|
أنا سجلت خلاااااااااص
يا جماعة أنا الحمد لله سجلت رغباتى وطبعتها بعد ما كان الموقع مش بيفتح أنا شغلته على انترنت اكسبلورر الاصدار 8 وفتح معاى وشغال 100% وعلى فكرة التسجيل مش تجريبى ، ده فعلاً بدأ واللى عايز يسجل يسجل عشان الزحمة بكرة وبعده وطلع التنسيق والتسجيل سهل خالص خالص :022yb4: وأى استفسار أنا فى الخدمة :d |
اية هو الرقم السرى ده ؟
|
اقتباس:
س/xxxxxxxx اللى بعد س ده عندك يبقى هو الرقم السرى |
السلام عليكم
طيب ممكن بعد تقول اللى ظهر ليك بعد ملى البيانات قالك ايه بالضبط هل قال تم التسجيل ولا ايه |
و الله انا مش عارف اعبر عن شكرى ليك
الف الف الف شكر و يا رب تلحق الكلية اللى انتا عاوزها |
انا ملئت الرغبات وكملت وبعدين طلب منى بيانات البريد الالكترونى والرقم القومى وكده ولما كملت قالى تم تسجيل رغباتك بنجاح بس انا طبعت الصفحه دى لكن المهم هو انك تعرفى رقم الايصال ربنا معاكى
|
الرقم السرى فى استماره النجاح من تحت جمب حرف "س"
|
اقتباس:
بعد ما اخترت الرغبات طلب منى رقم التليفون والبريد عشان يوصلى عليهم النتيجة وبعدين اختار التسجيل وهتجيلك صفحة فيها الاستمارة بتاعت الرغبات الخاصة بك اطبعها واحتفظ بيها وكده ألف مبروك ولو عايز تعدل مرة تانى تعمل نفس الخطوات بس تقوله تعديل الرغبات اقتباس:
أى خدمة يا شادى وأنا اللى شاكر ليك على الدعوة الجميلة دى إن شاء الله تدخل إنت كمان الكلية اللى انت عايزها وبتتمناها |
التنسيق خطوة بخطوة عنوان الموقع http://www.tansik.egypt.gov.eg/application/ بعد الدخول تظهر الصفحة التالية أضغط هنا للدخول على الصفحة http://www14.0zz0.com/2011/07/21/12/713774123.jpg الخطوة الثانية تسجيل الرغبات أضغط على الصفحة http://www.thanwya.com/vb/images/sta.../wol_error.gifThis image has been resized. Click this bar to view the full image. The original image is sized 766x667.http://www14.0zz0.com/2011/07/21/12/262019298.jpg الخطوة الثالثة عند طهور الصفحة الثالثة 1- أكتب رقم الجلوي فى أول مربع 2- أكتب الرقم السرى عن طريق ضغط الأرقام بالصفحة لا تستعمل لوحة المفاتيح علشان الهاكر 3- أمامك رقم بالأسود أكتبه بالمربع ده الرقم التأكيدى بعدها تظهر صفحة الرغبات http://www.thanwya.com/vb/images/sta.../wol_error.gifThis image has been resized. Click this bar to view the full image. The original image is sized 791x414.http://www14.0zz0.com/2011/07/21/12/682442345.jpg |
اقتباس:
تمام كده يا درش بالتوفيق ليك وللجميع |
اقتباس:
ألف شكر أستاذ محمد على الشرح الجميل وعلى مشاركتك الجميلة ومساعدتك للطلاب بالتوفيق لكل الطلبة أجمعين |
السلام عليكم
هل حضرتك متاكد انه كتب تم التسجيل واخذت رقم ايصال |
اقتباس:
بعت ما اخترت الرغبات ظهرتلى بطاقة الاختيار وعلى الشمال رقم الإيصال ، وبياناتى كلها والرغبات اللى أنا عملتها بس وكده يبقى تم التسجيل ، ولكن لازم تطبعى بطاقة الاختيار اللى ظهرتلك عشان تحتفظى بيها |
طب انا بفتح موقع التنسيق على انترنت اكسبلور 8
وبرضه مش بيفتح ممكن اعرف الحل ايه |
الرقم السرى يتفع اكنبه بلوحة المفاتيح اصل الازرار الى بيقول عليها بنك مش بيظهر ارقام
|
ممكن لوسمحت هيه المرحلة الاولى بس هيه اللى بتكتب الرغبات ولا اى مرحلة
|
احنا لازم نروح مكتب التنسيق يوم السبت؟
ولا كدة خلاص.؟ ولو هنروح ليه؟؟؟؟؟؟؟؟؟؟؟ |
اقتباس:
جرب أى متصفخ تانى أو تنزل اكسبلورر إصدار قديم أو أحدث ، يعنى ممكن مش يشتغل على 8 على طول ، ممكن يكون فيه متصفح تانى بيشتغل اقتباس:
عادى تقدر تكتبه بلوحة المفاتيح زى ما أنا عملت ، حكاية الأزرار دى عشان بس متغلطش ليس إلا . اقتباس:
المرحلة الأولى بس هى اللى تقدر تسجل دلوقتى زى ما تحددت علمى 93% وأدبى 79% |
طب انا نسيت اطبع و خرجت ما حفظت رقم الايصال لانى مش فى بيتى و بيت قرايبى مفيهوش طابعة اعمل ايه ؟!
|
اقتباس:
هنروح نعمل إيه تانى ؟ خلاص علي كده مدام إنت سجلت وعملت رغباتك وظهرتلك بطاقة الإختيار اللى فيها معلوماتك ورغباتك لازم تطبعها وتحتفظ بيها |
اقتباس:
عادى يا أمجد ادخل تانى على الموقع وادخل رقم جلوسك عادى واضغط تعديل الرغبات ، هيجيبلك الرغبات عادى ، متعدلش فيها حاجة ( إلا إذا حبيت تعدل واضغط التسجيل وهتلاقى الاستمارة بتاعة الاختيار اللى فيها رقم الإيصال جتلك أطبعها المرة دى :) بس كده هى عبارة عن 3 ورقات |
انا سجلت الحمد لله وتمام من غير اى مشاكل
وراجعت بياناتى كلها صحيحه بس فى استفسار هى الورقه اللى هنطبعها ونحتفظ بيها دى ايه فايدتها وهحتاجها فى ايه؟؟؟؟؟؟؟؟؟؟ |
اقتباس:
الحمد لله إنك سجلت على خير وإن شاء الله تجيلك الكلية اللى انت عايزها وبالنسبة للورقة اللى بنطبعها ، ده بيبقى دليل إنك سجلت رغباتك والرقم الإيصال مهم عشان بيطلبوه فيما بعد كدليل على تسجيل رغباتك . |
لو انا شريحه 5 ممكن اسجل نهارده عادى
|
انا كل ما اسجل تجيلى من فضلك إنتظر .... جاري تحميل بياناتك الشخصية وبعدين تفضل كده
|
اقتباس:
|
اقتباس:
لو مجموعك جايب المرحلة الأولى وعندك نت فى البيت أو قريب منك ، تقدر تسجل النهاردة ودلوقتى لو حبيت عادى التسجيل مش بياخد أكتر من 5 دقائق معاك |
اقتباس:
استخدم يا أحمد متصفح الاكسبلورر الأزرق الاصدار 8 عشان يفتح معاك |
طيب انا بدخل رقم الجلوس والرقم السري وكده وبعدين بدوس الخطوة التالية بيجيلي ده
من فضلك إنتظر .... جاري تحميل بياناتك الشخصية ومش بيجيب حاجة تاني خالص !! مش عارفة ايه الحل ؟؟؟؟ انا مرحلة اولي شريحة اولي |
اقتباس:
المرحلة الاولى بس بكل الشرايح الخاصة بيها |
ممكن أسأل حضرتك سؤال .... هو مرحلة تانية امتى ؟
وبما ان مرحلة اولى 93.9 ممكن تكون مرحلة تانية كام ؟ :(( |
التسجيــــــــــــــــــــــــــــــــل تجــــــــــــريـــــــــــــــــــبــــــــــــــ ــــــي .
|
سؤال : هو لازم اطبع الصفحه اصل معنديش برنتر ؟
سؤال تانى معلش : هو ايه رقم الايصال ده ؟ سؤال اخير : انا هختار الرغبات ازاى يعنى هو بيجبلى قايمه وانا اختار ولا بعمل ايه ؟ بالله عليكم اللى عارف يقولى عشان انا مش عارفه حاجه وخايفه اوى والله |
و انت عرفت مجموع الكليات منين /////
|
السلام عليكم و رحمة الله و بركاته
أنا مرحلة أولى شريحة أولى لو ما اخترتش لحد يمو السبت كده التنسيق يروح علي؟ أصلي لقيت تقسيم الأيام و الشرايح في جرنال الجمهورية و أنا شريحة أولى يعني لو سبت يوم السبت و كتبت مثلاً يوم الاثنين إيه اللي هيحصل؟ و ربنا يوفق الكل للي فيه الخير السلام عليكم و رحمة الله وبركاته |
اقتباس:
|
اقتباس:
لكن طالما من حاسبك الشخصي فالميعاد مفتوح لغاية يوم الأربعاء القادم فقط |
و معلش سؤال تاني عن التحويل بتاع الكليات
لو أنا جايب مجموع هندسة مثلاً و دخلت كلية علوم و بعد سنة عايز أحول هندسة مع العلم إن كلية علوم مجموعها أقل بس أنا جايب مجموع أعلى من هندسة كده هينفع أحول هندسة؟ و أنا سمعت من ناس كلموا الرقم إياه بتاع التنسيق و يبقولوا النهارده تجريبي بس يوم السبت لازم تعيدوا التنسيق . أياً كان نصيحة مني للجميع يدخل يوم السبت زيادة تأكيد و شكراً مقدماً السلام عليكم و رحمة الله و بركاته |
انا عايزة اعرف يعنى اية تجريبى
ولو تجريبى اروح مكتب التنسيق ولا اقعد فى بيتنا ولا اعمل ايييييييية؟؟؟ |
اقتباس:
اقتباس:
حضرتك ممكن تسجلي الرغبات النهاردة عادي و بعدين تتاكدي يوم السبت او تستني ليوم السبت براحتك |
اقتباس:
استخدم متصفح انترنت اكسبلورر الأزرق وإن شاء الله هيفتح معاك اقتباس:
مرحلة تانية هتبدأ بعد نتيجة المرحلة الأولى بعد نهاية المرحلة الأولى ب 3 ، 4 أيام وبعدين هيظهر وهيحددوا المرحلة الثانية من كام لكام ، لكن بعد المرحلة الأولى وليس الآن اقتباس:
التسجيل رسمى ومفتوح للجميع ( الخاص بالمرحلة الأولى ) ، ومش هنخصر حاجة ونتأكد يوم السبت اقتباس:
لو عايز تحول لكلية تانية لازم أهم حاجة تكون جايب مجموعها طبعاً وحكاية التنسيق التجريبى ده أنا لست متأكد منها ، بس على رأيك نبقى ندخل ونتأكد يوم السبت اقتباس:
مش هتروحى مكتب التنسيق ولا حاجة ، انتى ادخلى سجلى وبعدين يوم السبت ادخلى واتأكدى من رغباتك من تانى |
يا جماعة بليز هو انا لازم اطبعها دلوقتى ولا استنى يوم السبت
انتم قلقتونى بتجريبى دى |
اقتباس:
يا جماعة أقسم بالله أنا لسه مكلم رقم 19468 دلوقتى حالاً وقالوا إن التنسيق مرحلة أولى بدأت النهاردة رسمى رسمى رسمى ومفيش حاجة اسمها تجريبى عشان بس الكل يرتاح واللى مش مصدق يكلم الرقم ده بسعر المكالمة العادية يعنى مش هياخد نص جنيه بالكتير |
يا جماعة الموقع مش راضى يفتح خاااااااااااااااااااااااااااااالص
|
اقتباس:
الموقع فاتح وشغال تمام https://tansik.egypt.gov.eg/Application/Default.aspx بس متدخلش من الفايرفوكس ، وادخل من انترنت اكسبلورر أسرع وأحسن ، لأنوا من هيرضى يفتح معاك على الفايرفوكس |
لوسمحتوا ياجماعة.. عندى سؤال هو انا ينفع اسجل الرغبات بكرة ولا لا؟؟ وعايزة افهم نظام الشرايح دا ايه يعنى لازم اسجل فى اليوم المخصص ولا عادى؟؟ .. اللى فهمنى ياريت يرد عليا..:bosyht9: |
اقتباس:
أهلا بيكى يا حبيبة آه ينفع تسجلى الرغبات بكرة لغاية يوم الأربعاء القادم ( نهاية المرحلة الأولى ) وبالنسبة لنظام الشرائح ده خاص باللى مش عنده نت فى البيت أو قريب منه ، وهيضطر يروح معامل الحاسبات فى الجامعة عشان ينسق وده بيبقى بمواعيد وكل واحد يستنى دوره ، ويلتزم بالشرائح لكن مدام عندك نت فى البيت تقدرى تسجلى من الآن لو حبّيتى حتى يوم الأربعاء القادم بمشيئة الله شكراً ، وأى استفسار أنا تحت أمركم |
اقتباس:
اهلا مصطفى اشكرك جدا بجد لانى كنت محتارة جدا وخصوصا فى موضوع الشرايح باذن الله اسجل بكره.. شكرا مرة تانية.. |
اقتباس:
لا شكر على واجب أختى الكريمة ( حبيبة ) أنا فى الخدمة وإن شاء الله ابقى طمنينا عملتى إيه ؟؟ بالتوفيق |
السلام عليكم انا سجلت مرحلة تانية بس للاسف مطبعتش الورقة ومااخدتش رقم الايصال اعمل اية والتسجيل قفل وحضرتك بتقول رقم الايصال مهم
|
| جميع الأوقات بتوقيت GMT +2. الساعة الآن 10:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.