|
فضيحة فى كنترول الثانوية العامة - مش هى دى مبادىء الثورة
من ناحية أخري بدأت أحداث واقعة أسيوط الغريبة عندما تقرر إعادة تصحيح إحدي
المواد الدراسية ومن ثم توزيع درجات أحد الأسئلة علي باقي الامتحان ليفاجأ رئيس الكنترول بإحدي أوراق الإجابة بها تعديل للدرجة بشكل غير مستحق وفوجئ بحصولها علي درجة أعلي من التي حصلت عليها قبل إعادة التصحيح وهو ما أثار الشكوك حول مستوي الطالبة ومن المسئول عن تلك الواقعة وبالبحث تبين أنها ابنة لأحد المشاركين في أعمال الكنترول وهو( م ك م) المعلم بإدارة البداري التعليمية وأن ابنته طالبة بالمرحلة الثانية من الثانوية العامة ورغم ذلك أخفي الأمر عن المسئولين معتقدا أن أمره لن ينكشف إلا أنه وقع في المحظور واشترك في أعمال الكنترول وقام بالتلاعب في درجات ابنته عقب الانتهاء من تصحيحها بعد حصوله علي الرقم السري الخاص بها, فما كان من رئيس الكنترول إلا أن أحال العملية كلها وأوراق إجابات الطالبة إلي عملية تقييم شاملة في لجنة خاصة, حيث اكتشف أن الطالبة حاصلة علي درجات أعلي من تقديرها الحقيقي ومستوي إجابتها في باقي المواد وتم عمل مذكرة بالموضوع ورفعها إلي السيد إبراهيم موافي وكيل وزارة التربية والتعليم بأسيوط الذي قرر إحالة المصحح للشئون القانونية بالمديرية لإجراء التحقيق معه وذلك قبل إحالته للشئون القانونية بالوزارة تمهيدا لإحالته للنيابة العامة للتحقيق معه وصدر قرار بحرمانه من مزاولة أعمال الكنترول لمدة خمس سنوات. المصدر : http://mrzareef.own0.com/t4947-topic |
إيه رأيكم يا جماعة فى اللى لسة بيحصل فى بلدنا؟ مش مفروض إحنا بلد جديدة بروح جديدة وأخلاق جديدة بعد الثورة؟ فعلا يا جماعة والله العظيم الفساد كان ثقافة الشعب قبل الثورة .......... وللأسف مازال ...... بس إن شاء الله هنقضى عليه بشبابنا الواعى........ إيدكم فى إيدى.
|
ده مش مفروض حرمانه من الإمتحانات خمس سنوات ............... ده مفروض يتم سجنه خمس سنوات ويتم إقالته لكن للأسف لسة بنتعامل مع الناس بمشاعرنا.
|
ربنا يستر علي البلد لان الفساد ما كنش في الرأس بس ده وصل للجسد والجذور
ربناااااااااااااااا يستررررررررررررر علي البلددددددددددددد |
الفساد ما زال قائماً فى مصر و لم يتم محاكمة مبارك ورموز الفساد حتى الان وكأنما لم تقم الثورة وانا معاك فى كل كلمة
|
مفروض نتكلم جد شوية...الا بيقول حسبى الله ونعم الوكيل والا بيقول الفساد...وف الرأس...طيب ما 75 ف المية من طلاب الثانوية العامة غاشيين... ولا هنضحك ع بعض ولو فيه أمتحانات...بجد..وشريفة..مش..هتكون نسبة النجاح كدا..وأتحدى حد يجى يقولى لجنتى مش كان فيها غش لأن الا بيغش حرف واحد... بيفرق ف مجموعه... نتكلم صح ..لأما مش نتكلم خالص....:confused::confused::confused:
|
اقتباس:
|
:o:o
والله بكلم واحد..صاحبى..بقوله..انت غشيت..بيقولى..والله..لاء..دى كلها...حتيتن ف كل ..أمتحان..ياسيدى...حتيتن..يعنى..قول..درجتين..ف..ست ..امتحانات..يعنى.,ستة ف المية .. وسلملى ع التنسيق..:040vk0::040vk0: |
يا جماعة أقسم بالله العظيم ......... أقسم بالله العظيم فى مدرستى ببورسعيد مغشيناش فى ولا مادة وحتى زملائى من اللجان الأخرى قالوا نفس الكلام ومكنش فى بورسعيد بصفة عامة أى غش والله العظيم كمان مرة أنا صادق فى كلامى. وإن شاء الله مجموعى يكون بإجتهادى 100% مش أنا وبس وكل زملائى فى المدرسة
|
اقتباس:
|
ياااااااااجماعه كان فى غش حتى لو مش هتكلم مع الى جانبك فى حاجة اسمها برشام ولة اية ياراجلا البنات عندنا كانو بيتكلم فى التليفونات فى اللجنة فى الانجليزى واحنا اعدين طبعا خيفين درجةى تقع مننا مبلمين مش هنتكلم كان فى غش وراعو ان داه اب وقال حسبى الله ونعمه الوكيل قال بوص لة من ناحية ان دى تبق بنتة انتة او انتى لو اهلك عرفو رقمك وفى ايدهم يغيرو مصيرك للكويس هيغيرو بس هنا يجي حكمة ربنا انو لو بنتة دخلت كلية علية ودة مش مستواها ربنا مش هينجحها فهمتم وسيبوها على الله وبلاش ندعى اية دراك ممكن يكون مش مقدرتة يدخلة كلية مفتوحة
|
اقتباس:
...صدقينى...الغش..كان..مليان..ف..كل..حتة..بصى..انا معايا..صور..كتير.من..جو..لجان..واالله.يا بنتى الغش..حرام..ومصير...ايه..للأحسن...دا ..يبق..مستقبل..زباله...يعنى تثقى انتى ف دكتور ولا مهندس...غش...احنا عالم تالت من شوية........:040vk0::040vk0::040vk0: |
أنا آسف ......... بس ده مش تبرير والله ........ دى جريمة وجراءة متناهية ...... وخيانة وعدم ضمير أو زمة ..لأن فى الأول والآخر كلله بتاع ربنا ....... لو بالمنطق بتاعك ده يبقى مافيش حاجة واحدة هتبقى صح.
اقتباس:
|
اقتباس:
احنا عالم...تالت..من..كدا..وكمية..تخلف..فظيعه...وسوء.أس تخدام..الحرية...والتعبير..عن..الرأى... ... .. .. وغير كدا هما الدكاترة الا بينسوا...الفوطة ف بطن المريض..من..شوية ولا المهندس الا بيعمل عمارة واقعة..من شوية... وقيس كله كدا.....انا مش بقول كله..بس..نسبة..كبيرة..والله:049gc0::049gc0::049gc0 : |
محدش بياخد اكتر من نصيبه |
والله اى اب ام مكان دة كان ممكن يعمل كدة واسال والدك او والدتك هتقولك لو فى ايدي اخليك الاول هخليك بس ربنا مش تحت امر حد
|
أنا مش معاكى فى الرأى ده ....... طب مافيش تأنيب ضمير ...... طب فين الفرحة بالجهد والإعتماد على النفس؟ والله العظيم مش شعارات بس الموضوع صعب أوى ولو حصل ونجح الأب أو الأم فى محاولتهم هيعيروا إبنهم أو بنتهم بيه طول العمر وهيقولوا لأحفادهم اللى حصل ......... وهيبقى تاريخ أسود فى حياة الولد أو البنت أمام أبنائه.
اقتباس:
|
اقتباس:
|
اولا مش بثورة عايزين تقضوا بيها علي النظام البلد حالها هينصلح .. لان اصلا فكرة الثورة كانت غلط من الاول .. المفروض كل واحد يصلح من نفسه الاول و لما ننجح في ده .. نبقي نشوف بقي الحكومة نظامها ايه !! لكن للاسف مفيش فايدة !! كله فاكر ان لما النظام هيسقط الدولة هتتقدم و ده مش صح !!! المهم دلوقت بالنسبة لموضوع الغش .. اكيد فيه ناس كتير غشت .. يمكن غشت سؤال او سؤالين او الامتحان كله !! ودي حاجة مش هنقدر نمنعها للاسف .. فيعني كفاية عليه تأنيب الضمير في الدنيا و عقاب ربنا يوم القيامة !! بس بردوو مش نجمع علي كل الناس ونظلم الطالب المؤمن اللي عنده ضمير مش هقول خايب او شاطر .. ده بس عايز يرضي ربنا لان فعلا فيه ناس مش بصت جمبها في كل الامتحانات و لا غشت بموبايل و لا برشام و لا اي حاجة من دي !! وكل واحد مش مطالب انه يدافع عن نفسه و يحلف انه مش غش و لا كلمة ... !! اعتقد حاجة مش ليها لازمة فكفاية بس انك تكون راضي عن نفسك قدام ربنا و تفرح بالنتيجة لما تطلع عشان من مجهودك وبس .. بالنسبة بقي للآباء اللي عايزين يخلوا ابنائهم في السما سواء بطريقة صح او غلط .. بجد ربنا يهديهم و يهدينا جميعا ~ |
اقتباس:
انتوا ناسيين الواسطة وان حتى لو البنت او الولد تعبوا واجتهدوا مش هيعرف ياخد حقه فى البلد دى والله انا موافقة على راى ايمان لان كل اب وام بيتمنوا انهم يعملوا اى حاجة لولادهم مهما كان ده هيضيعهم قبل ما نحاسب الاب على الى عمله لازم نعرف الاول الاسباب الى دفعته انه يعمل كدة |
اقتباس:
يا سلام !! ليه بنهرب من اخطائنا و نروح ندور علي مبررات ملهاش معني !! والله تبقي مظلوم احسن ما تبقي بتغش و بتغضب ربنا !! وبعدين افرضي ابنهم غش و جاب مجموع تمام و دخل واحدة من كليات القمة و بقي مثلا دكتور تمام مع اني اشك في كده !! و ممكن اصلا مش يلاقي الوظيفة !! المهم فين التربية و القيم و الاخلاق و ده مش كلام انشا !! يعني هنعمل ايه بدكتور 10/10 و لكن المبادئ تقريبا مش موجودة !! يعني حتة وظيفة ملهاش في الاخر اي لازمة وكل الناس اهي عايشة و السلام !! انا بصراحة مش موافقك خالص علي الكلام ده ومن رأيي المبادئ اهم طبعاااااااااااااا ومش عارف ازاي فيه ناس بتفكر كده فعلا !! وعايزين البلد تتصلح !! ها ها ها ده اكيد في احلامكم ليه بقي عايزين تعاقبوا رموز الفساد اللي ممكن اعتبار تهمتهم غش بردوو !!!!!! |
صدقونى ياجماعة
الانسان اللى بيغش مش بيزيد اى درجة في مجموعه لان ربنا مش بيوفقه واكيد ربنا هيخليه مثلا يقرا سؤال هو عارفه غلط او ينسي سؤال اويكون اللى بيصحح له اجل مش طايق نفسه وينقصه على اى حاجة ووللهى كان لينا اصحاب كتيييييييييييييييييييييير كدا وفى الاخر مازادوشي ولا درجة بالغش |
والله يا جماعة دى حصلت بجد لصحاب أخوى...واحد غش وهو معترف ودخل هندسةوعدى منها بالعافية...والتانى كان ف نفس مستواه بس مشغش ودخل تجارة....
النتيجة ,.بتاع تجارة شغال دلوقتى ف بنك الاهلى ومنصبه حلو ومتثبت.... بتاع الهندسة..بياخد..مصروفه..من أبوه لعند دلوقتى.... ربنا مش بيسيب حد |
اقتباس:
مين الى قال ان القيم والمبادئ مالهاش قيمة لا طبعا الكلام ده مش صح وبعدين هتعملى ايه لما تلاقى معاكى واحدة فى اللجنة بتغش ومش تقدرى تتكلمى عشان سبب بسيط جدا ان والدها من امن الدولة ولو عملتى حاجة هتروحى ورا الشمس دى الى كان بيحصل ولا لا اكيد هتخافى على نفسك وعلى اهلك يحصلهم حاجة قوليلى بقى فين المبادئ وانك المفروض لما تلاقى حاجة غلط تتكلمى قبل ما نحاسب اب على الى عمله ده وهو اكيد غلط ولازم نحاسب الى خلى الاب نفسه يعمل كدة هو مدرس واكيد مش واخد حقه فى البلد دى مرتبه على قده ممكن ظروفه ماسمتحش يدخلها دروس خصوصية البلد اكيد هتتصلح بس لما نبص شوية على الناس الغلبانة دى وعاوزة اقولك ان دى مش مبررات بس قبل ما تحكمى على الاب ده اسمعيه وشوفى الى خلاه يعمل كدة ومين عايش فى مصر ماكانش مظلوم وحقه ضايع |
اقتباس:
كلامك بيقول كده !! اولا امن الدولة خلاص .. بقي مش موجود !! وبعدين اظن دلوقت زي ما مؤيدي الثورة بيقولوا مش فيه حد دلوقت يخاف .. !! يبقي خلاص لازم تكلمي و اقل حاجة تقولي للي واقف عليكم في اللجنة مش عارفة اركز و ده واقع اصلا لان في الدوشة المجتهد بيضيع فعلا !! و لو مش عبرك تشوفي رئيس اللجنة !! حكاية ورا الشمس و الكلام ده شكلك متأثرة بالمسلسلات جااااامد ^^ اما بقي اللي عايز يغش انتِ مش هتقدري تمنعيه زي ما قلت قبل كده يعني لو منعتيه من الكلام ممكن يستخدم وسائل اخري مش هيغلب يعني لو كان مصر انه يغش .. !! فالمهم انك حاولتي تمنعيه فربنا قال يا اما نغير المنكر بايدنا يا اما باللسان يا اما بالقلب .. كل واحد حسب قدرته !! و ده طبعا يختلف عن الغشاش و عن اولياء الامور اللي بتكلمي عنهم اللي عايزين يدمروا عيالهم بافكارهم دي !! يعني المبادئ لا تتجزأ ^_^ ماشي مظلوم و انا اقر بذلك بس بردوو مش مبرر !! وبعدين خلاص اختلاف الرأي لا يفسد للود قضية .. =) |
:006et4:
حل الغش سهل وربنا والا قاله مدرس..مش أنا... المدرسيين وهما بيصححوا...بيعرفوا مين غاشش ولا لاء...وكمان بيعرفوا طريقة الغش ايه بالضبط... يعنى الا غش دا..كان واقف جنبزميله ولا قاعد ف مكانه... ولا قاعدين جنب...بعض... ملحوظه..الا قالى كدا مدرس كان بيصحح الرياضةالسنة دى وقالى 70 ف الميه من الطلبه واكتر .... كانوا غشيين السنة دى ومعظمهم قفل....:av4056bb7jp3::av4056bb7jp3::av4056bb7jp3:: av4056bb7jp3::av4056bb7jp3::av4056bb7jp3: |
سيبكم بقا كلامنا مش هيفيد انا عن نفسى اة كان فى غش فى لجنتى بس انا مغشيتش حاجة لان علم النفس والفلسفة والجولوجيا اللجن كانت ماسكة بس الجيولوجيا كانت واحشة والانجلاش والعربى كانت فاكة والمدرس دخل قال هتريحونى هريحكم يعنى غشوا من غير حس وفعلن فى بنات غشت الامتحانين دول بالكامل ام انا بقا اخدت نقطة فى العربى والانجليزى ونقصتهم من الناحية التانية لانى قريت سؤال غلط وكمان انا مؤمن بقدرت ربنا بس تعمل اية بقا وشوشو بيوسوسلنا ربنا يسترها مع الكل
|
اقتباس:
شكرا ع صراحتك؟؟؟... يا جدعان ممكن تشوفوا الفيديو دا انا رفعته ع يوتيوب دا فيديو لناس جايبه 99 و 97... http://www.youtube.com/watch?v=pvFTg...40vk0::040vk0: |
اقتباس:
اولا انا مش شايفة ان كلا مى فى حاجة غير انى بدافع عن الاب ده ماشى امن الدولة خلاص راح لكن قبل كدة ما كنتيش تقدرى تتكلمى ولا ايه وتفتكرى ان رئيس اللجنة قبل الثورة كان هيعمل حاجة لا طبعا ولو زى ما انتى قولتى ماكانش خالد سعيد مات ولا سيد بلال ولا انتى ايه رايك يعنى وبعدين انا مش متاثرة بالمسلسلات ولا حاجة ده بيحصل فعلا ولو انتى مش بتشوفيه غيرك بيشوفه الغش مش اساس اننا نبنى عليه مجهودنا وتعبنا فى ناس لا بتسمع ولا بتفهم ودول منهم كتير اوى اولياء الامور مايستحقوش مننا كل الجفاء ده والاب ده غلطان فعلا لانه لازم يعرف ان بالطريقة مش هيقدر يحقق لبنته مستقبل يشرفها وده الى كنت اقصده من كلامى بس واضح انك فهمتى كلامى غلط خالص والموضوع ماكنش يستاهل ده كله حكاية ورا الشمس و الكلام ده شكلك متأثرة بالمسلسلات جااااامد ^^ وعموما شكرا انا مش هقول غير كدة لو انتى تعرفينى بجد عمرك ما هتفكرى انك تقولى الكلام ده |
ممكن اشارك بجزئية بسيطة موضوع الغش ده بقى للاسف غالبا جزء من عقلية الشعب المصرى" معظمه " :):) لان مثلا بعيدا عن الامتحانات وجوها روح مثلا اشترى اى سلعة من اى مكان اول حاجه بتيجى فى دماغك انها ممكن تكون مضروبة ليه ؟؟ لانك شايف ان الغش بقى فى كل مكان الا ما رحم ربى :(:( جزئية تانية :d اعرف واحدة فى الجامعة فى احد لجان الامتحانات كان واحدمن دفعتها بيغش والمراقب لاحظ كده قام قله : يا بنى الغش حرام " راح رد الطالب وبكل سذاجة" ده فى اللبن بس" !!!! وعلى فكرة الغش للاسف فى ناس مجموعها بيعتمد عليه يعنى احدالبنات اللى اعرفهم قالت ان واحده غشت وقلقت اللجنة بغشها وفى الاخر جابت 98 % !!!! فى حين انها بالغش فى امتحان التجربة بتاع السنة اللى فاتت جابت 95% وصاحبتها اللى بتغش منها دائما وابدا جابت اخر السنة 97% سبحان الله هى اتفضحت وكل اصحابها بيحقدوا عليها ولاد وبنات بيتكلموا على غشها " لانها فى مدرسة مشتركة " لكن انا متأكدة انها هتفشل فى يوم من الايام والاصعب من ده كله ازاى بعدين لما تشتغل تاخد مال حراااااااااااااااااااااااااااااااااااااااااااااااا اااااام !:o والاصعب من ده كله بقى ان فى ناس بتتكلم ان الراجل ده مضطر او كده لكن لا والله بجد الانسان بيتصنع الاعذار علشان يقع فى الخطأ وده اللى جاب البلد ورا كلمةمعلش اصله معذور او كده سامحونى على الاطالة وارجو انى لم اسئ لاحد:) |
الا مضايقني ان في ناس كانت لجانها فيها غش ولجان مش فيها وفي ناس طالعه فرحانه انها عرفت تغش
والنتيجه في الاخر عاليه علي حساب ناس تانيه |
اقتباس:
الغش سو اءفى الاول او الاخر مش هيفيد اى حد والاهم ان ديننا الاسلامى منعنا منه ده اكبر سبب يخلينا نرفض الغش لكن بصى لظروف المجتمع الغش مش هنقدر نقضى عليه فى يوم وليلة بس اكيد هنقدرفى الاخر انا رافضة فكرة الغش اصلا واكيد كلنا كدة يعنى قبل ما نحاسب الراجل ده نحاسب رؤؤس الفساد الاول الى خلوا البلد تبقى بالشكل ده وشكرا ليكى وتقبلى تحياتى |
اقتباس:
خلاص يا بنت ابوها والله الموضوع مش مستاهل كل ده وانا شايفة ان احنا متفقين تقريبا بس انتِ مش كنتي بتقولي انه غلطان و كده المهم خلاص بعتذرلك لو كلامي زعلك ويا ريت مش نخسر بعض عشان كلام ملوش لازمة ^^ :) |
اقتباس:
انا مش زعلانة منك ولا حاجة احنا اخوات وانا بحترم رايك واى راى تانى ان شاء الله مش هنخسر بعض ونبقى اصدقاء |
...مثل.. بيقولك..ذاكر تنجحغش تتفوق
|
ذاكر تنجح تغش تتفوق
|
ياسلام عليك يابرنس .........!!!!!!!!!!!
|
بتتكلم عن الغش طب ايه رايك فى الاعداديه بنتى ناقصه 6درجات فى التعبير لوحده فى التيرم الثانى برغم الدرجه النهائيه فى اللغه الانجليزيه والعلوم والرياضيات والدراسات وتروح تكلمهم يقول لك التعبيرمافيهوش تغيير ده تقدير مصحح
|
ربنا يستر علينا
|
اقتباس:
دى قلة ضمير.....وصدقنى لو ليك وسطة هيجوا 6 درجات |
الغشاش مهما وصل مش هيحقق حاجة
وربنا بيستر عليه مرة واتنين لحد ما يتوب ربنا يهدى |
تمام ياسارة ........ز كلام مظبوط جدا
اقتباس:
|
لا حول ولا قوة الا بالله
|
بتحصل في اكبر العائلات
|
اقتباس:
بصى احنا لو جوانا كويس عمر ما فى واحد مننا هيبقى ريس ويتقلب يبقى وحش يعنى تخيلى كلنا اخلاقنا كويسة وملتزمين بالدين تخيلى كده ياترى فى واحد مننا الشعب هيختاره وهيبقى وحش وغشاش وحرامى ما اعتقدش ! :) وشكرا لك جدا لان حضرتك قبلتى وجهة النظر المختلفة :078111rg3: بارك الله فيك اقتباس:
معلش ده مبدأ من مبادئ عالم الغابة " اقصد ان الانسان يعمل اى حاجة علشان يوصل لهدف عالى بالنسبة له حتى لو كان على حساب دينه وغيره كمان " :bosyht9: الانسان لو ما كانش اسلوبه راقى عن طريق تدينه وتربيته هيضمن انه هيعيش فى حرب ابدية مع مجتمعه لانه وبكل بساطة مرفوض ! اقتباس:
فى البداية انا بستئذن حضرتك انى اصغر خطك شوية واضافه كمان عمر ما الواسطه ما هتجيب 6 درجات الا لو كانت ابن او بنت وزير ودول مش محتاجين يتظبطوا لانهم لما بيتخرجوا من الجامعة بيبقى شغلهم موجود وبكل سهولة :bosyht9: ده قبل الثورة ربنا يستر على بعد الثورة دىاضافه بسيطة على تعليق برنس اخر زمن 2 واتمنى انكم تتقبلوا رأييى بصدر رحب |
لما تلاقي غراب ابيض
ساعتها مصر هتبقي احسن |
| جميع الأوقات بتوقيت GMT +2. الساعة الآن 03:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.