القاضى يتقاضى 1600 جنيه بدل علاج شهريا
 

انا نفسى فى مرتب شهرى مثل بدل علاج القاضى بعد 22 سنه خدمه

لايضيع حق وراءه مطالب

شعار بلدنا اطعم مطعوم ولا تطعم محروم، يعنى ببساطة كدة زود الغنى غنى على غناه وزود الفقير فقرا على فقره ، يعطوا للقاضى 1600 جنيه بدل علاج وكام ألف بدل سكن وبدل سيارة وبدل لبس إضافة لمرتبة الضخم قال إيه لزوم برستيج وتقدير لدوره وعلشان ما يرتشيش ، وإذا أعطوا المدرس مائة جنيه زيادة سموها كادر وبرنامج رئيس وفضحونا وطمعوا الناس فينا وعملوا لنا اختبارات مهينة كل خمس سنوات وجوعوا الإداريين وسلطوهم علينا يخصموا منا جزاءات ويسحبوا منا إتاوات ...

ومعظمهم مرتشين وداحلين بالوسايط

دخلت كلية العلوم بمجموع 85% والقاضى دخل الحقوق بمجموع50% ،نجحت فى العلوم بتقدير جيد واتعينت مدرس والقاضى نجح فى الحقوق بتقدير مقبول ودخل مجال القضاء.
بعد كل ده مين يستحق يكون مميز عن الآخر

ونقسك فى اية كمان؟!!!!!!111
 

الى ميضيع حقوقنا مستشارين الوزارة وترزية القوانين

مش موضوع مقارنات استاذه نبيله لكن لا تستقيم الامور والمعلم يتقاضى ملاليم وتلامذته الاف الجنيهات

خد دية

3000 جنيه بدل المصيف للهيئات النيابية والقضائية فى العام

الكلام ده فى العام الماضى ومش عارف إذا كان زاد هذا العام أم لا

الناس حاسدينا على المكافأة أنا صرفتها بعد 17 سنة خدمة فى التعليم هذا العام 3000 جنيه مثل بدل المصيف للقضاة فى العام الماضى 0000000 يا بلاش !!!!!!!!!!!!!!!!!!!!!!!!!!!!!!!!!!!

غريبة جدا بعد 30 سنة فى التدريس وترين أن المدرس لا يبذل مجهودا مثل القاضى وليس عليه ضغوط كالتى تقع على القاضى وأنه ليس أفضل 100 مرة من القاضى ومن رئيس الدولة نفسه.
أنا عملت 12 سنة فقط فى التدريس ووجدت أن حصة واحدة فى فصل أولى ابتدائى فيها ضغط نفسى وعصبى أعظم بكثير من معظم المهن الأخرى.
ثم من قال إن القاضى لا تملأ عينه إلى إذا أخذ بدل علاج يعادل دخل 2 مدرسين أوائل ؟!
لا بد وأن يكون هناك نظرة أخرى للمعلم بداية من المعلم نفسه فنحن لسنا أقل من القضاه ولا من أساتذة الجامعة ولا يوجد فى هذه البلد من هو أشرف ولا أعظم مهنة من المعلم الابتدائى والإعدادى والثانوى وهذه ليست مبالغة بل هذه هى الحقيقة التى يقر بها العالم المتقدم.

ياترى حضرتك مدرسة من ثلاثين سنة من أى نوعية أنا كان عندى مدرسات وأنا طالب بيقشروا بسلة وينقوا رز وعدس جوه الفصل ولى الأن زميلات مدرسات قمة فى العطاء والضمير داخل الفصل ياترى حضرتك من أى نوع وبعدين نحن مسلمين ونرضى بما قسمه الله لنا ولكننا لا نطلب الا العدل وعدم تمييز فئة معينة الا طبقا لمعايير محدة ومعلنة ( وعلى فكرة المدرس هو كمان مطلوب منه أن يقيم العدل بين طلابه وعينه مليانه،) مع أنى أعرف مدرسين بيغششوا بعد الحصول على سندوتش وزجاجة بيببسى وهما دول اللى ودوا البلد فى داهية

ياست نبيلة للأسف طريقة كلامك بتقول ان لك ابن دخل الحقوق ب 50 % أو زوج يعمل فى القضاء من نوعية عبد السلام جمعة وكمان انا أشك انك مدرسة لأن المدرس صاحب الضمير بعد حصتين عمل يتعب مثل شخص آخر يعمل 8ساعات فى مهن اخرى الا اذا كان ماعندوش ضمير

[quote=Nabila;3715506]كل واحد عامل مقارتة ويقول فلان احسن منى فى اية؟ اية يا جماعة وهوة رئيس الجمهورية بيعمل اية علشان مرتبة يبقى قد كدة ؟ وواحد معاة دكتوراة مش عارف يعيش اية حكاية المقارنات دى انتوا عارفين الضغط النفسى على القاضى اية؟!!!!!!! وهوة المدرس بيعمل اية

غربية ان اسمع من مدرسة محترمة ان المدرس مابيعملش حاجة
والاغرب انى بلسمعمن ناس كتبر ان الهيئات القضائية لكى تقيم العدل لابد لها ان تحصل على دخل خيالى هل هذا هو العدل؟ ام ان الاختيار الجيد لاعضاء الهيئات القضائية وبعيدا عن المحسوبيات والرشاوى وكلنا نعلم كيف يتم تعين معظمهم هو الذى يحقق العدالة والخ الذى علق بان القضاه يحصلون على شيك على بياض فى الدول الاوروبية اقول له لماذا لم تكتب مايحصل عليه المعلم فى نفس الدول؟

فعلا لماذا لم تكتب مرتب المعلم فى الدول التى يحصل القضاه فيها على شيك على بياض؟!
هاتوا لى دولة فى العالم يحصل فيها القاضى على 50 ضعف مرتب المدرس.
هاتوا لى دولة فى العالم يحصل فيها مهندس البترول على 30 ضعف المدرس.
هاتوا لى دولة فى العالم يحصل فيها موظف البنك على 20 ضعف مرتب المدرس.

هذا التفاوت الشاسع فى الأجور ظلم بين لا يوجد له مثيل إلا فى مصر وهذا الكلام لا ينطبق على القاضى والمعلم فقط بل إنه قاعدة عامة فالنسبة بين الحد الأقصى والأدنى للأجور فى مصر باعتراف وزير المالية السابق لا وجود لها فى أى دولة بالعالم سواء متقدمة أو نامية أو حتى فى أدغال أفريقيا ، تصوروا إن النسبة تصل إلى 1000/1 وهذا الكلام لا علاقة له بالسرقة والاختلاس والفلوس التى تنهب بطرق غير مشروعة وإنما هو راتب وحوافز وبدلات ومكافآت(رسمية)، وبعد كدة يسألوا هما عاوزين إيه فى ميدان التحرير والناس مش عاوزة تشتغل ليه والإضرابات شغالة ليه وما الذى تفعله الحكومة الشرفية ...؟؟؟!!!!
نريد عدالة اجتماعية وتوزيع عادل للأجوار لثروات بلادنا وإلا فلن تهدأ الثورة ولن يهدأ الناس وستكون ثورة أخرى أعظم من التى قبلها وأشعر أن ثورة 25 يناير ما هى إلا مقدة لثورة أعظم منها هى ثورة الجياع الكبرى.

لاداعى لشخصنة المواضيع لانك معلم محترم
 

اولا لاداعى لشخصنة المواضيع لانك معلم محترم ولانى احترم راى الزملاء
ثانيا : انا مدرسة مادة علمية فى مدرسة عسكرية والحمدللة حصتى اتقى فيها اللة لانى لااعطى دروس وفعلا لى ما يزيد عن 30 عاما واكيد انا شديدة فى التعامل واعطى طلاب ذكور ثانوية عامة
ثالثا : فعلا لى فى الهيئات القضائية بس امتياز وبدون وساطة واللة على ما اقول شهيد ....
رابعا : الضغط النفسى للحكم بالاعدام او البراءة دة مش ضغط ... قاضيان فى النار وقاضى فى الجنة
خامسا : انا لااقارن نفسى باى حد وهوة دة اختلافنا الحقيقى المقارنة ارفضها لسبب بسيط الضعط النفسى الذى يتعرض لة المدرس فى غياب قوانين ملزمة فى الوزارة اكبر كارثة حقيقية للمدرس هوة دة الضغط مش مجهود الحصة
سادسا لية منقولش انا عايزة حقى بدون مقارنة لية ؟
القضاء وزارتة منتجة زى البترول احنا وزارة خدمية انا عايزة حقى الى يناسب اهمية مهنة المعلم وقدسيتة بدون مقارنة مليش دعوة بحد
رجاء للزملاء عدم ذكر الاسماء وعدم شخصنة المواضيع ...

ما اروعك
 

ليه الفروق ايه وزاره خدميه انا الذى اخرج القاضى والرئيس

يعنى وزارت بنحصل فلوس لها نسبة زى الضرائب والبترول ووزارة العدل مش انا الى بقول الحكومة الى بتقول انا بقول انا (المعلم ) أستاهل اكبر مرتب لقدسية واهمية مهنتى فقط
سيبنا المشكلة ودخلنا فى حيطة

و انا ذنبي اني وزارة خدمية ....و بعدين الشاهد في القضية هو باهمية المهنة و ليس بانها خدمية ام منتجة
و لو خدنا بكلام حضرتك يبقي الكمساري ياخد اكتر من المدير بتاعه لان هو اللي بيحصل
طيب حاجة تانية الاطباء وزارة خدمية ام منتجة
رئاسة الجمهورية منتجة ام خدمية
و بعدين المقارنة كما يقال ..توضح المعنى .. يعني لو كنت زي موظف المحكمة "اللي حاصل على دبلوم تجارة" كنت هتظلم ليه

يا جماعة دولة ذي الامارات " مش هقول اليابان" سبقتنا في كل المناحي بـ50 سنة
من اعلى الرواتب هناك هو راتب المدرس .....علشان كده هما بقوا فين و احنا فين
احنا فعلا غلابة قوي .....قاعدين نحسب في علاوة دورية 5 جنيه و 4 جنيه هههههههههههههههه
والناس هناك عايشة كفاية تقدير الامارات للمعلمين حتى لو مش من ابناء البلد

دخلنا كلية التربية ب 92 % وحصلنا على البكالوريوس بتقدير جيد جدا واخر دخل الحقوق ب 57 % وتقديره فى الليسانس مقبول ولكن عمه مستشار واتعين قاضى
ربما واحد يقولى ما دخلتش حقوق ليه اقولة اخر دخل الحقوق ب 78 % وتقديره جيد وطرق كل الابواب ولم يسأل فيه احد وشغال محامى مع نفسه كده هذا كان اولى بالقضاء عن سابقه
المفروض بقى بعيدا عن كل المسميات الوظيفية تكون هناك عدالة اجتماعية ويكون الكل متساوى الدكتور مثل المهندس مثل المدرس مثل القاضى مثل الضابط مثل غيرهم فى هذه الحالة ستتقدم مصرنا وتزدهر لان اولادها يشعرون بالرضى والمساواة