|
الجزء2:لعموم الفائدة اكتب موقف او تجربة مريت به؟
السلام عليكم ورحمه الله وبركاته كنت قد كتبت هذا الموضوع في اواخر السنه الماضيه بعنوان((لعموم الفائدة: اكتب تجربة مريت بيها؟))والذي حاز علي اعجاب الكثيرين منكم،، وها انا الان اذكركم به مرة اخري للفائدة مع نهاية السنه الدراسية ومع بداية شهور الاجازة ليكون هذا الموضوع هو الجزء الثاني منه والموضوع عبارة عن((مواقف الاعضاء وتجاربهم)) التي مرت بهم وبما ان كل واحد منا يمر بالعديد من المواقف والتجارب والمحن والمشكلات المتجدده والمتكررة علي حسب اختلافها و وقوعها ووقت ومكان وقوعها وسبب وقوعها وكيف تم التصرف فيها؟ وما النتيجة المترتبة عليها؟ اكيد كل منا له مواقف ومنها ماهو غريب ومنها ماهو طريف ومنها ما هو مفيد ومنها ماهو مبكي ومنها ماهو مفرح ومنها ماهو عاطفي ،ومؤثر، ودرامي، واحيانا يكون الموقف خيالي (بتحصل احيانا) فأنا اتمني من جميع الاعضاء والمشرفين ان ينضموا الينا هنا في هذا الموضوع كي يضع كل واحد منهم موقف حدث معه او تجربة مر بها ولا تتحرج ان كان الموقف صغيرا في رأيك أو ليس له قيمه عندك فربما يكون لاحدنا ذو فائده عظيمه فلا تبخل به علينا حتي نتمكن من الاستفاده منه والتعلم منها ملحوظة:اكتب اي موقف ايا كان نوعه حتي لو كان صغيرا تافها من وجهة نظرك مثلا موقف في الشارع في السيارة ،المواصلات،المحاضرات، البيت،مع اصدقائك،مع جيرانك،في الشغل،في اي مكان،حادثه شاهدتها بعينك سواء اكنت طرف فيها ام لا،،مشكله لصاحبك وكيف تم حلها ولماذا تمت من الاساس او ممكن تكون تجربة عاطفيه مثلا فهنا لا نشترط نوع الموقف فارجو الا تحرمونا مما لديكم من مواقف وفي النهاية لا يسعني الا ان اتمني ان ينال موضوعي المتواضع منكم الاعجاب ،،،تقبلوا مني عظيم التحية والتقدير وكامل احترامي:078111rg3: |
أحكي لكم موقف مضحك حدث معي
كنت وقتها في المرحله الاعدادية يعني من زمااان الموقف ده المهم كنت انا واصدقائي بنتسابق بالعجل:028ja7:;) وتسارعت العجلات من تحت اقدامنا وكنا نقبض علي بعضنا البعض اللي يحصل التاني كأنه قبض عليه:d انا حبيت اعمل فيها زكي وقلت هدخل اول شارع يقابلني خصوصا احنا في شارع رئيسي وبنجري بسرعه ولو دخلت الشارع الفرعي اللي جاي مش هياخدوا بالهم وافلت منهم المهم اول ما لمحت الشارع اسرعت ودخلت في الشارع علطول وعينكم بقي ماتشوف اللي النور اتاري الشارع ملغم بالكلاب وانا داخل بقي بسرعه عليهم تخيلوا انتوا بقي ولقيت نفسي تقمصت دور سوبر مان من علي العجله وقفذت منها كالطائرة وجريت خارج الشارع الي الشارع الرئيسي:022yb4: ومن يومها حرمت العب سباق بالعجل تاني كفايا اللي حصلي وقلبي وقف وقتها:bosyht9::d تحياتي للجميع ويلا ماحدش يكسل ويكتب موقف من المواقف بتاعته عايزين موقف نكد بقي بعد الضحك ده ها مين هينكد علينا:d |
هههههههههههههههه والله يا مستر انا مـــــوت من الضحك ..
موقف صعب .. الحمد لله انه عدى على خير .. مش مهم الفوز.. |
ههههههههههههههه
فعلا موقف مضحه جدا موضوع جميل اوى تسلم ايدك يا مستر انا ححاول افتكر موقف نكد اقولكم عليه اصل انا مواقفى كلها ضحك بس حدور حدور |
اقتباس:
هههههههههههههههههههههه الموقف دا فكرنى بموقف مشابه وأنا صغير .. كنت بقضى الأجازة مع أهلى فى ريف الزقازيق دايما والعيال هناك .. كانوا بيعاملونى على إنى إنسان جئ من كوكب أخر ... مش عارف ليه :d المهم قالولى احنا لازم ندخل فى سباق بالعجل على طريق السكة الزراعية .. ووخدوا منى جنيه ومن كل واحد جنيه ... وقالوا اللى هيكسب .. هياخد الفلوس كلها :mad: انا كان معايا عجلة وكويسة وسريعة وكمان شكها حلو وكمان صغنونة وعلى أدى ;) جه واد من ابن الجيران .. ضحك عليا .. وخدها منى .. واخدت مكانها عجلته ال 28 .. الفسكونيا :romarioxp6: هههههههههه المهم دخلنا فى مرحلة السباق .. والعيال طارت بالعجل .. وأنا راكب على العجلة .. وكبيرة أوى عليا .. وبجاهد عشان أطول البدال .. المهم بدأت أبدل نص تبديلة .. وجريت وسبقتهم كمان ... بس جه نفس الواد دخل فيا بالعجلة من وراء :mad: مرة واحدة لقيت فردة العجلة الأمامية اتخلعت مش عارف ازاى .. ولقيت نفسى .. فى الترعة :p:p واللى باقى من العجلة فوق منى ...:stickjo4: بس الحمد لله ربنا سترها .. ولانى كنت بعرف اعوم كويس .. ربنا نجانى :022yb4: بس المشكلة مش هنا الواد اللى ضحك عليا دا :frown: راح قال ل تيته هانى خد منى العجلة ووقع بيها فى الترعة .. وانا عايز العجلة بتاعتى .. وفضل يعيط ويعمل زيطة :mad: قامت نينه ..ادته العجلة بتاعتى :mad: .. عشان أنا بوظت العجلة بتاعته .. وكمان عشان خافت عليا .. انى أقع فى الترعة تانى هههههههههههههههههههه .. ولحد النهاردة .. انا والواد دا الأصدقاء الأعداء :028ja7: ولما بشوفه ببقى عايز أقتله .. لانه أخد منى عجلتى :stickjo4::stickjo4::stickjo4: |
اقتباس:
والحمد لله جات سليمه وعلي رأيك مش مهم الفوز اقتباس:
طيب وليه ماتقوليش مواقفك المضحكه لحد ماتفتكري النكد براحتك وعلي اقل من مهلك انا عارف النكد هيجي هيجي:bosyht9::) اقتباس:
يعني الواد ضحك عليك 3 مرات مرة اول مابدل العجله معاك ومرة لما سبقتهم ودخل في عجلتك من ورا ومرة لما سبقك لتيته وحكالها واخد عجلتك كمان ههههههههههههههههههه بصراحه كويس ان مش انا اللي في الموقف ده تقريبا ماكنتش هخليه ينام الليل:mad: |
اقتباس:
ههههههههههههههههه لا أربعة أو خمسة وانت الصادق يا مستر :( الرابعة .. لما هو اللى كسب (رغم انى اللى كنت سابق) .. وخد كل الفلوس ومنهم الجنيه بتاعى هههههههههه والخامسة بقا انئح :(:( ... الواد دا مكنشى معه فلوس أصلا .. وجمع من العيال ومنى من كل واحد جنيه ... وهو مدفعشى :mad: ... وفى الأخر كسب :slap1qk6: الفلوس كلها |
شوفوا بقي الموقف ده
كنت في اخر المرحله الابتدائيه علي ما اتذكر وقتها وكنت عند بيت جدي وكان عند جيرانهم فرح وزيطه تقريبا شبكه وكانوا عاملين هيصه بقي عند بيتهم (بيت الجيران يعني) فانا حبيت اتفرج بس مارضتش اروح عندهم قلت اتفرج من قدام بيت جدي المهم انتوا عارفين بقي الولاد الصغيرين اي حاجه ع الارض بتلفت نظرهم فانا لفت نظري حاجه زي الخرطوم كده جمب السور بتاع جدي (كان فيه رمل طيني بطول السور مرصوص جمبه بسيط يعني ) فالمهم انا قلت اخد الخرطوم ده والعب بيه :028ja7: او ابقي استخدمه لو حد دايقني المهم الدنيا كانت ضلمه الي حد ما لان الفرح كان بعد العشاء ووطيت عشان امسك الخرطوم اول مالمست الخرطوم عينكم ماتشوف الا النور لقيت الخرطوم اتحرك واستخبي في الرمل اللي جمب السور طلع ثعبــــــــــــــــــــــــــــــــــــان:bosyht9: بصراحه كنت في موقف لا احسد عليه وقلبي وقف اشد من وقفه العجله في الموقف السابق يعني التعبان كان ممكن يبهدلني لولا من ستر ربنا ما اردش انه يلدغني وفضل انه يتواري في التراب بجد بحمد ربنا ا نه عدي الموقف ده علي خير ومن يومها بقيت احرم امسك حاجه مش شايفها كويـــــــــــــــــــس:d |
ههههههههههه المواقف كلها تضحك اوي و الله ..
مش فاكر دلوقتى مواقف بس لو افتكرت هكتب :) شكرا على التوبيك يا مستر |
اقتباس:
الله يكون في عونك يا هاني:p اقتباس:
مرورك اسعدني وان شاء الله ننتظر منك مزيد المواقف تحياتي العطرة المتعطرة:078111rg3: |
ههههه مواقف جميلة جدا بس مواقف العجلات دي ضحكتني اوي :d حمدلله على سلامتك يامستر وأ/ هاني معلش المسامح الكريم مع انه ولد مفتري :d ههههه مش فبالي موقف حاليا لو افتكرت حاجة هدخل اكتبها وشكرا عالموضوع الرائع |
الموضوع جميل اوووووووووى
|
اقتباس:
هههههههههههههههههههههههههههههه وبعدين بقا أنا برده حصل معايا موقف مشابه ل ده :006et4: وبرده فى الشرقية :d وأنا صغير أوى .. قبل ما أروح المدرسة كنت بلعب لوحدى عند المدرسة اللى جنب بيت جدى .. ولقيت سلك كبير على الأرض وطويل .. قمت رحت مسكت السلك وشديته .. ويا لهوى على اللى حصل لقيت نفسى اتشلت واترميت فى الأرض :o وانا مش فاهم ايه اللى بيحصل أبص لسلك .. طرفه مشبوك فى العمود من فوق والطرف التانى على الأرض :o وأنا إلا مصصم أشده وأخده معايا البيت ألعب بيه ;) شديته مرة تانية .. نفس النظام .. لقيت نفس اترفعت لفوق .. لدرجة انى شفت حوش المدرسة .. ومن وأنا طاير فى الهواء :006et4: اتكرر الحكاية دى كمان مرتين ..وأنا اتشال واترذع فى الأرض بقوة ...:o وفى الاخر .. خدت بعضى وطلعت جرى على بيتنا ... وطبعا ايديا باظت فى بعضها .. وتعبت أوى من كتر الوقعات الكتيرة دى بس اللى استفدته .. انى عرفت ان فيه حاجة اسمها كهرباء ;) وممكن تموت وكمان عرفت تفسير منطقى ل لعبة كنا بنلعبها ومش فاهم اسمها .. اللعبة دى كان اسمها كهربة ;) |
اقتباس:
ههههههههههه طب كويس ان حضرتك قلتلنا على الاختراع دا عشان كنت لسا معرفهوش |
هههههههههههههههههه
عسل والله يا هانى ههههههههه انا مش قادره ابطل ضحك من ساعه ما قرات كلامك ده ههههههههه شكرا ع الضحك الجميل ده ع كده لو الواحد زعلان يدخل هنا فى الموضوع ده حيموت من الضحك اشكرك مستر محمد ع الموضوع الجميل |
اقتباس:
وبرضو مش هنعديهالك كده لازم تيجي تاني تقوليلنا موقفين تلاته كده من اللي عندك:d :stickjo4: اقتباس:
اقتباس:
لا استني بقي عليا هجيبلك موقف ماحصلش مع حد غيري بس الصبر:d وحمدلله علي سلامتك من الكهرباء:022yb4: اقتباس:
بس لسه ماشوفناش مواقفك ليه:confused: |
امممممممم ده الموقف اللى فاكره
كنت من شهر كده واقفه انا واصحابى فى حوش المدرسه وانا طبعا فى قلبى حقد وكراهيه للمديره ايه متعدش قمت عامله اتكلم عليها وقول بتعمل وبتعمل ودى ودى وبطلع كل اللى فى قلبى لقتلك صاحبى مره واحد سكتوا وبيقولوا لى احنا ملناش دعوه ولا نعرفك وانا اقول فى ايه ؟ وادعى على وفديه (المديره) قاموا صاحبى قالوا ايه اهلا يا مس وفديه وانا ببص ورايا لقتها بتضحك عليا وبتقولى روحى يا حبيبتى كأنى متمعتش حاجه ايوه اتحرجت اوى بس كويسه انها سمعت اهو أى موقف حروح اتغدا وافتكر موقف وارجع اقول لكم |
شكرا لك يامستر على هذا الموضوع الرائع ، و الحقيقة أنا ضحكت كثير اوى على المواقف اللى انتوا حكيتوها و دا حيشجعى أنى أحكى عن المواقف اللى حصلت لى زماااااااااااااااااان زماااااااااااااااااان أوى مرة وانا فى ابتدائى كنت بأدور على علبة الالوان بتاعتى ومش لاقيها ، و أنا كان عندى هواية غريبة أوى أنى أطلع فوق الدولاب ورغم انى عندى فوبيا من الاماكن العالية ، الا أن دا كان شئ بيبسطنى، أو جايز كان نوع من التحدى لاحساسك بالخوف المهم ما أطولشى عليكم طلعت فوق الدولاب ، و لفت نظرى حاجة تشبه علبة الألوان على اللمبة النيون ، و جبت خشبة وحاولت انى انزلها من فوق اللمبة ، و بعد محاولات شاقة جدا وقعت على الأرض ، طبعا لقيتها مش علبة ألوان ولا حاجة لكن كان الترانز بتاع اللمبة النيون ، طبعا أخدتها وخبيتها ،و لما جاء الليل طبعا والدى حاول ينور النور ما أمكنشى ، و انا قاعد مرعوب وخايف أقول اللى حصل ، المهم اللى فاكره أن أختى فتنت عليا وقالت له اللى حصل ، و دى كانت أول مرة آخد فيها علقة معلهش طولت عليكم ، و دى كانت أول مرة أعرف أن اللمبة بيبقى ليها ترانز |
قصة يحكيها الشيخ الشعراوى.....
http://www.moheet.com/image/20/225-300/203812.jpg
قصة يحكيها لنا الشيخ الشعراوى يقص علينا الشيخ الشعراوي حكاية "لا ينساها" ..يقول "كنت في بلدنا دقادوس .. وكان والدي قد أعطاني ريالا فضة أخذته وأنا في طريقي للسفر إلى القاهرة. ونزلت في محطة بنها لآخذ القطار الى القاهرة. وفي المحطة وضعت يدي في جيبي فلم أجد الريال الفضة.. واحسست بالضيق .. فلم يكن معي غيره. وقفت حزينا ..ماذا أفعل؟ وقفت أتلفت حولي في ضيق وقلق بحثا عن انقاذ .. ولمحت رجلا "بعمامة حمراء" وهو قادم من بعيد . وقلت لنفسي ..لعل هذا الأحمدي ينقذني ! فالعمامة الحمراء يرتديها عادة شيوخ واتباع الاطريقة الأحمدية ..طريقة سيدي أحمد البدوي. يكمل الشيخ: كنت أتصور أن الرجل سوف يبطئ من خطواته .. عندما يتطلع إلى و يرى حالي .. لكنه مر من أمامي ولم يلتفت لي. ووجدتني أقول لنفسي: إيه يا سيدي أحمد! أنا كنت باحسب أنك باعت لي نجدة! وقبل ان اتمهما لمحت علي الأرض ريال فضة, فأسرعت وأخذته وركبت القطار. ومرت الأيام ..وبعد سنتين سافرت للعمل في مكة المكرمة ..وفي الأجازة وفي محطة بنها لمحت الرجل الأحمدي وتذكرت الريال الفضة..فأسرعت إليه وأخرجت عشرة جنيهات وهي مبلغ كبير في ذلك الوقت..وفؤجئت به يبعد يدي عنه ويقول: أنا عايز الريال الفضة بتاعي! وانصرف واندهشت .. ويضحك الشيخ ويقول "يخرب عقلك ..هو انت بتاع الريال الفضة". يقول الشيخ أن البعض قد يستمع إلى هذه الحكايات وينكرها , لكن الأنسان الذي يعيش مع الله في صفاء لا تشغله فيه أمور الدنيا لابد أن يرى ما يجعله يصدق هذه المسائل. .. ومن يكذب فهو معذور لأنه لم يذق! والذي لم يري لا حجة له عند نقد من يرى. هذه حكايه من نوادر فضيلته أردت أن أخصكم بها وشكرا على هذا الموضوع الرائع |
اقتباس:
كويس انك طلعتي من تحت ايديها من غير ماتقولك حاجه اظن بقي بعد المسامحه بتاعتها دي يا زوزا تغيري شويه من وجهة نظرك فيها يكفي انها مش عاقبتك ع الكلام ده صح ولا ايه؟؟ |
اقتباس:
هههههههههههههههههههههههههههههههههههههه استاذي الفاضل استاذ ايمن موقفك مضحك جدا رغم محاولاتك في تكتم الامر اختك افشت السر:d بصراحه انا ملاحظ حتي معايا برضو وانا صغير ان الاخ واخته دايما بيحبوا يفتنوا علي بعض:d نورت موضوعي والله استاذ ايمن بمشاركتك اللطيفه وارجو الا تحرمنا من عديد ومختلف المواقف فشخص مثلك في حجم خبرتك اكيد له مواقف عده لك مني التحيه والتقدير ومن قلبي الشكر والعرفان:078111rg3: |
اقتباس:
هههههههههه لا ماهى المديره خلاص حفظتنى كل شويه تلقينى بتكلم عليها موقف تانى معاها برضه أثناء الطابور وفى الاذاعه بنت غنت أغنيخ بتاعت الشهيد فصحبتى ابن خلها واخوها فى الرضاعه مات شهيد فى الثوره قامت عيطت قامت المديره بتقول لها انتى بتعيطى ليه فيها ايه لما يموت يعنى قمت انا قولت لها (اللهى يموت لك أى حد علشان تعرفى هى بتعيط ليه وبالمره تريحينى منك) قام ع اخر اليوم لقيت المدرسين بيقولوا فين عزه؟ قولت لهم نعم قالوا لى انتى بركه ميس وفديه أخوها مات واخذت اجازه اسبوع علشان مسافره القاهره هههههههههه طبعا قعدت أضحك بطريقه غريبه ايه رايك بقى ؟ محدش يكلمنى علشان مش ادعى عليه |
اقتباس:
ان الواحد ممكن ينكر هذه القصه عشان كده انا كتبت في خلال موضوعي والتي يبدو منها خيالي عند البعض لعلمي اليقين ان من الاعضاء من قد يكتب قصه لا يصدقها احد ولكنها حدثت بالفعل فاردت ان امهد الطريق لذلك حتي يسهل علينا تصديقه كما اعجبتني كلمه ان من لم يري لا حجه له عند نقد من يري روووووعه ،، بارك الله فيك اخي الكريم ولكن لا تنسنا من مواقفك انت وانا بانتظار احد ماوقفك ولن اتنازل في طلبي ذلك:stickjo4::d أسعدني مرورك الطيب وتقبل جل احترامي وخالص تقديري:078111rg3: |
اقتباس:
لا حس كده بقي انا لما حد يضايقني اجيلك تدعيلي عليه شويه اهو تكسبي ثواب في مستر محمد:d وبالمرة ادعيلي بقي طالما سرك باتع كده لأ وايه بسرعه كمان اسعدني مشاركتك جدا ،، تحياتي:022yb4: |
موضوع رائع يامستر انا كنت متابعة مع حضرتك الجزء الاول وليا مواقف فيه كمان:d كلها مواقف جميلة جدا ومضحكة الواحد كان محتاجة ليها جدا بس صراحة حاليا مش متذكرة اى موقف اول ما افتكر هقوله باذن الله بارك الله فيك :) |
اقتباس:
|
انا هحكيلكم موقف كده وانا صغيرة من ايام الطفولة وما ادراكم وما ايام الطفولة:confused: كانت ايام سوده اصلى كنت هادية اوى:p وانا صغيرة وطولى معداش شبر ونص:d مش عارفة هى البانيوهات كانت طالعة موضة ولا ايه بالظبط:d وفى يوم خرجت ماما مع تيتا وانا اساسا كنت عند تيتا فى بيتها كنت مقيمة عندها اربعة وعشرين ساعة كنت طفلة غتتة بئا:p وماكنشى معايا حد وهما افتكرونى كبيرة وعاقلة:romarioxp6: وهما خرجوا من البيت من هنا وانا عملت اتصالاتى وجمعت العيال اللى عرفهم واللى معرفهمش:p انتوا عارفين زمان كان نزول الشارع سهل وانك تكون علاقات مع العيال الشبر ونص اللى ادك فى غاية السهولة:039uw8: المهم اتجمعوا العيال وملينا البانيو ميه ونزلنا بهدومنا وعملناه بحر:p والشامبو خلص والصابون راح والاهم من كده سبت الميه مفتوحة:p وفجأة الباب خبط لقيت ماما جت وتيتا وشافو المنظر:o وتيتا وماما جالهم حالة فزع :o من اللى شافوا طبعا مش متخيلين الموقف:bosyht9: طبعا اليوم ده ميتنسيش لانى اخدت علقة محترمة:d احم احم انا قلت علقة متخدوش بالكم:p |
ههههههههههههههههههههه
يضحك اوي موقف البانيو ده .. |
اقتباس:
وانا كنت متابع مواقفك برضو في الجزء الاول وان شاء الله هتابع مواقفك في الجزء الثاني ،، اشكرك علي المرور العطر الذي امتعنا ،،دمتم دائما بخير حال تقبلي تحياتي:022yb4: اقتباس:
هههههههههههههههههههههههههههههههههه يلا تعيشي وتفتكري اكيد كلنا واحنا اطفال اخدنا علقة زي دي من النوع اللي قلبك يحبه :blush::bosyht9: اسعدني مرورك ومشاركتك الجميله ،، اسعدني مرورك تقبلي جل احترامي وتقديري وربنا يوفقك اللهم امين:022yb4: |
اقتباس:
بصرف النظر عن العلقة :stickjo4::stickjo4: اهم حاجة انك انتى وعيال الجيران طلعتوا تصيفوا :( |
اقتباس:
بصراحه يا هاني تعقيبك لا يقل جمالا وروعه عن الموقف نفسه:d تحياتي:022yb4: |
اقتباس:
اه طلعنا صيفنا وكانت الشمس حامية اوى اصل احنا كنا معتبرين النور هو ضوء الشمس:p بس يارتنا ماكنا صيفنا عشان انا دفعت تمنها لوحدى واخدت علقة ومفيش حد شاركنى فيها:d وماما مش فاهمة وجهة نظرى وهى انى كنت عايزة اوفر لها تمن المصيف على اساس انى مدبرة يعنى:d |
اقتباس:
يا ريت الواحد عاش حياته كلها وهو طفل كانت الحياة هتبقى أجمل بكتيييييييير :( |
شكرا لحضرتك علي الموضوع أكثر من رائع
هحكي علي موقف حصلي : كان فيه واحد صحبي عيان كان في مدينه اسمها الخانكه انا عارفها بس معرفش مكان صديقي دا المهم ان الخانكه دي فيها مستشفي المجانين (الامراض العقليه ) فالمهم صحبي دا قالي انا بيتي عند المستشفي هناك بس أسأل عليا وهما هيدلوك علي بيتي فروحت قودام المستشفي ملقتش حد خالص الا واحد بس منظره كالأتي : لابس جلابيه نص كم وقصيره خالص ولحيته جايا لحد باطنه وشعره كبير فقولتله لو سمحت ممكن تقولي بيت كذا كذا لاني مشفتش غيره فراح قالي اانت عاوزه في ايه ههههههههههه انا استغربت قولتله هوا تعبان وجاي ازوره فلقيته مره واحده كده فضل ينط ينط ينط يوقعد يقولي الاسماعيليه ضربت في السويس الاسماعيليه ضربت في السويس ههههههههههه انا بصراحه كنت هوقع من طولي من المنظر الي شوفته في الاخر طلع دا من المستشفي بس بيخرجوهم عادي ويرجعوا تااني للأسف |
اقتباس:
يعني المستشفي بتخرج العيانين بتوعها يشموا نفس لي قفانا احنا ناقصين حد يقتلنا ولا يعورنا كويس انه رد عليك باحترام وماعملش كده:slap1qk6: موقف مضحك جدا اشكرك حبيبي ع المرور الذي امتعتنا به وتقبل مني خالص التحية والتقدير:078111rg3: |
اقتباس:
قول لزمان ارجع يا زمان:d |
هههههههههههههههههه الاسماعيلية ضربت فى السويس :d
|
اقتباس:
ههههههههههههههههههههههه وبعدين فى الموضوع اللى هيموتنى من كتر الضحك دا :p |
مشكووووووووووور ع الموضوع
|
اقتباس:
قولتله .. بيقولى والله منا راجع :bosyht9: |
اقتباس:
هههههههههه هوا كان هيعمل كده بس انا لحقت نفسي الحمد لله وشكرا علي الموضوع |
اقتباس:
تخيل انت ان الموقف دا كان حصل معاك كنت هتعمل ايه ؟؟ :p:p |
مرة واحد صحبي كان فى النادي .. قام شاف ولد كده عنده حوالي 12 سنة بيلعب كورة
فصحبي لبس نضارة شمس و كان معاه أجنده كده .. و راح للولد قاله انت موهوب يابني " أكتبلي اسمك فى ورقة , و هات شهادة ميلاد و صورتين و البس طقم لعب و تعالى بكرة الساعة 10 الصبح " و ياعينى صحبي كان هناك و شاف الواد من بعيد و معاه ورق و مظبط نفسه و جاهز انه يلعب فى نادي كبير .. :( بس ساعتها قولنا لصاحبنا حرام عليك تعشم الواد كده بس هو قال انا كنت بهزر مكنتش فاكره هيجيب الحاجات دي فعلا .. هههههههههههههههههه بس يلا الواد أخد زومبة :d مع انه صعب عليا |
اقتباس:
هههههههههههه صحبك مش وقعله علي التيشرت ولا ايه ههههههههه |
اكيد الولد ده حرم يلعب تانى من بعد الزومبة:d
|
اقتباس:
هههههههههههههه و الله ممكن يكون عملها ده الولد صدق خالص انه مدير فني مثلا و هيكتشفه :028ja7: اقتباس:
ههههههههههههه أكييييييييييييييييد :romarioxp6: |
اقتباس:
واللي مش يعيشها بكامل جوانبها يبقي اتحرم من حجات كتير وممكن تعمل عنده عقده في الكبر اقتباس:
اقتباس:
اقتباس:
وننتظر منك المشاركه باي موقف،، تقبل عظيم تحياتي اقتباس:
اقتباس:
مرورك هو ما يحتاج الشكر ،، تقبل تحياتي:022yb4: اقتباس:
للولد ع الحقيقه بعد الزومبه طب يقوله انا كنت بهزر ياحبيبي ويطبطب عليه زمان الواد اتعقد وبطل يروح النادي،،تحياتي:022yb4: اقتباس:
|
هههههههههههههههه زمان الواد اساسا فى النادي لحد دلوقتى مستني .. :d :d
|
اقتباس:
هو مش موقف اوى بس عاوزه اسأل حضراتكم على حاجة انا كنت مرة راكبة ميكروباص والميكروباص دا خبط واحد شكله فقير اوى كدة المهم ان البنات اللى كانت موجودة قعدت تعيط وانا مصدومة مش بتكلم و السواق نزل والناس كلها نزلت تشوف الراجل دا وقعدو يرشو على وشه ميه و يشمموه ريحه وهو مفيش اى حركة المهم اتصلو بالاسعاف والاسعاف كانت قريبه من المكان دا وجه الرجل بتاع الاسعاف وقال استنو بس لما انادى لصاحبى وقعدو يتشاكلو مين يسوق و بتاع الاسعاف دا بيقول مين السواق قاله انا بكل بجاااحة اللى عاوزه اسألكم فيه بقى تفتكرو السواق دا مش خايف ليه ليه بيقول انا بكل جرأة ومش خايف من اللى عمله انا فى اعتقادى انه مش خايف لانه لاقيه راجل بسيط وفقير وحتى لو مات مش هيلاقى حد يحامى عنه دا يمكن اهله حتى ميقدروش يدفعو اتعاب المحامى وليه الراجل بتاع الاسعاف دا بيتباطئ ومش همه فى اعتقادى برضو عشان كأنه مصيبه وجاتله ولو مات مين هيدفع تمن كفنه وكدة لكن لو كان حد غنى او حد فى مركز مرموق كان خده بسرعة جداااااااااا للدرجة دى لسا فى ناس بتحترم بعضها بمقدار الفلوس اللى معاها دا تفسيرى للموقف دا ياترى حد عنده تفسير غير كدة |
افتكرت كذا موقف نبدأ باول موقف فى الحقبقة هو من اكثر المواقف غموضا وغرابة فى حياتى:excl: كنت رايحة فرح ناس قرايبنا لما وصلنا عند القاعة نزلت انا واختى الصغيرة من العربية كنا مع زوج اختى وهو كان هيركن وبعدين وانا واقفة مع اختى لقيت ستات وبنات قاعدين فى عربية جنبنا وعمالين يشاوروا عليا ويبتسموا ويتكلموا:friendsxs3: صراحة انا استغربت ببص ورايا مفيش حد حاولت انى ادير ضهرى مفيش فايده;) واختى عماله تضحك بقولها هو فستانى مسروق ولا ايه:d ههههههههه المهم قولت يمكن ناس قرايبنا وانا مش اعرفهم وقولت لنفسى اكيد هنشوفهم فى القاعة لقيتهم نزلوا من العربية وبعدين وقفوا مع بعض كده شوية قدامنا يشاوروا ويبتسموا لى فقولت ابتسم ليهم وخلاص:) وبعدين مشوا وخلاص ومشفتهمش بعد كده لحد دلوقتى وانا نفسى اعرف مين دول:) |
| جميع الأوقات بتوقيت GMT +2. الساعة الآن 07:55 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.