة وكلية قمة طبعا ومعاك لغة .. والمدرجات نضيفه جدا والمستوي كويس وبالكتب |
اقتباس:
وعقبال ماتتخرج يبقى زيك زى اللى متخرج من انجلش هيبقى معاك شهادة ولغة انا ان شاء الله هعمل كده ... لان انا شايف نفسى مش هقدر امشى فيها لو انجلش فهدخلها عربى ان شاء الله |
انا برده شايف كده
|
صحيح
نتيجة التنسيق بتطلع امتي و فين ؟؟؟؟؟؟ |
اقتباس:
وهتجيلك على الموقع اللى عملتى عليه التنسيق ... وهيبعتوهالك برده على الموبايل |
اقتباس:
يااارب اهم حاجة يبعتوها ع الميل ع العموم ثانكس :) |
ياريت ياجماعه نكتب ايميلات بعضنا عشان نتعرف اكتر
|
انا هبدأ
mido_egy50*********** ده ايميلى على الفيس بوك يا جماعة ياريت كلنا نعمل اضافة لبعض علشان نتعرف على بعض اكتر قبل ماندخل الجامعة ان شاء الله |
اقتباس:
بس معلش علامة الياهو مظهرتش |
وده ايميلى abdelmoneemkhaled***********
|
yahoo ياجماعه
|
اقتباس:
|
اقتباس:
اما لو انت ٣ ثانوي ورايح ١ جامعة عشان مش فهماك اوي بصراحه يبقي اعتقد ٩٢ ٪ صعب انك تلحق سياسة واقتصاد |
ايوه انا ٢ ثانوي وشكرا
|
ان شاء الله تلحق سياسة و اقتصاد شد حيلك الموضوع مستاهل
و دا ميلي ع الفيس يا جماعة mennazeeew************* |
| جميع الأوقات بتوقيت GMT +2. الساعة الآن 04:04 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.