اسكندريه بتنهار بسبب ستار اكديمي
 

اولا السلام عليكم
ثانيا انا بجد مش طايقه نفسي بجد و مش متخيله ان الى عملوا الثورة هما دلوقتى الى بيعطلوا مرور اسكندريه بسبب الاستاذ الفاضل كريم كامل

طبعا محدش فاهم انا بكلم عن ايه ؟؟ انا من اسكندريه و الموضوع ان فى برنامج طبعا غنى عن التعريف اسمه ستار اكديمى البرنامج ده فىطالب من مصر اسمه كريم كامل من اسكندريه عضلات و حركات و حاجات الغريبه الى بتجذب بعض البنات و الشباب

الولد ده كان له قبول كبير فى الاكدايميه يعنى لما كان بيطلع نوميني كان بياخد اعلى اصوات بنسب عاليه جدا مش عارفه مين العاق الى بيضيع وقته و فلوسه عشان يكسب بنى ادم زى ده مع علينا ..كل مره يطلع نوميني يرجع تانى الاكدايمى اكثر ثقه لانه بيجى له اعلى الاصوات طبعا الولد بعضلات و كلام من ده .. :av4056bb7jp3:

المهم الاستاذ كريم كامل انسحب من الاكدايمى يا حرام !!!:049gc0:

والله العظيم اعرف بنات عيطوا لما انسحب اكنهم سقطوا فى الثانويه العامه ..المهم حضرته انسحب عشان صحابه اتهموه انه شاذ جنسيا !! بجد لا تعليق

الاستاذ قرر يرجع اسكندريه و شوف الى حصل فى مطار اسكندريه الطريق المطار وقف ساعتين بسببه
اخته حط رقم موبيله على الفيس عشان حالته النفسيه صعبه يا حرام !!:bosyht9:
شوف كميه التعليقات الى مغمى عليها عشان قالها ( الو ) و الى قامت تصلى مخصوص عشان تدعى انه يرد عليها عشان التليفون مشغول من كتر المعجبين
و طبعا البنات ديه مش من مصر بس الحمد الله المعجبيبن كتير كتير جدا اللهم لا حسد من جميع الدول حتى بنت فى ايران بتحاول تكلمه رغم التكلفه المكالمه المرتفعه عشان تقوله ان ايران كلها بتحبه ..
ده طبعا غير شباب ..الى يقول انه قدوته و انه حيجيب عربيه نفس عربيته و الى يقول انه بقى يروح الجيم مخصوص عشان يبقى عنده عضلات زيه و تعليقات مستفزه جدا من الشباب بجد رجاله اخر زمن

الاكتر بقى ان حضرته قرر انه يقابل المعجبيبن فى سموحه و ديه منطقه فى اسكندريه يقابلهم الساعه 7 قدام مطعم
ماكدونالدز ..البوست الى اتكتب فى صفحته ( يا جماعه كريم حيبقى قدام ماك الساعه 7 الى عايز يقابله يجى قبل 7 عشان كل ما حتيجى بدرى كل ما حتكون قريب من كريم ) البنات قالت انها حتنزل من الساعه اربعه و الشباب كمان

فى فيديوهات لكميه بجد كتيره جدا جدا جدا من الشباب و البنات حواليه و الى جايه لابسه ترتر اكنها رايحه فرح و الى جايه اكنها بتشوف عريس بجد حاجه تشل

المصيبه ان اليوم ده المرور بتاع اسكندريه اتعطل من الساعه اربعه العصر حتى 11 بليل بسبب كريم كامل :o

بجد انا مش عارفه ارد اقول ايه و الفيديوهات بجد مستفزه .البنت الى يغمى عليها عشان سلم عليها و حاجات هايفه من ديه :mad:

السؤال دلوقتى هل دول شباب الثورة ؟؟!!!!

المصيبه ان كريم حيقابل معجبين بتوعه تانى يوم الجمعه يعنى المرور حيتعطل تانى ..انا بفكر نأجر ليهم مكان فى نادى يقابهم فيه بدل الشارع و يقابلهم على فترات يعنى مجموعه من اربعه لسته و مجموعه من سته لتسعه كده عشان مش يبقى مره واحده عشان الزحمه ...:excl:

عايزه اعرف ردكم

مع احترامى لكل من يتابع هذا البرنامج او من معجبين بشده لكريم كامل :av4056bb7jp3:

ارد ؟؟ ... هتزعلوا .. من ردى .. لانى للاسف لسانى سليط شوية .. و اتلفظ بألفاظ مش كويسة فى مثل تلك الحالات !

هههه سليط ..طب انا اعمل ايه ؟؟ انا مدرستى فى سموحه و استاذ ساكن فى الييت الى قدام المدرسه عدل .. شوف الاتزاك البنات و هى بتروح المدرسه حتى بعد انتهاء الدراسة ...والله ضغطى ارتفع انهارده ..انا حسيت نفسي انى شاذه عن باقى البنات او معنديش دم ..البنات بيغمى عليها لما تشوفه و انا مش بيحصلى اى رد فعل خالص بالعكس انا شايفه ان شكله وحش جدا و عضلاته اوفر اوى عامل زى البودى جرد

هههههههههههههههههههه
أنا فعلا قريت عن حكاية انسحابه دى .. وكمان عن الأسباب

أنا عندى فكرة ... هو ممكن يقابلهم فى الأستاد أحسن

حضرتك ده تضربيه على قفاه .. و تجرى ... و تقوليله يلا يا اهبل .. يا اهبل .. و البنات دى يتصفوا كده برشاش الى 200 طلقة .. او مسدس المانى 9 مل .. اما الشباب .. دول بقى لا تعليق .. عشان تعليقى الشباب اللى زيى هيفهموه احنا بنقول ايه للشباب اللى بتحب الشباب (( اللى زى ده )) ايه ؟؟ ^^...
بيفكرنى بإدوارد (( احمر قلبوها بطيخ ! )) اه يا بلد يمشيكى راقص .. و تنفضى للعالم ..

زويل قالها و ربنا و محدش صدقها .. احنا بلد بنجرى ورا الراقصات و لعيبة الكورة .. و ربنا ما هنفلح ^^

والله اقتراحك حلو يا هانى بس ما هو معجبين الزمالك زى راجل ابو جلابيه و غيره حيبقى فى الاستاد يعنى استاد حيبقى معجبين كورة و ستار اكدايمى غير الصراحه بتوع الكوره اكثر احتراما من بتوع ستار اكدايمي ..

انا بفكر والله انى اقدم الاقتراحات ديه فى الصفحة بتاعته على الفيس انه يقابل الناس دفعات عشان زحمه الرور و يكون فى مكان مغلق زى نادى مش فى الطريق ..بس حاسه ان المعجبين حيشتمونى و حيقولوا انى بمنع موهبه و انى من فلول النظام السابق او انى تبع زملائه الى قاله عن كلام مش كويس :slap1qk6:

والله انا امبارح اتقال عليا معقده و لازم اتعالج لامجرد بس انى قلت كده اعجاب زياده عن الزوم .و اوفر عليه اوى ..و مش طبيعى نعطل نفسنا و نعطل غيرنا و نضيع فرص لغيرنا مثلا حد عنده شغل او كده عشان نقابل كريم ليه ان شاء الله ..و ده مين اساسا عشان يغمى عليا عشان قالى ( الو ) ..ده فيديو بنت لابسه لبس غريب جدا و الله لابسه سواريه اكنها رايحه فرح و واحده تانيه بتسألها انتى لابسه كده ليه فى عز النهار البنت ردت و قالت كله حيهون عشان خاطر اعجب كيمو:022yb4:

حرااااااااام .. انا عامل الزايدة السنة دى هعمل المرارة كمان ! ... المشكلة انى شفته دلوقتى علاته مش اوفر ولا حاجة .. انا معايا فى الجيم ناس . تنانين .. بيطلعوا من بقهم نار ! .. و كمان تروح بسواريه عشان خاطر عم كيمو .. امال لو تامر هتروح بى ايه !!!!!!!!!!!!!!!!!!!!!!!! .. البلد و الله عمرها ما هتتعدل ..

احنا كده فى منعطف خطير فعلاً لما يجى العيل ده و يوقف مرور مدينة كبيرة تبقى البلد باظت .. !و دماغه كبيرة اوى .. بيفكرنى بفيلم الناظر .. شفت فيلم الراس الكبيرة .. اهو ده راسه اكبر منها ^^

مين كريم كامل دا ؟! هما بيطلعوا امتي ؟ :o
الشيء دا مخنث زي الشباب اللي بيقلده بالظبط .
أما البنات فبنات منحلة وقليلة الأدب .
وأهالي الاتنين مفتقدين للأخلاق ومحتاجين يتعلموا الأدب الأول علشان يأدبوا أولادهم !
انا مش عارف الأب أو الأخ اللي يشوف بنته أو اخته بتعمل الحاجات دي وهو زي اللوح - مش عارف اللي بيجري في عروقه دا ايه ؟!! أكيد مش دم خالص !!
كبيره جاز قذر ( مع الاعتذار للجاز القذر ) هذا الشخص هو الديوث !!
مش بقينا نسمع نغمة الحرية وكل واحد يعمل ويقول اللي يعجبه !!
حرية بلا ضوابط تعني الفوضي والانحلال !
لا ضوابط تردع البشر مثل الضوابط الربانية الاسلامية شاء من شاء وأبي من أبي .
شكراً علي الموضوع .
تقبلي مروري .

كريم كامل اسم موسيثى ..ده طالب يا مستر بس اكيد مش طالب علم !!! طالب حاجات تانيه ..كل واحد بيطلب بقى الى شايف انه حينفع بيه مجتمعه ..
بس معلش انا فى مصطلحات مش فاهمه معناها زى ديوث و مخنث ..فيعنى معلش ممكن تقول معناها

كيمو :o ::o

بلاش أتكلم ؟ ولا أتكلم ؟

بلاش بلاش ..

ربنا يهدينا جميعا :)

اسف للتدخل للمرة الرابعه ..ديوث : هو الذى لا يصون عرضه .. و لا يدخل الجنة ديوث ..
و مخنث .. : هو الذى اجتمعت فيه صفتا الرجولة و الانوثة لكن احدها سادت لبعض الصفات الجسدية ^^

لا اتكلم ..حريه ابداء الراى للجميع ..يعنى هو كل واحد ليه رافض يرد !!! قولوا رايكم عادى فيها ايه ..انا كتبت الموضوع ده عشان مش اتشل لوحدى ..شاركونى :p

اسف على التدخل !! والله مش حرد بجد عيب يعنى .

ده انا الى مفروض اقول شكرا انك ندخلت عشان تقول معنى الكلمتين

هل مخنث ده مصطلح بيلوجى و لا ايه نظامه ؟؟ اصلى عمرى ما سمعتها

امجد ايه اقتراحتك ليوم الجمعه عشان نقلل الزحمه الى حتحصل فى اسكندريه بسبب كيمو ...

ينفع بيه مجتمعه ؟! اللي زيه كدا وبيمشوا وراه ويقلدوه عار علي أي مجتمع .
مخنث يعني لا محصل راجل ولا ست !
الديوث هو الشخص الذي لا يغار علي أهله ( يري فيهم العيب ولا يمنعهم عنه )

ديوث ديه ليها معنى تانى يا مستر ..بابا و ماما عادى ..بابا سبور و لارج و بابا واثق فى اخلاقى و كلام من ده ...

بابا عادي وسبور ولارج ؟! لا يا صوفيا . عندي أنا ديوث دي لها معني تاني , لكن مينفعش أقوله خالص !
وبعدين واحد ديوث متجوز واحدة منحلة , يبقي الأولاد هتكون ايه ؟ أخلاقهم تبقي شكلها ايه ؟!!

اومال انا الى شفت الواقع ده بنفسي اكون حصلى ايه ؟؟؟ انا بيتقال عليا انى هايفه و معقده عشان رافضه اقابل كيمو و بقول على بيعملوا كده مجانين ..اهليهم دول بقى عادى يعنى سيبنهم يعيشوا سنهم ..ربنا يستر على يوم الجمعه ..جمعه الغضب الثانيه و جمعه كيمو يعنى دمار شامل

عالفكره يا مستر معظم الى بيموتوا فى تيمو و كيمو دول اهليهم بيقوا فى منتهى الثقافه و التعليم بس مش عارفه ازاى بيربوا ولادهم على كده !!! انا مره سألت واحده دكتوره انها ازاى سايبه ابنها و بنتها يروحوا الديسكو ..ردت و قالت ما انا وديت اخوها الكبير معاها عشان محدش بيدايقها لما تبقى لوحدها و بسيبهم يعيشوا سنهم و بكره يكبروا ..

الأخلاق والأدب لا يشترط أن تقترن بالثقافة يا صوفيا .
ياما ناس أميين وفلاحين ولما تتعاملي معاهم تلاقيهم عارفين الأصول كويس اوي وأخلاقهم عالية . وياما ناس بشهادات وهما في منتهي الانحلال الأخلاقي ويطلقوا عليها تحضر , مدنية , حرية الانسان في تجربة أي شيء , ..... !!
زي الدكتورة اللي انتي ذكرتيها دي بالظبط .

الحمد لله الذي عافاني من هذا التخلف وهذا الانحلال

وهذا الهبل والعبط والسذاجه والخيبة التقيلة والتفاهه

وقلة العقل وصفتي الديوث والمخنث القبيحتان اشد القبح

((ملحوظة: اسف لاستخدامي الفاظ جميلة رائعه فلم اجد

ما يليق بهذا البرنامج وهذا الشخص نسال الله له ولمن يتبعه

الهداية اللهم امين ..الحمد لله الواحد لا بيتفرج علي استار اكاديمي

ولا استار فاصوليا حتي ..
.
سؤال بس محيرني

هو فيه حد بيتفرج ع الحجات دي؟؟؟؟؟

ومين كريم كامل ده انا اول مرة اسمع عن الاشياء الجديده دي

ممكن يكون استيراد جديد او جه عن طريق المينا او ماشابه

بس المشكله مش في كده المشكله ازاي ده عدي من الجمرك

ومن الرقابة هو لسه في حد بيدفع رشوة عشان يعدي الممنوعات

دي(كريم كامل واعوانه)

حسبنا الله ونعم الوكيل ... اسر منحله ومففكه تنتج لنا امثال هؤلاء

اقول ايه بس ربنا يهدي الجميع يارب اللهم امين.. تحياتي شكرا ع الموضوع

اخوها ده اساسا طالب عند ماما .. والله بحس انى مسترجله عنه ..كميل خالص و رقيق جدا جدا بجد بحس انى لما بكلمه بكلم واحده صحبتى ..كان امجد عامل موضوع عن الولاد بتوع بنطلونات السكينى و القميص المفتوح و كده والله هو واحد منهم ..بس انا للاسف مش ينفع اروح ديسكو عشان ماما رفضت عشان مش عندى اخ كبر منى يجى معايا يا خساره !!!:040vk0:
انا اكبر اخواتى ..ممكن انا الى ابقى اروح بيهم :022yb4:

هههههه ايه الدعوة الجامده ديه ..انا نفسي اكتب التعليقات ديه و ابعتها لصفحه كريم على الفيس ..

ده فى صفحة تانيه الباب المصريين عملنها لكيمو اسمها ( حنجيب لك حقك يا كيمو )
و صفحة تانيه نينا و كيمو احلى كابلز فى الدنيا
:giljotiiniug3:
نينا ديه طالبه فى استار اكاديمى و حب بعد من اول نظره بعد اسبوع مظبط من دخول الاكاديميه
روميو و جيوليت !! نا شاء الله ربنا يحفظهم لبعض !!!
عايزه اقولك ان عدد مشتركين فى صفحة كريم 60 الف فى الصفحة الجديه عشان القديمه جالها هاكر من ساره فرح الى قالت عليه كلام مش كويس

بنطلونات ايه ؟!!
سكيني !! يعني ايه ؟ بنطلونات فيها سكينة أو أكتر ؟!
انتوا بتجيبوا الاسامي دي منين ؟!!!!!

هههههه لا يا مستر بنطلون سكينى ده بنطلونات المفروض بتلبسها البنات بتبقى ضيقه من تحت ..


ربنا يهديهم

ههههه كيمو و تيمو..اسماء عسل والله انا بحب عاصى الحلانى و كاظم الساهر و وائل جسار تحس انها اسماء رجاله

انا خايفه بجد اطلع معقده ..ربنا يستر

ههههههههههههههههههههههههههه
سورى انا مش قادر امنع نفسى من الضحك من تصريحات الكائن دا
ومن كلام الاشياء اللى ماشية وراه

ههههه انا كنت متابعه فى موسم محمد قماح ..ههه كان عمرى ساعتها 12 سنه تقريبا كنت صغيره و تافه على قد سنى ..والله يا عزة انا لما سمعت خبر موت رامى مش قلت غير ربنا يرحمه و يشفى محمود بس تعرفى اهل رامى رافعين قضيه بيتهموا فيها فلول النظام انه السبب فى الحادثه !!!
احب ابشرك بحاجه ان الموسم 8 احتمال كبير جدا جدا يكون اخر موسم و بح
انا عجبنى برنامج arabs got talent عشان محترم و فيه جميع المواهب بجد الى شايف ان صوته حلو و عايز يغنى يبقى يقدم فيه ..اما بخصوص اخو صحبتك فربنا يهديه ..يا خساره اهله منعه كان احتمال يخرب مرور محافظه تانيه :friendsxs3:

ههههه معلش اعذره اصله مظلوم و راجل عنده كرامه برده مسمحش ان حد يقول عليه كلمه مش كويسه اخد بعضه و مشى ..انت عارف الراجل المصرى معروف عليه بدمه الحامى و كرامته ..

اما الى الاشياء الى ماشيه وراه دول الفلول الفساد السابق

ارحمنا يا رب

بعد ماعرفت منك ايه هو بنطولن السكيني ده

وهو اساسا ينفع البنات تلبسه برضو...حاجه تجنن

انا بشوف البنطلون ده فعلا بس ماكنتش اعرف انه اسمه

كده مع اني شباب والله مش كبير انا سني ماعداش 25

علي فكرة اقل من 25 ب7 شهور بس الحمد لله ماوصلتش بيا

التفاهة اني اشوف حاجه شاذه زي دي(برنامج استار اكاديمي) ..سؤال ليكي

انتي قلتي انك طلبتي من ماما انك تروحي الديسكو بس هي

رفضت عشان مش عندك اخ كبير يوديكي ويجيبك صح ولا انا

فهمت غلط؟؟؟؟؟؟؟

لا لا لا لا لا ديسكو ايه الى اروحه !!!!! انا كنت بتريق على موقف ..انت لو قريت التعليقات الى قبلها حتفهم قصدى ...والله معرفش حتى شكل الديسكو ده ايه ..انا كنت بتريق والله مش اكتر

هو اسمه سكيني ولا سكني ؟
بكرة نلاقيهم لابسين استرتشات وبادي !!!
اوعي يكونوا بيلبسوهم وأنا اللي مش واخد بالي !!

طب طالما انتي مضايقه من البرنامج ده اللي يشل او يجيب

الضغط حاجه منهم يعني او كلاهما طيب انتي ليه بتتفرجي عليه

اساسا وليه متابعاه حاجه غريبة؟؟؟؟؟؟؟؟

ههههه اه والله بيلبسوها ..حضرتك الصيف الجه الحمد الله ..انزل مارينا او ساحل حتشوف من ده كتير اووووووى ..

والله يا مستر انا كنت لسه يوم الجمعه فى المنتزه لقيت واحد لبس تي شبرت اشبه ببادى و بنطلون ضيق جدا ..اخويا الصغير عمره 7 سنين سأل و قال هو ده لبسه و هو صغير يا ماما ؟؟!!

هههه مين يتفرج عليه !! انا ؟؟ انا حضرتك من اعداء انى قعد قدام تليفزيون .انا اخباره ديه وصلتنى من صحابي على فيس ..كل واحده كاتبه بلا بسرعه قوموا البسوا الساعه قربت 7 ..و فيديوهات و صور و كده يعنى انا حتى مش اعرف شكل الطلاب المشتركين ايه ما عداكريم عشان صوره مغرقه الفيس و اخباره فى الصحف ...

بالنسبه لموضوع اخو صحبتى فابشرك انى انا وصحبتى من اسكندريه :d
يعنى المرور كان حيزيد اكتر:p
وانا والله باعنى من صغرى من البرنامج ده انا معاهم من الموسم الاول والله يابنتى
وكل موسم كنت بقول مش حتابع تانى البرنامج ده
بس المره اللى فاتت اخدت موعظه من وفاه رامى
انه مات وهو مش راضى ربنا وهو بيعمل حاجه حرام
ومسافر من لبنان لمصر علشان يعمل حاجات حرام ( استغفر الله العظيم )
ربنا يرحمنا برحمته( اللهم أمين)
وكمان فى برامج محترم ممكن الواحد يقدم فيها وبتكون بطريقه محترمه شويه عن ستار اكاديمى
عفوا طولت

هههه ايه الصدف الحلوة ديه ..طلعنا من نفس المدينه لا كده لازم نتقابل ..
الحمد الله ان اخو صحبتك مش اشترك الموضوع مش ناقص اصله ..

اه يا جنابى .. و الله جنابى وجعتنى .. ايه يبنتى ده .. ايه اللى انا بقراه ده .. ده فقع يا ماما .. ايه ده .. ما الرجالة يلبسوا بكينى و كارينا و سيلفى بالمرة .. و يحطو باروكة و يحطوا ماسكرا ... و نخلى البنات تلبس بدلة .. او فانلة النادى الاهلى ! ...

ايه يا ربى ده .. اللهم اخذه اخذة عزيز مقتدر .. اهو ده لو رحنا حاربنا .. و فى وسط المعمعة ... هيقولك مامى قالتلى متحاربش من غير ما تاكل كورن فليكس .. و تشرب نسكويك .. و تاخد بوسة و حضن ع الصبح .. و بعدين لو لقيت عمو اللى بيحاربك اكبر منك .. لازم تحترموا ... خليه يضرب هو الاول ... و كمان قالتلى اسيب البت شوزى .. و الواد كوكو شديلى البنطلون فى الجامعه .. تصرف سوفاج ايااااااا ...

الله يرحمك يا رجولة .. عنترة لو كان شافه كان جوزه لشيبوب !

ههههههههههههههههه
شكل حضرتك من زمن الفن الجميل يا مستر
طب والله الحاجات دى بتتلبس دلوقتى :o
ولو الواحد من العيال دى اشترى بنطلون .. وطلع مظبوط .. مش واسع
يطلع جرى على الترزى .. قال ايه ( مش عارف بيعمل ايه كده ) .. المهم انه بضيق البنطلون .. لحد ما بيبقى أمر من الإسترتش ...
والتى شيرت .. بقا ... بادى شيرت :d
وسلمولى عليها ..
الرجولة :006et4:

ههههههه انا حموت من الضحك حلوة سوفاج ديه اووى ..انا بنت خالتى نفسها تعلب كوره و تتجوز محمد ناجى جدو و راحت الاستاد السنه الى فاتت لماتش الاهلى و اشترت فانله نادى الاهلى بجدوالله نص الوقت لبسه فانله نادى الاهلى ..اخوها بقى الحمد الله رقيق جدا جدا ..لدرجه ان بابهم حيجن قريب ..االولد تصرفاته كلهم بنت ..و البنت تصرفاتها كلها ولد ...

المشكله ان نتيجة المنحة بتاعتى يوم الجمعه يا قوم ..و مدرستى فى سموحة منطقه الى الاستاذ كيمو بيقابل معجبينو فيها ..و الجمعه برده مظاهرات ..يعنى انا حروح ازاى !!!!!!!!!!! و مش حستحمل اشوف منظر كيمو و بنات و ولاد حواليه احتمال اموت فيها اساسا

أنزل ايه ؟ مارينا ؟ علي رأي المثل : مارينا ولا تغدينا :d:d
تي شيرت زي البادي وبنطلون ضيق جداً ؟! طيب كان لابس طرحة ولا كاشف شعره :o:o
ننوس عين مامته يا خواتي :mad::mad:

هاني وانت بتسلم ع الرجوله ماتنساش تسلملي
علي زميلك بتاع المنصورة ابو بنطلون احمر هو
مش لسه بخير برضو والحمد لله:d:022yb4:

دا انا البنطلون بتاعي يبقي جلابية بالنسبة ليهم :(:(
وأنت ايه رأيك في العيال دي يا هاني ؟
دول ممكن ينفعوا البلد والمجتمع في أي حاجة ؟

ههههههههههههههههههههههههههههههههههههه
ههههههههههههههههههههههههههههههه
الله عليك يامستر بتجيب المفيد علطول اتفضل دي مني:078111rg3:

ههههه مين الام او الاب الى يسامح لابنه ينزل بنطلون احمر ..ده انا بنت و عمرى ما حعملها ابدااااااااااااااا ...

ادول بقى شباب الثورة
:039uw8:قالو عنى شاب سيس
لا اعرف غير التهييس
وثقافه عمري تتلخص
فى شات الياهو والفيس
بنطالى يسقط عن وسطي
......... شبرين كشب خونفيس
واقول الهاى واتبعها بثانكس
او مان او بيـــــــس
واتفتف فى شعري جيلاً
او بالتوكه والدبابيس
اتقبل منك السب واتقبل قولك انى سيس
فبصرخه شاب سيس
سقــــــــــــــــــــــــــــــط نظام ورئيـــــــــــــــــــس

انا عندي بكرة لجنه بيتهيألي لو كلمت حد من المدرسين

في الموضوع ده مش بعيد يخاصمني العمر كله ويقول عليا...........

يلا انا هستحمل واكتم الموضوع ده في قلبي وهحاول افكر في

اي حاجه احسن البنات ياخدوا بالهم ودول سوسه والله لا تكون

مصيبة تكون واحده منهم بتسمع الخيبه دي انا كنت اسقطها او

اسحب ورقة اجابتها علطول او حاجه جديده اكتب علي وقتها

من انصار كيمو اكاديمي