حصرى وعـــــــــــــــــاجل لكل معلم
 

بعد تصريحات وزير المالية وخروج معظم المعلمين من هيكلة
الأجور – مستنيين ايه - ...
هتبقوا رجالة وتنزلوا التحرير ولا لأ
وممكن متنزلش لو :
لو مرتبك مكفيك .. متنزلش
لو عاجبك حال نقابتك .. متنزلش
لو حاسس بمكانتك .. متنزلش
لو اختبارات الكادر مش إهانة .. متنزلش
لو مش حاسس بالظلم .. متنزلش
لو مش عاوز حقك فى الدرجة المالية .. متنزلش

أنا بقى هنزل التحرير

كفاية عليكم الدروس الخصوصية و اللة ولا واحد فى مصر هيتعاطف معاكم جميع اولياء الامور بيدعو عليكم انتم خربتو بيوتنا

أخى الكريم : سلام الله عليك
يجب أن تعلم أن نسبة من المعلمين هم من يعطون دروس خصوصية وليس الكل .. وحكاية الدروس الخصوصية ولى الأمر مشارك فيها لكن ليس هذا مجال الحديث عنها حاليا
الحديث عن رفع الظلم عن المعلمين

انا لله وانا اليه راجعون
ضاع عمرنا
ولم نجدمن يهتم باحوالنا
وضاع كرامتنا
وفيمتنا قبل وبعد الثوره
لا حول ولا قوة الا بالله العلى العظيم عدد ما كان وعدد ما يكون وعدد الحركات والسكنات

لا حول ولا قوة الا بالله العلى العظيم

كل فترة واحد يطلع يهيج الدنيا ويخلى اللى ما يشترى يتفرج علينا

يا ريت تفكر شويه قبل ما نحرض الشرفاء على النزول الى ميدان التحرير

هي فين تصريحات وزير المالية
دي.... بطلوا كذب

الدعوة إلى المطالبة بحقك ليست تحريضا .. وان لم ينزل المعلمون بصورة حضارية راقية ليصل صوتهم فلن يحصلوا على شىء ولو بعد ألف سنة ..
ولو حضرتك شايف أن المعلم واخد حقه !!! أنا برضه هحترم وجهة نظرك برغم عدم اقتناعى بها

أستاذى الفاضل :
التصريحات أدلى بها وزير المالية اليوم الاثنين وجاء خلالها أن المستفيد من هيكلة الأجور حوالى 2 مليون مع العلم أن الجهاز الادارى للدولة حوالى 6 مليون إذا هناك 4 مليون خارج هيكلة الاجور
المالية": 15% زيادة بمصروفات الموازنة ..54% منها على البعد الاجتماعى.. وزيادة مخصصات التعليم 10%..والصحة 17%..والإسكان 39%..و15% زيادة بالمعاشات أوائل أبريل المقبل
الإثنين، 4 يوليو 2011 - 14:09
http://www.thanwya.com/vb/images/New...1122105121.jpg وزير المالية د. سمير رضوان وزير المالية
كتبت منى ضياء
http://www.youm7.com/images/graphics/lg-addthis-en.gif http://www.thanwya.com/images/graphics/igoogle.gif
أكدت وزارة المالية، أن الموازنة العامة للعام المالى الجديد والتى اعتمدها المجلس العسكرى اشتملت على إجمالى مصروفات بلغت 491 مليار جنيه بزيادة 15% عن المتوقع للعام المالى الحالي، وبلغ الإنفاق على البعد الاجتماعى بالموازنة الجديدة حوالى 54% من إجمالى المصروفات، حيث أكدت الحكومة على الالتزام الكامل بحماية محدودى الدخل خاصة ضد مخاطر تقلبات الأسعار العالمية للغذاء.

وسجلت جملة مخصصات قطاع التعليم نحو 52 مليار جنيه بزيادة 10% عن الموازنة المعدلة للعام المالى الحالى، كما ارتفعت مخصصات قطاع الصحة بنسبة 17% لتبلغ 23,8 مليار جنيه، وكذلك مخصصات قطاع الإسكان والمرافق المجتمعية بحوالى 39% إلى 16,7 مليار جنيه.

ومن أهم ملامح الموازنة العامة للعام المالى 2011/2012 تتضمنها لعدد من عناصر الحماية الاجتماعية المهمة الموجهة للعاملين بالحكومة وكذلك أصحاب المعاشات، حيث بلغت جملة مخصصات الأجور حوالى 118 مليار جنيه بزيادة 22% عن المتوقع خلال العام المالى الحالى، وشملت هذه المخصصات تكلفة العلاوة الخاصة بنسبة 15% للعاملين بأجهزة الدولة بتكلفة إجمالية 3 مليارات جنيه تقريباً، كما تضمنت الموازنة الجديدة تكلفة تمويل المرحلة الأولى من برنامج إصلاح الأجور فى الجهاز الحكومى، حيث تم إقرار رفع أقل نسبة للأجر المتغير للعاملين بشكل غير مسبوق من 75% إلى 200%، وهو ما يصل بالأجر الشامل لموظف الدرجة السادسة إلى 684 جنيها تقريباً، وذلك اعتباراً من راتب شهر يوليو 2011.

ومن المقرر أن يستفيد من هذا الإجراء حوالى 2 مليون موظف من العاملين بالدولة بتكلفة إجمالية تبلغ 9 مليارات جنيه سنوياً، ويحقق هذا الإجراء تقليل فى الفوارق غير المقبولة بين ما يتقاضاه شاغلو نفس الدرجة المالية فى الجهات المختلفة.

وقد حظى أصحاب المعاشات على النصيب الأكبر فى الاعتمادات الخاصة بالجانب الاجتماعى فى هذه الموازنة، حيث تمثلت فى زيادة المعاشات بنسبة 15% اعتباراً من أول أبريل 2011 محسوبة على إجمالى قيمة المعاش وليس معاش الأجر الأساسى فقط، حيث أن ما قامت الحكومة بتطبيقه يعتبر سابقة تحدث لأول مرة الهدف منها المساعدة فى رفع قيمة المعاشات الإجمالية ليتمكن أصحابها من مواجهة أعباء الحياة وتحسين ظروف معيشتهم، وسوف تتحمل الخزانة العامة بإجمالى تكلفة هذه الزيادة والتى بلغت 6.5 مليار جنيه ويستفيد منها 8 ملايين صاحب معاش ومستفيد.

وتضمنت الموازنة الجديدة اعتماد صرف فرق زيادة المعاشات المقررة فى عام 2008 لتكون بنسبة 30% بدلاً من 20%، وذلك بدون حد أقصى حيث سيتم إلغاء الحد الأقصى الذى كان مقرراً فى عام 2008 وقدره 100 جنيه، وذلك كمبادرة من الحكومة لأعمال المساواة بين أصحاب المعاشات والمستحقين عنهم والعاملين فى الدولة وسوف تساعد هذه الزيادة أيضاً فى تحسين مستوى معيشة أصحاب المعاشات والمستحقين عنهم، تبلغ تكلفة تمويل تلك الزيادة 2,8 مليار سنوياً وعدد المستفيدين منها 7,5 مليون صاحب معاش ومستفيد.

كما تم تخصيص 1,2 مليار جنيه لتمويل التزام الخزانة بتحمل التكلفة السنوية لزيادة المعاشات والتى بدأت فى أول يوليه 2010، واستهدفت زيادة المعاشات التى كانت 40، 50، 60، جنيهاً، حيث تم رفعها إلى 176، 185،195 جنيهاً، ويستفيد منها 3,5 مليون صاحب معاش ومستفيد، كما يستفيد منها كل صاحب معاش جديد يتم تسويته منذ يوليو 2010، بخلاف 17 مليار جنيه خصصته الخزانة العامة للدولة لصناديق التأمينات الاجتماعية تسددها كفائدة على مديونيتها لصناديق المعاشات.

يذكر أن الحكومة كانت قد طرحت فى وقت سابق مشروع موازنة يتضمن عجزاً فى حدود 170 مليار جنيه وهو ما يعادل 11% من الناتج، إلا أن الحوار المجتمعى الذى دار حول هذا المشروع أوضح الرغبة فى عدم التوسع فى العجز بصورة كبيرة وتجنب تحميل الأجيال القادمة بزيادات ضخمة فى الدين الحكومى، وهو التوجه الذى عززه المجلس الأعلى للقوات المسلحة خاصة فى ظل الظروف الاقتصادية التى تمر بها البلاد، وقد قامت الحكومة إثر ذلك بخفض الإنفاق العام وإعادة ترتيب أولوياته ومع الحفاظ على تحقيق التوازن بين ذلك الخفض وبين الالتزام بتنفيذ مراحل مهمة على مضمار العدالة الاجتماعية، وكذلك زيادة الإنفاق الاستثمارى الداعم للنمو.

وعلى الرغم من خفض العجز بنحو 36 مليار جنيه إلى 134 مليار جنيه أى ما يعادل 8,6% من الناتج المحلى، إلا أن السياسة المالية لا تزال توسعية وتتضمن برامج لتحفيز النشاط الاقتصادى وأخرى داعمة لتحقيق العدالة الاجتماعية إذا ما قورنت بمشروع الموازنة العامة المعد قبل ثورة 25 يناير، حيث كان يستهدف عجزاً فى حدود 7% من الناتج المحلى.

وأكد مجلس الوزراء حرصه الشديد، أن تلتزم كافة جهات الدولة بحدود مخصصات الإنفاق العام لكل منها وعدم تجاوزها، والاعتماد على مصادر التمويل الذاتى من خلال الصناديق والحسابات الخاصة التابعة لكل منها إذا ما طرأت احتياجات ملحة لزيادة الإنفاق.

من ناحية أخرى أكد مصدر مسئول بالوزارة أنه بعد الإعلان عن إقرار المجلس العسكرى للعام المالى الحالى، بدأت الوزارة اليوم فى إجراءات توزيع موازنات الوزارات والهيئات الحكومية المختلفة لبدء العمل بها على أن يتم إمداد هذه الجهات بالمخصصات المالية للعام المالى الجديد خلال الأسبوع الحالى بعد أيام من الارتباك لعدم تلقى الجهات موازناتها الجديدة لبدء العمل بها نتيجة تأخر إعلان المجلس العسكرى للموازنة الجديدة.

نحن المعلمون يجب ان نكون القدوة للشعب المصرى العطيم فى الصبر والمحن والشدائد
ونرضى بما قسمه الله لنا من رزق
انظرو دائما لمن هو ادنى منكم واعلمو لو اجتمع اهل السموات والارض على ان يعطونا رزقا
على رزقنا مااستطاعو الا ماكتب الله لنا من رزق
اللهم انى رضيت بما قسمت لى من رزق ومن صحة وعافيه فلا ارجو منك الا ثواب الاخرة
بالنظر الى وجهك الكريم وصحبة اخر المرسلين والجمع بعبادك الصالحين اللهم امين

من محمود صلاح إلي حوت كفر شكر في دروس اللغة العربية
 

خف بقي وبلاش تهيج الناس هم مساكين انت هتبدأ الدروس امتي لان الطلبة سألوني والسعر هيزيد كام السنة دي ارحمونا بقي وكفيه عليكم دروسكم اللي مصيتم دم الناس بيها

لست ليث مصر
ولكن الصواب ماصص دم مصر

وزير المالية ووزير التعليم كلاهما وجهان لعملة واحدة أصلها مصنوع فى عهد المخلوع برعاية جمال ابن الحرامى فهما عضوان فى لجنة السياسات .....................والأن من يطالب بحقه لابد أن يكون له صوت وصوت عال ..للأسف المحترم ملحدش بيحس به .....لابد أن يكون لنا صوت ..هل من العدل أن يتساوى معلم تعين2000 مؤهل عال مع عامل أمى على السادسة فى الراتب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!! !!!!! لابد أن يستمع هذا الوزير الذى لا يحب الاالعاملين فى ديوان الوزارة لابد أن يستمع لنا وأنا أول المشاركييييييييييييييييييييييييييييييييييييييييييي ن معكم

ربنا يستر .............

ليس كل المدرسين يعطون دروس خصوصية دة أكيد
أنا وزوجى مدرسين ولا نعطى دروس

أنا شايفة ناس بتهرج وتستهين بوضع المدرس ومكانتة
عيب كدة

لا اله الا انت سبحانك انى كنت من الظالمين

من حقنا ان نتظاهر ولكن ليس هذا هو الوقت المناسب.
6 ابريل و ائتلافات اخرى تدعى انها تمثل الثوره تدعو إلى التظاهر يوم الثامن من يوليو بهدف:
-اسقاط المجلس العسكرى
-الدستور اولاً
ولذلك ارجو من الساده المدرسين عدم الانسياق وراء من يدعو للتظاهر, فالهدف الذى يسعون اليه هو تجميع اكبر عدد فى ميدان التحرير تحت مسميات كاذبه كما حدث يوم الجمعه الماضى وتم استغلال شهداء مصر فى كسب التعاطف الشعبى.
مصر اولاً ..و بعد خلع المخلوع سوف تتحسن احوال المعلم...ده رأيى الشخصى...لو حاسس انى بخدعك ,بلاش تصدق كلامى و انزل التحرير من دلوقتى

لابد من النزول والمطالبة بحقنا بحقنا فقط

سيدى نحن - المعلمين - لنا مطالب واضحة خاصة بفئة المعلمين دون غيرهم ولا دخل لنا بأى أشياء أخرى
ثم أنا معك فى أن الانتخابات أولا وقبل الدستور .. ولكن ليس هذا هو موضوعنا نحن تعرضنا لظلم واضح ويجب ان نتحرك ونكون ايجابيين وليست المشكلة تحديد المكان والزمان ولكن المهم المبدأ

ليس شرطاً التحرير وليكن وزارة التربية والتعليم ولابد أن يكون العدد أكثر من 10000معلم نعم .... وعندها ستجدون الجديد الذى يليق بالمعلم حددوا الموعد ونلتقى فيه لابد أن يستمع هذا الوزير لصوتنا

خايفه قوووووووووووووى يجى اليوم اللى يندم فيه كل من نزل التحرير بعد الثورة لانو بنزلول هيكون اتسبب ف ضياااااااااع مصر وسعتها دم الشعب كلو هيكون ف رقبتو
ياااااااااريت منستعجلش ونستنى شويه
الدنيا مش هتطير خايفه ان بلدى هى اللى تطير
ربنا خلق الدنيا ف 6 ايام وده ربنا رب العالمين
مين فيكو ساحر عشن يقيم شرف وحكومتو بعد 4 شهور
احنا اتظلمنا 30 سنه مش قادرين نصبر سنه واحده عشان ربنا يكرمنا ونبقى احسن بلد ف الدنيا
انا عارفه ان الظلم ده كان طعمو مر قوى قوى بس لازم نرضى بقضاء ربنا
والله مصر فيها خير كتير بس نصبر نصبر ارجوكم
بلاش نضيع مصر بايدينا ونندم ف وقت لاينفع فيه الندم
بلاش حد يشمت فينا
ائتلافات ايه واحزاب ايه اللى عماله توافق او تعارض على قرارات الحكومه
مين وكلها نيابة عن ال 80 مليوووووووون
صدقونى المصرى غلبان قوى
90% من المصريين ميعرفش اساسا يعنى ايه ائتلاف او يعنى ايه حزب
كل اللى محتاجه اكله حلوة ومكان نضيف يعيش فيه وعيشة متوسطه مش فيلا وعربيه
بس الصبر
معلش اسفه طولت عليكو حاسه ان كلامى مش مترتب بس انا قلت اللى جوايا
ارجوكم اللى هينزل يفكر تانى
ارجوكم ارجوكم ارجوكم حافظو على مصر مصر يانااااااااااس

يا جماعة اللى عجبوا الوضع يقعد فى بيته واللى حاسس انه لازم يكون له وضع افضل ومكانة تليق به كمعلم ينزل ويعبر ويطالب بحقه بمنتهى الرقى والتحضر ونحن لا نصادر على رأى أحد حتى ولو اختلفنا معه
وللعلم :
الأطباء طالبوا بحقهم
المحامون طالبوا بحقهم
أساتذة الجامعات طالبوا بحقهم
الشرطة طالبت بحقها
القضاة طالبوا بحقهم
والمعلمون ..........!!!!!!!!!!!!!!!!!!!!!!!!!!

انا نازل التحرير اكيد طبعا
اغلبية المعلمين هنا ايام الثورة كانوا بيشتكوا من الاجور ومش عاوزين الثورة وبيحبوا حسنى وعمو علاء وماما سوزان
انا نازل وياريت اللى قاعد فى بيته يتنيه قاعد انا مشفتش الموت بعينى الاتنين عشان خاطر خق الناس يضيع وعشان منحققش مطالبنا
عيش حرية كرامة انسانية

باذن الله نازل

حلوة اوى الكلام اللى بتقوليه ربنا خلق الدنيا فى ستة ايام الباشا خد اربع شهور معملش حاجة خالص
ممكن تقوليلى قرار حل المحليات مطلعش ليه ؟ ريقنا نشف عشان يطلعه وفى الاخر القضاء هو اللى عمله
بلاش الحد الادنى لاجور اللى لو جيبتى عيل هيعمله مش محتاج حاجة اصلا هو هيعمل حد اقصى وخلاص وياخد من اللى بياخد ملايين يدى الفقير صعبة دى وعضلة يعنى
المحاكمات صعبة تتم
قانون استقلال القضاء والازهر والجامعة صعبة يعملها
احنا هنحافظ على مصر لما ننضفها من الحرامية اللى بيحكوموها

لايصلح سوى الأعتصامات والمظاهرات السلمية وبعقلانية لأن العملية كل يوم بتنكشف أكثر وبيضحك على الناس نفس الفليم القديم ولكن بحرفية وبعدين أخوتى أن غدا" لناظرة قريب كلها بالكتير شهر وهنعرف العملية وصلت لغاية فين بالنسبة للأجور وطبعا" الأسعار عرفناها وكل يوم بنصدم بشأنها وأن كنت متوقع كلة كدب وخداع وتمييع للأمور وتهدئة للناس وكل هؤلاء مرتاحين ووزير المالية هو هو ولم يتغير غالى هو غالى خلاص دول تأقلموا على كدة وبيعرفوا يضحكوا على الناس بكلامهم المسموم ومن الآخر وهتزعلوا منى مفيش ثورة خلاص بح الثورة حوطوا عليها وتبخرت فى الهواء وأحتووا الناس بكلام لايسمن ولايغنى من جوع كل شوية مفيش موارد مفيش فلوس مفيش أمن بمسرحية مكشوفة أبطالها معروفين وكل واحد من هؤلاء المسئولين لدية مايقرب من عشرة أو عشرين مستشار على سكرتير وسكرتيرة بيلهفوا ملايين من دمائنا وعلى حساب راحتنا وراحة أولادنا وأحنا مستخصرين فينا الملاليم
أبوفيـــــــــــاض

براءة انس الفقى وعهدى فضلى وبطرس غالى واحمد المغربى
مننزلش برضك؟

[size="3"]وأنت زعلان ليه ما هو دا المتوقع والبقية تأتى وتأجيل المحاكمات أغلبها فى رمضان علشان نقول عفا الله عما سلف
وبعدين انت بتحسد ليه الناس دى دا كل واحد منهم لا يملك الا بضعة الاف جنيه فى البنوك المصرية وعدد قليل لا يتجاوز أصابع اليد من مليارا ت الدولارا ت فى خارج مصر وفى الاخر عايز زيادة فى المرتب دا انت طماااااااااع [/size]

ياريت تتابعوا الاخبار
النائب العام يطعن على الحكم
______________________
و بعدين لان الادله غير كافيه

ههههههههههههههههههه
يطعن على الحكم ازاى اذا كانت الحيثيات لم توضع بعد ياباشا هيطعن ازاى ؟ باللاسكى
بطرس غال واخد براءة غيابى عارف ده معناه ايه انا لتحقيق رايح بايظ من اوله لاخره

طبعا السلبيات من حولنا عديدة وهى تمس كل مصرى يعيش على ارض مصر ..
ونحن معلمى مصر جزء من المجتمع الذى نعيش فيه ولا ننفصل عنه لذا وجب علينا التفاعل مع كل قضايا المجتمع
ومن الأحرى أن نتفاعل مع القضايا التى تمسنا مباشرة .. ولكن المشكلة أننا لم نتحد على موقف موحد ودائما مشتتين وفى صراع داخلى مفتعل مما يعرقل أى عمل بناء مثمر على الرغم من ان الهدف واحد والغاية نبيلة ولكن آفة التخاذل موجودة بين المعلمين سواء أكانت ناتجة عن سوء فهم وتقدير للموقف أم عن سلبية واحباط توطنوا من سنيين داخلنا أم عن أى أسباب أخرى .. المهم النتيجة واحدة
أيها المعلمون :
تعالوا إلى كلمة سواء ( ولنختلف ولنتفق ) ولكن يبقى لنا موقف موحد

عااااااااااااااااااااااااااااااااااااااااااجل ...................
نائب محافظ الإسكندرية رفع سلاحه اليوم في وجه المعتصمين من المعلمين الذين يعملون بالعقد وتم تصويره بالمحمول وعرض الموضوع في قناة الحياة

سامع ام شهيد بتنادى الداخلية قتلت ولادى
اكتب على قبر الشهيد يوم اعدامه ده يوم العيد
انا مش حاسس بالتغيير ونازل تانى التحرير
ياللى بتكشف على العذرية بتطلع ليه فى الحرامية

كلنا فى التحرير إن شاء الله
هنستنى ايه تانى

اللي عايز يقف يبقي امام الوزارة

والله انا مستغرب فين روح 25 يناير

فعلا مش كل مصر قامت بالثورة

فى ناس فعلا كانت نفسها الثورة تحصل علشان الحرية الكرامة العدالة

وللاسف ناس لم قامت الثورة كانت ضدها ومش حاسه بيها ولغاية دلوقتى مش فاهمه ولا حاسة ولا كانت حاسة بان فى مشكلة

ومقاموش بالثورة ولا ثاروا

انا قبل الثورة كنت بانتقد النظام و بعارض الظلم اللى بنتعرضله
وفى الثورة شاركت وثورت ودعيت ان الغمة تروح
وبعد الثورة فرحت بروح الثورة ورغبة كل واحد ان بكره يبقى احسن

شعرنا بحقوقنا وشفناها بتتحقق مع زوال نظام ظالم بسهولة فى ناس كانت بتراهن انهم اقوى من الجبال
الاهم اننا ردت لينا كرامتنا واصبحنا لا نسكت على اننا نتظلم تانى

الغريب ان فى ناس محستش بكل ده وعايزة تتظلم تانى او بالاصح احنا نتظلم تانى فهم لا يشعرون بان كان فيه ظلم او فى ظلم

دول المسؤلين كتر خيرهم هم اللى مظلومين انهم مستحملين شعب زى ده

استغفر الله العظيم

اللى يمسك مسؤلية ( اولا يهرب منها دى مش ميزة دى اسمها مسئولية) واللى شايف انه يصلح ليها وانه اقدر واحد ليها يبقى يعتبرها تضحيه ويتوكل على الله ويتقى الله ويحارب علشان يعطى حقوق الناس ويتقى الله فيهم

انما لم يقعد على الكرسى ويتباهى بسلطاته اللى الشعب عطهاله علشان يعطيه حقه يبقى يعرف ان بعد 25 يناير ده مش ممكن وغير مسموح ولو وصلت لثورات وكوارث فاحنا مش بنخاف واللى لسه بعد 25 يناير بيخاف او عايز يضيع حقه و يبارك للمسئولين وعايز عهد قبل 25 يناير يرجع تانى يبقى يوطى صوته وميهاجمش اللى زينا لان اللى لازم يتهاجم ده لو كان شجاع وراجل اللى بيضره مش اللى بيدور على حقه

لا عيب فى انى ادور على حقى واطالب بيه فالتظاهر السلمى واسقاط الحكومات اللى متعرفش تدى حقوقنا و تعتبرنا مش عيال وهما اوصياء علينا كل هذا ايضا من حقك

ومصر فيها شرفاء وزى ما شلنا الفاسدين هنجيب الشرفاء اللى يمسكوا و الشعب هو اللى ليه السلطة مش الحكومة فالحكومة سلطتها من الشعب

اللهم قد بلغت اللهم فاشهد

ده حل المشكلة ادخل على الجروب ده فى الفيس بوك

وفكر بايجابيه
http://www.facebook.com/home.php?sk=...265675425&ap=1

عايزين نقوم بثورة او بالصح نكمل ثورة 25 يناير اللى بدأناها باننا زى ما ازلنا الفاسدين نحط الشرفاء

دعوة للبحث عن الشرفاء وتنصيبهم فى اماكنهم فمصر فيها شرفاء احنا اللى لازم نجيبهم

هي البلد اصلا هتولع طالما في قضاه مرتشين يحكمون ببراءة القتلة ويسجنون الابرياء